CALIFORNIA EXPERIENCES – 2020

 

التجربة –1

 السلام عليكم ورحمة الله

تجربتنا باختصار 

الفيزا خدنتها قبل السفر بشهر تقريبا    وسافرنا في الشهر ٣٦

وقلنا الغرض من الزيارة سياحة وميديكال 

وصلنا مكان الاقامة في اوتيل سمبلي ان فى ريفر سايد وكانت الاقامة ممتازة وصاحب الاوتيل محترم جدا وموقع الاوتيل ممتاز جنب كل الاماكن اللى ممكن تحتاجها ومنها عيادة الدكتور هشام المقدم ومستشفي بارك فيو مش هتحتاح تاجر عربيه لان كل مشاويرك ممكن تمشيها 

الولادة كانت مع الدكتور هشام المقدم وهو شخص محترم جدا  وفوق الممتاز ومكان الولادة مستشفي بارك فيو كانت كويسة جدا والتمريض فيها كويس جدا واسعارها مقبوله

وشهادة ميلاد البيبي طلعت في اربع ايام 

وعملنا الباسبور تانى يوم في سانديجو 

شكرا لكل اللي ساعدنا فى الجروب 

وشكر خاص للمهندس ***لمجهوده

وبستاذن في الخروج من الجروب عشان اسيب فرصة لغيرى

التجربة 2- 

التجربة 
دكتور أمين فواز
مستشفى أنهايم ريجيونال – كاليفورنيا

السلام عليكم و رحمة الله و بركاتة اخواني عائلة توتال كير راح اشاركم  تجربي انا و زوجتي للولادة في انهايم – كاليفورنيا .

الترتيب للسفر و  للولادة و المواعيد  :
 
 زوجتي كانت نصف الشهر الثامن 
تم التواصل مع عيادة الدكتور هشام و الدكتور فواز للترتيب للولادة ، عبر الايميل و طلبو مجموعة تحاليل نعملها و نجيب النتايج معانا

السفر
كان السفر علي متن الخطوط السعودية ( الرياض -جدة – لوس انجلوس)
العيب الوحيد في السفرة انوا يتم انزال الشنط في محطة الترانزيت جدة و المسافر لازم يروح يشحن الشنط ثاني الي لوس انجلوس 

كمان كان حظنا حلو و عملنا خدمة المزاد علي درجة الاعمال و تم الترقية للحجز لدرجة الاعمال و كان جدا مفيد لزوجتى خصوصا انها في اخر الثامن ، جهزت فورم الخطوط السعودية الخاص بتقرير الحمل و ختمه  الدكتور الي متابع الحاله و كمان اخذت تقرير من الدكتور نفسة بس مافي احد طلب اى تقرير من المطار او في الطيارة

الوصول
وصلنا مطار لوس انجلوس ما طلعت لزوجتى اكس و انا طلعلي اكس  ووقفنا في الدور و كان زحمة شديدة و فجاة جاتني وحدة اوفسير و انا واقف في الدور و قالتلي اسمي و قالت اتفضل معاى للمكتب ، و احنا في الطريق للمكتب راحت عند كاونتر اوفسير و ختمت جواز زوجتي دخول و انا كملت معاها علي المكتب و سالتلني سبب الزيارة و قلت لها انا عندى مؤتمر و تدريب و كمان زوجتي عندها زيارة دكتور نساء و كمان شوبينج و طلبت منى اوراق المؤتمر و التدريب و عنوان الدكتور الي رايحين له و سالتني اسالة كثير عن حياتى و عملي و سفرياتي و بعدين سالتني كم معاك فلوس و قلت لها اقل من ١٠ الاف و ختمتلي دخول ٦ شهور 

 

المواصلات
تم استاجار سيارة متوسطة الحجم من موقع رينتكار مع التامين الاساسي و كلفتني تقريبا ١٦٠٠ دولار لمدة ٤٩ يوم و تم استلامها و ترجيعها من مطار لوس انجلوس طبعا ركبت الباص تبع تاجير السيارات الخاص بلشركة الي انا مستاجر منها ووصلي الي مكتب التاجير. شكرة ترفتي كانت كويسة و امورهم واضحة

السكن
كنت حاجز في فندق في انهايم عن طريق موقع بوكينج لمدة ٦ ايام عشان كنت جدا متشتت و متخوف من موقع الايربي ان بي و كنت حابب اشوف المناطق و اعرف العمارات الي ممكن استاجر فيها الشقة و بعد ما عرف المناطق الحمد للة اتوفقت بشقة بعمارة في انهايم قريبة من عيادة الدكتور و المستشفيات الي في انهايم و كمان اماكن الشوبينج و استاجرتها عن طريق ايربي ان بي . و عملوا لي خصم لسعر الليلة لانوا الاستاجار لمدة اكثر من شهر و تقيم العماره و الشقة كان ممتاز الحمد لله بس سعرها مرتفع شوية عن باقي الشقق بسبب الموقع و المساحة و الخدمات داخل العمارة 

الدكتور 
رحنا يوم الموعد و قابلت ايزابيل سكرتيرة الدكتور امين و قعدت معانا و عرفت اننا من توتال كير و شرحت لي كل النظام و الترتيب و الاسعار و الفرق بين مستشفي انهايم جلوبال و مستشفي انهايم ريجونال و قالت راح ترتب لنا مواعيد التور للمستشفين و بعدها قابلنا الدكتور امين و كمان سالنا عن الحالة و شرح لنا كل التفاصيل و اطمنا باغلب الاشياء بعد الكشف الحمد لله و قلنا لة راح نستخير و نرجع لكم و نكمل اجراءات الدفع . و حطلوا لنا موعد للزيارة الجاى 

بصراحة تقيمنا بتجربة دكتور فواز كانت ممتازه الحمد لله و خصوصا ايزابيل لان كان فعلا التواصل معاها سريع و بتجاوب و بتسهل كل شىء مثل الاجراءات و المواعيد و الفواتير و التنسيق مع المستشفي و توصيل كل شي للدكتور حتى يوم الولادة و الطوارىء كانت استجابتها عالية و نسقت و اعطت خبر للمستشفي و الدكتور و كانت ممتازة ممتازة 

المراجعات و التحاليل و الاشعه
الباكيج تبع دكتور فواز بيشمل الولادة و المتابعة و تقريبا ٣ اشعه و تحاليل بسيطة حسب تقدير الدكتور اى حاجة ثانية بتكون بحسابها مثل ٩٠ دولار لتصوير السونار (بعد أول سونار مشمول فى الباكيدج)  كان في ضرورة عشان. نطمن علي وضع البيبي انوا نتحول لدكتور خاص بالاجنه والي حولنا لة الدكتور فواز كان هذا الدكتور غيرمشمول فى الباكيدج و كان الكشفية الخاصة فيه 200 دولار و الحمد لله النتايج كانت كويسة.

المستشفي
بعد ما عملنا تور لمستشفي انهايم جلوبال و انهايهم ريجونال ، اخترنا انهايهم ريجونال لانوا كانت اقرب و كمان كان فيها عناية مركزة للطفل عشان لا سمح الله احتاج و سمعتهم بالتمريص و بتخليص الاجراءات و الورق ممتازة . وفعلا كانت المستسفي وقت و بعد الولادة ممتازة من ناحية الغرف و التمريض و الخدمات و التثقيف عن المولولد الجديد و عطوني الميدكال ركورد و الزيروا بيل بعد ٥ ايام بعد الولادة

الولادة 
علي اخر ايام الحمل كان عيادة الدكتور منسقين مع المستشفي و كل التحاليل اللازمة مبعوته للمستشفي و ايزابيل اعطتني كل التقارير و التحاليل عشان اول ما نوصل المستشفي لو كان في طلق نعطيهم ياها و فعلا اجينا في يوم الولادة بشكل طارىء و اعطيت خبر لايزابيل و بلغت المستشفي و كانوا بانتظارنا و الولادة الحمد لله تمت بشكل طبيعي و حضر الدكتور فواز الساعه ١٢ للولادة

 الطفل و طبيب الاطفال
صباح يوم الولادة وصلت دكتورة الاطفال و فحصت البيبي و قالتلي انها راح تاخذ ٢٠٠ دولار كاش للزيارة الواحدة و اعطتها المبلغ و قالتلي راح تعطيني الفاتورة في عيادتها و ثاني يوم كمان جات و فحصت البيبي ، اول ما اتولد البيبي  اعطوا تطعيم التهاب الكبد B و كمان فيتامين K بعدها عملوا للبيبي فحص السمع و كمان تحليل مسح الامراض الخاص بولاية كاليفورنيا

و فعلا تم اخذ الموعد بعد الخروج من المستشفي مع طبيبة الاطفال و بعدين الدكتورة كان وصل لها نتيجة مسح الامراض الخاص بلولاية و بلغتنا انوا في تحليل مرتفع و لازم نعيدة عشان نتاكد و حجزت لنا مع مختبر و بعد التحليل طمنونا انوا النتايج كويسة الحمد لله و قالولي نتايج مسح الامراض الي لسة ما طلعة راح يرسلوها علي الإيميل لي 

شهادة الميلاد 
تقريبا بعد ٨ ايام من الولادة رحت لمكتب الكاونتي الخاص بالصحة و عبيت الفورم و طلبت ٤ نسخ و لقيتها جاهزة و فقط طلبوا الجواز تبع الاب و تاريخ الميلاد و النسخة الوحدة 28 دولار 

للاسف ظهر عندى خطا في اسم العائلة للمولود و دخلت في معاملة تصحيح الخطا و راح تلاقوا تفاصيل المعاملة اخر التجربة

استخراج الجواز
صورت البيبي في صيدلية cvs و عبيت الفورم تبع الجواز و اخذت موعد في جوازات سانديجو و عبيت في الموعد  انوا عندى سفر دولي ثاني يوم و كان معاى حجز لثاني يوم .

السفر و الرجوع الي السعودية 
تم اضافة البيبي لحجز الطيران من التلفون الخاص بمركز الاتصال بالخطوط السعودية بامريكا و التكلفة كانت ١٠٠ دولار و كان مسموح شنطة للبيبي ٢٣ كيلوا و الاسترولر و الكار سيت  مع القاعدة كانوا معاى لحد باب الطيارة و كمان اعطونا مهد للبيبى معلق لانوا حجزت المقاعد الي في اول الصف في المنتصف و هنا بيسمحوا بالمهد.

و عند الوصل للسعودية تم اضافة المولود من المطار و اعطاء رقم حدود بدون تاشيرة من السفارة فقط تطلب انوا الام و الاب مقيمين و الام علي كفالة الاب .

السوشيال سكيورتي
انا طبعا حطيت عنوان صديق في امريكا في كل التعاملات . و بلغني انوا وصل السوشيال سكيرتي بعد ١٨ يوم من الولادة 

الاخطاء
 –بعد تعبئة نموذج معلومات شهادة ميلاد الطفل تمة المراجعة الدقيقة و تم التوقيع علية ،و بعد طباعة النموذج من قبل الموظفة المسؤولة في المستشفي ايضا تم التدقيق ولكن ليس بشكل حرفي ، و للاسف اكتشفت بعد ذلك انه هناك خطا حرف في اسم العائله للمولود ، و تسبب ذلك في قلق وبعد مساعدة اخوان في الجروب حصل لهم نفس المشكلة ، تم اخذ اجراءات التعديل و هية : 

–تعبئة نموذج تعديل المعلومات لشهادة الميلاد 

–ارسال النموذج الي عنوان قسم الركورد الخاص بالولاية (Sacramento, California) 

–ارفاق المستندات الداعمة مثل شهادة الميلاد الخطا صورة جواز الاب و الام ، 

–ارفاق شيك او Money Order بقيمة ٢٥ دولار 

–عنوان بريدى واضح داخل امريكا 

–متابعة طلب البريد و التاكد من الوصول الي العنوان

–الاتصال و المتابعه من اتمام الطلب .

عائلة توتال كير

طبعا كل التجربة السابقة بكل تفاصيلها كانت بفضل من الله و توفيقه ثم بفضل توتال كير 
فعلا فعلا كانوا عائله بكل ما تعنية الكلمة 
دقة التفاصل في الموقع تجارب الاخوان السابقة
الحرص علي اعطاء النصيحة مساعدة الاعضاء لبعض كلها كانت مميزة و واضحة و ليس هناك خيار للحيرة ، الله يجعل هذا العمل صالح في ميزان حسناتكم و خصوصا المؤسس المهندس ***** الي كان فعلا يقدم كل شىء باحسان

 

التجربة3- 

تجربتنا في الولادة مع دكتور هشام 

اختيار الدكتور
كان دكتور هشام المقدم كاليفورنيا

السفر
الطيران الروسي من القاهرة كانت الرحلة طويلة جدا بس المضيفات كانو كويسين جدا  و متعاونين و السفر كان في الشهر التامن و حضرت خطاب الدكتور 

دخول مطار لوس انجلوس
كان طويل جدا جدا جدا و مرهق انصح بلبس مريح جدا جدا لان الطيران طويل و الوقفة في المطار كتيرة

الاوفسر كان من أصول مكسيكية و سالني جاية امريكا لية سالني العنوان عنوان مين قلتو ايجار قالي المدة طويلة جدا شهرين هتعملي فيهم اية و شغالة  ايه و ختملي ٦ شهور 

التنقلات
انصح ب تأجير سيارة من المطار لان التاكسي من المطار لريفرسايد كلف ٢٥٠ دولار و من ريفرسايد للمطار اجرنا سيارتين ب ٣٠٠ دولار 

المستشفي بارك فيو
الممرضات هائلين و مساعدين و دكتور هشام شاطر جدا جدا و محترم جدا جدا 

الولادة كانت طبيعية و اول حمل و الحمدللة مكنش في ايًً مشاكل في المستشفي و انصح طلب التخدير علطول. الزيرو بيل استلمناها بعد ٥ ايام و شهادة الميلاد بعد ٥ ايام 

السوشيال طلبنا علي عنوان السكن و موصلش
طلبنا اعادة اصدار علي myus و هيرجعو بسبب مشاكل في الاسم في إنشاء الحساب انصح بإرسال السوشيال بعنوان موثوق في 

السكن

 كان عن طريق Airbnb كان حلو جدا شقة غرفتين و حمامين ٣ دقايق من المستشفي و صاحب البيت كان كويس جدا جدا بس اخر يوم طلب مننا نمشي قبل معادنا بيوم و حجزلنا سويت علي حسابة في فندق ف ريفرسايد 

التنقلات
اجرنا سيارة من turo عيبها انها كانت صغيرة و ماجرنهاش من المطار فا كان لازم ترجع 

الباسبور
طلعناه من سانديجو نظرًا ان مفيش زحمة هناك و رحنا قدمنا انا و الزوج و كان معانا تكت لتاني يوم و طلع في نفس اليوم. 

الشوبنج 

• Marshals 
• Tj maxx 
• Dds discounts 
• Burlington 
• Ontario Mills 
• Dessert hills 

و طبعا نشكر الجروب علي المعلومات القيمة الكتيرة و المهندس ***** علي الجروب دة لان من غير الجروب مكناش توصلنا لكل دة.

 

التجربة4- 

تجربتنا في كاليفورنيا يناير ٢٠٢٠

الدكتور: هشام المقدم

السكن: شقة من طرف أستاذ *** في اناهيم

العربية: من خلال turo 

التجربة:

السفر:
كان في الأسبوع ٣٤ كان معايا تقرير محدش سأل عليه. الطيران كان united airlines من أمستردام عشان كنا في هولندا قبلها

الدخول:  
الفيزا موجودة من زمان ودخلت بيها كذا مرة، الأسئلة كانت جايين ليه ، امتي اخر مرة جيتي، وقاعدين قد ايه جاوبنا ٤٥ يوم. بس ودخلنا علي تفتيش الشنط كانت الأسئلة  معاكوا اكل ايه مكنش معانا غير ساندويش من الطيارة خلونا نرميه ونصيحة اللي عايز يريح دماغه ميجبش حاجه مش عشان ممكن يبقي في غلاسة بس عشان بعد طيران طويل بيبقي الواحد عايز اي اجراء يمشي بسرعة.

السكن:
اجرنا  شقة أوضة حجمها حلو جدا والشقة كاملة متكاملة في منطقة أناهيم في حتة حلوة جدا ولازق فيها
park لو حد عنده أطفال تانيه. هي بعيدة شوية عن الدكتور والمستشفي (٤٥ دقيقة) بس انا حسيت ان اناهيم حيوية اكتر. 

الدكتور:
اول زيارة مع د. هشام تمت في الاسبوع ٣٥ بالصراحة الدكتور هايل وانا بحاول دايما مبقاش منحازة لتجارب كويسة كتير من غير ما اجرب بس هو فعلا يستاهل كل كلمة كويسة اتقالت عليه. هو نفسه د. شاطر جدا وبيرد دايما ومش بيزهق من الأسئلة الكتير وكشخص محترم جدا وبيساعد علي قد ما يقدر. 

الولادة: 
 عدينا الاسبوع ٤٠ فالدكتور اقترح علينا الطلق الصناعي وحجزلنا في المستشفي ٧ صباحا يوم ١/١ (المفروض انه يحجز الساعة ١٢ بس عشان كان يوم اجازة المستشفي مرضيتش قبل الساعة ٧) ونصيحة هنا اتكلموا قبل ما تروحوا عشان المستشفي ممكن جدا تطلع غيرت المعاد من غير ما ترجع للدكتور بس لما ده حصل كلمت الدكتور وهو اتصرف. بدأنا الطلق الساعة ١٠ صباحا وهو بصراحة غلس شوية عشان بياخد وقت بالذات اني مكنتش داخلة في اي اعراض ولادة بس ده عشان ضيقة الوقت للأسف. بعد طلق ٣٠ ساعة الولادة نفسها مخدتش ٣ ساعات والدكتور جيه اخر لحظة و مكنش متوقع ان الموضوع يحصل بسرعة. الحمد لله كنت لحقت اخد
epidural الدكتورة من اصول افريقية شاطرة جدا وبتعرف توازن ما بين مستوي الألم والإحساس بالضغط وقت طلوع البيبي والاحساس بالرجل فعرفت امشي بعد الولادة عادي مكنتش متخدرة كليا. الدكتور يادوب بيجي يطلع البيبي وطبعا يتحكم في النزيف وكده ويعمل تخييط لو محتاج. فمحدش يتخض ان الممرضات هما اللي بيساعدوا الام تزق شوية في الأول. 

ملحوظة: 
اليوم بيتحسب من ١٢ بالليل وفي ٢٤ ساعة اجبارية لملاحظة الأم والبيبي. احنا عشان الطلق طول دفعنا ٦٥٠ في الليلة الزيادة.

العربية: 
 حجزنا من خلالturo ب basic insurance التجربة لطيفة جدا استلمنا العربية من جراج عام كده جنب المطار والسعر ارخص من شركات العربيات 

الورق: 
 حاليا مقدمين الورق لشهادة الميلاد يوم التلات اللي فات فمستلمناش لسه. الولادة تمت يوم الخميس بس الموظفة غابت يوم الجمعة، للأسف مرضيتش تبعت الورق قبل يوم التلات حتي بضغط من الدكتور ومن مديرتها. هو كمان مكتوب في اول ورقة في الفورم ان الورق بيتبعت يوم التلات فحتي بعد النظام ما بقي
digital ده مش معناه ان الورق بيتبعت كل يوم. يوم التلات بيستقبلوا الاهالي والاطفال من ١٠-١٢ ويتأكدوا من البيانات ويبعتوا فاي حد يعمل حسابه ان الورق هيتبعت يوم التلات واحتمال الخميس علي حسب فهمي. بس برده بعد ما تتم الولادة اتاكدوا لو الموظفة جاية تملي الفورم معاكوا (مواعيد عملها زي اي موظف ايام الأسبوع بس ولحد الساعة ٥) لو هي مش موجودة بتملوا الفورم وتدوها للمرضات وترجعوا التلات. 

تعليق علي المستشفي: 
 انا فاهمة ليه الناس ممكن تكون متأزمة من الممرضات بس هما محتاجين الواحد يبقي لطيف جدا جدا معاهم ومفيش داعي للشد. في منهم اصلا لطاف وفي منهم بالهزار والرغي بيفك. الفكرة ان الواحد ميبنيش توقعات بالذات لو من تجارب في بلاد تانيه.. طقم قبل الولادة اهتمامه مختلف واعلي الممرضة بالذات اللي كانت معانا وقت الولادة كانت هايلة وهي اللي ساعدت في التسريع. كانت بتتأكد اني امشي كتير ولما حست اني قربت طلبت مني ابطل اكل وفعلا الحمد لله عشان الاكل قبل الولادة علي طول بيبقي وحش. اللي بعد الولادة برده كويسين بس فعلا المتابعة اقل بيبقي في
check up علي الام والطفل والتطعيمات وكده الاول تقريبا كل ساعتين وبعد كده كل ٦ ساعات في ال٢٤ ساعة.  مفيش مانع نتطلبهم كتير بس بطلبات معينة هما مش زي في البلاد التانية بيخدموا وبس هما فعلا دورهم طبي الي حد ما كبير وده بيفسر ليه قبل الولادة الاهتمام اكبر. وزي ما المهندس *** قال نفهم ايه المتوقع منهم بس هما في العموم مش مقصرين في الأساسيات اللي مطلوبة منهم. 

ان شاء الله بكمل التجربة لما نخلص الورق وأحب أشكر مهندس ***** مبيتأخرش نهائي وبيساعد جدا ومكناش هنعرف نتحرك خالص في كل التفاصيل من غير الموقع والجروب.

 

التجربة5- 

سلام عليكم 

جود من الجزائر ….. 
التجربة كاليفورنيا 
دكتور هشام المقدم 
مستشفى باركفيو 
السكن كورونا 
الفيزا
 بعد حصولنا على التاشيرة انا ومامتي في شهر أوت و جوزي في شهر سبتمبر

و كنّا صرحنا ان احنا ه نولد هناك لاننا اتسالنا اذا فيه حمل بعد الجواب ب نعم قالي القنصل طيب و فيه فكرة انك تولدي هناك قولتلو اه ممكن بس الاول احنا ه نروح سياحة نستكشف المكان و اذا عجبنا رح نظل قال شو هي المناطق ياي بدكم تروحو عليها كسياحة انا كنت عاملة plan بين نيويورك و ميامي اورلاندو فقالي و الولادة لو حبيتي ه تكون فين قولتلو عندي بعض المراسلات من المستشفى ب اورلاندو و عندي ب ميامي ه أقارن لان جوزي مش رح يظل معي لو قررنا ان احنا نولد بس رح نروح نطمن خصوصا على البيت لان لما تشوف بعينك مش زي ما تروح كده 

قال طيب و هتستعملو تامين ولا ه تعملو ايه قولتلو لا هندفع self pay قالي بس انت قادرة تدفعي قولتلو اه و ممكن اثبتلك و كده ف اقنعته قالنا مبروك و الف سلامة 

انا كنت حكيت بالتفصيل الحوار قبل كده للناس اللي هتقدم 

•النصيحة•

إنكم تكونوا واثقين و ما تخافوش من حاجة عاوز تعمل كده؟! اه عاوز بس  لازم قلب جامد و كلشي نصيب لو رحتو تقدمو و انتو واثقين انه نصيب رح تحصلون عليها ان شاء الله و الله ولي التوفيق 

السفر
كان مع Air France 
انا كان الوضع عندي شوية خطر مهددة بولادة مبكرة و فعلا ولدت على الاسبوع 34 او 35 كل دكتور يقول حاجة ف معلش مش متاكدة اوي انا رحت بدري بالسادس و نص حاجة كده

المهم و احنا رايحين عملنا ترانزيت باريس اربع ساعات كان الترانزايت بعدد ساعات كويسة فكرة مريحة لانك تحتاج وقت و تبقى مش متوتر و ترتاح اكتر و بباريس شارل ديغول فيه مناطق تريح او تنام حتى لو عايز 

بالنسبة للخطوط هي مش واااااو اوي بس لا بأس بيها at least هوما ما بيدققوش اوي انتي حامل ف اد ايه و بالعكس لو عرفه انك حامل ه ياخدو بالهم منك و تطلبي اَي حاجة يجيبوهالك حتى انا لما اخترت ف البريميوم كرسي ممكن تمدي فيه رجليكي انا غلطت بالاختيار المفروض الجدار يكون قدام الكرسي هنا فيه مساحة انا طلعلي الكرسي اللي وراه جدار مش قدّامه و قدّامه فيه كراسي ف غلطت باختيار السيت ف اتعذبت و تعبت من القعدة ما كانت مريحة للاسف 

بس عموما الخطوط كويسة من ناحية انهم يدققو ما سألونيش خالص عن الحمل و لانتبهو اصلا ل حتى انا قلت ان انا حامل ياريت تغيرولي المكان انا غلطت باختيار seat فخلوني اقعد معاهم جابولي حاجة زي الكرسي امد فيها رجليا و كنت تمام الوصول لل لوس انجلوس كان المساء العصر 

•النصيحة• 
ابقوا صرحوا بكل حاجة معاكم اكل او فلوس زيادة او اَي حاجة اصل هوما ما يصدقوا يلاقوا حاجة يمسكو فيها انا حكيت بالتفصيل قبل كده عن حكاية الفلوس وًاني انا غلطت و كنت فاكرة دي عندنا في الجزائر كل واحد له الحق في مبلغ معين ف افتكرت ان لكل واحد عشرة آلاف بس هي طلعت للعيلة مش اكتر من عشرة آلاف و لو كانت اكتر ابقوا قولو من على الماكينة و تبقوا تعبوا فورمة كده ب المبلغ لللي معاكم و مافيش حاجة على ده قانوني جدا  

الخروج من المطار للاوتيل
احنا للاسف حجزنا من على بوكينغ ب اوتيل على أساس ان هروح بعد اربع ايّام جوروبا فالي Jurupa valley عند حد صيني بس النصيب بقى ان الخطة اتغيرت خالص بعد وصولنا للاوتيل سألوني فين هو ليه الكارت مش زي الباسبور مين عامل الحجز فيكم ليا انا و ماما قولتلها انا حجزت ب كارت جوزي لان انا كان لسه ما طلعش كارت البنك بتاعي ف حجزت بتاع جوزي و فكرت انه عادي بيمشي ف للاسف الست ما رضيتش تفعل الحجز قالتلي مش هيتفعل الا لما. صاحب الفيزا كارت هنا هو و باسبوره

المهم هي حاولت تساعدني قولتلها ممكن تحجزيلي بالكاش قالتلي ما بناخدش كاش طيب ه نعمل ايه احنا واصلين تعبانيييين جدا وصلنا المساء و عقبال ما لحقنا من لو س انجلوس بالشامل للاوتيل الدنيا ظلمت و تعبنا جدا حاولت تساعدني اتصلت ب اوتيلات كتير قاواولها ما بنرضاش بالكاش حتى اكستاند ما رضيش يحجزلنا انا كنت مش عارفة اعمل ايه جريت اتصلت بالأستاذ محمد الله يكتر الف خيره الشخص ده انا لو فضلت امدح فيه و لو فضلت اقول عنه حاجات مش ه اخلص بس هو راجل شهم جدا و اصيل اصيل فعلا انا متشكرة اوي اوي يا استاذ محمد 

اكمل اتصلت بيه كان عندهم بدري اوي بس هو رد عليًا و انا خضيته وساعدني و فضل يطمن علينا لحد ما اتحل الموضوع 

الصدفة بقى ان لما ما لقيناش مكان نروح فين في الليلة هاذيك بعتلي رقم واحدة معانا في الحروب كانت حاجزة مع استاذ كمان و بالصدفة مرات الاستاذ ده و مامته ما توفقوش في الدخول للبلد صارت مشكلة و رجعوهم من المطار بسبب الحمل و التصريح على ما اذكر و كده و هي نفسنة في الاول و في ااخر المهم كانت المدام التانية اللي حاجزة معاهم لسه يومين و توصل ف هي عطتني عنوان البيت و قالتلي الاوضة محجوزة و فاضية و ده ااpasscode

و انا ه أخلي الاستاذ يتكلم مع صاحبة البيت يعرفها انك جاية من طرفه و كده اتحل الموضوع فضل موضوع تاني ان التاكسي ما بياخدش كاش انا معايا بس كاش الفيزا ما بتشتغلش الا على بوكينغ و اوتيلات معينة و خطوط طيران و مشفى و بس مش اكتر يعني لما احب اربطها ب اوبر مافيش طيب بالريسبشن تبع الاوتيل اللي ما عرفتش احجز فيه اتصلت ب YELLOWCAB تاكسي دول بياخدو كاش من غير مشكلة ف وصلنا على بيت الست و الحمد لله كان الدخول السهل و كلشي تمام و الاستاذ محمد اطمن و الاستاذ اللي مراته رجعوها كمان اتصل اطمن و المدام اللي حاجزة كمان اطمنت و عدت على خير

•النصيحة• 
بلاش تجيبو من غير الدولار كعملة انا خسرت اوي اوي في اليورو و في الاكسشينج في امريكا لانه عالميا اليورو اكتر من الدولار لكن في امريكا اليورو قد الدولار بالضبط فرق في سنتات و في المطار اليورو اقل من الدولار حتى عطيتها 400 عطتني 300 

عشان بس تنتبهوا يعني اهم حاجة لما تدخل البلد

1-الفيزا كارد تكون شغالة و مربوطة باوبر او ليفت عشان ما توقعش خالص 

2- الكاش يكون دولار 

3-الثقة مع الاوفيسر و الصراحة تكون واثق و عارف انك مش غلط 

4-ابقوا تابعوا التجارب هتستفيدوا جدا 

5-دائماً تكون عامل plan B عشان ما تتوترش خصوصا لو معاك اولاد او معاك حد كبير ه تتعبوا معاك يعني اَي غلط اَي سهو ه تنكد عيشة اللي معاك لو لوحدك تتحمل مسؤولية أخطاءك بس معاك حد تخاف عليه بلاش لازم تسال كتير اوي قبل ما تروح المكان للبيت تأكد و تعرف و الفلوس و الركوب من المطار للبيت و كل حاجة 

6- ابقو خدو معاكم حاجة تأكلوها و قبل ما تنزلو اطلبوا ماية من الطيارة لانكم لما توصلو مش ه تلحقوا تعرفو تجيبو اكل و ممكن لما تحجزوا عند حد ما تلاقوش ماية ف خصوصا الحامل كوكيز او اَي حاجة تقدري تجيبها تسد الجوع شوية بعد طول الرحلة يبقى كويس 

7-لو الفترة طويلة و شايف نفسك مش واخد على النقل و الباصات اعمل حساب الرخصة من اول يوم السواقة في البلد مش صعبة خالص و هتوفر على نفسك كتير خصوصا اذا شفت انك مش لاقي بيت قريب سواء من السوبر ماركت و الحاجات دي او من الدكتور و العيادة و المستشفى ف انك تاجر لمدة اطول هيكون احسن من انك تاجر لمدة قصيرة هيبقى الحساب ما فهوش خصم و و و ف انت كده كده عاوزلك تتحرك ف تأجر من اول من غير مرمطة الباص الا اذا حبيت تحفظ المدينة و الطرقات و الإشارات و كده معلش على ايّام و بعد كده كله بالعربية

لان حساب المرواح و الجي من و على العيادة ب اوبر و ليفت هيكون مش قليل حتى لو تحسب الباص و انت مش لوحدك مش هيبقى موفر الا اذا بيتك على طريق باص على خط معين و مافيشمجهود كتير و مشي كتير 

الأماكن تحسها بعيده عن بعضها يعني من محل ل محل مقابله تجي نفسك مشيت اوي يعني البلد واسعة ى طرقاتها واسعة و الدنيا مش قريبة لبعض يعني اللي زي حالاتي مش متعود على الباص يأجر من اول افضل تدفع شوية و ترتاح كتير

8- الحاجة التانية اوعو و شحن التليفون ده اهم حاجة تشيك عليها كل شوي انتبهو التيليفون مهم جدا لازم يفضل شغال يعني لو ه تأخذ الباص مش هتعرف تتحرك الا بالتليفون تشوف الباص معاده امتى فاضله قد ايه ايه اسم الخط اللي ه تاخده اذا فيه ترانزيت كل ده بالتليفون لو سايق برضه التيليفون من غير google map مافيش حاجة تعرف توصلها لازم الخريطة معاك طول الوقت يعني ال power bank مهم جيبو معاك

9- الحاجات الإلكترونيك اللي شغالة على 220 v اتاكدوا تجيبو ترانسفار لو الحاجة مهمة بالنسبة ليك 

10- الستات بقى انا هاجي من الاخر بلاش تجيبي ولا حاجة معاكي تعالي ب شنطة فاضية فيها فرشة أسنان و معجون ? لا تفكري في بيحامات و لا تفكري في حاجة تقيلة من غير فايدة و لا تفكري في سشوار ولا اَي حاجة لو كنت انا عارفة كنت جبت شناطي فاضية و خلاص لانه ليه ….. لو جبتي و خفتي تولدي خلاص معادك قرب و كل ده ابقي جيبي روب للمستشفى و بيجامتين اتنين و لبسين اتنين للبيبي بتوع خروج و لبسين بتوع بيت و حاجة تتلبس على الجسم دغري و كله يبقى عملي سوستة قفل من فوق ل تحت بس كده خلاص لا تجيبي حاجات اكسترا ولا شي رح تروحي و تشتري اللازم و خلاص كمان انتي روحي و أتسوقي تعرفي الخامة تقريبا لو بتاعت بلدك افضل يبقى جيبي حاجتين اتنين من امريكا لزوم الايام اللي هتعديها ولما تروحي ح ترتاحي و تجيبي على مزاجك و على مقاس البيبي و كل حاجة لو الحاجة عجبتك يبقى انتي عندك تحطيهم فين

المستشفي
نيجي بقى للمستشفى و اليوم الموعود و الولادة  في حد ذاتها و ازاي تكوني مجهزة نفسك انا بحكي على اللي اول مرة يمكن اللي عندهم ولادات سابقة يكونو افقه مني المهم 

انتي اول ما توصلي تكوني محضرة شنطة المستشفى ليكي و للبيبي هوما في بارك فيو بيعطوكي سوادل و حافظات تبع اليومين الاولانيين و وايبس و اَي حاجة من دي ممكن  تحتاجيها بيدوهالك 

المهم الشنطة تكون في العربية معاكي لانك مش هتعرفي ممكن تولدي امتى وانتي في الطريق و انتي في اَي حتة يعني لما يجيلك الطلق و الوجع الاولى انك تروحي المستشفى  هو بالنسبة للبيبي للأول الطلق هيبقى مدته طويلة لغاية 17 ساعة يعني معاكي وقت ماتخافيش هو بس عشان تكوني مرتاحة اكتر و لما يجيلك الوجع تعرفي تعملي ايه و تستني السارفيكس le Cole يفتح و بس 

الحكاية دي انا ماكنتش عارفة انها رياضيات او فيزياء يعني واحد زائد واحد تساوي اثنين بمعنى انه لما يجيلك الطلق لو فيه حد معاكي ابقو حطو ورقة و قلم و ابتدوا عدوا الوقت تبع الطلق و بيّن الطلق و الطلق قد ايه لان ده اللي هيعرفك المرحلة اللي ممكن تروحي فيها على المستشفى 

الوجع بالأول يكون محتمل بس كل ما يعدي الوقت بتزيد حدته و تقرب مدته و لازم التواصل مع الدكتور دغري توصفولو الوجع عامل ازاي و حصل ايه و هو يقولك و يجاوبك تعملوا ايه 

الدخول للمستشفى الأفضل انك تدخلي دغري بعد الساعة ١٢:٠٠ بالليل لان ده هيخليكي مده اطول في المستشفى و ياخدو بالهم منك اكتر 

بالنسبة للمستشفى هوما عاملين sessions كلاس يعني فيها بتتعلمي حاجات مهمة انتي حاولي تروحي الكلاس دي هتستفيدي جداً انا عم نفسي موضوع الطلق ده و الوجع لو ما حضرتش الكلاس ما كنتش ه اعرف اتعامل مع الوجع ازاي يعني الوضعيات اللي ممكن ابقى علينا عشان أتفادى الالم الزيادة 

و فيه حاجات كتير هتنفعك انتي و اللي معاكي عشان يعرف يعاملك 

المستشفى تقيمي للمستشفى كويس مش وحش بس 

بس دي ركزوا عليها اوي……. فيه ممرضات حلوين و فيه عدد قليل مش قد كده ليه بقى ؟؟ لانهم كل واحدة ب مزاج هما كلهم كويسين و مش ممكن ما يعاملوكيش كويس الفرق بس فالحرص فيه حريصين اكتر  ولما تطلبي حاجة بيجيبوهالك دون تفكير و فيه تانيين كان المستشفى بيتهم و احنا بنطلب يجيبولنا حاجة من بيتهم انتي مش هتطولي في المستشفى ان شاء الله يعني كل الكلام ده مالوش داعي افتكر حاجة واحدة ان فيه ممرضة ممكن تقولك الحاجة دي احنا ما بنوفرهاش تيجي واحدة بعديها بتجيبلك الحاجة و هي مبتسمة يعني علي حسب انتي اطلبي من عند دي و دي و دي و شوفي 

لازم تكوني فطنة بخصوص تطعيمات البيبي مرات بيدوك تمضي على حاجة و ما بيعملوهاش يعني اتاكدي من كذا ممرضة 

غير كده المستشفى كويس بخصوص برودك الغرف هو التكييف شغال شهر ديسمبر بس انتو اطلبو منهم يوقفو او يعملو حاجة بس غالبا ه تكون الغرفة باردة ليكي و اللي معاك 

بالنسبة ل haut standing المستشفى مش haut standing للاسف .
التطعيم للام كمان بينسوه و انا نسيوه و انا نسيته و ما عملهوليش ابقي اسألي 
المرواح على المستشفى لازم يكون معمول حسابه تدخلي لما يفتح الرحم 3 cm ابقي أطالب يعلقولك المحلول هلا هلا محلول اللي بيجي قبل الابيدورال لان الابيدورال فيكي تاخديه على أربعة سم

و هيك تكوني عديتي مرحلة الالم المستشفى فيها دكتور من اسيا يشبه الكوريين كده شعره ابيض مش اللي شعره اسود لا اللي شعره ابيض ده احسن دكتور لأحسن اختراع اللي هو الابيدورال  اوثقوا فيه و كل شيء هيكون تمام

الدكتور هشام
دكتور جدع جداً و محترم و متفهم ل أقصى حد أقصى اقصى حد 

انا تابعت معاه و كل حاجة بس للاسف على حظي و لان حالتي كانت مش هتعرف ولادتي هتكون امتى إنذار الولادة المبكرة و محاولة ان البيبي يقعد اكتر وقت ممكن داخل الرحم عشان النمو و كده بس للاسف الاسبوع اللي المفروض اطمنا فيه شوية و الدكتور هشام قالي ان الحمض تزايده كويس و كل حاجة الكلام ده كان يوم اثنين يوم اربعاء رحت عملت شوبينج و أجهدت نفسي شوي ف حصل معايا انقباضات و كانت الماية بتنزل بشويش وانا ماعرفتش ان دي هي الماية لاني اول مرة ف مش عارفة المهم يوم خميس ابتدو معي الانقباضات و كنت ببعت للدكتور من الساعة خامسة المساء كان متابع  معايا اول بأول هو اللي بيقولي ازاي تحسبي لحد ما فتحت ثلاثة سنتي و قالي تطلعي المستشفى كانت الساعة اثناش بالليل و عقبال ما جاني الطاكسي الأوبر و ما وصلنا صارت واحدة الا

استنيت شوية بعت للدكتور بالوجع و انا في المستشفى جاتني صدمة انه هو مش هنا زعلت اوي و حزنت جدا خفت انهم في المستشفى مش عارفين ب حالتي و لا متابعين معايا و انا بالألم لما عرفت انطق اسمي يبقى عملت حاجة حلوة 

لاني لما كان الوجع ولا عارفة اشرح ولا عارفة اكلم 

هو عيب المستشفى انك تروحي يتعاملو مع الحالة من جديد يعني حتى لو الدكتور هشام متابع و لما يحصل معاكي ولادة يجيب ملفك و هو يديهم كل التعليمات بس انتو تعملو حسابكم انو لو مثلا الدكتور غايب عن المنطقة زي ما حصل معايا بالضبط 

المهم هو قالي اني بعت دكتور احسن مني خبرة و ماتخافيش و هو استدرك الموقف و لاقيتهم فهموا كل حاجة و بعتلهم ملفي و عقبال ما الايبيدورال اشتغل و الرحم فتح كان كلشي تحت السيطرة الحمد لله

و بصراحة انا شفت مرة في بوست حد قال عن النيجيري الينوا او نسيت اسمه ه اشوفه بشهادة ميلاد بنتي و اتاكد في حد قال ان هو مش كويس و بس أنا تجربتي  انه كويس جدا و عارف شغله اوي و ما بيستناش و لحق بنتي في الوقت المناسب و كل التعليمات اللي ادهالو الدكتور هشام كان ماشي معاها بالحرف

انا ولادتي كانت في ليلة ال thanksgiving او دخولي على المستشفى كان في الليلة دي و الولادة وقت صلاة الجمعة

عشان كده كانو ايّام عطلة و الدكتور كان راح سافر في حظي بس الحمد لله عدى كل شيء على خير و بنتي كويسة و انا تمام و كلشي بخير

شهادة الميلاد
اكتبو شهادة الميلاد و عبوها كويس بس موضوع الأخطاء في الاسم اتاكدوا لانه لو فيه غلط في شهادة الميلاد مش ه تعرفوا تعملو حاجة الا بعد تلات اشهر و ده صعب جدا 

و احذروا الخطا في العنوان اللي بيجيلكم فيه السوشيال لانه ه يكلفكم مشاوير ل ادارة السوشيال و وقت يكون شهر شهر و نص زي ما حصل معايا لحتى بس تعرفو تعدلو العنوان 

بين قوسين فيه حاجة قالتلي عليها واحدة مقيمة في امريكا 

بخصوص الأرقام هما عندهم بتقولي لما يحبو يكتبو الولحد بيكون عمود بس و السبعة تكون سبعة زي بتاع الكومبيوتر يعني لو حبيته تكتبو واحد  هيفتكروه سبعة يعني و انتو بتملو او بتدوا شهادة الميلاد لو فيه رقم واحد و سبعة ابقوا وضحوا الامر للي بتستلم الشهادة

اللي يصير معاه غلط في العنوان تبع السوشيال ممكن يسال و انا أقوله عملت ايه

حساب البنك
بخصوص الفيزا من بنك اوف امريكا 
انا رحت ل بنك اوف امريكا كان مش بعيد عن المستشفى يوميها هو المفروض قانون البنك يبقى زي بعضه في كل الفروع بس انا لاحظت ان كل  فرع و ع حسب اللي بيشتغل شاطر ولا لا في البنك بقصد

انا طلعولي virtualcard استعملتها في الحين يعني لما طلعت البنك كنت اصلا ربطتها ب اوبر و روحت البيت
بمعنى انها زي الديبيت البلاستيك بتستعملها عادي حتى من على ال atm و هي كده virtual و بعدين بتوصل الكارت البلاستيك قبل اسبوع او اسبوع على الاكتر

الشوبينج 
اونتاريو ميلز جميل galleria at Tyler صغير و فيه حاجات ممكن تعجبك اما اماكن كبيرة اوتلات فيه كابازون desert hills و فين سيتادال اورنج اوتلات هما دول 

تفقدوا مارشالز و برلينجتون و تيجي ماكس
بخصوص مارشالز و برلينجتون كل ستور مختلف عن التاني يعني ممكن برلينجتون اللي قريب لي كورونا ما يكونش بنفس حاجات برلينجتون اللي قريب اللي ريفارسايد مشي يعني انتو اطلعوا و شوفو و قارنو باي باي بيبي حاجتهم نظيفة و مرتبة و حلوة بس غالية حبتين
تارجت احسن من والمارت في حاجة البيبي زي diapers و الكريم و الحاجات دي ليه لان والمارت ما بيعملولها خصومات بس تارجت بيعمل عروض و لو سجلتك يبعتولك كوبونات 15%

الرجوع انا رجعت مع Air France بالنسبة للتعديل تبع التذكرة اوتوا تتصلو ب Air France في امريكا ه يبقى التعديل بأرقام خيالية اتصلو ب بتاع بلدكم و حد يتصلكم يعدلكم التذكرة بتبقى بسعر شوية معقول بس غالي مقارنة ممكن بالخطوط الاخرى

المهم انا طلعت رجعت بريميوم كمان انا بكتب في التجربة و انا في الطيارة لسه ما وصلتش شارل ديغول ه ابقى اكمل الحكاية لحد البيت ههههههههه

 الباسبور

هنبتدي من مشوار سان دييجو اولا لما تعملو الmap و تروحو المبنى تبع الجوازات تلحقو جنب المبنى فيه باركينج يوم كامل ب عشرين دولار فيه كذا باركينج انتو افضل إنكم تشوفو ركنة في الستريت يعني بالساعة و الساعتين ارخص حاجة تانية من الأفضل أنكم ما تطلعوش هناك الا و انتو عاملين كل حاجة زي 

• صورةالبيبي 
• زي طباعة التذكرة 
• طباعة الابليكيشن

كل الحاجات تكون معمولة من قبل ما توصل المبنى يعني نزولك المبنى بيكون دغري للجوازات تنزل بالبيبي طبعا لانه موظف الجوازات يتأكد من هوية البيبي انه يشوفه 

هوما حلوين في التعامل الصورة تبع البيبي المهم انك تصور البيبي ب الوضعية المطلوبة في الموقع تبعهم غير كده ما يدققوش كتير يعني بلاش تعملو صور كتير للبيبي كل واحدة ب ١٤$ عَلى الفاضي انا كله احتجت اتنين واحدة للجوازات و واحدة بعتها في ملف التاشيرة للجزائر 

انا مش عارفة اذا هي مطلوبة اولا بس انا بعتها في الظرف و هوما مسكوها بحكي على سفارة الجزائر  

المهم النزول للمبنى تبع الجوازات تطلعوا الطابق التاسع او الحادي عشر مش متذكرة كتير 

تحطوه و تستنو بعد كده في زي مطعم صغير كده تصريفية يعني بالطابق الأرضي عند مدخل المبنى خاص تقريبا بالعمال هنا و كده هو تبع حد لبناني اسمه ايلي عاصي حد جميل و طيب و جالنا لحد الطاولة و كان ظريف و ضيفنا و كل حاجة هو مش دايما هناك احنا لقيناه بالصدفة ما تتخيلوش ان المطعم فيه شيش طاووق و الحاجات من المطاعم اللبنانية او الشرقية بصفة عامة لا المطعم صغير بتاع تصريفه تمشية حال فيه حمص و سلطات تركية ب علي زي اللي موجودة ب والمارت المهم بيمشي حاله لو مش عايزين تتحركو كتير 

استلمنا الباسبور الساعة اربعة كان معادي الساعة تلاتة بس كان فيه شوية ناس بتستنى بس هوما سريعين و تمام

سفارة الجزائر

هي مافيش سفارة جزائرية ب كاليفورنيا ولا في مكتب بيتعامل معاهم زي اللي بيخلصوا الاوراق 
 هو الشغل مع السفارة الجزائرية كله مع سفارة الجزائر ب نيويورك فيه موجود واب سايت خاص بالسفارة الجزائرية نيويورك فيه كل الاستمارات المطلوب تملاها 
لما يوصلك الباسبور الامريكي تجهزو مع الدفتر العائلي و شهادة الميلاد الأمريكية و مجموع الاستمارات اللي على ما اذكر 

• استمارة التسجيل القنصلي عشان المولود يبقى مسجل في القنصلية  
• و استمارة الحالة المدنية 
• و فيه استمارة ثالثة بالعربي و الأجنبي. بتملاها 

المهم تجمعهم كلهم و تروح USPS  تحطهم في ظرف و جوه الظرف تحط ظرف تاني واحد بتبعت فيه الاوراق و الباسبور الامريكي الأصلي و الشهادة الميلاد كمان و دفتر العائلي و صورة من جوازك و جواز الأب و قسيمة الزواج انا حطيت كل دول و تحط معاهم ظرف تاني ترجعلك فيه الاوراق المطلوبة بيدوك شهادة الميلاد s12 و يسجلو المولود في الدفتر و يرجعولك الباسبور بتاع المولود فيه فيزا لدخول الجزائر 90 يوم مدتها  و بس كده 

سعر الظرف ال express ٢٥$ 
ولما يبقو ظرفين ظرف يروح من عندك ل نيويورك
 و ظرف تحط فيه العكس من عنوان السفارة بنيويورك ل عنوانك  ده كمان 25$ 
يعني تكون حاجة و خمسين مع تاكس و و خلاص بس اعملوا حساب العطل و كل حاجة قبل ما تحجزوا الطيران او تعدلوا الطيران لانه لو صادف مع عطل ه ياخذ وقت حتى لو إكسبرس بس لو ايّام عادية وش هياخد وقت وربنا يوفق الجميع

التجربة6- 

 

السلام عليكم
تجربتي ديسمبر-يناير ٢٠٢٠
الولاية : كاليفورنيا
د/هشام المقدم

الفيزا
كانت معايا من ٦سنين بغرض الدراسة وجددتها عن طريق البريد من سنة قبل الحمل.
تابعت الجروب وكنت بفاضل بين نيو جيرسي وكاليفورنيا لان التجارب فيهم كتير والأسعار معقولة بس استقريت علي كاليفورنيا عشان الجو هيبقي مناسب في الفترة دي وأنا هكون لوحدي مش معايا عربية.

بدأت أراسل د هشام ود أمين لأني كنت لسه مش مستقرة علي حد.
 
ده كان البيبي التاني . اول ولادة كانت قيصري في مصر برغبتي بدون اي أسباب طبية.

د هشام قاللي ممكن تولدي طبيعي لو حابة. دكتور امين كان كلامه انه ولادتي هتبقي قيصري زي اول مرة. المهم استخرت واستقريت علي دكتور هشام لأني كمان خفت البيبي يحتاج حضانة وبارك فيو كان فيها حضانة وبيعملوا تخفيض. عالاسعار.
كنت مقررة احجز طيران عالاماراتية وبعدين قريت تجارب عالتركية . حجزت فعلا ذهاب وعودة ايكونومي

مميزات الطيران التركي : 
 *سعر التذكرة معقول جدا . حجزت قبلها بشهر ب ١٢٥٠٠
*المطار هايل جدا ومش هتحس بوقت الترانزيت 
* مدة الرحلة من إسطنبول ١٣ ساعة او اقل نص ساعة مقارنة ب ١٦ ساعة عالاماراتية او السعودي
* البيبي ليه شنطة ٢٣كيلو وكاري اون ٨ ك وسترولر وكارسيت
* حجزت للبيبي من المطار ب ٩٠ دولار
* محدش سألني علي تقرير الحمل رغم انه كان باين

العيوب:
 * الموظفين الأتراك مش فريندلي اوي وتحس انهم بيتفاهموا بصعوبة
* رحلة إسطنبول القاهرة بتبقي صعبة اوي والطيارة ضيقة جدا ومفيش bassinet اتعذبت بالبيبي
* الأكل قليل ومش حلو ?
*الطيارة بتبقي زحمة اوي تقريبا مفيش مكان فاضي
 *لازم تضيف البيبي في المطار وأنت وحظك هتلحق باسينيت ولا لا

سافرت انا وأختي في اول يوم من الاسبوع ال ٣٧. اختي كان معاها الفيزا من ٤سنين وراحت سياحة قبل كده.

محدش سالني علي تقرير الحمل لا في اي مطار ولا عالطيارة رغم انه كان باين. كنت حاجزة في اخر الطيارة جنب الحمام ولو احتجت اي ميه او سناك جنبي وكنت مرتاحة للاختيار ده. كان الكرسي التالت جنبينا فاضي وقدامنا كرسي فاضي اختي انتقلت عليه وأنا ريحت عالتلات كراسي

الوصول
وصلنا مطار لوس انجلوس ٥المغرب تقريبا

دخلنا بياناتنا عالجهاز وما أخذناه اكس. دخلنا علي اوفيسر اسيوي كبير في السن كان بشوش وسألنا ايه صلة القرابة قلنا اخوات ضحك وقال اننا مش شبه بعض. سال سبب الزيارة قولتله سياحة وميديكال كير سالني تقصدي ايه بميديكال كير قولتله انا حامل هو مكنش شايفني من مكانه غير راسي بس. بدا بقي هنا يسال جوزي فين وهيجيلي ولا لا ومعانا فلوس كام وكان معايا اكتر من ١٠ آلاف سالني حامل في كام أسبوع وهنا نسيت وقلت ٣٢ أسبوع زي تقرير شركة الطيران ولما سالني عن مراسلات الدكتور ورينه الإيميلات وطبعا كان مكتوب فيها اني هوصل ٣٧اسبوع مش ٣٢ ووريثته عرض أسعار بارك فيو

اخد ورق المراسلات مع الدكتور وكلم اوفيسر تاني آسيوية برضهورجع بدا يسال اختي جات قبل كده امتي وليه وقعدت قد ايه وقام خاتملها دخول وقاللي انتي هتيجي معاياوطلب من اختي تستني تحت. دخلت قعدت وكانوا بينادوا عالناس باسمائها . استنيت كتير وفيه ناس جات بعدي ومشت

الساعة بقت ٩بليل وبدات اقلقهنروح امتي. اتشجعت وقمت سالت إنتوا يتنادوا الأسلمي علي اي أساس واتي قاعدة من بدري وفيه ناس جات ومشت. رد عليا أوفيس بالعربي ولهجة مصري اسمك ايه ومنين. دخل جاب جواز سفري وسألني معايا كام؟ وقاللي انتي جاية هنا تولدي ؟ قولتله اه جوزك معاكي ؟ لا 

هيجيلك؟ برضه لا مش معاه فيزا

قاللي طب استني وأتكلم مع الاوفيسرز اللي هالشباب

نادوا علي اسمي وختمولي دخول وادوني الجواز وخرجت كانت الساعة ٩ونص

السكن
كنت مستأجرة غرفة ببيت واحدة أمريكية من أصول آسيوية ( سيدة مسلمة من بورما) عايشة هي وطالبة من أصل تونسي في ريفرسايد ١٥دقيقة من المستشفي والدكتور هشام و١٠دقايق من مكان عيادة السونار التفصيلي وفي منطقة آمان. بصراحة ده كان احسن حاجة في الرحلة . الست كانت لطيفة اوي وذوق جدا وكنت اول واحدة اسكن عندها وكانت متعاونة جدا والبيت في منتهي النظافة وكل حاجة متوفرة فيه وكانت بتعرض عليا تاخدني مشاوير في طريقها زي محلات الgrocery

وما شاء الله عليها الآذان دايما في البيت والقرآن وعارفة المحلات الحلال وسعر السكن مقارنة باي مكان تاني كان رخيص ان مكنش أرخص حاجة فعلا. 

كنت باخد دايما ليفت لمشاوير الدكتور والمستشفى من ١١-١٥$

الدكتور
رحت لدكتور هشام اول زيارة بعد وصولي ب ٣ ايام . طبعا حد محترم جدا ومريح في التعامل . شاف التحاليل والسونارات وقاللي انه ممكن استني أولد طبيعي بس ده هيبقي في مستشفي محددة او أولد قيصري قبل ميعاد ولادتي بأسبوع وممكن اخد طلق صناعي وأحاول في الطبيعي قبل ميعادي بأسبوع برضه اللي هو اخر ديسمبر 

الولادة:
انا لقيت ان صعب استني الطبيعي لأني حاجزة ميعاد للتفويض ٢٩ذيسمبر وكمان اختي كانت هتنزل مصر يوم ٣٠ فاتفقت مع الدكتور اني أولد قيصري يوم ٢٥/١٢ يوم الكريسماس والمستشفي (بارك فيو ) وافقت عاليوم الساعة ١٠ الصبح. اخدت ميعاد يوم الاسبوع اللي بعده للسونار يوم الاتنين وميعاد تاني مع الدكتور التلات الصبح والولادة مفترض الاربع،

عملت السونار التفصيلي واتطمنت عالبيبي بس كان بيجيلي مغص بقالي يومين علي خفيف وحركة البيبي بقت قليلة . بس السونار قالولي كل حاجة ممتازة. في نفس اليوم بليل المغص زاد شوية وبعدين زاد اوي وبقي يجي كل ٦-٧دقايق. كلمت دكتور هشام وقاللي اطلعي عالمستشفي فورًا . ولما فحصوني الرحم كان فاتح وكنت في ولادة. كانت الساعة ١بليل . قالولي هتدخلي الصبح الساعة ٨ قيصرية لان في بارك فيو ممنوع يعملوا طبيعي بعد قيصري لنقص الشروط والإمكانيات . د هشام جالي الصبح الساعة ٨ وقاللي لو حابة تكملي طبيعي لان الرحم كان فاتح ٥سم هننقلك مستشفي ريفرسايد (دي اللي سياستها بتقبل حالات ال vbac )

 . طلبت منه وقت افكر وتتشاور مع جوزى في التليفون وبعدين قولتله خلاص نكمل هنا في بارك فيو ومضيت إقرار القيصرية

قاللي هرجعلك ١٢الضهر . بس انا كنت خلاص بولد علي ١١ونص

ركبولي اببديورال ومضيت تاني ان الولادة علي مسؤليتي واني رفضت اجراء عمل جراحي . ولدت عالساعة ٣الحمدلله  طبيعي. كان يوم تلات و خرجت الاربع كان اجازة . كلمتهم الخميس تراجع الشهادة موافقوش وقالولي استني ليوم التلات الجاي . 

شهادة الميلاد و الباسبور
قدمت عالشهادة التلات بعد الولادة بأسبوع واستلمتها التلات اللي بعده ورحت الجوازات الخميس في لوس انجلوس وصلت ١٢وربع صورت البيبي هناك وقدمت عالورق كانت الساعة ١ وكان معايا تذكرة رجوع لتاني يوم والاستلام كان عل ٢ونص بس كنت نسيت امضي ورقة اني مستلمتش السوشيال سيكيورتي فمضيتها وبعتوها واستلمت عالساعة ٤.

العودة
حجزت البيبي تذكرة من المطار ب ٩٠ دولار.
الفترة اللي قعدتها كلها كانت ٤اسابيع

التجربة7- 

تجربتي – 20 نوفمبر 2019 : 2 يناير 2020

 

قرار السفر
 اكتشفنا الحمل في شهر مارس 2019 وبعدها بشهر بدأ التفكير في الولادة في أمريكا، حقيقة ما تعبناش كتير لإن اول حاجه طلعت لنا في البحث كان توتال كير واللي لقينا فيه كل التفاصيل المطوبة، طبعا الجروب بتاع الواتس اب برضو كان عظيم جدا لإنه كان بيدينا خلاصة التجارب وبيرد على أسئلة محورية بالنسبة لينا

المهم اننا اخدنا قرار السفر واستقرينا عليه ولكن الإختلاف كان على الولايه والدكتور اللي هنولد معها ( الفلوس كانت عامل مهم جدا طبعا في الاختيار مع الأخذ في الاعتبار ان الدكتور يكون كويس ) 

اختيار الولايه والدكتور
كان عندنا أصدقاء ويعتبر شقة موجود في فلوريدا وكنتاكي، ولكن بعد ميزد من الدراسة البحث والتجارب قررنا إن الولاده تكون في كاليفورنيا وتحديدا مع د. هشام، احنا استريحنا جدا جدا للتجارب اللي كانت معاه وحسينا إنه هيكون الأفضل بالنسبة لينا وبالفعل بدأنا مراسلة الدكتور وبعتناله كل حاجه وهو رد علينا بالتحاليل والموعد المقترح لأول زيارة

حجز الطيران وتحديد موعد السفر
قررنا إن السفر يكون في بداية الأسبوع ال 36 بناءا على تجارب من سبقوا وبناءا على اقتراح الموقع

وكان قرار اختيار الطيران اللى هنسافر عليه، دورنا كتير وفي الأخر لقينا إن الأفضل بالنسبة لينا هو الطيران الروسي ( ايرو فلوت ) 

الطيران الروسي بيطلع يوميا من القاهرة الساعة 3:45 مساء وبتسافر 6 ساعات لحد موسكو وهناك بتعمل ترانزيت تقريبا 5 ساعات وبعدين بياخد 13ساعه لحد لوس انجلوس ( يعني تقريبا رحلة السفر بتكون 22 ساعه )

الطيارة الأولى كانت صغيرة ومش حلوة ولكن مسافتها قصيرة وعدت
مطار موسكو كبير جدا جدا وعشان نوصل من الطيارة بتاعتنا للبوابة بتاعة الطيارة التانيه مشينا تقريبا 30 دقيقة
فيه كراسي حلوه اوي موجود في المطار تساعدك على النوم وفيه كمان كباين نوم ( الساعه تقريبا ب8 دولار )
 المحلات في المطار مش بتتعامل بالدولار ( فقط روبل روسي أو كريدت كارد )

الطيارة التانيه كانت لطيفة وكويسة وواسعه ( وجبتين حلوين وسناكس وميه طول الوقت ) عرفتهم ان زوجتي حامل بس ماكانش فارق معاهم أوي، يعني نفس التعامل تقريبا

الوصول لمطار لوس أنجلوس
وصلنا المطار وكان لذيذ ومش زحمة أوي الحمد لله، عملنا سكان للجوازات وبفضل الله ما طلعش اى x ودخلنا على الاوفيسر دخلنا عليه قالنا هتقعدوا قد ايه قلتله 43 يوم وما كملناش كلام كان خاتم وبيقولنا اتفضلوا ?

المفروض كده بقى خلاص ناخد الشنط ونتوكل على الله ولكن احنا غلطنا غلطة لذيذه، واحنا مستنين الشنط، عدت علينا اوفيسر ومعاها كلب صغير كده قعد يشمشم في الشنطة اللي معاه واكتشف وجود تفاحتين معانا?

اه والله تفاحتين، راحت الاوفيسر كاتبه كلمتين على التصريح اللي معانا وبعدها فورا  استلمنا الشنط

طبعا عدينا في الممر وأول ما شاف الكلمتين دول وبدل ما نخرج على طول من المطار، راح مخلينا داخلين على طابور تاني طويييييل عشان التفتيش بسبب وجود أكل

وقفنا تقريبا في الطابور حوالى نص ساعه لحد ما جه دورنا، سألني جايين منين فقلتله مصر

طيب معاكو ايه ( قلتلتو تفاحتين وشويه باتيهات ) المهم الحمد لله  اخد التفاحتين وعدانا بدون تفتيش ( احنا فضلنا نشكر ربنا كتير جدا جدا على انه ما حصلش تفتيش وده لإن التفتيش بيفتح الشنطة وبيفضل يدور في كل حاجه وكان هيبقى فيه بهدله للشنط، فالحمد لله انها عدت على خير )

من مطار لوس انجلوس إلى ريفرسايد
طلعنا من المطار، قعدت ادور على الشاتل باص وما عرفتش أوصله، قمت راكب اتوبيس يوصلني لحد مكان انتظار عربيات ليفت وأوبر،  وبالفعل اخدت أوبر تقريبا كلفني 82 دولار لحد مكان السكن بتاعي وكان لطيف جدا ( الطريق أخد ساعتين بسبب الزحمه )

السكن في ريفرسايد ( تحديدا استيفيل ) وخط الموبايل
قبل ما اسافر بعت لنا كتييييير جدا على airbnb  وكانت رساله واحده بقول فيها اننا من مصر وجايين بغرض الولاده وعاوزين الشقه لمدة 43 يوم، أغلب الشقق كانت بترفض عشان وجود أطفال لحد ما فيه واحد وافق واتأخرت انا عليه قامت الشقة محجوزه? زعلت شوية وقلت اكمل بحث

وأنا بدور بعت لواحده اسمها بيلا وقلتلها نفس الرساله فردت عليا وقالتلي ( إنها مش بتسمح بوجود أطفال ولكن الأطفال هما ميراث الله من الأرض وإنها موافقه اننا نيجيى عندها )

حقيقة مهما تخيلت ومهما تصورت ماكنتش هقدر اتخيل جمال المكان والشقه والغرفه

الشقه كانت رائعه وفيها كل حاجه ( مطبخ على اعلى مستوي فيه فرن وبوتجاز وميكروويف وشوايه وتلاجه كبير وكل حاجه تحتاجها – غساله كبيره ودراير مجاني الاستخدام – حديقه حلوه وواسعه وكبيره – حي راقي جدا – ريسشبن واسع جدا بتلفيزيون كبير ونت سريع جدا جدا )

حتى الجيران في الشقه كانوا رائعين للغايه ومهما الواحد اتكلم عنهم مش هيوفيهم حقهم 

الحمد لله الإقامة في هذا المكان كانت نعمة عظيمه جدا، وربنا أكرمنا بصديق كمان من توتال كير سكن في الغرفه اللي قدامنا وبالتالي السعاده بقت مضاعفه

بخصوص بقى خط الموبايل، فحقيقة انا اشتريت خط منت مع على امازون، 3 شهور ب 45 دولار وكان لطيف جدا وما خذلنيش ولا مره حقيقة

الخط بيديك مكالمات كتير وبيديك 12 جيجا في الشهر وبيتجدد بشكل تلقائي 

المتابعة والولادة مع د.هشام
رحنا أول زيارة ود. هشام شاف التحاليل واطمن وقالنا إنه تقريبا كل حاجه تمام وإن الولاده هتكون في نفس الوقت المحدد مسبقا وإن شاء الله تكون طبيعي لان مفيش حاجه تمنع من كده، كان قدامنا شهر لسه قضيناه شوبنج وخروجات لحد ما يحين المعاد

طبعا اللي ما كناش عاملين حسابة اطلاقا هو الاجازات الكتير اللى كانت موجوده في الوقت ده واللي كانت هتعملنا لخبطة جامده لولا ان ربنا يسر الحمد لله 

في أخر زيارة لدكتور هشام اتفق معانا على إننا هنخش المستشفى ليلة 19 ديسمبر وده كان يوم خميس

دخلنا بالفعل الساعه 12 بالليل في بارك فيو واستقبلونا بشكل رائع جدا ودخلت وزجتي الغرفه بتاعتها، وبعد 4 ساعات بدأت تاخد الطلق الصناعي ( الرحم كان مقفول تماما ومفيش ولا حتى ربع سم فاتح ) من الساعه 4 الفجر تقريبا لحد 7 صباحا كان اللي فاتح 1.5 سم، وعلى الضهر كان فاتح تقريبا 3 سم 

المهم إنه على العصر كانت زوجتى بدأت تحس بألم شديد وطلبت تاخد حقنة الضهر، نقلونا غرفة تانيه وجه دكتور التخدير وبالفعل اخدت الحقنة وبدأت تستريح شوية، جه د. هشام وقالنا انه لسه الرحم ما فتحش اكتر من 5 سم وإنه لسه بدري، ادو زوجتي جرعتين بس والباقي كان طلق طبيعي بقى

عدت 24 ساعة، وعلى الفجر كده فجأه لقينا 5 او 6 ممرضات ودكتوره داخلين علينا الاوضه فجأه وبيعملوا حاجات كتير، أتاري الجنين نبضه انخفض جدا فجأه وكانوا بيلحقوه، بلغو دزهشام وكان متابع معانا لحظة بلحظة لحد ما جالنا الساعه 9 الصبح وبلغ زوجتي باللي حصل وقالنا إنه فيه احتمال في أى لحظة ان زوجتى تخش قيصري، حقيقة احنا كنا مصرين على الطبيعي والدكتور كان مساعدنا جدا ولكن لو كان فيه خطر كنا هندخل قيصري فورا

واخيرا بعد 38 ساعه، أيوه 38 ساعه وفي تمام الساعه 7 مساءا وصل د.هشام ولقى الرحم فتح 10 سم وبدأت الولادة بفضل الله بشكل طبيعي وانتهى الأمر على خير بولادة ( ميلار عبدالرحمن حبت ) ?

طبعا قعدنا ليله زيادة في المستشفى ودفعنا 650 دولار زيادة 

شهادة الميلاد والباسبور
انا كنت مخلص شهادة الميلاد يوم الولاده ( يوم جمعه ) ولكن كنا متأخر وماحدش كان موجود، وسلمتها للمرضة يوم السبت بعد ما راجعتها معايا وطلبت مننا نيجي التلات عشان بصمة الرجل وعشان نراجع شهادة الميلادة

رحنا التلات بالفعل الحمد لله وراجعنا شهادة الميلاد وعملنا البصمة وبعدينا طلعت على الميديكال واخدت الميديكال ريبورت بتاع زوجتي وبنتي ( ادوني 119 ورقة ب 27 دولار ) ماحدش يعمل كده وخدوها على CD  ب 5 دولار بس، وأنا هناك كمان  مليت ابلكيشن خاص بالبورتال بتاع الميدكال لزوجتي وبنتي وكله كان تمام

يوم الاتنين اللي بعده بفضل الله رحت عشان اشوف شهادة الميلاد على الساعه 12 ودفعت ال 28 دولار ولقيتها طلعت الحمد لله ?

التلات طلعت على لوس انجلوس عشان الباسبور بدون معاد، اخدت معاد من هناك ودخلنا دفعنا 190 دولار ( دفعت 70 كرييت و 120 كاش ) وحلفنا اليمين وطلبنا الحاجه وبعدين رحنا اتفسحنا شوية ورجعنا على الساعه 3 استلمنا الباسبور والكارت الحمد لله 

الزيرو بالانس وكل الفواتير استلمناها برضور من المستشفي، استلمت نسختين والدنيا مشيت بشكل بسيط وسهل الحمد لله 

العودة إلى أرض الوطن
رحلتنا كانت يوم الخميس العصر، وبالتالي أنا قبلها كنت باعت لشركة الطيران ومعرفهم انه معايا طفله عشان يحجزولها باسنيت

وكمان عشان اعرف ازاى هدفع تكلفة تذكرة البيبي 

كمان كنت قبلها حاجز مش شركة شاتل باص عشان الانتقال للمطار، التجربة دي كانت سيئة جدا حقيقة، فضلو يأكدو عليا طول الوقت انه جايين لحد قبل السفر بنص ساعه بلعتولي على الايميل إنهم كنسلوا الرحلة منهم لنفسهم كده ( حاجه سيئة جدا جدا ) المهم الحمد لله طلبت اوبر وكان حلو جدا وواسع جدا وكفى كل حاجه والتكلفه كانت معقولة جدا   تقريبا بنتكلم في 120 دولار 

وصلنا المطار في ساعه وربع، دخلنا كان المطار زحمة جدا ولكن ايروفلوت كانت هاديه، بيرخموا جدا في الوزن رغم انى شاري شنطة اضافيه بحوال 80 يورو ( لقى شنطة 25 كيلو مش 23 كيلو ) كان عاوز يدفعني عليها 100 دولار او اكتر، قلتله لاء واخدت الحاجاه نقلتها في شنطة تانيه

المهم دفعنا تذكرة البيبي وهي 10 % من تذكرتنا يعني حوالي70 دولار واخدنا فعلا كراسي وباسنيت للبيبي 

كان معايا سترولر وكارسيت، ما اخدش عليهم حاجه وانا طلبت ان السترولر يكون معانا والكارسيت نستلمه في مصر وعملوا كده فعلا

السترولر نفعنا كتير جدا حقيقة ( كنا بنخش في طوابير اقل على اساس انه  معانا طفل رضيع – وقت دخول الطيارة دخلنا الاول الحمد لله – في مطار القاهره دخلنا من طابور الدبلوماسيين وذوي الاحتياجات ) ??

الحمد لله بعد تقريبا 24 ساعة وصلنا لمطار القاهرة الدولي بعد رحلة طويله جدا

التطعيمات وشهادة الميلاد المصرية
اول ما وصلنا رحينا تقريبا كام ساعه والصبح رحت لمكتب صحة العباسية عشان تطعيمات البيبي لانها كانت خلاص وصلت 15 يوم، ما كانش معايا شهادة الميلاد فالممرضه طعمتها وقالتلي تبقى تجيب شهادة الميلاد بعدين

بعدها رحت العباسية، ترجمت شهادة الميلاد الامريكيه وترجمت جواز السفر وقدمت المطلوب واستلمت شهادة الميلاد بعدها بحوالي5 ايام 

اه بالمناسبة شهادة الميلاد الامريكية كان فيها غلطة بس عدت الحمد لله ( مكان ميلادي المفروض انه اليمن، كتبوه السعوديه بس عدت الحمد لله )

يعني اسف جدا على الاطاله بس حبيت انقل التجربه بشكل مفصل وان كان فيه تفاصيل تانيه كتير ما ذكرتهاش عشان التجربه ما تطولش اكتر من كده، حابب اشكر حقيقة مهندس ***** على جهده العظيم المبذول في الموقع اللي فعلا مش مخلي حاجه وعلى انه كان معانا لحطة بلحطة

حابب اشكر د.هشام على جهد العظيم معانا، وحابب اشكر صديقي حسام اللي هون علينا كتير في رحلتنا عشان كنا مع بعض دايما، وحابب اشكر كل الاصدقاء من الجروب اللي ساعدونا بشكل كبير سواءا بالنصيحه او الافادة ??

التجربة8- 

 

المكان: كاليفورنيا
المستشفى: پارك ڤيو
الدكتور: هشام المقدم المدة: نوڤمبر ٢٠١٩ – يناير ٢٠٢٠

انا مبدئيا من مواليد و مقيمي دولة الكويت و مكنتش بفكر ابدا اسافر اولد خارج الكويت – في الشهر السادس من حملي كذا شخص شجعوني و منهم صديقة لي بالدوام كانت لسه راجعه من الولايات المتحده ولدت هنا و اخويا الكبير الله يسعده ويبارك فيه كان له الفضل بعد ربنا اني اقتنع و اشد الرحال لامريكا

الفيزا
 قدمنا على التأشيرة انا و زوجي و كان موعد السفاره بعد اربع ايام – كتبنا في الطلب عنوان عمي و عنوان اخو زوجي و مدة الاقامة في امريكا ٣٥ يوم
 روحنا المقابلة و قولنا رايحين سياحة والشاب اللي قابلنا مطلبش ولا ورقه بس قال لي لو ناويه تولدي هناك هاتتحملي مصاريف الولادة واخدنا التأشيرة بخمس سنوات

السفر
 طبعا زي ناس كتير سمعنا الاشاعه ان لازم نكون موجودين في امريكا على الاقل ٦ اسابيع قبل الولاده والا الطفل مش هايحصل على الجنسية ف للاسف جينا بدري احترازا (مكنتش اعرف جروب توتال كير لسه)
 

اتواصلنا مع دكتور هشام بالايميل و عملنا التحاليل اللي طلبها و حجزنا موعد الكشف (اول كشف يوم ٢٦ نوڤمبر)

حجزنا اون لاين شقة في ريڤرسايد (٢٨٠٠ دولار في الشهر) عن طريق airbnb قريبه من عيادة دكتور هشام والمستشفى (حوالي ٣٠ دقيقه مشي و ٨ دقايق بالسيارة) في polk street ٧ دقايق مشي لمول جاليريا 

وصلنا من الكويت لنيويورك والاوفيسر سألنا اذا معانا اكل او لا و سألنا ليه ٣٥ يوم تحديدا قولناله علشان دي اجازتنا السنويه قالنا اتفضلوا – كان ودود وماوقفناش معاه اكتر من دقيقتين

خرجنا من المطار كننا حاجزين ليله في فندق علشان نريح من تعب الرحله و تاني يوم سافرنا لڤيرچينيا بالباص (حوالي ٢٥ دولار للفرد) 

قضينا اسبوع مع اهلنا في ڤيرچينيا نزلنا في فندق كومفورت ان (حوالي ٨٠ دولار بالليله) 

سافرنا لوس انچلوس بطيران united airlines – الكراسي الاقتصاديه مالهمش شنط سفر غير شنطة يد في الطياره فقط  ف حجزنا بيزنس و كل واحد مننا كان مسموح له شنطتين ( كل شنطة ٣٢ كيلو)  
اصدقاءنا في كاليفورنيا الله يكرمهم ويوسع عليهم رزقهم كانوا في انتظارنا في المطار اخدونا من المطار ل يڤر سايد لمكان السكن و بدأنا رحلة المتابعه مع دكتور هشام و خروجات بقى في كاليفورنيا (الناس اللي بتحب الطبيعه و الاستجمام انصحهم يروحوا شاطيء لاجونا)

 

الدكتور
 الدكتور طلب منني اروح عيادته اللي في كورونا اعمل سونار – هناك في الانتظار قابلت بنوته جميلة اسمها سهام حكت لي عن جروب توتال كير و وقتها افتكرت ان صديقتي في الدوام كانت ذكرت لي حاجة عن جروب بس انا مهتمتش ف لما رجعت من السونار بعتت سألت صاحبتي و هي بعتت لي رقم المهندس **** اللي شرح لي ازاي اعمل طلب على الموقع وانضميت للجروب الجميل في اول ديسمبر
 

الجروب مفيد جدااااا – مع اني و زوجي عملنا حجوزاتنا و ترتيباتنا مع نفسنا بس استفدت جدااا ومازلت 

واتقابلنا انا ونشوى و ايه وازواجنا و معرفتهم كنز ربنا يديمها – قابلت سمر صدفه و شرحت لي كل حاجة مرت بيها و ايه اللي اعمله ومعملهوش بصراحه ناس الجروب قلوبهم نضيفه وبحمد ربنا على دي نعمه

كل شيء كان تمام الحمدلله الى ان بقيت في الشهر التاسع بدأت احس بملل مش طبيعي استغفر الله ? كنت عاوزه اولد من اول يوم – مشي مشيت، تمر و اناناس اكلت، قرفه شربت، سلالم طلعت و نزلت 

عملت كل حاجة يوميا علشان اولد بس ولا الهوا ?

المستشفي
 في تالت يوم من الاسبوع ال ٤٠ جالي طلق خفيييف مغص روحت المستشفى (الساعه ٥.:١٢ منتصف الليل) حجزوني لاقوا عندي طلق خفيف وكل مايزيد البيبي نبضه بيقل جداااا ف اتحجزت يوم الثلاثاء بليل ٧ يناير و كل مايزيد الطلق يعطوني حقنه تخفف الطلق او توقفه علشان نبض البيبي و لما نبضه يظبط يسيبوا الطلق يزيد و فضلنا على هذا الحال
 

يوم الاربعاء ٨ يناير الظهر الرحم كان فتح ل ٣ سم و المياه نزلت وهنا الطلق بدأ يزيد جامد و بدأو التمريض يقولوا لي لازم قيصري علشان نبض البيبي بطريقة نصيحة علشان مايوترونيش – بس انا كنت مصممه اولد طبيعي مكنتش فاهمه حجم مشكلة نبض البيبي بيقل 

الاربعاء لحد العصر وانا الطلق بيزيد والرحم مقفول و الوجع بدأ يكون غير محتمل ف طلبت يجيبوا الدكتور يعطيني حقنة الضهر – جه الدكتور هو تقريبا اسيوي ايده خفيفه جدا و شاطر محستش نهائي  بعدها بقيت مش حاسه بالطلق بس بدأ جو غرفة الولاده يبقى فيه توتر بيت الممرضات بس محدش بيتكلم

 علشان الطلق بيزيد جدا والرحم مش راضي يفتح عن ٣ سم و واضح على الجهاز نبض البيبي بيقل جدا وقتها بيجروا يقعدوني و يعدلوني و يعطوني حقن و محاليل توقف الطلق 

المهم يوم الخميس ٩ يناير الساعه ٨:٢٠ صباحا دكتور هشام جه شاف التقارير قاللي نبض البيبي مش هايستحمل الطلق ف معانا لحد الساعه ٥ المغرب و اما الرحم يكون فتح او غالبا بنولدك قيصري قولتله تمام وانا على مضض مكنتش عاوزه اولد قيصري (مع ان دي اول ولاده ليا ومجربتش قيصري قبل كده بس كنت بسمع الطبيعي افضل)

قولت لزوجي ممكن تعطيني تليفوني اكلم بابا و ماما- كلمتهم و شرحت لهم اللي مريت فيه يومين و رأي الدكتور ف دعوا لي و ما ادراك ما دعوة الوالدين ? بعد ساعه الا ربع جت الممرضة تكتب تقرير ف قالت لي اشوف الرحم علشان اكتب فتح كام سنتيمتر

لقيتها بتقول عملتوا ايه عملتوا ايه و جريت خارج الغرفه ورجعت دقايق لقيت دكتور هشام و طاقم التمريض كلهم موجودين ومنبهرين الرحم فتح ١٠ سم و شايفين راس البيبي و ولدني طبيعي خلال نص ساعه الحمدلله 

البيبي نزل نبضه ضعيف بس ربنا سلم و دقايق كان طبيعي الحمدلله – الممرضات كانوا بيحضنوا بعض و بيقولوا عليه الطفل اللي جه بالدعاء و دكتور هشام بيقولي عملتوا ايه قولتله لو بتؤمن بالدعاء ف انا خليت ابويا و امي يدعولي ? الله يديمهم بصحة و عافيه

ولدت يوم الخميس ٩ يناير الظهر – تاني يوم عملنا ورق الخروج لكن قالوا مش هاينفع البيبي يخرج لان مسبة الصفوا عنده عاليه ف دكتور هشام قال علشان ماتدفعوش انتم كملوا اجراءات الخروج بتاعتكم و هخليهم يسمحوا لكم تقعدوا مع البيبي وفعلا جابوا للبيبي جهاز في الغرفه حطوه فيه وقعدنا معاه

تاني يوم جت دكتور بيدوي كانت ودوده اوي و لذيذه استغربت قولت لزوجي هي المفروض حسب تجارب الزملاء في الجروب انها دكتوره وحشه ? تفتكر امتى هاتبان على حقيقتها ههههههه قالي اتقِ الله الست كويسه معانا اهو واهتمت بالبييي وطلبت من الممرضات يتابعوه بليل ويعملوا تحاليل تاني ? تالت يوم جالنا استشاري اطفال مع بيدوي بس كان من الواضح عليه انه شاطر و طريقة شرحه للتقارير اسمه singh

‎  فضلنا في المستشفى ٥ ايام زياده مع البيبي لحد ا النسبه نزلت شوية بفضل الله – حاسبونا ٥٠٠ دولار على اليوم

شهادة الميلاد
 بالنسبة للبنوته بتاعت شهادة الميلاد (الله يهديها) انا ولدت يوم الخميس هي جت لنا بالفورم يوم الجمعه الظهر مليناها – مشيت و رجعت سألتنا تاني راجعناها معاها – راحت طبعها علشان نوقع لها بس رجعت بعد ساعتين بتقول السيستم واقع ف مش هقدر اطبعه دلوقتي و يوم الاثنين هبقى ابعته من غير ماتراجعوا تاني
 طبعا بما اننا قعدنا في المستشفى مع البيبي راح زوجي قالها احنا لسه هنا علشان نراجع الفورم – جابتها فيها اخطاء املائيه و واحت صححتها وجت 

لقينا خطأ في مهنة الاب وتغيير في العنوان راحت صححته وهكذا 

المهم اني ولدت الخميس و هي رفعتها على السيستم يوم الثلاثاء و لما روحت ال county بعدها بيومين لقيتها جاهزه الحمدلله واخدنا ٥ نسخ 

وقت ما روحنا ندفع فلوس المستشفى في الbusiness office الموظفه اللي هناك قالت لنا ان مديرتها چينيفر قالت لها تحاسبنا على ٣ ايام بدل ٥ ف دفعنا ١٥٠٠ دولار بتوع البيبي 

مصاريف ولادتي دفعناها كامله طبعا زي ما مكتوب في موقع توتال كير

كنت خلال فترة حملي بتفرج على فيديوهات كتير لها علاقة بالولادة في مستشفيات امريكا و كان فيه ممرضة ذكرت انه ياريت الناس تفتكر تقولنا كلمة حلوة قبل مايمشوا لان ده بيرفع من معنوياتنا ف انا وقتها كتبت عندي انه لازم مانساش اشكرهم وفعلا بعد ما خرجنا من المستشفى روحنا انا و زوجي و اشترينا شوكليت و اعطينا كل قسم اتعاملنا معاهم (حاجة بسيطة جدا زي اللي في الصورة) هي لفته انسانيه و كانوا مبسوطين جدا اننا رجعنا علشان نقولهم شكرا 
حاليا صورنا البيبي والمفروض نبدأ في اجراءات جواز سفره الاسبوع ده ان شاء الله

سأوافيكم باخر خطواتنا عند تمامها ان شاء الله… اسأل الله التوفيق والصحة للجميع

 

التجربة9- 

‎تجربتى فى الولاده في كاليفورنيا  

‎السفر
١٢ نوفمبر كنت مسافره لوحدي من مطار القاهرة طياران مصر الطياران الي نيويورك محدش سال علي ورقه من الدكتور الرحلة كانت مريحه الحمد لله بس الأكل مش احسن حاجه و مافيش سناك انا كنت اخده  فاكهه أكلها علي الطياره،وصلت مطار نيويورك…من باب الطياره لباب للقطار الداخلي ماخدتش ١٠ دقاءق ،قعدت أسبوعين في نيويورك و بعدين روحت علي كاليفورنيا عن طريق مطار أونتاريو ، المطار عشان كان داخلي فا مكانش حد واقف اصلا

 

‎الاقامه في riverside
قعدت في simply inn, صاحب الفندق راجل محترم جداً، و بيساعد اذا اتطلب منه، و الفندق ١٥ دقيقه مشي للمستشفي و العياده. ٣ دقاق بالعربيه.. في سوبر ماركت دقيتين مشي من الفندق 99 cent 

و في kfc, Macdonalds, poppy’s chicken, Panda Express 

كل دول تعديه الشارع من الفندق

و في مول galleria بردو مشي

محلات كتير اوي الصراحة المنطقه حيويه

و لو حد معهوش عربيه حيتبسط هناك

العربيه
  انا اجرت من حد اسمو علي هو شاب باكستاني محترم جداً، اول عربيه عطلت بيه بعد ١ دقاق 
? بس جاه و سبلي عربيته المده كلها و عربيته كانت أغلي بكتير من العربيه اللي كنت ماجراها

الدكتور
 كنت مع د/هشام المقدم، الصراحة انا مش بحب الدكاتره و دايماً بتخانق معاهم
?? بس ده دكتور محترم و إنسان. يعني هو اللي قالي أنتي دفعوكي كام في المستشفي و لما عرف انهم حسبولي يومين، قالي لا روحي الحسبات و قوليلهم يوم واحد بس، عشان انا كنت قعدت ليله واحده و يومين.

الدكتور بيديك كل الوقت اللي أنت محتاجه في الأسئلة، و بيرد علي التليفون، ممكن لو مردش عشان عمليه لو كشف بيرجع يتصل تاني. 

 روحت للدكتور ٣ او ٤ مرات قبل الولاده و مره واحده بعد الولاده. الدكتور قرر إني أولد بطلق صناعي، عشان البيبي صغير و مش بيوصلو الغذاء.

التمريض
 كان أوحش حاجه في تجربتي لانهم ادوني الابيدورال متاخر جداً، فتقريباً حسيت بكل حاجه و ده كام غلط من عندهم و المستشفي جازتهم بعد ما عملت شكوي. الممرضة كانت قايسه الرحم غلط انو اتفتح بس ٢ سم، و انا كنت ٩!!! بس الحمد لله عدت، بس خدى بالكو، و لو حسيتو ان الممرضة مش شاطر اطلبو بتغيرها فوراً. بس هما محترمين جداً و ليساعدوا جداً. بس انا حظي كام كده

الأوراق:
شهادة الميلاد طلعت بعد ٨ ايام
الباسبور من سان ديجو في نفس اليوم
Ssn  أتأخر فاسافرت و صحاب الأوتيل بعتهالي في ups ومستبياها توصل

السفر
حجزت كاليفورنيا نيونيورك و كان معايه وزن زياده علي United بس عدوني لما لقوني محتاسه بلبابي، و من نيويورك مصر للطيران وكنت زودت البيبي علي التذكرة. مدير مصر للطيران أستاذ عمرو محترم جداً و بيساعد العرب بشاكل عام. و مدفعنيش شنطه زياده و شحنلي ال carryon 

كنت اخده معايه علي الطياره ازايز اللبن الجاهزة بتعدي عادي من السير و بتطلع الطياره عادي.

و اخر حاجه بحب اشكر المهندس ***** جداً مره اخري علي المجهود الجبار و شكراً لكل حد في الجروب و علي الاسله اللي دايماً كان ليها جواب عندوكو.

‎الحمد لله

 

التجربة10- 

سلام عليكم 

الحمدلله ربنا رزقنا بيحيي وربنا يجعله من الصالحين ويرزقنا بره  
 هحكي تجربتي في مستشفي بارك فيو مع دكتور هشام 

أولا انا عامله ربط لعنق الرحم في دبي وتواصلت مع دكتور هشام عن طريق الجروب وطمني وقالي اجيب ايه معايا الحقن والمثبتات عشان هنا غاليه جدا

السفر

?سافرت في الاسبوع 32 ,33 عشان اكون في الامان من ناحيه الحمل 

الدكتور
اول مقابله لدكتور هشام تعارف وكشف ،تاني مره التراساوند وبعد كده متابعات كل اسبوع 

?مفيش مره كلمت الدكتور الا ورد عليا او رجع يتواصل معايا بعد ٥ دقايق علي طول بيرد علي واتساب 

?اتفق معايا هنفك الربط غلي الاسبوع 37 وكل مره كان بيأجل شويه عشان كنت مستنيه جوزي يوصل لان معايا ابني ٣ سنين ولازم حد ياخد باله منه 

المستشفي
?جوزي وصل السبت ويوم الاحد الساعه ١٢ باليل جالي اتقباضات 38 اسبوع  وكلمت الدكتور قالي اطلعي علي المستشفى حالا ، وانا بلبس المياه نزلت ورحت المستشفي في ٤٠ دقيقه لاني قاعده عند قرايبي 

?دخلت الساعه 2 صباحا يوم الاتنين ومكنتش ماضيه العقد او اي حاجه دخلونا علي طول حطوني علي المونيتور عشان نبضات البيبي وبعد كده جم بالورق وجوزي مضى عليه 

?فضلت مستنيه دكتوره التخدير ودكتور هشام وصل الاول وقالي هنفك الربط بدون التخدير مقدرش استنى اكتر من كده الرحم ممكن يتمزق من الانقباضات ،حاول يفكه بس معرفش من المياه اللي بتنزل وانا كنت بصرخ من الالم وجسمي كله مشدود ،فاضطر انه يستني التخدير وكلمها استعجلها تيجي ، هو كان متوتر ومتعصب شويه واستغربت شويه بس هو كان خايف يحصل حاجه للرحم 

?اخدت حقنه الضهر ومكنتش عايزه اخدها قبل كده عشان ضهري وجعني ٣ ايام في ولادتي الاولى ومكنتش بقدر احركه ،بس طبعا مع الالم الفظيع كنت بتحايل عليهم يستعجلوها ?

?فكيت الربط الساعه ٥ الفجر والرحم كان فاتح ٧ سم فضلت مستنيه كان بيفتح ببطء شويه 

?الدكتور طلب يدوني طلق صناعي وانا قلتلهم ملوش لازمه انا بولد اصلا كلمه الدكتور وقال لازم اخده عشان اولد بسرعه لان ممكن يحصل infection 

?جسمي كان بيترعش بطريقه فظيعه من اول ما دخلت لحد بعد الولاده ومكنتش قادره اوقف الرعشه

 ?ابني وجوزي كانوا معايا في غرفه الولاده وقالوا مينفعش ساعه الولاده لازم ابني يطلع سالتهم هل في حد ياخد باله من ابني لحد ما اولد عشان جوزي يحضر رفضوا وقالوا لا 

?الجميل بقى ان ابني نام علي الكرسي وهما الاتنين حضروا الولاده ?ومحدش خد باله 

?الدكتور كان هادي جدا بس كان مرهق شويه وكان في ممرض اسيويه مش بتبطل كلام بس شاطره كانت بتضحكنا وقت الولاده
?هي اكتشفت ان محطوليش اسطره في الشيفت قبل ٧ الصبح وقالتلي ان دا غلط جدا وبياخر الولاده لما تكون المثانه مليانه وركبتهالي وساعه الولاده فكتها 

?ولدت الحمدلله علي ١٠ ونص الصبح وفضلت في الغرفه بتاعه الولاده ومرضيوش ينقلونا مكان تاني عشان كان الاتنين اجازه ومفيش مرضى موجودين ،كلمت دكتور هشام قالي للاسف مش هيفتحوا قسم عشان واحده او اتنين بس هقولهم يجيبوا كرسي تاني بيتفرد ومريح شويه 

? نقلونا علي الساعه ٧ المساء غرفه تانيه احسن شويه وجابوا كرسي تاني وبتنا الليله فيها ابني وجوزي كانوا معايا وباتوا كمان عادي ، كانوا قالوا ممنوع اطفال تبات بس محدش اتكلم ولا قال حاجه خالص

?البيبي اخد vitamin k وحاجه تانيه مش فاكراها ، وتاني يوم اخد تطعيم hep B وطلبت كارت التطعيمات وادهولي 

?بالنسبه للام قبل ما امشي ادوني تطعيم الانفلونزا وتطعيم Tdap تيتانوس وحاجتين كمان ودا بيوقف الايد اوي ?

التمريض
?التمريض كان كويس جدا بتاع الولاده وبعد الولاده كمان ، كل الجنسيات ممتازين بس بينسوا شويه ولازم اطلب الحاجه اكتر من مره 

شهادة الميلاد
? على ٩ المساء يوم الاتنين جت بنت ادتنا الفورم بتاعه شهاده الميلاد نحضرها عشان تبقى جاهزه لما تيجي البنت يوم الثلاثاء الصبح 

?جت البنت الصبح الساعه ٨ وكنا لسه مخلصناش اسمها ستار وكانت سخيفه ومكشره اوي قولتلها تعالي بعد ربع ساعه 

?جت واحده تانيه وخدت الورق ورجعت كذا مره عشان كانت بتكتب الحاجه غلط وراجعنا كل حاجه حرف حرف 

?ادونا الكارسيت يوم الثلاثاء من بدري وجت دكتوره بيدوي ومكنش ليها اي لازمه في الحياه بصت وادتني الكارت وقالتلي لازم تيجي الخميس اللي هو بكره ، هي للاسف لازم تيجي عشان تكتب خروج للبيبي 

?عملوا تحليل الصفرا وطلع عنده ٨ ونث وقالولي عاليه اوي وهنكلم بيدوي ، قالت ياخد لبن صناعي ويجي الخميس 

?جه دكتور هشام علي الساعه ٢ ونص وكتبلي خروج 

الفواتير
?دفعنا الفلوس وخدنا فواتير :
– 1800 المستشفى
– 525 التخدير
– 100 دكتوره الاطفال
 – 50 كشف السمع 

مدفعتش تمن الطلق الصناعي وسالتهم قالوا اني مخدتش واتاكدوا كن القسم بتاع الولاده وقالوا اني كنت جايه في حاله ولاده او تقريبا انا اخدت حاجه بسيطه جدا مش عارفه بصراحه هستنى التقارير والزيرو بيل 

ادوني قبل ما امشي حفاضات للبيبي وحفاضات للام و٤ علب لبن سيميلاك، طلبت منهم يدوني شفاط الحليب وقالوا مش بنديه دا كان زمان او بنديه بس للي بيدخل الحضانه  

انا كنت نسيت بصمه الرجل وواحده من الممرضات سالتني وخدت بصمته علي شهاده الميلاد بتاعه المستشفى 

خرجت يوم الثلاثاء الساعه ٩ باليل والحمدلله 

ياريت متنسوش تاخدوا روب ليكوا لان الجو برد اوي ولو معاكوا مرافق متنسوس ياخدوا غيار وشبشب
انا كنت محضره حاجتي كلها قبلها بفتره بس جوزي ملحقش خالص 
كمان خدوا لبس للبيبي جوه المستشفى وبطانيه لان هما بيلبسوه حاجه خفيفه وكنت بحس انه بردان

 

التجربة11- 

الحمد لله تم ولادة ابنتي اليوم غالية بمستشفي بارك فيو، احب اشكر المهندس ****و جميع أعضاء الجروب. 

الفيزا
كانت معانا من سنتين قبل الحمل، السفر في الاسبوع ٣٦

السفر
حجزنا علي aircanada و دي غلطة نعاني منها الي الان لأن طيارة الرجوع ترانزيت في فانكوفر و لازم فيزا ترانزيت لكندا، ف مضطر احجز تذاكر أخري 

الوصول
 المطار كنا مستعدين بالورق و الفلوس و هنقول السفر بغرض الولادة و لكن الاوفيسر حتي لم يسأل الا  عن المدة و ختم  دخولو كان تعامل راقي جدا 

الدكتور
 اول زيارة ل د هشام الراقي الممتاز كان في ريفر سايد و طلب إعادة تحليل السكر فقط و باقي التحاليل اللي في مصر اكتفي بها، الخليل كلف ١٣ دولار فقط و المعمل قريب من العيادة بريفر سايد, 

الولادة
اليوم الطلق بدأ يشتد ١٢ بالليل، و مكناش عارفين نطلع علي المستشفي ولا دي مش ولادة، بعت رسالة ل د هشام و كنت شبه متاكد أنه مش هيرد و لكن رد في دقائق و طلعنا علي المستشفي،

الممرضات
غاية في الاحترافية و الإنسانية في التعامل مع المريض ، الولادة صعبة و لكن تعامل الناس هنا فعلا أقل ما يقال عليه انساني و رحيم، الولادة حصلت صباح اليوم التالي الحمد لله.   

ممكن تجربتنا مفيهاش نصائح كتير بس انا فعلا عايز اطمنكو، ربنا يسهلها علي الجميع و علي الامهات 

الورق لسه معنديش ادني فكرة عنه، أن شاء الله اكتب الخطوات لما يتم أن شاء الله

حبيت اخبركم عن تجربتي

 

التجربة12- 

الفيزا:
الفيزا القديمه خلصت شهر اغسطس الماضي ولما رحنا جددناها كنت واضح مع الاوفسر انو سبب التجديد هو انو مراتي حامل في الشهر التاني وحنروح نولد.. سألنا عن السبب وقلنالوا عشان مستقبل افضل للطفل وكمان احنا خلفنا اخوانو الاتنين قبلو ف امريكا وكانت معانا الفواتير فشافها وعطانا الموافقه.

السفر:
زوجتي اجت قبلي ل كاليفورنيا من الكويت في ٢٦-١٢ عن طريق الخطوط القطريه وهي بالاسبوع ٣٤ و كان كل شي سهل والحمدلله ولما شافها الاوفسر في مطار لوس أنجلوس قالتلو انها حامل وفرجتو الفواتير ومشاها على طول.

انا وصلت ب ٢٦-١ وطبعا كان في شوية خوف خاصة لما عطوني ورقة customs declaration في الطياره عشان املاها وقريت لازم نصرح لو في معي اي أكل او فواكه او plants and seeds, وانا كان معايا زعتر وسماق و حبوب لزراعه الزعتر لواحد صاحبي.. فسجلت yes.. 

لما وصلت عند الماشين اخدت الورقه الاكترونيه ومشيت بالطابور وبعدين دخلوني لاين تاني للناس اللي شاكين فيهم او مصرحين باشيا yes وعند الاوفسر قالي شو معك فقلتلو كذا وكذا.. فطلع الموضوع عادي ومشاني و ما سالني اي شي تاني عن سبب الزياره او ان مرتي حامل.

والحمدلله زوجتي ولدت مبارح الفجر. واول ما يطلع الباسبور رح نرجع.

المستشفى ٣٥٠٠ شامل كل شي متل ابره الظهر ودكتور الاطفال
ودكتور الولاده ٣٠٠٠

والله يوفق الجميع ويسهل اموركم..

 

التجربة13- 

السلام عليكم بالبداية اشكر باش مهندس على كل حاجه ، 

السفر
سافرت من الكويت الى لوس انجلوس من خلال برتش اير ويز على الدرجة رجال الاعمال لكل شخص شنطتين ٣٢ كيلو والطفل شنطه ٢٣ كيلو وسترولر وكار سيت الطيار ممتاز لكن لا يقارن بالقطريه او الاماراتيه. 

تجربتي تختلف عن الباقي لعدة اسباب زوجتي مولوده في امريكا فعلى هل الاساس جزئية المطار مافيش اي مشاكل ما عدى في الكويت طلبو منو ورقة انو لا مانع تركب الطياره واخذتها من دكتور بالكويت قبل السفر ومجرد ما شافوها ركبت الطياره وكان ترانزيت هيثرو ساعتين وربع وكانت ممتازه الفتره وكافيه. 

السيارة 

بخصوص السياره استلمتها من شخص تركي حسب لي الشهر شامل التامين على السياره ٨٥٠ او ٨٠٠ للامانه مش فاكر دفعة ليه كام بالضبط يا ٨٠٠ او ٨٥٠ اداني النترا ٢٠١٩، كويسه وتفويل البانزين تقريبا ٤٠ دولار وتكفيني اسبوع الى ١٠ ايام تقريبا. 

السكن

 حجزته من خلال موقع 2ND ADDRESS يوفر شقق مفروشه في اكثر من ولايه وسهل الاستخدام لانك بتاجر من شركات مش من اشخاص ، وخذت شقه في الداون تاون بسبب قربه من بعض الاشغال الي كنت بعملها وسعر الليله لغرفتين وحمامين اعزكم الله ومطبغ وغرفة غسيل ١٤٠ دولار. 

الولاده 

كانت في لانكستر Lancester كاليفورنيا وتبعد عن الداون تاون تقريبا ساعه. 

كانت الولاده عند الدكتور :- فريد الجندي. بعيادة دكتور سامي فريد عياده ضخمه جدا جدا واكبر عيادة في لانكستر وفيها معمل تحليل دم ودكتورة نساء وولاده واغلب العاملين بين المصرين و الاسبان. 

سبب اختياري للدكتور كانت صدفه وخير صدفة للامانه ، زوجتي امريكيه مواليد امريكا فا عملت لها ميدي كال ومن شروط الميدي كال (التامين للمواطنين الامريكين) يجب ان يكون لديك عنوان علشان يوصل عليه كرت التامين وانا استخدمة عنوان صديق مقيم في لانكستر وتقريبا العمليه الميدي كال خذت مني شهرين لغاية ما وصل الكرت ، مع اني كنت حابب اولد عند دكتور هشام المقدم لكن التامين محصور في منطقة لانكستر لانه انا قدمت عليه على اساس انو زوجتي مقيمه في لانكستر. 

وقع الاختيار على دكتور فريد الجندي لهذا السبب ، كانت الولاده قيصرية بيوم ٢٩/١ ودخلت مع زوجتي وتقريبا الولاده كلها اخذت ساعه. 

وفي ثاني يوم جت موظفة شهادة الميلاد للامانه لم اعبي اي ورقه بالتليفون سالة اسم المولود ايه واخذت مني البيانات والعنوان الي يوصل عليه السوشيال سكيورتي وجت الغرفة بعد ربع ساعه تخليني اراجع الفورمه الي هيا عبتها خلال التليفون وبعثتها على طول بنفس اليوم للداون تاون علشان استلمها اسرع لاني قدمت على خدمة rush تكلفتها ٤٠ دولار. 

وادتني رقم اتصلت عليه سالوني عن اسم البيبي والصدفه كانت موظفة مصريه بلغتني انو الشهاده جاهزه وتعال استلمها وعندي لغاية ساعه ٤ او اروح استلمها الاثنين وفعلا النهارده خرجة زوجتي من المستشفى ورحت استلمتها قبل الساعه ٤ من Los Angeles downtown كون لانكستر تبع مقاطعة لوس انجلوس وتقريبا اخذ الوقت لاستخراج شهادة الميلاد يوم واحد من بعد ما جتلي الموظف تبع شهادة الميلاد بالمستشفى. 

الولاده كانت في Women And Infant Pavillion

التابع لمستشفى antelope valley hospital , ممتاز جدا جدا ونظيف جدا والغرفه وااسعه وفي سرير للمرافق والسسترات و العاملين من اروع ما يمكن ، بعد الولاده عملو اختبار سمع ونظر وتحاليل كامله للبيبي ، وعجبني موضوع السيفتي لكل طفل يحطو برجلو جهاز تتبع و ممنوع تتمشى بالطفل خارج حدود معينه تقريبا اخري امشي بالطفل بحدود غرفتين. 

منطقة لانكستر ليسة سياحية لاكن تتوفر فيها كل المحلات الكبيره والمطاعم والبقالات العربيه منطقه ملمومه كل حاجه جم بعض. 

وبالاخير التعليق الوحيد الي عندي بخصوص الدكتور كان ممتاز لكن العيب الوحيد كنت بنتظر تقريبا ساعه بالعياده لغاية ما يجي دوري كون العياااده زحمى جداً. 

وللامانه الدكتور محترم واعطاني رقمه وقالي اي حاجه تحتاجها او اي استفسار بلغني.

تجربة حصول الطفل المولود لأم أمريكيه  خارج أمريكا على الجنسية
 السلام عليكم انا زوجتي امريكيه ولم تعش بامريكا الا شهر من من ولادتها. 

والله رزقني بولد لكن ولد بالكويت طوارىء مع العلم انه كان مخطط انه نروح نولد في امريكا الحمد الله. 

بحثت بالموضوع كثير لغاية ما تواصلت مع اكثر من محامي بامريكا كلهم قالولي الطفل لا يحتاج ضامن و لا يحتاج الا ان تكون الام عايشه باميركا مجرد تقوم بتقديم طلب. 

تقديم الطلب في خيارين الخيار الاول داخل امريكا بياخذ ٦ الى ١٠ اشهر 

والخيار الثاني خارج امريكا بياخذ من ١٠ اشهر الى سنه. 

انا اخترت خارج امريكا. 

السفاره الامريكيه راح تتواصل معاك تطلب تحاليل ومقابلة ( صاحب الحنسية الامريكيه وهنا كانت زوجتي ) 

بعدها يدونك ظرف مشمع ممنوع تفتحه يقولك صالح بمدة ٣ اشهر لما تدخل امريكا باي مطار حياخذوه منك وبس بعدها خلال شهر او اقل يوصل الغرين كارد على عنوان السكن الي كنت انت كاتبه بالطلب ( انا بالنسبه لي حطيت عنوان المحامي) 

وبعد ما تستلم الغرين كارد خلال ٢٤ ساعه يحق للطفل اخذ الجواز وورقه اسمها شهادة الجنسيه. 

انا شفت اكتر من محامي اسعهر هم غاليه اكرم او شرار قالي ٥٠٠٠ دولار 

لكن من كثر البحث لقيت محامي اردني اسمه نبيل عطالله خذ مني ١٥٣٥ ، ١٠٠٠ اتعابه 

و ٥٣٥ قيمة تعبئة الفورم وهذا للحكومه 

وفي الكويت السفاره حتدفع رسوم يقارب ٣٠٠ دولار للفحص الطبي 

وشكرا

 التجربة14- 

تجربتنا في كاليفورنيا

الطيران
 علي Turkish Airlines 
التاريخ: ٢٥ – ١٢
من الإسكندرية الي إسطنبول الرحلة ساعتين و الترانزيت ٧ ساعات و من إسطنبول الي Los Angeles ١٣ ساعه.
احنا في الترانزيت قعدنا في IGA Lounge 
 
ببلاش لو معاك    Credit card VISA Platinum or Infinite 

اكل اوبن بوفيه فطار او غداء علي حسب التوقيت، اماكن للقعده و للنوم و كمان حمامات بدوش و Free Unlimited WIFI 

الطياره كانت مليانه، الطيران كان لطيف بس مجهد شويه ففعلاً المشي كل شويه في الطياره مطلوب لتفادي تورم الرجلين، 

محدش سأل علي اي تقارير حمل أو حتي اخد باله، الأكل كان معقول و كان فيه snacks طول الرحلة.

انا طلعلي ssss علي Boarding pass بتاعي و مراتي لا، بس عادي ماحسيتش ان في أي اجراء زيادة حصل معايا علي باب الطياره، كدا كدا كل الناس كانت بتتفتش.

المطار
 Los Angeles (LAX)

وصلنا الساعه ٥ مساءً و المطار كان زحمه جداً عشان دا كان يوم الكريسماس، بس كانو بينجزو، محدش فينا طلعوا “X” و دخلنا في الطوابير و كانت زحمه جداً، و بعد كدا جه واحد فتح سكك كدا للناس اللي معندهاش “X“، و دخلونا فيها، طلع ال fast track عند ٢ ضباط من غير كمبيوتر، مسابليش فرصه اتكلم سألنا جايين ليه ، و هتقعدو قد ايه قولنا حولي ٤٠ يوم، و بتشتغل ايه قولتله و قعد يهزر شويه معايا و ختم ٦ شهور، الكلام دا مكملش ١٠ ثواني و تقريباً مبصلناش حتي.

جبنا الشنط و دخلنا علي ضابط الجمارك سألنا معاكو اي حاجه حابب تفصح عنها قولنا لا قاللي Welcome to USA

كل اللي حصل من اول الخروج من باب الطياره حتي الخروج من المطار مكملش ساعتين !

العربيه
اجرت عربيه من Turo، كانت ب ١٤٦٠ دولار في ٤٧ يوم بالتأمين ال Basic 

السكن
احنا كان معادنا مع الدكتور كان يوم ٢٧-١٢ و الدكتور اجله ل ٣٠-١٢، و احنا كنا حاجزين الطيران يوم ٢٥-١٢ فا قعدنا في 

-لوس انجلوس ٤ ايام في اوتيل من علي Booking
-انهايم ٩ ايام في اوتيل جميل جدا اوضه بمطبخ
 -ريڤيرسايد ٣٤ يوم في شقه من علي Airbnb

المستشفى و الولاده
الولاده كانت طبيعي ب induction في الاسبوع ال ٤٠
دخلنا المستشفي يوم الثلاثاء الساعه ١١ بليل وخرجنا يوم الجمعه الساعه ٤ العصر

فواتير ال Zero balance اخدناها بعد ٤ ايام عمل و ال Medical records بردو بعد ٤ ايام عمل ب 11$ و لازم كاش.

التكاليف
Hospital : $2,450 (2 days)
Induction : $300
Anesthesia : $525
Pediatrician : $100
 Hearing test : 50

شهادة الميلاد
الولاده كانت يوم الخميس الظهر و البنت بتاعت الشهادات جاتلي بعد الولاده بساعتين و اديتني الورق. خلصته تاني يوم الجمعه و هي جات خديته و رجعت بعدها بساعه عشان اراجع البيانات و تمام.

استلمت شهادة الميلاد يوم الاربعاء في خامس يوم عمل من تاريخ الولاده.

الباسبور
مكتب جوازات سان دييجو
 
حجزت معاد في جوازات سان دييجو يوم الجمعه, وصلت الساعه ١٠:٣٠ و خلصت التقديم علي ١١ و استلمته الساعه ٣.

كنا مسافرين يوم الاثنين اللي هو اول يوم عمل في الاسبوع اللي بعده فا كدا لازم استلمه يوميها.

صورنا صورة الباسبور قبلها بيوم ب ١٤$ في Walgreens و مقبلوهاش في الجوازات، فا طلبنا ورقه منهم ان الصور غير صالحه و عملنا refund من walgreens 

فصورنا تاني في UPS store جمب الجوازات ب ١٦$ 

الباسبور ب ١٧٥$ بس هما مش بيقبلو عمله اقل من ١٠ $ فا دفعت ١٧٠ $ كاش و ٥$ كريدت

 

التجربة15- 

السلام عليكم ورحمة الله

السفر
  يوم 23 ديسمبر من القاهره الخطوط الفرنسيه ترانزيت باريس وصول لوس انجليس الواحده ظهر نفس اليوم 

السياره
 كنت حاجز سياره تويوتا كامرى من بدجت استلمتها شهر بتكلفة 1600 دولار شامل التامين

خرجت من المطار الساعه 8 مساءً وكنت مجهد جدا اخدت الطريق لفندق simply في Riverside ومن التعب اخترت الطريق الداخلي مش freeway وأخذت 3 ساعات في الطريق

الدكتور
 كنا حاجزين ميعاد مع د هشام تاني يوم مباشرة ودفعت المبلغ 2000$  واستلمت الإيصال بصراحه راجل محترم جدا ودكتور شاطر وفي المجمل من أفضل الناس تعاملت معهم في حياتي

تابعنا معاه 3 أسابيع واتفقنا علي الولادة قيصري يوم 15 يناير لان المدام ولدت قبل كده قيصري

المستشفى
بارك فيو كانت تجربه ممتازه من كل النواحي وسمحوا  اننا نرافق المدام أنا وبنتي. 6سنوات لمدة 3 ليالي داخل الغرفه في المستشفى ودى كانت حاجه ممتازه جدا كنا شايلين همها والعناية بالمولود كانت ممتازه سواء من التمريض أو العنايه بالبيبى والاهتمام من كافة النواحي والأمور المادية كانت مضبوطة مع الجروب تماما واستلمت 
car seat وخرجنا السبت 18 يناير

شهادة الميلاد
ناس ربنا يهديهم فعلا أسوء حاجه خصوصا أنا من تركيزى معاهم كتب  h زياده في last name وكان الكلام دا يوم الخميس 16 يناير وللأسف الاثنين 20 يناير كان اجازه رسميه

وأنا في الفندق اكتشفت الغلطة  وتوجهت county الثلاثاء وبلغتهم ورجعت المستشفى غيرت form بعد ما county عمل رفض للطلب الاول علي السيستم ودا متاح في حالة عدم الاستلام اما غي حالة الاكتشاف عند الاستلام كنت هدخل في فيلم التعديل والحمد لله أني اكتشفت من نفسى قبلها وطبعا اجهدوني جدا في المستشفي وقالو مش هينفع بس أنا جاهدت معاهم وخصوصا ان الطلب الاول كان فعلًا رجع علي السيستم وساعدني د هشام في كده وادخل وضغط عليهم وبعتوها يوم الاربعاء ٢٢ واستلمت الشهادة الجمعه 24 

الباسبور
 سافرت نفس اليوم سان دييجو واستلمت جواز السفر وكان يوم ممتاز اعتقد أفضل كتير من لوس انجليس 

العودة و فندق المطار

 لم يكن عندي امل بعد تلك الأحداث في اللحاق برحلتي الأحد 26 لكن بفضل الله الأمور اتيسرت وتوجهت السبت لفندق A C Marriott في المطار وكانت فكره ممتازه التواجد في المطار قبل السفر بيوم سواء للبيبى أو لينا كلنا من حيث الاستقرار والراحة وتكلفتها بسيطه اليوم في المطار ضعف الاقامه في simply وطبعا فرق كبير في مستوى الغرفه

يوجد بجوار فندق المطار كل المحلات عشان لو حاجه ناقصه في shopping تقدر تكملها

سلمت السيارة نفس اليوم بالليل في المطار ورجعت الفندق ويوم السفر الفندق بيوفر خدمة الانتقال لصالة السفر بدون تكلفه ودي ميزه كبيره للانتقال بالشنط والأسره بدون بهدلة أو اجهاد 

وكان الرجوع ترانزيت ساعة ونصف والحمد لله كان تمام ولحقنا والشرط وصلت مطار القاهره علي نفس الرحلة ما عدا كرسى البيبى بعتوه بعد اربع أيام علي البيت 

طهارة المولود
 عملنا للبيبى الطهارة في 
Riverside عند دكتور   Timothy Mackey ممتاز جدا وبتكلفة 200$ ويبعد عن الفندق عشر دقائق بالسيارة بتحجز ميعاد وتدفع 50$ دولار وتحدد ميعاد وتدفع الباقي يوم الطهارة وتاني يوم اعادة للاطمئنان بدون تكلفه ويفضل الحجز تاني يوم الولادة والتنفيذ من 5-7 أيام من عمر البيبى عشان لو السفر بدري يكون تعافى منها

تذكرة المولود
 حجزت تذكرة البيبى على الفرنسيه بحوالي 350$ والشنطه الزياده 80$ وأنا شايف انهم ممتازين من حيث المواعيد والضيافة وأحسن من تجارب تانيه كتير ومواعيد الرحلات ووقت الترانزيت

بشكر الجميع وخصوصًا المهندس ****** وربنا يقدرنا نعرف نرد جمايله وأنا بقول ان تجربة الجروب مثال عملي وأفضل استفاده اخدتها من الإنترنت على المستوى الشخصي ربنا يجعلها في ميزان حسنات من قام وشارك فيها 

وتحياتى لكم جميعا

 

   التجربة – 16 

السلام عليكم 

الحمدلله والشكرلله
 اولا احب اشكر المهندس ***** علي كل شيء 

السفر
 سافرنا علي الامارتيه والصراحه الامارتيه كويسه بس اغلي شوية من باقي الخطوط بس مريحة بس طبعا الرحله طويله ومتعبه شويه اننا مسافرين لوس انجلوس 

سافرت مع مراتي اول مره ولظروف الشغل انا رجعت وهي كملت هناك ووصلنا وهي كانت في الاسبوع ٣٢ تقريبا دخلنا المطار اول حاجه الجهاز مطلعش اكس فدخلنا علي فاست تراك وكان في اتنين اوفيسرز واحد كان بيسال كتير شويه والتاني بيختم وخلاص دخلنا علي بيسال سالنا جايين ليه سياحه و شوبنج وميديكال كير وقعد يهزر شويه وعدانا والصراحه عامل ان المطار زحمه وكنا في الكريسماس تقريبا فده بيعمل فرق المهم عدينا الشنط وسالونا ان كان معانا اكل او اكتر من عشر الاف دولار  

 

السكن 
 قعدت عن طريق 
airbnb في كورونا 

كورونادكمنطقة كويسه مش هاديه اوي و فيها سوبرماركت كبير حلال وكذا مطعم حلال منطقه كويسه وفيها محمع اسلامي فيه جامع فهي كمنطقه كويسه والباص هناك شغال كويس جدا 

المره التانيه جيت لوحدي مسالنيش علي اي حاجه الاوفيسرز تماما غير هتقعد فين ومع مين وعديت 

المواصلات 

اجرت عن طريق الامو في المرتين عربيه نيسان والتانيه الانترا وانا بشوف انها ارخص من انك تستخدم اوبر كل شويه ومشوار المطار لوحده بيكلف ١٧٠ تقريبا بس عموما ده راي 

الولاده 
 في بارك فيو  

المدام جالها طلق فرحنا المستشفي وكنا بنتابع مع دكتور هشام المقدم رحنا المستشفي قعدنا هناك يوم تقريبا وولدت تاني يوم 

الممرضات كويسين وبيساعدوا جدا وعندهم معلومات كويسه وحاجه مهمه انصح بيها المستشفي بتعمل sessions for free عن الولاده والرضاعه انصح بيها جدا جدا ,المستشفي كنضافه اديها ٦/١٠ مش الافضل ولكن تفي بالغرض المدام ولدت بالسلامه الحمدلله وبعد كده سمعنا ان في دكتور اطفال جه وشافها احنا فعلا مشوفناهوش ودي نقطه مهمه لان فعلا دكتور الاطفال ده بيتحاسب عالفاضي تقريبا و دي كانت نقطه سلبيه عالمستشفي بعد كده بنتي جالها انفكشن واتحجزت في العنايه المركزه لمده خمس ايام تقريبا وهنا تيجي نقطه سلبيه تانيه ان المعمل في المستشفي بيطلع نتايج ساعات تكون غلط ودي حاجه لا تعليق عليها ودكاتره الحضانه تحسهم مش خبره المهم البنت طلعت في خامس يوم الحمدلله 

المهم تم التفاوض علسعر مع المحاسبه والحمدلله خلصنا وخدنا الزيرو بيل

شهادة الميلاد  

خدناها بعد اربع ايام شغل والباسبور خدناه تاني يوم من ساندييجو

دكتور هشام دكتور محترم 

وتاني شكرا ******* جزاه الله خيرا علي كل شيء

 

التجربة17- 

تجربتي كاليفورنيا فبراير 2020

الفيزا
 كانت معايا من 6 سنوات

الطيران
airfrance من المغرب

المطار
 وصلت و كنت ب اول التامن طلعلي × و رحت على طابور طويل و استنيت 4 ساعات لحد ما اجا دوري و بعدين اول ما وصلت الاوفيسر فتح الجواز حكالي اول مرة تيجي قلتله لا ختم 6 شهور و حكالي 
have a nice day 

السكن
 أخدت غرفة في moreno valley عن طريق airbnb مع عيلة مكسيكية ب 850 دولار بالشهر( صاحبة البيت كانت منيحة و كانت كل ما يكون عندي مشوار بعيد ادفع لها فلوس و توديني بس قلبت علي لما ولدت و صارت كتير مزعوجة من البيبي و اضطريت اسكر علي في الغرفة مع البيبي ٢٤/٢٤ لحد ما صابني انهيار عصبي و نقلت على الأوتيل) 

الدكتور
 هشام المقدم اول زيارة ب corona و بعدين صرت اراجع في عيادة  moreno valley

الولادة 
كنت حددت مع الدكتور هشام بعد الاسبوع 39 اعمل طلق صناعي و فعلا وصلت 39 اسبوع و 4 أيام دخلت المستشفى يوم 10/02 الساعة 12.30 
am حطولي طلق صناعي و ضليت عليه لحد يوم 12/02 الساعة 14.00 pm بدون نتيجة و تحولت عملية 

التخدير و التمريض
 دكتورة التخدير صينية ممتازة 

الممرضات سواء قسم قبل أو بعد الولادة كانوا ممتازات و ما تركوني ولا لحظة 

تاني يوم بعد العملية اضطريت أطلع من المستشفى عشان اتحسبلي بس عملية و هذا بفضل الباشمهندس و الدكتور الله يجازيهم خير 

استلمت الزيرو بيل بعد 5 أيام عمل من المستشفى و من الدكتور 

شهادة الميلاد
أخدتها 20/02

الجواز 

كان واصلني تفويض زوجي ف قدمت عليه 21/02 الساعة 10 صباحا و استلمته في نفس اليوم الساعة 15.00 مساءا

والسفر ان شاء الله يوم الثلاثاء 

شكر خاص للبشمهندس ***** على المساعدة و على وقفته معانا… جزاه الله خيرا

 

التجربة18- 

تجربتنا في كاليفورنيا يناير و فبراير ٢٠٢٠

السفر
 كان يوم ١٣ يناير على لوفتهانزا ٢ ترانزيت ميونخ .. سان فرانسيسكو .. لوس انجلس 

الطياره كانت كويسه و مريحه نزلنا مطار فراسيسكو و لاننا قررنا نسافر فجأه لكاليفورنيا بدل فلوريدا بعد قراءة ترشيحات و تجارب الجروب غيرنا الوجهه من اورلاندو لكاليفورنيا فمكناش محضرين اي حاجه و تواريخ تذاكر العوده مكنتش متطابقه مع تواريخ السكن و ده عملنا مشكله في المطار عند اول ظابط جوازات سألنا كتير عن تفاصيل الرحله و البرنامج و استغرب لما قولنا ٤٠ يوم المهم حولنا للتحقيق في مكتب تاني الموظفه اللي هناك كانت الطف مع انها سألت كتير و في الاخر ختمتلنا ٦ شهور و قالت انتو دخلتو هنا بسبب ان برنامجكم مش واضح و غير محدد.. طبعا التأخير ده ضيع علينا الطيران الداخلي اللي كان على شركة united لكن لما روحنا لمكتبهم في المطار حجزولنا على الرحله اللي بعدها و كانوا سهلين في التعامل  .

وصلنا الحمد لله لوس انجلس قعدنا هناك 10 ايام كان أغلبهم خروجات و روحنا universal studios و اماكن كتير

الانتقالات  

uber بعدين اجرنا عربيه من turo و كنا مطلعين رخصه دوليه من مصر 

الدكتور
 المتابعه كانت مع دكتور هشام المقدم في كورونا اول مره و هو شخص محترم و مريح في التعامل من اول انطباع 

بعد كده نقلت المدام لسكن في riverside و رجعت لظروف الشغل في رحله على Qatar airways للكويت برضه القطريه ممتازه لكن بيعيبها الزحمه لانها ناقل اساسي لشرق اسيا و طول الرحله حوالي ١٦ ساعه .. لكن عموما كانت مريحه و كويسه 

احنا لما سافرنا كنا في الاسبوع ال ٣٢

بعدين المدام كملت متابعه مع دكتور هشام و كان معاد الولاده المتوقه اول شهر مارس و لكن يشاء ربنا ان يحصل حمل مبكر في الاسبوع ال ٣٥ و كنت انا في مصر وقتها حجزت اول طياره كانت Lufthansa لحد ميونخ بعدين united من ميونخ ل سان فرانسيسكو و من سان فرانسيسكو ل اونتاريو … طيران united هو الاحسن على الاطلاق الطياره حلوه جدا اجراءات الصعود للطياره بسيطه و سهله و المضيفين الارضيين بتوعها كمان سهلين جدا زي اغلب الناس في امريكا باستثناء ظباط المطار 😅 وصلت سان فرانسيسكو و دخلت على الجوازات مسألنيش خالص قالي بس هتعمل ايه و هو بيختم و قولتله هكمل اجازتي و للاسف طيارة اونتاريو كانت cancelled و برضه حجزولي على الطياره اللي بعدها و كانت للوس انجلوس

المستشفي
 و صلت كانت الولاده تمت الحمد لله بعد طلق صناعي حوالي يوم كامل و في الاخر دكتور هشام قرر ان الولاده تكون قيصري و الحمد لله تمت و لكن ال 
baby لانه premature احتاج الحضانه يومين … قعدنا بعد الولاده ٣ ايام بناءا على كلام د هشام و الممرضات ان الايام بتتحسب بعد الولاده و لكن للأسف و قت الحسابات قالولنا لا كان لازم تسأل ال business office و الايام بتتحسب مم وقت الدخول فاتحاسبنا على ال 4 days package +nicu

نقاط سريعه 
 * انا سافرت مرتين في خلال ٣ اسابيع تقريبا على نفس الرحله المره الاولانيه في مطار القاهره الموظف عمل اجراءات طبيعيه بدون اي اسئله لكن اتسألنا بالتفصيل عن الوصول ل سان فرانسيسكو .. في المره التانيه موظف الكاونتر سأل كتير جدا بأدب لكن كل التفصيل عن عنوان الوصول و تذكرة العوده و الهدف و كان ببسجل كل حاجه و لما وصلت المطار متسألتش اي حاجه معرفش في علاقه بين القصتين دول و لا هي صدفه 

* زي ما قولت احنا دفعنا زياده 1500 من غير لازمه طبيه بناءا على كلام الطبيب و التمريض لكن انا مبلومهمش و انصح اي حد يسأل دايما في ال business office عن حدود الايام 

* دكتوره الاطفال judith bedoy لا انصح بالتعامل معاها اطلاقا لانها ماديه جدا و هي الوحيده الللي حسيت ان شغلها تجاري في كل الموضوع روحنا تابعنا معاها بعد الخروج بيومين قاست الطول و الوزن و دفعنا ٦٥ دولار و ادتنا معاد بعدها باسبوع رحنا ملقتهاش و كنا مسافرين بعد يوم طلبت ال zero bill مرضيوش و قالولي الدكتوره بتقول خلي اي حد في العياده يشوفه و تدفع ٥٥ دولار و نديك ال zero bill و لما حسيت بالاستغلال رفضت و بعد خناق ادوني ايصال بس بمبلغ اول مره بعد خناق كتير .

* مستشفى parkview كنت قرأت كتير من التجارب و كانو بيشتكو من التمريض بس الحقيقه انا شايف انهم كانو ممتازين جدا و متعاونين لاقصى مدى كلهم بلا استثناء 

* فعلا الموقع عليه كل التفاصيل و الخطوات بالظبط لاستخراج شهادة الميلاد و جواز السفر .. بصراحه مكونتش متوقع ان الموقع يكون بالدقة دي لكن بصراحه جزى الله خيرا كل القائمين عليه لان المعلومات  متكامله و كافيه جدا جدا 

* لازم اشكر كل الاعضاء و القائمين على جروب الواتس اب لاننا استفدنا منهم كتير في كل خطوه بس اذا كان ممكن اقتراح  .. اتمنى ان الكلام الاجتماعي و التعارف و الهزار يكون على جروب تاني او يكون اقل لان احيانا بيبقى الواحد متوتر و محتاج حاجه مهمه و الكلام يتوه قي وسط سيل من المجاملات و الهزار و انا شخصيا لما زوجتي دخلت المستشفى بشكل طارئ حصل معايا الموضوع ده و كنت متوتر جدا … 

اخيرا اسف على الاطاله و دي الحاجات اللي افتكرتها حاليا بعد تعب السفر المتتالي .. و اتمنى من الجميع الدعاء للولد ( اسماعيل ) ان ربنا يبارك فيه و يطمنا عليه لانه اتولد صغير جدا و كان لسه الرئتين مش مكتملتين فدعواتكم جميعا و تشرفنا بكل واحد على الجروب و اتمنى التوفيق للجميع

 

التجربة18- 

السلام عليكم ورحمة الله وبركاته.

ولادة مع دكتورة ترافيدي الي مع دكتور هشام في كالفورنيا مستشفى riverside

الحمدلله رجعنا من امريكا امبارح و الحمدلله الله الذي بنعمته تتم الصالحات ربنا رزقنى بخديجة نسال الله ان يحفظة فبحفظه و يرعها برعايته, و احب اشكر المهندس **** ربنا يكرمه و يبارك فيه و يجزيه كل خير على الي بيعمله والله و ميحرمناش منه و من مسعدته و انه على طول بيرد و عنده سعه صدر، ربنا يكتبله بكل ده حسنات و يفرج كربه في الدنيا و الاخرة زي ما بيسعدنا، و رينا يكون في عونه زي ما بيكون في عونا، ” انا الله في عون العيد ما دام العبد في عون اخيه”

السفر من القاهرة لامريكا 
زوجتي سفرت الاول مع بنتي من مصر لي لوس انجلس على خطوط لوفتهنزا  ترانزيت فرنك فورت.

السفر كان كويس و مريح اختارت muslim meal عشان الاكل يكون حلال و دفعنا فلوس عشان نختار كرسي basint seat عشان يكون في سرير لبنتي، كله كان تمام, الا ان هما خده الاسترولر من مراتي على باب الطيارة و قالو هيسلموها في فرانكفورت، و في فرانكفورت مراتي نزلت لقت stoller على ارض المطار ( الشارع) و مفتوح و غرقان ماء عشان كانت الدنيا بتمطر و اضظرت تشيل بنتي و تزق الكرسي و بعد كده محاولات تنشيفه في الحمام.

وصول مطار لوس انحلس: ١٥ يناير
الحمدلله دخلت مع الاسئلة التقليدية قاعدة فين و هتقعدي اد ايه …الخ و

الاقامة
كانت عند قرايب ليها مدة و بعد كده مدة في الفندق، و اتفقت مع الراجل الي في الفندق انها تحجز الاسبوع الاول من غير خصم بس لو المدة زادت عن ٢ اسبوع هيديها خصم الجروب حتى لو اجمالي الحجز متقطع.

الفندق كان جنبه كل حاجة الحمدلله اصعب حاجة كان تنقل مراتي لوحدها ببنتي الصغير باوبر او ليفت من غير كار سيت كذا مرة بعد ما تطلب لا يرده يركبوها و يخلوها هيا الي تلغي الرحلة عشان تتحمل ثمن الالغاء.

الكشف و المتابعة 
راحت اول مرة لدكتور هشام و قالت له انها عوزه تتابع مع الدكتورة الي معه و فعلا حجز ليها في نفس اليوم معاها و راحت ليها.

الملاحظات
 انها من اول يوم كانت عوزاها تعمل 
induction و بتديها الايام الي هيا متواجدة فيها عشان غير كده هيا مش هتيجي و كده، لكن كان دكتور هشام بيقول لمراتي انه ان شاء الله هيحاول يجبها بس مش اكيد بعد ما عرف ان زوجتي عوزه تولد مع دكتورة مش دكتور و كانت الخطة انه هيحول لو نفع تمام لو منفعش هيجي هو، 

و الملاحظة الثانية 
 ان كل حاجة كانت تقول لازم ترجع لدكتور هشام و ترد علينا و ساعات كثير محدش بيتصل و نضطر نتصل و هاكذا منهم انها بعد موضوع ال
induction ده و تكراره مراتي قالت ماشي عشان تضمن ان دكتورة الي تولدها  و كانت مفروض تتفق مع المستشفى و تبلغ مراتي على اليوم و ده محصلش اظن نسيه بس مراتي قبلها ب ٣ ايام اتصلت بدكتور هشام و بلغته و هو اتصرف بس ملقاش حجز بدري و حجز ليها الساعة ١٢ الظهر تروح المستشفى عشان كان مكنش في حجز متاح.

و من بعض الحجات انها ممكن لا تطمن مراتي و تقول ليها كلمي دكتور هشام انا هبلغه و هو هيشوف و هاكذا و مراتي تكلمه و يطمنهى فالمجمل هيا كويسة بس مش بتقرر او انها مش سيدة قرارها و ده بياخر الدنيا و مش بيكون احسن حاجة، و بعد الولادة  كشفت على مراتي على الواقف بسرعة و مشيت مع ان هيا اتاخرت انها تيجي لحد ما كلموها كذا مرة المستشفى عشان لازم تكشف قبل ما مراتي تطلع و هيا جت تقريبا اخر دكتورة و مكنش ورانا حاجة غير انتظرها ،،،، ده طبعا ممكن حجات مش كبيرة بس بالمقرنه بالدكتورة الي مراتي ولدت معاها المرة الاولى مراتي بتقول الدكتورة الاولى افضل و بتهتم اكثر و التواصل بيكون معاها direct فاريح و اسرع.

الولادة
يوم ١٣ فبراير
 الحمدلله مراتي راحت قبل معاد الولادة المحدد و لم تضطر تعمل 
induction و مكنش الدكتورة مفروض تيجي بس الحمدلله كان معاد عيادتها وكانت قريبه من المستشفى، و المستشفى كانت بتكلمها و مش بترد كذا مرة و في الاخر ردت عليهم و قالت ان مش ميعادها و هيا مش on call بس دكتور هشام كلمها برده و الحمدلله يدوبك جت قبل الولادة ب ٥ دقائق.

مميزات الدكتورة 
 انها دكتورة نساء و ست و ده مش كثير في امريكا.

عيوبها بالمقارنه مع دكتور هشام:
دكتور هشام الطف و زوق اكثر وهيا  التعامل معاها ممكن نقول ناشف شوية او انها بروفشنل بزيادة 

ولازم القرار يرجع لدكتور هشام قبل ما تقوله فده بيطول المده

بس السبب ان نحن روحنا ليها ان نحن كنا عاوزين دكتورة مش دكتور و السبب ان نحن روحنا ليها مش للدكتورة الي روحنا ليها المرة الي فاتت ان نحن سمعنا كثير عن دكتور هشام و الناس شكره في الدكتورة ده و في نفس الوقت كانت المستشفى riverside ارخص من المستشفى الي الدكتورة الثانية بتولد فيها، لكن بالمجمل مفيش حاجة تقول مش هتروح ليها ثاني بس شوية ملحظات ممكن الواحد عشان متوقع حاجة معينة فحس بيها بس التجربة مفهاش اي خاجة وحشة الحمدلله و محدش يقلق خالص يعني هيا عملت شغلها و كله تمام ممكن الحته النفسية مش عالية اوي و ممكن ده يكون نصبنا بس غير كده كله حلو الحمدلله.

بعد الولادة
عملنا شهادة الميلاد زي ما الفورم، الحاجة بس الي الواحد بيتلخبط فيها شوية موضوع الrace فانا عملته white و كتب middle eastern تقريبا و الاسم اسم بنتي الfirst و اسمي الsecond و اسم العاىله الlast مع ان الامريكان بيعتبر الmiddle name ده اسم ثاني للطفل يتنده بيه، بس انا حبيت يكون في تواصل للنسب و كده.

الست المسؤالة كانت ظريفة، الممرضات كانه كويسين بالذات بتاعت بليل كان فوق الممتازة اظن اسمها ashely كانت فوق الممتازة فعلا في كل حاجة.

عملهوا كشف للبيبي السمع و كل الفحوثات و طلبنا الcar seat و روحت دفعت في المبنى الي قصاد الميتشفى الدور الثاني عند lucy بالcredit card و كانت زوق جدا،

جهزت ال zero billو الحاجة وجيت اخدتهم كمان اسبوع و قدمت على المديطل records cd و قاله هيبعتوها ميل عشان مكنتش هقدر اجي ثاني و الميل اقصد البريد و كان مجاني و في فورم بملها عشان لو عاوز ابص عليها online و ممكن املاها و ابعتها fax عشان يكون ليا اكسس.

 

و الcd ب ٥دولار و الورقة ب ٢٥ سنت طباعة ولازم الام تمشي و يكون معاك البسبور الخاص بيها.

الاجراءات 
الحمدلله الولاده كانت يوم الخميس الفورم اتملت الجمعة استلمت الشهادة يوم الخميس و روحت الجوزات بعديها بتاعتsandiego الصراحة احسن بكثير جداااا و اروق من los Angeles قدمت الساعة ١٠ الصبح استلمت الجواز الساعة ٣ العصر و خدت العربية و مشيت بسرعة على البيت عشان الناس بيقلو بعد الساعة ٣ الدنيا بتكون زحمة جدا, الركنه هناك كان ب ١.٢٥ تقريبا الساعة ده في الشارع جنب الجوزات عاى طول انا دفعت ٢ ساعة و خرجت بعد ساعة و نص في سان ديجو في فترة الانتظار روحنا محل سمك اسمهthe fish market مكانه حلو و فيو حلو بس اكله مش اد كده و طلبنا كدز ميل مكتوب انها بتنزل مع عضير و desert بس منزلوش حاجة منهم الا لما طلبنا.

طلعنا الجواز و الكارد ب ١٩٠ دولار و دفعت فيزا برده

في الرجوع
شركة الطيران كل واحد بيقول حاجة غير الثاني عشان كده انصح الواحد يتصل بيهم كذا مرة و ياخد اسامي الناس الي بيتصل بيهم عشان كل واحد يقول معلومة غير الثاني.

ده بخصوص الطفل له كار سيت و استرولر ولا واحد بس، مفروض انه له الاثنين و حجزنا التذكرة ب ٣٣٦ دولار لوفتاهنزا و ماكنش مفروض الباسبور فممكن اول ما تعرف الاسم هتكتبه ازاي تحجز على طول غير الخطوط السعودية لازم رقم الجواز.

وللذهاب للمطار اجرنا عربية truck كبيرة عشان الشنط، كانت كبيرة بزيادة ب كانت ب ١٥٠ دولار اليوم تقريبا و حد من قرايبي وصلنا و رجعها، و في المطار الcart الي بيتحط عليها الشنط اخدنا ٢ ب ٦ دولار الوحدة.

شنطة من الشنطة اتكسرت و عملنا شكوة و في انتظار الموضوع معرفش هيخلص على ايه.

 

التجربة19- 

تجربتى فى الولادة فى كاليفورنيا ( ١٦/١ – ٢٥/٢ ) 

اولا احب اشكر بشمهندس ***** جدا جدا جدا بجد لانه ساعدنى كتير جدا و كل ما كان بيحصل حاجه معايا كنت بكلمه و كان بيساعدنى علطول ربنا يخليك يا بشمهندس و بشكره كمان على الجروب ده و كل الناس اللى اتعاملت معاهم من الجروب كانو كويسين جدا 

الطيران 
 سفرت على لوفتهنزا انا و ماما من القاهرة بس منصحش بيها الكراسى ضيقة اوى و مكنتش مريحة خالص  

السكن 
 قعدت فى غرفة عند بيت صينين فى jurupa valleyبس متبسطش خالص منصحش بموضوع الغرفة ده لما جيه البيبى ان احنا بنعمل كل حاجه فى غرفه واحدة كان موضوع مش لطيف 

الولادة 
 دكتور هشام شخص محترم جدا و انا حددلى ميعاد فى اسبوع 38 علشان كان خايف من الضغط لانى ضغطى عالى شوية و اخدت طلق صناعى و قعدت يومين بولد كانت ولاده صعبه شوية بس الحمد لله ربنا رزقنى بيوسف بس عشان انا جالى سخونية ف هما خايفو يكون جاله infection منى و كان جسمه بارد ف دخل nicu يومين و طلع الحمد لله و حسبولى اليوم ب ١٥٠٠ مرضوش ينزلولى عن كده 

المستشفى
 انا ولدت فى بارك و الممرضين كانو كويسين جدا جدا معايا بصراحه مكونوش بيسبونى 

استلمت شهادة الميلاد بعدها ب ٥ ايام و كنت كاتبة محل ميلاد الاب غلط بشمهندس***** ساعدنى و بعتلى ارقام ناس حصل معاهم نفس الحاجه و ساعدونى جدا جدا بجد و عملتها بس لسه المفروض بتوصل بعد شهرين

التجربة 20- 

مساء الخير في الاول احب اشكر المهندس ****علي الجروب الرائع و site منظم وبه كل المعلومات .

السفر
  من القاهرة للوس انجلوس يوم ٢٧ يناير علي اير فرانس ، الطيارة من القاهرة لباريس مريحة لكن من باريس للوس انجلوس قديمة جدا .

الوصول للمطار 
 وقفنا في طابور الجوازات و فجاءة جه officierقالي how is the baby 😁قولتله he is fine انا كنت في اول التاسع قلنا تعالوا معايا روحنا عند مكتبه سأل جايين ليه و هتولودا فين و شاف ايميل الدكتور و بعدين سكت قلنا خلاص قالنا تعالوا روحنا اوضة فيها ناس كتيرة و ضباط جوازات انتظرنا دورنا ٣ ساعات و بعدين الضابط سألنا  شاف الباسبورات و طبعا بيعرف الhistory عرف اني ولدت قبل كده فسأل علي ميل الدكتور و علي الفلوس و دخلنا.

السكن
 كنا حاجزين في Days inn near the park و بعد كده نقلنا Days inn buana park الاتنين معقولين و مستوي النظافة حلو.

الدكتور 
 كنا متابعين مع دكتور امين فواز هو ممتاز و مركز جدا.

الولادة: قيصري في Anahiem global medical center المستشفي مقبولة،دكتور التخدير شاب اسيوي فوق الممتاز انا عاملة عملية في ظهري و الجرح مكان مابيدخلوا حقن الظهر و فيه التصاقات و التخدير كان صعب في اول ولادة فقولت له قبل ما ندخل قالي هنجرب spine shots احتمال انها تنفع ٥٠% لو منفعتش تخدير كامل فوافقت ، دخلنا هو جرب و نفعت بعد ما خلصت الممرضة قالت احنا كنا مستغربين ازاي نفع احنا كنا واثقين انها مش هتنفع بس هو فعلا شاطر.

الاوراق 
شهادة الميلاد جيبناها بعد ٥ ايام كانت جاهزة.

الباسبور روحنا سان ديجو و طلع في نفس اليوم

الزيرو بالانس كانت متاخره في المستشفي بس ايزابل فضلت تزن عليهم لغاية ما استلمناه.

فيه فاتورة معمل جت بعد ما سافرنا باسبوعين المستشفي بتبعت عينات للمعمل من نفسهم و ملهاش دعوة بمتابعة الحساب معاهم بس دفعناها online من مصر.

دكتور امين فضل متابع معايا لغاية ليلة السفر .

الرجوع للقاهرة
 علي اير فرانس الموظف في لوس انجلوس فضل يغلس علي الشنط بتاعة البيبي و يقول ليه شنطة واحدة بس و انا كنت شايفه في السايت بتاعهم انه ليه هاند باج في حالة السترولر الصغيرة فتحتله السايت برده رفض فضلت اقوله لا ده حقي فراح جاب مديرته و قالت انه كلامي صح.

برده الطيارة القديمة لباريس و بعد كده الطيارة كويسة للقاهرة.

التجربة21- 

تجربتنا في السفر لأمريكا

اولاً وليس آخراً
 نشكر الباشمهندس**** على مجهوداته الجبارة في عمل هذا الجروب اللي مافي احد بدون استثناء ما استفاد منه
 ونزيده شكر على مساعدته للكثير منا على الخاص الله يجزيك عنا كل خير وجعله الله في ميزان حسناتك

الفيزا
 انا كان معي الفيزة من 2016 كوني جراح وبروح مؤتمرات على أمريكا وزوجتي حصلت على الفيزة وهي في الشهر السادس من الحمل

وكان الموضوع غير مخططله وطلعت في دماغنا نقدم عالفيزة ونجرب حظنا

راحت المدام عالسفارة في دبي وعملت مقابلة لوحدها وكان باين عليها الحمل  و سألها هل في نية للولادة في أمريكا طبعاً ردت وقالت ايوة اذا ما حصلت مضاعفات خلال بقية شهور الحمل ومستعدين لدفع كل مصاريف الولادة و مزودش في الأسئلة كوننا مواليد الإمارات وشغالين في مستشفى حكومي ودة بيدعم الموقف

قالها مبروك وهتستلمي الجواز بعد 5 أيام عمل

إختيار الدكتور الولاية
 كنا في حيرة من أمرنا لاختيار مكان الولادة في اي ولاية لكن ربنا هدانا والحقنا بالحروب total care ودي تساهيل من ربنا عشان تتيسر الأمور

قرأنا التجارب وقررنا التوكل على الله ونروح كاليفورنيا مع الدكتور هشام
 اتواصلنا معاه عالايميل ورد علينا في خلال يومين وبعتلنا الباكدج كامل وايه التحاليل اللي لازم نعملها

وحجزنا على طيران الإمارات من دبي رغم انو طيران الاتحاد كان ارخص شوية بس فضلنا نسافر من دبي عشان ما نقابلش الاوفسير في مطار أبوظبي لانو سمعنا انهم بيرجعو ناس ومش عايزين ندخل في المخاطرة نهائي

حجزت مبدأيا بالايميل مع فندق simly in على نفس موقع الفندق والدفع يكون هناك في أمريكا
 بصراحة لغينا كل حاجة ليها علاقة بالحمل على موبايلاتنا وحتى الجروب

بس الحاجات المهمة اللي كنت عامل لها * في الجروب والفحوصات بعتها لأخوي عالواتس عشان يرجع يبعتهالي بعد ما اوصل أمريكا
سافرنا 7/2/2020
وبالناسبة كنا عاملين حسابنا بتقرير الدكتورة انها في الأسبوع ال35
وفعلاً هي كانت في نص الأسبوع 36
 وسألونا طيران الإمارات عالتقرير في الاخر بعد ما ختمنا واحنا رايحين صالة البوردنج كده بالصدفة

انا ما طلعلي اي حرف عالبوردنج لكن المدام طلعلها ssss وفتشوها حبتين زيادة عني بس الأمور كانت سهلة وميسرة وعملو سكان على موبايلاتنا

طلعنا الطيارة وكانت رحلة طويلة 15 ساعة بس مريحة لانو كانت الطيارة مش مليانة والكراسي مريحة وممكن تفرد نفسك على 4 كراسي

والمدام للاحتياط كانت لابسة Ted stocks ‘الشرابات الضاغطة وبتشرب ميه وبتتحرك في الطيارة باستمرار حسب تعليمات دكتورتها هنا

وصلنا لوس أنجلوس انا ماطلعليش  x لكن هي طلعلها x واحدة يمكن عشان اول مرة تنزل أمريكا

المهم كنا قلقانين شوية بس الثقة موجودة عشان احنا قايلين اصلآ في المقابلة في السفارة انها حامل وكان معانا تمر وقهوة بن مطحون
 وسألونا الأسئلة العادية جايين ليه ومعاكم فلوس قد ايه وهتقعدو قد ايه

Vacation & Medical care
 9900$
 1.5 month
 دي كانت اجاباتنا

بدون رغي كتير الإجابة على قد الأسئلة وهو قالنا معاكم تمر وقهوة
 قلنا ايوة وبس
 وحولنا على بتاع الفلوس عشان يتأكد  وعدينا الحمد لله
 خدنا Uber من المحطة اللي جنب المطار وكلفت للفندق 85 $ وصلنا المغرب تقريباً 2.5 ساعة الطريق
 دفعنا اسبوعين قابل للتمديد وكنا بنمدد اسبوع اسبوع حسب الظروف

تجربتنا في فندق simply inn
 الفندق في منطقة آمنة وحيوية وقريبة من مستشفى parkview حوالي 7 دقائق بالباص5 دقايق بالسيارة
 وفي الاتجاه الاخر يبعد عن عيادة الدكتور هشام في كورونا 30 دقيقة بالباص و17 دقيقة بالسيارة ويوجد بالقرب منه:
  
 – سوبرماركت 99 cents
 – وحلاق وكوافير ومول Galleria على بعد 11 دقيقة مشي
 – ومختبر اللي بيتعامل معاه الدكتور هشام على بعد 4 دقائق مشي
 – ومحلات ملابس الأطفال
Dress for less-
Burlington-
 Target- , مشي 10_15 دقيقة
 – ويوجد سوبرماركت عربي على بعد 25 دقيقة مشي اسمه king Market بعد ا المول
 – وسوبر ماركت اكبر اسمه  C_ towm market بالباص 30 دقيقة كله حلال وكأنك في دولة عربية وفيه خبر عربي شامي   بكل الأنواع والكاشير عربيات فلسطينيات بصراحة فيه كل شي تتخيلوه
 – و الcounty لاستخراج شهاده الميلاد على بعد نص ساعة مشي
 -وال best buy لشراء بطاقة mint  وكل انواع الSim cards
 –  بخصوص الأكل ممكن تنزيل تطبيق  Zabihah لمعرفة كل المطاعم الحلال
 -و احنا استمتعنا في مطعم شامي اسمه   Kobab house حلال مشاوي ودجاج بالشواية ورز ووشاورما ينصح بتجربته
 -ويوجد مكتب Fedex للتصوير الأوراق على بعد 9 دقايق مشي

واحنا اشترينا سخان كهربائي بعين واحدة بنطبخ عليه شغلات بسيطة وبنغلي عليه قهوة تركي
 والسعر غالي شوي بالمقارنة مع اجار الشقق إن وجدت
 تكلفة 2100$ في الشهر مع تخفيض التوتال كير

ويفضل حجز اسبوعين من موقع الفندق او الاتصال عليه من الخارج والدفع عند القدوم وقابل للتمديد حسب المدة المرغوبة

الدكتور
 رحنا لموعدنا للدكتور هشام وكشف عليها ودفعنا 2000$كاش ورجعنا إعادة كشف مرتين  قررنا الطلق الصناعي في الأسبوع 39  لأنها اول مرة وكدة هيطول الموضوع وانا عندي دوام ومستعجل

المستشفي
 خدنا القرار وحجزنا موعد في المستشفى  parkview ودخلنا 8 صباحاً الاربعاء لانو مفيش سراير فاضية بالليل بعد 12 بالليل  بدأنا الطلق الصبح والرعاية كانت 10/10

 وولدت الحمدلله تاني يوم العصر الخميس  واخدنا ابرة الظهر وكانت مريحة لانو الألم بدأ يشتد عليها وكانت دكتورة التخدير عسل شكلها صيني وسنها صغير والدكتور هشام مدح فيها وبعد كدة انتقلنا لغرفة ما بعد الولادة والرعاية كانت 8/10 لأنها خلاص ولدت ومش محتاجة التمريض كل شوية

دكتور الأطفال وصل تاني يوم الصبح وكشف عالبيبي وطمنا وقال ممكن تيجو متابعة بعد 3 ايام احنا مرحناش الأمور كانت بخير

والحمدالله وطلعنا الجمعة بكرسي السيارة بدون مشد الظهر ولا شفاطة الثدي لانو مسؤولة الرضاعة جت وقالت مش محتاجينها والولادة الطبيعي ملوش مشد للظهر

ومسؤلة شهادة الميلاد اخذت البيانات الصبح وراجعناها الظهر وبس
وخرجنا للفندق بالاوبر المغرب يوم الجمعة
السبت والأحد اجازة يوم الاتنين ما رحت اسأل عالشهادة
الثلاثاء اخر النهار الساعة 3:30 استلمتها من الكاونتي
 الأربعاء اتكلنا على سانديجو بالسيارة اللي أجرتها من Enterprise يوم الثلاثاء وقدمنا عالجواز الصبح واستلمنا اخر النهار الساعة 4 ورجعنا وقدمنا حجزنا وسافرنا الجمعة 7/3/2020

وبكدة كملنا شهر بالتمام

تحياتي للجميع وعقبالكم جميعاً تقومو بالسلامة وترجعو بلدكم سالمين غانمين

 

التجربة22- 

تجربة السفر – لوس انجلوس (كاليفورنيا) – يناير/مارس ٢٠٢٠

مبدأياً الجروب والموقع بيساعدوا كتير جدًا لأن التفاصيل كلها موجودة واعتقد هتوفر علي ناس اسألة كتير خصوصاً لو قروا الموضوع كله، ادارة الموقع والباشمهندس******بصراحة ربنا يجازيهم خير ويكرمهم علي تعبهم 🙏🏼

الفيزا 
 كانت موجودة معانا من كام سنة  من قبل بغرض الشغل، فاحنا حجزنا التذاكر علي طول.

اختارنا ولاية كاليفورنيا علشان الجو ادفي واحسن، واختارنا مدينة اونتاريو بالتحديد لقربها من عيادة الدكتور هشام المقدم، وعوامل تانية زي مكان السكن (Airbnb) وتأجير العربيه وهكذا.

السفر
 حجزنا علي طيران الامارات، وجهزنا معانا تقرير طبي بخصوص الحمل ان زوجتي تقدر تسافر بس محدش سأل عليه، كده كده كنا مأكدين حجز الكراسي من قبل ما نسافر.

الطيران كان من القاهرة ل دبي، وترانزيت ساعتين في دبي وده يعتبر وقت ضيق شويه يعني مش بيكون مستحمل اي تسوق داخل المطار، لكن لو بتخلص اجراءاتك علي طول ومركز مع الرحلة اكتر زي حالتنا كان وقت مناسب الحمدلله ومفيهوش اي ملل انتظار. بعدين الرحلة بدأت من دبي للوس انجلوس حوالي ١٧ ساعة، طبعاً فترة طويله بس احنا كان عندنا فكرة علشان سافرناها اكتر من مره، ف عندنا كام نصيحه ممكن الناس تستفاد منهم:

١. خد معاك اكلات بسيطه ع الطيارة: لبان (مفيد لتحريك الفك ف حالة التغير  في الضغط كان بيضايقك)، شيكولاتات او بسكوت.
٢. حاول تمشي ف الطياره كل شويه علشان تحرك الدم ف الجسم وتتفادي اي تقلصات او شد
٣. اشرب مياه كتير وبرضه اكيد السيدات بيكون معاها كريم مرطب لأن برضه الجلد بينشف شوية.
 ٤. اختيارك للبس مريح قبل السفر قرار مهم جداً خصوصاً فى رحلات طويلة زى دي.

بس مش محتاجه نصايح اكتر من كده الموضوع بسيط باذن الله بالنسبه للرحلة.

الوصول
 وصلنا لوس انجلوس ونزلنا وقفنا ف صف الناس اللي معاها تأشيرات الدخول، وحطينا بياناتنا علي الجهاز اللي بياخد البصمات وبيطلعلنا ورقتني فيهم بياناتنا بيكونوا مهمين جداً علشان الظابط بيحتاجهم بعدين، دخلنا علي اول ظابط ف الجوازات والموضوع كان بسيط جداً:

س: جايين منين
 ج: من مصر وعملنا ترانزيت ف دبي

س: الغرض من الزيارة
 ج: سياحة وعلاج

س: متفقين مع دكتور هنا
 ج: اه وعلي تواصل معاه

س: هتتكفلوا بالتكاليف ومعاكو فلوس اد ايه؟
 ج: اه متكفلين ومعانا كاش اقل من ١٠ الاف بشويه (عشان طبعاً منخشش ف الاقرار المالي والكلام ده) وبرضه معانا فيزا احتياطي للطوارئ

س: معاكم اكل او اي حاجه
 ج: لا

س: هتقعدوا قد ايه
 ج: شهرين (ختملنا ٦ شهور

حتي الاقرار بتاع الجمارك اللي بنملاه ع الطيارة قال مش محتاجه، والرجل كان لطيف جداً ومنتهي الذوق الحمدلله
 بعدين روحنا استملنا شنطنا وطلعنا في ظابط تاني بس بيراجع ع ورقنا، برضه كان لطيف جداً شاف الورق بسرعه ورحب بينا وعدينا.

 ⚠️ نصيحه:
  حاولوا تقرروا من البداية خطوط التليفون اللي هتستعملوها علشان هتبقوا محتاجين انترنت لحاجات كتير (Google Maps, Uber, Lyft) و خطوط التليفون اللي ف المطار غالية جداً جداً غاليه مقارنةً بالاسعار العاديه.

لان اونتاريو بعيدة شويه عن لوس انجلوس اخدنا ٣ موصلات
 ١. اتوبيس من المطار ل (Down Town LA – Union Station)
٢. قطر لمحطة اونتاريو
 ٣ تاكسي من المحطة للبيت ( ف حالتنا علشان مكانش معانا انترنت مقدرناش نلاقي اوبر او تاكسي خصوصاً ان اونتاريو مدينة هاديه بس الحمدلله كان فيه شخص لما سألناه اي مكان نقدر نلاقي فيه تاكسي ف الوقت ده، هو عرض علينا يوصلنا خصوصاً ان البيت كان قريب من محطة القطر

المواصلات
كلها كانت سهله الحمدلله، طالما انت كمان بتكون بتسأل بالظبط عن اللي انت محتاجه، وبرض ال٣ مواصلات دول كانوا كلهم علي بعض حوالي ٤٠ دولار مقارنة ب ١٨٠ دولار لو كنا اخدنا اوبر من المطار علي طول، احنا كان عندا وقت و برضه بنحب نسكتشف المدينه اللي احنل فيها عل معلنا فبتكون فرصه نعرف المواصلات فيها ازاي للظروف، طبعاً بتختلف من شخص لشخص علي حسب اذا كانوا مستعجلين او مش حابين كذا مواصله.

 🏠 السكن 
 البيت كان فى اونتاريو، سكن كويس وسعره كويس و اونتاريو قريبه من كل المدن نسيباً (لو معاك عربيه). كان عن طريق Airbnb، عيلة من الصين كويسين جداً وبيساعدوا كتير والبيت نضيف.
البيت دورين، احنا اخدنا الغرفه اللي تحت، قدامها علي طول حمام خاص، المطبخ وغرفة المعيشه مشتركه، بس كانت تعتبر خاصة بينا لأن كل ماكانوا بيشوفونا فى المطبخ كانوا بيقولونا خلصوا براحتكوا وبعدين هنا بيستخدموه، فيه كمان مكان لركن العربيه قدام البيت وجنينة صغيره داخل البيت نفسه.
 برشح البيت لأي حد بيحاول يسكن فى اونتاريو ممكن ابعتلكوا اللينك.

 🚘 العربيه
 كانت عن طريق Turo، اجرناها الاول شهر واحد علشان نشوف لو هنستريح فيها، وبعدين جددنا شهر تاني، واستخدمنا التأمين العادى (Standard)

كل التواصل ما بينا وما بين المؤجر عن طريق البرنامج، وكمان اي تمديد للمده او الغاء التأجير، علشان اضطرينا نلغي التأجير بدرى لما بدرنا الرحلة لظروف الغاء الطيران، مكانش فيه مشكلة والمؤجر كان متفهم ووافق على الالغاء والمفروض المبلغ المتبقي يرجعلنا.

🛍 التسوق
دي اسماء المولات او الاماكن اللي رحنالها لما كنا بنجيب ملابس الطفل، هداية او ملابس بشكل عام:
 Ontario Mills
 The Outlets at Orange
 Westfield
 Mainplace Mall

 

المحلات
 Buybuy Bab

Carter’s
 Target
 Walmart

🔺 نصيحة:
خلوا معاكوا فواتير كل حاجه، علشان ممكن تلاقوا نفس اللبس فى مول/محل تاني بنص التمن (حرفياً)، كمان نزلوا التطبيق الخاص بالمكان علشام بيكون فيه خصومات كويسه ممكن تستفادوا منها،
كمان لينا تجربة كويسه مع Buybuy Baby بخصوص ال Baby Registry:

رحنا سألنا على تفاصيلها فى المكتب الموجود بالمحل نفسه، الفكرة ببساطه انك بتعمل قائمة ف المحل بكل الحاجات اللي ممكن تشتريها، على اساس ان اي حد من اصحابكوا ممكن يدخل على القائمه ويشترى الحاجات اللي انتوا محتاجينها بس، زيادة علي كده اول ما بتعملوه بتاخدوا خصومات كويسة حوالي ١٥٪؜ علي المشتريات، بيكون كويس خصوصاً لو هتشتروا حاجة زى عربية الطفل علشان فى الاغلب دى بتكون من اغلى الحاجات، الخصم كمان بيكون يشملها حتى لو موديل ٢٠٢٠ و فى العادى مفيش خصومات عليها، وكما كل ما بتشتروا حاجتكم العاديه بتاخدوا نقط بعدين تتحول لرصيد فى المحل لنفسه، اخدنا رصيد حوالى ١٥٠ دولار قدرنا نستخدمهم فى المكان.

 🏩 المستشفى
الحمد لله رزقنا بابنتنا فطيمه يوم ٢٨ فبراير بمستشفى بارك فيو
زوجتى كان سكر حمل فالدكتور هشام نصحنا بالطلق الصناعي على الاسبوع ٣٩ . دخلنا الخميس الساعة ١٢:١٥ الصبح و ابتدت تاخد الطلق الصناعي على الساعة ٢، اخدت ابيدورال الساعة ٥ العصر ، الحمد لله فتح الرحم عشرة سنتيمتر يوم الجمعة الساعة ١ الصبح

الممرضات
بدأوا المساعدة في الدفع من الساعة وحدة ونص الساعة أربعة للأسف راس البيبي مش نازل صح .. اتصلو بالدكتور هشام و قالهم يخلو البيبي يرتاح عشان نبضه بقى طالع .. على الساعة ستة رجعوا يحاولوا للساعة سبعة الصبح و الرأس لسة مش نازل.
 جه الدكتور هشام الساعة سبعة وشاف و قال لازم نستعمل ڤاكيوم عشان نجيب راس البيبي ، فضل يحاول بس للأسف كل المحاولات ما نجحتش وتقرر قيصري بعد تلاتين ساعة طلق صناعي و دفع للولادة مل اللازم لموضوع الفتح للولادة الطبيعية وطلعنا بسرع قيصرية…. 

كانت تجربة صعبة علينا خصوصا انها اول ولادة … وكنا متفائلين ان ولادة طبيعية خصوصا ان راس البيبي دايما كان تحت من اول زيارة للدكتور و الامور كلها تمام، الحمد لله على كل حال 

قعدنا في المستشفى ٣ ايام، مشفناش الدكتور هشام من يوم الولادة لحد اول يوم متابعه لأن كان بيتابع بالتليفون مع الممرضات، بس تاني يوم الولادة جه دكتور تاني كتب لنا على الخروج و مسكنات لانه كان الم قوي.

البنت الحمد لله كويسه بس رأسها كان وارم من الفاكيوم بس الدكتور هشام قالنا حوالي ٣ ايام وترجع عادية والحمدلله فعلاً ده حصل. روحنا بعدها باسبوع للمتابعة مع دكتور Timothy Macky وكانت كل حاجه كويسه الحمدلله، بس انتبهوا للتكلفه علشان الاسعار متفاوته من حد لحد، يعني فيه ناس دفعت ١٠٠ وناس ١٢٥ وناس ١٥٠، وسمعنا ٥٠ بس مش متأكدين منها الاخيرة دي.

📑 الباسبور وشهادة الميلاد
بصراحة كل حاجه زى ما مكتوب بالظبط بالتفصيل، لكنكم لا تقرأون الموقع!!

 ✈️ السفر
 كنا حاجزين على طيران الامارات، التذكرة كانت (Flexible) بتكون اغلى شوية بس بتساعد بعدين لو حبيتوا تغيروا المواعيد بتكون تكاليف اقل، وطبعاً ده ساعدنا الحمدلله علشان المفروض رجوعنا يبقي ٢٤ مارس بس اول ما    عرفنا ان الطيران فى مصر هيتوقف دخلنا فوراً علي البرنامج وغيرنا المواعيد لطيارة توصل مصر يوم ١٩ الساعة ١٠:٣٠ ص قبل توقف الطيران بساعه ونص تقريبا.

 طلعنا علي المطار تاني يوم على طول وفى الاول موظفة المطار قالتلنا ان جالهم ايميل من دبى ان اي رحلة وجهتها النهائية مصر ركابها ميطلعوش، فضلنا واقفين حوالي ساعه وربع نقنع فيهم لحد ما ورينالهم التصريح الرسمي من هيئة الطيران المدنى المصرى ان الرحلات هتقف ١٢ الضهر وقولنالها هي ممكن تصوره وتشوف حد يترجملها لو حابة وفعلاً ده اللي حصل والحمدلله ركبنا ووصلنا مصر بخير يوم ١٩ وفعلاً كانت اخر طيارة وصلت اعتقد لأن اغلب الموظفين كانوا مشيوا.

🦠 كورونا 

 بالنسبه طبعاً للموجودين فى امريكا دلوقتي اعتقد هما عندهم علم اكتر بتطورات الوضع عندهم، فياريت يخلوا بالهم من نفسهم ويقللوا الخروج على قد ما يقدروا للضرورة فقط لحد ما الوضع يستقر اكتر ان شاء الله، احنا لما كنا هناك واعلنوا حالة الطوارئ قللنا الخروج بشكل كبير الا للحاجات المهمة، وبالنسبه للسفر والله حقيقه احنا عدينا علي ٣ مطارات، لوس انجلوس ودبى والقاهرة، ومطار القاهرة هو المكان الوحيد اللي فعلاً شافوا درجة الحرارة وملينا استبيان بمعلوماتنا علشان لو حبوا يتواصلوا معانا بعدين، والمكان كان بيتنضف قدامنا اول باول، مطار دبى كان فيه اهتمام اكتر من الموظفين بنفسهم هما شخصياً لكن مشفناش اهتمام بالمسافرين نفسهم بخصوص الفيروس، مطار لوس انجلوس ولا كأن فيه حاجه حصلت اصلاً، بس عموماً دي تجربتنا احنا بس اتمني دلوقتي يكون الموضوع اتغير.

ف النهاية عذراً على الاطاله بس حبينا نقول معلومات علي قد ما نقدر علشان الناس كلها تستفاد ان شاء الله، اتمني ربنا يسهل لكل الناس خصوصاً فى الاوقات اللي زي دى، وبنشكر جدًا الجروب بشكل عام والمهندس *****بشكل خاص علشان عمره ما اتأخر علينا فى اي سؤال.

التجربة23- 

 

الفيزا كانت عندي من سنتين انا وابني وجوزي 

السفر كان بتاريخ 10/2/2020   والعودة يوم 5/3/2020

الحمل 36 أسبوع كان عندي تقرير من الدكتور بتاعي بس مفيش أي حد سألني عليه وكنت لابسة واسع عشان بطني متبانش 

سفرنا من فرنسا   للوس انجلوس على ( اير فرانس )بصراحة كانت الرحلة ممتازة والطيارة كبيرة بس مليانة عالاخر وكان شوية تعب بالرحلة عشان بطني كانت كبيرة ومكنتش عارفة أتنفس  ولا اتحرك. 

وصلنا مطار لوس انجلوسا ورمييت الأكل كمان وكان المطار  زحمة  عقدنا على الطابور بتاع 4 ساعات بصراحة اتنفخنا من التعب وابني ماشاء الله عليه مكنش يعرف شو معنى خليك مكانك فكان مسبب للموظفين إزعاج ودا خلاهم يدخلونا من الأوائل وطلع لنا X انا وابني جوزي لا وبعدها دخلنا على أوفيس شكل حباب سألنا شوية أسئلة

وحنا ونستلم الشنط فقبلتنا وحدة شغالة هناك معها كلب فقعد يشمشم فيا فأنا خفت منو وابني قعد يعيط فهي بتقولي معاكي ايه قلت لها معنديش حاجة فكانت شوية وهدخلني على غرفة التحقيق ونا ماشية قدمها بصت على بنطلوني لقتني كنت قاعدة على حاجة فكان البنطلون متبهدل وفيه ريحة أكل دا لي خلا الكلب يشمشم فيا فقالت لي خلاص امشي وحاولي تمسحي بنطلونك.فقالت لي ممكن أساعدك لو عايزة فرديت بسرعة عقدت تظحك عليا فقالت لي  شكل جوزك عايز يخلص منك عشان يعرف يتفسح بأمريكا براحتو فروحي قبل ميهرب منك 

وأول مخرجنا شوفت السما ياه غمة وراحت. معرفناش نطلب اوبر عشان مكانش عندنا نت فتبهدلنا في المواصلات 

السكن كنا ماجريين شقة ب 2600 دولار دا لي كان متاح سعتها بس بصراحة كانت جميلة وجنب المستشفى لي هولد فيه 

بالنسبة للدكتور كان واحد صاحب جوزي من فرنسا هو لي دلنا على دكتور محترم وممتاز اسم دكتور هشام بصراحة رائع. كنت واخدة موعد منو يوم 13/2 في عيادة في كورونا فرحنا  وصل دوري خدت مني البنت المعلومات ودفعنا الفلوس (2000 دولار) كشف عليا وقالي البيبي بخير بس وزنو زايد عن الطبيعي بس  الحمد لله كان كل تمام وقالي أسبوع وتعالي عشان السونار الكبير وبناء عليه أحدد ميعاد الولادة لأني بولد قيصري 

المفاجأة بقا ونا خارجة من عندو حسيت في ميا بتنزل فخفت  رجع عندو جوزي بسرعة فطلب مني ادخل عشان يبص عليا فكانت مية البيبي قل لينا معاك عربية قلنا لا فطلب مننا انو لازم نروح المستشفى عشان دي ولادة .فالبنت لي شغالة معاه كلمت لينا واحد جا اخدنا من العيادة على المستشفى اول موصلنا لقناه مكلمهم ودخلوني على طول  الحمد لله الولادة كانت ممتازة ودكتور البنج كان شاطر والممرضات خدومين يعني كل تمام .انا والدتي الأولى في فرنسا بس الولادة التانية احسن بكتير فقعدت في المستشفى 3 ايام وجا دكتور الأطفال وطمني انو البيبي حتى لو تولد قبل الوقت بتاعو مش هيحتاج لحظانة ولا أي شئ ودا راجع للوزن بتاعو

تأتي يوم جات بتعت شهادة الميلاد عبينا الورق وخدتو. فبصراحة المستشفى واللممرضات والدكتور 10/10 ونا في المستشفى قابلت وحدة سعودية عقدنا نحكي مع بعض وحكييت لها على السفر فسالتني .ونتي مش تبع الجروب فأنا استغربت جروب ايه قالت لي توتال كير فقلت لها لا معرفوش فقلت لي لو كنتي عل الجروب كانت الأمور حتكون أسهل بكتير من لي نتي شفتيه فقلت الحمد لله. 

بعد خروجي من المستشفى بس ايام استلمنا شهادة الميلاد وتاني يوم رحنا لسان دييغو عشان الباسبور وكنا قبلها عملنا حجز وهمي والفكرة دي البنت إلي من الجروب الي قالت لي لازم حجز وهمي عشان تعرفي تاخدي الباسبور في نفس اليوم وبالضبط دا لي حصل . ورحنا استلمنا الزيروبيل من المستشفى و من الدكتور 

وأول مسمعنا على موضوع كورونا وانو المطار ممكن يقفل غيرنا الحجز ورجعنا على فرنسا .فأنا اعتبر رحت ولدت ورجعت لا خرجت ولا لفييت ولا شفت أي حاجة

 

التجربة24- 

تجربه (١٥-٢-٢٠٢٠ /٠٢-٠٤-٢٠٢٠) 

اولا احب اشكر واحي باش مهندس *** علي مجهوده الرائع بالذات ف الويبسايت كافي شامل كل المعلومات الله يباركله والصراحه اي سؤال الواحد بيسالهوله مش بيتاخر شكرا جزيلا وشكرا علي الجروب المفيد والمسلي طول فتره الحمل وبعد الحمل.

الولايه
  كاليفورنيا… سبب الاختيار الجو دافئ عن باقي الولايات ف الوقت ده ، ارخص ولايه ف الولاده، دكتور مصري وسمعته كويسه، اماكن للفسح والشوبنج ، العيب الوحيد هوه طول مده السفر من السعوديه. 

السفر 
 – [x] الذهاب
 الرياض-جده-لوس انجلوس الذهاب
 ١٤-٠٢ -٢٠٢٠. (الخطوط السعودية)
 – [x] العودة: لوس انجلوس -واشنطون-مرسي علم (حجر ١٤ يوم)- القاهرة رحله اجلاء بتاريخ ٠٤-٠٤-٢٠٢٠ والعوده للقاهره ١٩-٠٤-٢٠٢٠
 *السفر ف الاسبوع ال ٣٦ بابني رضيع سنه ونص تقريبا امريكي الجنسيه   لوحدي …
 *لو حد اتحط ف الموقف ده ومحتار ياخد ابنه او لا فديه مسؤلية وسبحان الله انا بحمد ربنا اني قررت اخده بعد حوارات الكورونا والعطله الي حصلت ف الطيارات .. انا رآي تحكم قلبك وانشاء الله يكون القرار الصح. 

الدخول لمطار لوس انجلوس
 -استخدمت كرسي/ wheel-chair للتحرك ف المطار ، لتسهيل حركه التنقل داخل المطار لان ابني مش هيقدر يمشي مسافات كتيره وممكن ينام ف السكه ومكنتش هقدر اشيله 

*اساله الاوفيسر : مده الاقامه وشايله فلوس كام.

كان الدخول سلس الحمد لله سواء ليا او لما جالي جوزي برضو كان سلس معاه… في نظري ده تساهيل من عند ربنا ملهاش علاقه بالردود.

 *الولاده : بارك فيو / دكتور هشام  يوم ٢٠٢٠/٠٣/٠٥ بطلق صناعي ومن غير ابديورال. 

*المستشفي :
 اعلي من ما كنت متخيلها كتقييم.

*التمريض :
 فيه كويسين وفيه لا .. لو اتكلمت هتاخد حقك اكيد .

خلي بالكم من فاتوره التخدير .. غلطه common حصلت مع ناس كتيره بتتبعت بعد ما بتمشو بعدها ب ٣ اسابيع من الولاده، انا كنت المفروض ماشيه يوم ١٤ مارس من امريكا  ولما رجعونا من المطار ورجعت علي السكن …كام يوم وجاتلي الفاتوره ديه يعني لو كنت سافرت كان زمان عليا فاتوره وانا مش عارفه.

في الحاله ديه تتواصلو مع جينفر وتتاكدو انها اتشالت من الحساب بتعكم لو جالكم فاتوره بالغلط… صراحه معجبنيش الجزءيه ديه لاني اصلا ماخدتش ابديورال علشان تنزلي فاتوره ومعجبنيش ولا اسلوب جينفر ولا اسلوب الناس الي بعتين الفاتوره منتهي قله الذوق … فالاخر قفلو الحساب الاونلين ولما ادخل يقولي wrong password  اتمني تكون اتشالت كدا.. 

*دكتور هشام :
 ممتاز لكن التقييم مبالغ عن الواقع .

قبل السفر سالته علشان اعرف امتي ميعاد الولاده علشان جوزي يجي علي يوم الولاده ،قالي ممكن اولدك بطلق صناعي ف الاسبوع ٣٩ وبعدين لما وصلت قالي لا حالتك يا ٣٧ يا ٣٨ ماكسمم وافضل ٣٧ علشان كان عندي عرضه تجلط ،،، ومع اني سالته قبل السفر وبعتاله كل اوراقي فكان جوزي حاجز انه يجي علي الاسبوع ٣٨ و يومين علي اساس اولد ف. ال ٣٩ عادي بعدين لما قال الاسبوع ٣٧ اتضطرينا نغير الحجز وكلفنا الضعف في السعر مثلا وبعدين قالي هولدك يوم ٢ مارس ولما اتصلت قبلها ااكد قالي انا مقلتش للمستشفي فحجزلي موعد طلق صناعي يوم ٥ مارس فغيرنا التذكره علي الفاضي ..

 

لكن برضو الولاده من عند ربنا كانت ميسره والدكتور برضو انا اشوفه شاطر لكن ممكن يكون فيه ضغط وقت وشغل يخليه ميركزش و خلي بالكم من تحديد الطلق 

الصناعي ليزمكم تحجزو قبلها بفتره يوم ميعاد الطلق الصناعي.

*السكن : 
 سكنت ف منطقه eastvale عند اسره صنيه جربها كذا حد من الجروب ،، السعر مناسب لجوده المكان كنظافه وهدوء.
 حجزت عن طريق airbnb كان ارخص وطبعا ارخص لو حجزت بالكاش بعد ما تتواصل مع صاحب السكن بس عيبها لو انت لسا موصلتش امريكا مخاطره. 

معلومه: 
 تقدروا تستردو مبلغ دفعتوه ف airbnb لو المده لسا مبتدتش عن طريق حاجه اسمه shorten check out date علشان انا برضو مريت بالتجربه ديه لاني غيرت وقت الخروج وعلشان كنت مقسمه الحجز كل شهر ف حجز منفصل فقدرت اعمل كدا باقل تكلفه الحمد لله. 

وعموما اي مشكله تحصل وتضطروا تلغو الحجز ديما حاولو تتواصلوا مع ال airbnb و host وممكن تتوصلوا لاتفاق . 

*المواصلات:
  استخدمت lyft طول المده كان فيه حاجه اسمها lyft pink بتدي خصم ١٥٪؜ باشتراك قيمته ٢٠$ كانت كويسه وموفره.

*كارسيت:
  كان فيه بعض السواقين بيعدو قصه ان طفل من غير كارسيت وفيه كانوا بيرفضو واحد بس رفض وكنسل الرحله بدون اي خصومات مع lyft، وطبعا انا بتكلم علي طفلي الكبير الي هوه سنه ونص علشان كنت مسافره الاول لوحدي فكان صعب عليا اشيل ف كارسيت كل مره انزل فيها بالتاكسي … عملت كدا ف الاول بعدين تعبت من شيل الكارسيت وانا حامل.

بس طبعا النونو الجديد كنت بحطه فالكارسيت .

*سترولار :
 مجبتش الدبل بما اني عندي رضيعين لكن انا كنت مسافره بابني السنه ونص بالترافل سستم جراكو ، وخليت جوزي يجي بالسترولار التانيه الي بتطبق فحطها ف الشنطه وهوه جي واستخدمنا اتنين سترولار ،،، لاني شفت معظم انواع الدبل لو مكنش كلها كبيره جدا علي شنطه العربيه وتقيله جدا فمكنتش تناسبنا… عفوا لو دخلت ف تفاصيل زايده بس اعتقد ممكن تفيد حد عنده نفس الظروف.

وللمعلوميه كل الطيران الي عديت عليها بتسمح  بشحن ٢ كارسيت و ٢ سترولار ببلاش سواء داخلي ف امريكا او مصر للطيران او الخطوط السعوديه طالما معايا رضيعين. 

 

*شهاده الميلاد : 
 الطريقه العاديه مكنش وقت الطواريء وطلعت بعدها ب ٤ ايام .

*الباسبور :
 عملته ف سان ديجو وكان معايا حجز طيران بتاني يوم … مكان نضيف وسلس وسريع لحقت فالوقت العادي ومش وقت الطواريء.

‏*snn: 
 كتبته علي صحبتي ف تكسس وبعدين لما طولت الاعده خلتها تبعتهولي علي لوس انجلوس بالبريد UPS .

*العوده ؛ 
 كنت حاجزه لوس انجلوس-جده-رياض ١٤ مارس ٢٠٢٠ بعد ما سبت السكن ورحت المطار رجعونا وقالو هياخدو الجاليه بس…
 رجعت علي سكن جديد اغلي بكتير من سكني القديم وبعدين لما فضي سكني القديم رجعتله لحد ما ظبط وحجزنا في طياره الاجلاء .

*طيران داخلي 
 الفرد ١٣٠$ من لوس انجلوس لوشنطن علي يونيتيد وامريكن …بس حجزت علي يونيتد علشان كانت اظبط رحله كميعاد وكانت كويسه جدًا كتقييم.

والشنط … الشنطه الاولي ب ٣٥ الثانيه ٤٥ والثالثه ١٠٠ والرابعه ١٥٠ بشرط الوزن للشنطه الواحده وزنها ٢٣ متزيدش اي حاجه عن ٢٣ ودقيقين اوي ف الموضوع ده والا تدفع ١٠٠$
 بعدين مصر للطيران الفرد ب ٦٥٥$ البالغ والرضيع حوالي ٦٠$ والحمد لله مدققوش ف الوزن ولا الجمارك .
 اعدنا حجر ١٤ يوم ببلاش ورجعنا للقاهره ببلاش 

تجربه الحجر ممتازه وحاجه نضيفه الصراحه وناس محترمه ف الاوتيل يعني مفيهاش اي بهدله …

بس تفتيش مطار مرسي علم بايخ ودقيق علشان بس محدش يتفاجيء بتقلع الجزمه والحزام والشياله وتشيل الطفل من السترولار او لو كان ف الشياله بتطلعه منه..

-كنا ف البدايه حجزين علي امريكن ايرلاين (طيران داخلي)  من لوس انجلوس لوشنطون فالبدايه كنسلو الرحله والحمد لله بعد فتره عرفت استرد المبلغ علشان هما الي مكنسلين .

–وبخصوص الخطوط السعوديه الي هيه كانت الرحله الاساسيه العوده للسعوديه الحمد لله قدرت ارجع التذكره لجوزي بس لسا تذكرتي علشان تذكره ستاف ليها اجراءات تانيه.

التأمين
 -قدرت استرد جزء من مبلغ الولاده للتامين (تكافل الراجحي ) في السعوديه.

والحمد لله علي كل شيء في انتظار انهم يفتحو الطيران للسعوديه وادينا اعدين ف مصر وربنا يعدي الغمه والمحنه ديه علي خير وتزول عن قريب ونخرج منها سالمين معافين يارب …

معلش التجربه مختلفه طبعا عن الوضع الطبيعي بسبب الكورونا والحجر يارب تفيد اي حد غيري.
 لو حد محتاج مساعده او استفسار اتفضلوا…

التجربة25- 

السلام عليكم 😍 
  كاليفورنيا (بارك ڤيو ) د.هشام المقدم (٢٩ فبراير-٣ ابريل ٢٠٢٠)

الطيران
 سافرنا انا ومراتي الجمعة بليل من قاهرة الي كاليفورنيا ترانزيت فرنسا 

 

 من قاهرة الي شارل ديجول ٢٩/فبراير
  جميلة جدا الطيارة نضيفة حديثه طاقم ضيافه محترم و علي المستوي الشخص لبي اي طلب احتجناه بكل ترحيب يعني المدام طلبت مياه وقالتلع هحتاج باستمرار طول الرحلة راح جابلها ازازة  لتر ونص  ، طلعنا اخر اتنين في الطيارة فا بالتالي ملقتش مكان للشنط الكاري اون فوق الكرسي لقيت مضيف جيه خدهم لمكان اقرب للباب وفاضي من نفسه وشالهم عنني  وقبل الاقلاع رشوا في الجو مادة تعقيميه شوية او ما شابه air refresher للكورونا  الكرسي حجمه كويس ومكناش مختارين كراسي extra leg room  والحمد لله وصلنا بعد حوالي اربع ساعات ونص وكان في وجبة فطار جميلة بصراحة ومحدش خد بالوا من الحمل والتقرير شايلو علي جنب

الرحلة من شارل ديجول الي lax.  
 كننا ترانزيت اربع ساعات ونص ، محسناش بيهم صراحة المطار كبير واحنا من ساعه ما نزلنا من طيارة الاولي ورايحين الgate للطيارة تانيه وجوا نفس التيرمينال اخدنا ساعه  وربع تقريبا وبيتم التنقل بمترو داخليا فا قبل ما تختاروا اقصر ترانزيت اتاكدوا انه داخل نفس التيرمينال ، المهم روحنا علي ال gate بعد ما ضيعنا وقت في اللونچ طبعا طوابير  ومتقسمين zones   من البوردنج بتاعك من بلدك بيقولك هتبقي زون كام   وليقولك عندك تفتيش عشوائي ولا لا  انا ومراتي البوردنج ssss  فعرفنا انا في تفتيش هيحصل كننا واقفين في طوابير ال gate  بيعدي بتاع السيكيورتي بيلزق حاجة علي باسبور لئما بتفضل في مكانك لئما بيقولك  تقف مع جروب تاني  علي جنب معرفش عملوا فيهم ايه 😂 جالي انا ومراتي احنا جنسيتين مختلفتين فا سال انته منين وهيه منين  مع ان الباسبور واضح وعايشيين مع بعض ولا ايه وعايشين في انهي بلد وعمال اقوله مراتي يا جدع يقولي يعني هيه عايشة معاك ولا لأ 😂😂 المهم لزق وكتب كود وفضلنا في مكانا مع اغلب الناس .

جينا نعدي مع الناس الجهاز الي بيعمل اتشيك اب علي بوردنج قبل ما تطلع الطيارة قالنا مش مسموح ونروح نعمل فحص ال ssss  روحنا علي جنب كدة وفي دقيقة فتحوا كل الشنط وعملوا مسحة علي الشنط وقالولنا تمام اتفضلوا  طلعنا وكانت الصدمة!

طيارة قديمه غير التانيه خالص ، كرسي اضيق من الاولي  ولو حد وزن زايد مش هينبسط خالص وكنت حاجز لمراتي كرسي extra leg room  الي بيكون قدامه فاضي وانا حاجز  كرسي عادي جنبها و اتفاجاننا انه كرسيها  قدامه ستاند كدة  علي مسافه كويسه بس بيمنع انك تعدي فا طبعا مراتي محتاجة تتمشي كل شوية في الطيارة فا فكرنا نهلي البنت الي جنبنا بدل ما هيه برا علي الممر تخش جوه جنب الشباك تبدل مع مراتي وبعد كدة قولنا كدة كدة دافعين تمنه نبقي نفهم البنت ان مراتي حامل وتسحملنا تعديها كل شوية

المهم طاقم العواجيز المضيفات غريب تكلمه الكلمه مراه واخدة  لو طابت السوال تاني تحسسك انك غريب وساعات تطلب حاجة يقولك help ur self 😂😂😂   اول حاجة طلبنا مياة لقيتها بتديني كوبياه قولتاها لا ازازة علشان مراتي حامل ولا تشرب تقوم تقولي الازايز محدودة علي الطيارة !!!

المهم نزلت وجبة الغداء وتمام ومراتي حست انها لسه جعانه ، طلبت من العجوزة الشمطاء دية تاني اكسترا ميل ولو بفلوس تقوم تقولي الوجبات علي قدنا واصلا ربع الطيارة فاضي !  ( خلوا معاكوا يا جماعة سناكس كتير علي الطيارة )

 

نزلنا الحمد لله المطار كان سلس ومش زحمة مع انه يوم سبت روحنا علي الجهاز طلعلنا X  

خلصنا واستلمنا الشنط وخرجنا الحمد لله وكنت حاجز اونلاين عربية من شركات المطار وانصح الناس بموقع 

www.rentalcars.com. عربيات suv  ب ٢٥-٣٥$ باليوم والسفرية دية مش هينفع سيدان خالص علشان هتتفاجا بعدد شنط اخر السفرية غريب 🤓 

السكن
 غرفة بحمام ب jurupa valley  ٢٠ دقيقة بالعربية من بارك ڤيو بيت فيه اسره صينيه اب وام وطفل

بيتجر تلت غرف بتلت حمامات خاصة ، في المجمل سعره كويس بالنسبة للنضافه والخدمات والوسع بالغرفة بس في المقابل صاحب البيت حريص علي الفلوس و منظم وعامل قواعد كتير بالبيت ومرحب بالحوامل والرضع ودية اهم ميزة ومش بيشتغل تقريبا ومتفرغ للسمن وعنده  عربية للتوصيل من والي المطار كبيرة او كا تاكسي خاص في مشاوير خاصة اثناء الاقامة وجنبه حديقة عامة للتنزهة وممارسة الرياضة .

الولادة
 سافرنا لدكتور هشام في اخر ال ٣٦ اسبوع  عملنا متابعتين تلاتة وتمت الولادة في اخر ال ٣٩ الحمد لله ولادة طبيعية بطلق طبيعي ، دكتور هشام دكتور محترم في التعامل هوه علطول مستعجل اثناء الزيارات بس لا يكل ولا يمل من الاسئلة والرد علي الرسائل والتليفونات بس واثق من نفسه جدا 🤓.

المتابعه كانت بعيادة منطقة كرونا  حسيت بس الاجهزة السونار اقدم من الي بشوفه في مصر بس مش مشكلة المهم بتوفي بالغرض ، روحنا عملنا زيارة لبارك ڤيو  وشوفنا غرفه الولادة مستشفي متوسطة المظهر بس نضيفه ودية اهم حاجة بس old fashion  وحضرنا كورسات ما قبل الولادة ومفيدة جدا وعاوزة بس حد متحمس 😂 علشان من ضمن الكورس بتشوف فيديوهات للولادة ولحظات الولادة وممكن حد يكتئب من الي هيشوفه .

المهم الطلق جيه لزوجتي علي خفيف  علي مغرب يوم ٢٠ مارس  الجمعه ، ومكناش عارفين انه طلق كان علي هيئة مغص كل ساعه كدة ومن ٥ المغرب لي ١٠ بليل اتاكدنا انه طلق لما بقه كل تلت ساعه وكلمنا الدكتور وقال لما يبقي كل ٥ منتس بلغني. فا كانت الساعه ٢:٣٠ كدة الفجر وكلن مؤلم وكلمنا هشام وقال اطلعوا علي المستشفي وروحنا وعملنا checkin علي ٣:٣٠ فجر يوم ٢١ مارس وتمت الولادة علي  الساعه ٣ العصر يوم السبت ٢١ مارس وفي  ال ١٢ ساعه دول كان طقم التمريض اتبدل ورديات  و المستشفي دية ابهرتني بالتمريض اهتمام فوق الوصف ومعاملة واطمئنان جميلة انا عارف انه في ناس اشتكت منهم بس شكلها حظوظ وحسب الستاف والحمد لله حظي كان كويس في التمريض قبل وبعد وخرجنا يوم ٢٢ مارس ودفنا تمن يوم واحد . وتاني يوم قدمت علي الزيرو بيل والفواتير مفصله واستلمتها بعد يومين عمل 

الشهادة والباسبور
 تم اصدارهم مع اجراءات الكورونا ، الشهادة بالبريد في اسبوع والباسبور في يوم .

وشكرا للعالمي م/******* لأني من غير توتال كير كنت هولد عادي في شيراتون 😆😆

شكرا 🤓

التجربة26- 

بسم الله .. حابب اني اشارككم تجربتنا في الولاده .. احب اشكر المهندس***** و صراحه الموقع به كل التعليمات و المعلومات المفيده بخصوص كامل الإجراءات .

 تواصلنا مع عده اطباء و مستشفيات و في النهاية تم الاستقرار علي ولايه كاليفورنا لان طقسها مناسب خلال هذه الفترة بالإضافة انها ولايه سياحيه و جميله .
 تم التواصل مع د/ هشام المقدم و طلبنا منه جميع التحاليل التي يحتاجها و ارسلناها له قبل السفر من الأساس. 

السفر 
 يوم 28 يناير و كان موعد الولاده المقرر 15 مارس .. السفر كان بعد قرار 24 يناير بخصوص منع اصدار تأشيرات لغرض الولاده .. السفر في الاسبوع ال 32 للحمل تقريبا علي الطيران التركي من السعوديه ترانسيت اسطنبول ثم لوس انجلوس في رحله طويله قرابه ال 22 ساعه .. الطياران التركي جيد و مريح خصوصا اذا تم حجز الصف الاول و الشنط قطعتين بواقع 23 كيلو للشنطه الواحده(ملحوظه بخصوص الطيران التركي في نهايه التجربة) 

الوصول للمطار 
 تم الدخول علي المسار السريع و لم يتم سؤال عن اي شي

السيارة
 تأجير سياره من مكتب Alamo بالمطار و سعره ارخص من مكاتب وسط البلد.

السكن 
 في ريفارسايد قريب من المستشفي عن طريق Aiebnb و المتابعة منتظمه كل اسبوع مع دكتور هشام .

الشوبينج
 ممتاز في ولايه كاليفورنيا خصوصا الآوت ليت مثل اورانج اوتليت في انهايم و فيكتوريا جاردنز و أونتاريو ميلز في اونتاريو و سيتادل اوتليت في لوس انجلوس .

أيضا أماكن الخروج
  يمكن الذهاب لديزني لأند و علامه هوليود الشهيرة و متحف الشمع مادام تيسود و هوليود واك اوف فام و بيفيرلي هيلز و هوليود ستوديوز بالإضافة لسانتا مونيكا و بالم هيلز و إذا توفر وقت يمكن الذهاب الي لاس فيجاس و سان دييجو أيضا بها سي ورلد و سان دييجو زو الشهيرة و أولد تاون سكوير.
 المستشفى و الولادة
 موعد الولاده كان مقرر يوم 15 مارس و كانت نصيحه د/هشام اخد طلق صناعي في اليوم المحدد اذا لم تحدث اعراض ولاده .. لكن قررنا ان تاتي الامور طبيعية افضل و بالفعل في يوم 16 شعرت زوجتي باعراض الولاده فتوجهنا لعياده د/هشام و طلب منا التوجه للمستشفي و قام هو مكالمتهم لتجهيز غرفه لنا .

دخول المستشفي الساعة  ١٠ صباحا .. التمريض كان ممتاز لكن هناك ملاحظه هامه جدا تسببت في العديد من المشاكل الصحيه لزوجتي .. تأخروا جدا في اعطائاها حقنه البيتوسن الخاصه بزياده الطلق و عندما اعطوها الحقنه كانت جرعات ضعيفه جدا لا تشكل فارق ثم بكروا جدا في اعطائها حقنه الابيديورل مما تسبب في وضعها تحت تأثير مخدر ابطي عمليه الطلق اكثر و ظلينا في المستشفي 40 ساعه حتي قامت بالولاده علي خير الحمد لله .. الخروج كان في اليوم الثالث.

الفواتير 
 قمت بسداد الفوتير كامله قبل الخروج و اكدت علي مدام لوس مسؤوله الفواتير باعداد فواتير مفصله و زيرز بيل باسرع وقت لاني مسافر قريبا.
 تم استلام جميع الفواتير المفصلة و الزيرو بيل بعد الخروج من المستشفي ب ٣ أيام .

شهاده الميلاد  
 تم ابلاغنا من موظفه شهادات الميلاد في المستشفى ان الإجراءات لاستخراج الشهاده تغيرت نتيجه لتحديثات كورونا و سلمتني ورقه بها رقم تليفون الكاونتي بريفارسايد للتاكد من صدور شهاده الميلاد و الحصول عليها .. بالفعل بعد 4 ايام ردوا ان الشهاده جاهزه و حجزت موعد لاستلامها و تم الاستلام .

جواز السفر 
 بعد استلام شهاده الميلاد و في نفس اليوم اتصلت علي جوازات لوس انجلوس و سان ديجو اطلب موعد لجواز السفر … قررت الذهاب لجوازات لوس انجلوس استلم الاوراق و بلغني بالاستلام في نفس اليوم ظهرا .. عند الاستلام بلغني ان كارت جواز السفر سيتم ارساله بالبريد علي عنوان السكن و تم ارساله بعد يومين ولكن صاحب البيت استلمه و ضيعه للاسف.

طهارة المولود
 قمنا بعمل زياره لدكتور ماكي من اجل الطهاره للبيبي و التاكد من سلامته.

للاسف تم الغاء رحله الطيران الخاصه بنا و قام الطيران التركي برد 30% من قيمه التذاكر فقط بحجه ان رحله الذهاب اغلي من رحله العوده و الرد خلال 45 يوم .

تم تغيير المنزل لاخر في اونتاريو من اجل تخفيض التكاليف عن طريق Airbnb ايضا و كانت غرفه منفصله بحمام خاص في منزل لامرأه صينيه كبيره في السن و في غايه اللطف و الكرم .

 ثم انتقلنا لولايه اخري هي لويزيانا عند احد الاقارب في انتظار فتح المجال الجوي و عوده الرحلات.

التجربة27- 

الدكتور
 أنا وصلت كاليفورنيا يوم ٧ فبراير وكنت في الشهر السابع وحجزت اول معاد مع د. هشام من وانا في مصر كان يوم الاتنين ١٠ فبراير في عيادة كورونا..

دفعت ال ٢٠٠٠ دولار كاش في اول زيارة وادوني وصل بيهم وقالولي الزيرو بيل لما اولد ان شاء الله..

المتابعات كانت مرة كل اسبوعين لحد اخر الشهر التامن بعدها كانت مرة كل اسبوع لحد الولادة ..

في اول موعد د. هشام طلبلي سونار عملته في مكان تبعه في منطقة تانية مش فاكرة اسمها بصراحة واللي كانت بتعمل السونار كانت ذوق جدا وكانت بتشرحلي كل حاجة وقالتلي انها هتبعت التقرير بتاع السونار لدكتور هشام عالايميل وطبعتلي صورة من السونار لوش البيبي 😁

وسألتهم عالدفع قالولي مفيش ده included..

كنت عاملة كل تحاليلي من مصر و د. هشام خد بيهم عادي.. ما عدا المسحة دي اتعملت في اخر الشهر التامن ودفعت فيها حوالي ٢٥ دولار عن طريق التليفون والفاتورة جت على البيت في foundation laboratory..

موعد الولادة المتوقع كان الاحد ١٢ ابريل كان عندي معاد مع د. هشام الخميس اللي قبله وقالي لو مفيش علامات ولادة على الخميس اللي بعده هيحجزني للطلق الصناعي..

وفعلا لما رحتله قالي خلاص انتي كده دخلتي الاسبوع ٤١ ومش هنستنى اكتر من كده..

المستشفي
 حددلي معاد يوم ١٩ ابريل وقالي اروح الساعة ١٢ وخمس دقايق بالليل..

رحنا وقعدونا ف اول اوضة وبصراحة الاوضة دي صغيرة جدا وحمامها مشترك مع الاوضة اللي جنبها وكنبة المرافق ضيقة جدا فمش مريحة..

اخدوا عينات دم والتاريخ المرضي وعملت استبيان كده عن الحالة النفسية وبعدين عقبال ما عرفوا يوصلوا للدكتور هشام بدؤوا الطلق الصناعي بدواء عن طريق الفم الساعة ٤ الفجر وكررت الجرعة مرة كمان بعد ٦ ساعات ود. هشام جه الضهر شافني بعدها ونقلوني على اوضة تانية واسعة دي فيها كرسي كده بيتفرد للمرافق غير الاوضة الصغيرة كان فيها كنبة ف الحيطة 

زي الدكة رفيعة كده 😅..

قالولي دي اوضة الولادة وكان فيها سرير صغير للبيبي..

بدؤوا يدوني طلق عن طريق الوريد وبعدين جه دكتور التخدير اداني الايبيديورال د. Lee ممتاز للغاية بصراحة..

د. هشام جالي تاني على بالليل كده وقال غالبا هتكملي لبكرة وفعلا كملت لتاني يوم و د. هشام جالي الصبح تاني وبعدها جالي الساعة ٥ العصر وساعتها قالي لو مفيش ولادة على الساعة ٨ بالليل هنضطر نحولها قيصري..

على ٨ بالليل كان بدأ عنق الرحم يتوسع فكلموا د. هشام قالي خلاص هنستنى للساعة ١٠ بس دي اخر فرصة..
 بصراحة هو كان ذوق جدا وجه يطمن عليا كتير وكان لاخر لحظة محترم قراري اني عاوزة اخد فرصتي في الطبيعي للاخر..

على الساعة ٩ وربع كنت دخلت ف الولادة وكلموا د. هشام وولدت الحمد لله.. البيبي كانت عاملة stool جوا الرحم فكانوا قايلينلي ان الاوضة هيكون فيها ناس من العناية المركزة بتاعت الاطفال ومعاهم اجهزة للتنفس وكده.. الحمد لله ربنا سترها والبنت كانت بخير..

جتلي ممرضة علمتني اشيل البيبي ازاي والبسها ايه وحمت البنت عشان ال stool اللي عملته ولبستها لبس المستشفى وعلمتني احاول ازاي ارضعها وكده لانهم سألوني انتي عاوزة رضاعة طبيعي وللا صناعي وانا كنت ناوية عالطبيعي..

نقلونا بعدها لقسم الامومة والطفولة كنت جعانة جدا لاني ممنوعة من الاكل بقالي يومين قلتلهم فجابولي عصير وسندوتشات سلطة بيض وتونة ولو عاوزة جيلي لاننا كنا في نص الليل فمفيش غير سناكس.. 

شرحولي ان الطفل بيلبس اسورة فيها باركود ورقم زي اللي ف ايدي وراجعوا معايا الرقم وكمان وروني جهاز بيتلبس في رجل البيبي وبيصفر لو اي حد خده قريب من بيبان المستشفى..
 قالولي ان كل حاجة بتتعمل للبيبي ف الاوضة وان اضطروا ياخدوه برا لازم اتأكد من الرقم بنفسي وهما مرجعينها..

وان لازم اللي ياخد الطفل ممرضة تكون حاطة بادج بينك باسمها وصورتها..
 الاوضة مكانش فيها كرسي او سرير للمرافق قلتلهم اول ما دخلت و جابوه على طول..

اليوم التالت ده كان فيه استشارية رضاعة جتلي وساعدتني كتير.. وجتلي واحدة تطمن على صحتي النفسية بعد ما ادوني استبيان تاني عشان اكتئاب ما بعد الولادة وادتني ارقام مجانية اتصل بيها لو حسيت ان مزاجي مش كويس خصوصا اني لوحدي من غير جوزي وفي الظروف دي ومش عارفة ارجع بلدي..

وجتلي إليانا علشان بيانات شهادة الميلاد وادتني ورقة التعليمات عشان أعرف أطلعها بالبريد..
 وجتلي لوسي من الحسابات والحسابات زي الموقع بالمللي بس خلوا بالكم ممكن تقولولها تدفعوا بالتليفون معاها بالكارت لو مفيش كاش علشان لو المرافق خرج معاها للمكتب مش هيعرف يدخل تاني..

وجالي دكتور الاطفال اللي اخترناه.. في لستة اسامي تبع المستشفى ممكن تختار منهم الدكتور وهو بياخد نفس ال١٠٠ دولار..

وعملوا للبنت اختبار السمع وادوني شهادة انها عدت بنجاح الحمد لله..
وادوها تطعيم الهيباتايتس بي بعد ما مضوني الكونسينت بتاعته..
وخدوا منها عينة الكعب وعينات تحاليل تانية..
وخدوا مني انا كمان تحاليل د. هشام كان طالبها بعد الولادة..
 جتلي ممرضة اليوم وكانت عاوزة تديني تطعيم ال TDAP وانا بصراحة قلتلها لا لاني مش ناقصة شك ابر ولا همدان ولا سخونية.. 

وجالي ناس من المطبخ عشان اختار وجبات الغدا

والعشا لاني كنت طالبة اكل كوشير او فيجيتيريان..
 وبييجوا في النص يدونا سناكس.. وادونا بوكس هدية بوصول البيبي فيه apple cider juice وكوكيز..
 وكان فيه فاوشر للمرافق بوجبه مجانية من الكافيتيريا ب٥ دولار..

الفكرة ان بسبب الكورونا هو واحد بس مسموح يدخل مع اللي بتولد ويقعد معاها طول المده ومش مسموح له بالخروج ابدا فخدوا معاكم سناكس خصوصا كمان لو هتطلبوا فيحيتيريان زيي لان ممكن ما يعجبكمش طعم الاكل..

د. هشام جالي مرة كمان في القسم ده يشوفني ويطمن عليا وقالي احدج معاد في العيادة بعد اسبوع علشان ال Follow up.. بصراحة راحل في قمة الذوق والأخلاق والشطارة.. 

التمريض
و لازم بجد أشكر التمريض لان غالبيتهم بصراحة فوق الممتازين.. من اول ما دخلنا لحد ما خرجنا..
 ده غير انهم كلهم بلا استثناء بيشكروا ف دكتور هشام جدا وبيقولوا لو حد تاني كان زمانه حولك قيصري من زمان..

انا قعدت يومين بولد ويوم ف جناح الامومة والطفولة علشان كده عديت على غالبية الممرضات.. 

في قسم الولادة اللي كانوا فوق الممتازين بصراحة ديانا ودي جديدة.. وهايدي ودي شكلها كبيرتهم كده وفاهمة كل حاجة.. و ماجي فلبينية شاطرة جدا جدا.. وفي واحدة فلبينية تانية بس مش فاكرة اسمها للاسف..

في قسم الامومة والطفولة في اتنين هما اللي قابلوني هناك رائعين بصراحة كانوا بيعاملوني كأنهم مامتي وأختي للاسف مش فاكرة اسمهم.. واخر اليوم جت ممرضة اسمها كمبرلي دي اللي جابتلي الكارسيت من نفسها مع انهم ف الاول لما دخلت قالولي ما عدناش بنديه لحد..

قبل ما نمشي قالولنا البنت الصفرا بتاعتها عالية ولازم يعملوا تحليل تاني لو طلع عالي مش هنعرف نخرج الحمد لله طلع ٧.٩ وكلموا دكتور الاطفال قالهم تخرج وتجيله عالعيادة بعد يومين..

كمبرلي شرحتلي ورق الخروج بتاعي وبتاع البنت وادتني روشتة علاجي ووصلتني بالكرسي المتحرك والبنت على رجلي جوا الكارسيت قالتلي القانون بيقول كده ولازم تكون القاعدة بتاعته راكبة في العربية واروح احط الكارسيت بايدي فيها..

والحمد لله روحنا..
بغض النظر عن حالة ولادتي الصعبة أعتقد كل حاجة في المستشفى كانت كويسة جدا..
 قالولي الزيرو بيل هتكون جاهزة الاسبوع الجاي هي والريكوردز فهروحلهم سوا ان شاء الله ..

التجربة28- 

تجربه الولاده في كاليفورنيا مع دكتور هشام المقدم بمستشفى بارك فيو.

تواصلت مع دكتور هشام وارسلت له التحاليل والتقارير اللى طلبها على الإيميل مع تاريخ السفر لكاليفورنيا وبالتالي حدد معاد للزيارة في العيادة بعد وصولي بيومين.

السكن
 أجرت من airbnb غرفه وحمام مشترك في كورونا تبعد حوالى 15 دقيقه من الدكتور والمستشفى وكانت سعرها معقول.

السفر
 مطار لوس أنجلوس 9 مارس 2020

كانت معايا الفيزا من 3 سنين ، السفر كان في الأسبوع ال 35 من الحمل من مطار جده على الخطوط السعودية ومعي زوجي، . كنت واخده ابرتين كلاكسان على يومين قبل السفر مع ذلك في الطيارة رجلي وايدى ورمت شويه. 

الولاده
 في العيادة أخدو صور لجوازات السفر وملينا فورم بكل المعلومات المطلوبة، بعد كده قابلنا دكتور هشام، كان مريح متفهم جدا وصبور في الإجابة على كل الأسئلة، اطلع على تقارير التحاليل والسونار اللي انا عملتها في جده قبل السفر والأدوية اللي بأخذها وطلب منى عمل المسحة.

في الأسبوع الـ 39 من الحمل مكانش في أي علامات للولادة فكان القرار اخد طلق صناعي. دخلت مستشفى بارك فيو يوم 8 إبريل الساعة 1 الصبح وبدأوا يدوني الطلق الصناعي بعد عمل التحاليل الازمه، بدأ الرحم يفتح بس ببطء، كنت متفقه انى اخد ابيدورال والحمد لله على الساعة 8 الصبح يوم 9 إبريل ولدت طبيعي.

بعد الولادة قالو المولود لازم يفضل 24 تحت الملاحظة فبالتالي تقدروا تخرجوا بكره. المولود فضل معايا في الغرفة لأنى قلت انى عايزه أرضعه طبيعي ، زارتنا دكتوره الأطفال ودكتوره للرضاعة. بعد الولاده انا والمولود أخدنا التطعيمات وجت موظفه اخذت البيانات عشان شهاده الميلاد. المستشفى وطقم التمريض كان ممتازين سواء في قسم الولادة او بعد كده في قسم الأمومة متفهمين ومحترمين وصبورين جداً وبيجاوبو على كل الأسئلة ويشرحوا كل حاجه. دفعنا الفاتورة قبل الخروج وقالو سنستلم الزيرو بيل بعد ٣ أيام.

شهاده الميلاد
 بسبب الكورونا كل المكاتب الحكومية كانت مقفولة فملينا الفورم اللي عطوها لنا في المستشفى وروحنا يوم ١٣ ل UPS عشان ال نوتارى دفعنا حوالى ١٦ دولار وبعدين روحنا USPS دفعنا ال money order وبعتنا الفورم وفاتورة ال money order وجواب فاضي بخدمه overnight delivery على العنوان الموجود على الفورم ، وصلتنا شهاده الميلاد يوم ١٧ أبريل.

جواز السفر
 أخدنا معاد اونلاين وقدمنا في مكتب USPS يوم 20 إبريل وفى انتظار وصول الجواز وال social security number 

الشكر للمهندس ****وأعضاء الجروب على مساعدتهم والمعلومات اللي قدموها.

 

التجربة29- 

تجربة الولاده   انا اخدت الفيزا من اربع سنين وولدت ولاده الأولي في امريكا ودي التجربة التانيه 

 

الدكتور
 وصلت لوس انجلوس كنت ببعت لدكتور هشام كتير ما بيرد علي اميلات عشان اخد موعد وخدت رقمه ويارتني ما خدته وكلمته اداني موعد ورحت قابلته في العياده كنت في الأسبوع ال ٣٦ اوله قلتله أني عايزه اولد قالي لما نشوف السونار التفصيلي 

وطلع انه عندي مايه كتير وبيقولو حجم البيبي كبير وهو طلع بس ٣ كيلو لما لتولد المهم قرر الولاده علي قفله ال ٣٧ ورحت المستشفي في ميعادي المقرر للولاده عقبال ما خلصت تسجيل كانت عدت نص ساعه الممرضه كانت مستعجله عليًا عشان بتقول أني اتاخرت مع أني رحت في موعدي المهم جوزي اتعصب عليها غيرت طريقتها معانا وفي الآخر اتاخرو عشان كانو بيحضرو فصيله دمي لان انا باخد حقن السيولة من اول الحمل يخافو انزف اثناء الولاده 

وانا كنت مبلغه دكتور هشام بحالتي قبل ما اولد وذكرته قبل الولاده أني بردوه باخد حقن السيولة وسألته اخدها امتي  بعد ما اخلص قالي بس تاني يوم من العمليه المهم خلصت العمليه كله تمام ورحت الغرفه الي حقعد فيها مع ابني كان كله تمام يومها سالت امتي حتدوني حقنه السيولة قالو دكتور عشان ما كتبها قالو بس يجي بنساله وكتبو علي البورد الي في وشي عليها .سالتهم تاني بعد ما جه قالو بس بتروحي البيت تاخذيها مش محتاجاها هنا 

التمريض
 المهم المستشفي طاقم التمريض كأنه كان بيتمرن فيها تاني يوم قالولي ابنك عنده الصفرا ولازم يقعد في الجهاز كان كويس الجهاز اول يوم وجه طقم تمريض قعد قال بيتعلمو بعض عليه بوظو الجهاز فجاه درجه الحراره سخن علي البيبي وبقي يصوت جوه 

ندهت اول مره عدلوه ورجع تاني علي وتالت علي البيبي لحد ما خفت عليه وخدته في حضني وصممت أني اطلع يومها بليل بعد ١١ لإني كمان كنت عايزه استحمي ومفيش حمام في الغرفه ولازم انا الي اخد بالي من البيبي مفيش حد ياخد باله منه 

هناك لما سالتهم أني محتاجه استحمي قالولي كده المهم المستشفي اديها بالتمريض ١ من خمسهانا ولدت قبل كده في مستشفي ساوث كوست كانت خدمه اكثر من رائعه وكانو ياخدو البيبي يغيروله في غرفه الحضانه ولو كنت عايزه انام ياخدوه مني وكانو كل شويه الأدوية في موعدها 

انا كنت اسألهم علي الدوا من كتر الألم كانو بيتاخرو عليًا ويسالوني تحبي تاخدي انه برشام مسكن 

بعد الخروج
 المهم بعد ما طلعت ابني زادت الصفرا رحت لدكتور بره قالي رضيعه في اليوم كله صناعي ماعدا رضعتين طبيعي ونفذت التعليمات في نفس الوقت 

بعد ما خرجت من المستشفي أخذت حقنه السيولة ٣ ايام عشان ما كنت اعرف انها المفروض اقل شئ عشر ايام وده ما قالي عليه الدكتور عشان مع أني سالته علي الحقن اكتر من مره وانا في المستشفي وما لقيت اجابه 

ابتدي بعد أسبوع من الولاده وجع في ضهري وألم خفيف في رجلي وكل ما اسال يقولو من حقنه الضهر لحد ما رجلي بعد أسبوعين ونص وقفت خالص وما بقيت عارفه احركها 

بعت لدكتور هشام رساله بالحالة  شافها وما رد تاني يوم بعت من الألم قلتله ما بعرف حد هنا واعمل  ايه كل الي رد علبه انه اخد مسكن جبته وما أثر ورجلي خلاص ما قادره أتحمل الألم 

قلت ما بدها سالت أصدقاء ليا قالو روحي الفاميلي كير  ورحت قالتلي الدكتوره انها شاكه انهاجلطه هي ممكن تكون حقنه الضهر بس علاماتي بتقول جلطه قالتلي لازم نعمل الترا ساوند ورحت عملت تاني يوم 

الدكتوره الي عملتلي ماردت تطلعني من المركز الا لما تكلمني دكتورتي طلعت مجموعه جلطات في رجلي من اولها لاخرها يومها كلمت دكتوري في الامارات قالي اقرب مستشفي وروحي جري 

وفعلًا رحت الطورائ وورتهم ورقه الالترا ساوند ولقيت اهتمام من ساعه دخولي الطوارئ لحد ما دخولني المستشفي جوه وكنت خلاص رجلي وصلت لمرحله من الألم فظيع ما بقدر حتي اروح الحمام وقالولي ممنوع خروجك من المستشفي وعملو سونار تفصيلي ليا قالي انت عندك  مجموعه جلطات من فوق من عند منطقه الحوض ووصلت لحد كعب رجلي ومحتاجه اقل علاج عشان اقدر امشي من شهر ل ٣ اشهر 

وجالي دكتور الدم قالي نفس الكلام وكانو بيدوني مسكنات من الألم وابتدو تاني بادويه السيولة وقالولي السبب أني كنت لازم اخد الحقن اقل شئ من عشره الي ٤٢ يوم وكان لازم اعمل تحليل بعد الولاده عشان اعرف وده ما اهتم ليه 

الدكتور هشام   ولا عمل التحليل مع أني بلغته بحالتي كامله وادويتي وقالولي ان الي فيه غلطه دكتور الولاده وممكن ارفع قضيه إهمال عليه وكان فيه دكتور سوري  بيحاول يساعدني اعمل عمليه عشان اقدر امشي وارجع لعيالي تاني لان كنت وحدي في المستشفي ممنوع دخولهم ولا حتي جوزي 

فيه عمليتين الأولي بيدخلو بمنظار يحطو دوا المميع ليفكو الجلطه بس طلعت ما بتنفع ليا عشان لسه والده يخافو يحصل نزيف والتانيه شفط جلطات طلعت غاليه جدا المهم بعداربع كانو حيطلعوني قالولي يعملو اشعه بالصبغة علي الرئه عشان يتأكدوا انها ما وصلت ليها لقوها واصله بس لسه جلطات صغيره صممو يقعدوني في المستشفي وانا ابكي علي عيالي وخصوصا الصغير الي سبته في رعايه ابوه مع بنتي الصغيرة سنتين 

انا بحكي تجربتي وانا ببكي من المي الله ما يكتبها علي حد يارب انا صممت ارجع أتعالج وسط عيالي دلوقت عشان ارتاح نفسيًا وعشان جوزي كان خلاص مش قادر علي رعاية الاتنين وبصراحه بدعي علي دكتور هشام  مع ان الكل بيشكر فيه بس انا ولدت مع دكتور علي حمزه قبل كده وكان عارف حالتي وكان بيديني الحقن في المستشفي وللمعلومة اليوم في المستشفي ب ١٣٠٠ دولار وادويه السيولة بتكلف ٢٠٠٠ دولارًا في الشهر ودي تجربه ولادتي المريرة الي لسه مش عارفه حتنتهي علي ايه لحد دلوقت مع قفله الطيران

التجربة30- 

مبدئيا متشكر جدا للبشمهندس **** الويب سايت و الجروب اكتر من ممتازين كل حاجة مشروحة و الواحد عارف كل حاجة قبل ما بيعملها. 

كنت عاوز اشرح تجربتي في كاليفورينا بارك فيو:

١. الدخول: 
 مراتي دخلت امريكا ١٥ فبراير لوحدها . انا كنت قايلها في حالة ان حد سأل متكدبش و تقول عشان منخشش في مشاكل. كانت واخدة الفيزا من زمان. انا رحت يوم ٧ مارس و بدرت السفر عشان قالتلي انها حتولد بدري ١٠ ايام. 

٢. السكن:
  اجرت بيت كويس من airbnb في حتة اسمها جاردن جروف كانت بعيدة عن المستشفي بس طلعت مفيدة بعدين. طبعا اجلنا مرتين. 

٣. العربية:
  اجرت عربية من rentalcars كانت كويسة جدا و صغيرة علي القد بس مفيدة. كاليفورنيا مستحيلة من غير عربية. بردة اجلنا مرتين. 

٤. الولادة:
  قبل ما اوصل مراتي راحت للدكتور في زيارتين بكل التحاليل المطلوبة و كانت زيارات كويسة. مراتي قعدت في المستشفي ٥ ايام ولادة طبيعي مع دكتور هشام بدون الدخول في التفاصيل  منصحش بيه خالص لأنه متبعش الحالة مما ادي انه مراتي دخلت قيصري طواريء في اليوم الخامس و ابني دخل المستشفي شهر كامل. الطريف في الموضوع ان دكتور هشام مكنش موجود اصلا في اليوم اللي قالي حتتم الولاده فيه عشان كان عنده معاد في المحكمة و ده يومها اللي حصل في المشاكل. السكن بالصدفة بقي ١٠ دقايق من المستشفي اللي ابني دخلها فكانت سعتها مفيدة. طبعا تاني عاوز اشيد بالجروب و الويب سايت عشان بشمهدس ****وصلني بحد حصلوا نفس مشكلتي و هو اللي ساعدني. في نظري المستشفي الممرضات فيها مش كفء اوي و في امريكا الممرضه هي الاساس. 

٥. الاوراق: 
 عملتها زي ما مكتوب علي الجروب نظرا لإختلاف الظروف عشان الكورونا. كل حاجة خلصت ماعدا الباسبور عملته بس بعته علي قريبي اللي عايش في كاليفورنيا برده. طلعت وثيقة سفر عادي لإبني من القنصلية. 

شكرا بشمهندس**** علي الجروب و الويب سايت فعلا خليت التجربة اسهل كتير و شكرا لأعضاء الجروب للمشاركة بتجاربهم بردة. انشاء الله اخرج بكره من الجروب عشان لو عندي اسئلة او حد عاوز يسألني اسئلة. شكرا لكم.

 

التجربة31- 

تجربتي في الولادة في كاليفورنيا ٣١-١ : ٢-٥

 

السفر: 
 قررنا ننزل على مطار نيويورك ودة كان ٣٠-١ عالكويتية دايركت من الكويت لنيويورك 
 الحمدلله الرحلة كانت كويسة ومريحة وكنت فالاسبوع ال٣٤

 نيويورك: 
 اعدنا في نيويورك حوالي ٥ ايام في اوتيل في منهاتين ، استغليناها نخرج ونشوف البلد والحمدلله كان قبل الكورونا والكلام دة 

نيويورك – كاليفورنيا :
 الرحلة كانت متعبة لان لخبطنا فالحجز وكان فيها ترانزيت لشيكاغو ٤ ساعات فالرحلة كانت طويلة ومتعبة 
 بس الحمدلله فالطيران الداخلي مبيسالوش فأي حاجة والواحد بيكون مرتاح

السكن في كاليفورنيا :
 اعدنا في simply home inn
 هوا فعلا المكان مريح وحواليك كل حاجة وتقدر تروحها مشي
 الكويس جدا ان عيادة الدكتور كانت قريبة 
 الغرف نضيفة والمكان امان
 بعد الولادة بفترة انتقلنا لشقة لان الامور كانت مطولة 

دكتور هشام المقدم:
 تواصلت معاه عالايميل قبل السفر وبعتلي كوتيشن ولما اكدت السفر تواصلت معاه تليفون عشان اعرف لو في تحاليل او حاجات زيادة عايزها غير ال بعتها وعشان كان عندي شوية ظروف فالحمل فكنت بستشيرو 

هوا شخصية متعاونة جدا واسلوبه راقي اوي وبيجاوب على كل الاسئلة ومريح سواء قبل او بعد الولادة
 روحنالو اول زيارة انا وجوزي وطلب مني السونار لتاني مرة 

سفر زوجي:
 زوجي بعدها سافر للكويت مرة تانية ورجع بعد حوالي اسبوعين بس رجع على مطار لوس انجلوس 
 والحمدلله مسالهوش اي حاجة بس جاي ليه سياحة وحطلو ٦ شهور بردو 
 وفالمرتين مطلعلناش x

طبعا كنا قلقانين من انو يرجع على لوس انجلوس بالفيدباك الكتير ال مش كويسة عنو بس قولنا مش عايزين نغير اي حاجة فالحجز ونسيبها على الله ومكناش غيرنا حتى تيكيت رجوعنا للكويت ال هوا ٢ مارس قولنا هنغيرو بعد مايدخل امريكا تاني عشان ميبنش في اي تغييرات عندهم

الولادة في بارك ڤيو:
 قررنا ان الولادة هتكون بعد ٣٩ بطلق صناعي لان وزن البيبي كان زايد ودة كنت عارفاه من وانا فالشهر السابع فالكويت ان وزن البيبي سابق شهر 

فدكتور هشام اقترح اني اولد بطلق صناعي عشان لو استنيت زيادة شوية هضطر اولد قيصري فقولنا هنحاول فالبداية طبيعي
 دخلت المستشفى يوم ١٤-٣ الساعة ٢ بالليل

بدات فالطلق حبوب الصبح عالساعة ٩ لان نبضي مكنش مظبوط فالدكتور قالهم يدوني حاجات تظبطو الاول
 كان في شوية لخبطة وصعوبات فالولادة بس فالاخر ولدت تاني يوم ١٥-٣ العصر والدكتور اضطر يستخدم شفط والبنوتة كانت عملت براز وبلعته فاضطرو بعد الولادة يدخلولها تيوب فالرئة تسحب كل حاجة

اعدنا ٢٤ ساعة بعدها جات دكتورة الاطفال واخصائية الرضاعة وكانو كل شوية بيشيكو عالبيبي
 دكتور هشام عدى عليا ٤ مرات فاثناء الولادة وبعدها

التمريض
 التمريض بيتبدل كل  12 ساعة
 فعلا احسن حاجة فالمستشفى كانت التمريض فكل الاقسام متعاونين جدا واسلوبهم حلو اوي ومريحين  

اتنقلنا في٣ غرف اول واحدة كانت بتاعت التجهيز التانية كانت غرفة الولادة كبيرة وواسعة وفيها سرير   البيبي والتالتة كانت لوحدنا وبردو مريحة وفيها حمام منفصل وترابيزة اكل وكرسي بيتفرد لجوزي

بعد الولادة :
 روحت لدكتور هشام زيارة بعد اسبوع
 وبعد ٤٠ يوم كنت تعبانة وبعتلو واتساب ورد عليا فساعتها وقالي تعالي يوم الاتنين لان كنت بكلمو السبت وروحتلو وكشف وكتبلي علاج 

فالنقطة دي احترمت انو رد بسرعة وتعاون معايا 

 

شهادة الميلاد:
 عبينا الفورم فالمستشفى وبعد ٣ ايام جوزي راح ياخدها كان لسا بداية موضوع انهم يقفلو كل حاجة لقاهم كاتبين ورقة انو قافل 

قدمناها على vital chek
 وبعدين في حد عالجروب قال انو كلمهم واستلمها فاتصلنا بيهم وقولنالهم محتاجينها صروري واننا مسافرين وفعلا كلمناهم ٨ الصبح راح جوزي ٩ اخدهم

فبكدة استلمنا ال من ڤايتال شيك وال من المكتب

Ssn:
 استلمناه بعد ١٠ ايام تقريبا يعني كان اقل من الوقت ال كانو قايلين عليه
 احنا كنا فاكرين انو هيطول واننا بردو ممكن منطولش اوي فحطينا عنوان حد معرفة في نيويورك ووصله

الباسبور:
 حاولنا محاولات كتير بدون تقرير طبي وقت الطيارة بتاعت اول شهر ٤ وقولنالهم ان دي طيارة اجلاء واننا محتاجينو ضروري وكلام كتير عالتليفون ورفضو وروحنا دايركت بايميلات السفارة ومصر للطيران بالحجر وبردو رفضو

بعد كدة قدمناه بالبريد واعدنا ٥ اسابيع وموصلش وكل مانشيك نلاقيه in process وكلمناهم قالو بياخد ل٨ اسابيع من تاريخ الوصول لهم يعني مثلا وصلهم بعد اسبوعين نحط فوقهم ٨ اسابيع وكمان اسبوعين ممكن عشان يرجعلنا

 

العودة :
 مطار الكويت طبعا لسا بدري عليه
 فرجعنا على مصر فطيارة ٢-٥ وياريت دعواتكم ربنا يهونها علينا ونخرج من مصر على خير

شكراً جداً للمهندس**** على تعاونه معانا وربنا يكرمه ويجازيه خير وفعلاً مش بيقصر فأي استفسار وفأي وقت ، فعلا انسان متعاون جداً 

وشكراً للكل عالجروب عالتعاون ال فيه ربنا يباركلكم جميعا ويردنا لبيوتنا بالسلامة ويقوم كل الامهات بالسلامة ويهون الفترة دي علينا

 

التجربة31- 

تجربتي يوم 15-02-2020  الى   02-05-2020

احب ان اشكر اولا باشمهندس ***بدونه بعد الله سبحانه وتعالي كنا فعلا تعبنا جدا 

الفيزا
 اخدنا الفيزا انا وزوجي وابنتي من السفاره ف الرياض وكانت المقابله ممتازه وسهله جدا والاوفيسر كانت اكثر من رائعة 

السفر
 كنا ناويين نسافر انا وزوجي والبنت يوم ٢٣مارس لكن بعد القرارات الجديده قررت ان اسافر انا والبنت لوحدنا وبعدين جوزي يجلنا وسافرنا علي الخطوط السعوديه يوم ١٥-٢-٢٠٢٠ من جده – لوس انجلوس وكانت رحله ممتازه ومكنش في اي مشاكل والطيارة كانت فاضيه 

ولما نزلنا كانت الحمد الله كل حاجه سهله مكملناش ساعه وكنا خارجين والاوفيسر كان كويس 

السكن
 الاقامه كانت في فندق سامبلي هو فندق ممتاز والجميل سعره كويس الي حد ما وموقعه ممتاز وجنبه كل حاجه ممكن تحتاجيها وقريب من دكتور هشام و مستشفي بارك فيو 

الدكتور
تجربتي مع دكتور هشام تجربه رائعه دكتور في غايه الاحترام والتعاون وتابعت معاه وكان مقرر اني اولد يوم ١٧-٤ لكن اتفاجنا بان الضغط عندي عالي فتمت الولاده يوم ٨-٤ الحمد الله ربنا رزقنا بيونس
وطبعا لاسف زوجي معرفش ييجي بس الحمد الله ربنا رزقني باخوات مصريين معانا في الفندق وقفو جنبي ربنا يجزيهم خير عمري ما هنسي وقفتهم جنبي

شهادة الميلاد و الباسبور
 شهاده الميلاد طلعت بعد اسبوعين وعملنا وثيقه مصريه بس الحمد الله قبل ما اسافر بيوم قلت اجرب اطلع الجواز اتصلت عليهم قلتلهم والدي تعبان وفي العنايه المركزه وافقو يدوني معاد في نفس اليوم ورحت والحمد الله استلمته بعد نص ساعه 

العودة
 تعبنا جدا ع اعرف انزل في طائره الاجلاء يوم ٢-٥ بعد وسايط كتير بس الحمد الله فضل من الله قدرت انزل وانزلنا ع الحجر الصحي ف مرسي علم والحمد الله رجعت الي اهلي والحمد الله علي كل حال بعد رحلة شاقة جدا جدا

  

التجربة32- 

السلام عليكم…
 تجربتنا للولادة في كاليفورنيا – مستشفي بارك فيو – دكتور هشام المقدم

من تاريخ ١٢ مارس حتي ١٧ مايو
 الحمد لله والشكر لله ثم كل الشكر للمهندس **** ثم كل الناس اللي استفادنا منهم علي الجروب.

السفر
 احنا كنا المفروض نسافر يوم 27 مارس من الكويت الي لوس انجلوس لكن اول ما عرفنا بقرار حكومه الكويت بقفل البلد ووقف الرحلات لمده اسبوعين وانا كدا حسيت ان الموضوع ممكن يتمد ويستمر، روحت جري علي المطار لانه جنب شغلي وسألت هل لسه فيه رحلات وقالي لحد فجر الجمعه وكنت بعت فويس نوت علي الجروب ساعتها وقررنا نحجز ونسافر علي طول في نفس اليوم ! 

احنا كنا واخدين فيزا امريكا في 2018 وسافرنا قبل كدا في 2019 مطار نيويورك ودخلنا سياحه ورجعنا.
 انا بعتذر ان الكلام كتير جدا والتفاصيل كتير بس عشان نقدر نفيد بكل حاجه.

تجربتنا بدخول مطار لوس انجلوس يوم 12 مارس 2020…
 حجزنا علي طيران KLM من مطار الكويت – ترانزيت امستردام – لوس انجلوس.

 

دخلنا المطار وكنا بندعي انهم ميرجعوناش ويقولوا خلاص قفلنا من دلوقتي – كنت عامل اونلاين check in وروحنا نحط الشنط وناخد ال boarding pass فالموظفة سألتنا  هتقعدوا كل الفتره دي لحد تذكره الرجوع 7 مايو..قلت اه .. قالت سافرتوا قبل كدا .. قلت اه .. وبعدين جيه موظف تاني وقال ممكن متعرفوش ترجعوا الكويت عشان قرار وقف الطيران قلتله انا هقعد حوالي شهرين وان شاء الله الوضع يتغير ومضانا علي اقرار اننا نرجع ويكون فيه حجر صحي ب 14 يوم بس ومن اللخبطه كنت فاكر اني حاجز شنطتين وللاسف كانت شنطه واحده لكل واحد المهم اضطريت ادفع 50 دينار للشنطتين الزياده..خلاص تمام شكرا واخدنا ال Boarding pass ومفيش اي SSSS ولا اي حاجه الحمد لله.

روحنا علي الجيت ودخلنا ومحدش اخد باله من الحمل ولا سأل علي اي حاجه (مراتي كانت لابسه حاجه اوڤر سايز ولونها غامق وحاطه شال طويل وبطنها مش باينه )

الطياره الاولانيه الكرسي صغير بس مساحه الأرجل كويسه والأكل قالوا كله حلال ووجبه صغيره والطياره مزعجه جدا ومفيش عزل للصوت وكانوا 6 ساعات ونص مقرفين.

نزلنا مطار أمستردام كان فيه تفتيش دقيق جدا وانت داخل صالات الترانزيت عموما وكان معانا ساعه يادوب روحنا علي بوابه طياره لوس انجلوس وكان الموضوع بسيط سألونا انتوا مقيمين وجايين منين وهل روحتوا ايران او الصين او تايلاند الفتره اللي فاتت وقلنا لا ودخلنا الحمد لله….الطياره قديمه جداااا جهاز الترفيه عقيم ومفيش انترنت، الكرسي كبير لكن مساحه الأرجل ضيقه بس الحمد لله كنا قاعدين في النص وكان فيه كرسي فاضي من الاربع كراسي وانا قمت شفت مكان تاني فاضي وخليت مراتي تاخد ال 3 كراسي وعرفت تنام الحمد لله .. الأكل كان كويس وجبتين وسناكس والمضيفات لطاف وعدوا ال 11 ساعه علي خير ..طبعا مراتي قطعت وتخلصت من تقرير الحمل قبل ما ننزل.

 

الوصول
 وصلنا المطار ودخلنا علي الحمام وظبطنا أمورنا عشان ندخل  فريش كدا وبعدين روحنا علي الجهاز وملينا الفورم وعملنا البصمه والصوره ومطلعلناش X لا انا ولا مراتي

وبعدين روحنا علي ظباط الجوازات وفيه واحد بيشوف الورقه اللي طلعت من الجهاز مكتوبلك فيها X او لا عشان يوزعك علي الفاست تراك او الظباط اللي في شبابيك وعندهم جهاز كمبيوتر، احنا دخلنا علي الفاست تراك وكان قدامنا 3-4 بس والدنيا فاضيه دخلنا علي أوفيسر  سألني سؤالين بالضبط، هتقعدوا قد ايه قلتله 8 أسابيع – قالي وهتروحوا فين الفتره دي قلتله لوس انجلوس – سان فرانسيسكو – سان دييغو – وبعدين هنروح لاس فيغاس قالي اوك وراح ختملنا 6 شهور انا ومراتي وقالنا 

‏Welcome to America

(احنا كنا مقررين اننا نقول جايين سياحه و ميديكال كير)

اخدنا الجوازات وروحنا ناخد الشنط، طبعا انا كنت عارف ان دا مش نهاية الموضوع لان فعلا  اتنين اوفيسرز واقفين بيراقبوا الناس وهيه بتاخد الشنط واثناء الخروج وبعد كدا واحد معاه كلب بيشم الشنط واحنا طالعين وبعد كدا اخر اوفيسر اخد مننا الفورم مختومه من اول اوفيسر وسألنا قاعدين قد ايه قلتله 8 اسابيع ومعاكم فلوس قد ايه قلتله اقل من 10 آلاف وقال هل معاكم اكل قلتله لا وخرجنا شفت السما وقلت الحمد لله، الدنيا كانت بتمطر واخدنا ال free shuttle bus عشان يودينا منطقه تحميل الركاب (تاكسي – اوبر – ليفت ) اسمها LAX’it وروحنا وطبعا كان فيه هناك فري واي فاي عشان تقدر تطلب اوبر واخدنا اوبر لحد الفندق ووصلنا الحمد لله 😍

كنا جوعانين جدا دخلت علي ابليكيشن ذبيحه وشوفت ايه اقرب مطعم ودخلت علي UBER Eats وطلبنا وجيه لحد باب الغرفه في الفندق وكان الاكل تمام 👌🏻 

السكن
حجزنا فندق في داون تاون لوس انجلوس من يوم ١٢ مارس حتي يوم ١٧ مارس وكان لطيف علي ما عرفنا نشوف مكان نسكن فيه ونأجر سياره

تم إيجار غرفه ماستر في بيت لمده ٤٠ يوم (حجزت أسبوعين في الأول نجرب المكان لو كويس نكمل فيه لحد الولادة) في منطقه Eastvale  من   Airbnb.

 والصراحه المكان لطيف جدا جدا وزي الكومبوند بس من غير سور وحواليه كل حاجه وقريب من عياده دكتور هشام ومستشفي بارك فيو (٢٠ دقيقه بالسيارة). التكلفة 1350 دولار في الشهر 

بعد الولاده بأسبوع انتقلنا لشقه استوديو منفصل لحالنا في سان دييجو لمده أسبوعين عشان نكون براحتنا اكتر وكمان مكان اوسع وكان فيه حوار في البيت الأولاني عشان التكييف بتحكم من مكان واحد ودا كان شئ مزعج، المكان موقعه ممتاز وعماره وشقه شيك جدا وفيها كل الاجهزه ولوازم المطبخ ويعتبر في قلب داون تاون سان دييجو في ميدان شهير اسمه Gaslamp ويبعد شارعين عن جوازات سان دييجو، العيوب انه بعيد جدا عن Riverside واي مكان تارجت والمارت هيكون بعيد اقل حاجه 20 دقيقه. التكلفه 950$ للأسبوعين من علي Airbnb.

التنقلات
 أجرت عربيه من شركه ALAMO عن طريق booking.con لمده اسبوعين بالتأمين الشامل ومن حظي ان الزجاج الأمامي اتشرخ ومش عارف ليه المهم اني دخلت في حوارات عشان التأمين تبع booking والعربيه تبع ALAMO بس اتحلت الحمد لله وشركه التأمين صرفوا الشيك لشركه Alamo بعد عناء.

أجرت كذا مره بقا بعديها من شركه ALAMO نفسها بالتأمين بتاعها بصراحه اسعارهم وعربياتهم تحفه
 I recommend ALAMO 👍👍

المتابعات
 كنا بنتابع مع دكتور هشام كل أسبوع في عيادة كورونا، مراتي عملت مرة واحده بس سونار تفصيلي وباقي المتابعات كانت سريعة للاطمئنان عليها وعلي البيبي لحد ما وصلت للاسبوع ال ٣٩ مكنش فيه اي وجع او أعراض ولادة واحنا كنا عايزين تولد طبيعي من غير طلق صناعي بس دكتور هشام قال اخرها الاسبوع ال ٤٠ لو مفيش حاجه ظهرت يبقي تاخد طلق صناعي لو مش عايزه تيجي ونركب جهاز يقيس نبض البيبي ب ٣٠٠ دولار ف اليوم 🙄، احنا طبعا قلنا خلاص تاخد الطلق الصناعي لو مفيش أعراض وحددنا معاه ميعاد قبل إتمام الإسبوع ال 40 بيومين (يوم ٢٨ ابريل) وسبحان الله ليله اليوم دا علي الساعة 2 منتصف الليل مراتي ابتدي عليها الطلق وبيزيد كل شويه فاتصلت بدكتور هشام الساعة 3:30 منتصف الليل ورد عليا قالي اطلع علي بارك فيو دلوقتي وهما هيتصلوا بيا، وفعلا علي ما جهزنا وروحنا كانت الساعه 4:30 الفجر تقريبا يوم ٢٨

مستشفي بارك فيو
 دخلنا المستشفي اول حاجه سجلت دخولنا وقاست درجه الحراره عشان كورونا وبعدين دخلنا علي اول غرفه تعتبر غرفه صغيره الكشف عن الحاله وابتدوا ياخدوا كل البيانات ويسألونا علي كل حاجه خاصه بيها وبالأعراض وبعدين كشفوا علي الرحم لقوه فاتح ٣ سم المهم ابتدوا يركبوا ليها في ايديها اللي بيعطوا ليها المحلول دي وبصراحة 3 ممرضات ب 4 محاولات مش عارفين يدوها الحقنه عشان لما بيجيلها الطلق بتتحرك ومش عارفه تهدي والعرق بيهرب منهم لحد ما جت الكبيره بتاعتهم وعرفت تديهالها وتركبها طبعا انا قلت اهلاً هيه من اولها كدا ربنا يستر ….. بعد ٣ ساعات الرحم كان فتح ٥ سم فنقلوها للفرقه بتاعه الولاده وساعتها مراتي طلبت الإبيدورال وقلتلهم بس قالولي مفيش غير دكتور تخدير واحد موجود حالي وهوه ف العمليات قدامه نص ساعه ويخلص المهم ساعتها طقم التمريض اتغير تقريبا الساعه كانت ٧ واللي جم جداد كانوا كويسين جدا وبيساعدوا جدا ومهتمين ورئيستهم تقريبا اسمها هايدي المهم بعد ساعه الحمد لله الرحم كان فتح ١٠ سم وكل دا ودكتور التخدير مجاش وكل ما اسأل عليه يقولولي لسه مطلعش من العمليات ماعالينا هيه الحمد لله وصلت ل ١٠ سم قلتلهم كلموا دكتور هشام قالولي كلمناه وجاي وانا كمان كلمته قالي انه ف الطريق وفعلا ١٠ دقايق ووصل وولدت طبيعي الحمد لله علي خير بس طبعا فتح شويه عشان يوسع للبيبي وكان فيه جرح وخياطه بس سألته وقال لينا ان دا طبيعي لأول ولاده ليها، كشفوا علي البيبي واتأكدوا انه كله تمام.

بعديها بقا ب ساعتين كدا طلعوها لغرفه تالته وفيها كرسي بيتفرد سرير للمرافق وسرير للبيبي وعدي دكتور الأطفال بص بصه كدا وقال هيجي بكره يمر علي البيبي (اسمه دكتور Koo) وجت واحده اسمها إلينا اديتني ورق فورم شهاده الميلاد عشان املاه وقالتلي تاني يوم هتعدي الصبح تاخده مني وبعدين علي بليل كدا اخده البيبي عشان ياخد شاور وغيروله وادوله التطعيم وبعدين بيتنا الليله دي وتاني يوم الصبح عملوا ليه ال hearing test وعملوا شويه فحوصات ليه وبعدين جيه دكتور Koo بص عليه وعلي الساعه ١١ جيه دكتور هشام وشاف مراتي واتطمن عليها وبعدين كتبلنا علي خروج الحمد لله وبعدين ادوا لمراتي الفاكسين تبع التيتانوس دا وقالوا انه هيكون فيه حراره شويه وهتحسي بهمدان كدا لمده يومين وبعدين جت إيلينا ومعاها فورم شهاده الميلاد مطبوعه من الكمبيوتر بعد ما دخلت البيانات اللي كتبتها ليها عشان اراجعها ولقيتها تمام وقالتلي انها هتبعتها اليوم لل Vital record، بالنسبه لل SSN انا كتبت عنوان واحد صاحبي مقيم في ولايه تانيه عشان يتبعت عليه. كلمتني واحده اسمها لوسي من الحسابات عشان تقولي الفاتوره بتاعتنا وقلتلها اني هعدي عليها واخلص وادفع قبل ما نمشي وفعلا عديت عليها ودفعت (ملحوظه هامة: الدفع كاش او كريديت عادي بس الكريديت لازم تكون من النوع اللي ممكن يتسحب منها بدون Pin code لاني كنت بدفع بكريديت لازم تحط ال PIN فيها فالعملية اترفضت ولوسي قالتلي مش هينفع احط ال PIN وال machine اللي عندها مفيش فيها الاوبشن دا عارف ليه 😣 ومخبياها جوه 😅 المهم انا دفعت بكريديت كارد تانيه بتقبل يتسحب منها من غير PIN ) واتفقت معاها اني محتاج itemized zero bill وقالتلي علي يوم الاتنين تكون جاهزه يعني بعد ٣ ايام عمل وطبعا كان فيه بينهم يومين ويك اند قلتها ماشي وبعدين جابوا لينا الكار سيت ووصلونا احد العربية بره 😊 وخرجنا الحمد لله يوم ٢٩ العصر كدا.

التمريض في بارك فيو
 التمريض بصراحه هوه الأساس ف موضوع الولادة كلها و يعتبر جيد جدا انا في الأول كنت قلقان جدا وخصوصا بعد ما فشلوا يحطوا لمراتي ابره المحلول دي ٤ مرات بس بعد كدا كلهم كانوا متعاونين جدا وبيشوفوا شغلهم كويس كل ساعه ل ساعتين يدخلوا يتطمنوا علي مراتي وعلي البيبي وخصوصا هايدي اللي كانت ف الأول ساعه الولاده وفيه واحده اسمها ليندا في الشيفت بتاع بليل بصراحه كل شويه تعدي تطمن ولو محتاجين اي حاجه وساعدت مراتي كتير في دخول الحمام واي حاجه بتطلبها بتجيبها وكمان فيه حجات كانت بتجيبها مفيده وبتساعدها وكل شويه تسألني لو محتاج أكل عشان تجيب أكل زيادة لمراتي وانا اخده بس انا كنت صايم ☺️ وكانوا بيفهمونا كل حاجه وازاي نتعامل مع البيبي وازاي ترضعه وقبل ما نمشي كان فيه شويه تعليمات كويسه.

مراتي فضلت تعبانه جدا لمده اسبوع بسبب الجرح ومش عارفه تقعد وآلام شديده وكان الدكتور  كاتبلها علي دواء مُلِّين و مسكن عند اللزوم وشويه تعليمات كدا طبعا كلمت دكتور هشام وقلتله انها تعبانه جدا ولازم تجيبلك تشوفها واخدنا ميعاد يوم ٥ مايو يعني بعد الولاده بأسبوع، روحنا ف اليوم دا برده لعيادة دكتور Koo كشفنا علي البيبي وبعدين روحنا اخدنا ال medical records و ال itimized zero bill للبييي فقط وقالت لينا لوسي ان فيه مشكله في السيستم وانها هتتحل خلال الاسبوع دا ! (المىضوع طول لحد اسبوعين من الولاده ومتحلش غير لما قلتلها اني هعمل شكوي وان اول مره اسمع ان الزيرو بل تاخد كل الوقت دا، تاني يوم الصبح لقيتها بتتصل تقولي الموضوع اتحل وجاهزه وتعالي خدها 🤓 كان يوم ١٣ مايو)

يوم ٥ مايو برده (كان يوم عظيم جدا 😅) روحنا بعد كدا لدكتور هشام العياده والحمد لله بص علي الجرح وطمنا وقالها الجرح كويس وًدا عادي والموضوع ممكن يطول معاكي اسبوع او اسبوعين كمان حسب كل واحده وقالها لو لسه قاعده ف امريكا شويه تعالي بعد شهر اتطمن عليكي برده.

شهادة الميلاد 
 طلعت بعد ما اتقدم عليها ب اسبوع شامل الويك اند، الباسبور بقا جهزت الأوراق  وكلمتهم عشان اخد موعد قعدوا يماطلوا معايا وجوازات لوس انجلوس اديتني موعد بعد ميعاد السفر ب اسبوع 😅 ياجماعه يهديكم يرضيكم مفيش كلمت الكول سنتر تاني وحاولت مع بتوع سان دييجو الحمد لله  الموضوع ظبط وقالولي تعالي في نفس اليوم بعد ما بعتلهم كل حاجه طلبوها وطلبوا إيميل السفاره المصريه ان فيه طيارات اجلاء وبعتها ليهم ودا كان غريب بصراحه بس الحمد لله الدنيا مشيت واستلمنا الباسبور في يومها 🥳.

السوشيال
 ال SSN وصل الحمد لله لعنوان صاحبي بعد 17 يوم من التقديم عليه.

تقييمي لدكتور هشام
 دكتور واثق من نفسه، سريع، شاطر ومش هيديك فرصه تقعد ترغي وتاخد وتدي ف الكلام معاه هوه عايز سؤال مفيد وهيديك المفيد علي طول مقدرش احكم عليه حكم كامل غير الشويه الصغيرين بتوع المتابعات.

الولادة نفسها كان عارف هوه بيعمل ايه كويس لاني حضرتها بنفسي وشفته ومراتي الحمد لله اتحسنت فعلا في الاسبوع التاني من الولاده فمعنديش مشكله معاه بالعكس انا شايف انه عمل اللي عليه.

تقييمي لمستشفي بارك فيو
 تعتبر مستشفي كويسه جدا بالنسبه لحجمها وتقييمها في امريكا تعتبر مستشفي متوسطه ويمكن تحت المتوسط بس أنا شايف انها كويسه جدا ومستواها فوق وأحسن من ال category بتاعها ودا احنا عارفينه واحنا جايين علي انها كدا ولو حد محتاج حاجه أفضل موجود كتير بس تدفع اكتر

التجربة33- 

تجربتي مع الدكتور هشام و الرجوع للإمارت بالوقت الراهن من فبراير حتي مايو 2020 

السفر من مطار دبي لمطار LA لوس انجلوس يوم 15 فبراير  
 أول شي شكر كتير كبير للأستاذ ***** وعلى مساعدته و نصايحه و للكروب توتل كير و الناس للي بتساعد بعضها وماحدا بيبخل عن الثاني بشي…اتعلمت كتير اشيا من وراه وصراحه لولا الكروب ماكنت رح اتشجع و فكر اني اجي اولد هون بأمريكا 

سافرنا انا وزوجي الصبح من دبي مدة الحمل ٣٣اسبوع  ماطلع لنا ولا s وكان تفتيش عادي بس مركزين عالصينيين أكثر،سافرنا بيزنس كلاس عالامارتيه كانت السفره مريحه وكان اهتمامهم فيي اكتر لاني حامل.. ماحدا سأل عن الحمل طلعت عالطياره و قعدت وفي وحده انتبهت اني انا حامل سألتني عالريبورت اذا موجود معي بس ما شافت فيه ولا طلبته، مدة الطيران ١٧ ساعه ماقدرت نام فيها بس كتير كتير مرتاحه وبقول للي ربنا كاتبه هيصير وكان عندي تفاؤل انو كل شي رح يكون مسهل من عند الله.
  المهم وصلنا على خير رحنا عالمكنات وطلع لنا x انا وزوجي وكان المطار كتييييير زحمه بطريقه مش معقول 

فضلنا ناطرين لحتى إجا دورنا عند اوفيسر  زوجي لي حكا قالو شو جايين تعمله زوجي جاوب عندي شغل و شوبينغ و ميديكل كير الأوفيسر ما اهتم فضل بس يضحك هو وياه و يسأله عن الشغل وين وكم فرع فاتحين و خلص عمل البصمه و انا كمان عملتها ختملي ست اشهر و قالي انتي فيكي تروحي تستلمي الشنط و قال لزوجي بدك تجي معي عالتحقيق لنتأكد من شوية معلومات هون زوجي قلبها شوية مزح وقالي روحي اطلعي انا اخدني عالحبس فالأوفيسر قعد يضحك وقاله بعتقد بتعرف ليش في عندك تحقيق (جنسيه لبنانيه) جاوبه زوجي ماعندي مشكله خد راحتك هون انا نزلت عالشنط و صارت الدقيقه مثل الساعه بس لي اكتشفته انه معظم اللبنانيين بالطياره كانو بيستجوبوهم لان عائلاتهم ناطرين معي تحت المهم اجا دوره اتحققه من المعلومات سأله عم يوم قاعد جاوبه سبع ايام ختمله ست اشهر و خرج اجا لعندي 

▪انا كنت بعندي مش واصله لبر الامان كل شوي بطلع بقول يمكن رح يجو يسألو عن الميديكل كير 🤣 فضلنا طالعين اخر كاونتر سألني اذا معي اكل او شي قلتله لا و كان عم يطلع ببطني وخلص ابتسم و قالي انجوي و بس طلعت لبرا وشفت السما عرفت اني صرت بأمريكا ومافي خوف عليي 😅 

▪نصيحتي انو الصدق مافي احسن منه الواحد يعمل لي عليه و الباقي بيكون ميسر و مكتوب من عند الله 

▪بس تنزله من الطياره خلو معكم ماي او بسكوي لأنه يمكن الحامل ماتفوت عالتحقيق و لي معها يفوت هون بتبلش الوحده تتعب او تعطش و المشكله مافي مكان اشتري منه غير انه الوحده بتكون قاعده على اعصابها لأني انا قلت يمكن رح يرجع يسأله عن سبب الميديكل كير و يصير يسأله سين وجيم 

▪ان شاء الله الباقي يكون ميسر كمان و بالتوفيق للجميع يارب 

الدكتور
 رحت على موعد في عيادة ريفرسايد دفعت المصاري و عبيت الاوراق اللازمه و شفت الدكتور انا و زوجي كان كلامه مريح و انه مفيش حاجه تقلق و اتفقنا اني هاخلف بطلق صناعي لأنه زوجي ماعندهوش وقت كتير يقضيه هنا معايا فخلاص الدكتور طمنه و قاله يرجع بتاريخ ٢٠مارس ونظرا للمشكله للي صارت بالعالم اضطر زوجي يجي قبل بأسبوع لأنه كنا عارفين الطيران هيقفل و كده صار. الدكتور مبدئيا بيحاول يريحك و كمان كان بيجاوب على الواتساب بسرعه 

عودة  زوجي ليوم 14 March مطار لوس انجلوس 

سافر بالطيران الإماراتي من دبي المطارات مخضوضه شوي وكله خايف على حاله مبدئيا الرحلة مش مريحه متل العاده كله متوتر وكله خايف لحدا يعطس او يكح 

وصل عالمطار الأوفيسر كانت وحده مرا سألته انت كنت هنا من ثلات اسابيع قالها نعم (الجواب على قد السؤال) وليش رجعت
 قالها مرتي هون وجيت آخدها وليش مرتك ظلت هون لوحدها ومارجعت معك قالها عم تخلف بيبي وجيت احضر للولاده و اخدهم (طبعا في ظل هالظروف الواحد اصلا مش زابطه يقول سياحه و كورونا عم تتفتل بالشوارع 😅)
فهي كانت مستغربه عم تخلف هون عحساب الدوله ؟ قالها لا كله كاش سألته عندك دليل قالها كل الاوراق مع مرتي هنا قالتله بتفوت عالتحقيق
 وقتها حكاني قالي ابعتيلي وصل الدكتور و اوراق المستشفى يمكن أحتاجهم، فوتوه عالتحقيق إجا دوره المحقق مرا كمان سألته مرتك هون بتخلف قالها نعم ونفس السؤال معك كاش جاوب معي ٥٠٠٠ دولار هون اطلعت تطليعه انهم مش كافيين هو حاوب دول مصروفي بس قالت طيب كيف رح تدفع المستشفى هو ماحب يفوت بالتفاصيل انه المره الماضيه مرتي اخدت معها٩٠٠٠$ وهيك قالها بتحبي تشوفي حساب البنك قالتله بليز فراح فاتح حساب بس شافته طبعت ستة اشهر و قالتله اتأكد قبل ماتسافرو ترجعه عبلدكم تدفعو كل شي عليكم و Welcome to United States

 

المستشفى
 رحت للمستشفى بالليل عشان موعد الولاده الممرضات الصراحه كانو لطيفين و عارفين شغلهم و ماتركونيش للحظه وحده الرحم فتح سته سنتي وقتها مابقتش قادره اتحمل الوجع طلبت الابيديورال إجا دكتور اسيوي عملهالي ووقتها قالي انه مش هيكون عندي مضاعفات لإني ماتحركتش وهو بيعملها وده صحيح مع الوقت ماحستش بالأعراض لي كنت بسمعها من صحباتي 

من بعد ١٥ ساعه ضغطي نزل كتير و كمان دقات البيبي صارت بطيئه و الرحم مش بيفتح فضل ع ٦سنتمتر فطلبت من الممرضات يساعدوني اني اقعد لإني وانا نايمه البيبي مش هاينزل لتحت و كده صار سبحان الله بس قعدت الرحم ابتدا يفتح حاولو انه يولدوني الممرضات بس كانو بيحسه انو البيبي دقات قلبه بتوقف فطلبه من الدكتور هشام يجي بسرعه اجا و حاول مرتين بس و بعدها قالي يا vacuum يا قيصري طبعا بالوضع ده قلتله اعملي فاكيوم و ولدت البيبي والحمدلله كان بصحه جيده 

عبينا الاوراق وطلعنا عالبيت

حالتي كانت كل يوم من سيء إلى اسوء بسبب الجرح كان فاتح و رجعت لعند الدكتور و قالي عادي مش هاقدر اخيطه تاني و كان كل اسبوع بيتابع معايا و بيقول انه عادي لحديث ما صار خمسين يوم وقتها رحت قلتله الموضوع بطل عادي تقريبا شهرين جرحي فاتح فقرر وقتها انه يرجع يخيطني مره تانيه و ده لي حصل بس ماقدرتش على وجع الخياطه خيطلي حته وحده بس و نفسيتي كانت متدهورة كمان من ورا لي حصلي و كمان محبوسين بقالي من شهر اثنين 

رجوعي للإمارات 
 ابتديت افقد الأمل زي الكل لإني مش عارفه ارجع لبلدي و شغلي بس الحمدلله يوم ٢٣ مايو حصلت على الموافقه اني ارجع 

اخدنا طياره من لوس انجلوس على شيكاغو كانت متعبه جدا و غير انه مابتحسش في precaution أو social distancing بين الناس وده بحد ذاته توثر 

قعدنا بي فندق جنب المطار و تاني يوم كانت طيارتنا على الإمارتيه ماتتوقعوش انه السيرفس بتاع الامارتيه زي ماحنا عارفين لأنه طيارة اجلاء محضرين حالهم نفسيا ازاي يتعامله مع المسافرين خصوصا على موضوع الموافقه و الشنط لأنه اول حاجه مش كل العالم حصلت على الموافقه متلا في بنت كانت معانا زوجها فضل قاعد هناك لأنه الموافقه كانت بس عليها فاتوقعو انه ممكن تجي الموافقه على فرد واحد من العيله و كمان بخصوص الشنط مابيسمحوش انك تطلع معاك شنط عالطياره 

والحمدلله الطيران كان مريح جدا و الطياره فاضيه كمان كل ناس لي فيها نايمين طول الوقت و بس وصلنا اخدونا نعمل تحليل الكورونا وبعدها عالحجر الصحي ١٥يوم 

باختصار تجربتي مع الدكتور هشام ماعجبتني كتير ولو كان في ولاده بالمستقبل اكيد هاروح لعند ثاني

 

تجربتي لدخول مطار دبي
  وصلنا من شيكاغو على دبي و المطار كان فاضي فيه طيارتنا نحنا بس اخدونا نعمل تحالي الكورونا و كمان بياخدو باسبوراتكم عشان ياخدو المعلومات و من بعدها رحنا عالجوازات هناك عطيونا اوراق الحجر و ازاي نتعامل طول فترة الاسبوعين انا وقت لي شفت الاوراق افتكرت هنروح البيت المهم رحنا نستلم الشنط وقتها اجا عندنا واحد من الشرطه قالنا تاهدو الشنط و تستنى هنا لأنه هناخدكم هالحجر الصحي اسبوعين بفندق قلتله طيب خليني اروح عالبيت زي ماسمعت في ناس راحت لانه معايا بيبي صغير قاليا كل ناس بتجي بتروح عالفندق لسلامتكم بس و كان بقمة الذوق الصراحه كلهم بالمطار بحسسوك بالراحه من تعاملهم و كلامهم 

المهم اخدنا الشنط و كل عيله بتركب بسياره حتى لو شخص واحد هايركب بسياره لوحده و فضلنا مستنيين لحد ماركبت الناس كلها و اخدتنا الشرطه عالفندق 

الموظفين بالفندق كمان يعطيهم ألف عاليه مابيقصرو ابدا خصوصا للناس لي معايا اطفال و عاملين مستشفى ميداني بالفندق يعني لو احتجتي اي حاجه هما هييجو لعندك عالأوضه 

الأكل تلات وجبات و الفندق لمدة اسبوعين على حساب الدوله

 

التجربة34- 

السفر
 سافرت الأول لوحدي من الكويت إلى القاهرة يوم ٢٢ فبراير مساء على الكويتية، كان معايا تقرير من الدكتورة بمدة حمل ٣٣ أسبوع ، محدش كلمني لحد ما وصلت البوابة بتاعت الطيارة، الضابط شاورلي أدخل بدون تفتيش بس أول ما لبست الماسك على وشي دخل ورايا قالي تعالي لو سمحتي مشيت وراه و طلب أفتح شنطة ظهري يشوف اللي فيها، و أخد بيانات الباسبور في دفتر كبير و بس، و أنا بعمل Boarding الراجل بتاع الكويتية سألني حامل؟ قلتلي آه في الأسبوع ال٣٣ طلب التقرير يشوفوا و مضاني تعهد و بس طلعت الطيارة عادي و كله تمام في مطار القاهرة محدش كلمني و لا كشف عليا خدت شنطي و مشيت، قعدت في مصر و أختي جت ورايا بتاريخ ٢٧ فبراير بس كشفوا عليها في مطار القاهرة حرارة فقط و مشيت.

بدأت رحلة أمريكا يوم ٢٩ فبراير مساء . كان باين عليا الحمل جداً، كنا حاجزين طيران Swiss Air البنت على الكاونتر طلبت مننا عنوان الأوتيل أو البيت اللي في أمريكا و مدة الإقامة و سألتنا سياحة قلنا آه، سألتني عن تقرير الحمل ادتهولها و قلتلها إنه صدر من أسبوع معناها إني في ال٣٤ مش ال٣٣ قالتلي أوكي و ادتنا الboarding و شكراً محدش كلمني عن التقرير تاني بعدها خالص.

الطيارة الأولى مدتها ٤ ساعات airbus صغيرة جدًا و كراسيها ضيقة جدا جدا، مش مريحة خالص الصراحة بس الحمدالله أدت الغرض و نزلنا ترانزيت في زوريخ، الترانزيت ٧ ساعات و هنا فيه كام نقطة مهمة:

١- المطار جزئين قاعات A – B – D و قاعة E 

٢- الرحلات الانترناشيونال في قاعة E و ده على بعد ٢٠ إلى ٣٠ دقيقة مشي و مترو من مكان القاعات التانية اللي أصلا بننزل فيها

٣- فيه ترانزيت أوتيل ممكن تاخد فيه أوضة ٣ ساعات او ٦ ساعات في مكان الهبوط فقط و ليس في قاعة E

٤- مافيش مطاعم زي ماك او برجر كينج او غيره جوا المطار فيه في منطقة منفصلة بس الدخول ليها يحتاج فيزا شنغن

٥- فيه ستاربكس فقط في قاعة E 

٦- و الأهم، قبل موعد إقلاع الطيارة ب ٦٠ دقيقة كدة فتحوا حاجة اسمها passport control لازم تعدي عليها و يسألوك كام سؤال بعدين يختموا اوكي على البوردينج، و لازم الختم ده لصعود الطيارة، أنا الأول قلقت لأنه مكنش حد عارف السبب و كذا حد كان مستغرب، و شفت ناس بتطلع من الطابور على مكان تاني و بيدققوا على باسبوراتهم، أنا قررت أتأخر للآخر عشان توقعت لما معاد الطيارة يقرب هيمشو الناس أسرع، و قد كان فعلا استنينا قبل الإقلاع ب ٢٠ دقيقة و فجأة فتحوا كاونترات تانية و فتحوا باب جانبي يعدوا منه الناس، فكرت نخش منه بس لاقيت فيه ناس رجعت منه على الطابور بتاع الpassport control قلت خلاص أمرنا لله و دخلنا الطابور، لقيت اللي قدامي بتقول لصاحبتها انهم بيدققوا على الأختام و أماكن الدخول و الخروج اللي تمت الفترة اللي فاتت ففهمت إنه له علاقة بالكورونا و ليس قرارات ترامب الأخيرة، المهم جه دورنا و دخلنا على واحدة وجهت الأسئلة لأختي مش ليا، الكلام كان كالتالي:

– جايين من أنهي مدينة؟ أختي مسمعتهاش كويس فأنا رديت قلت القاهرة، شاورتلي قالتلي لو سمحتي خليها هي تجاوب قلتلها أوكي 

– مسافرين لغرض إيه؟ أختي قالت لها leisure purpose (بهدف المتعة بس كلمة leisure ليها مليون معنى فسابتهالها مفتوحة على البحري عجبتني جدا و اتبسطت منها 😂)

– حجزته انهي أوتيل؟ قالت لها واخدين بيت مش أوتيل 

– هل خلال ال١٥ يوم اللي فاتوا دخلتوا الصين أو سنغافورة أو هونج كونج أو أو أو؟ لا مدخلناش

– اوكي و ختمت لنا على البوردينج و enjoy your vacation 

دخلنا جري على الطيارة و بسأل أختي إيه اللي خلاها تقول كدة مع إني قيلالها إني هقول الحقيقة لنا نوصل لوس أنجلوس قالتلي إن فيه حد من صحابها قالها تاخد بالها عشان بيرخموا على الستات الحوامل بعد قرارات ترامب فقررت أختي تسيب الإجابة مفتوحة لحد أما نوصل أمريكا بعدين هناك نقول موضوع الولادة.

الطيارة التانية كانت أكبر بس برضه كراسي ضيقة جدا و متعبة جدا جدا جدا، الأكل كان كويس و الرحلة كانت ١٢ ساعة كلها على بعض.

وصلنا لوس أنجلوس على ٤:٣٠ العصر و دخلنا على الأجهزة ساعدنا شخص friendly جدا طلع كان عايش في الكويت و كان ضحوك و محترم، أختي كانت تمام أنا طلعلي X، خلصنا و دخلنا الجوازات طلع من نصيبنا أوفيسر صيني للأسف و فعلا اكتشفت إن كلام أعضاء الجروب صح و إن الناس اللي متجنسة جدا عنصريين، سألنا جايين كان يوم قلنا ٤٠ سألنا بغرض السياحة قلنا آه بعدين طلب يشوفني عشان مكنتش باينة من الكاونتر وريتو نفسي من ناحية الباب بص على بطني و قالي ناوية تولدي هنا قلتله أيوة و من هنا بدأت المعركة.

– Officer: no no no you cannot have the baby here it’s not allowed 

– Me: it is allowed it’s not illegal I read the new decree and I know it’s not applicable to my case I got my visa back in 2017 and used it once in 2018 so the primary purpose was not to give birth in America when I applied for it 

– Officer: no you know nothing! It’s not allowed for everybody it does not matter when you got the visa this is for everybody it is applicable to you and to all who want to give birth in America

– Officer: why you want to have the baby here? For the passport?

– Me: yes for the passport, and I am going to pay for it I have the money and I am willing to cover all expenses, I have proofing documents for everything you want to see?

– Officer: no no no I don’t want to see you can’t I will send you to the inspection room and your sister too if you go back she goes back too

– Me: it’s ok no problem

– Officer: you will leave and we will cancel your visa you will not come back here 

– Me: it’s ok let the officers in the investigation room decide 

خد بصمتي و صورني تاني و قالي تعالي ورايا، دخلنا أوضة التحقيق و قعدنا و شوية كدة جه واحد سأل مين هنا طيران سويسرا شاورنا له، جالنا سألنا معانا كام شنطة قلنا ٤ سألنا عن أسمائنا قلنا له، قال لنا هجيبلكم الشنط هنا و غالبا هتعدوا بين ساعة و ساعة و نص مش أقل من كدة، فضلنا قاعدين ساعتين و نص، و كنت شايفة باسبوراتنا في إيد أوفيسر قاعد قدام الكمبيوتر تقريبا بيدرس موضوعنا قعد ١٠ دقايق كدة و ندهلنا، المهم إني مكنتش عايزاه عشان كان شكله برده مكسيكي فكنت قلقانة يتعامل معانا برخامة برده بس طلع في قمة الاحترام و الأدب، سألني قالي هديل هتقعدوا قد إيه هنا قلتله ٤٠ يوم، قالي معاكي تذكرة عودة؟ قلتله آه عايز تشوفها؟ قالي آه إيديته تذكرة العودة و حجز البيوت، قالي عندك مراسلات مع المستشفى؟ قلتله آه و إيديته ورق بالإيميلات و هو قاعد بيقرا قعدت أتكلم أنا بقا، قلتله أنا عارفة القانون الجديد صدر بيه و بيستهدف أنهي فئة و أنا مش منهم و هدفع كل التكاليف الطبية و مش هستغل أي نوع من أنواع التأمين عشان عارفة إنه بيتاخد من جيب دافعي الضرائب.

قلتله معايا كاش ٥٠٠٠ و معايا كريديت ٤٠٠٠ تحب تشوف؟ قالي لا مش لازم، قالي هديل الدكتور عارض عليكي باكج رخيصة اتأكدي ان ده الباكج الكامل عشان لو فيه write off لمبلغ معين و انتي مدفعتيش هيحصلك انتي مشكلة مش الدكتور، انتي في الآخر مجرد زائرة و مش هينفع تستغلي خدمتنا الطبية قلتله أنا عارفة و فاهمة و هبقا آخد الzero balance bill for mammy and baby و كل الفواتير و أجيبهم معايا المرة الجاية، قالي أنا محترم كلامك و صراحتك، معاكم كاش كان توتال انتوا ال٢؟ قلتله ٥٠٠٠ قالي اوكي و ختملنا دخول، قلتله احنا ماشيين في إبريل ختمتلنا لحد إبريل؟ قالي لا فأنا اتخضيت! ابتسم و قالي ختمتلكم أكتر، قالي معاكي لشهر أغسطس شكرته و قمنا، طلعنا ٨:٣٠ بالليل كما التحقيق لقينا شنطنا قدام الباب الحمدالله، خدناها و توكلنا على الله 

هبقا أحكي باقي التجربة انشالله بعدين بس ده مبدأيا رحلة الوصول و الدخول الرهيبة 😄

التجربة35- 

تجربة الولادة من ٢٩ فبراير و حتى ٤ مايو ٢٠٢٠

في البداية طبعا احب اشكر المهندس *****و أعضاء جروب توتال كير على الدعم و المساعدة و توفير معلومات ساعدت كتير في الرحلة.

السفر
 السفر و دخول أمريكا كنت شاركتهم قبل كدة على الجروب. بالنسبة للإقامة كنت قاعدة في منطقة اسمها diamond bar اول فترة و بعد كدة نقلت على chino hills اول نصيحة يفضل تأجير سيارة لان اول أسبوع ليا في البلد صرفت حوالي ٤٥٠ دولار على الأوبر 🤷🏼‍♀️ استخدمت ابليكشن اسمه Turo و كان ممتاز الصراحة أجرت سيارة فضلت معايا مدة إقامتي كاملة في أمريكا و كانت بحوالي ٢٤ دولار في اليوم و انا ضفت تأمين standard وصل السيارة لحوالي ٣٠ دولار في اليوم.

الدكتور
 كنت بتابع مع الدكتور هشام المقدم و هو كان دكتور ممتاز الصراحة لكنه مشغول جدا و عنده حالات كتيرة كنت بضطر أستنى دوري في العيادة فترة طويلة جدا احيانا بس هو بيدي اهتمام و بيجاوب على كل الأسئلة و بيرد دائما على المكالمات و الوتساب حتى في ايّام الإجازة

المستشفي
 الولادة كانت في مستشفى بارك فيو و الصراحة اديها ٩ من ١٠ نظيفة و جيدة جدا و طقم التمريض اغلبه جيد جدا

فيه ثلاث غرف دخلتهم الأولى عند الاستقبال و ده غرفة صغيرة مافيهاش حاجة مميزة بس مكان نوم المرافق عبارة عن بنش صغير جدا صعب النوم عليه الغرفة

الثانية وقت الولادة كبيرة و مجهزة تجهيز ممتاز و فيه كرسي بيرجع ظهره لورا لينام عليه المرافق

الغرفة الثالثة بعد الولادة و هي جيدة بس مافيهاش دش و ده كمان فيها كرسي بيرجع ظهره للوراء للمرافق،

انا دخلت يوم ٢٤ مارس الفجر على أساس آخذ طلق صناعي و بيبدأ الموضوع بنصف حبة دواء و بعدها بساعتين او ثلاثة النصف الثاني و حسب استجابة الجسم بيقرر الدكتور اذا كان هيعطي المحلول اللي بيسرع الطلق او اذا كان هيكمل على الحبوب، أخذت اول نص حبة و بدأ الطلق بس مكنتش حاسة بيه نهائي كانت الممرضة تبص على الشاشة تقولي حاسة بحاجة؟ أقولها لا بس كان الطلق عندي سريع بمعدل ثلاث مرات كل ١٠ دقايق فقرر الدكتور آخذ نصف الحبة الثاني بعد اما يهدا الطلق شوية، بعد النصف الثاني انفتح الكيس و نزلت مياه الرأس للبيبي نقلوني من اول غرفة لغرفة الولادة و قرر الدكتور ماخدش المحلول بتاع الطلق و يسيب الموضوع يمشي طبيعي (طبعا الكلام ده كله على التليفون و الدكتور كان بيرد بسرعة) للأسف قعدت في الطلق بعدها حوالي ٢٢ ساعة كان الألم خفيف بعدين شد علىٰ بالليل و الممرضة المناوبة اتصلت على دكتور التخدير جالي السعاة ٣ فجرًا أداني الايبادورال نصيحتي للسيدات اللي مترددين ياخدوا الايبادورال او لا خدوها عشان بتسهل الألم كتييير، بعد كدة جت ممرضة اسمها انجي استلمت شفت الصبح و لما كشفت عليا على ٧ صباحًا قالتلي انتي بتولدي يلا و فضلت معايا بتولدني و كل شوية تديني ماسك الأكسجين عشان البيبي كان معدل ضربات قلبها بينخفض و فضلنا كدا لمدة ٣ او ٤ ساعات تقريبا مسبتنيش لحظة فعلا لحد ١١ صباحًا كلمت الدكتور هشام و طلبت منه يجي و جه و الحمدلله وصلت ابنتي الساعة ١١:٣٧ بالضبط و كان فيه مزق بسيط جدا درجة أولى الدكتور قالي عنه بعد اما خلصنا ولادة و الحقيقة أني محستش بحاجة خالص و حتى بعد التخدير مكنش فيه الم نهائي الحمدلله، بعد كذا نقلنا الغرفة الثالثة و كانت انجي حضرتلي شنطة ليها حاجات كتير ليا و جابت لي افطار و نقلتنا الغرفة و كان الدكتور هشام طلب مني أبات ليلة زيادة لأني فضلت في طلق لفترة طويلة بعد اما مياه الرأس نزلت فكانوا حابين يطمئنوا على البيبي ان مافيش اَي عدوى وصلت لها خلال فترة الطلق و نصيحة مني للسيدات اللي عندهم إمكانية البيات ليلة زيادة أنهم يباتوا لان الموضوع فادني جدا في عملية الrecovery، بعد كدة بيبدأوا يمروا كل شوية يكشفوا على الأم و الطفل و بتيجي خبيرة الرضاعة تشرح كل شيء و بيهتموا بيكي قد ما يقدروا بعد اليوم ده اتكتبلنا خروج الحمدلله يوم ٢٦ مارس و أخذت منهم الكارسيت و وصلوني بwheel chair لحد سيارتي و مشينا على خير الساعة ١١:٣٠ مساء، نصيحتي للسيدات اللي بيفكروا يسوقوا السيارة بنفسهم بعد الولادة نفس حالتي خذي الليلة الزيادة في المستشفى لان بعد الولادة بتفضل إبرة الايبادورال مأثرة على إحساسك برجليكي و بتحسي انها منملة او متخدرة ضروري تتعافي منها قبل قيادة السيارة او اطلبي أوبر افضل!

 

شهادة الميلاد
 بالنسبة لشهادة الميلاد بتمر عليكي موظفة تعبي معك ورقة بها بيانات الطفل و الأم و الأب و بتقدم هي الورقة ده للمقاطعة و بعدها رحت عبيت طلب استخراج شهادات ميلاد و أرسلت الطلب عن طريق ups مع شيك money order للمقاطعة و استلمت الشهادات على العنوان اللي كنت كتباه و قمت باستلام الssn خلال أسبوعين من الولادة على عنوان محل اقامتي.

المتابعه بعد الولاده
 بعدها رحت للدكتور هشام follow up بعد الولادة بأسبوع و بلغني ان الطبيعي ان المتابعة تكون بعد ٥ او ٦ اسابيع بس لان كل اللي بيولد عنده بيكون مستعجل كله بيمشي قبل موعد ال٦ اسابيع 😂 قالي بما ان الطيران واقف و انتي قاعدة معانا لو حبيتي تيجي تاني بعد ٥ اسابيع اهلا بيكي لو لا انشالله اشوفك على ولادة البيبي اللي بعده و شكرته جدا و اخدت الزيرو بيل و انا ماشية من عنده مريت على المستشفى أخذت الزيرو بيل للام و الطفل و الitemized Bill بعد كدة كان كل وجودي في امريكا بسبب أني مكنتش لاقية طيران يرجعنا الكويت و لا مصر لحد اخر ابريل لما سمعنا ان فيه رحلات اجلاء لمصر و ده الصراحة قصتها قصة منفصلة تماما عن كل حاجة تانية، يعني السفرية كلها في كوم و رحلة الاجلاء و الحجر الصحي كووووم تاني.

وثيقة السفر المصريه
 استخرجت لبنتي وثيقة سفر من القنصلية المصرية في لوس انجلوس و سافرنا من لوس انجلوس لواشنطن طيران داخلي بشهادة ميلادها و بعدين من واشنطن لمرسى علم على رحلة ٤ مايو بوثيقة السفر اللي تم استخراجها.

اللي عنده اَي استفسارات عن اَي شيء انا حاضرة انا اختصرت الكثير من التفاصيل لان الظروف اللي احنا فيها حاليا مخلية مافيش خطوات ثابتة ممكن اتباعها من الناس كلها و كل واحد قصته و ظروفه تختلف و لكن اللي عنده اَي سؤال اقدر اساعد فيه انا حاضرة اكيد و أتمنى للجميع التوفيق و كمان مرة احب اشكر المهندس زيدان و جميع أعضاء الجروب اللي ساعدوني بالذات عبدالرحمن اللي ساعدني كثيرا جدا في عملية استخراج شهادة الميلاد وصولًا الى دعمه المستمر لي عشان الحق رحلة اجلاء شهر ٥.

 

التجربة36- 

 

مساءالخير
كنت حابب اكتب تجربتي انا و زوجتي للولادة بريفيرسايد مع د/هشام قبل الخروج من الجروب و اتاحة الفرصة لحد غيري بالوجود في الجروب
الاول تاريخ السفر ٣/١٥ المفروض كان السفر في شهر ٤ بس قلنا تسافر بدري عشان كان واضح موضوع قفل المطارات لا كانت امريكا وقفت الرحلات من اوروبا

السفر

كان من مطار القاهرة لمطار نيويورك في مطار القاهرة ماحدش سأل عن الحمل او اي تقارير او حاجة لان 

و الدخول برضوا في نيويورك  و قعدت اسبوع في نيويورك و بعدين سافرت لوس انجلوس 

الدنيا طبعا كانت قافلة اجرنا شقة الاول من airbnb و كانت بعيدة شوية و بعدين غيرناها لمكان اقرب من الدكتور و المستشفي

المستشفي

الولادة كانت يوم ٥/٦ كانت طبيعية قعدت في المستشفي يومين وخرجت لان الطلق الصناعي اخد وقت شوية بس الحمدلله الولادة كانت سهلة و سلسلة

الدكتور
د/هشام كان مريح جدا في التعامل و الممرضات كمان كانوا كويسين
شهادة الميلاد و الباسبور
قدمنا على شهادة الميلاد و ال ssn الشهادة استلمناها بعد يومين والssn بعد ٣ اسابيع

 و انا اخدت ميعاد في السفارة بالقاهرة لعمل تفويض وتم ارساله بالdhl ووصل بعد ٦ايام و تم حجز العودة بيوم ٦/١٦ علي مصر للطيران

 و كلمنا الجوازات بلوس انجليس قبلها بثلاث ايام و بعتنلهم ايميل  و حجز الطيران لمصر و الطيران الداخلي و التفويض و ادوها ميعاد يوم السفر الساهة ٩:٣٠ صباحا و ميعاد السفر كان الساعة ١٢ ليلا و طلع الحمدلله بعد ٣ ساعات و رجعت الحمدلله بنفس اليوم

 

 

التجربة37- 

 

السلام عليكم جميعا
 الحمد لله ربنا أنعم علينا ووصلنا لوس انجلوس٢٩ فبراير ٢٠٢٠ 

 انا حاليا هشارك معاكم المرحلة الاولى من الرحلة وياريت تدعولنا ان شاء الله ان الجزء التاني والاهم يخلص كمان ان شاء الله وأشاركه معاكم

أنا شغال في السعودية بقالي فترة والحمد لله ربنا رزقني بنتين ٨ سنين و ٥ سنين   واتولدوا في السعودية وانا وزوجتي وأولادي مقيمين في جدة طوال الفترة دي)

بعد الحمل كنا بنفاضل مابين أمريكا وكندا والبرازيل 

أكيد طبعا هتستغربوا البرازيل بس كانت الميزه فيها سهولة الحصول على التأشيرة مقارنة بالاخرين وكمان في حالة الاقامة هناك لمدة ست شهور ممكن الاطفال أقل من ١٠ سنين يأخدوا كمان الجنسية زي المولود هناك بالضبط ( أخويا طفلته الاولى إتولدت هناك وأخدت الجنسية وبصراحة كان بيشجعني )

المهم نرجع لموضوعنا اتفقنا أنا وزوجتي ان احنا هنمشي في كل الاجراءات لكل دولة ونشوف ربنا هايسهلها فين.   

 اتأخرنا في البداية شوية 

التخطيط للسفر
 طبعا كعادتنا جميعا الحمد لله لما أول إختيار مشى معانا بدأنا نكسل في الخيارات التانية ( قصدي البرازيل خصوصا ان ساعات ضميري كأب كان بيحاول يفضل البرازيل علشان هأقدر فيها أعدل بين كل الابناء وكلهم يأخذوا الجنسية)

وبدأنا مرحلة المفاضلة بين المدن المختلفة اعتمادا على أسعار الولادة في كل مدينة وكمان وقت الإجراءات واستخراج الجوازات وطبعا الدكاترة نفسهم

الحمد لله استقرينا على لوس انجلوس نظرا ل المصاريف والجو  تقريبا أفضلهم والإجراءات والدكاترة كويسين

في شهر يناير ٢٠٢٠ الخطوط السعودية كانت منزلة عرض ممتاز للسفر مباشر من جدة إلى لوس انجلوس ذهاب وعودة الفرد ب ٣٣٥٠ ريال تقريبا وده كان سعر كويس جدا وحجزت فيه 

أنا اخترت مبدئيا ان الفترة تكون ٣٥ يوم  ابتداءا من ٢٩ فبراير ( الأسبوع ٣٦ من الحمل) واكيد طبعا حطيت احتمالية الزيادة أو النقص تبعا للظروف

بدأت أراسل الدكتور هشام المقدم وطلبت منه معرفة السعر وايه التحاليل المطلوبة قبل السفر وكل التجهيزات وبصراحة كان بيرد عليه بسرعه في خلال يومين بالكثير.

مش  عايز أطول عليكم اكتر بس

واجهنا فتره قبل السفر شككتنا في ان احنا هنقدر نكمل بسبب احتمالية ولادة مبكرة وكلام كتير وتابعنا مع كذا مكان في جدة بس الحمد لله قررنا انا وزوجتي ان احنا نستعيين ببعض الادوية المثبته والراحة ( احنا صيادلة بس طبعا ده كان بإستشارة الدكاترة اللي تابعنا معاهم)

حان موعد التحضير للسفر وبدأنا بعمل كل التحاليل المطلوبة وطلبنا من دكتور تقرير طبي للسفر ( طبعا استخدمنا الفورمة بتاعة الخطوط السعودية) قبل السفر ب ٤ أيام واشترينا شراب ضاغط للطيارة وحزام للبطن بتاع الحمل و الاتنين ساعدوا زوجتي جدا خلال فترة السفر الطويلة ( ١٧ ساعة تقريبا )

السفر 
 وصلنا قبل الطيارة بساعتين ونص وعملنا بوردنج وطلبت من  الموظف يختار أماكن لينا تكون مساحة الارجل فيها واسعة وبصراحة كان محترم جدا واداني كرسين   مريحين جدا للأسف كانوا مش جنب بعض بس نفس الصف بس طبعا أول لما دخلنا طلبت اني أغير الكرسي علشان اقعد جنب زوجتي وتم الحمد لله  بعد الاقلاع نزلنا شنطة الكارى اون وزوجتى رفعت رجليها عليها طول الرحلة لاننا كنا حاجزين ايكونومى

مع ان زوجتي كان الحمل باين جدا عليها بس مفيش حد سألنا على التقرير ولا أي حاجة 

الوصول
 الحمد لله وصلنا بعد ١٧ ساعة مطار لوس انجلوس اعطونا وإحنا في الطيار ورقة للجمارك نملاها بس مكنش ليها لازمة لان أول لما نزلنا روجنا للأجهزة ودخلنا البيانات عليه تاني والحمد لله مطليعش لينا   أي علامات X 

الدنيا كانت فاضية مكملناش تقريبا ١٠ دقايق وكنا عند الاوفيسير سألتنا جايين ليه وهتقعدوا فين وفتره أد إيه وختمتلنا ٦ شهور ب 

بصراحة اما كنت متردد أقول ولا لا بس تعمدت اني أطول في إجاباتي على قد ما أقدر علشان هيا تزهق وتقاطعني بسؤال تاني 

لما قالتلنا هتقعودوا قد ايه قلنالها ٦ أسابيع استغربت وقالت انتوا بتشتغلوا ايه وهتقدروا تسيبوا الشغل الفترة دى كلها قولتلها اه ده طبيعي لان دي الاجازة السنوية بتاعتنا سألتني معاكوا فلوس قد ايه قولتها أقل من عشرة قالت خلاص welcome to America 

كنت متفق مع واحد لتأجير سيارة للفترة كلها والحمد لله متأخرش عليا وجالي في المطار ( هيونداي إلنترا ٢٠١٩ الشهر ب ٨٥٠ دولار) وسلمني العربية طلعت بيها أنا وزوجتي على فندق صغير قريب من المطار كنت حاجز فيه يوم واحد بس للراحة من السفر ( اسم الفندق سوبر ٨ الليلة تقريبا ٦٦ دولار شامل الفطار ولازم تتأكد ان فيه باركنج للسيارة ببلاش علشان أغلب الفنادق جنب المطار بيكون بفلوس)

ان شاء الله نكمل التجربة وأشاركها معاك

الباسبور
 الحمد لله استلمت الجواز النهاردة من مكتب سان ديغو 

للأسف هما قافلين بناء على أخر تعليمات تم نشرها ابتداء من يوم ٢٠ مارس يتم التعامل فقط مع الحالات الطارئة 

نروح للسؤال المهم أنا عملت ايه علشان استلمها النهاردة في خلال ساعة تقريبا وكنت الوحيد انا وزوجتي اللي موجودين في المكتب

الخطوات 

١- تجهيز الاوراق المعتادة والمطلوبة ( نموذج DS11 و أصل شهادة الميلادوصوره منها وصوره من جواز الام والاب )

٢- حجز بتاريخ قريب لا يتعدى يومين 

أول لما يكون كل ده جاهز معاك هتتصل بالرقم ده

‏(202) 647-4000

 

ومن ضمن الخيارات تختار اختيار جواز سفر استثنائي خارج أوقات الدوام 

هتكلمك واحدة وتسألك عايز الجواز ليه طبعا هتقول بسبب قريبة المريض وانك محتاج تسافر فورا 

هتتأكد منك انك معاك كل الاوراق السابقة  وهتحجزلك موعد في أقرب وقت 

انا كلمتها وانا عندهم في المكتب في الدور الارضي ( مكنوش راضيين يطلعوني من غير موعد طارئ زي ما قولتلكوا )كنت موجود الساعة ١١ ونص وطلعت الموعد الساعة ١٢ أخد مني كل الاوراق وفضلت قاعد معاهم واستلمت الجواز على ١ ( متنسوش تقولوا على موضوع انك مااستلمتش SSN) 

الحمد لله خلصنا كل حاجة تقريبا بتاريخ ٢٠ مارس بس للاسف كانت كل الخطوط والطيران قفل ومكنش قدامنا حل غير الانتظار

السكن
 اضطريت اعمل تمديد لايجار السكن اللي كنت واخده في منطقة كورونا وبصراحة كانوا ناس محترمين وعملولي تخفيض كذلك عملت تمديد لايجار العربيه 

تقريبا فضلنا هناك لحد ١٥ ابريل وبعد كده سمعنا ان فيه بعض الرحلات للاجلاء بدأت تفتح لمصر بس للاسف من واشنطن وبتعرف قبلها بيومين بس وبالتالي التحضيرات للسفر هتكون صعبة 

اختارنا اننا ننقل عند ناس قرايبنا في نيو جيرسي  جزاهم الله خيرا على الاستضافة وحسن المعاملة كمان احنا كنا عاملين عنوانهم لاستلام رقم السوشيال وسافرنا ليهم منتصف ابريل في انتظار اقرب فرصة لنزول مصر

تم الحجز في طائرة ٢ مايو الى مصر طبعا بعد ما تم استغلالنا عن طريق مصر للطيران تذاكر مبالغ في سعرها بالاضافة الى مصاريف حجر لمدة اسبوعين في مرسى علم 

ربنى اكرمني بعدها بأسبوع وعرفت أنزل بناتي من السعودية في طائرات الاجلاء وكان الحجر بتاعهم في القاهرة 

والحمد لله قدرنا نتجمع قبل العيد وقضيناه مع بعض

والحمد لله زي ما كتبت في البداية رجعنا النهاردة السعودية ودخلنا مع الكادر الطبي بالرغم من انتهاء تاشيرات الخروج والعودة 

كمان البيبي مكنش عنده اقامة وعمره كان تقريبا ٤ شهور واخدنا رقم حدود ودخلنا 

طبعا مع الالتزام بالحجر المنزلي ١٤ يوم 

بالتوفيق للجميع وربنا يتمهالكم على خير

  

التجربة 38- 

السلام عليكم.   

احب اولا اشكر المهندس ****وجميع الاخوه اللي ساعدوني ونصحوني خلال الفتره الماضيه 

تجربتي باختصار

السفر 
 كان ٢٤ مايو على الخطوط السعوديه من الرياض واشنطن اجراءات السفر سهله وماحد بسال ولما وصلت واشنطن برضو المطار كان فاضي وسالو زوجتي جايه ليه قالتله عندي اجازه طويله وعندي قرايب بلوس انجلوس جايه اقعد معهم وميدكال كير برضو بس ماسال شي وختملها ومشت الامور.  

راحت فندق المطار الماريوت ليله واحده وكان كويس وفب شتل متوفر مجانا طول الوقت . وتاني يوم ل لوس انجلوس .
 

الدكتور 
 كان امين فواز جدا كويس وخصوصا السكرتيره اللي معه متعاونه وسعره كويس . 

المستشفي
المستشفى اللي بتعامل معها كويسه ونظيفه واعطونا زيرو بلانس بعد اسبوع ١٠ ايام تقريبا. طلعت بعد ١٠ ايام من الولاده . الجواز حجزت حجز موجود بمواقع الطيرانموعد طوارئ.شهادة الميلاد

زوجتي كان يساعدها هناك اختي وزوجها مقيمين بلوس انجلوس وزوجها شغال اوبر وعارف كل الاماكن وصار بعد تجربتنا ملم بالتفاصيل .

العوده
 الرجعه كانت من لوس انجلوس لنيويورك بجت بلو ومن نيويورك للقاهره بالمصريه وكانت رحله كويسه وحجزنا عادي من الموقع علما باننا اردنيين وعملت تامين طبي للسفر للاحتياط من موقع اسيج الشخص ب ٧٠ ريال تقريبا.   

من القاهره للرياض كانت بطيران ناس اجلاء كوادر طبيه والحمد لله كانت سهله ونص الطياره فاضي .