Other States Experiences

 

PENNSYLVANIA

Pennsylvania

يوليو 2018

الطبيب

المستشفي

مسافر من

Dr. Suzanna Pasha

St. Lukes Hospital

السعودية

 

انا مصريه مقيمه في السعوديه سافرت في نص التامن وقررت اني اولد هناك في اول اسبوع في التامن استخرت ربنا وروحت قدمت التاشيره انا وبابا وماما وزوجي انا وماما وبابا اتقبلنا وزوجي لا الله اعلم ليه وقولنا علي بركه الله اسافر انا وبابا وماماو ربنا سهلها

انا كنت في نص الشهر التامن ف لازم تاخدي تقرير من الدكتور انك مسموح ليكي
السفر احتياط عشان لو حد سالك انا بصراحه كنت لابسه عبايه واسعه وماحدش خد باله

حجزت الخطوط السعوديه الرياض واشنطن دايركت الرحله طبعا طويله بس والله ربنا هونها الحمد لله وكنت كل حبه اتمشي في الطياره

وصلنا واشنطن وحجزنا عربيه وروحنا علي شقه ايجار وبعدين حصلت ظروف لبابا واضطر يرجع السعوديه وخلاص كنا لازم ناخد فندق جمب المستشفي عشان لو حصل اي خاجه تكون ٣-٤ دقايق وبضراحه الفنادق غاليه جدا هناك

المستشفي الولدت فيها اسمها St Lukes

هناك في مفتوح اوفي باكدج يقولك الطبيعي ب ٦٠٠٠ دولار انا بصراحه خدت ال باكدج . التخدير 1000 يعني كله 7000

وولدت الحمد لله مستشفي نظيفه والناس في قمه الاحترام وبعدين قدمنا علي شهاده الميلاد قالولنا في Philadelphia  وبعدها باسبوع بتستلميها

استلمتها وعملت حجز علي القطريه البدي مهله ٢٤ ساعه اني مسافره بعدها بيومين وروحت بالحجز ده الجوازات قدمت الصبح علي الجواز بالحجز استلمت الجواز الساعه ٣ وحجزت تاني يوم الخطوط السعوديه وكلمت المكتب اول ماستلمت الجواز البييبي احجزله ورجعت كده بعد اسبوعين من الولاده والحمد لله كانت تجربه حلوه والفضل لله ثم ليكم فعلا استفدت من الجروب ده كتير جدا وانتم اللي شجعتوني اعمل كده

 

MICHIGAN

 

Michigan

سبتمبر 2018

الطبيب

المستشفي

مسافر من

Family Health Center

Bronson Hospital

مصر

 

السلام عليكم 

للأسف انا عرفت الجروب متأخر بعد ما كنت سافرت بس استفدت منه لما كنت هناك وشكرا جدا للناس الي ساعدتني 

سفرت في الأسبوع ٣٨ وكان معايا تقرير من الدكتور أني في الأسبوع ٣٢ علي مصر للطيران لنيويورك وبعد كده روحت ميشيغان عشان كان ليا قرايب هناك

روحت منطقة اسمها Kalamazoo مكنتش متابعة مع دكتور روحت مكان اسمه family health center تبعت فيه الحمل كنت واخدة تحاليل من مصر بس هما بيعملوا تحاليل اول مرة كشف كانت ب ٤٥٠ دولار  وقالولي الدكتورة الي هولد معاها بس المتابعة مش بتكون مع دكنور معين 

المنطقة فيها ٢ مستشفي المستشفي الي ولدت فيها اسمها Bronson مولدتش مع الدكتورة الي كانوا محدادينها هي كانت عربية لأني دخلت طوارئ اول لما دخلت عملوا سونار وقالوا هولد قيصري عشان البيبي كانت نايمة بالعرض واقعدوا يمدوني علي ورق وقالولي لازم رئيس القسم يجي يعمل سونار ويأكد علي الولادة القيصري بس لما عملي سونار كانت رأس البيبي لفت وهتولدي طبيعي دخلوني علي الاوضة وأقعدت ٢٤ ساعة بولد مروحتش حجرة عمليات الولادة كانت في الاوضة وبعد الولادة نقلت حجرة تانية بس هي مستشفي نظيفة جدا والخدمة ممتازة

تكلفة الولادة ١٥٠٠٠ دولار شاملة كل حاجة

شهادة الميلاد طلعت بعدها بأسبوعين واتبعتت علي البيت 

اخدت ميعاد في ديترويت عشان اعمل الباسبور ونقلت أعدت في فندق جنب المطار عشان كنت هيسافر من ديترويت علي نيويورك وكان معايا تزاكر الطيران أني مسافرة تاني يوم قالولي
تيجي الساعة ٣ تاخدي الباسبور  لو كنت هعمل الباسبور في المنطقة الي كنت فيها كنت هعمله في البريد وهيأهد أسبوعين عشان كده نقلت ديترويت

انا كان جوزي مش معايا وأخذت ميعاد من السفارة في مصر عشان بعملي التوكيل وبعته علي DHL وصل بعد يومين هو بعته من مصر الأربعاء الصبح وصلني الجمعة الظهر

كنت بتنقل هناك ب اوبر والرحلة اخدت ٣١ يوم

وانا داخلة المطار في نيويورك اتسال جايه ليه قولتله عشان أولد وداني علي مكان تاني وسألتني هتولدي فين واسم المستشفي ومعاكي كام واهم حاجة انك تدفعي فلوس الولادة
وخاتمتلي ٦ شهور

كان في دكتور في ديترويت هو فلسطيني كنت راسلته وعرفت الباكيدج بتاعته اسمه شادي حداد كانت ٧٩٠٠ الولادة الطبيعية 

مصر للطيران لازم جوزي يبعت موافقة علي سفر الطفلة معايا محدش وانا راجعة سألني علي حاجة

ربنا يوفق الجميع ويقوم كل أم بالسلامة

 

 

 

OHIO

Ohio

ديسمبر 2018

الطبيب

المستشفي

مسافر من

Dr. Emad Baky

Mercy Health

مصر

 

السلام عليكم انا كنت عاوزه اقولكم علي تجربتي في الولاده في امريكا

السفر كان علي air france من مصر لسينسيناتي والترانزيت باريس تلات ساعات وكنت ف الاسبوع ٣٧.

-عياده د عماد باكي ومستشفي الولاده mercy health في بلد اسمها warren جمب اوهايو بساعتين ونص، وفي فندق حمب عياده الدكتور اليوم فيه ب ٦٠$ ومتوفر جمبه محلات اكل للاقامه قبل الولاده.

– د عماد مصري ومريح في التعامل وانا عرفته من صديقه جت تولد معاه برضه بنفس الطريقه وهو عارف كدا وشافني مره ف عيادته قبل الولاده.

– لما جالي الطلق كلمته وقالي اطلعي علي المستشفي هتلاقي بياناتك متسجله وولما تكون الولاده قربت المستشفي هتتصل بيه.

– تمت الولاده علي خير الحمد لله وقعدت يومين ف المستشفي وكان سعر باكدج المستشفي ٢٥٠٠$ للولاده الطبيعي، ولدكتور الاطفال ٥٠٠$، وبعد كدا رحت عياده د باكي وكان حسابه ٩٠٠$.

– حساب epidural anesthesia كان ٨٠٠$ ودا دفعته عن طريق التلفون بالفيزا مع انو كان قريب من المستشفي بس انا مقدرتش اروحلهم.

– شهاده الميلاد قالولي هتطلع تالت يوم بس انا سافرت اوهايو وقالولي ممكن اطلعها من مكتب شهادات الميلاد باوهايو وفعلا عملت كدا وطلعت كذا نسخه والنسخه ب ٢٥$.

– جوزي مكنش معايا وعملي تفويض وقدمت كل الورق المطلوب ل fedex express علشان اقدم للباسبور واخترت التوصيل السريع ف خلال ٤-٧ ايام وكنت بتصل اتابع معاهم وكان الورق وقف علشان انا مبعتش ال social security nu للبيبي بس بعد كده بعته عن طريق الميل والورق كمل في الاجراءات وفعلا الباسبور وصل خلال الوقت دا ودا كلفني ١٥٠$ للبريد+ ٣٥٠$ تكاليف الباسبور

– وديت البيبي لدكتور اطفال باوهايو لمتابعته ودا كان مطلوب مني ف المستشفي اني اديهم اسم وعنوان د اطفال علشان يبعتوله نتايج تحاليل الطفل وكان حساب كل زياره ٢٣٠$ وانا رحت تلات زيارات.

– ضفت البيبي علي باسبوري وحجزتله ticket ٣٥٠$.

– فواتير المستشفي zero balance هما بعتوهالي علي البيت ف اوهايو  ف خلال اسبوعين ، وفاتوره الanesthesia كمان وصلت في نفس الوقت.

– ف الرجوع الترانزيت كان ٩ ساعات بباريس فحجزنا فندق جوه المطار لمده ٤ ساعات ب ١٠٠$.

– انا بصراحه الاجراءات دي كلها مكنتش هعرف اعملها لوحدي خالص واختي هي الي عملتها كلها لانها عايشه هناك، واحب اشكر الجروب جدا واشكر كل حد كان بيرد عليا وفعلا استفدت جدا جدا منكم وجزاكم الله الف خير، وهبعتلكم الورقه بتاعه المستشفي والبنج و د باكي الي بتشمل اسعارها للولاده الطبيعي والقيصري، وشكرا جزيلا.

 

 

Ohio

يوليو 2019

الطبيب

المستشفي

مسافر من

Dr. Emad Baky

Mercy Health

مصر

 

تجربتنا من اوهايو

تم السفر من القاهرة مباشر على مصر الطيران الي نيويورك

انا وزوجتي و3 اولاد

اخدت الفيزة في 2016 من الرياض انا الاول وبعدين زوجتي ب3 شهور والاولاد بعدها بسنة

دخلنا من JFK

 كاسهل مايكون الحمد لله

سالنا الضابط جايين ليه

قلتله shopping ,pleasure , Medical care

وسالنا المدة قلتله شهر يزيد خمسة او يقص 5 ايام

ادانا ختم 6 شهور

دخلت اجرت عربية من المطار اخدت بيها الشنط والاولاد ورحت الشقة في باترسون نيوجيرسي

العربية كلفتني شوية عشان التامين

لو اخدت العربية يوم تفرق عن اسبوع عن شهر

Depend on rate

نصيحة اللي هايروح هناك يسكن في محيط الmain street 

عشان الباقي مش امان قوي وتقلق

رحت نيوجيرسي عشان كان في رمضان وكنت عايز اصلي تروايح والعيد وسالت اكتر مكان في مسلمين قالولي باترسون

طيب هل في طيران الى اوهايو ع طول 

اه فيه ممكن تنزل PIT ot cleavland CLE airport

بس انا اخرت نيويورك ع الدايركت ع مصر للطيران ماكنتش عايز ترانزيت ع العيال معاي 

وبعد ما سافرت مصر للطيران عملت مباشر لواشنطون برده مسافة 5 ساعات بالعربية لاوهايو لو حد عايز

بس نصيحة ادخل من jfk 

احسن عشان سريع ومش بيدققوا

الدكتور قالي على ان كان في ناس قبلنا ب 3 شهور وهما داخلين انكروا انهم جايين للولادة وبعدين قالوا انهم للولادة وروهم المراسلات وعرض السعر من الدكتور والجوازات اتصل بالدكتور يتاكدوا وقالوا له مافيش مشكلة ومش ممنوع ان حد يجي يولد هنا مادام هايدفع التكاليف ومش هايستخدم موارد الدولة لكن الا الكذب والانكار ورجعوهم للاسف

المهم ماتنكرش الولادة لو اتسالت

ودايما القاعدة الاساسية ماتديش معلومة زيادة عن المطلوب في السؤال في امريكا  عموما

وكمان اخدت الاسبوع تسوق في مولات كتير

Woodbury Common Premium Outlets

Burlington

 The Mills Mall (Outlet Mall)

قعدنا 6 ايام وسافرنا الى Pittsburgh 

بطيران دلتا كلفنا ذهاب وعودة 800$

نزلت المطار اجرت عربية ورحت youngstown

نصيحة لما تكتب على جوجل اختار الهايواي عشان مايدخلكش في طرق غابات في لفات ورايح وجاي 

وصلنا يونج ستاون رحنا اكلنا في مطعم حلال اسمه كنافة واشترينا طلباتنا واللحمة والفراخ الحلال من محل جنبه اسمه القدس

اشتري منه الحاجات اللي مش موجودة في ولمارت

ممكن تعمل شوبنج هناك برده نفس المحلات في كل حتة في امريكا

Burlington

  Marshalls.

ورحنا مكان تاني اسمه 

  Grove City Premium Outlets

في برده كل الماركات باسعار كويسة.

رحنا للدكتور عماد باقي تابعنا معاه

لو انت في الثامن الزياره كل اسبوعين

ولو في التاسع كل اسبوع

سونار مره كل شهر

وكل زياره معاها تحليل بول وبياخد مسحة

كل ماهو عند الدكتور عماد فاتورته طبيعي ب 900 شامل 800+50 طهارة +مصاريف الكريدت كارد

ساعة الولادة كلمناه رحنا المستشفي دخلنا خدوا البانات مننا ودخلونا اوضة فيها الولادة والاقامة وكل حاجة

طقم التمريض ممتازين

تمت الولادة طبيعي ورزقنا ربنا ب سلمان وكان في قابلة اسمها لوري هي اللي خلصت كل الولادة والحمد لله

نصيبنا الدكتور كان عنده حالتين قيصري في نفس اليوم

كانوا بيتابعوا بالتلفون معاه

حصل مضاعفات واتصلوا بالدكتور جه انقذ الموقف الحمد لله 

في نفس يوم الولادة بعد ما اطمنوا وكشفوا ع المولود طلبت منهم ادخال بيانات شهادة الميلاد ع السيستم

بعد ما اتاكدت من البيانات دخلوها تاني يوم

قعدنا في المستشفي ليلتين

قبل ماطلع من المستشفي رحت طبعت شهادات الميلاد الواحدة ب 23$ كاش

تكلفة المستشفي 2500$ دفعتهم واخدت zero bill

اتصلت برقم حجزت موعد في الجوازات 8774872778

اقرب مكان detroit passport agency

بالعربية 4 ساعات

رحنا بالتذكرة تاني يوم ساعدني فيها المهندس المحترم محمد زيدان ربنا يكرمه ويباركله واخدناه في نفس اليوم الحمد لله

ميزة اوهايو السعر والتكلفة رخيصة مقارنه بنيويورك ونيوجيرسي

العيب فاضية و لازم عربية ومافيهاش كومينتي اسلامي قوي

غيرت مواعيد تذاكر العودة من نيويورك ورحت نيويورك بالعربية حوالي 8 ساعات

السواقة هناك جميلة بثبت السرعة ع الليمت وتمشي 

والطبيعة حلوه بتستمتع

وصلت نيويورك ارتحت يوم في شقة جنب المطار وسافرت تاني يوم

جزاك الله خير يا مهندس **** علي مجهودك

واي استفسار تحت امركم

 

Ohio

اغسطس 2019

الطبيب

المستشفي

مسافر من

Dr. Emad Baky

Mercy Health

السعودية

 

تجربتنا في الولادة في امريكا الحمد لله ربنا رزقنا ب Ryan مع دكتور عماد باقي بولاية اوهايو

 

الفيزا :

زوجتي اخدت الفيزا من اربع سنين من مصر عشان تحضر فرح صديقتها ولكن حصل ظروف ومقدرتش تسافر ، انا اخدت الفيزا من الرياض في شهر فبراير اللي فات ، الاوراق اللي اخدتها معايا كانت تعريف بالراتب ، وكشف حساب بنكي ، وجواز زوجتي فيه الفيزا ( واعتقد ده كان اكبر داعم ليا عشان سألني هتسافر مع مين) السبب قولت اني عايز اقضي اجازتي السنوية هناك ، المقابلة مكانتش صعبة خالص ، الخلاصة خد اي ورق يدعم موقفك انك مسافر سياحة وهترجع تاني.

 

الطيران : 

كان على الخطوط السعودية كان دايركت على نيويورك من الرياض ، كانت مريحة والطاقم متعاون لما عرفو انها حامل .

 

مطار الملك خالد الرياض :

الكاونتر كان زحمة شوية ، حاولت اعمل بوردنج اونلاين بس للاسف كانو قافلينه ومكانش متاح ع الرحلة دي ، زوجتي الحمل باين عليها جدا فاكانت لابسه عباية واسعة استايلها سعودي شوية فا كانت مش مبينه الحمل ، كنت محضر الفورم بانها اقل من الاسبوع ٣٢ ، والفورم التانية انها اكتر من ٣٢ اسبوع ، (للاحتياط) والاتنين ختمناهم ووقعناهم من الدكتورة اللي كنا متابعين معاها ، (سافرنا في الاسبوع ال٣٥) ، التفتيش كان مرتين واحدة بعد الجوازات وواحدة عند باب الطيارة ولو معاك اي جهاز الكتروني لازم تفتحه قدامه.

 

مطار جون كيندي نيويورك:

طابور الجوازات كان زحمة جدا ، في نص الطابور فيه اوفيسر بيسأل نوع الفيزا لو B1/B2 بيدخلك على ال self checkin على طول تدخل بيانات الفيزا والجواز ويطلعلك ورقة تاخدها وتعدي على الاوفيسر التاني (احنا كنا محضرين ايميلاتنا مع الدكتور وحجز طيران ذهاب وعودة وحجز طيران داخلي ذهاب وعودة ، وحجز الشقة ، وواخدين معانا كاش ٩ الاف) واتفقنا اول اما نتسأل جايين ليه هنقول ولادة ، على الرغم ان الحمل مكانش باين لان معظم السيدات لابسين عبايات لان الرحلة جاية من السعودية ، دخلنا الاوفيسر سألتنا هتقعدو فين قولنا في اوهايو ، قد ايه قولنا ٤ اسابيع،

معاكو فلوس قلتلها اه ، قالتلي كام قولتلها حوالي ٩ الاف ، قالتلي ٩ مش ١٠ قولتلها ممكن تعديهم ، قالت خلاص تمام وختمت ٦ شهور ، طلعنا قضينا اليوم في نيويورك ورجعنا المطار تاني وروحنا كليفلاند على طيران دلتا وكانت تجربة سيئة ، المطار كان زحمة جدا جدا ومفيش ارشادات لأي حاجة ، طابور التفتيش لا يقل عن ١ كم ، لولا اني عرفت الظابط ان زوجتي حامل وعملي skip للطابور مكناش لحقنا الطيارة ، للعلم احنا كنا قبل معاد الطيارة ب ٣ ساعات، دخلنا لقينا طابور تاني كبير جدا للبوردينج ، وهما ٣ كاونترز بس اللي شغالين ، وشغالين كل الرحلات تقريبا ، وصلنا للكاونتر كان فاضل ع الطيارة ساعة بالظبط عملنا بوردنج في اخر لحظة ، وكان في خناقات كتير جدا لانهم لو فاضل على الطيارة اقل من ساعة مبيرضاش يعمل بوردنج وتروح عليك الرحلة ، خلصنا ومشينا مشوار كبير جدا ، طيارتنا كانت على اخر بوابة في المطار B55 ، مشينا ٥٥ بوابة وكنا اخر ناس تدخل الطيارة ، والطيارة ضيقه جدا وبتحس باهتزازها جدا مع اي مطب هوائي حتى لو صغير ، دة غير ان الطيران الداخلي معليهوش car go انت بتدفع للشنطة الاولى ٣٠ دولار والتانية ٤٠ دولار ، (نصيحة لو حد هيروح اوهايو يأجر عربية من المطار ويطلب يسلمها في اوهايو هتكون اريح واوفر ) 

 

الاقامة:

أجرنا شقة من على airbnb في warren جنب المستشفي على طول وعلى بعد ١٠ دقايق من عيادة الدكتور ، الشقة كانت غرفة وصالة ومطبخ وحمام بمدخل مستقل ، وجراج للعربية ، وسعرها كان كويس جدا كانت بحوالي ١١٠٠ دولار في الشهر ، على الرغم اني مشوفتش صاحبها بس كان شخص محترم في التعامل ، بعتلي كود باب الشقة قبل ماوصل ، حتى وانا ماشي بعتله عشان يستلم الشقة قالي اقفلها وامشي وخلاص كدة ، فا كان مريح في التعامل.

 

الانتقالات :

وصلنا كليفلاند وأجرنا عربية من المطار ، الشركات هناك كتير ومعظمهم غالي ، ارخصهم budget كان على الابلكيشن بتاعهم الشهر بحوالي ٩٠٠~١٠٠٠ دولار ، احنا أجرنا من enterprise بحوالي ١٣٠٠ والمفروض يرجع ٢٠٠ دولار عند تسليم العربية ، السعر دة لاني خليته شال كل الاضافات منها التغطية الشاملة ، وتغطية الركاب ،و هكذا ، بس السعر بيزيد شوية اما تيجي تسلم العربية لان بتلاقي ضريبة للولاية وضريبة للمطار  وكدة ، ( الافضل تطلع من المطار باوبر وتأجر من مكتب برا المطار ، فيه مكتب ل enterprise قريب من المستشفى وعيادة الدكتور وهتوفر ضريبة المطار لانها نسبة من الايجار) ، في العودة من اوهايو لنيويورك كان معايا شنط كتير ومكنتش عايز اتعامل مع دلتا تاني للاسباب اللي قولتها فوق ، حاولت اعمل refund للتذاكر لقيت اللي هيرجع بعد الخصومات اللي هياخدوها ١٠ دولار ، اه والله زي ماقريتوها ١٠ دولار ، قولت مش هلغيها واضيع عليهم انهم يبيعوها لحد تاني ، وكلمت مكتب الايجار بالمطار طلبت اسلم العربية في نيويورك ، ودفعت رسوم ١٨٧ دولار عشان اسلمها في نيويورك ، ودي كانت اوفر من تمن شحن الشنط بس ع الطيران .

 

المتابعة والولادة:

روحنا اول معاد كان بعد اسبوع ما وصلنا ، كنا واخدين المعاد دة من شهر ٤ من ايام ماكنت براسل الدكتور عشان احجز معاه ، دخلنا العيادة ملينا ابلكيشن ودخلنا للدكتور ، الممرضة فضلت تسأل اسألة كتير جدا وطلبت كل التحاليل والسونار اللي اتعمل فترة الحمل ، طلعت بعد اول زيارة بسأل ادفع كام قالولي بعد الولادة ، قولتلهم طب اي مبلغ تحت الحساب قالت لا كله بعد الولادة ، الزيارة كانت اسبوعيا ، تالت زيارة عملنا الترا ساوند وكان حجم البيبي كبير والدكتور نصحنا ناخد induction عشان مندخلش قصة ال c-section ، وبالفعل حجزلنا في المستشفى يوم الاثنين ١٢/٨/٢١٠١٩ ، الساعة ٨ الصبح ، وصلنا طلبو بس ال ID ومطلبوش اي فلوس نهائي ، المستشفى نضيفة جدا ، والتعامل مريح جدا ، والممرضات متعاونين وشاطرين جدا جدا ، ركبو ال induction وكنا متفقين تاخد ابيدورال ، (كنا فاهمين غلط ان احنا نطلب الابيدورال اول اما تحس بالطلق عشان ميروحش مفعولها قبل الولادة) جه الدكتور نزل المياة عشان يحفز الطلق والموضوع كان صعب جدا على زوجتي والدكتور قالها ماخدتيش ليه ابيدورال فقولناله السبب فصححلنا المعلومة وان محلول الابيدورال اما بيخلص اصلا بيعلقو واحد تاني ، المهم طلبنا الابيدورال وجة دكتور التخدير ركبلها الحقنة بس كان لسة فيه الم بس اخف من الاول ، الممرضة قالتلها لأ المفروض مفيش الم خالص ، بس كان فيه ، تقريبا الدكتور ركب الحقنة غلط او مكانش عارف يركبها ، الاكيد انه كان عامل حاجة غلط ، لان وانا بتكلم مع الممرضات لقيت دكتور تخدير تاني جاي وبيقول ان الدكتور الاولاني بعتله جابو من البيت عشان حالة زوجتي ، الدكتور التاني قالي هغير مكان الحقنة، والصراحة كان شاطر جدا ومطلعش من الاوضة غير لما زوجتي مكانتش حاسة بأي ألم نهائي وكنا بنتكلم ونهزر عادي جدا ، اه بالمناسبة الرحم كان فاتح ١ سم من اول زيارة لحد ما روحنا المستشفى ، على الساعة ٥ الرحم كان فاتح ٣ سم ، الساعة ١٠ كان ٦ سم الساعة ٣ الفجر كان ٩ سم ، وجه الدكتور والولادة تمت الحمد لله الساعة ٣:٥٨ صباحا يوم الثلاثاء ١٣/٨/٢٠١٩ ، فضلنا في المستشفى لحد يوم الاربعاء ، الصبح عملنا الطهارة وخلو البيبي تحت الملاحظة لمدة ٣ ساعات ، وخرجنا الساعة ٥ العصر ومكانش فيه اي تكاليف اضافية خالص ، جابولنا الفاتورة قبل مانخرج ونزلت دفعتها ، وقالولي الزيرو بيل بتاخد يومين بعد ماتخرجو من المستشفى ،وفعلا استلمتها بعد يومين ، روحت عيادة الدكتور ودفعت هناك وخدت الزيرو بيل وانا واقف ، دفعت الابيدورال بالتليفون من الفيزا وقالولي الزيرو بيل من اسبوع لاسبوعين ، دكتور الاطفال قالولي الفاتورة بتظهر من اسبوع لاسبوعين عشان اقدر ادفعها .

 

الاوراق:

بتيجي المسؤولة عن شهادات الميلاد في المستشفى ومعاها ابلكيشن بتعبيها ببيانات البيبي والاب والام ، وبعدين بتروح هي تطبعها وتجيبهالنا تاني نتأكد من البيانات وهي بتبعتها لمكتب شهادات الميلاد ، اللي هتستلم منه شهادة الميلاد ( على بعد ١٠ دقايق من المستشفى) قالتلنا هتاخد ٤٨ ساعة هزرنا معاها شوية وقولنالها اننا محتاجنها ف اقرب وقت جاتلنا بعد ساعة وقالتلي روح استلمها الصبح الساعة ٨ ، وفعلا الاربعاء قبل مانخرج من المستشفى كنت استلمت شهادة الميلاد، دخلت حجزت ميعاد الجوازات لتاني يوم الخميس الساعة ٨ في ديترويت حوالي ٣ ساعات ونص من المستشفى الصبح ، مشكور جدا جدا ا/ محمد زيدان عملي تذكرة طيران لتاني يوم ، ودة مهم جدا جدا عشان تستلم الجواز في نفس اليوم ، الاوراق المطلوبة للجواز شهادة الميلاد وصور للبيبي خلفية بيضاء ، وتملا الابلكيشن وتطبعها ، وتطبع الميعاد بتاع الحجز ، ( اللي حصل معايا مختلف شوية ، اولا روحت cvs و walgreen مرضوش يصورو البيبي قالولي ان صورهم بتترفض في الجوازات وبطلو يصوروه ، ثانيا ملقتش مكان اطبع منه الابلكيشن والتذكرة عشان اخدهم معايا الجوازات ، المهم روحت الجوازات لقيت مكان تحت بيصور الحمد لله صورت البيبي ، بس ملقتش عنده طباعة وسألت على اي مكان اطبع فيه ملقتش ، طلعت عشان الحق معادي كانت الجوازات فاضية خالص ، شرحت للموظفة اني معرفتش اطبع التذكرة والابلكيش واعتذرتلها ، اديتني ايميل السفارة وبعتهملها علية وهي طبعتهوملي ، واديتني رقم ، بعدها بدقيقتين نادى على رقمي سألني ليه مستعجل ع الجواز ، وقالي هترجع بعد سنة فعلا ( كنت كاتب في الابلكيشن اني هرجع بعد سنة ) واداني ورقة ىقعت عليها بتقول ان كل البيانات اللي قدمتها صحيحة واني لسة مستلمتش الSSN وقسمنا واداني ريسيت استلم بيه الجواز الساعة ٣ نفس اليوم ، الساعة ٣ استملت الجواز وال passport card .

 

العودة: 

اتصلت بمكتب الطيران بالسعودية عشان اضيف البيبي للتذكرة الموظف رفض وقالي انه لازم يكون عنده اسبوعين ع الاقل عشان يركب الطيارة عشان الرحلة طويلة ، حاولت معاه بكل الطرق انه يبقى على مسئوليتي بس هو رفض ، مكانش قدامي حل غير اني اغير التذكرة واضيف عليها البيبي وكانت هتكلفني رسوم فوق ال ١٢٠٠ دولار ، جربت اكلم مكتبهم في نيويورك الموظف مسألنيش على عمر البيبي ولا اي حاجة خد رقم الحجز وزود البيبي وطلبت منة bassinet وحجزهولي بس قالي مش مؤكد وانت على الكاونتر اكد علية ، وفعلا وصلنا المطار كان زحمة برضة طلبت منة يأكدلي الbassinet مكانش متاح غير مكان واحد عند السرير ، الموظف بعت لمديرته جات طلبت من الطاقم يغير كرسي شخص تاني عند مكان السرير ، وقعدنا احنا الاتنين قدام عند السرير، اه في المطار الكل كان متعاون معانا جدا حتى الاوفيسر قعدت تلاعب البيبي ومسألتش على اي حاجة خالص ، رجعنا الحمد لله على الرياض بالسلامة ختملنا دخول والبيبي ادالة رقم حدود وصوَّره عشان نعملة تأمين واقامة ، بالاخير بعتذر عن الاخطاء الاملائية ، ولو حد عايز يسأل عن حاجة انا موجود ، وعشان نسيب فرصة للناس اللي داخلين الجروب جديد.

 

Ohio

اغسطس 2019

الطبيب

المستشفي

مسافر من

Dr. Emad Baky

Mercy Health

تركيا

 

تجربة السفر في أوهايو

 

الحمد لله وصلنا يوم ٦ يونيو قبل موعد الولادة بحوالي شهرين من مطار إسطنبول الي نيويورك jfk بدون اي ترانزيت

انا واحد الفيزا من خمس سنين من الدوحة ومراتي اخدت الفيزا من السفارة في إسطنبول 

عند الدخول عطانا الأوقيسر احنا الاتنين ست شهور إقامة كالعادة

اجرت سيارة من نيويورك وجيت بيها علي أوهايو لاننا كنا مرتبين الولاده مع الدكتور عماد باقي هناك

السكن الفترة الأولي سكنا في بيت اير بي ان بي وكان حوالي سعره ٢٥٠٠ دولار في الشهر طبعا البيت ثلاث غرف وحمامين ومطبخ كبير وحديقة يعني يعيش فيه أسرتين مرتاح قوي  طبعا غالي بس بعدين ربنا كرم بدكتور مصري كمان عنده بيت اجره لينا في الشهر حوالي ١٤٠٠ دولار وهو بيت غرفتين وصالون كبير وكمان حمامين وحديقة

بشكل عام سعر السكن في المنطقة من اول ٨٠٠ دولار قي الشهر متاح

المتابعات الأولية كانت علي أننا هانولد طبيعي لكن للاسف لظروف خاصة بالطفل وحجمة اضطرينا ندخل عمليات قيصري 

ولدنا من حوالي اسبوع الحمد لله والزوجة خرجت بالسلامة بس الولد اكتشفنا فيه مشكلة متعلقة بنسبة السكر في الدم ودي غالبا بعد البحث بتكون مشكلة للأولاد اللي بيتولدوا أقل من الحجم الطبيعي لولادتهم 

الولد دخل حضانه لمدة خمس ايام ووضعه اتحسن بفضل الله كتير 

التكاليف 

المستشفي ٤٠٠٠

الدكتور ١٢٠٠

التخدير  ١٢٠٠

وكل ده تم دفعه الحمد لله واحدنا زيرو بيل 

الحضانه جات الفاتورة اكثر من ٣٠ الف دولار طبعا الدكتور عماد كان مفهمني انه هايعملوا خصم يوصل لحد ٨٠ وممكن ٩٠ ٪؜ لكن الأسف لما رحت وتفاوضت معاهم رفضوا يعطوني اكتر من ٢٥ ٪؜ خصم فاضطربت اني ادخل برنامج بيعطي المصاريف لابناء الولايه وهاتطلع زيرو بيل باسم الولد بدعم من البرنامج ده 

 

استخراج شهادة الميلاد ياخد يوم بعد الولاده 

استخراج جواز السفر بتستلمه في نفس اليوم اللي تقدم فيه لو معاك تذكرة طيران لتاني يوم 

تكاليف المعيشة بشكل عام مش غاليه وفيه مولات في تالمنطقة للتسوق 

بشكل عام لا انصح بتكرار التجربة اعتقد تجارب نيويورك ونيوجرسي وكاليفورنيا اكثر إيجابية لعدة أسباب 

بشكل عام اتمني ربنا يحفظ أولاد الجميع يارب ويقوم كل اللي في الطريق بالسلامة لكن موضوع الحضانه ده شي مزعج جدا ولو قدرنا نوصل لدكتور يكون كمان عامل اتفاق مع مستشفي أطفال عندها حضانه بأرقام منطقية للدفع النقدي هايكون شي جدا ممتاز !

 

طبعا الشكر موصول ليكم جميعا والشكر بالأخص للمهندس ***علي جهده ودعمه وتواصله الدائم ، ربنا يبارك فيكم كلكم ويكتب لينا الخير جميعا

 

طيارتنا بعد يومين من jfk مباشرة علي إسطنبول دعواتكم لينا بالخير وللبيبي بالسلامة 🌹🌹

 

TEXAS

Dallas -Texas

ديسمبر 2018

الطبيب

المستشفي

مسافر من

Dr. Laura Arnold

Texas Health Group

مصر

 تجربتنا للولادة في دالاس فورت وورث/تكساس أكتوبر 2018

 

اختيار الولاية:
اختيار فورت وورث تحديداً عشان لينا معارف هناك، ومراتي كانت هتسافر لوحدها في الأول ففكرنا إنه الأفضل إنها تكون جنبهم للإطمئنان
. 

السفر:
زوجتي سافرت في الأسبوع الـ ٣٠ على الخطوط القطرية إلى مطار دالاس فورت وورث. محدش سألها على حاجة في المطار غير هتقعدي قد ايه/جاية ليه/ وختمولها ٦ شهور.

 المستشفى:

دورناكتير على مستشفيات، ولقينا إنه أنسب واحدة هيستشفيات Texas Health Group ودول أكتر من مستشفى متفرقين في شمال تكساس، و في اعتقادي إن كلهم نفس النظام والمبلغ. الباكج (Prepaid Package) للولادة الطبيعي مع يومين في المستشفى كان ب ٤٢٠٠ دولار. والولادة القيصري مع ٣-٤ أيام في المستشفى كان ب ٥٨٠٠ دولار. اليوم الزيادة ب ٥٠٠ دولار. دي الأسعار المخفضة بنسبة ٤٥٪؜ للدفع الكاش قبل ميعاد الولادة. وممكن تدفعوا الباكج الطبيعي ولو حصل وولدت قيصري بتدفع الفرق بعد الولادة (١٦٠٠ دولار).

 دكتورة النساءوالتوليد:

اخترنا دكتورة اسمها لورا أرنولد Laura Arnold بناء على تقييمات الناس في جوجل ومواقع تقييم الدكاترة. وفعلاً تجربتنا معاها كانت أكتر من ممتازة. دكتورة شاطرة وهادية وودودة جداً. الباكج بتاعة الدكتورة كانت ٣٠٠٠ دولار للطبيعي و ٣٣٠٠ دولار للقيصري. الزيارة الأولى كانت ب ٢٨٠ دولار برة الباكج، وعملنا ٢ سونار قبل الولادة واحد كان بـ ٢٦٦ دولار والتاني الدكتورة عملتهولنا ببلاش.

 التحاليل:

لحد الأسبوع ال ٢٩ كنا عاملين كل التحاليل الخاصة بالحمل وسونار قريب. وزوجتي كانت خدت حقنة ال RH في الأسبوع ال ٢٨ قبل السفر. مطلبوش مننا تحاليل تاني في الأول. في الآخر عملوا صورة دم كاملة CBC كان ب ١٠٧ دولار.

 الولادة:

الخطة في الأول كانت طبيعي بس قلبت للقيصري عشان اتاخرنا مرضيناش نستنى أكتر. الولادة كانت ٤ عصراً والدكتورة كانت لسة مخلصة oncall بس استنت مخصوص عشان تكمل معانا. ربنا رزقنا بولد الحمدلله.

التخدير:
الباكج دفعناها قبل الولادة برضه كانت ب ٨٥٠ دولار للطبيعي أوالقيصري.

الإقامة في المستشفى:

المستشفى نضيفة جداً والتمريض متعاون وكويس جداً. ممكن لحد اتنين مرافقين مع الأم، واحد بينام على كنبة بتتفرد والتاني علىrecliner. عملنا اختبار السمع Audiometry مرتين (فيه احتماليةإن أول مرة ١٠٪؜ من الأطفال يكون القياس عندهم مش واضح فبيعيدوه بعدها). وعملوا ال screening بتاع القلب. ووقت الولادة إدوا تطعيم فيروس-بي Hepatitis B، وحقنة فيتامين K، وقطرات في العين Eryhtomycin. وللأم حقنة ال RH بعد الولادة. الكلام ده كله كان تبع الباكج مدفعناش فيه حاجة. بعد الولادة اخترنا إننا نعمل تحاليل Newborn Screening ودول عبارة عن تحليلين دم من كعب البيبي عشان يكشفوا على مجموعة من الأمراض الخلقية. ده المفروض اجباري من الولاية إلا لو انت رافض لأسباب دينية. واحد بيتعمل عند يوم او اتنين. والتاني بيتعمل من ٧-١٤ يوم بعد الخروج. النتائج بتتبعت لطبيبة الأطفال. نتيجة الأول بتطلع في خلال أسبوع، والتاني بعد ٤ أسابيع وممكن تتابعهم في التليفون وتطلب النتيجة تتبعتلك فاكس. اللي اتعمل في المستشفى مدفعناش حاجة، والتاني كان ب ١٢٣ دولار.

طبيبة الأطفال:
اخترنا دكتورة من المتعاقدين مع نفس المستشفى وقريبة من المكان برضه. وكانت بتعدي كل يوم بعد الولادة في ال ٣ أيام. وده كان بحوالي ٣١٠ دولار
.

شهادة الميلاد:
الموظفة جاتلنا بعد الولادة بيوم (في الويك إند). ملينا الفورم واديتهالها وقالتلنا هتعمل
submission يوم الإتنين. كانت متعاونة جداً وكلمتها بعد الخروج اتأكدت إنها عملت submission. وقالتلنا إن الموضوع بياخد حوالي أسبوع وبتروح تستلمها من مكتب ال vital statistics التابع للمقاطعة county. ده لازم، لإنه في تكساس في ال Full Form ودي بتستلمها من مكتب المقاطعة ودي اللي تنفع للباسبور. النوع التاني Abstract Form لو رحت مكاتب خارج المقاطعة ودي متنفعش للباسبور. كنت بكلم المكتب كل يوم اتأكد الإسم وصل ولا لسة. يوم الخميس قالي موجود تقدر تيجي تستلمها. تقدر تطلع لحد ١٠ شهادات ميلاد، الواحدة ب ٢٣ دولار

الجوازات:
بعد استلام شهادة الميلاد تقدر تحجز موعد من موقع الجوازات. المواعيد في الغالب متاحة تاني يوم والمكتب في دالاس. حجزنا موعد الجمعة ٩:٣٠ صباحاً. تذكرة العودة كانت بعد أسبوع ومرضناش نغيرها ولا نعمل حجز فيك. رحنا الأب والأم والطفل ومسموح بمرافقين بس مش بيدخلوا معاكوا ع الشباك. مضينا الورق وطلبنا الباسبورت بوك الكبير والكارد ودفعنا فلوس ال
expedited service
كان كله ١٩٠ دولار. وقالولنا تعالوا استلموه يوم التلات ١:٣٠ ظهراً. الفورم وخطوات الجوازات مشروحة ع الموقع بتفصيل دقيق. واستلمنا الباسبور يوم التلات الحمدلله.

التوثيق:
في حالتي حسب الموقع مكنش مطلوب توثيق. بس قلت احتياطي أوثق شهادة من القنصلية المصرية في هيوستن. بتبعت صور باسبور الساري للأب والأم، وصور بطاقات الرقم القومي السارية للأب والأم، وصورة من شهادة الزواج، وشهادة أو شهادات الميلاد المطلوب توثيقها، و Money Order باسم القنصلية ب ٢٥ دولار للشهادة الواحدة. لو انت في هيوستن أو هتروح بتخلصها في نفس اليوم. لو مش كده ممكن تبعتها بالبريد (يفضل ب tracking زي فيديكس أو UPS) وبتدفع تمن الرايح وبتبعت مع الورق مظروف مدفوع التمن للراجع على عنوانك. وتكلم القنصلية لما الورق يوصل تستعجلهم (منفعش الإستعجال في حالتي برضه واضطريت امشي قبل ما الشهادة توصل) مع إني كنت عامل أسرع shipping option رايح وراجع.

 

 Social Security Number:
طلبناه واحنا بنملى فورم شهادة الميلاد. واتبعت بالبريد ع البيت في ٩ يوم عمل بعد الولادة.

 نصايح عامة:
اقري الموقع كويس جداً، في اجابات على معظم الأسئلة اللي ممكن تقابلك.

دالاس/فورت وورث ممكن تكون مش أحسن مدينة في الخروجات والفسح. بس من تجربتي كانوا متعاونين جداً في المستشفى والورق خلص بسرعة بفضل الله.

خليك حريص إنك تدفع كل ال bills علطول ودايماً تطلب وتحتفظ بـ Zero Bill, Itemized Bill, Receipt لكل حاجة بتدفعها.

بلاش الكدب دايماً في أي موقف بالذات مع موظفين الجوازات.

شكرا باشمهندس**** على تعبك ومجهودك في الجروب..

 

Houston -Texas

نوفمبر 2018

الطبيب

المستشفي

مسافر من

Dr. Christie Obukofe

St. Joseph medical Center

السعودية

 

اولا المدينه اسمها هيوستن في تكساس و فيها مطار دولي اسمه جورج بوش

الدكتوره اللي حجزنا معاها قبل ما نسافر من السعوديه دكتوره اسمها كريستين ابوكوفي فوق الممتازه صراحه

المستشفى برضو اسمها st joseph في هيوستن برضو و ممتازه جدا كخدمه و عنايه و غرف

بالنسبه للأسعار

تذاكر الطيران طويله من السعوديه و لكن مش غاليه اوي تعتمد عالموسم و لكن نقول متوسط 6000 ريال ذهاب و عوده

الدكتوره تكاليفها 2000 دولار شامله الزيارات و شامله مره واحده الترا ساوند و غير شامله التحاليل بس التحاليل كلها حوالي 200 دولار و الدكتوره قالت طبيعي بس للأسف حاولت و لكن حجم البيبي كان كبير فولدت قيصري و ما أخدتش مننا اي زياده عالقيصري

المستشفي تكاليفها طبيعي 3000 دولار مع يومين إحنا كنا دافعين طبيعي و لكن بعد ما ولدت قيصري دفعت باقي المصاريف عشان الزيرو بيل و تكاليف القيصري 5500 دولار شامله كل شي لمده 4 أيام بس في مصاريف لدكتور الاطفال 500 دولار لمده يومين بس فعلا تستاهل لانهم كل كام ساعه عند الطفل و ساعات بيجو ياخدوه و يرجعوه بعد نص ساعه

في كمان مصاريف زياده في القيصري بتاعت طبيب التخدير او الابيدورال كمان صافيه لسه اما تيجي الفاتوره هاقولكم سعرها
كدا 8000 بس مع دكتور الاطفال
و بالنسبه للزيرو بيل بتاخده اما تدفع تكاليف المستشفي بس بدون التخدير و بدون طبيب الاطفال
التخدير ممكن فى حدود 600 دولار

المدينه كويسه جدا و رخيصه في الضرايب و في البنزين وفيها ترماي و باصات و في مول اوت ليت كبير و السوبر ماركت في كل مكان

بالنسبه السكن انا كنت ساكن عند عم مراتي بس اللي سمعته عن أسعار الشقق تبدأ من 500 دولار في الشهر

 و بالنسبه للزيرو بيل بتاخده اما تدفع تكاليف المستشفي 

  

HOUSTON-TEXAS

أكتوبر 2019

الطبيب

المستشفي

مسافر من

Dr. Isam Balat

Memorial Hermann -Texas Medical Center

السعودية

 

السلام عليكم

تجربة الولادة في مدينة هيوستن September 2019..

اول شي حاب اشكر المهندس **** على جهوده الجبارة.. حتى لو اني ما اخترت عيادة من القروب بس الموقع والقروب افادوني في كل خطوة من التجربة. الموقع موسوعة للي يفكر في الولادة بأمريكا وفيه كامل التفاصيل اللي تحتاج تعرفها من قبل السفر والتجهيزات الى العودة.

الفيزا:

خمس سنوات عن طريق القنصلية في الظهران.. 

الرحلة لهيوستن:

زوجتي سافرت مع والدها ووالدتها على طيران لفتهانزا من الدمام لهيوستن مع التوقف في فرانكفورت.. الطيران الحمدلله كويس بس خدمة الWheelchair عند الوصول حصل فيها تأخير في الرحلتين (الwheelchair لوالد زوجتي كبير سن).. لم يتم السؤال عن تقرير الحمل وزوجتي كانت حامل بالاسبوع 33..

انا سافرت بعدهم ب٣ اسابيع ودخلت بدون اي مشاكل

مطار هيوستن:

دخلوا عالمسار السريع عشان والدها دخل بwheelchair.. الاوفيسر كان معصب وما عنده اخلاق بس ما سأل الا عن سبب الزيارة والمدة والحمدلله عدت على خير.. ختم على الجواز ٣ شهور 

السكن:

عن طريق airbnb.. اخذت شقة غرفتين وصالة مع مطبخ عشان كانوا معانا اهل زوجتي.. الموقع ممتاز جدا يبعد ١٠ دقائق عن المستشفى والعيادة. امكانية المشي لاكثر من سوبرماركت وصيدلتين. مشي ٥ دقائق لمكتب شهادات الولادة. السعر كان ١٢٥$ 

خط التلفون:

من المطار اخدوا شريحة من شركة اسمها Lycamobile (انا كنت اول مرة اسمع فيها بصراحة مع اني عشت هناك فترة).. المبلغ ١٩$ في الشهر unlimited والاسعار للمكالمات الدولية يعتبر ممتاز (ممكن تدخل على الموقع وتشوف الباقات وتطلبها اونلاين).. 

العيادة والمستشفى:

بعد بحث عن المستشفيات والعيادات تم اختيار عيادة الدكتور عصام بلاط لكن مع الدكتور لؤي زيد لعدم توفر وقت عند الدكتور عصام (الاثنين تقاييمهم ممتازة).. العيادة تولد ب٣ مستشفيات وكلها ممتازة بس وحدة منهم سعرها مرتفع مقارنة بالباقي. تم اختيار مستشفى:

 Memorial Hermann -Texas Medical Center

المستشفى كبير وفيه كامل الخدمات حتى في حالات الطوارئ لا قدر الله. تجربتنا كانت افضل من رائعة:

١. التمريض: ١٠/١٠

٢. الغرف: ١٠/١٠

٣. التخدير: ١٠/١٠ (المستشفى متعاقد مع عيادة خارجية)

٤. دكتور الولادة: ١٠/١٠

٥. طبيب الاطفال: ١٠/١٠

الطفل بيكون مع والدته في نفس الغرفة ٢٤ ساعة ما باخدوه الا للتحاليل مدة ربع ساعة ويرجعوه

 

الولادة كانت طبيعية بعد الطلق الصناعي (الطلق صناعي مشمول في الباكدج). التطهير شامل الباكدج تبع المستشفى ولكن بسبب اختيارنا الدكتور لؤي دفعنا ٢٠٠ دولار زيادة.

تكاليف الولادة:

١. دكتور الولادة: ٢٨٠٠$ للطبيعي و٣٣٠٠$ للقيصري شاملة المتابعة قبل الولادة و١ التراساوند وزيارتين متابعة بعد الولادة (الالتراساوند ٢٠٠$ لكل مرة زيادة)

٢. المستشفيات:

Mnemorial Hermann : ٣٣٥٩$ للطبيعي مع ٣ ايام والقيصري ٦٨١٧$ مع ٥ ايام

Women’s Hospital

٣. طبيب الاطفال: ٥٦٩$ شامل يوم الولادة والمراجعة بعد اسبوع

٤. التخدير: ١٠٠٠$ (لم يتم الدفع حتى الآن)

الاوراق الرسمية:

١. شهادة الميلاد بعد اسبوع رحت وكانت جاهزة

٢. اخذت موعد للجواز وبطاقة السفر مستعجل من الموقع وخلال يومين عمل جهز الجواز (١٩٠$ شاملة ٦٠$ للطلب المستعجل)

٣. السوشل سيكيورتي وصلنا بالبريد بعد اسبوعين بالضبط من التقديم

٤. تذكرة المرور للسعودية تم استلامها بعد يوم من تقديم الطلب اونلاين

٥. الitemized bill مع الzero balance من عيادة طبيب الولادة استلمتها يوم المراجعة

٦. الitemized bill من المستشفى تعبت عشان احصلها وللاسف رجعت بدونها لكن اخذت ورقة الzero balance

مشاكل فواتير المستشفى:

للاسف موضوع الفواتير اللي المفروض يكون اسهل شي كان متعب جدا.. كنت احاول اني اخذ الفواتير على طول بس الفاتورة يطلع فيها ان علينا مبالغ كأني بدون باكدج وما تتعدل على مبلغ الباكدج الا بعد شهر على كلامهم.. دي النقطة اخذت مني وقت الى ان زرت مكتبهم الرئيسي وطلبت ورقة الzero balance عشان اثبت اني دفعت كامل المبالغ اللي علي وتم استلامها بعد يومين.

 

فاتورة التخدير لم يتم دفعها الى الان.. تم التواصل مع عيادة التخدير (من خارج المستشفى) عشان ادفع قبل ما امشي.. قالوا اذا جهزت رح نكلمك وتدفع بالتلفون والى اليوم لم يتم التواصل معي

خلاصة تجربة الولادة انها كانت بشكل عام ممتازة جدا ما عدا نقطة استلام الفواتير.. 

رحلة العودة:

تم اضافة الطفل للتذكرة ب٣٠٢$ 

الدرجة premium economy فممكن لو كانت economy بتصير ارخص

الطيران في الرحلة ممتاز لكن التواصل مع الطيران لأخد معلومات متعب شوي.. كل ما تكلم شخص يعطيك معلومة مختلفة

تم شحن شنطة ٢٣ كيلو بالاضافة للكارسيت وتم حمل السترولر مع الdiaper bag للطيارة.

أسأل الله التوفيق للجميع

 

 

VIRGINIA

 

Virginia

مارس 2019

الطبيب

المستشفي

مسافر من

Dr. Jorge Ramallo

CNM: Katya Simon

INOVA Fairfax Women Hospital

قطر

 

السلام عليكم ورحمة الله وبركاته

هحاول اختصر تجربتنا للولادة في امريكا – ولاية ڤيرچينيا

الدكتور: جورج رامالو / القابلة: كاتيا سايمون

 

بالنسبة للڤيزا مالناش تجربة خاصة، زوجي كان معاه الڤيزا قبل زواجنا وانا لما اتجوزنا قدمت عليها وكنا لسه في بداية الزواج مكانش فيه نية خالص للولادة ومش فاكره الحقيقة اني اتسالت بخصوص الحمل لاني قولتلها لسه متجوزين من شهر وجوزي معاه الڤيزا ووقتها اخدت باسبوره وشافت الڤيزا و قالتلي استلم باسبوري بعد اسبوع

 

الرحلة من الدوحة الى مطار واشنطن دالاس

طلعنا من الدوحة الاسبوع ٣٤، حاولت اجيب تقرير MEDIF وامشي بشكل قانوني من البداية ولكن محدش وافق يملالي الفورم ف اخدت تقرير بعدد اسابيع اقل وكنت لابسه واسع ومكنش باين عليا  لانه وقتها كان برد اخر شهر فبراير كنت حاطه شال على كتفي..

مطار حمد عدينا كاونتر القطرية من غير م يسالونا عن الحمل طلبوا رقم حد لينا في امريكا وحد لينا في قطر، عدينا وعدينا الجوازات وكان فيه عند بوابة الطيارة نقطة تفتيش تاني للرحلة اللي طالعة امريكا، اللي لابس شال او چاكيت بيقلعه وجت وحده فتشتني وعدينا الحمدلله ..

الرحلة طويلة بس الطيارة كانت فاضية، اخر ساعتين فقط حسيت ببعض الاجهاد، الاكل ع القطرية بالنسبالي مكنش حلو اوي وكنت افضل لو خدت معايا سندوتش او سناك زياده

مطار واشنطن، سالنا الاوفيسر جايين ليه و  ختملنا ٦ شهور

كنا حاجزين في اكستندد ستاي اسبوع لحد ما نشوف الوضع

 Extended Stay America -Washington DC-Falls Church-Merrifield

موقعه ورا المستشفى على طول (INOVA Fairfax Women Hospital)، مشي يادوب ١٠ دقايق

وصلنا المكان، الى حد ما معقول، نضيف والهاوسكيبنغ كل اسبوع مره ولو حابب تزود بتدفع ١٠ دولار على كل مره

فيه فطار بسيط من ٦:٣٠ ل ٩:٣٠  كوفي و جرانولا وشوفان وهوت تشوكليت وشاي ومافن  فيه غرفة للغسيل الغسلة ب ٢ دولار والتنشيف ب ٢ دولار وبتجيب المسحوق معاك

تقدر تشتري اون لاين وال front desk يستقبل الشحنة وتستلمها وقت ما تبقى موجود ف الفندق

على بعد نص ميل فيه سوبرماركت Aldi (ALDI, Arlington Boulevard, Falls Church, VA, USA)

ارخص وانضف سوبرماركت شوفناه في المنطقة تقدر تشتري منه الحاجات الاساسية (بيض، حليب، سلمون، جمبري، خبز، جبنه، خضار وفاكهة)

في نفس المكان فيه CVS وپاپاچونز

فيه معلومه عرفناها من الناس اللي هناك انك لو عايز بيتزا بالخضار لازم تاكد عليه (clean cut) يعني ما يستخدمش السكينة اللي قطع بيها لحوم وهما بيحترموا ده وهتلاقيه بيشرحلك عقم السكينة ازاي 😅

على بعد 1.2 ميل فيه Hmart

(H Mart Falls Church, Lee Highway, Falls Church, VA, USA)

وده فيه فراخ ولحمة حلال وتوابلنا العربية وحاجات كتير من اللي موجودة عندنا من المعلبات وبرضه اسعاره معقولة

جنبه على طول فيه مطعم اسمه روشه لبناني اكله جميل جدا واسعاره معقولة

وجنب المطعم فيه مصور تقدر تصور عنده البيبي ب ١٦ دولار

قدامهم على الناحية التانية فيه تارجت ومنطقة حيوية فيها كافيهات ومطاعم لطيفة وممكن الواحد يقضي فيها وقت حلو

روحنا عيادة الدكتور بعد وصولنا بكم يوم مع حد من الزملاء هنا في الجروب وزوجته ( والمصادفة العجيبة ان العيادة بينها وبين الاكستندد ستاي حوالي ربع ميل)

المبلغ كان ب ٢٥٠٠ قبل الخصم وعملولنا خصم ونزل ل ١٧٥٠ اخر حاجة مع القابلة كاتيا سايمون واتفقنا انه في حال لا قدر الله اي مشاكل وقت الولادة بيدخل الدكتور چورچ

وفي حال قيصري برضه بيبقى الدكتور موجود

في عيادة الدكتور تقدر تقسط المبلغ على عدد الزيارات اللي هتعملها بس احنا اختارنا ندفع اول جزء في اول زيارة والمتبقي في الزيارة التانية

بعدها طلعنا على المستشفى (المستشفى على بعد ميل من السكن)، اتاكدنا من مبلغ المستشفى 4600 دولار للطبيعي بعد الخصم للناس اللي جاية تولد international

كان فيه قولين من ٢ من مكتب الفايننس

الاولى قالت تقدر تقسط المبلغ بفايدة ١.٢٪

والتانية قالت لو هتقسط يبقى هتدفع المبلغ كامل مش بعد الخصم واللي هو تقريبا ١٣ الف دولار (شخصياً مقتنعة بقول التانية اكتر)

واتكلمنا مع الناس هناك علشان نعمل tour نشوف المستشفى وغرفة الولادة وكده، بتسجل اون لاين ولو الموعد متاخر تقدر تتكلم معاهم يشوفولك اقرب موعد

عدا يومين وقدر الله اني اولد قبل ما ادخل التاسع، يومها اتصلنا بكاتيا كانوا ادونا رقم للطوارىء شغال ٢٤ ساعه، اتصلنا بهم وخد تفاصيل مني عن اللي حاساه ووضعي وبعدها قالي طيب احتمال تكوني ولادة روحي المستشفى من البوابة الرئيسية لمستشفى النساء المقابلة لل green parking area .. ولو كنتي حالة ولادة هتلاقي كاتيا هتقابلك هناك

قولتله يعني ما ادخلش طوارىء؟ قالي لاء  (الطوارىء بتدفع فيها زيادة)

المهم روحنا على وصفه بالظبط، سجلوني دخول وعملولي شوية تخطيطات وجت كاتيا وقالوا ولادة

ادوني حقنة الرئة و مضاد حيوي وولدت الحمدلله بعدها ب ١٢ ساعه ولادة طبيعية

خدت حقنة الضهر مع اني كنت ناويه ما اخدهاش بس الوضع كان صعب

نمت ليلتين في المستشفى الوضع مريح جدا

الممرضات بيهتموا بالمريض بشكل جميل جدا  والمستشفى نضيفة جدا

تاني يوم جت وحده من مكتب الشهادات (موجود في الطابق الخامس) خدت الشهادة اللي مليناها ب الايد ودخلتها ع الكمبيوتر ورجعتها عشان تراجعها معانا

الشهادة ب ١٢ دولار يا اما تدفعهم كارت يا اما حاجة اسمها money check بتجيبها من 7Eleven جنب المستشفى موجود (على بعد ميل)

احنا اتاخرنا في ملىء الفورم بتاعة شهادة الميلاد ف طلعت من المستشفى متاخر يوم (طلعت من المستشفى يوم خروجي منها)

قالتلنا هتروح richmond وهتاخد من اسبوعين الى ٤ اسابيع تستلمها بال mail او ممكن تروح dmv تسحب نسخه منها وقت ما تبقى طلعت في ريتشموند لو مش عايز تستنى البريد

طلعت من المستشفى وبعد اسبوع كان عندي موعد مع كاتيا ووقتها دفعت بقية المصاريف عدوا ٩ ايام وبنحاول نتواصل مع ريتشموند عشان نعرف الشهادة طلعت ولا لاء ولكن مكنش فيه رد واضح

قولنا نجرب حظنا ونروح dmv نسال، والحمدلله كانت طلعت سحبنا ٢ الواحده ب ١٤ دولار

 تاني يوم روحنا واشنطن بتملى الفورم اون لاين زي ما مكتوب ع الموقع بالظبط وبعد كده بتطبعها وتاخد صورتين وانت والمدام والبيبي وباسبوراتكم

روحنا واشنطن passport office ع البوابة فيه طابورين

Walk in / appointment

دخلنا على ال walk in .. خدت شهادة الميلاد والفورم والصورة وشافت باسبوراتنا وشافت البيبي

مسافرين امتى؟ قولنالها بكره

دخلنا وشيكوا الفورم وكل البيانات وقالتلنا نقسم ان البيانات صحيحة وصورة البيبي صحيحة

 خلصنا وتاني يوم استلمنا الباسبور لان الحجز كنا عاملينه بعدها بيومين بالخطا

 – موقع المستشفى:

Inova Fairfax Hospital

3300 Gallows Rd, Falls Church, VA 22042, USA

+1 703-776-4001

https://goo.gl/maps/mjCBNTF1suD2

– موقع السكن

Extended Stay America – Washington D.C. – Falls Church – Merrifield

8281 Willow Oaks Corporate Dr, Fairfax, VA 22031, USA

+1 703-204-0088

https://goo.gl/maps/jvy99xWAveq

– موقع عيادة الدكتور چورچ / القابلة كاتيا سايمون

Arlington Fairfax Clinc

8303 Arlington Blvd #209, Fairfax, VA 22031, USA

+1 703-559-0271

https://goo.gl/maps/BayqsvTABH62

– موقع عيادة دكتور الاطفال للكشف بعد الخروج من المستشفى (سعر الكشف ٧٠ دولار)

Total Health Medical Center

3930 Pender Dr Suite 110, Fairfax, VA 22030, USA

+1 703-352-4194

https://goo.gl/maps/Uo2hgQLpxaS2

– موقع الـ DMV عشان تسحب الشهادة

Tysons Corner Department of Motor Vehicles

1968 Gallows Rd, Vienna, VA 22182, USA

+1 804-497-7100

https://maps.google.com?q=Tysons%20Corner%20Department%20of%20Motor%20Vehicles,%201968%20Gallows%20Rd,%20Vienna,%20VA%2022182,%20USA&ftid=0x89b64ae3bccce67f:0x605f943fdad8a589&hl=en-QA&gl=qa

– موقع المركز اللي بتسحب منه فواتير المستشفى (zero bill)

Inova – Medicredit

2990 Telestar Ct, Falls Church, VA 22042, USA

+1 571-423-5802

https://maps.google.com?q=Inova%20 %20Medicredit,%202990%20Telestar%20Ct,%20Falls%20Church,%20VA%2022042,%20USA&ftid=0x89b64b63f93bc94f:0x47cd8af041ebf0b&hl=en-QA&gl=qa

– موقع المصور

Merrifield One

Hour Photo

https://maps.google.com?ftid=0x89b64b6502b4c41b:0xf284d6a980e70163&hl=en-QA&gl=qa

– موقع الجوازات في واشنطن

Washington Passport Agency

First Floor, Sidewalk Level, 600 19th St NW, Washington, DC 20006, USA

+1 877-487-2778

https://goo.gl/maps/FEvaTTAiTXF2

للتسوق:

– تي چي ماكس/كارترز/ مارشلز

T.J. Maxx

8389 Leesburg Pike, Vienna, VA 22182, USA

+1 703-893-2420

https://maps.google.com?q=T.J.%20Maxx,%208389%20Leesburg%20Pike,%20Vienna,%20VA%2022182,%20USA&ftid=0x89b64af6bafe8f67:0x80c0a3537c7f2e4&hl=en-QA&gl=qa

– برلينغتون (ده احسن فرع لهدوم الكبار)

Burlington

11284 James Swart Cir, Fairfax, VA 22030, USA

+1 703-267-6939

https://goo.gl/maps/9zq3RhWextK2

لتغيير الجو في مكان جنب السكن فيه كوفي شوبات ومطاعم وتارغت

Angelika Film Center & Café at Mosaic

2911 District Ave Suite 200, Fairfax, VA 22031, USA

+1 571-512-3301

https://goo.gl/maps/9ZdSrSgYvcU2 

 

 

 

Virginia

سبتمبر 2019

الطبيب

المستشفي

مسافر من

Dr. Dr. Jorge Ramallo

CNM: Katya Simon

INOVA Fairfax Women Hospital

مصر

 

تجربتي في الولاده بفيرجينيا : الحمدلله ربنا رزقني بإيمليا محمد …

 بالنسبه للفيزا انا كنت معايا من قبل الجواز و بدخل امريكيا بيها من غير مشاكل بالنسبة لدخول المطار نزلت مطار دالس وكنت راكبه طياره مصر للطيران الجديده من غير ترانزيت دايركت للفيرجينا   بجد فوق الممتازه و كل الطقم اللي عليها و احسن من الترانزيت ،، ظابط الجوازات كان كويس المرة دي

 بالنسبه للدكتور انا ولدت قيصري مع جورج  رامو عيادته قدام المستشفي اسمها Inova Fairfax هو بيعمل تخفيض ٧٥٠ دولار بس بعد لما يشوف التحاليل الطبيعي بعد التخفيض ١٧٥٠ $و القيصري ٢٧٥٠ $ انا كنت عامله كل التحاليل في مصر بس ناقص ٣ تحاليل دفعت فيهم ٤٠ $بس لو حد عايز يعمل معاه كل التحاليل ب ١٥٠ $   ..

بالنسبه للمستشفي للطيبعي ٤٦٠٠ $  ليتين و القيصري ٦٥٠٠ $ ٣ ليالي بس اللي انا عرفته من المستشفي اني كنت ممكن اقعد ليلتين و ادفع ٤٦٠٠ $ …

بالنسبه لدكتوره الاطفال هي جات مرتين المستشفي عشان الصفره كانت مرتفعه شويه و مره روحتلها العياده اخدت ٢٠٥ $ بس هي المفروض زياره المستشفي ب ٩٠$ و العياده ٥٠ $ و التخدير ايه كان نوعه ١٦٢٥ $ انا اخدت spinal  مش epidural  بس كله سعره واحد ..

النصيحه اللي اقدمها اولا انت لو راسلتي المستشفي هير د عليك واحد مصري او واحده لبنايه كان قالي اسعار غير دي و اغلي كتير و لما عرف ان احنا ٣ خفض و للاسعار دي  بالنسبه للطبيعي و اخنا قولنا ليه احنا مش هنجيب دكتور الاطفال و الولاده و مراضناش انه يجبلنا اي دكاتره عو ده للطبيعي بس بالنسبه للقيصري جبلنا اسعار تانيه خالص و مرضيش ينزل فيها اغلي يمكن ٥٠٠٠ دولار غير انه بيمضك علي ورقه انه يسحب من الكريد كارت اي مبالغ تكون عليك بس فيه ناس اختارت تمضي معاه هما مخصيصين للناس بتاعه السفاره ..

 لكن  المفروض تعملي ذي ما انا عملت  تدخل علي سيت المستشفي inova.org تعملي pre- register و تكتبي اسم الدكتور الولاده  و اسم دكتور الاطفال و حتي نوع الاكل و كمان ممكن تطلبي مترجم و بيكون من غير مصاريف زياده كله علي صفحه المستشفي و تدفعلي لكاشير المستشفي فلوس الولاده و الدكتور بتدفع له قبل الولاده باسبوع و دكتوره الاطفال عند اول زياره ليها في العياده و التخدير بعد الولاده مكانهم في المستشفي عشان فيه ناس كتير متعرفش مكانهم تسأل اي حد من لابسين جاكت احمر و هيودوك

 لازم تدفعي قبل لما تمشي عشان لو اختزتي الفاتوره ممكن توصل ٣٠٠٠ $ …

بنسبه لاختبار السمع انا كتبت اقرار انه معملوش لما تدخلوا ليا بعد الولاده عشان فيه مشكله في الفاتوره بيبعتوها علي البيت و ناس جاتلهم ب ٨٠٠  و ١٠٠٠ دولا بعد ٦ شهور  و سنه ومن collection انا عاملته في عيادة بره في Leesburg ب ١٢٥$ عشان قاعده فتره لكن ممكن لما ترجع بلدك تعمليه لانه لحد ٦ شهور …

 

 و ملحوظه لو اتعمل لبيبي او انت اي تحليل اسألي علي كل فواتير  المستشفي لان انا لما روحت اسلمت الفواتير اول مره كان عليا بس فلوس الولاده ٦٥٠٠  بس مكنتش سمعت انها zero blance فاستنيت اسبوعين و روحت علي طول مبني في حته تانيه اسمه financial service  اكتشف اني عليا فاتوره ب ٤٠٠ $ و الراجل اداهالي و سكت و مقليش اني عليا حاجه فبسأله بالصدفه ليه كل الفواتير دي قالي عليك فواتتر تحاليل ليك و للبيبي ب ٤٠٠$ دي عشان كان عندها الصفره عاليه وكانوا بيقسوها كل ٦ ساعات يحلولها  عشان لو محتجه تتحط تحت الضوء و انا اتعملي تحليل عشان كان ضغطي واطي جدا و لازم اعلق محاليل و اتعملي تحليل سكر ..

 انا كنت مفروض اولد طيبعي لحدوًجالي الطلق و كل جاحه كانت ماشيه تمام و اخدت طلق صناعي بس للاسف المشيمه انفصلت ونزلت قبل البيبي بعد ٨ ساعات فكان لازم اولد في دقايق عشان جالي نزيف و بصراحه المستشفي و كل ال teams  فوق الممتاز لحقوني و لحقوا البيبي و كنت والده في ٥ دقايق بظبط لما جالي النزيف مستوي المستشفي فوق الممتاز  والتمريض انا كان كل شويه ممرضه بتجي ليا و واحده للبيبي و كانوا بيخدوها مني لما اكون عايزه انام بالساعات و جالي ممرضين من lactation team عشان ارضعها طبيعي ولولا هما مكنش حصل وانا حصل ادوني و انا خارجه شنطه فيها  formula و كيسين بابمبرز و pump و حاجات كتيره جدا حتي الشامبو بتاع البيبي و كريم الراضعه  وتخفيضات في الصيدليه و gift card ب ١٢٠$ عشان التصوير  و pacifiers  و cooler bag  بجد كانت تجربه ممتازه

 

Chicago- ILLINOIS

 

Chicago-ILLINOIS

أكتوبر 2019

الطبيب

المستشفي

مسافر من

Dr. Mona Gomaa

AMITA Alexian Brothers

الإمارات

 

الحمد لله احنا أخدنا الفيزا من دبي ، ولما دخلت الجروب هنا كان معاد الانترفيو باقي عليه أسبوعين او ٣ ومكانش عندي اَي فكرة عن الجروب وان ممكن الواحد يقدم بغرض الولادة. كنا مقدمين سياحة انا ومراتي وطفلين وأما سالت علي الجروب طلعت بقناعة انك اذا محضر حالك ومراسل دكاترة قول ولادة واذا لسة مش محضر حالك قول سياحة وده اللي انا عملته. احب اقولكم أني غيرت معاد الانترفيو ٣ مرات وكنت مقلق ان ده يأثر علي المعاملة او يسالوا عن سبب التأجيل ٣ مرات

سبب التأجيل اول مرة علشان الباسبور في معاد السفر اللي حددته لواحد من ولادي ومراتي كان هيكون اقل من ٧ شهور فأجلت شهر ونص علي مالباسبور يخلص من السفارة

تاني تأجيل الباسبورات اتأخرت فمغامرتش واجلت ٣ أسابيع كمان. طبعا كنت بحاول أقرب موعد المقابلة علشان ميبانش حمل مراتي وندخل في تعقيدات

٣ تأجيل بقي بسبب اجازة العيد والحمد لله ربنا ألهمني ان اذا الفيزا اتقبلت بيأخذوا الباسبورات وفيها ٣ او ٤   أيام عمل علي ما يوصل الباسبور وكنت حاجز اخر يوم عمل قبل اجازة العيد وحصل تغيير في الخطط وحبيت اسافر في العيد فأجلت اول يوم بعد العيد علشان اسافر 

الميزة في دبي انك بتلاقي مواعيد بسهولة بس لازم تأخذوا بالكم ان ليك عدد معين من التأجيلات تقريبا ٤ وبعد كده هيرفض الطلب أتوماتيكيا . طلب الفيزا كله مش طلب التاجيل فخذوا بالكم 

المهم ، ٤ حاجات قابلتني وحابب أنبهكم عليها:

١-موضوع الباسبورات ده وتاريخ انتهائها خدوا بالكم منه علشان طول مانا بقدم في الاستمارات مفيش اَي تحذير منه بس تخلص وتدفع وتحدد معاد يقولك بقي لازم الجواز يكون صالح ٦ شهور من معاد سفرك

تاني حاجة تأخذوا بالكم منها يوم الانترفيو مكتوب في موقع السفارة تروحوا ١٥ دقيقة قبل المعاد. روحوا بدري علي الأقل ٤٥ دقيقة علشان الطوابير.

مكتوب علي الشباك اذا وصلت لشباك السفارة ٣٠ دقيقة بعد معادك راح عليك  المعاد

انا وصلت الشباك بعد معادي ب٢٥ دقيقة فمش عارف مدي تطبيق التحذير ده

تالت حاجة الصور لازم تكون حديثة اقل من ٦ شهور

اذا قديمة ، في جهاز تصوير خدمة ذاتية بس لازم يكون معاك فكة علشان تقدر تستخدمه

 

رابع حاجة الاسم في الاستمارة. انا كنت كاتب الاسم الاول والأخير بس بالإنجليزية مكان الاسم المعطي. لازم تكتب الاسم بالكامل. دي مافيهاش مشكلة اوي بس للي مش عارف، العملية في السفارة ٤ خطوات اخرها الانترفيو. اول خطوة بيشيكوا رقم الباسبور والمعاد وتاني خطوة بيراجعوا الاستمارة واذا كان اسمك مش كامل موظف السفارة هيصححه بس هتتاخر في تاني خطوة وبالتالي وقتك علي ماتخلص العملية كلها هيطول اكتر. تالت خطوة البصمات للبالغين. العملية بتاخد وقت من ساعتين لساعتين ونص لان كل خطوة من ال٤ بالإضافة الي دخول السفارة كمان فيها طوابير. 

بالنسبة للباسبور لما طلع الجديد انا ما غيرتش رقمه في الاستمارة وهما بيغيروه في اول خطوة ومفيش داعي تغيروه بنفسكم

الانترفيو بقي كان عادي علي اننا رايحين سياحة. بدا بمراتي وسألها اذا بتشتغل وبتشتغل ايه ومرتبها كام وبعدين قالها ممكن تقعد هيا والأولاد وانا اكمل معاه. سالني بشتغل فين ومن كام سنة والراتب ورايح فين واذا في أقارب في امريكا 

وفجأة سالني مرآتك حامل مع ان مراتي مكانش باين عليها الحمل وهوا أتفاجأ لما قلتله اه. قالي دلوقتي هيا حامل ؟ قلتله اه بعد مقدمنا علي الفيزا طلعت حامل فقال طب إنتا هتولدها في امريكا؟ وقيل مارد قالي هيا امتي الولادة متوقعة فقلتله لسه اخر السنة. قالي هوا قانوني   ممكن تولد هناك بس لازم تدفع كل المصاريف وكده وكتب عنده علي السيستم وقالي خليك صريح وقولي علشان اكتب في السيستم وماتتفاجيئش لما توصل الحدود وكده وسألني هتولد فين فقلت لسه مفرمنش بس اللي جه علي بالي قلته وقلتله لسه مخططناش لكده. سالته هوا ممكن يحصل مشاكل اذا غيرت الخطة وفكرت أولد البييي هناك قالي ان هما اول مستوي للفلترة والكلمة الأخيرة لموظف الحدود ونصحني اسافر من ابوظبي علشان في مكتب تدقيق وبدل ماروح ويرجعوني لا سمح الله  بس قال اذا محضر كل حاجة ودافع وحاجز معاد مع المستشفي مش المفروض تقابلك مشاكل.  المهم قالي الفيزا أتوافق عليها والحمد لله

المطار مشيت كل حاجة تمام ومطلعش اكس بس لما دخلنا علي الاوفيسر وقلنا ولادة وقاعدين شهرين قال لازم أتأكد من السيستم ورجع و طلب منا ندخل علي غرفة التشييك. دي تقريبا الغرفة اللي الناس اللي 

بيروحوا عليها x x   بعد سكان الباسبور بيطلعلهما

المهم استنينا دورنا بعدين نده علي مراتي وسألها فين الاولاد وانتوا كنتوا قايلين هتروحوا ديزني وسياحة وكدا واحنا قلنا كده في الانترفيو فمراتي فالت تغيير في البلان واحنا قلنا برده انها حامل وممكن تولد باميركا. سالها طب انتي ولدتي ولادك فين قالتله ابوظبي قالها طب ليه عاوزة تولدي هنا قالتله رعاية طبية أفضل قالها الرعاية في الامارات كويسة بردة قالتله اه بس انا فات ٨ سنين من اخر ولادة بعدين ابتدي يسألها عن الأسعار اللي حصلتها فقالتله جوزي هوا اللي عمل الحاجات دي واذا ممكن تسأله قالها طب خلاص قاعدي انتي وخلي جوزك يجي.

رحلته سالني نفس الأسئلة تاني علشان يتأكد ان إجابتنا متوافقة بعدين سالني عن أسعار الباكيدج اللي حصلتها كام ومعايا كام

وقالي اللي معاك كاش مش كفاية قلتله في الأوراق هتلاقي البنك استيتمينت ومراسلات الدكاترة وحجز المواعيد . كان ممتعض وقالي طيب هشوف الأوراق واتفضل مكانك. شوية وندهلي تاني وسألني علي ورق التامين وكنت واخد معايا رسالة من التامين اننا مغطيين وسألني التامين ده مقبول هنا قالتله اه بس بندفع وبعدين بنطالب . حسيته ارتاح نفسيا وفك بعدها وقالي اوكي وارجع مكانك بعدين ختم ٦ شهور وقالي متستخدمش الميدكير ولا الميد كيد ولازم تجيب زيرو بيل واذا جيت تاني امريكا إنتا او مرآتك من غير الزيرو بيل مش هتدخل قالتله اكيد وقالي اتفضل

اخرج من هنا. هوا فيه مشكلة اتيديود بس احنا وقعنا مع واحد من اللي اصله اسيوي وكان في كلام علي الجروب انهم أغلس ناس فالحمد لله

السلام عليكم جميعا ، الحمد لله خلصت الإجراءات كلها ورجعنا امس علي الامارات بسلامة الله من شيكاغو. ده اخر جزء من التجربة هشاركوا معاكم واذا حد حابب أشارك الأجزاء اللي قبل كده مرة تانية ان شاء الله ابعتها تاني للإفادة . أولا كل الشكر للبشمهندس *** وأستاذ ***وأستاذ ***  وكل الناس اللي في الجروب اللي مبتتاخرش عن اَي سؤال او مساعدة وسهلوا علينا أمور كتير . وطبعا الموقع والمعلومات اللي عليه كنز فعلا ومرجع لاي حد ناوي علي الولادة بامريكا وأتمني البشمهندس محمد يزود الموقع بالتجربة بتاعتنا في شيكاغو لان للأسف ملقيتش معلومات كتير عن الولاية دي زي كاليفورنيا ونيوجيرسي او أورلاندو . انا مراتي ولدت بيشيكاغو يوم ٦/١٠ قبل معادها بشهر تقريبا بعد الدكتورة مني جمعة ما لاحظت انخفاض لحظي في نبض البيبي من وقت لوقت وفضلت الولادة المبكرة علشان نتجنب اَي مخاطر علي البيبي. المهم مراتي راحت علي مستشفي AMITA Alexian Brothers. تفاصيل المستشفي بعتها للبشمهندس. عملوا طلق صناعي ومراتي اخدت الابيدوريال والحمد لله ولدت بعد يوم من دخولها المستشفي . المستشفي ممتازة والتمريض ممتاز والعناية بالأطفال بعد الولادة كمان ممتازة. المستشفي ٣٨٠٠ طبيعي ليومين و ١٠٠٠ دولار عن اي يوم زيادة. القيصري اكتر بس الدكتورة عندها فكرة عن الجروب وعاملة باكيدج ٦٠٠٠ للطبيعي و٨٨٠٠ القيصري. شامل كل حاجة ما عدا التخدير وطبيب الأطفال . التخدير ٦٠٠ للابيدورال. التخدير فواتيره دايما بيكون فيها مشاكل بس الدكتورة بتساعد انها توصل لاتفاقية مع دكاترة التخدير. كل الفواتير طلعت واستلمت الزيرو بيل من المستشفي والدكتورة وطبيب الأطفال الا التخدير بس الكلام انها هتكون ب ٦٠٠ ان شاء الله . طبيب الأطفال اخد ١٩٥ عن زيارتين في المستشفي علشان البيبي يطلع وبعد الولادة بأسبوع . حابب اوضح ان مراتي طلعت من المستشفي بعد يومين حسب باكيدج المستشفي والبيبي طلعت في تالت يوم علشان اتحطت تحت الملاحظة علشان مولودة بدري بس ما احتاجتش حضانة الحمدلله . المستشفي اعتبرت البيبي كمان ليه يومين من ولادته رغم ان مراتي ولدت تاني يوم من دخولها المستشفي وما حسبوش عليا تكاليف تانية. شهادة الميلاد اخدت ٤ أيام عمل واستلمتها خامس يوم من احد فروع شهادات الميلاد. في خمس فروع في شيكاغو تقدر تروحلهم تستلم منهم شهادة الميلاد غير الفرع الرئيسي. الباسبور في شيكاغو علي الموقع بيقولوا لازم معاد ، مفيش خيار الووك ان. بس من الموقع بيدوك خيار انك تستعجل الباسبور وبتديهم معاد السفر وهما بيدوك مواعيد تناسب معاد السفر ده. علشان كده أفضل تحجز معاد قبل حتي ما شهادة الميلاد تطلع بفرض انها هتاخد ٧ أيام عمل. الموقع بيسمح انك تغير المعاد او تنكسلوا اذا اضطريت. المهم في ووك ان عادي بس لما بتاخد معاد بتدخل لاين اسرع غير الووك ان هتقف في صف اطول. الإجراءات زي الموقع بالظبط ومفيش اَي اختلاف. السيكيورتي نمبر المستشفي قدمت عليه ولسا مطلعش لحد ما سافرت وحصلت رقم للمتابعة وقالوا مش اقل من اسبوعين لما يطلع. حطيت عنوان أقاربنا في شيكاغو لما يوصل يبقوا يبعتوه. 

اخيرا ، شيكاغو كبيرة جدا ومساحات فلازم سيارة . من غير سيارة التنقل هيكون مكلف جدا وصعب. انا استعملت سيارة أقاربنا بعد ما تأكدنا من التامين. الدكتورة بتداوم في عيادتين فاتصل اكد عليها العيادة حسب الأقرب لمكان إقامتك. احنا رجعنا علي الاماراتية . غيرنا الحجز بالتليفون من الرقم اللي علي الموقع. أضفنا البيبي كمان وماحدش سال عن الباسبور فممكن تضيفه بالاسم فقط اول ما يتولد. تذكرة البيبي ٨٤ دولار وتغيير الحجز ليا ولمراتي اتكلف ٢٧٣ دولار. الاماراتية ممتازة من ناحية عفش البيبي. زي ما مذكور علي الموقع ليك استرولر وكارسيت وشنطة ٢٣ وبيبي باج. مش بيدققوا علي الوزن والسترولر سيبته بالكرتونة طلعت الكارسيت وحطيت فيها مكانه أغراض تانية ومحدش طلب انها تتفتح او تتوزن او تنفتش. بس طلبوا تدخل من كاونتر تاني علشان حجمها وطبعا بتتفتش من المطار بس الاماراتية مالهمش دخل بالتفتيش ده فمفيش مشاكل علي الوزن. ربنا يوفق الجميع ان شاء الله ويبارك لكم في ذرياتكم ويرجعكم بالسلامة. انا ومراتي جاهزين للرد علي اَي سؤال وهنطلع بكره من الجروب ان شاء الله لنترك المجال للآخرين للاستفادة. انا علي جروب التجارب للي عاوز اَي استفسار بعد كده.

 

 

× WhatsApp us