New York Experiences

التجربة الأولي

نيويورك

يوليو 2018

الطبيب

المستشفي

مسافر من

Dr. Georges Sylvestre

Elmhurst

مصر

 

سافرت علي التركية من القاهرة (turkish Airlines) في اخر الاسبوع ٣٤ مع زوجي و ابني طيران نظيف جدا و مريح نزلنا في مطار اتاتورك و الاوفيسر عرف اني حامل و طلب تقرير الدكتور اديتهولو و عدينا الحمد الله بعد كدا وصلنا مطار jfk الاوفيسر تقريبا مخدتش بالها اني حامل سألت جايين ليه قولتلها سياحة معاكو كام قولنالها هتعودوا اد ايه قولتلها شهر حمادة اوبر وصلنا من المطار للشقة اللي كنت مأجراها ب ١٨٠٠ دولار في الشهر شقة غرفة و صالة في كوينز عند سيدة مصرية اسمها مدام فاتن (تفاصيل المالك هبعتها) ناس محترمين جدا جدا و فادونا في حاجات كتير جدا. تم الحجز مع الدكتور Georges Sylvestre عند الوصول و تمت المتابعة حتي الولادة في مستشفي المهرست الولادة كانت طبيعي و اتكلفت بالتخدير ١٢٠٠٠ دولار التأمين دفعلي ٩٠٠٠ و انا دفعت الباقي كل انتقالنا كانت بالمترو (محطة woodside)بيوديك في اي حتة في نيويورك و كمان لو عايز تروح Jersey بتنزل في محطة Times Square وتاخ اتوبيس من Port Authority station في منتهي السهولة

الشوبينج:

Burlington

Mills of jersey gardens

Walmart

Queens center

Tj maxx

Marshals

Century 21

بعد الولادة بيومين طلعنا شهادة الميلاد short form ا انزل محطة city hall park في المترو و امشي لحد 125 worth street دا المكان اللي بتطلع منو شهادة الميلاد تاني يوم رحنا passport office ف hudson street  الساعة ١١ و استلمنا الباسبور الساعة ٣ في نفس اليوم لان ممكن تطلعو في نفس اليوم لو هتسافر في خلال ١٤ يوم (مش لازم السفر يكون تاني يوم زي ما الناس فاكرة) و علي فكرة انا دفعت كاش (هما بيقبلوا فيزا و شيكات و كاش) و علي فكرة بردو مليت الابليكشن هناك بالقلم

يوم السفر الصبح كنت متفقة مع حمادة يوصلني بس مجاش كان معايا ٦ شنط و ٢ كارسيت و stroller كبيرة يعني كان لازم عربية SUV طبعا معرفناش نعمل ايه اوبر مكنتش هتنفع فالاستاذ محمد زوج مدام فاتن (المالك) عرض يوصلنا لحد المطار

للاسف في المطار كل الbassinets كانت محجوزة و تقريبا كان في ٨ اطفال لسه مولودة مسافرة علي الطيارة!!!! بس الحمد لله كان في كرسي فاضي ف حطيت البيبي جنبي ووقت الاقلاع و الهبوط كنت بربطوا علي حجري

 

التجربة الثانية

نيويورك

اغسطس 2018

الطبيب

المستشفي

مسافر من

Dr. Eman Sultanُ

Richmond Hospital

مصر

 

 

مساء الخير علي احسن جروب مساعد وعلي اعضاءه المحترمين واصحاب الجروب وبصراحه ربنا يجازيهم خير علي تعبهم معنا وعلي فكره الجروب الحلوه

انا حابه انقل تجربتي

الحمدلله ولدت طبيعي بس كان قبل الميعاد باسبوع لان المايه نزلت عليا

انا كنت متابعه مع ايمان سلطان ٣٠٠٠ دولار والمستشفي richmond university medical center ب staten island هي الولاده الطبيعي ب ٧٢٠٠ دولار لكن انا اتكلفت اكتر لان البنت دخلت عنايه مركزه لا قعدت في الولاده وقت كتير فنزلت عندها مشكله في التنفس وقعدت يومين بس الحمدلله بقه تمام والتخدير ٨٠٠ دولار ودكتور الاطفال اخد كشف للبنت بعد ماخرجت ٥٠ دولار شهاده الميلاد short form اخدت ٣ ايام والباسبور في نفس اليوم و SSN خلال ١٤ يوم وlong form شهاده الميلاد ١٦ يوم اتمني اكون وضحت كل حاجه وربنا يسهل للجميع يارررب

ممكن من اصحاب الجروب ينقلوني علي جروب التوثيق وشكرا علي اهتمامكم