التجربة رقم 1
|
ميامي |
سبتمبر2019 |
|
|
الطبيب |
المستشفي |
مسافر من |
Dr. Bhupendrakum Patel |
Osceola Regional Medical Center |
مصر |
السلام عليكم. تجربتي للولادة في اورلاندو- فلوريدا سبتمبر ٢٠١٩
السفر في الاسبوع ٣٤ على طيران يونايتد اوبريتد باي لوفتهانزا.
الاقامة في شقة فندقية في منتجع سياحي star islan resort قرايبنا جابولنا سعر خاص ٨٣٦ دولار في الشهر. قعدنا شهرين
السيارة قريبنا كان معاه سيارة زيادة اداهالنا تبقى معانا طول المدة واضاف اسم زوجي ع التامين بتاعها.
خط التليفون برضه كان خط زيادة مع قريبنا خدناه منه لمدة شهرين.
الدكتور باتل تقييمي له ممتاز، مستشفى اوسيولا تقييمي لها ممتاز.
الاسعار: الدكتور ٢٠٠٠ طبيعي و ٢٢٠٠ قيصري (والتحاليل لو هتعملها عنده ٣٣٥) زيارة كل اسبوع والسونارات ع الاقل واحد اول زيارة ولو هو شاف اني احتجت تاني هيبقى مشمول. هو خلاني اعمل واحد كمان مرة قبل الولادة. مستشفى ٤٤٠٠ طبيعي و ٥٧٠٠ قيصري ولازم الدفع مقدم. الاقامة في المستشفى يومين طبيعي و ٣ قيصري وبيحاسبوا ب calender day. انا قيصري ودخلت ١ بعد نص الليل يوم الاربع خرجت السبت ٤ العصر يعني فعليا يعتبر قعدت ٤ ايام.
ابيديورال ١٢٥٠ ولازم مقدم.
طبيبة الاطفال ممتازة د. هالة ابو المجد طبيعي ٢٢٥ وقيصري ٣٢٥. زيارة يوميا في المستشفى وزيارة في عيادتها بعد الخروج باسبوع.
الزيرو بيل خدناها من الدكتور في العيادة بعد الخروج باسبوع، ومن المستشفى روحنا بعد اسبوع من الخروج قالولنا بتاخد شهر وادونا بدالها ريست زيرو برضه.
ميديكال ريكوردز للام والطفل عملنا طلب ف المستشفى بعد ما خرجنا واتبعتلنا pdf ع الايميل.
شهادة الميلاد الموظفة خدت البيانات تاني يوم الولادة والشهادة طلعت تاني يوم صباحا استلمها زوجي من مكتب الصحة. عملنا ٥ نسخ ٥٠ دولار.
الباسبور عملناه تبع مكتب ف اورلاندو هو عملنا كل حاجة حتى الفورم هم اللي ملوه والتصوير كان في المحكمة. واخترنا اطول مدة استلام ٨ الى ١٠ ايام عمل عشان ندفع اقل سعر، لكن وصل لنا في ٤ ايام عمل فقط. دفعنا اجمالي ٤٠٠ دولار شامل سعر الباسبور والكارت ورسوم المكتب ورسوم المحكمة.
ال ssn كنا مقدمين عليه مع شهادة الميلاد ف المستشفى ووصل لنا بعد اسبوعين.
العودة يونايتد اوبريتد باي لوفتهانزا ثم مصر للطيران. مسموح للبيبي ع لوفتهانزا بشنطة شحن ٢٣ ك وشنطة صغيرة (ديابر باج) ع الطيارة ومفيش كاري اون. ومسموح تشحن يا اما سترولر يا اما كار سيت والتاني تاخده معاك ع الطيارة.
اضافة البيبي بالتليفون كلفت ٣٤٥ دولار وطلبنا كرسي باسينت بالتليفون برضه. ساعة حجز تذكرة البيبي بتقولو للايجنت يحط نوت ع الحجز اننا طالبين باسينت سيت وبيتحجزلكم. في الرحلة التانية اللي ع مصر للطيران مكانش محجوز باسينت فطلبت الباسينت سيت من ع الكاونتر اللي ع الجيت وانا ف الترانزيت ففرانكفورت وغيرولي السيت فعلا وطبعولي بوردينج جديد.
ملحوظة تقييمي لطيران لوفتهانزا جيد جدا لكن غالي والتفتيش في فرانكفورت بايخ جدا.
شهادة الميلاد المصرية عملناها من العباسية باسبور الاب والام وشهادات ميلادهم وقسيمة الزواج، وباسبور البيبي وشهادة ميلاده (لا حاجة لاي توثيقات من امريكا ولا الخارجية في مصر) والتكلفة الاجمالية حوالي ٣٥٠ جنيه. بتتسجل ع السيستم وبتستلمها بعد ١٠ ايام من اي سجل مدني ف اي مكان ف مصر.
وفي النهاية شكرا للجروب وبشمهندس ****** على مجهودكم وانا جاهزة لاي سؤال.
التجربة رقم 2
|
أورلاندو |
نوفمبر2019 |
|
|
الطبيب |
المستشفي |
مسافر من |
Dr. Bhupendrakum Patel |
Osceola Regional Medical Center |
السعودية |
من اورلاندو
اولا تحياتي الي أعضاء الجروب والي الآخ *****مدير الجروب
والحمد لله رزقنا الله ب زين يوم الجمعه ١٥ نوفمبر ٢٠١٩
التاشيرة
تم أخذ التاشيرة والحمد لله من سفاره امريكا بجده
وتم السفر علي الخطوط السعوديه في منتصف الثامن الي مطار جون كيندي ومنه الي اورلاندو وكان ميسر والحمد لله .
الدكتور والمستشفي
بعد تجربه صديقي تم اختيار مستشفي اوسيولا في كيسمي ومن الجروب سمعت عن الدكتور باتل وتم الحجز معه قبل الوصول وفي المستشفي دكتوره اطفال مصريه ممتازه كانت لمتابعه الطفل .
السكن
بحكم عملي في مجال السياحه الحمد لله حجزت فندق رمادا داون تاون من علي السيستم الخاص بنا غرفه كبيره ببلكونه مطله علي المسبح ب ١٢٠٠ دولار والفندق ماشاء الله ممتاز وقريب من كل شى محلات تجاريه ومطاعم حتي أني اجرت عربيه خمس ايّام ورجعتهالعدم استعمالي لهابكثره وأخدت ٥٠ في المائه خصم من أوبر علي كل تنقلاتي فيما بعد .
التكلفة
الولاده قيصري
الدكتور ٢٥٥٠ دولار شامله جميع التحاليل
المستشفي : ٥٧٠٠ دولار
دكتور البنج ١٢٥٠ دولار
دكتوره الأطفال ٣٢٥ دولار
شهاده الميلاد اخدتها الاثنين بعد الولاده بيومين
جواز السفر اخدته اليوم يعني بعد الولاده بخمس ايّام لاني عملته مستعجل عن طريق مكتب بيخلص إجراءات الجواز بجوار المحكمة في اورلاندو
افضل شى حصلته وريحنا كتيير في الأكل أخت مصريه وزوجها وأولادها قمه في الأخلاق والاحترام بيعملو وجبات يوميه علي حسب الطلب اَي أكل مصري محتاجه دا غير وجبه كل أسبوع تكفي ست أشخاص بأسعار ممتازه ومذاق روعه .