Visa and Airport Experiences

تجارب الحصول على الفيزا و الدخول من المطار بغرض الولادة

 

تجارب الفيزا بغرض الولادة

التجربه رقم 1

التاريخ

2018

البلد

الظهران – السعودية

احنا عملنا موعد مع السفارة في الظهران وجهزت كل الأوراق المطلوبة للسياحة المعروفة وزيادة كنت عامل اتصالات مع مستشفى في نبراسكا ماخد منهم اسعار ومسجل موعد في البورتال مع دكتورة وعامل معاهم pre- registered baby delivery وكاتب فيه expected due date .

المهم في السفارة اول سوالين كم ليكم متزوجين وهل وحتى امريكا قبل كده ،، تاني رايحين ليه ؟ قلت سياحة ومفكرين نجيب اول baby هناك وعامل حجز في نبراسكا ،،، ليه نبراسكا ؟ عشان عندنا قرايب وممكن يساعدونا شويه ،،، اخد الحجز بتاع المستشفى راح ماكينة تصوير صورو ورجعها ليا ،، وخد يقرا في كشف الحساب وقال لنا your visa approved

وطلعنا مبسوطين بس 😁

Very Simple

التجربه رقم 2

التاريخ

2018

البلد

دبي

 مرحبا

بس كنت حابة اشارك تجربتي لحد الان …

انا الحمدلله وصلت امريكا و قاعدة بتامبا حاليا .. سافرنا على طيران الاماراتية من دبي لمطار اورلاندو.. الرحلة كانت حوالي ١٤ ساعة دايريكت.. سافرت باخر الاسبوع ال ٣٥ .. عل اماراتية ممكن الحامل تسافر للاسبوع ال ٣٦ .. كانت معي شهادة من الدكتورة باني حامل بال ٣٥ .. بس ما طلبوها ولا سالو ابدا على الcheck in مع انو كان باين اني حامل .. لما وصلنا الجوازات كان الطابور طويل.. بس كنا حاجزين كرسي متحرك فضليت قاعدة و ما تعبت من الطابور .. لما وصلنا عند الاوفيسر سالنا شو جايين تعملو قلنالو جايين سياحة و medical قاللنا شو الميديكال قلنالو ولادة .. سالنا ازا بنقدر نتحمل التكاليف .. قلنالو اه معنا هالقد و بنقدر ندفع و حاجزين موعد و مستشفى و طبعا كان معنا ورقت بيثبت كل هاي الاشياء بس ما طلبهم ابدا

اكتفى بانو يشوف application السفارة و ختملنا ٦ شهور .. و الحمدلله استاجرنا سيارة و سقنا ساعة و نص تقريبا لتامبا و هلا قاعدين بextended stay الاوتيل نظيف و مرتاحين فيه..

 

Note على تقديمنا في السفارة

احنا قدمنا اول مره و كنا واضحين من الاول خبرناهم انو هدفنا ولادة و انو حنتكفل بالمصاريف .. بس رفضونا و خبرنا الموظف انو انتو مو مجهزين شي و لا عارفين وين حتولدو و مع مين وما عندكم اي اثبات و تقدير للمصاريف .. رجعنا قدمنا كمان مره و هل مره كنا حاجزين موعد مع دكتور و اوتيل و تقدير بكامل مصاريف الرحلة و من مصروف للمستشفى.. فالحمدلله عطونا الفيزا..

هما بهمهم انو تقنعهم انك بتقدر تدفع و تتكفل بالمصاريف ..

بس حبيت اشارك تجربتي لهلا  ازا بتفيد حد لانو استفدت منكم كتير .. و ان شاء الله ربنا ايسر الامور و بشاركم باقي التجربة عخير

التجربه رقم 3 

التاريخ

2018

البلد

جدة- السعودية

الفيزا من القنصلية الأمريكية فى جدة…

احنا القنصل قالتلنا عندكوا اولاد قولنالها لا

قالت بتخططوا للحمل والولادة قريب في امريكا؟

قلنا ايوه..

قالت ليكوا تامين هناك

قلنالها هندفع كاش طلبت ال bank statement

وقالتلنا it’s fine

وقالت لو ظابط الحدود سألكوا قولوله انكوا هتدفعوا كاش وقالتلنا ال visa approved واخدت الباسبورات

 التجربه رقم 4

التاريخ

أكتوبر – 2018

البلد

القاهرة

 

تجربتي مع الفيزا

قدمت انا و زوجي ع فيزة سياحه و كنت في الشهر الرابع من الحمل

و اترفضنا ع الرغم من اني قولتلها اني هسيب بنتي في مصر

و قدمت مره كمان بعدها بشهر سياحه انا و زوجي و بنتي و بردوا رفضونا و مش بنعرف السبب كل مره

و بعدين قولت هقدم و هقول اني حامل و رايحه اولد كل الناس كانت بتقولي أوعي تعملي كدا حتي اصحابي اللي في أمريكا و ناس من المعونه الامريكيه نفسهم قالولي بلاش هتترفضي و جوزي قالي قدمي لوحدك 😳 لاننا هنترفض

المهم توكلت ع الله

قدمت و دخلت في الشهر التامن من الحمل و اول سؤال كان انتي رايحه ليه  شورت ع بطني و كنت لبسه ابيض و هدوم مبينه الحمل هو طبعا بقي مش مصدق اني صريحه معاه كدا المهم سألني أسأله كتيره جدددددا

عن ليه رايحه اولد هناك ليه عايزه ابني يبقي معاه بسبور أمريكي و كأنه تحقيق في أمن الدوله و فعلا فضل يسألني حوالي ساعه.

قولتله انا مستغربه جدا ليه بترفضوا الفيزا للناس اللي رايحه تولد دي سياحه علاجيه و كمان دخل كبير للبلد لأن الولاده في أمريكا غاليه جدا حتي ع الامريكان نفسهم قالي فعلا

وأكتر حاجه اهتم بيها هي اني معايا رصيد يغطي مصاريف الولاده و الإقامة

و طبعا كان معايا ايميل من الدكتور بالتكاليف اخدهم و قرأ الايميل كويس و قالي الولاده ب ٨٠٠٠ دولار قولتله ايوه قالي لا أمريكا مفيش فيها ولاده أقل ما ١٥٠٠٠ دولار قولتله البنك استيتمنت يغطي بردوا كنت جايبه بنك استيتمنت بالدولار و واحده تانيه بالمصري

و قولتله القانون الامريكي لايمنع الولاده هناك ادام هدفع كاش و    كدامن حقي اولد هناك لاني هدفع كاش قالي في ناس كتير بتروح تولد و مبتدفعش كاش قولتله دول بياخدوا بلوك و هما خارجين من أمريكا و مش بيقدروا يدخلوا البلد لمده ١٨ سنه بص لي  بنظره اندهاش اني عارفه كل المعلومات و قولتله انا اكيد مش هعمل كدا.

و سألني ع المستشفي و الدكتور كتير و جاوبته ع كل حاجه حتي مشوار من  الفندق للدكتور قولتله يكلف ٢٠ دولار بأوبرا و ١٨ ب ليفت استغرب كدا و ضحك

و قالي ur visa is approved

قولتله يا فرج الله 😂😂😂

 

التجربه رقم 5  

التاريخ

ديسمبر 2018

البلد

القاهرة

سألوني ليه رايحة

قلتلهم رايحة ازور اختي واحتمال اولد لسه مخدتش القرار ودي الحقيقة

قالي بقالك قد ايه مشفتيش اختك قلتله سنة

عندك فكرة عن تكلفة الولادة هناك ؟

اه ، خمس الاف دولار اكتر او اقل

راسلتي اي مركز طبي هناك؟

اه ، وطلعتله التيميل مبصش فيه

ليه عايزة تولدي في امريكا ؟

اقوى باسبور في العالم واحب ان بنتي تكون شايلة الباسبور الامريكي

حتقعدي قد ايه ؟

شهر شهر ونص ولو ولدت حقعد ٣ شهور

مبروك اخدتوا الفيزا

كنت انا وجوزي

 

 التجربه رقم 6   

التاريخ

مارس 2019

البلد

الخرطوم-السودان

 

طيب انا اخدت الفيزا وانا ف الأسبوع ال١٩ من الحمل.. اول ما حصل الحمل فكرت في الولادة بره السودان وما كنت بفكر في أمريكا سمعت لنصائح الأصدقاء وبعدين نصحوني ان تكون الولادة ببلد استفيد من التكلفة الح ادفعها بلد بيعطي الجواز متل أمريكا وكندا.. ونحن بالخرطوم ما عندنا سفارة كندية عندنا قنصلية فخرية بس وكل ما يتعلق بالسفر لكندا يتم في القاهرة مصر… ف كانت أمريكا هي الخيار المناسب.. بعدين بحثت في النت والحمدلله

تعرفت على موقع توتل كير واستفدت من نصايحو… ف كانت معاي خيارين ان امشي سياحة او ولادة واخترت موضوع الولادة… ومن الموقع اختر دكتور شافيز ومستشفى هدسون في نيوجيرسي وراسلت الدكتور ورد على على طول ووراني تكاليف الولادة وانو هو بيشتغل تبع ٢مستشفى وهو بينصح بهدسون وقلت ليهو انا عايزة ادفع فقال هو ما بياخد مقدم الا لما اصل عندهم
وطلب مني فحوصات معملية اذا طلعت على أمريكا.. بعدين راسلت المستشفى وفضلت اتصل عليهم تلفونيا تقريبا يوميا معدا العطله الاسبوعية مع مراعاة فروق الوقت الحمدلله في الاخر
 

دفعت نص التكلفة واخدت فواتير إقرار منهم انو المبلغ مسترد اذا ما طلعت الفيزا معاي واخدت عقد اتفاق بيني وبين المستشفى فيهو تفاصيل الخدمة المقدمة(مع مراعاة انو استعنت بأخي خارج السودان في موضوع الدفع لانو في السودان مافي بطاقات زي فيزا وماستر وكاش يو….) اول ما إجراء الدفع تم دخلت على موقع السفارة وعبيت الفورمة انا وصدقتي كانت
بأمريكا قريب وما احتجت للأشخاص البتقدم الخدمة دي وهم غالين بالسودان وعلى اول موعد متوفر حجزت على السفاره وكان بعد اسبوعين من يوم التقديم.. وفي هذه المده فضلت اجهز الورق الح يساعدني

جهزت رسوم الفيزا١٦٠$

جوازي

ورقة التأكيد على الابلكيشن

ورقة المواعيد

شهادة مرتب

استيتمنت من البنك لآخر ٦ شهور

وعملت ورقة بالمصروفات المتوقعة

وورقة بتاريخ سفري لي بره السودان في آخر ١٠ سنين وارفقت معاها الجواز القديم

ومن زوجي اخدت جوازو وعقد الزواج بتاعنا وشهادة خدمة من محل شغلو

بعدين انا اخدت من اخوي كشف حساب بنكي اخي وضعو كويس خالص وخصوصا خفت انو المرتبات لما تتعادل بالدولار تصبح ضعيفة(اليومين دي السودان بيعاني من تضخم اقتصادي) 1دولار بتساوي ٨٥ جنيه سوداني… فاخدت أوراق اخوي

وشلت ورقة تأكيد الحمل والسيره الذاتية وكنت خايفة يطلبو حاجة تانية….. المهم على يوم الموعد مشيت السفارة ودخلت بعد إجراءات التفتيش واخدت رقمي والدفع للرسوم في السودان يكون بالدولار وفي شباك داخل السفاره…. ولما جاء دوري مع القنصل مشيت عليهو
ودار الحوار الاتي:

صباح الخير

صباح الخير

عايزة تتكلمي عربي ولا انجليزي

انجليزي

اممم اوكي….

(كل اللي كانو قدامي طلبو اللغة العربية)

عايزة تسافري أمريكا ليه

انا حامل وعايزة أضع طفلي بامريكا

عندي اي ترتيبات مع مستشفى أو طبيب

نعم مع مستشفى هدسون وأعطيتو الورق من هدسون وايميلات الدكتور

مين ح يتكفل بالنفقات…

انا! وأعطيتو شهادة المرتب والاستيت منت.. وقلت اخي ح يدعمني وهادي اوراقو قالي مالهو لزوم ورفض ياخد الأوراق وقال إذا ما طلبت منك شئ ما تعطيني….

قال لي عندك اطفال

قلت اول حمل

قال لي مبروك😊

قلت شكرا

قال ليه اخترتي نيوجيرسي

قلت لأنها قريبة من نيويورك لاني ح انزل بمطار كنيدي.. وكمان التكلفة مناسبة
لميزانيتي

قال لي زوجك بشتغل ايش

قلت مهندس مكنيكا(قلتها بالعربي لاني ما اتذكرتها بالانجليزي)

ابتسم وقال لي خير

قال لي ختي يدك الشمال في جهاز البصمة وقال لي فيزتك أصدرت وكتب لإيصال بتاريخ اسبوع من المقابلة قال تجي تستلمي جوازك😍

الحمدلله
حمدالله كثيرا
🎊

التجربه رقم 7

التاريخ

أبريل 2019

البلد

القاهرة

 

بسم الله الرحمن الرحيم

انا و زوجي فكرنا في موضوع الولاده بره مصر واستقرينا على أمريكا و اكتشفت موقع توتال كير الجبار اللي ليه فضل كبير اني اتشجع اكتر بسبب خبرات الناس و المعلومات اللي فيه

 الأول بصراحه رحنا لشركه سياحه قالولنا تساعدنا في الابليكشن لان مالناش خبره في حوار الابليكشن ده
.

زوجي كان مصر انه يكون صريح في الكتابه و الانترفيو بس انا كنت قلقانه و بصراحه قررت اسمع الكلام و كمان اخدت بنصيحه مهندس ****** في اني أقول الحقيقه

 أولا قدمت  b2   اللي هي سياحه و علاج وطبعا ، و في الانترفيو قلت الحقيقه و كانت الاسئله كما يلي :

 القنصل : انتم عايزين تسافروا ليه؟

زوجي: عشان مراتي تولد هناك

القنصل: انتي في الشهر الكام ، و تواصلتي مع أي دكاتره

انا: في الخامس و ايوه تواصلت

 بعدها طلبت مني ما يثبت اني تواصلت و قعدت تشوف ورقه ورقه و بعدين قالتلي انتي عارفه ان في complications  ممكن تحصل و توصل لاكتر من ١٠٠ الف دولار

زوجي: لا احنا مش عاملين حسابنا خالص للمبلغ دة  ومع ناش أصلا المبلغ ده كله

القنصل : انتم عايزين تولودوا هناك ليه

انا: مستقبل افضل ، حريه سفر للمولود بعد كده ، مميزات كتير اتمني تكون لابني او بنتي

الفنصل : عندكم قرايب في أمريكا

انا : لا –  زوجي: معارف من بعيد

القنصل: سالت عن شغل زوجي و الشركه و جاوب عليها بعدها سالته عن مرتبه

زوجي: قال المرتب اللي بياخده و قت الشغل ( لان مفيش مرتب في الاجازه )

القنصل وانت بتشتغل قد ايه في لسنه تقريبا ؟

زوجي: average from 6-8 month /year

طبعا انا ساعتها قلت كده شكلنا مرفوضين (لا معانا فلوس زياده و لا جوزي بيقبض طول السنه )

بعدها القنصل قعدت تعمل حاجات على الكمبوتر و سأالت جوزي على سفربات قديمه ليه لكندا و كانت تبع شغله مانزلش البلد أصلا و معرفش جابت المعلومات دي منين ، لان مفيش
معاه فيزا كندا أصلا

القنصل : انتم عايزين تولودوا هناك ليه

انا: مستقبل افضل ، حريه سفر للمولود بعد كده ، مميزات كتير اتمني تكون لابني او بنتي

القنصل: الطلب is approved    بس لازم تكونوا حريصيين على ان ماتاخدوش أي فلوس من المال العام ، و المستشفيات هناك ممكن تسهل لكم الدفع على دفعات لانكم لو مادفعتوش هتتمنعوا من دخول أمريكا و قالت ان في ناس ولادهم اكبر من ٢٠ سنه و لما حاولوا يروحوا يزوروهم في أمريكا اترفضوا

زوجي: احنا معندناش أي نيه اننا ماندفعش

القنصل: انا مصدقاكم عشان كده و افقت على الطلب ، wish you good luck

 حاجات شركه السياحه قالتهالي و انا ماسمعتش الكلام:

            اوعي تقولي انك رايحه تولدي هتترفضي

            قدمي b1/b2 وقالتي انا بنصحك من  خبرتي في شغلي ، و لكني اصريت على b2

            اتكلمي عربي لو اتكلمتي انجلش هتتلخبطي و تتوتري و ده مش صحيح هو أصلا الفنصل بدأت تتكلم عربي و الكلام لوحده اتقلب انجلش و كان عادي .

            ماتقوليش عندك قرايب هناك

 

ملحوظه : انا مش هنكر ان الشركه ساعدتني في  الابليكشن و كمان عملت قبلها فيزا فرنسا قبلها معاهم بس بصراحه الابليكشن مش محتاجه

 

التجربه رقم 8

التاريخ

مارس 2019

البلد

السعودية

 

تجربتي كانت في مارس 2019.. الاول الفيزا اخدتها وانا حامل قدمنا عليها انا وزوجي في ابلكيشن واحد.. انا كنت اول مره وزوجي كان واخدها قبل كده.. كنا كاتبين اننا رايحين شيكاغو لان اخو زوجي هناك وكان معانا كارت دعوه.. وفعلا كنا بنفكر نروح هناك بس مكنش عندنا معلومات كفايه عن شهاده الميلاد تطلع امتي والباسبور نعمله منين وكده

 

وكان بالنسبالي الولايات اللي في الجروب هنا واضحه اكتر ومترتبه وعارفه لو رحت هعمل ايه ولو اتزنقت في حاجه هلاقي اللي اسأله ويرد عليا وفعلا ده اللي حصل.. في الانترفيو قالولنا هتروحوا فين وليه وسألتنا متجوزين بقالكوا اد ايه وهل لو فيه طفل ممكن تولدوه هناك قلنالها ايوه ممكن قالت عندكوا تامين هناك قلنا لا هندفع كاش طلبت تشوف ال bank statement بعدين قالت اوك الفيزا مقبوله ولو موظف الحدود سالكم قولوله هندفع كاش وخدت الباسبورات وجتلنا رساله بعد يومين ان الفيزا جت ورحنا جبنا الباسبورات من ارامكس وبدأنا نحجز السكن والطيران..

 

تجارب الدخول من المطار بغرض الولادة

التجربه رقم 1

التاريخ

الطيران

من

إلي

أكتوبر 2018

الاتحاد

ابوظبي

كاليفورنيا

 

مساء الخير  حابه اشارك معاكوا تجربتى للولاده فى كاليفورنيا و بجد قبل اى حاجه انا بشكر المهندس محمد زيدان على المجهود و المعلومات المفيده اللى بجد وفرت علينا كتير و ربنا يجعله من ميزان حسناتك

انا سافرت فى الاسبوع ٣٦ على طيران الاتحاد و كان معايا شهاده انى فى الاسبوع ٣٢ و كانت مهمه جدا لان فى كل ترانزيت و كل طياره كنت بتسأل عليها

دخلنا مطار ابو ظبى و اتختملنا من هناك الظابط كان لذيذ جدا و طبعا انا كان باين عليا الحمل و معايا ابنى معاه الباسبور فطبعا كان باين انى جايه اولد ساءلنى على فواتير ابنى و على المستشفى اللى هولد فيها و معانا كاش اد ايه و بعدين راح للظابط تانى بس على الفواتير و جالنا قالنا توصلوا بالسلامه و خلوا كل الفواتير معاكوا فى كل مره هتدخلوا فيها امريكا

كنا مأجرين عربيه من تورو و اخدناها فى المطار و قعدنا فى اكستنديد ستاى كاتيلا

كنت بتابع مع دكتور هشام المقدم بصراحه دكتور ممتاز هادى بيسمع و بيشرحلك كل حاجه و بيرد على التيلفون فى كل الاوقات وبيبقى فاكر الحاله و مركز فى التفاصيل

الولاده كانت فى بارك فيو المستشفى كويسه و التمريض كويس جدا

شهاده الميلاد طلعت بعد اسبوع من الولاده انا ولدت الجمعه استلمتها الجمعه اللى بعدها

و بجد انا بشكر كل اللى فى الجروب من معلومات كانت مفيده و اهم حاجه انه عرفنا على ناس حلوه هناك محسسيسوناش بالغربه خالص

 

التجربه رقم 2

التاريخ

الطيران

من

إلي

نوفمبر 2018

االسعودية

السعودية

نيويورك

 

السلام عليكم

من ساعتين وصلنا مطار jfk الرحلة كانت في معادها من الخطوط السعودية من جدة

موظف الجمارك سألني ليه جايين قلتله اجازة وسياحة

 بص على بطن المدام وسألني هي حامل قلته ايوا قالي شهر كم قلتله التاسع انصدم

قالي جاي تولد هنا قلتله ايوا وقلتله دافع وحاجز مع المستشفى قلي وريني الفواتير وريته

راح سال اخذ أقل من دقيقة ورجع وقال ليه جاي تولد هنا قلتله عشان مستقبل للاطفال والمستشفى كويس

فقال مستقبل لاطفالك ok بس كل المستشفيات نفس الشي هنا وعندكم

وختم ٦ شهور اهم شي

التجربه رقم 3

التاريخ

الطيران

من

إلي

سبتمبر 2018

البريطانية

قطر

كاليفورنيا

 

سلام عليكم يا شباب الحمدلله وصلنا الخميس كاليفورنيا حابب بس مبدئيا اشارككم باللي حصل معايا في المطار يمكن حد يستفاد بيه

اول م وصلنا المطار حاولت استخدم الماكينه تجنباً لاني أقف قدام ضابط كتير وكده

دخلت جواز زوجتي الاول اداني خيرات B1 ولا B2 ولا other عملتها b1

بعدين ببص ف الجواز علي ختم السفره اللي فاتت لقيتها b2 جيت أدخل تاني واطبع ورقه تانيه طبعها بس عليها x يعني لازم أراجع الاوفيسر 🤦

وقفنا ف الطابور دخلت علي الضابط وزوجتي ورايه اخد الجوازات كان جوازي الاول قالي هتقعد كام يوم قلتله في حدود ال ٣٥ يوم ختم وبعد كده جواز ابني ختم له وكنت شايله علي ايدي

زوجتي بقي كانت واقفه ورايا وبالجنب يعني واضح اوي بالنظر انها حامل وواقفه ورا ياريت واقفه قدام الكاونتر المهم لقيته بيقولي انتوا سوا قلتله ااه بيبصلها كده وبعدين بيقولي هيا حامل ؟ طبعا مكنش ينفع اقوله لا

بدون تردد قلتله ايوه

قالي هتولد امتي قلتله نوفمبر

لقيته راح ماسك جوازي تاني اللي كان ختمه خلاص وحطه ف جنب 🤦

وجواز ابني

ولقيته بيقولي one more baby

قلتله yes

قالي one more citizen

قلتله بلاه مبالاه بقي yes

قالي كام بتتكلف الولاده معاك قلتله ف حدود ال ١٦ الف تقريبا قالي فين رديت عليه وقلتله انا عندي ايميلات وكده بتواصل مع دكتور ومستشفي وعندي تقارير ووو

 

قالي وانت معاك فلوس كاش كام قلتله ٩

بس عندي الكارت ت البنك هستخدمه

والمره اللي فاتت دفعت تكاليف كل حاجه حتي ابني ال citizen دفعت له في حدود ال ٣٠.٠٠٠$ لقيته 😳

قالي ليه قلتله تعب ودي كانت فاتوره المستشفي

قالي مستشفي ايه قلتله choc نظرته كانه مش عارفها قالي فين دي قلتله ت منطقه سانتانا او اورانج مش عارف بالظبط دا كان من سنتين

قام مسك الورق اللي زي البوردنج اللي كانت مطبوعه دي وكتب عليها حاجه معرفتش اقرأها وقالي اتفضل من بوابه B بالرغم ان كل الناس بتخرج من A 🙄

عديت لقيت مفيش حد غير ضابط واقف مع واحد معاه شنط وواحد زي سكيورتي كده

رحت للسيكيورتي اساله مفروض اعمل ايه هنا بص ف الورقه وقالي اتفضل هتنتظر شويه

أعدني ف غرفه ازاز كده فيها كام كرسي قالي شويه والضابط هيجيلك

فضلت حوالي ٥ دقايق بعدها جه ضابط من اللي كانوا موجودين اصلا علي الكاونترات بره بيختموا دخول بس كان شاب لذيذ جدا وتحسه بسيط كنت نفسي اروح له اصلا بس حظي جه ف الراجل الكبير سننا وتحسه واقف كده 😏

اول م جه راح له بتاع السكيورتي اعد يرغي معاه وبعدين جالي الضابط

قالي انت منتظر هنا ليه !

قلتله باختصار السكيورتي اللي طلب مني انتظر هنا والضابط طلب مني اخرج من البوابه دي

قالي انت معاك مبلغ كام ؟

قلتله ٩

وممكن فيه زياده فكه بسيطه عشان أكون بالظبط

قالي اوك زوجتك حامل ؟

قلتله ايوه وتعبانه من الرحله جدا زي م انت شايف بصلها كده وقالي مفيش مشكله ومتقلقش واتفضل

بس وسلام سلام الحمدلله

 عذراً ان الرساله طويله بس حبيت اقول كل تفاصيل اللي حصل

النصيحه باختصار خليك واثق من نفسك جدا في كلامك وردودك وتعامل بثبات ولا مبالاه قد م تقدر ووصله احساس انك مش بتعمل حاجه ضد القانون وانك مش جاي تسرق او تعمل حاجه غلط

 

التجربه رقم 4

التاريخ

الطيران

من

إلي

نوفمبر 2018

مصر للطيران

مصر

نيويورك

السلام عليكم و رحمه الله و بركاته ….

هنا انا هحكيلكوا ان شاء الله يوم بيومه عن الولاده في نيو جيرسي ….

يوم ٠٢/١١ وصلنا مطار القاهره الساعه ٦:٣٠ الفجر …

دخلنا علي الكاونتر  و حطينا الشنط و مفيش حد علق علي الحمل بس قالولنا ان شنطنا لازم تتفتش ذاتي  ف روحنا مكان تاني و فتحوا الشنط و كان بيسالوا اساله انتوا اللي حضرتوا  الشنط بنفسكو ؟

سبتوا الشنطه في حتي ؟ و كانوا مهتمين جداا ان الشنط ميكونش فيها خضار او فاكهه و اكدوا علينا اللب و السوداني مش عارف ليه بس ما علينا ….

طلعنا الطياره السعاه ٩ و ميعاد الاقلاع المفروض ٩:٣٠ … مفيش اي حد جاب سيره الحمل لا من قريب و لا من بعيد … وصلنا مطار نيو يورك الساعه ٤ عصرا بتوقيت نيويورك الساعه ١٠ مساء بتوقيت مصر … يوم ٢/١١

المطار كان زحمه شويه … دخلنا علي الماكنه اللي بتطبع ورقه الدخول زوجتي خدت اكس و انا الورقه كانت منغير اكس بس انا قولتلهم زوجتي مش بتتكلم انجليزي و لازم ادخل معاها علي نفس الطابور ف الاوفسير وافق منغير مشكله ( هي بتتكلم انجليزي بس كانت مرتبكه شويه فكنت لازم اكون معاها معلش اصلها هتقرا الكلام و انا مش عاوز وجع دماغ ) … دخلنا علي ظابط الجوازات كانت الساعه حوالي ٥ بتوقيت نيويورك …

الظابط : انتوا جايين هنا ليه ؟

انا : جايين نتفسح و…

الظابط : مقاطع حديسي هتقعدوا فين

انا : في نيو جيرسي

الظابط : طلب من زوجتي انها تبصم علي ماشين كدا و انا مطلبش مني مش عارف ليه

الظابط فين الحجز ؟

انا : في واحد صاحبي عنده واحد صاحبه عمده شقه هناك حجزهالنا

الظابط : it doesn’t make any sense 

انا : ابتسامه عريضه

الظابط : قام منور اللمبه الحمرا تعالوا خدوهوم

انا : يلا بينا

دخلونا اوضه كدا و فضلنا قاعدين نص ساعه تقريبا

ندهووه علي اسمينا

روحت

الظابط : جاي تعمل هنا ايه

انا : مراتي حامل و جاي اولد هنا علشان الواد ينتيل ياخد الجنيسه الامريكيه

الظابط : معاك فلوس

انا : اه معايا

الظابط اد ايه ؟

انا : ١٥٠٠٠$ و عندي حساب في bank of america

الظابط : الولاده هتتكلف كام

انا: والله يا فندم احنا لقينا  علي دكتور ابن حلال هياخد ٦٧٥٠في الطبيعي و ٨٠٠٠ في القيصري و مصاريف الطهاره…

الظابط : خلاص خلاص … و ماجر الشقه ب كام

انا : والله خدوا ١٩٠٠ في الشهر و ١٠٠ دولار تامين و ١٠٠ تنضيف

الظابط : ضحكه عريضه قالي تمام بس روح الاوضه ديه املي الفورم ده علشان معاك اكتر من ١٠٠٠٠$

انا : اوك

روحنا الاوضه و ملينا الفورم و عدينا و خدنا النط

بعد كدا اشتريت SIM card  ب ١٣٠$ ( عارف انها غاليه بس انا كان لازم اشتريها ) و بعد كدا لقيت واحد بيقولي تاكسي سير و كان شكله هندي قولتله يلا بينا … و اتفقنا علي ١٥٠ ( عارف انه غالي بس انا كنت فرهدت و مراتي كانت علي اخرها و لو كنت استنيت نص ساعه كمان كانت ولدت في المطار )

روحنا علي نيو جيرسي كليفتون سيتي … و قبل الوصول كلمت نيري السكرتيره بتاعت دكتور تشافيز اللي طبعا عرفنا هن طريق الجروب العظيم ده و اللي كنا حاجزين الشقه عن طريقه و عن طريق البشمهندس محمد اللي ربنا يباركله ساعدنا في ايجار الشقه …

 الشقه رقم ٦ علي الويب سايت

الشقه كويسه جداا عباره عن غرفتين نوم + ١ ليفنج + حمام + مطبخ

عليها شويه تعليقات بس

يا سلام لو يبقي فيه واي فاي و لو فيه شطاف و لو سرير الغرفه التاني يبقي اكبر كانت بقيت ممتازه

بس اجمالا الشقه كويسه جداا … بس انا قولت احط التتش بتاعي

صحينا النهارده طلبنا اوبر و روحنا الول مارت ب ٩$ و اشترينا شويه حاجات و لسي راجعيين من شويه … تبعونا يوم بيوم 😂😂😂

التجربه رقم 5

التاريخ

الطيران

من

إلي

نوفمبر 2018

مصر للطيران

مصر

نيويورك

 

اهلا يا جماعه انا انهارده وصلت نيويورك الحمدلله كنت انا و والدتى و بنتى على مصر للطيران على مطار Jfk عملنا scan للفيزا و بصمه الايد على جهاز لوحدنا و طلعتلنا ورقه وبعدين عدينا على موظف رخم شويه سالنى جايه قد ايه قولتلو شهر تقريبا قالي ليه المده الطويله دي  قولتلو هولد و سياحه  قالي ومولدتيش في  مصر ليه قولتلو عادى كذا حد رشحلى دكتور هنا شاطر  قالي اسمو ايه و مكانو و قالي وانتي في السفاره قولتلهم نيتك تولدى هنا قولتلو لا قولتلهم سياحه و shopping قالي ليه مقولتيش قولتلو طلعت الفيزا اول الحمل و انا وقتها مكنش في نيتى انى اولد  بس كذا حد رشحلى بعد كده الولاده هنا  سالنى معاكى كام فلوس قولتلو وكان اكتر من ١٠٠٠٠ ختملى دخول  و دخلت عملت حاجه زي report بالمبلغ اللي معايه  و خلصت كده.

ملحوظه:  فى التقديم على الفيزا انا متسالتش عن الحمل … كنت بقدم انا و اسرتى كاملين  ماخدوش بالهم وانا مقولتيش

 

 

التجربه رقم 6

التاريخ

الطيران

من

إلي

مارس 2019

الإتحاد

الامارات

كاليفورنيا

 

السفر بتاريخ ٣١ مارس ٢٠١٩ من مطار ابوظبي الى لوس انجلس على طيران الاتحاد

الاسبوع ٣٣-٣٤ من الحمل وكان باين علي واضح جدا ما قدرت اخبي فاتكلت على الله

 معلومة لانه في سؤال عالموضوع، نحن قدمنا على الفيزا بغرض السياحة فقط وكعائلة الى زيارة اقارب في ولاية منيسوتا و تم السفر الى كاليفورنيا ولم يسأل احد عن التغيير في الولاية عند اجراءات المطار.

 

انا قررت احجز على طيران الاتحاد لتخليص اجراءات دخول امريكا من ابوظبي رغم التجارب المختلفة والحمدالله تيسرت

 

اول ما عملت تشيك ان للشنط، موضفة الطيران خبرتني لازم اكون بكير عند ال US Customs لانه باين علي security check وممكن ياخد وقت اطول… طبعا

ولازم انتبه عالوقت لانه الجمارك الامريكية تفتح الساعة ٠٦:٠٠  و عندي ساعة فقط من وقتها للboarding

يفضل اللي رايح اتحاد كونو في المطار وقت كافي قبل الاقلاع

 وصلت عند منطقة اجراءات الجمارك الامريكية واول خطوة بتكون تشييك البوردج باس من موظفة طيران الاتحاد… سالتني الموظفة انت حامل بكام اسبوع قلتلها ٣٣ طلبت على طول التقرير الطبي من الدكتورة انها تشوفه… وسالت زميلتها اذا حمل بطفل واحد فيني اعدي ووافقت

 بعدين طلبت مني اروح منطقة انتظار مختلفة عن بقية المسافرين.. كانو بقسمونا على حسب السيكورتي تشيك..

اجى موظف بعد ٢٠ دقيقة ناداني

مرقت بجهاز التفتيش و فتشو اغراضي… واخدوني على غرفة تفتيش و كل الامور تمام مرقنا وكملت لعند الاوفيسر

 الاوفيسر كان شكله امريكي وكان متعاون

الاوفيسر: شو سبب الزيارة

انا: سياحة (وضليت ساكتة لانه اتوقعت اسئلة عن الحمل بما انو باين علي)

الاوفيسر: اي ولاية ووين مكان السكن

انا: كاليفورنيا و رح اكون في سكن كذا

الاوفيسر: متى موعد الرجوع

انا: ٢٢ مايو، تشوف الحجز؟

،  الاوفيسر: نعم اشوفه مدة شهرين سياحة بس، هو انت رايحة بزنس كمان؟ (بتعجب؟

انا: لا، في خطة للولادة

الاوفيسر: انت حامل بشهر كام؟

انا: الاسبوع ٣٣

الاوفيسر: وحتدفعي كاش؟

انا: نعم المبلغ كامل كاش وكل تواصلي مع الدكاترة بناء على كاش باكدج ومعايا المباغ اللي تغطي التكاليف

تشوف التراسل؟ قالي لا

الاوفيسر: معاكي كام كاش؟

قلتله المبلغ كان اقل من ١٠٠٠ دولار

تشوفهم؟ قالي لا

الاوفيسر: وراني شنطتي عالشاشة بتاعته وسألني هاي شنطتك

انا نعم شنطتي

الاوفيسر: يعني لو فتحاها حلاقي اغراض بيبي فيها؟
(ما فهمتش سبب السؤال)

انا لا ما معي اغراض للبيبي

الاوفيسر فيها اي حبوب واكل وكذا

انا قلتله لا لانه ما كان معايا

الاوفيسر انت بتشتغلي فين ؟ جاوبته.. وبعدين سالني يعني انت حاليا بإجازة؟

نعم وهاي المدة وعندي رسالة الموافقة عالاجازة اذا حابب تشوفها..قالي لا

الاوفيسر: حد حيلحقك الى امريكا.انا قلتله لا فسالني وزوجك قلتله لا لانه الفيزا بتاعته ما طلعت

 اوكي ختملي ٦ شهور وقالي بالتوفيق… والحمدالله وصلت اليوم الي كاليفورنيا

 قبل الاقلاع على الطيارة شافني موظف تاني وسالني اذا انا حامل وطلب ايضا تقرير الدكتورة يشوفه

 الطيران ١٦ ساعة كان شاق ومتعب بس الحمدالله المظيفات كانو متعاونين.. اهم شي شرب المي ولبس ثياب مريحة  جدا جدا والمشي والحركة في الطيارة على طول

 

 

 

التجربه رقم 7

التاريخ

الطيران

من

إلي

ابريل 2019

الإماراتيه

السعودية

كاليفورنيا

 

احنا من اول ما ظابط الجوازات سال مراتي وسألنا انتم جايين ليه قلتله جايين نتفسح ومراتي هتولد هنا ،

فما كان منه الا انه سألنا انتم اخدتمالفيزا وهي حامل رديت عليه وقلت له ايوه رجع سألني انتم متابعين مع دكتور هنا قلتله ايوه فقام مدخلنا لمكتب الجوازات سألونا نفس السؤالين وزاد عليهم هل معاكم تأمين قلتله معي تامين صحي من الخليج ومعايا تكاليف الولاده وحاجز في فندق وطلعت له الحجز ، وسألته هل فيه مشكله احنا عملناها رد بكل زوق وقالي ابدا بس فيه ناس بتيجي تولد ومش بتدفع والمستشفيات بترجع تطالب الدوله فأحنا بنحب نتأكد ان اللي داخل قادر علي السداد , بعدين
ختم لنا وقالنا اتفضلوا حظ سعيد وخرجنا من مطار لوس انجلوس

التجربه رقم 8

التاريخ

الطيران

من

إلي

ابريل 2019

الإماراتيه

القاهرة

كاليفورنيا

 

تجربة الدخول مطار لوس أنجلوس لزوجتى على طيران الامارات قادم من القاهرة مع ابنتى الصغيرة  تم الوصول إلى موظف الجوازات

 وتم السؤال على سبب الزيارة أجابت سياحة وولادة 

المدة ٤٨ يوما

تم تحويلها على موظف آخر فى صالة تانية سبب الزيارة أجابت سياحة وولادة وايه السبب ليه ولادة هنا اجابت انا ولادى الاتنين اتولدو بدبي وحبيت الثالث هنا اشمعنى هنا بعتت جابو مترجم. مين عرفك على الدكتور فين ايميلات الدكتور والسكن تعرفيه منين المبلغ إللى معاكى كام الفيزا البنك ليه باسم زوجك قالت انا مش بشتغل هناك زوجتى مدير موارد بشرية فى شركة هناك كام سنه هناك قالت ١٣ انتى كنت هنا قبل كده قالت اه شهر ٧ الماضى انا وزجى

ليه عاوزه تولدى هنا تانى منتظر منها تقوله علشان الجواز وهى مصممه انها مش تجوبه على النقطه دى

انتو ليكم قريب هنا قالت لا جوزك معاه جرين كارد قالت لا قالت معايا تكلفه الولادة واكتر السكن تعرفيه قالت لا من المواقع بتاعتكم على النت هتولدى على حسابك   قالت اه

اوعى تولد على التأمين مش هتدخلى تانى لازم تجيبي معاكى المرة الثالثه لو زوجتى امريكا الفواتير بتاعت الولادة جوزك مقيم بدبي قالت اه وشاف الاقامة وطبعا قالت انا جوزى معاه تأشيرة امريكا وجينا انا وهو هنا  وجوزى جه قبل كده ومعاه امريكا وانجلترا وكندا وبالنسبة لابنك موجود  مع ولده ومعاه التأشيرة احنا هختملك دخول الموعد الولادة فقط وختم ست شهور

المختصر انه بيحاول يخوفها من موضوع التامين وانها لازم تولد على حسابها وانا مش تتدخل تانى لو ولدت فى المستشفى على  تامين  صحى الميديكيد  وسبب انها تدخل فى الأسئلة دى حاجتين اولا البنت معاها ورايحه ولادة ومن غير الزوج وثانى شي كانت أخدت حجات معاها لناس هناك فكان معاها ٣شنط فمعنى كده دى مش شنطه واحدة جاية زيارة حجم الشنط جاية مقيم 

اهم شي انك تجاوب عادى جدا ولا تختفى من شي احنا بفلوسنا رايحين مفيش شي يمنع الولادة هناك ويكون معاكم ايميلات الدكتور وبالتوفيق للجميع

التجربه رقم 9

التاريخ

الطيران

من

إلي

مايو 2019

السعودية

السعودية

كاليفورنيا

 

الحمدلله ربي أكرمني ووصلت لوس انجلوس يوم الخميس😍 انا ومامتي واولادي الاثنين

حجزت ع الخطوط السعوديه والحمدلله كانت الطياره فااااضيه ومريحه

لدرجه كل واحد مننا أخذ له ٣ كراسي فاضيه جمب بعض ونمنا

طبعا كان معايا تقرير باني في الشهر السابع

وفي الحقيقه انا في الأسبوع ٣٥ وكم يوم

بس محد كلمني ابدا ولا حد طلب منى التقرير

وصلت مطار لوس انجلوس وكان في خوف شوي الصراحه

لأني والده مرتين قبل كدا بالرغم معايا الزيرو بلنس وكل شي

بس انا ماقد صرحت قبل كدا أني داخله أولد

كنت بقول سياحه

فهذي النقطه كانت مخوفتني

جا دوري عند الاوفيسر سالني ليش جايه فأنا من البدايه قلتلو ولاده فطلب منى الإثباتات اللي توضح أني قادره على تحمل تكلفه الولاده

فاعطيته كل شي من كشف حساب وبطاقة فيزا واني معايا كاش

فجلس محتار شوي وقالي للاسف انا قريب متوظف وما اعرف اتصرف في حالتك🥺

فحضطر احولك الغرفه التانيه وهما يحكمو في الموضوع

طبعا أولادي الاثنين معاهم الجنسيه آل أمريكيه فما عندهم مشكله للدخول

وامي ختمولها ٦شهور بس انا أخذ جوازي

وقالي خلاص خليهم هما يدخلو وانتي تعالي معايا

قلتلو صعب اسيبهم لحالهم وبالذات امي ماتعرف تتكلم انجلش ولا اي حاجه ومافي اي خط بيننا نتواصل اذا خلصت

فقالي ما اقدر أساعدك بس صعب تدخلو كلكم

بس ممكن تأخذي واحد من اولادك عشان يسرعو موضوعك

فقلت طيب وحددت لامي مكان نتقابل فيه ودخلت انا ولدي

طبعا طنشوني والسرا بطيء جدا وشايفه حريم بتبكي وهيا تتكلم مع الموظفين والغرفة كانت زحمه جدا

المهم انا طبعا ولدي أخرو نام في الكراسي

وبعد ساعه من الانتظار انتبهلي واحد من الاوفيسر بانو معايا طفل ونادى على اسمي ورحت له وتركت ولدي نايم

فقالي ليش جايه

قلتلو عشان أولد

قالي ليش جاية تولدي هنا بالذات

قلتلو والله أولادي الاثنين عندهم الجنسيه فحابه اعدل كمان في الثالث🤪

قام ضحك الاوفيسر ضحكه جاااامدة😂😂

قالي عندك فيزا

قلتلو ايوا وريتو هيا

قال عندك مايثبت انك دفعتي لآخر طفل

قلتلو ايوا وريتو الزيرو بالنس

طبعا انتو تعرفو اغلب المستشفيات الولاده بيكون سعرها عالي ولو حتدفع كاش يخصمولك مبلغ كبير

فكان كدا واضح في الزيرو بالنس

فقالي انتي بقيلك مبلغ مادفعتيه

قلتلو الا دفعت المبلغ كامل وهما عملولي خصم

قالي مش واضح نفس كلامك

فوريتو فاول صفحه كان مكتوب السعر

الأساسي وتحتو مكتوب

adjustment

يوضح له كلامي

فهز راسو وختملي الحمدلله ٦شهور

والصراحة ما أخذ الحوار معاه اكثر من خمس دقايق وكان في قمه الذوق

التأخير فقط كان بسبب حظي السيء مع الاوفيسر الجديد

وزحمه الانتظار في الغرفه فقط

والحمدلله حسيت براحه وأنا داخله لأني صادقه

مش زي كل مره 😂

بعد ما خرجت من المطار في super shuttle bus

وريتهم موقع السكن قالو ايوا بنوصل لأي مكان

والصراحة كأني كنت راكبه سياره خاصه أصلا هوا عباره عن فان

فمابياخذ ناس كتير

وبياخد الناس اللي في المنطقة نفسها فمريح جدا

وأقصى عدد ممكن يركب معاه ٧اشخاص فقط مايوقف محطات ولا شي

تركبو مره وحده ويوصلك للمكان اللي تبغوه

طبعا عشان انا السكن في مورينو فالي

فالمشوار هوا أساسا طويل فهما بيحسبو السعر بالمشوار حدود ٣ ساعات

فاخذو عليا انا ومامتي ١١٨دولار بس الأولاد لا مجانا

 

التجربه رقم 10

التاريخ

الطيران

من

إلي

مايو 2019

الاماراتيه

مصر

كاليفورنيا

 

تجربتي فى الوصول لكاليفورنيا

الحمد لله انا وصلت يوم السبت 4 مايو كاليفورنيا

سافرت من مصر على  الاماراتية “ترانزيت دبي” مع مامتى وبنتي.

لما جيت اعمل البوردينج فى المطار قولت للراجل لو فى مكان فى اول صف احجزهولي قالى هشوف لو متاح والحمدلله فعلاً حجزلي اماكن فى اول صف

الطيارة كانت مليانة والسفر كان متعب جداً على رغم ان الكراسى مريحة

كنت بحاول كل شوية اقوم اتمشى

كنت عاملة حسابي فى اكل زيادة على الطيارة زي ما الناس قالت بس محتاجتوش،  الاكل على الطيارة كان كويس بالنسبالى بس لو حد بيجوع و أكيل لازم يكون عامل حسابه فى اكل

نيجي بقى لمطارLax

المطار كان زحمة جداً والحمد لله مطلعليش x روحت للاوفيسر

قالى انتم جاين تتفسحوا؟ ..  قولتله اه جايين سياحة وشوبينج ومديكال كير

قالى معاكم كام قولتله ٨٠٠٠

قاعدين قد ايه؟ ٣٤ يوم

معاكم اكل من الممنوع؟ لا معاية تمر بس

وختملي ٦ شهور

 

 

 

تجارب العوده

التجربه رقم 1

التاريخ

الطيران

من

إلي

مايو 2018

مصر للطيران

نيويورك

مصر

 

انا رجعت امبارح القاهرة الحمدلله وانا راجع من مطار jfk قابلني ظباط علي باب الطياره مصر للطيران واخده الباسبور مني وقالي هسألك شوية اسأله وقولتله اتفضل

الظابط : قلي انت جيتو امريكا ليه

انا : قولتله علشان مراتي كانت حامل في تؤام وكانت حلاته صعبه شويه وراسلت دكتور هنا وتفقت معاه علي الولاده

الظابط : ليه هو انت معندكش مستشفي في مصر كوايسه

انا : اكيد في بس انت عارف ان الخدمه مش كوايسه لكن هنا انا في رعايه وخدمه احسن بكتير

الظابط : يعني انت مش جاي علشان الباسبور

انا : اكيد انت عارف ان بيولد هنا بياخد الجنسيه والباسبور لكن انا اللي جبني حالات مراتي في الاول زاي ما قولتلك واكيد اجباري هاخد الباسبور علشان حصل ولاده هنا

الظابط : قالي طيب اه يعني علشان الباسبور

انا : قولتله وهو انا اللي حاتط القاونين عندكم اكيد لا الحكومه الامريكيه هي اللي حطه القاونين ده ومافيش ما يمنع اني اولد هنا وانا قلت لحضرتك السبب الرئيسي اللي جبني حالات مراتي

الظابط : اكيد ولادة ميديكال

انا : لا طبعآ انا دافع كاش

الظابط : انت متأكد

انا : روحت مطلع الورق كله بتاع المستشفي الزيرو بالانس والدكتور وشافه كله وبعدها متكلمش كلمه واحد راح مدينا الورق والباسبورات ومشانه

ملحوظه : هو كان طول المحادثه ماسك قلم في ايده وحطه علي الفيزا بتعتي وكان معاه ختم اتوقع لالغاء الڤيزا بس لما شاف الفواتير شال كل ده الحمدلله 🙌🏻💪🏻💪🏻💪🏻💪🏻