CALIFORNIA EXPERIENCES – 2018

تجارب الولادة فى أمريكا – كاليفورنيا 

 

التجربة الاولى 

انا ولدت من شهر الحمدلله

تجربتي من البداية سافرنا انا و جوزي عالبريطانية و نزلنا ترانزيت مطار شيكاغو و بعد كدة الولادة كانت مع دكتور علي حمزة ولدت قيصري كلفت ٧٠٠٠$ تجربتي معاه كويسة خالص و مافيهاش اي مشاكل 

والمستشفي والتمريض كانوا كويسين جدا بعد الولادة في المستشفي ادونا ابلكيشن نملاها عشان شهادة الميلاد و روحنا سلمناها للمكتب اللي بيطلع منه شهادات الميلاد في سانتا انا عملنا ٣ نسخ النسخة ب ٢٨$ والاستلام بعد ٤ او ٥ ايام عمل و في خلال ١٥ يوم بيتبعت ال social number علي العنوان المكتوب بعد ماستلمنا الشهادة حجزنا ميعاد اونلاين في الجوازات

دة اللينك

https://travel.state.gov/content/passports/en/passports/information/where-to-apply/agencies/los-angeles.html

 

و كنا معانا تزاكر  بالسفر تاني يوم المقابلة عشان نستلم الباسبور في نفس اليوم بناخد صورة للبيبي وشهادة الميلاد وباسبور الاب والام وابلكيشن بنملاها اونلاين و نطبعها دة اللينك

https://pptform.state.gov/PassportWizardMain.aspx

 

الباسبور ب 160$ والاستلام بيكون بعد الساعة ٢ في الوقت دة طلعنا عالسفارة المصرية وثقنا شهادة الميلاد وترجمناها ب 50$

دة عنوان الجوازات والسفارة المصرية بلوس انجلوس الاتنين قريبين من بعض

Los Angeles Passport Agency

11000 Wilshire Blvd #1000, Los Angeles, CA 90024, USA

+1 877-487-2778

 

https://goo.gl/maps/abvwpM2Dweo

6300 Wilshire Blvd

6300 Wilshire Blvd, Los Angeles, CA 90048, USA

 

https://goo.gl/maps/JMXqrB1A2vz

 

السكن كنا حاجزينه من airbnb في سانتا انا دة لينك المكان اللي قعدنا فيه حلو جدا

http://abnb.me/EVmg/6vWwO9MAVF

 

بالنسبة للخروجات والفسح

 

دة لوكيشن ديزني لاند والناحية التانية في وش البوابة  تعدوا الشارع في مطعم اوبن بوفيه بردو اسمه  captin kidd الفرد ب 10 دولار

Disneyland Park

1313 Disneyland Dr, Anaheim, CA 92802, USA

+1 714-781-4636

 

https://goo.gl/maps/ZajPUPScLu42

Captain Kidd’s Family Dining

1550 S Harbor Blvd, Anaheim, CA 92802

+1 714-491-4788

 

https://goo.gl/maps/zgMoQRyptX52

 

دة سوبر ماركت عربي اسمه farmers و فيه مطعم بردو شغالة فيه واحدة اردنية بتعمل اكل حلو جدا  واسعاره حلوة

Huntington Beach Farmers Market

15881 Gothard St, Huntington Beach, CA 92647, USA

+1 714-892-8600

 

https://goo.gl/maps/uzAZfRBBWhG2

 

جنب السوبر ماركت سوق  بيفتح سبت و حد في ساحة جامعة اسمها golden west فيه كل حاجة جديد و مستعمل اسعاره رخيصة جدا

Golden West College

15744 Goldenwest St, Huntington Beach, CA 92647, USA

+1 714-892-7711

 

https://goo.gl/maps/ErPozXeGg1u

 

The Outlets at Orange

20 City Blvd W, Orange, CA 92868, USA

+1 714-769-4001

 

https://maps.google.com/?cid=6687332254280152314&hl=en&gl=gb

 

دة اوتلت

3333 Bristol St

3333 Bristol St, Costa Mesa, CA 92626, USA

https://goo.gl/maps/eLW7w9cEwg72

دة مول كبير فيه كل البراندات في كوستا ميسا

 

MainPlace Mall

2800 N Main St, Santa Ana, CA 92705, USA

+1 714-547-7800

 

https://goo.gl/maps/RF8vrUT2Gh42

المول دة كان جنب السكن بتاعنا اسعاره حلوة في سانتا انا

 

دة عنوان الشاطئ و يوم التلات بيبقي الشارع الرئيسي كله خيم بيتباع فيها حاجات المكان تحفة سواء  صبح او ليل

301 Main St

301 Main St, Huntington Beach, CA 92648, USA

 

https://goo.gl/maps/HmbygwDGe862

دة اوبن بوفيه سي فود ومشاوي تحفة الفرد ب 16$

The Luxe Buffet

2008 Westminster Mall, Westminster, CA 92683, USA

+1 714-372-3988

 

https://goo.gl/maps/zpTyuFKNmLJ2

 

في محلات 99cent فيه كل حاجة بدولار و خضار و فاكهة المحل دة موجود في كل حتة تشوفوا اقرب مكام ليكم عال gps

 

مستلزمات  البيبي من walmart او target موجودين في كل حتة بردو

 

التجربه الثانية

 مساء الخير

انا ولدت في شهر ديسمبر ٢٠١٧ والحمدلله

تجربتي من البداية …

 

بحثت لقيت شركتين بيساعدوا في الموضوع ده من بداية وصولك للمطار لحد ما بترجع بالبيبى , الشركه الأولى اسمها بيكيرز وديه بتتعاقد مع دكاتره في كاليفورنيا والشركه والتانيه اسمها النيل الأزرق وديه بتتعاقد مع دكاتره في فلوريدا.. وفعلا اتواصلت مع الاتنين وكانت كاليفورنيا ارخص .. لكن بعد تفكير لقيت ان ممكن اوفر العمولة بتاعتهم واتعامل مع الدكاترة والمستشفيات مباشرة.

 

وفعلا لقيت دكتور اسمه مجدي رزاق في تكساس اجمالى القيصري عنده (9400 دولار تقريبا) وسكن قريب منه بي (١٨٠٠ دولار شهريا) ولكن لظروف الإعصار سعتها اضطريت اشوف ولايه تانيه واللى هى كانت كاليفورنيا .

دورت كتير في كاليفورنيا وعرفت دكتور على حمزه من أصل ايراني لكن كان نفسي في دكتور بيتكلم عربي وفعلا فضلت أدور لحد ما ربنا كرمنى بدكتور هشام المقدم .

خليت الدكتور بتاعى في مصر يعملي تصريح سفر وكتب انى في الأسبوع ٣٠ لكن الحقيقه محدش سأل عليه ولا طلعته من شنطتى أصلا.

 

نصائح الدكتور للسفر مسافه طويله كانت:

شرب سوائل كتير والتمشيه كل شويه في الطيارة وادانى حقنة سيوله اسمها كليكسان قبل السفر وادانى مثبت حمل احتياطي برده قبل السفر بساعتين وطبعا سألته عن خطورة جهاز ال X ray قالى الاجهزة فوق البنفسجية هى إللى خطر لكن أجهزة المولات والمطار إللى بتكشف عن المعادن مفيهاش خطورة لكن في نوع جديد الاجهزه عباره عن غرفه مغلقه شبه الاسطوانه إللى نقف فيها ونرفع ايدينا لفوق كده هى ديه إللى خطر جدا على الحمل وعلى الجنين سواء الجنين في البطن او لسه مولود وفعلا كنت خايفه جدا ااقابل الجهاز ده وانا مسافره لكن الحمد مقبلتوش وانا مسافره لكن قابلته وانا خارجه من امريكا وهما رفضوا يدخلونى علشان البيبى وعدونى على الجهاز العادي والحمد لله.

 

المهم حجزت طيران اول يوم في التاسع وسافرنا انا و جوزي على الخطوط التركيه و نزلنا ترانزيت مطار اسطنبول م. مطار اسطنبول كبير وزحمه جدا وشعب تركيا بطبعه ناشف وسخيف وفعلا غلسه علينا شويه والتفتيش كان بزياده بس عدت ومحدش اتكلم معايا  ، الحمد لله وصلنا كاليفورنيا

كنا مأجرين عربيه اون لاين ومكان استلامها المطار خرجنا سألنا على باصات شركات تأجير العربيه و ديه باصات بتوصلك لمكان الشركه إللى انت مأجر منها العربيه بياخدك يوصلك لحد الشركه تخلص الإجراءات وتدفع بالكريدت كارد وتستلم العربيه وترجعها وانت مسافر

احنا حاجزناها شهر بي ١٢٠٠ دولار ومدينا يوم واحد بالتليفون ..

السواقه هناك سهله لان فيه قوانين ونظام والكل بيتحرك بال GPS والتأجير بأي رخصة سواقه المهم تكون مكتوبه بالانجليزي او تترجم احنا اجرنا برخصة السواقه المصريه.

اشتريت خط اول ما وصلت وهناك هما شركتين بس إللى بينفع تشتري منهم خطوط بتاشيرة السياحه شركة T mobile والتانيه مش فاكره اسمها بصراحه (الخط ده مهم ولازم تشتريه)

اتصلت بعبادة دكتور هشام وكان او معاد فاضي في عيادة ريفرسيد .. دكتور هشام عنده عيادتين:

الأولى: في منطقة ريفرسيد

التانيه: في منطقة كورونا

 

وبيولد في ٣ مستشفيات:

الأولى: مستشفى بارك فيو وديه المبنى بتعها امام المبنى إللى عيادة هشام إللى في ريفر سيد.

التانيه: مستشفى ريفر سيد .

الثالثه: مستشفى كورونا وديه غاليه اوي.

 

رحت اول معاد متابعه والحمد لله طمنى على كل حاجه .

اول يوم زياره في عيادة هشام دفعت ٢٢٠٠دولار شامل السونار والمتابعه والولاده سواء طبيعى او قيصري.

 

انا شخصيا كان عندي سكر حمل فكان بيتابعني كتير علشان السكر لو كان عالى كان هيولدنى في اي وقت.

من تانى زياره إللى هى كانت بعد ١٠ أيام من اول زياره حدد معاد الولاده بسبب ان السكر بيعلى.

 

انا كنت ناويه اولد في مستشفى ريفر سيد لكن هو جيه يحجز فيها قالى اول مكان فاضي بعد ٧ أيام وحالتك مش هينفع تستنى واقترح عليه اولد في مسشتفى بارك فيو ،، الحقيقه كنت قلقانه من المستشفى شويه لان ال review بتاعها مكنش عجبنى لكن توكلت على الله.

 

حجزلى تانى يوم باليل لكن قبل المعاد بساعتين لقيت المستشفى بتتصل بيه عاوزه تأجل المعاد لان مافيش سراير فاضيه الحقيقه رفضت وقلتلهم الكلام ده مرفوض لان إللى يأجل هو الدكتور مش انتوا ورحت رايحه في المعاد وهناك بما انك دخلت عمرهم ما هيرفضوك.

 

عملنا الإجراءات ودفعنا ١٦٥٠ دولار(ولاده طبيعيه) ٥٤٠دولار (تخدير) و ٣٠٠ دولار (ادويه مساعده) وقالولنا لو ولدتى قيصرى هنبقى ناخد بقية المبلغ بتاع القيصري.

 

الحمد لله على كل حال محصلش نصيب اني اولد طبيعي وولدت قيصرى بعد ما جالى هشام وخيرنى تستنى شويه ونحاول تانى بالادويه انك تولدي طبيعي ولا تتدخلى قيصرى.. طبعا من التعب والزهق قلتله لا يالله قيصرى.

هشام دكتور ما شاء الله ممتاز وخلوق ودكتور التخدير كمان كان اكتر من ممتاز والتمريض بقى مش قادره ااقولكوا قد ايه ممتازين واكتر من ممتازين كمان والمستشفى طلعت غير ما كنت متوقعه وطلعت كويسه جدا جدا عامله زي مستشفى كليوباترا عندنا كده ويمكن الطف شويه وديه من وجهة نظري.. وطبعا غرفة العمليات كان فيهما دكتور أطفال وجالى تانى قبل ما اخرج من المستشفى.

 

بعد الولادة في المستشفي ادونا ابلكيشن نملاها عشان شهادة الميلاد وبلغونا اننا نسأل عليها في المكتب إللى بيطلع منه شهادات الميلاد في ريفر سايد بعد اسبوعين وده أخدنا عنوانه منهم وهو مش بعيد عن المستشفى أصلا .. الحقيقه جوزي كان بيسال كل يومين تقريبا والحمد لله استلمناها في اليوم العاشر من الولاده بالظبط ، عملنا ٣ نسخ النسخة ب ٢٨$ .. بعد ٣ أيام من الخروج من المستشفى روحنا إسلامنا zero balance و لما رحت المتابعه بتاعتى مع هشام علشان يطمن على الجرح طلبت برده ال zero balance بتاع العياده.

 

كان فاضل السوشيال سيكورتى وده كان هيروح للعنوان إللى اتكتب في الابلكيشن وده كان عنوان صديق لجوزي عايش في كاليفورنيا وطبعا شخص موثوق فيه (لكن انصح اي حد مسافر انه يكتب في الابلكيشن في المستشفى انه مش عاوز يطلع سوشيال سيكورتى لأنه مالوش اي لزمه طول ما الطفل مش عايش هناك وده احنا معرفنهوش غير بعدين كنا فاكرين ان جواز السفر لازم سوشيال سيكورتى لكن ده برده طلع مش لازم) .

 

نفس يوم استلام شهادة الميلاد اتصلنا على الجوازات وحجزنا اول معاد متاح كان بعدها بيومين الساعه ٨ص.. الأوراق المطلوبة:

– تذكرة العوده

– أصل شهادة الميلاد وصوره

– صوره البيبى (وديه ممكن تصوره في اي فرع من صيدليات CVs او Walgreen بي ١٥ دولار الصورتين) بياخدوا صوره واحده ويكون البيبى مفتح عينه.

– جواز سفر الأم و الاب وصوره منهم

– ابلكيشن وده موجود هناك او اون لاين وتطبعه انا شخصيا عملته في الجوازات .(لو السوشيال مش موجود حط مكانه أصفار )

 

طلبنا جواز سفر مستعجل لان تذكرة السفر كانت تانى يوم دخلنا الساعه ٩ من النظام والرقي خلصنا وخرجنا الساعه ٩:٤٥ص ورجعنا تانى واستلمناه الساعه ٣ نفس اليوم.

دفعنا ١٨٠ دولار علشان مستعجل وعلشان طلبت ال passport card ده كارد بيسفره دول الكاريبي وكندا ويدخله امريكا من غير باسبور .

 

موثقناش الشهاده من السفاره المصريه وعادي لما جينا مصر ترجموا جواز السفر وطلعنا شهادة الميلاد المصريه.

 

دة اللينك الجوازات

https://travel.state.gov/content/passports/en/passports/information/where-to-apply/agencies/los-angeles.html

 

https://pptform.state.gov/PassportWizardMain.aspx

 

Los Angeles Passport Agency

11000 Wilshire Blvd #1000, Los Angeles, CA 90024, USA

+1 877-487-2778

 

السكن:

كنت حاجزه عن طريق airbnb في منطقة انهايم ٣ أيام وحجزت ٣ أيام خوفا من قلة الراحه واللى عملت حسابه لقيته فعلا مرتاحتش لان السرير كان متعب جدا جدا وغيرنا المكان وحجزت عن طريق airbnb في نفس المنطقه لكن المره ديه اتواصلت مع صاحب البيت عن طريق الشات ورحت شوفت المكان قبل ما ادفع وكان كويس جدا جدا واخدت المكان اسبوعين وكنت بروح لهشام بالعربيه لان منطقة انهايم بعيده عن ريفر سيد تقريبا ٤٠ دقيقه بالعربيه لكن علشان كنت عارفه ان فترة ما قبل الولاده مافيهاش حاجه تتعمل فضلت اسكن هناك لأنها منطقه جميله وفيها عرب كتير والمطاعم معظمها حلال وفيها كمان ديزنى والداون تاون يعنى منطقه مسليه من الاخر.

السكن في انهايم كلفني ٤٣دولار في الليله واعدنا ١٨ يوم هناك لحد يوم الولاده بعد كده نقلنا في موتيل جانب المستشفى days inn hotel الليله كانت ٦٥ دولار

وبعد ما استلمنا شهادة الميلاد خرجت مشينا من ريفر سيد تمام ورحنا لوس انجليس نفسها علشان نبقى قريبين من المبنى الفيدرالى إللى فيه الجوازات وده قريب من المطار وكان خلاص مافيش داعى نفضل في ريفرسيد خصتا ان الجوازات بعيده جدا جدا جدا عن ريفر سيد .. حجزنا ٣ أيام في فندق جانب المطار والمبنى الفيدرالي وكان بي ٩٥ دولار في الليله لكن هناك في موتيلات ارخص من كده اكتشفتها بعدين .. حجزنا تانى يوم ما استلمنا جواز السفر رجعنا العربيه واخدنا الباص وصلنا المطار ورجعنا ارض الوطن والحمد لله.

 

دة لوكيشن ديزني لاند والناحية التانية في وش البوابة تعدوا الشارع في مطعم اوبن بوفيه بردو اسمه captin kidd الفرد ب 10 دولار وبيعملوا fire works يوميا الساعه ٩ مساءا

Disneyland Park

1313 Disneyland Dr, Anaheim, CA 92802, USA

+1 714-781-4636

 

دة سوبر ماركت عربي اسمه farmers و فيه مطعم بردو شغالة فيه واحدة اردنية بتعمل اكل حلو جدا واسعاره حلوة

Huntington Beach Farmers Market

15881 Gothard St, Huntington Beach, CA 92647, USA

+1 714-892-8600

 

https://goo.gl/maps/uzAZfRBBWhG2

 

أشهر المطاعم الحلال في منطقة انهايم :

مطعم صحارى/ مطعم شجر النخيل / فرن الحاره / سوبر ماركت فريش فود / سوبر ماركت طيبات ) .

الاكل الحلال إللى بس ليه طعم

 

محلات وفسح:

 The Outlets at Orange

20 City Blvd W, Orange, CA 92868, USA

+1 714-769-4001

 

https://maps.google.com/?cid=6687332254280152314&hl=en≷=gb

 

دة عنوان الشاطئ و يوم التلات بيبقي الشارع الرئيسي كله خيم بيتباع فيها حاجات المكان تحفة سواء صبح او ليل

301 Main St

301 Main St, Huntington Beach, CA 92648, USA

 

https://goo.gl/maps/HmbygwDGe862

 

دة اوبن بوفيه سي فود ومشاوي تحفة الفرد ب 16$

The Luxe Buffet

2008 Westminster Mall, Westminster, CA 92683, USA

+1 714-372-3988

 

https://goo.gl/maps/zpTyuFKNmLJ2

 

في محلات 99cent كل حاجة بدولار فيه كل حاجة و خضار و فاكهة المحل دة موجود في كل حتة تشوفوا اقرب مكام ليكم عال gps

 

مستلزمات البيبي من walmart او target او Carter’s موجودين في كل حتة بردو

 

التجربة الثالثة

 مساء الخير عليكم جميعاً احنا موجودين في امريكا مرات ابني ولدت يوم التلات مع دكتور علي حمزه كنا داخلين علي ولاده طبيعيه لكن ربنا م اردش وولدت قيصري الدكتور كويس جدا المستشفي التمريض هايل واخلاق الجميع اكتر من رائعه والحمدلله كله تمام احنا ساكنين ف لوس انجلوس المسافه حوالي ساعه عن سانتا انا وف الزحمه بتكون اكتر افضل السكن ف سانتا انا ويكون معاكم عربيه افضل من الدفع في الموصلات لاننا اضطرينا نسكن ف اوتيل اربعه ايام المهم التكلفه كانت 1700دولار المستشفي التخدير600بيستلمها دكتور التخدير دكتور الاطفال400هو كمان بيستلمها علي حمزه قيصري2200 في تحليل بيعملوه برا المستشفي دا بيطلع خلال اسبوعين تلاته وتدفعوه لمركز التحاليل بعد م يطلع جلسنا في المستشفي يومين دفعنا فرق علشان العمليه1800دولار للمستشفي قالوا الزيرو بلنس نستلمه لما يقفلوا كل الحسابات بالنسبه لشهاده الميلاد في مسؤله في المستشفي تعدي عليكم وتاخد الابلكيشن بعد م تعبوه وتديكم كتيب بيشرح كل حاجه وبيبعتوا الورق علي مكان شهادات الميلاد قبل م نخرج عدينا عليهم قالولنا من خمسه لعشره ايام تخرج الشهاده افضل حاجه تعبوا الابلكيشن بعد الولاده ع طول علشان يتبعت في نفس اليوم لكسب الوقت واحنا وقفنا عند المرحله دي ولمانخلص بقيه الاجراءت حبلغكم بالباقي تمنياتي لكل بناتي الي ع ولاده بتسهيل اموركم جميعاً يارب وتكون ولادتكم سهله ميسره كل حاجه هنا كويسه ربنا يكتبلكم الخير من خبرتي الولاده في امريكا فرق كبير جدا عن الولاده في حته تانيه لان الممرضات ماشاء الله خبره كانهم دكاتره ويحطوا للام ممرضه وللطفل ممرضه ربنا يسهلكم كلكم الامر يارب

 

التجربة الرابعة 

·       السفر : اخر يوم في الاسبوع ال 34

o      طيران القطريه 

·       الاقامه :

o      ريفرسايد : Riverside

§         GUEST HOUSE –  ستوديو خاص بمطبخ و حمام و جنينه و مصفط للسياره

§       https://www.airbnb.com/rooms/19683747

§       10 ايام ب 523دولار

§       سجل من هنا للحصول علي خصم25$  : www.airbnb.com/c/yasserh438

§       تحدث مع صاحب الشقه DENNIS و قولو انك صاحب ياسر و زوجته و هيعملك خصم اضافي

§       االتقييم لمنزل 5 نجوم قوف الممتاز

§       المكان ممتاز للاقامه و المدينه بشكل عام غير سياحيه و بعيده عن الاماكن السياحيه

o      أناهايم : Anaheim

§        EXTENDED STAY – KATELLA AVE تكلفه الشهر 1980دولار و بعد الشهر 5 ايام كل يوم ب 59.99 دولار – بيشيلو الضريبه بعد متكمل ال 30 يوم

§       الحجز عن طريق موقع WWW.EXTENDEDSTAYAMERICA.COM

§       https://www.retailmenot.com/view/extendedstayamerica.com اكواد الخصم

§       كود الحجز  BUNN1 أو ACDEV  يعطيك من 30 الي 40 % خصم – شوف انهو كود ارخص

§       يوجد مطبخ شامل ثلاجه كبيره و ميكرويف و وبوتجاز كهرباء و مصفط سياره و فطار سناكس

§       قريب من الاماكن السياحيه

§       التقييم : 4 نجوم جيد جدا

o      المسجد للصلاه : Islamic Institute of Orange County

§       Islamic Institute of Orange Coun1220 N State College Blvd, Anaheim, CA 92806, USA

·       الدكتور : أمين فواز – ولاده طبيعيه

o       – 1590 دولار شامل سونار واحد مجانا + 20$ تحليل مسحه

o       التقييم

§        سيء في المتابعه المرضي و تركيزه ضعيف 

§        الولاده كان في مشاكل بالخياطه و فك الخيط و خيط تاني 

§         التقييم 1 نجمه سيء

·       المستشفي : ANAHAEIM GLOBAL MEDICAL CENTER – 2784دولار

o      التقييم : 5 نجوم ممتازه

·       تحليل الصفره:

o      CMB LABS ب 42 دولار

§       Doan & Doan: Doan Danette MD

§       10301 Bolsa Ave # 107, Westminster, CA 92683, USA

·       دكتور الاطفال : Patrik walsh  نفس مبني أمين فواز ب 110$ مع التطعيم و ياخذ منك 200$ ساعه الولاده

 

·       السيارة :

·       Turo.com

o      سجل من هنا للحصول علي خصم25$  : https://turo.com/c/yasserh15

o      شيفورليه اوبترا 2006ب 18$ باليوم – مشكلتها انك متحدد باميال https://turo.com/reservation/3023593

o      ممكن تشوف السيرات كلها ب 18 دولار من https://turo.com/drivers/3931146

o      و اجرت النترا 2016كان عليها عرض ب 22 دولار جاتلي لحد المطار بسواق https://turo.com/reservation/2871695

o      الموقع بشكل عام مشكلته الاميال المحدده و مكان استلام السياره , لازم تختار حد يبعتلك السياره لحد المطار مش Turo Valet  ,

o      التقييم : 3 نجوم جيد

 

·       VIPCARS.COM

o      اجرت منهم نيسان سنترا موديل 2018 ب 26دولار اليوم

o      ميزتهم يعطوقك تامين في سعر السياره و خصم ممتاز و الاميال مفتوحه

o      التقييم : 5 نجوم ممتازه

 

أرخص اماكن للتسوق في اناهايم :

·       الاكل و خزين المنزل خضار و لحوم و فاكهه :

Fresh Choice Marketplace, 9922 Katella Ave, Anaheim, CA 92804, USA

·       الفيتامينات :

 Sprouts Farmers Market, #2279, 1500 E Village Way, Orange, CA 92865, United States

·       الملابس :

o      Citadel Outlets, 100 Citadel Drive, Commerce, CA 90040, United States

o      The Outlets at Orange, 20 City Blvd W, Orange, CA 92868, USA

o      Burlington, 2840 S Bristol St, Santa Ana, CA 92704, USA

o      Walmart, 2300 N Tustin St, Orange, CA 92865, USA

o      Target, 2191 N Tustin St, Orange, CA 92865, USA

·       ملابس الرضيع و اغراضه:

o      Carter’s Citadel outlet, 100 Citadel Dr #424, Commerce, CA 90040, USA

§       لبس البيبي 90% من المحل ده و بيديك خصم 15% سجل عندهم و تابع الايميل

o      Carter’s Orange outlet, 20 City Blvd W #908, Orange, CA 92868, USA

o      buybuy BABY, 22999 Savi Ranch Pkwy, Yorba Linda, CA 92887, USA

§       اشتريت من BUYBUYBABY كل الاغراض جهاز شفط حليب افنت و معقم شيكو و ببرونات افنت زجاج و مصاصات و اكياس حفظ افنت و ترموميتر حراره و طقم حلاقه و نظافه كل حاجه و ادوني خصم 20% اتفقت علي كده قبل مشتري. هيبقي ارخص من والمارت و تارجت.

§       خد بالك من الاجهزه لازم تشتغل 220فولت

·       الكافيهات و المطعم:

o      El Mahroosa Restaurant & Café

• • • Address: 930 S Brookhurst St, Anaheim, CA 92804, USA

 

·       السترولر :

o      سييرا ترادينج : https://www.sierratradingpost.com/s~travel-system

§       موقع هايل اشتريت منو Graco Modes LX Travel System Stroller

·       طباعه تحاليل الحمل:

o      Anaheim Public Library Central Library

o      Address: 500 W Broadway, Anaheim, CA 92805, USA

 

·       الاماكن السياحيه:

o      Disney land

o      Universal Studios

o      Hollywood sign

o      Santa Monica Pier

o      Beverly Hills

o      Laguna Beach

o      Walk of Fam

o      Wax museum

o      Chinese museum

o      Genies Records

 

·       الاجرات بعد االولادة للمسافرين الكويت:

o      شهاده الميلاد : بعد 7 يوم تروح

Health Care Agency

Address: Santa Ana, CA 92701, USA

طلع 4 شهدات الوحده 28$

o      ختم ال CLERK  من Orange County Clerk-Recorder Department

Address: 12 Civic Center Plaza #101, Santa Ana, CA 92701, USA

عملت 3 ب 11$ الواحده

o      ختم ال Secretary of state

Address: 8585 Archives Ave, Baton Rouge, LA 70809, USA

ب 21 $ الورقi عملت 3

o      شحن الورق لشركه USLEGALIZATION.COM

§       صور من الباسبورات و الاقامات و المدنيات و شهاده ميلاد الطفل المختومه

§       أصل شهاده الميلاد المختومه

§       ورقه بيضه مكتوب فيها اسمك ايميلك عنوانك بالكويت و محتويات الظرف

§       Moneyorder بقيمه 210$ من محل Moneygram

·       Address: 1679 W Katella Ave, Anaheim, CA 92802, USA

·       لازم فلوس كاش

§       تبعت الظرف ده لاول يوم عمل قادم صباحا للشركه في عنوان عن طريق اي فرع UPS ب 27$

 Address: 1615 Bay Head Rd. Annapolis MD 21409
Tel: (410) 349 – 4900

·       الباسبور الامريكي و السفاره المصريه:

o      تخش الموقع ده و تختار DS11 Formfiller

§       https://travel.state.gov/content/travel/en/passports/requirements/forms.html

§       Save and print from your hotel

§       190$ الباسبور و كارت كده للبيبي . ممكن الباسبور بس ب 175$

o      تنزل بدري 5:45ص و تروح الباسبورات الطريق زحمه انا نزلت 6 وصلت 8 , كان معايا تيكيت بعد يومين و صور للبيبي 4 و شهاده ميلاد و الفورم المطبوعه تقدمهم و تاخد رقم و تخش جوا تقدم و ترجع تاني الساعه 2الظهر استلم مش لازم يكون   البيبي و الام معاك

o      تخلص و اطلع السفاره المصريه وثق و ترجم ب 50$

§       Address: 6300 Wilshire Blvd, Los Angeles, CA 90048, USA

 

 

·       الاجرات شهاده الميلاد المصريه من الاسكندريه: ( 23 جنيه حببتي يام الدنيا )

o      توثيق الشهاده من الخارجيه بسان ستفنو.

o      تروح مديريه الامن القديمه في ابو الدردار الدور الثاني

o      تشتري نموزج 42 و 28 و تملاهم

o      و تقدم صوره الباسابورات او البطاقتين مع اصل الشهاده المترجمه من السفاره

o      تستلم من اي سجل مدني في اسكندريه بعد 15 يوم.

 

 

·       اجرات البطاقه المدنيه للمولود بالكويت السالميه. ( توتال 163.5 دك)

o      بعد استلام الشهاده من DHL  (وصلت بعد 10 ايام الكويت )

o      توثيقها من الخارجيه الكويتيه ب 5 دينار طابع في الشويخ

o      الترجمه من مكتب بحولي ش بن خالدون(بصيرة للترجمة المعتمدة) ب 3 دينار الشهاده فقط.

o      تروح شؤون حولي تعمل طلب تحويل من فيزا سياحه الي اقامه عاءليه (صوره من المدنيتين و ازن العمل و شهاده الميلاد و صوره باسبور الطفل و أصل ترجمه الشهاده و باسبور البيبي)

o      تروح شباك 7 ل واحد اسمو بدر العبدلي و بعد ميخلص تدقيق تروح داخل الصاله تطلب رقم مدني

o      بعدها تطلع مستشفي صباح بعد متصور المعامله بعد الامضاء و و معاها باسبور الطفل و طابع 10 من هناك.

o      تخلص و بعد 12 بليل تشيك بالرقم الموحد بتاع الفيزا الدخول من موقع المدنيه PACI  لو طلع تروح الصبح الجابريه تطلع تامين الطفل بالرقم المدني بصوره المعامله و المدنيه و الفيزا ب 34 دينار و تختمها من تحت

o      ترجع مشرف تاني تدفع 100 دينار في الصاله اول طفل مع ايصال التامين و تروح ل شباك 7 تاني يعمل تدقيق و تقدم المعامله و الباسبور و تستلمو خلال نص ساعه.

o      تصور الاقامه و الباسبور ومدنيتين و ظرف المدنيه من جنوب السره و تختم الفصيله من مستشفي دار الشفاء ب 5 دينار و تقدمها بدري في جنوب السره او تقدم من الموقع PACI  لو مش مستعجل مصاريفها 5 دينار.

o      تستلم بعد يومين.

·       تطعيم الطفل ( مستوصف السالميه علي الداءري الرابع خلف المطافي ) تروح بعد 60 يوم من بطعيم الكبد الوباءي اللي عملتو في امريكا و يكون معاك كارت تطعيم امريكا و مدنيه البيبي ( مثلا 15-5 تروح 15-7 )

 

التجربه :

سافرنا نهايه الاسبوع ال 34 

مطار لوس انجلوس نزلنا كان السياره مستنيانا اخدتها و اشتريت خط AT&T ب85 دولار و شغلت ال GPS  و طلعت ريفر سايد الجست هاوس كنت حجزو كنت هروح مع هشام المقدم.

قعدت 10 ايام هناك منطقه ريفيه شويه مش سياحيه خالص و هاديه . زرت ممستشفي بارك فيو معجبتنيش كشكل . رحت اناهايم جلوبال مديكال سنتر كانت حلوه جدا فقررت انقل اناهايم عند امين فواز و تابعنا عندو بعد كده و نقلت اكستندد ستاي في شارع كاتيلا ربع ساعه من المستشفي او الدكتور.

اناهايم حلوه جدا و حيه و منها تطلع كل يوم مكان تتفسح , يوم الولاده دخلنا المستشفي بليل حجزو المدام و الساعه 12 بليل و كان امين فواز موجود بالمستشفي و قالي علي 10 الصبح يكون الرحم فتح . بس الساعه 4 الفجر كلموه و جه خلال نص ساعه و ولد المدام.

الدكتور بشكل عام تايه في المتابعه و لما جبته الفجر وقت الولاده كان نايم خالص و خيط الجرح و فكه و خيط تاني. ربنا سترها

موظفه التسجيل جاتلي الصبح و سجلنا البينات و راجعتها معايا و عملت سبميت نفس اليوم.

طلعنا من المستشفي و دفعت 2874$ و حجزت موعد مع دكتور الاطفال في العياده بعد 3 ايام عشان التطعيم ب 110$ اسمو باتريك و طلب تحليل صفره عملناه في CMB LABS  20 دقيقه من عندو ب 42 دولار

الولاده كانت يوم جمعه و شهاده الميلاد طلعت بعد 10 ايام لان فات عليا مرتين سبت و احد و دول اجازه عندهم.

اخدت شهاده الميلاد 4 نسخ الساعه 2 و رحت ختمتها من ال Clerk  و بعدين طلعت علي Secretary of state  ختمتها و بعدين حطيت صور باسبورتناو اقامتنا و مدنيتنا و اصل شهاده الميلاد و صوره عنها و moneyorder 210$ و بعتها عن طريق UPS ل شركه USLEGALIZATION.COM , طبعا الخطوه دي للمسافر الكويت.

تاني يوم اخدت المدام و البيبي رحنا الباسبور و معانا صورتين للبيبي خلفيه بيضه مافيهاش اي خيال و شهاده الميلاد الاصل و صوره التذكره بعد يومين , لازم تروح بدري الساعه 7 عشان تخلص بدري انزل من البيت 5:45 ص عشان الطريق زحمه جدا.

بعد متقدم اطلع علي السفاره المصريه وثق و ترجم الشهاده ب 50$ و ارجع علي الباسبورات تاني الساعه 2:30م عشان تستلم الباسبور .

يوم العوده رحت المطار بدري 3 سعات حجزت الكراسي ورا البيزنس عشان سرير البيبي طلب VAN ب 125 دولار من YellowCab +1 323-792-9494 معايا 5 شنط و 3 هاند باج و سترولر لايمكن يكفو عربيه وصلوني المطار وفي الناكسي جهاز كريدت.

 

و بالتوفيق للجميع …

 

التجربة الخامسة

التجربة الرابعة عشرة

سلام عليكم و رحمة الله و بركاته  الحمد لله ربنا رقني بإدم و رجعنا الرياض تجربتي
باختصار الطيران airfrance متساهلين جدا و كويسين و مش محتاجين تملوا form و لا حاجة بس المسافة فعلا طويلة و السفر متعب جدا لازم لبس مريح و حقنة السيولة مهمة جدا  مطار LA  بس زحمة جدا طول الوقت فبيكون فيه تأخير للخروج من المطار  الترانزيت كان في باريس مطار مريح و جميل جدا بس بيكون فيه random check للي مسافر امريكا و هو مش random و لا حاجة لو لابسة حجاب او مسلم او اسود فحيتعمل ليك   لوس انجلوس جميلة جدا بس السكن غالي علي الفاضي و في ضرايب علي الاكل و اللبس حتي كشف الدكتور لو حتدفع فيزا   كنت مع دكتور نعيم arjang naim و كنت بتابع معاه في مستشفي cedars sinai بس مولدتش فيها لانها غالية جدا جدا ولدت في مستشفي hollywood medical center اللي في الورقة دفعت للدكتور ٢٦٠٠ بدل ٣٠٠٠ لانه مش هو اللي ولدني كانت الدكتورة اللي منوابة بالمستشفي و مصاريف المستشفي تقريبا ٢٢٠٠ المستشفي كويسة بس حسيت اني في مصر مش امريكا دكتور الاطفال اخد ١٥٠ دولار و مرحتلوش متابعة لاني مرتحتش معاه خالص لانه كان مصر اني اقعد في المستشفي ٣ ايام علي الاقل بدون اي داعي اسمه دكتور بنجامين بهروزان شويه يقول الصفرة و هي النسبة مش عالية لا تستعي و شويه يقول نعمل مزرعة دم و اقعد لغاية ما النتيجة تطلع و ديه بتاخد يومين و يكتب في التقارير اني اصريت اطلع و الطلوع علي مسئوليتي و ان احنا بنعرض حياتنا للهطر و انوا شرحلنا و انا اللي اصريت عشان الفلوس الصراحة عصبني جدا بكلاموا اللي في الورق

 

مشيت علي اللي مكتوب في السايت بالنسبة للاجراءات استلمت شهادة الميلاد بعد ٣ ايام و الباسبور في نفس اليوم بعدها بساعتين عملت حجز علي الطيران السعودي بعدها بيوم بس مأجتش الحجز فاستلمته في نفس اليوم

وثقنا شهادة الميلاد من القنصلية المصرية و مش محتاج اي حاجة لدخوله السعودية حياخد رقم حدود في المطارو هو داخل و يتصور

 من الاماكن الجميلة في لوس انجلوس glendale and santa monica

للاولاد في santa monica في ملاهي pacific park في santa monica pier و disneyland و hollywood studies

و في parks كتير جميلة جدا يلعبوا فيها و historical museum

 مطعم جميل جدا رائع vegas seafood open buffet في glendale

Olive garden italian restaurant

Massis kabob at westfield mall

Panda express

Yoghurt land for frozen yoghurt

 Westfield mall century جميل
و شيك جدا كنا بنروح ناكل هناك dinning terrace

 قهوة blue bottle مفيش زيها

 لبس الاطفال من carter’s عاملين offers جميلة و لو مسجل معاهم بيبقي ليك لما تشتري بمبلغ يقولك ليك مثلا ٢٠ دولار في account بتاعك و في target

اولاد كبار من carter’s و old navy

في محل اسمه ross بيبيع كل حاجة الشنط عنده زي micheal kors ب ٣٠ دولار اسعاره تحفه

في السفر جبت حليب اطفال جاهز زي المستشفي موجود في cvs و target

في costco wholesale بس ده for members only عنده كل حاجة بسعر الجملة حتي البنزين جبت منه vitamins و ادوية و عنده كل حاجة

 و في تدريب سباحة للاولاد كان جميل جدا اسمه lenny krayzelburg swimming academy

 

التجربة الخامسة عشرة

 مساء الخير على الجميع

الحمدالله تم الرجوع لبلادنا مع طفلتنا الله يحفظها و يكمل للجميع على خير

تجربتى مع الولادة بكالفورنيا

التاشيرة

التاشيرة كنا واخدنها من سنه قبل الحمل

اختيار الولايه

تم التخطيط للولادة بكالفورنيا لان الجو حلو على مدار السنه

حجزنا على الخطوط التركيه واخدت كل التقارير الطبيه على الاميل 

تم السفر ٢٠ ساعه تعبنا شويه لطول المسافه الترنزيت كان باسطنبول 

الوصول مطار لوس انجلوس مطار كبير وزحمه 

خرجنا من المطار اشتريت خط موبيل من المطار لشركة اسمها Lycamobile كانت ب ٦٠ دولار مكالمات غير محدودة وانترنت ٥ جيجا
وبعد كدة روحت اخدت السيارة من شركة vip car كانت عامله اليوم ٢٧ دولار عداد مفتوح تامين عادى مش تامين شامل

اول يومين كنت حاجز بفندق extended stay وبعد كدة كنت حاجز جست هاوس عبارة عن غرفه وحمام ومطبخ كامل بمدخل خاص بيا بمنطقة ريفرسيد المنطقه دة هاديه وحلوة ومتوفر فيها كل شى بس العيب الى فيها انها بعيدة عن اماكن السياحه والخروج بس السيارة كانت مسهل كل الامور

 اختيار الدكتور

رحنا عند امين فواز فى الاول بس المدام ما ارتحتش معاه فى اول قاعدة وكان عايز الفلوس كلها من اول زيارة قلتله المرة الى جايه راح دفعنا ٢٠٠ دولار  وبعدها روحت عند على حمزة بس كل لما اروح ماكنتش بلقاه وكنت خايف احسن المدام تولد وخصوصا كنا دخلين على نهايه الاسبوع وبعدها قررنا نروح عند دكتور هشام وكان بمنطقه قريبه من مكان السكن ٢٠ دقيقه واتقبلنا معاه وكان بمنتهى الذوق والاخلاق واتفقنا معاه على الولادة وكان محدد يوم ندخل فيه المستشفى لعمل طلق صناعى ولكن والدة اتوفى قبلها بيوم واتصل اعتذر منا وقلنا لو حابين تدخلو ويخلى المساعدة بتاعته تقوم بالموضوع دة رفضنا وفضلنا ننتظر لما يحدد معاد تانى

يوم الولادة

المدام حست باعراض الولادة اتصلنا على دكتور هشام قلنا روحو المستشفى وهو هيتصل بيهم ويظبط كل شى روحنا للمستشفى بارك فيو وتمت الولادة ولادة طبيعى عن طريق الطبيبه المساعدة لدكتور هشام وكان للامانه يتصل يطمن عنها ويعتذر منا انه لم يحضر الولادة خرجنا باليوم التالى وكان كل فريق التمريض فى منتهى الحرفيه والاخلاق والمستشفى نظيفه بس الغرف ضيقه شويه

شهادة الميلاد

مليت بيانات شهادة الميلاد وقالولى بعد ٣ اسابيع تطلع بس دكتور هشام قالى اسبوع وروحت ا شوفها انا بعد ٥ ايام روحت وقلتلهم انى مسافر وسالت اذا فى طريقه لتسريع الشهادة قالولى لا ما مفيش الجماعه كانى متعونين خالص دخلو يتابعو شهادة الميلاد قالولى انها اتوقعت روح استلمها شكرتهم وروحت استلمتها على طول على فكرة استعلمت عنها بالمستشفى عند الموظف المختص بالشهادات عندهم برنامج يقدر يعرف اذا خلصت او لا

 روحت حجزت موعد للجوازات وحجزت تذكرة للبيبى قبل ما اروح و كتبت النموذج الخاص بالجوازات ورحت ٥ دقايق كنت مخلص وقالولى تعالى استلم بعد يومين بعد كدة روحت اصدق شهادة الميلاد علشان الاقامه بالكويت وكانت لفه شويه لان لازم تاخد كتاب من المكان الى بيصدر شهادة الميلاد يفيد بصحة توقيع الدكتور تكلفه ١٠ دولار وبعدين نزلت على الداون تاون لعمل تصديق الولايه وعنوانه

 300 south spring st la ca 90013

 والحمد الله خلصت وبعدين ارسلتها للشركة الخاصه بالتصديقات ودفعت ٢١٠ دولار وصدقوها وبعتوه على الكويت ولما خلصت كل شى ونزلت مصر عملت شهادة ميلاد مصريه

 طبعا بحب اشكر كل الشباب الطيبه الى ساعدونى والى تعبو علشان يوصللنا المعلومات دة ويسهلو علينا الطريق واخص الاستاذ ***** و الاستاذ
******* والمهندس ******

كمان مرة بشكركم كلكم

فى رعايه الله

 

التجربة السادسة عشرة

 

السلام عليكم

الحمدالله انتهت رحلتنا ورجعنا بالسلامة للسعودية

في البداية احب اشكر جميع الاخوة والاخوات علي مشاركتهم تجاربهم

واخص الاخ ******

 كانت رحلتنا علي الخطوط السعودية من الدمام ل لوس انجلوس ترانزيت جدة في نهاية الاسبوع ٣٥ ..

كالعادة السعودية معروفة بسهولة الاجراءات..

في الطيارة طلبنا كرسي متحرك للمدام عند الهبوط بناء علي نصيحة احد الاخوات … وفعلا ما يميز هذا الاجراء انك ما راح تضطر توقف علي الطابور
الطويل.. لان بيكون في لاين فقط للكراسي المتحركة ..

 اجرت سيارة من alamo من موقع vipcar

السعر لشهر كان تقريبا ٢٠ دولار باليوم..

 السكن : في شقة غرفة وصاله ومطبخ وحمام في منطقة Long beach next to Naples island.. عن طريق موقع AirBNB

الموقع اكثر من رائع .. ومنطقة امان ودقيقة مشي عن البحر..

 المستشفي anahiem global medical center مع د أمين فواز..

 كل شيء كان تمام والولادة كانت طبيعية ..

كان ممتاز وصبر بالرغم ان الحبل السري كان ملفوف علي رقبة البيبي والسوائل قليلة حول البيبي ..  والحمدالله عدي الموضوع علي خير ..

التمريض كان ممتاز ..

 بعد الولادة سكنت. في extended stay لمدة كم يوم وكانت مقبولة.. لان الشقة كانت محجوزة لشخص اخر..

 

الولادة تمت يوم الجمعة بالليل .. مليت بيانات شهادة الميلاد يوم الاثنين .. استلمتها الثلاثاء اللي بعدها.. ( علما مارحت اسال قبل كذا)

اصدار الجواز كان ثاني يوم والسفر بعدها بيوم..

 المسافة بين اللونق بيتش والعيادة تقريبا ٣٠-٤٠ د بالسيارة..

 ميزت كاليفورنيا الجو والبلد انظف من نيويورك… وفسح تناسب جميع الاعمار والاذواق…

 

التجربة السابعة عشرة

السلام عليكم 

الحمد الله رزقنا ببنوتة سميناها دانة و رجعنا البيت بالسلامة حابة أشارككم تجربتي للولادة ( بدون مرافق ) في كاليفورنيا مع د علي حمزة

  السكن

 كان في extended stay كاتيلا مدة الإقامة شهرين تقييمي للفندق جيد الى حد ما

 الدكتور

 كان ممتاز و بيرد على كل الأسئلة و  كمان زوجته ريتشل محترمة جدا و الجميل انو التحاليل بتتعمل كلها عنده يعني مش لازم تسويها قبل السفر

المستشفى

  كانت ساوثكوست تقييمي لها 6 ونص من 10  الغرف كانت نظيفة و حلوه سواء قبل الولادة او بعد الولادة الممرضات معظمهم كان بروفيشنال موظفات الاستقبال
و قسم شهادات الميلاد كانو شوية متعبين في التعامل كنت دايم اكلم ريتشل عشان تكلمهم بخصوص الورق

المواصلات

كنت بستخدم اوبر او ليفت و مؤخرا حصلت مساعِدة شخصية معها سيارة و استغنيت عن أوبر و ليفت

 شهادة الميلاد

 انا دخلت المستشفى يوم الخميس بالليل الساعة12  وشوي و ولدت ظهر الجمعة ، العصر طلبت أني اقدم شهادة الميلاد عشان اكسب وقت بس طبعا الموظفات رفضو و قالو خلاص قفلنا لين الاثنين حاولت بس بدون فايدة

يوم الاثنين عطوني موعد على يوم الثلاثاء الساعة تسعة الصباح رحت وقعت على المعلومات و قالت خلاص راح اسويلها سابميت

استنيت اسبوع و رحت يوم الثلاثاء اللي بعده استلمت شهادة الميلاد بعدها رحت على التصديق ، المشوارين اخدو ساعة تقريبا ، بعدها صورت الشهادة و ارسلتها لزوجي عشان يسويلي تفويض من سفارة امريكا في البحرين

كان ماخد موعد يوم الأربعاء سواه و ارسله فنفس اليوم بال dhl

الجواز

  موعدي في الجوازات كان يوم الجمعة الساعة وحدة كان  معانا تذكرة سفر باليوم اللي بعدهو استلمت الجواز بعد ثلاث ساعات من التقديم

 التفويض

 اليوم اللي راح فيه زوجي يسوي لي التفويض سالوه ليش راحت تولد هناك ليش ما ولدت في البحرين و هل ولدت على حسابها او على حساب التأمين

اخر شي قال القنصل انا بكتب ملاحظة انو المرة الجاية اللي بتقدم على فيزا لازم يكون عندها فواتير الولادة

 

الطيران

 الخطوط كانت الاماراتية ( لوس أنجلس – دبي – البحرين) تقريبا 19 ساعة الترانزيت كان ساعة ونص

بالنسبة للشنط كان مسموح لي شنطتين 23 كيلو في كل شنطة و كاري أون 10 كيلو

و للبيبي شنطة 23 كيلو و كاري اون 7 كيلو و البيس حق الكار سيت طلبو مني أوديه لمكان  الأوفر سايز  و السترولر و الكار سيت سلمتهم عند باب الطيارة

تكلفة الولادة

 المستشفى قيصري 4475 دولار

الدكتور 2200 قيصري

دكتور الاطفال 500 دولار

دكتور التخدير 700 دولار

الباثولوجي 130 دولار

ملاحظة : دكتور التخدير و دكتور الأطفال اخدو مئة
دولار زيادة لكل واحد لانو تحولت قيصري بعد ما استعصيت الولادة الطبيعية فاخذت جرعة
زيادة من البنج و دكتور الاطفال عشان بنتي جلست ليلة في الحضانة

 نود ان نشكر المهندس ****** و كل شخص في القروب على المساعدة شكرًا لكم .

 

التجربة الثامنة عشرة

 

السلام عليكم

الحمد لله رجعنا مصر بعد ربنا ما كرمنا ببنوتة ” لوريانا”

-الولاية: كانت كاليفورنيا والسبب ان جوها حلو طول السنة وفي اماكن كتير للفسح والخروج

-السفر: سافرت انا وزوجي علي الخطوط التركية في نهاية الاسبوع 34 لانه كان عندي احتمال ولادة مبكرة وكان عندي قبل كده تجربة ولادة مبكرة و

وصلنا مطار لوس انجلوس

-الاقامة: حجزت في Extended stayانهايم  الفندق كويس الي حد ما وفيه حمام سباحة لطيف

اجرنا عربية من vip cars اليوم ب 30$ شاملة التامين والاميال مفتوحة

-الدكتور: تابعت مع دكتور امين فواز بصراحة تجربتي معاه كويسة جدا وتقييمي ليه ممتاز كان مهتم جدا من اول  زيارة وخصوصا لما عرف اننا من الجروب

وملاحظتي الوحيدة انه احيانا مش بيكون مركز

وعمل معايا موقف حلو جدا يوم الولادة كان معايا بنتي ومش عارفة اوديها فين قال لبنت من العيادة تقعد معاها ويوم والولادة روحت المستشفي لاقيتها مستنياني

-الولادة: كانت سيزرين في مستشفي انهايم جلوبال في نهاية الاسبوع 38

بجد المستشفي حلوة جدا ونظيفة والتمريض ممتاز جدا ومتعاونين

-شهادة الميلاد: تاني يوم الولادة جت الموظفة ماجي وادتني ابليكشن املاه عشان شهادة الميلاد وبترجع بعد شوية تراجع البيانات لانها صعب تتغير وقالتلنا انها هتاخد 10 ايام عمل وفعلا استلمناها اليوم العاشر من الولادة بالظبط

–  الفواتير: وبعد 3 ايام من الخروج من المستشفي روحنا استلمنا itemized bill وكان لسه zero bill قالتلنا بتاخد 10 ايام من بعد الولادة والموقف ده انا مستغرباه لان كل الناس بتستلمها من غير اي مشكلة لكن ده حصل معايا ومع ناس كانوا موجودين قبلنا وكلمت ايزابيل اللي عند دكتور امين وهي اتكلمت مع المستشفي وقالولها انها هتاخد وقت والمفروض كنت استلمها لكن انا حجزت ميعاد السفر وهما بعتوها علي الايميل

وبعد الولادة روحت للدكتور متابعة واخدت zero balance وكذلك دكتور الاطفال والتخدير والمساعد

وبالنسبة للسوشيال سيكورتي قدمنا عليه ووصل علي العنوان اللي كتبناه في الابليكشن وده عنوان صديق لينا

-الجواز: حجزت ميعاد اون لاين في الجوازات ونزلنا بدري روحنا لوس انجلوس واستلمنا الجواز في نفس اليوم بعد عمل تذكرة فيك بالسفر تاني يوم

في النهاية حابة اشكر المهندس ******* علي تعبه ومجهوده ربنا يجازيه كل خير

 

 

 

التجربة التاسعة عشرة

 

السلام عليكم

أنا هحكي تجربتي هنا كلها عشان لو ممكن تفيد حد, هي مش بعيدة عن التجارب السابقة, بس أولاً عاوز أشكر الناس هنا، انا مش بشارك كتير بس استفدت كتير اوي من الجروب

 

1-     بالنسبة لاختيار المستشفى, كنا مجبرين علي كاليفورنيا عشان قاعدين عند ناس قرايبنا, واختارنا د. نعيم كسار ده عن تجربة ناس قرايبنا ولدوا معاه, الباكدج بتاعته 2000$ للطبيعي, و 3100$ للقيصري والمستشفى كانت 2345$ للطبيعي ليلة واحدة وكل ليلة إضافية 1000$ والقيصري 4845$  ليلة واحدة, و 5845$ لليلتين و6100$ لل 3 ليالي, والepidural  700$

2-     بالنسبة للسفر, استقرينا علي الخطوط السعودية, هي كانت أفضل اختيار بالنسبة لوقت الترانزيت عشان كان ساعتين, وطبعاً سعرها كان ممتاز بالمقارنة بالباقى, بس مانصحش بيها أوي لكذا سبب, أولاً من مصر للسعودية كدة بتبعد أكتر عن أمريكا وبالتالي مدة السفر بتزيد وده متعب للحامل عشان طيارة جدة للوس أنجلوس 16 ساعة, ثانياً صالة الترانزيت سيئة للغاية التكييف ضعيف, الحمامات مش نضيفة تماماً, وزحمة جداً خصوصاً لو في أفواج حج أو عمرة وده اللي قابلنا في الرجوع, لكن الطيارة وطقم الضيافة كان ممتاز جداً, كنا حاجزين الكراسي اللي في الأول بعد البيزنس عشان الlegroom فا كانت ممتازة.

3-     بالنسبة للمطار,  البوردينج بتاعى انا كان فيه SSSS لكن المدام ماكنش فيه حاجة, لكن ماحصلش أي حاجة ولا تفتيش خالص لا في السعودية ولا أمريكا, في مطار لوس أنجلوس كنا من أول الناس اللي نزلت من الطيارة وأنصح الناس تعمل كدة عشان مايقفوش كتير في طوابير

 

4–     الدكتور والعيادة كانت ممتازة واخدوا كل التحاليل اليي عملناها في مصر مطلبوش تاني, والمستشفى برضو كويسة جداً, من النضافة للنظام للتمريض, بس الولادة للأسف كانت قيصري عشان البيبي عدا الdue date والوضع كان صعب, بس الدكتور كان صبور جداً لغاية اخر وقا و قعدنا 3 أيام نحاول نستني الطبيعي بس ماحصلش نصيب.

5–     شهادة الميلاد, عملتاها مستعجل كانت ب40$ و 24$ لكل نسخة, المستشفى قدمتلى عليها و روحت استلمتها بعدها ب3 أيام من LA Downtown والباسبور عملت ticket بتاريخ تاني يوم وروحنا ومعانا البيبي من الساعة 7 الصبح الPassport Agency  في LA Downtown عملته واستلمت الPassport و الPassport Card في نفس اليوم الساعة  3 الظهر.

6–     في الرجوع حجزت تذكرة البيبي بعد الباسبور ما طلع, وفي المطار ماحدش أتكلم في أي حاجة معانا والطيارة من Los Angeles لجدة كلنت ممتازة وجابولنا الbassinet للبيبي وأدونا كراسي في Premium Economy بدون دفع أي حاجة, لكن طيارة جدة لمص كانت سيئة جداً بسبب أفواج العمرة فا كانت زحمة جداً والبيبي تعب مننا عشان الطيارة كانت صغيرة ومفيش bassinet والجو في الطيارة كان صعب و حر جداً.

 وتانى بشكر كل الناس هنا اللي ساعدوني

 

التجربة العشرون

تجربتي للولاده في كاليفورنيا

 السفر

كان في الاسبوع 34 على طيران British Airways و انا مسافرة من القاهرة اتسالت على تقرير الحمل و كان معايا

. رحلة الذهاب كانت كويسة جدا رحلة الرجوع كان في تاخير ٣ ساعات من امريكا و ده خلانا فاضل نصف ساعة فقط في لندن على الطيارة الي رايحة مصر و الشنط موصلتش معانا مصر. في الطيارة من امريكا للندن التكيف كان بايظ كان ساقع جدا و مش بيوطا و البيبي كان بردان جدا. تذكرة البيبي كانت غالية جدا ب ١١٠٠$ . انا لا انصح بطيران بريتش

 السكن

السكن كان في شقة غرفتين في irvine المنطقة امان جدا و راقية جدا

 الدكتور

 دكتور هشام المقدم. الولادة كانت طبيعي بطلق صناعي و هو انسان اولا محترم جدا و بيرد علي تليفونو طول الوقت و هو شاطر جدا جدا جدا.  

المستشفي

مستشفى بارك فيو . المستشفى كويسة جدا و نضيفة جدا و الممرضيين كويسين المشكلة الوحيدة ان ممكن يكون معاك حاد في الغرفة انا مكنش معايا بس ده حظي

 الفواتير

بعد الخروج من المستشفى اتصلت ب ال business center و طلبت  تحضير الفواتير و استلمتها تاني يوم

شهادة الميلاد

انا ولدت يوم الblack friday فكانو اجازة المكتب لغيت التلات قدمت عليها الاربعاء قالولي ممكن تاخد ٣ اسابيع بس تقدري تكلمي المستشفى بعد اسبوع تسالي عليها اتصلت بعد اربع ايام عمل الثلاثاء الي بعدو و فعلا كانت خلصت