CALIFORNIA EXPERIENCES – 2019

 

التجربة 1-

 

انا سافرت على airfrance نزلت ترانزيت فرنسا و وصلت مطار لوس انجلوس كان زحمة شوية بس محدش اتكلم معايا خالص فى فرنسا بس قبل ما اركب الطيارة اخواتى عدو وانا قالولى اروح للكاونتر وقالتلى هتتفتشى وفية واحدة شغالة فى المطار قالتلى دة عادى وكان معايا ناس كتير وكلهم اجانب برضو بس فتشونا وعدينا فى امريكا كان الموضوع سهل قوى الحمد لله

تقريباً التفتيش دة علشان اول زيارة لامريكا بالنسبالى لكن اخواتى راحو قبل كدة مرتين او ثلاثة

وكنت حاجزة عربية من على expedia المفروض ب ٧٥٠$ طلعت بالتأمين ٢٢٠٠$ فا هشوف شركة تانية اخدت تاكسى من جنب المطار للبيت ب ١٢٠$

اجرت استوديو من على airbnb فى تاستن  صحاب البيت كويسين جداً جداً  الاستوديو ينفع لثلاث افراد كان بينى وبين دكتور هشام ٢٥ دقيقة والمستشفى ٣٥ دقيقة

الدكتور محترم جداً وكان اى وقت بتصل بيرد و لو مشغول بيرجع يكلمنى ولدت فى ريڤرسايد المستشفى حلوة جداً ونظيفة والتمريض ممتاز و فية سرير للمرافق و الغرفة كبيرة

انا كنت متفقة مع الدكتور انى هولد اول الاسبوع ٣٩ و روحت دفعت فلوس المستشفى قبلها بيومين على اساس انى هولد الاحد لانهم بقو ياخدو الفلوس قبلها لو انا مختارة اليوم اللى هولد فية وهاخد طلق صناعى بس يوم الجمعة بالليل تعبت جداً واتصلت بالدكتور قالى اطلع على المستشفى وصلت وفضلت شوية عملولى تحاليل لحد ما كان فية غرفة و دخلونى انا كان جالى الطلق من قبل ما اروح بس ادولى تانى بعدها بفترة و اخدت الابيديورال و دكتور هشام جالى وولدت فى عشر دقائق بالظبط والحمد لله الحقنة خلتنى محسش بحاجة بعد ما كنت بتعذب? كانو عايزين يعملولى تحاليل بعد الولادة علشان التحاليل اللى كنت وخداها لدكتور هشام اللى عملتها فى مصر كانت عندك فى العيادة كانو عايزين يشوفوها بس دكتور هشام قالهم هيجبهالهم وقالى مش عايزك تعمليها تانى وكمان هياهدو دم كتير من البيبى لو عملوها هو الصراحة كان بيحاول على قد ما يقدر ميدفعنيش فلوس على الفاضى انا دخلت الساعة ١ بالليل يوم الجمعة و خرجت الاحد الساعة ٧ بالليل هما موافقوش انى امشى غير لما يطمنو على تحاليل البيبى و عملت الورق بتاع الشهادة

 انا ولدت يوم ٥-١ استلمتها يوم ١٨ هى كانت طلعت يوم ١٣-١ كان فية ٣ أيام اجازة و اخدت الزيرو بالانس بتاع المستشفى بعدها باربع ايام تقريباً اخدت بتاع العيادة ودكتور الاطفال دفعت المستشفى ٢٠٠٠ و الدكتور ٢٠٠٠ والطلق تبع الباكيدچ و التخدير ٥٠٠ ودكتور الاطفال الزيارة خارج المستشفى ٨٥ و روحت بعدها مرتين كمان لانهم كانو شاكين ان عنده الصفرا  الاستشارة كانت ١٥ والمكان اللى قالولى اعمل فية التحليل كان ١٧٥ واخد ال hp ب ٤٠ فى العيادة يعنى الدكتور بالمستشفى بالتخدير ٤٥٠٠

 جبت كار سيت بس ممكن كنت اخرج من غيرة بس كانو هيمضونى على ورق ان على مسؤليتى انى اخرج من غيره بعد ما اخدت الشهادة كان يوم خميس و جوزى كان عاملى توكيل وعملت حجز طيران بيوم السبت روحت الجمعة اخدت الباسبور نفس اليوم ب ١٧٥

 

التجربة 2-

 

تجربتي بدأت بأختيار الولايه المناسبه للولاده ….سالت اصدقاء كتير …حد عرفني علي جروب توتال كير …و دخلت ساعدني في اختيار الولايه …ميعاد سفري كان بين ديسمبر و يناير فكان فلوريدا او كاليفورنيا عشان الجو ….و كان الاختيار كاليفورنيا لان لينا معارف هناك و لانها الافضل سعرا.

راسلت دكتور هشام
و دكتور امين …و اخدت سعر الباكج من الاتنين …

حجزت علي الطيران
السعودي انا و ولادي طفلين ٦سنوات الرحله بدات من الرياض ١١بالليل ساعتين الا تلت …لحد جده (اسوأ مطار في العالم)كان ترانزيت ٤ساعات مفيش كرسي واحد فاضي حتي الارض جيت اقعد علي الارض مفيهاش مكان فاضي الناس نايمه علي الارض افواج العمره فضلت كده ساعتين انا وولادي و المطار صغير جدا …طلعلي علي البوردنج ssss…انا عارفه انو اجراء روتيني عادي بس التفتيش سخيف
دخلت لموظفه خلعتني الجاكت و فتشت …و مسحت ايدي بورق و دخلتها جوه جهاز فيه كومبيوتر
تقريبا عشان لو كنت بحضر متفجرات يبان اثرها علي جلدي ?…طبعا ملاقتش غير اثار نوتيلا وشيبسي من بتوع العيال ?….و رغم شافت بطني كبيره جدا و لا سالتني عنها اصلا بس التفتيش هو اللي طوّل  ….و قبلها كمان اتفاجات انو لازم اروح اجيب شنطي بنفسي من السير و احطهم علي سير تاني مع اني حاجزه علي نذكره واحده مش رحلتين منفصلين يعني احط شنطي في الرياض استلمها في امريكا ? …

في مطار LAX…كله كان سهل ..طابورين طوااال جدا بس بيمشوا بسرعه ….الجهاز ساعدتني فيه موظفه ….

اختيار الدكتور
….كان ليه علاقه بمكان اقامتي انا كنت في لونج بيتش ففكرت في دكتور امين لانه الاقرب و انا بطبيعه الحال c.sec …لاني والده توأم من قبل c….موعدي معاه اليوم ٢٦/١٢/٢٠١٨

روحت الزياره قولتلهم عاوزه تكون مقابله بس مش زياره عشان لو ما ارتحتش ….اتكلمنا شويه و بعدها خرجت ….قالي علي طريقه للولاده بدري لو انا مستعجله زي دوا بيعمل انقباضات و مشروبات …عشان غير كده فيها مسؤليه عليه و هو مش عاوز “وجع راس”علي حد تعبيره…

و عندي موعد تاني يوم مع د.هشام ….12/27…الطريق اخد حوالي ساعه و نص او كتر لان اتلخبطنا شويه في الطريق …وصلت مليت اوراق كتير كده ….و دفعت ٢٠٠٠ دولار …..دخلت للمساعده قاست وزن ضغط كده…اوراق تاني ….عينه لتحليل….دخلت اوضه السونار استنيته حوالي نص ساعه جه اتكلم معايا شويه تمام اخد بيانات …عمل سونار …قالي زياره واحده كمان و بعدها نحجز المستشفي…و الزياره دي بعد اسبوع يعني ٣يناير …و قالي بإذن الله مش هنتاخر عن ٨ ينايل خالص …الا اذا حصلك حاجه قبلها تستدعي الولاده

يوم الزياره التانيه
كله كويس مفيش مشاكل اكدنا علي موعد ٨…زوجي مالقاش حجز غير يوم٩…رجعت غيرت تاتي مع الدكتور ليوم٩عشان زوجي يحضر

يوم ٩يناير روحت جبت جوزي من المطار و اخدته و طلعت عالمستشفي اولد …الاولاد ممنوع الدخول لقسم الولاده اصلا من اول نوفمبر لحد مارس عشان flu season فضلوا بره مع قرايبي …و لما الولاده خلصت زوجي اخدهم و رجع بيهم الفندق …..

الcheck in كان المفروض اعمل registration قبلها بيوم بس انا مشوار المستشفي بعيد فعملته وانا داخله عشان مشوار بعيد

الاقامه في المستشفي
بارك فيو ….بدات يوم الاربع الساعه ٥و نص المغرب و خرجت السبت ٥المغرب و الدكتور كان قايلي كمان ليكي لحد ١٢ بالليل بس انا كنت بردانه جدا من المستشفي و زهقت فخرجت ….. ال check out كان فيه شويه اعمال ورقيه كتير و بستلم و امضي علي ورق كتير و طبعا كان يوم اجازه و مكتب الحسابات قفل و قالولي تعالي ادفعي يوم الاتنين

في المستشفي ….بيعملوا الhearing test بس اطلبيه هو و الvaccine

حاولي تسالي عن كل حاجه مش عارفاها هتلاقي اجابات مفيده جدا سواء تخصك او تخص البيبي ……زوجي دفع يوم الاتنين قالوله تعالي خد الzero bill بكره و الريكورد هتكون جاهزه الخميس و لازم الام اللي تعمل الريكوردز

….يوم الخميس كان ميعادي اصلا مع د /هشام

روحنا المستشفي اخدنا الزيرو بل و نزلت انا عملت الريكورد بنسال عن الشهاده الميلاد بالصدفه كده قالولنا تقدروا تروحوا تاخدوها جاهزه ??و بكده تكون طلعت في ٦ايام الحمد لله

روحنا اخدناها ٥نسخ و طلعت ع دكتور هشام اعاده كشف و اخدت منه الزيرو بل …(كنت متصله من قبلها بالمساعده  تكون مجهزاها )

تاني يوم كان الجمعه ١٨يناير روحت مكتب الحوازات انا و زوجي وولادي من غير موعد سابق طبعا لاني هسافر قبل مرور اسبوعين اخدنا ورقه من شباك بره المبني و دخلنا الطابور و خلصنا كل الاجراءات و قدمنا تذكره طيران حقيقيه بيوم ٢٤يناير قالنا تعالوا خدوها يوم٢٢طلبنا يكون نفس اليوم رفض بس بالنسبالنا عادي

العوده كانت ٢٤يناير برضو الطيران السعودي و كان في كراسي فاضيه كتير عكس رحله الذهاب ١٤ساعه الي جده و في جده كان
technical stop    مش ترانزيت …يعني فضلنا في الطياره زي ما احنا الطياره بدلت طاقم الملاحه و طيرنا تاني علي الرياض ساعه و عشر دقايق و تم بحمد الله
…..

في مطار الرياض زوجي اخد البيبي علي كاوتر كده البيبي اتصور

اهم نصيحه …..اوعوا حد يسافر من غير فيزا و ياخد المبلغ كله كاش زيي ….اكبر غلطه في حياتنا ….كلللل حاجه بالفيزا حجوزات فنادق و عربيه و طيران البيبي و ديزني لاند او اي فسحه بالفيزا طبعا انا كنت بستعين بمعارفي يدفعولي و اديهم كاش …بس طبعا المره الجايه غلطه مش هتتكرر

تاني حاجه من الغلطات ….اني اخدت الفندق في انهايم  بدون اي سبب غير انها قريبه من المطاعم و الفسح و انتي بتكوني تعبانه سواء قبل او بعد الولاده و لو عايزه تتفسحي بيكون مره مش كل يوم ….فنصيحه اسكنوا جنب الدكتور او قريب منه …..كنت في مكان اسمهtravelodge….في اناهيم ٥٩دولار في اليوم …..و لقيت نفس الفندق قريب من ريفرسايد ……انا اخدته اسبوعين اما زوجي جه لاني قبلها كنت  عند قرايبي اسبوعين ….حجزت من موقع اسمه hotel و في كمان hotwireده بيعمل حاجه اسمها bundle عباره عن الطيران و الفندق و العربيه بسعر كويس

 

التجربة 3-

 

الحمد لله ربنا رزقنى بتاليا و تيا و دى تجربتى بالتفاصيل المهمه

السفر

وصلت مطار القاهرة مبكرا و ببطاقه Hsbc دخلت ال launge ليمر بعض الوقت مسموح به لكل من يحمل بطاقة  MasterCard نوعها premier او أعلى مجانا لصاحب الكارت + طفل ولشخص بدون البطاقه حوالى ٤٠٠ جنيه وارى السعر مبالغ فيه لأن المشروبات والمأكولات بسيطه جدا لا تستحق هذا المبلغ

مطار القاهره لم يسألنى أى شخص عن الحمل

و صلت مطار جده ابحث عن ال launge ولكنى وجدته لبطاقه الفرسان الفضيه والذهبيه ودرجه رجال الأعمال فقط أو بدفع حوالى ١٢٥ ريال للفرد لبست لبسي العادى لأن الحمل كده كده كان ظاهر  و لكن هذا ادى انو انطلب منى ورقه تصريح السفر اكثر من مره بمطار جده حتى طلبوها داخل الطائرة و حينها تمنيت أن يكون اللبس خافيا ولو قليلا ولكن لا بأس عدت على خير و كان مجرد إجراء روتينى

حاولت اضافه الأميال من القاهره بجده ولكن قالوا طالما انتهت الرحله لا يمكن اضافتها الا اون لاين فقلت حاولت كثير الاضافه اون لاين ولم استطيع فقال ولا انا استطيع واضطررت ان اضيف الرحله الآتيه فقط وهى جده_لوس انجليس

التفتيش

كانت تذكرتى ب ssss وكان التفتيش زائدا قليلا بمطار جدة فتوقعت بالتأكيد انو بمطار أمريكا سيكون أصعب وأصعب

السفر كان على الخطوط السعودية المسافات مناسبه بين المقاعد ولكن الأكل لم يكن مثل المتوقع او ربما لأنى لم اجرب غيره فى مثل هذه الرحله الطويله .. طاقم الطائرة الأغلب ودود ومتعاون واحد المضيفات قالتلى ربنا يكتبلك ساعة سهلة

ملئت الورقه إللى بها الطعام وكان معى بشنطه الشحن احد الحبوب ولكن نصحنى انى لا اكتب نعم ابدأ ان معى طعام كى لا اتعرض للتفتيش الدقيق وبالفعل اخترت الجميع لا

الجوازات

المطار كان به القليل جدا جدا ذهبنا إلى الماكينه ساعدتنا أحد الموظفات بالكامل فى إدخال البيانات توقعت ان آخذ × بالتأكيد ولكن لم آخذ × والعجيب فى الأمر ان والدتى أخدت × اتجهنا إلى الطابور حسب توجيه من كانت تساعدنا وكان أمامى شخص واحد فقط بطابور الجوازات

أسأله الظابط

كم مده الاقامه؟ أجبت حوالى ٤٠ يوم هتعملى أيه؟ تسوق سياحه و ولادة لم يسأل عن أى شئ  طلب البصمه ثم ختم ٦ شهور و بعدها دخلت والدتى ولم يسألها عن اى شئ

أستلام الحقائب

أخطأت بخصوص فصل الcarseat عن الframe ادى الى ضياع ال carseat ولم استلم الا الframe وهو الذى كان عليه ال label اما الcarseat بدون وكان عليا تركيبهم سويا بلغت بالتأكيد عند عدم استلامى لكنى لم احصل على رقم شكوى وبعد أن غادرت المطار تسائلت كيف سأتابع الشكوى ما لم أخذ رقمها؟؟!!

كنت انوى استخدام lyft ولكن الموبايل فصل شحن وكان يوجد mini bus اسمه shattel سعر الفرد ١٩ دولار فوجدت السعر مناسب بدلا من انتظار شحن الموبايل لمده طويله وتوقعت المغادره فورا ولكنى انتظرته ايضا حوالى ثلث ساعه ولكن مع زوجى خدعه عن الوصول للفندق وطلب ٤٥ دولار واخبره ان الاسعار تختلف وانهم ليس جميعم نفس الشركه ف لابد من الاتفاق معه احتياطى قبل مغادرة المطار

ركبنا مع شخص مسلم فى غايه الاخلاق سألته عن امكانيه الأنترنت فأعطانى الpassword بدون اى تردد و طوال الطريق يحدثنا عن الاماكن الجيده وينصحنا بأماكن للشراء وأخيرا وصلنا الفندق تقييمى الى الآن جيد ووجدت به سرير للأطفال

وجدت صحبه جميله بالفندق وهذه أكبر ميزه للفندق

تانى يوم وصولى كان موعد المقابله مع د.هشام المسافه معقوله للفندق فى عياده كورونا

تقيمي للدكتور انه حريص جدا على مصارحه الحاله بكل التفاصيل والاحتمالات للحاله

صبور ويعطى للمريض وقته فى الاستفسار والاسئله ولا يحب المجازفة ولو على إحتمال خطوره بسيطة.

مواقف غير متوقعة

خرجت فى يوم بالقرب من الفندق وطحت على بطنى ولم استطع النهوض حتى مرت عليا بنت وطلبت لى الاسعاف وصلوا تقريبا ف خلال ه دقائق تم قياس الضغط و ضربات القلب و الطمئنه على انه لا يوجد كسور ثم سؤالى اذا معى Id ام لا وعن أسمى وتاريخ ميلادى ثم طلبوا منى الذهاب معهم للمستشفى فسألتهم هل هذه الخدمه مجانيه فقالوا لا نستطيع ضمان ذلك فأخبرتهم انى اتابع مع طبيب وسأذهب له للإطمئنان على الطفل فمضيت على اقرار بعدم الرغبه فى الذهاب معهم وطلب منى الإتصال بهم مره أخرى فى حاله حدوث اى شئ.

 

قامت البنت بمساعدتى للعوده الى الفندق واتصلت ب د. هشام فور وصولى للغرفه وكان فى منتهى التعاون والسرعه فى الرد جزاه الله خيرا وحجز لى موعد بعياده ريفرسيد لعمل السونار.

بالفعل عملت السونار ولكن قالوا لى لابد من الذهاب للمستشفى وعمل monitoring لحركه البيبي لمده ٤ ساعات لأن السونار وحده لا يكفى ولكن بالفعل كان مر حوالى ٥ ساعات على الحادثه ولم احس بأعراض خطيره مثل نزيف او توقف حركه البيبي لمده طويله ف توكلت على الله واخدت القرار بعدم عمل monitoring والعوده للمنزل.

عدت للمنزل ومع الراحه احسست بتحسن الحمد لله.

السكن

السكن كان بفندق extended stay convention centre تقيمى انه مناسب جدا فى حاله سفر الزوجه بدون الزوج لقربه من المناطق الحيويه والمطاعم و محطات الاتوبيسات

عيبه الغرفه ضيقه تسع شخصين بالغين وطفل على الاكثر والنظافه مره بالاسبوع

المواصلات

فى البدايه استخدمت left للذهاب لد/هشام ووجدته مكلف جدا تكلفه الرحله حوالى ٨٠ دولار ذهاب وعوده

ففكرت فى استخدام الباصات ووجدتها مريحة و جيده جدا و تكلفه استخدامها طوال اليوم اين كانت عدد المرات ٧ دولار فقط و خطوط اخرى ٥ دولار فقط. واعتدمتها فى اغلب تنقلاتى. ويوجد إشتراك شهرى ارخص ولكن لم اشترك به.

 

مطعم حلال ٩ دقائق تمشيه من الفندق

Tanor Fresh Mediterranean Grill

1770 S Harbor Blvd #138, Anaheim, CA 92802, USA

+1 714-808-9755

https://maps.app.goo.gl/JuHvd

دة سوبر ماركت عربي اسمه farmers و فيه مطعم بردو شغالة فيه واحدة اردنية بتعمل اكل حلو جدا  واسعاره حلوة

Huntington Beach Farmers Market

15881 Gothard St, Huntington Beach, CA 92647, USA

+1 714-892-8600

https://goo.gl/maps/uzAZfRBBWhG2

جنب السوبر ماركت سوق  بيفتح سبت و حد في ساحة جامعة اسمها golden west فيه كل حاجة جديد و مستعمل اسعاره رخيصة جدا

Golden West College

15744 Goldenwest St, Huntington Beach, CA 92647, USA

+1 714-892-7711

https://goo.gl/maps/ErPozXeGg1u

The Outlets at Orange

20 City Blvd W, Orange, CA 92868, USA

+1 714-769-4001

https://maps.google.com/?cid=6687332254280152314&hl=en&gl=gb

دة اوتلت

3333 Bristol St, Costa Mesa, CA 92626, USA

https://goo.gl/maps/eLW7w9cEwg72

دة مول كبير فيه كل البراندات في كوستا ميسا

MainPlace Mall

2800 N Main St, Santa Ana, CA 92705, USA

+1 714-547-7800

https://goo.gl/maps/RF8vrUT2Gh42

المول دة كان جنب السكن بتاعنا اسعاره حلوة في سانتا انا

دة عنوان الشاطئ و يوم الثلاثاء بيبقي الشارع الرئيسي كله خيم بيتباع فيها حاجات المكان تحفة سواء  صبح او ليل

301301 Main St, Huntington Beach, CA 92648, USA

https://goo.gl/maps/HmbygwDGe862

دة اوبن بوفيه سي فود ومشاوي تحفة الفرد ب 16$

The Luxe Buffet

2008 Westminster Mall, Westminster, CA 92683, USA

+1 714-372-3988

https://goo.gl/maps/zpTyuFKNmLJ2

في محلات 99cent فيه كل حاجة بدولار و خضار و فاكهة المحل دة موجود في كل حتة تشوفوا اقرب مكام ليكم عال gps

الخط

أشتريت من AT&T تمشيه ٩ دقائق من الفندق

AT&T Store

321 W Katella Ave Space #140, Anaheim, CA 92802, USA

+1 714-343-5209

https://maps.app.goo.gl/rbxpp

اختيار الدكتور

اخترت د.هشام لانو مصري و ده هيسهلى التفاهم معاه وخاصه ف المطلحات الطبيه وشرح حالتى بالتفاصيل وهيقلل التوتر يوم الولاده انو معايا دكتور عربي..حالتى كانت تؤأم واعرف كذا حاله تؤام ولدت طبيعى طالما الطفلين الراس لتحت بس طبعا الحاله بتكون risky ف بتحتاج دكتور خبره سنين طويلة لانو ممكن يحصل اى حاجة غير متوقعة اثناء الولاده زى انو البيبي التانى يقلب راسه و ده اللى فعلا د.هشام قالهولى اثناء المتابعه انو ممكن يحصل حاجات كتير والحاله تقلب قيصري او يحتاج يقلب راس البيبي لو غير وضعه اثناء الولاده وعرض عليا اولد قيصري ف كنت متردده وقولتله هقرر الزياره الجايه

ملحوظه

الدكتور مش بيركز اوى فى الماديات ف ياريت يكون مرجعكم للشخص المسؤل او المؤسسه

يوم الولاده

تعبت فجأه قبل يوم الزياره وكلمت د.هشام وبلغنى اطلع على مستشفى بارك فيو . وصلت المستشفى اعطونى استماره طويله جدا ومن ضمنها الاسم والعنوان و بيانات كتير ف قولتلهم انا تعبانه جدا ومش مركزه ف اى بيانات ف قالولى خلاص خليها معاكى وبعدين ابقى امليها.. وهنا اتضايقت لانى مقرره المستشفى مع الدكتور من فتره كبيره و كان المفروض يبلغنى اروح المستشفى واسجل بياناتى عندهم لأن ده سبب انو العنوان اتكتب غلط و ده ادى لمشكله كبيره بعد كده

كمان قالولى هنعيدلك تحاليل انا كنت عملاها اصلا و فى نسخه عند د.هشام بس كانت هتاخد فتره لحين تترسل لهم بس الحمد لله كان معايا نسخه واعطيتهالهم واعتقد لو كنت مسجله بياناتى كان هيكون عندهم نسخه من التحاليل.

سألتهم على د.هشام هيوصل امتى واتصدمت بالرد لا دكتور هشام مش بيجى انهارده. نعم!!!

كلمت د.هشام فورا كتير جدا ماردش!!!

جات الدكتوره البديله دكتوره صغيره ف السن اعتقد ٣٥ بالكتير وانا مصدومه ومش قادره استوعب انو الدكتوره دى هى اللى هتولدى و ف حاله زى حالتى دى!! وكمان الدكتور مش بيرد وكمان دكتوره اجنبيه بتتكلم بسرعة جدا ومش قادره افهم أغلب كلامها من التوتر وكمان مصطلحات طبيه وكمان ماكنتش متابعه حالتى .. المهم حاولت اكلم د.هشام تانى اتحايل عليه يحاول يجى قالى انا بعيد عنك جدا حوالى ٤ ساعات ومش هقدر آجى واتطمنى دى دكتوره ممتازه والمساعدة بتاعتى وانا مش بختار اى حد.. المهم استسلمت للأمر الواقع وانا مرعوبه ومش عارفه لو البيبي التانى وضعه اتغير او الحاله قلبت قيصري هتعرف تتصرف ولا هيحصل ايه؟؟؟

الحمد لله الولاده عدت على خير ودى كانت تانى ولاده طبيعى لى بس اول ولاده بإستخدام الابيديورال بعد الولاده وجع جامد فى ظهرى مستمر إلى الآن عند بذل اقل مجهود لم أشعر به ف الولاده الاولى ولا اعلم هل هذا طبيعى أم لا ..

المستشفى

اخدت غرفه واسعه بسريرين والمستشفى نظيفه جدا والتمريض جيد الا القليل

 تانى يوم الولاده صباحا جاء د.هشام واطمن على حالتى وكتب الادويه المطلوبه وكتبلي على خروج وبالفعل دفعت كل الفواتير وعملت خروج وهيأت نفسي للخروج وجهزت الشنط للخروج ولكن التمريض اخبرنى بأن دكتوره الأطفال طلبت حجز الطفلتين يوم زياده للتأكد من حالتهم وانى قادره على تغذيتهم والاعتناء بهم بشكل جيد!! بلغتهم انو صعب البقاء بالمستشفى وانو والدتى هتساعدنى وانو لا داعى للبقاء ولكن لا فائده وقالولى ده أمر من الطبيبه وانى ليس لدى اختيار وانو اليوم الزياده هيكون بدون اى رسوم اضافيه

جاء اليوم التالى وتجهزت للمغادره ولكن جاءت موظفه من الحسابات تطلب منى ٢٧٠٠دولار!!!!

١٧٠٠ لبقائى ليله زياده و ١٠٠٠ للطفلتين!!!!

اتصدمت وبلغتها انو بقائنا كان اجبارى و انهم صمموا احتجاز الطفلتين بدون سبب جدى من وجه نظرى و انو بالنسبه لى انا بالفعل عملت recharge ف قالتلى خلاص انا تمام ولغت ال ١٧٠٠ دولار ولكن مصممه على ١٠٠٠ للطفلتين ف بلغتها انو فى ممرضتين اكدوا عليا انو بقاء الطفلتين بدون رسوم ولكن بلغتنى انهم مش تبع الحسابات وكلامهم لا يؤخذ به وانو كان المفروض اخد معلوماتى من الحسابات..

نزلت لمديرتها وحكيت الموقف اخبرتى ابلغ مديره القسم جينفر اتكلمت معاها وحكيت الموقف وكانت ف منتهى الرقى وقالتلى هبحث ف مين بلغك انو الاقامه يوم زياده بدون رسوم وكده مش هيكون عليكى حاجه زياده لو اتأكدت من الكلام ده.. ف طلبت منها تجهيز ال itimized bill & zero bill واخبرتها انى ساكنه بعيد وهكون موجوده قريب من هنا بعد ٤ ايام يفضل استلمها ف قالتى مفيش مشكله

 جاءت موظفه شهاده الميلاد الساعه ٥ مساءا تخبرنى انو دوامها انتهى ولابد من ملئ البيانات فى اسرع وقت ملأت البيانات وعند خانه العنوان اخبرتنى انها سوف تملأه من بياناتى المسجله بالمستشفى واستلمت منها ايصال بالبيانات وكان يجب عليا مراجعته بدقه ولكن انشغلت وقررت مراجعته فى وقت اخر وفى المنزل فوجئت بانو العنوان به خطأ ومن هنا بدأت رحله البحث عن كيفيه تصحيح هذا الخطأ..

اتصلت بها واخبرتنى انها ارسلت بياناتى بالفعل وكان يجب عليا اخبارها وانا بالمستشفى فور استلام الايصال و انه يجب الانتظار ٣ اسابيع ثم التحدث لssn واخبارهم بتصحيح الخطأ .. فذهبت لها ف اليوم التالى واخبرتها لا يمكنى الانتظار ٣ اسابيع ف قالت لى سأقدم لكى خدمه وارسل بياناتك من اول وجديد بالعنوان الصحيح لمكان ال birth certificate وبفعل ارسلت لهم واستلمت شهاده الميلاد بعد ٦ ايام من تاريخ التصحيح و ال ssn بعد ٣ اسابيع من تاريخ التصحيح

الخروج من المستشفى

حدث مشكله ببرنامج ليفت و اوبر ف أستعنت بأحمد شاب مصري يعمل ب lyft من الجروب للخروج من المستشفى إلى الفندق  والحقيقة كان فى قمه الأخلاق والزوق لما حكيتله على المشكله اللى حصلت صمم يروح يتكلم معاها ويساعدنى فى تصحيح العنوان من المستشفى لأن الموظفه كانت متشدده جدا ولكنه حاول بأسلوبه يقنعها تساعدنى وكمان بعد لما كانت بتقول شهاده الميلاد مش هتطلع قبل  ٣ اسابيع قالتلى كلمينى الاسبوع الجاى وهبلغك لو كانت طلعت ومشيت من عندها وانا راضيه وسعيده جدا

 تطعيم الطفلتين

فى المستشفى طلبت تطعيم الطفلتين ولكنهم اخبرونى انه لايؤخذ بالمستشفى ويؤخذ عند الطبيبه بالعياده ضمن الباكيدج دون اى رسوم..

ذهبت العياده  وتفاجأت بمبلغ ٩٣ دولار للطفل الواحد  اى ١٨٦ للطفلتين كشف وتطعيم!!! وكان الخطأ هو الخروج من المستشفى دون التطعيم لانى حاولت مع المستشفى بعد ذلك ولكن بالتأكيد دون فائده لأن الاطفال خرجت بالفعل.

تأجير السياره

عند وصول زوجى بالمطار كانت اسئله الجوازات عاديه واتختم ليه ٦ شهور و ذهب لاستلام الحقائب ف اوقفته موظفه وسألته جاى ليه فقال زوجتى ولدت هنا ف سألته عن التكلفه اخبرها حوالى ٦ آلاف دولار فقالت ده مبلغ قليل جدا و المفروض تكون ٢٠ او ٣٠ الف ف روح اتأكد من المستشفى واتاكد من دفع جميع الفواتير  ولو اكتشفنا انو فى اى فلوس عليك او مش دافع الفلوس كامله هتتمنع من دخول امريكا وانت داخل المره الجايه

أجرنا بشركه enterprise وبها موظف مصري محترم جدا ولانو اعطانا أفضل سعر والتأمين كان شامل وعلى كل شئ

استلم زوجى السياره وكان يوم ممطر جدا وليس لديه خبره جيده بالطرق وحدثت حادثه كبيره فتحت الair bag الامامى بس الحمد لله عدت على خير بدون اصابات ثم كلم الشركه وبلغوه يرجع السياره وبالفعل رجعلهم واستلم سياره جديده بدون اى رسوم اضافيه وطبعا بدون اختيارنا للتأمين كنا هندفع مبلغ خرافى لأنها كانت حادثه كبيره طبقت بابين السياره ناحيه اليمين تماما

رحله العوده

ظابط الجوازات ختم الجوازات دون اى تعليق او سؤال واحد

العوده كانت على الطيران السعودى

التذاكر تعطى عدد قطع كثيره تم شحن الstroller بالكرتونه واعطونا ٢ كيس لشحن ال carseat 2 

وضعنا حوالى ٣ كيلو وزن زائد بالأكياس مع ال carseat ..الطائره بها عدد قليل جدا والطعام أفضل من رحله الذهاب وطاقم الطائره ودود جدا ومتعاون.

شكرا جدا لكل حد ساعدنى بالجروب و شكرا جدا للأدمن جزاه الله كل خير ربنا يبارك فيه

اجمل جروب بجد اتعرفت على احلى صحبه وارقى ناس ??

أتمنى تجربتى تفيدكم و تحت امركم ف اى استفسار بس اعزونى لو اتأخرت ف الرد وادعولى بتيسير الامور وربنا يعينى على مسؤليتى الكبيره

 

التجربة 4-

 

تجربتنا كاليفورنيا

د / امين فواز

 بالنسبه للسفر كان ع الخطوط السعوديه من.                   القاهره >جده>لوس أنجلوس          بدأت احجز من شهر 12 حجز غير مدفوع

بعمل حجز و باخد رقم سداد في خلال 5 ايام و في اليوم الخامس اعمل حجز جديد و فضلت كدا و السعر كان ثابت معايا الي اول يناير بدا السعر يزيد فحجزت اخر حجز و سددت و الموضوع دا مفيد جدا لانه حافظ لي على السعر لمده شهر و خلاني اتابع العروض و اقارن براحتي بين الخطوط

و بالنسبه لاختيار الكراسي من كتر الحجز دايما كنت الاحظ ان المجموعه اللي في منتصف الطائره دايما في كراسي فاضيه و عشان ما نضايق احد او حد يضايقنا في الحركه في الطائره لان الصف 3 كراسي فبيكون لينا مخرج و الكرسي التالت له مخرج تاني بعكس الصفوف الجانبيه مخرج واحد فبتكون الحركه كتير مزعجه

و قد كان ركبنا الطائره كل الصفوف عل الجنبين فل عدا المجموعه اللي في النص معظمها بها كرسي فاضي فريحنا جدا في الرحله و أهم ما يميز الخطوط السعوديه المصلى بآخر الطائره ممكن تناموا فيه شويه

طبعا البوردينج طلع SSSS

تقريبا معظم الناس كدا و كان في جده التفتيش زياده و بيكون في زي مسحه كدا بمشيها على الشنط و الملابس و معظم المتعلقات الشخصيه

نزلنا المطار عدينا على الجهاز اللي بندخل عليه التأشيره و كله تمام

خرجنا من المطار و بدور على تاكسي للفندق اكستند انهايم  كلهم معلقين على 130$  المهم كانت نصيحه احد أعضاء الجروب ب SuperShuttle و فعلا لقينا كاونتر صغير خاص بالشركه قال لي اذا رحله خاصه 120 و اذا shared  الفرد 19

و انتظرنا 10 دقايق و ركبنا و وصلنا الفندق

بالنسبه للفندق اخدنا غرفه و كنت طالب غرفه دور علوي بعيدا عن المصعد و طلعت الغرفه الأول لوحدي اشوفها كانت أمام الشباك شجر كاتم الغرفه فغيرتها و اخدت غرفه ناصيه فكانت جيده جدا للتهويه و دخول الشمس

و الفندق متعاون جدا في موضوع تغيير الغرف و توفير أدوات مطبخ و غيره

و أفضل ما في الفندق غالبا بتكون معاك حد من الجروب و موقعه بالنسبه لدكتور امين و مستشفى انهايم و جميع الخدمات ممتاز

و الفندق مستواه جيد بالنسبه لسعره و موقعه و مناسب لشخصين فقط

عيوبه pets  و النظافه مره أسبوعيا بس ممكن تكون اكتر من  كدا اذا حبيت برسوم زياده

 كان عندنا موعد في العياده تاني يوم الوصول روحنا للدكتور اتكلمنا معاه الأول و مع السكرتير و كانوا متفاهمين جدا معانا لما عرفوا اننا تبع توتال كير عشان الفواتير و سرعه انجاز شهاده الميلاد

هو دكتور امين تحس انه مش معاك ساعات إنما ساعه الولاده كان متواجد و زارنا اليومين الليبعد الولاده عشان يطمن علينا و  بعدين روحنا بعد ماخرجنا بيومين عشان نعمل circumcision و ناخد الزيرو و بصراحه دكتور محترم جدا و متعاون جدا و صريح جدا

بالنسبه ليوم الولاده

دخلنا المستشفى الساعه 2 am بجواب من الدكتور و تم تعليق المحاليل و الطلق الصناعي و الابيديورال و الدكتور كان متابع الحاله و وصل على الساعه 2 pmو تمت الولاده طبيعي  بفضل الله

 

دكتوره التخدير اكتر من ممتازه

اسمها دكتوره فوزيه سمعان فضلت واقفه معانا طول اليوم و بعد الولاده كل شويه تجي تطمن علينا و جو مصر ان يكون حد معاك بتكون مفتقده جدا هناك إنما بصراحه هي غير انها مهنيا شاطره و زوجتي ما حست بالتخدير و لا اشتكت منه بعد الولاده كمان كانت معانا كأنها من العيله  و هونت كتير علينا و ساعدتنا في الإسراع من تقديم شهاده الميلاد و تعبئتها قبل الولاده و ترك التاريخ و الساعه حتى تمت الولاده و بعدين قدمناها في نفس اليوم

 دفعنا لدكتوره التخدير   500$ بعد الولاده  و خدنا منها الزيرو

 و بالنسبه للتمريض ممتاز لمده يومين ( دخلنا يوم الخميس الساعه الثانيه صباحا و خرجنا يوم السبت الساعه الواحده مساءا ) و كانوا بيساعدوا زوجتي في كل حاجه تحتاجها

بالنسبه للأكل بيكون للأم فقط و المرافق بيجيب الاكل اللي عاوزه  من برا عدا يوم الولاده بيكون في عشا للأم و المرافق و المشروبات متوفره دايما للأم و المرافق

 دفعت للمستشفى تاني يوم الولاده و اخدت الزيرو

  الميديكال ريكورد تاني يوم بعد  الخروج.

 itemized Bill بعد الولاده ب ٧ ايام

 بالنسبه لدكتور الأطفال مر تاني يوم الولاده لمده يومين و اخدنا التطعيم و كارت التطعيم في المستشفى

وبعد ما خرجنا روحنا العياده جنب عياده دكتور امين في نفس المبنى و قالولنا ان ال  200$ خاصه بالمتابعه في المستشفى فقط إنما العياده الزياره ب 70$ و انا كنت بحسب الزياره داخل  200$

المهم من هنا لهنا قالت ممكن نعمل تخفيض ل 45$

المهم دفعت ال 200 $و خدت الزيرو

 شهاده الميلاد روحت بعد 6 ايام عمل و طبعت 4 نسخ

 و بعدين روحت الجوازات و عملت الباسبور بس انا غلطت عملت التذكره بعد التقديم بيومين فقدمت في يوم و استلمته تاني يوم

 بالنسبه لسوبرماركت حلال و المطاعم و المولات و العياده   كنت بروح كل مكان بالباص

و استخدمت أوبر في مشاوير المستشفى و العياده بعد الولاده و السوبر ماركت و انا راجع اقصي رحله كانت 10$

 بالنسبه لمشوار الجوازات اجرت عربيه

 التكلفه الاجماليه  13000 بدون شوبنج

 الباص
كارت يومى بيكون الى الساعه 2 صباحا تركب بيه اى باص اى عدد من المرات

الباص بيجى كل 20 دقيقه تقريبا الا فى ايام الاجازات سبت و احد و عطلات رسميه بيجى كل 45 دقيقه

تأجير سيارات كاش

EZ 2 Rent a Car

519 W Chapman Ave,
Anaheim, CA 92802, USA

 714-991-5500

 

Sea food

The Luxe Buffet

2008 Westminster Mall, Westminster, CA 92683, USA

+1 714-372-3988

 

Harbor Seafood Buffet

12761 Harbor Blvd I-1, Garden Grove, CA 92840, USA

+1 714-636-3338

 

 

مطاعم

Tanor Fresh Mediterranean Grill

1770 S Harbor Blvd #138, Anaheim, CA 92802, USA

+1 714-808-9755

 

El Mahroosa Restaurant & Cafe

930 S Brookhurst St, Anaheim, CA 92804, USA

+1 714-991-9200

 

Cairo Restaurant & Cafe

10832 Katella Ave, Anaheim, CA 92804, USA

+1 714-999-8861

 

دا لحوم حلال و ماركت فى حاجات عربيه كتير

Fresh Choice Marketplace

9922 Katella Ave, Anaheim, CA 92804, USA

+1 714-539-9999

 

المستشفى

Anaheim Global Medical Center: Emergency Room

1025 S Anaheim Blvd, Anaheim, CA 92805, USA

+1 714-563-2808

 

دا د/ امين فواز

1110 W La Palma Ave, Anaheim, CA 92801, USA

 

شوبنج

The Outlets at Orange

20 City Blvd W, Orange, CA 92868, USA

+1 714-769-4001

 

Ross Dress for Less

13200 Harbor Blvd, Garden Grove, CA 92843, USA

+1 714-636-1123

Burlington

13092 Harbor Blvd, Garden Grove, CA 92843, USA

+1 714-638-8260

 

 

التجربة -5

 

السلام عليكم ورحمه الله وبركاته في البدايه بنتمنى السعاده لكل اولادنا وربنا يجعلهم من الذريه الصالحة ويوفقهم وكل الشكر والتقدير للمهندس ******* وكل جروب توتال كير وأنا بكتب دلوقتى حابب ابند كل خطوه بالترتيب

أولاً بالنسبة للفيزه أنا مصرى متزوج من اماراتيه فعملنا الفيزه في ابوظبي وكان معانا طفلنا الجميل عنده 3 سنوات بس يجنن بلد 

ثانياً مكنتش مشترك ف الجروب بس كنت بشوف التجارب السابقة من علي جوجل وكنت مستفيد منها بس طبعاً يارتنى كنت مشترك كنت هستفاد اكتر انتم كلكم ناس متعاونه جداً ومش عارف اشكركم ازاى

ثالثاً اخترت طيران الإمارات لوس انجلوس ديركت والمدام خدت حقنه عشان التجلط وكده وبصراحه  

رابعا احنا كنا مسافرين اخر يناير فروحنا عند اقرب دكتور وحجزنا ف فندق وبصراحه كان سعره معقول وأحسن من السكن مع ناس وامان وكده واتصلنا بدكتور فواز وكانت ايزابيلا بتساعد ومعامله راقيه جداً قولتلهم علي موضوع الاميجراشن قالو منعرفش حاجه شوفت علي جوجل طلع ليا محامى قالى أنا محتاج تقرير طبي بموضوع الحمل قولنا لدكتور فواز عمل تقرير وملحوظة كل الناس تحتفظ بالبنك ستات منت ممكن تحتاجه ف الموضوع ده المهم عملت التمديد وانتظرت الرسيت نوت بيتكلف كله 900 دولار عند المحامى قولت بجملت مفيش مشكله

طبعاً بقينا نتابع عند د فواز وكان اوبر شايل من علينا هم المواصلات وبصراحه احسن من تأجير سياره

ملحوظه
التعامل كاش أفضل بكتير في كل شيء بس طبعاً اوبر بالفيزه

اهم شيء تحجز فندق قريب ممن كل شيء الدكتور المستشفى تارجت مول

الدكتور حدد موعد للولاده في مستشفى اناهيم مستشفى حلو مرتبه التمريض حلو كله تمام بس هنا بكى النحاس قالولى ممنوع ابنك يبات مع أمه ودى اول مره هيبات معايا لوحده سبحان الله كان احسن 3 أيام كان تمام طبعاً الولاده كانت قيصرى دفعنا كل حاجه كاش وتمام وخرجنا من المستشفى

 

قبل منخرج عملنا شهاده ميلاد للمولوده وسوشيال سيكيورتى وقالولنا أسبوعين وتستلمو شهاده الميلاد
المهم روحت قبلها ياعنى قولو سبع أيام عمل والحمد لله استلمناها وقمت حاجز موعد ف الجوازات وده كان مهم جداً جداً الموعد وصورت البابي بالتليفون وطبعتلها صوره بخلفيه بيضه وهنا كنت لايص اعمل ايه اعمل ايه قمت مكلم الأستاذ **** وحكيت كل القصه دى قالى طب ليه منضمتش للجروب وهنا اكتشفت آد ايه أنا بتعامل مع إنسان بمعنى الكلمه بقي عمال يساعدنى من اول دقيقه وحاضر ويكلم الناس ف موضوع التيكت لحد ما عمل تذكره للمدام عشان نستلم الباسبور ف نفس اليوم وعلي كده طبعاً د اس 11 النموذج وقولنلهم عيزينو 52 صفحه وستلمناه ف نفس اليوم وقعدنا 3 أيام ورجعنا الإمارات ف الرجوع مافى حدا قلنا انتم كنتم فين أصلاً والحمد لله وصلنا دبي وروحت سلمت شهاده الميلاد تتوثق من مكاتب التوثيق وكل خطوه كانت تحت إشراف توتال كير والحمد لله تم بنجاح

 

 

التجربة -6

 

كان في معلومة مستعجله اقولها عن دكتور امين فواز ومع كل التقدير والاحترام لباقي الدكاتره طبعا بس انا بتكلم عن حالتي

الدكتور دا مش (مش مركز) يا جماعة لان الكلمة دي اتقالت هنا من واقع تجارب سابقة

لأ الدكتور دا thinker وكلامه قليل

يعني من كتر المعلومات اللي في راسه لما بتسأله سؤال بيسكت وبعدين يفكر بعدين يرد

+ انه فاهم ودا بان لما دخلت المستشفى وليه هيبه والكل بيعمله حساب وبصراحة مهتم وبيراعي

انا دخلت ١٢ بالليل يوم ١١ مارس وطلعت يوم ١٣ مارس الساعة 6:30 بالليل

 انا دخلت بجواب المستشفى واول ما شافوني ودوني الغرفة وكان كل حاجة جاهزه وفي خطة هو مفهم ال staff عليها هيعملوا ايه ويمشوا ازاي ويدوني ايه وامتى 

 روحت وكان already عندي الطلق بس انا طولت وطبعا لما حبوا يزيدوا الطلق اكتر انا طلبت ال epidural

رجعوا ال nurses حسيت ان في تنشنه غريبه بسأل في ايه قالولي د امين مش عايز الحالة بتاعته تتعب او تضايق

كان في اهتمام بصراحة محدش بيعمل حاجة الا اما بيرجعوا للدكتور الاول ولما حان وقت الولاده اتصلوا عليه وكان في حوالي 5 nurses موجودين

والحاجة اللي احترمتها فيهم معرفش دي اخلاقهم ولا الدكتور ولا هما بس هي في الاول تساهيل وكرم ربنا  ان ابني نام الساعة 5م في ال stroller بتاعته في الغرفة عندي وجوزي فضل معايا وقت الولادة 5:30 م مع العلم ان دا ممنوع تواجد الاطفال (وقت الولادة) بس محدش علق.

 

التجربة 7-

 

الطيران والحمل

التجربة من Feb 27 – Mar 25/ 2019

طلعنا من مطار السعودية

دمام جدة

جدة لوس انجلس

ب مطار جدة طلع SSSS على تذكرة زوجتي

وهذا تشييك طبيعي

عملولها تفتيش زيادة اللي هو مسح اليد ب ورقة ويفحص الورقة وما جابو سيرة حامل ولا غيره والحمد لله

الطيارة كانت مريحة وكنا نايمين من التعب

بمطار LAX اول ما دخلنا كان فيه يمكن عشرين ماكينه

بتعمل عليها سكان ل الفيزا لكل العائلة  بعدين بتدخل دور لتوصل الاوفيسر

                 

السيارة

نصيحة خد اوبر من المطار ل مكان السكن وما تستأجر من المطار لانه بتكون تعب بعد طيران طويل 16 ساعة

 تم استاجار سيارة عن طريق Turo مدة شهر بقيمة ٥٥٠ دولار تامين Premium

تواصلت مع صاحب السيارة قبل الحجز وأعطاني discount لحد ما وصلنا ل ٥٥٠

استئجار السيارة كان من Mar 1- Mar 24 ومشيت ١٥٠٠ ميل خلال هذه الفترة 

خلال مدة استئجار السيارة عبيت بنزين بقيمة ٩٠ دولار تقريبا

انصح اَي احد بده يستأجر يتأكد من الاميال اللي مسموحله يمشيها ويقطعها لانه المسافات بعيدة ب كاليفورنيا

بالنسبة للرخصة كنت مصدر رخصة قيادة دولية من السعودية

طبعا اذا اسم السائق مكتوب بالانجليزي على رخصة السواقة من أي دولة بتقدر تستاجر فيها بدون لزوم الرخصة الدولية

بالنسبة لقواعد السياقة بامريكا انصح بمشاهدة هذا الفيديو

https://www.youtube.com/watch?v=cP4dKBRmRds

المواصلات من والى المطار LAX

عند الوصول طلبت اوبر من المطار واخد 110 دولار للاوتيل

العودة طلبت shuttle bus واخذ 53 دولار من الاوتيل ل المطار

انصح ب shuttle bus لانه اكبر وأوسع بالذات بالعودة لانه ممكن يكون معك شنتات اكثر من الوصول.

الوصول الى مطار LAX قبل رحلة العودة بأربع ساعات من اجل تامين مقعد ب bassinet و مساحة الأرجل بالنسبة للدرجة الاقتصادية

قبل السفر ب 24 ساعة كلمت ال call center  للخطوط السعودية وسالتهم اذا أي احد حجز المقاعد لل bassinet  واكدولي انه لغاية اللحظة ما حد حجزها وكلها فاضية       

السكن

سكنت ب Extended stay Brea طول المدة  لانه Katella and Anaheim  كانو محجوزين كليا ب شهر March

خدمة الفندق كانت مميزة جدا ..في مطبخ ..اَي وقت تطلب اَي أغراض المطبخ يعطوك ..كل يوم كنت ابدل المناشف وأغطية التخت واللحاف Free

طبعا معك room service مرة وحدة بالاسبوع فقط واذا طلبتها منهم بتدفع 10 دولار ع كل مرة

الفطور بالاوتيل عبارة عّن شاي و muffins

وجود الثلاجة مهم جدا بالغرفة، بساعدك تحط احتياجاتك ومستهلكاتك اليومية من لبن لبنه بيض جاج خضروات…

 

مكان Brea كان مميز من ناحية الخدمات

في مجمع محلات كل شي

Walmart, Burlington, Dress for less, FedEx, Carter’s   مطاعم بيتزا وسمك

المنطقة ما فيها كثير خيارات اكل حلال مثل Anaheim

نصيحة شخصية بالنسبة للسكن

–بالنسبة ل كاليفورنيا انصح الجميع بالسكن قرب Anaheim لانه منطقة حيوية وعملية وكلها عرب

–بالنسبة لمشوار الدكتور اموره سهلة، مشوار واحد بالأسبوع ، وكنت اعتبره رحلة لعند الدكتور لانه مناظر خلابة عالطريق وتغيير جو.

–السكن بفندق مع مطبخ انسب من السكن عند عائلة او AirBnB لانه بكون عندك فرصة تغيير المناشف ولحاف التخت والخدمات من طباعه و بريد متوفرة.

ملابس البيبي

حاولت اول ما استقرينا بالاوتيل انه نلف اغلب محلات الأطفال وكان اللي شفته سعره انسب شي وارخص شي Burlington

جهزت من عنده كل لبس البيبي لعمر سنه             

الأكل الحلال

الاكل الحلال جدا متوفر وجميع الأشكال والأصناف موجودة، ما بنصح اَي احد يجيب معه اكل لانه كل شي موجود.

اول موعد مع الدكتور هشام

 في البداية كنت بستخدم SKYPE لاجراء المكالمات على امريكا عندهم ٤ دولار بالشهر unlimited calls to USA وكنت استخدمه بالتواصل مع الدكتور والعيادة

قبل موعد السفر كنت متواصل مع الدكتور هشام ومآخذ منه الفحوصات اللازمة قبل السفر

الدكتور عنده ٤ عيادات، اخترت اني أراجع ب Corona

كنت متصل بالعيادة وحاجز موعد بعد وصولي ب ٣ ايّام  حتى نكون مرتاحين

بأول موعد الدكتور طلب كل السونار اللي انعمل من بداية الحمل مع كل الفحوصات اللي صارت بالدمام، كنت عاملها PDF ، طبعته وأعطيته الدكتور.

بالإضافة لذلك طلب الفحوصات المخبرية HIV, RPR, 3Hour Glucoses.

وطبعا عمل سونار بالعيادة (مش تفصيلي) وحكالنا الموعد المتوقع للولادة.

طبعا من قبل ما اسافر كلن عندي انطباع عن الدكتور هشام انه جدا محترم و برد ع الواتساب بسرعة وجدا متعاون وواضح و صريح.لما تعاملت معه تبين انه شو ما امدحه بيكون قليل بحقه، دكتور شاطر ومحترم وما بيخلي عندك سؤال الا بيجاوبك وجدا صريح وواضح الله يكرمه.

بالزيارة الاولى كنت سالته عن أعراض الولادة وكيف اعرف انه قربت الولادة بالذات لانه هذا اول بيبي فما عندي فكرة شرحلي كل شي بالتفصيل الله يكرمه وأكد انه أبقى عتواصل معه لما يصير الم الطلق لحظة بلحظة.

مستشفى الولادة

الدكتور هشام نصحنا ب Riverside طالما انه بدنا ناخد ال Epidural ومشينا ع نصيحته

المستشفى كثير نظيف وتعامل الممرضات فيه جدا راقي وعندهم اهتمام جدا رائع ومميز.

الدكتور اللي أعطى إبرة ال epidural كان الحمد لله شاطر وكانت الامور ميسرة ومسهلة

الحمد لله بعد الابرة ما كان في اَي وجع والأمور كانت هينه.

الدكتور هشام كان موجود لما أجى موعد الولادة والحمد لله هو اللي ولد وكانت طبيعي الحمد لله.

طبعا بالمستشفى بيساعدو بكل شي من إرضاع البيبي ل تغيير الفوطة وهاي الامور بتساعد بالذات لما يكون اول بيبي. تواصل الممرضات جدا راقي ومميز وبيشرحو كل شي
بالتفصيل وما بملو من الإجابة حتى لو نفس السؤال

وكمان ما بيعملو شي الا لما يستأذنوا المريض

بيجو كل فترة كانو يشيكو اذا البيبي رضع او لا

بعد الولادة ب ١٢ ساعة بيعملو حمام البيبي

غرفة الولادة واسعة فيها التخت مع sofa  للزوج

غرفة ما بعد الولادة واسعة وما في مريض تاني معك بنفس الغرفة فيها sofa  للزوج وتواليت فقط للمراة الوالدة

فحوصات الدكتور هشام

كل الفحوصات اللي كان طالبها الدكتور عملتها بالسعودية ما عدا: RPR, HIV, 3Hours Glocuse

لانه تأميني بالسعودية ما بغطيهم فقررت أعملهم بامريكا كلفوني ب امريكا ٩٩ دولار

الاستعداد للولادة

لما اقترب موعد الولادة كنّا كل يوم بنشرب قرفة و يانسون ونطلع درج الاوتيل واللي ساعد انه جنب الاوتيل في حديقة Tri-City-Park كانت جميلة جدا والمشي فيها ممتع.

كذلك قبل الولادة ب ٣ ايّام رحنا San Diego Zoo ومشينا فيها وطلعنا درج كثير بدون ما نحس لانه مستمتعين بالحديقة.

انصح اَي احد يروحها قبل الولادة منها استمتاع ومنها مشي و درج و تسهيل  الولادة باْذن الله.

يوم الطلق

اول ما بدا وجع الولادة خبرت الدكتور هشام وكان ما بين الطلقة والطلقة ساعة تقريبا

لحد ما صار الوجع ييجي كل عشر دقايق  وكانت الساعة تقريبا ١١ بالليل وقتها الدكتور خبرني انه أتحرك للمستشفى وأكد علي انه ادخل بعد الساعة ١٢ بالليل حتى يكون يوم جديد لانه المستشفى بيحاسب عال Calendar Date

والحمد لله دخلنا الساعة ١٢:٣٠ فجرا يوم  ١٢/٣ وطلعنا يوم ١٣/٣ الساعة ٥ عصرا ودفعنا ليله واحدة فقط.

بالمقابل لو دخلنا ١١:٣٠ بالليل كلن دفعنا ليلتين!      

يوم الخروج من المستشفى

يوم الخروج من المستشفى عبيت طلب شهادة الميلاد وفي خيار بالطلب انه المستشفى يمشي بال SSN وانا عملته Yes. حسب الموقع وأخذت تقرير الخروج من المستشفى

الفاتورة التفصيلية وال zero bill  بتجهز بعد أسبوع من الخروج من المستشفى، طلبت انهم يجهزو نسختين اصليات ويكلموني بس يجهزو

كمان طلبت من قسم الملفات نسخة من الملف فيه كل الإجراءات الطبية والفحوصات اللي صارت خلال الولادة.             

المعاملات

١٢/٣ يوم الولادة في Riverside

١٣/٣ تعبئة طلب تبليغ الولادة لشهادة
الميلاد مع خيار انه المستشفى يمشي بإجراء ال Social Security Number

١٦/٣ تم إصدار وارسال و وصول ال SSN للعنوان

٢١/٣ صدور شهادة الميلاد الساعة ٣:٣٠ مساء

٢٢/٣ صدور جواز السفر

٢٥/٣ السفر والعودة للسعودية

ما اخدت موعد من الجوازات ورحت Overflow Walk-In

خلال فترة الانتظار لاستلام الجواز قمت بالذهاب ل Secretary of State وصدقت شهادة الميلاد من الولاية

                 

عند العودة لاستلام جواز السفر كان الطابور جدا طويل طلبت من الضابط ان انتظر في الداخل لانه الجو بارد على الطفل و بعد ان شيك مع مديره دخلنا القاعة لاستلام الجواز

عند التقديم للجواز يعطيك الاوفيسر ورقة فيها ساعة استلام الجواز و وصل استلام الفلوس، الأفضل وجود الورقتين معكم عند العودة لاستلام الجواز

البطاقات الائتمانية

عند السفر كنت احمل ٩ آلاف دولار كاش

احمل بطاقة المسافر صادرة من بنك الإنماء فيها سعر صرف الدولار ثابت 3.75 ريال سعودي

احمل بطاقة أمريكان اكسبرس بسعر صرف دولار ثابت 3.75 ريال

بطاقة الأمريكان إكسبرس غير مقبولة ببعض الأماكن لكن فيزا المسافر مقبولة بكل مكان واستخدمتها ب اوبر و ليفت ايضا              

الاكل الحلال

١– ست مصرية – ام طارق – تعمل اكل منزلي حسب الطلب والتوصية،
وانت تستلم من بيتها ما في توصيل الاكل جدا مميز وطيب والتعامل معها جدا سهل ومريح  عندها موقع في ال menu

https://www.smore.com/r6x2h

2– fresh choice مركز تسوق
فيه كل شي حلال وأسعاره ارخص من باقي المحلات، فيه مخبز ومطعم داخله ومحل كوكتيل طيب 

في هذا المحل بتحس حالك ب وسط البلد, كله عرب

9922 Katella Ave, Anaheim, CA 92804, USA  
  

٣– سلسلة مطاعم Kimi Buffet

وهي مطاعم سمك بوفيه مفتوح الشخص ب ١٠ دولار الغداء  (١٢-٣) و ١٥ دولار العشاء موجودة بكل مكان فرع واكله جدا طيب

انصح فيه جدا لانه مقارنة بباقي الاكل لكاليفورنيا  هو افضل وارخص    

٤– مطعم desert moon اكل مشاوي أسعاره غالية شوي

888  S Brookhurst St, Anaheim, CA 92804
            

٥Halal Guys –

سلسلة مطاعم شاورما و برجر الهم افرع بكل مكان                

 

تأمين  PUBA   السعودية      

السلام عليكم..اليوم الحمد لله استلمت فلوس الولادة من التامين

تأميني بوبا NW 05 Class A

قدمت الاوراق التالية:

المستشفى Riverside California

– Zero Bill من المستشفى ٢٠٠٠ دولار

( على letter Head باسم المستشفى و  لم تكن مختومة من المستشفى)

– Itemized Bill من المستشفى ( المستشفى ما بيختم هذا الكشف)

– Admission Report من المستشفى لما دخلت ودفعت ال ٢٠٠٠ دولار  (غير مختوم)

– discharging Report من المستشفى (غير مختوم)

– zero bill من طبيب الولادة الدكتور هشام ب ٢٠٠٠ دولار مختوم من الدكتور

– وصل الاستلام من طبيب الولادة

– Account Bill من المختبر ب قيمة ٩٩ دولار فحوصات HIV RPR Glucoses

– نتائج فحوصات المختبر

– وصل استلام من المختبر

– نسخة/صورة من الإقامة والتامين

قيمة المطالبة ٤٠٩٩ دولار = ١٥٣٧١ ريال سعودي

التامين دفع ١٤٠٨٢ ريال سعودي

سقف تأميني الولادة ١٥ الف ريال سعودي

(ملحوظه) : تصادف تجديد الوثيقة من بداية العام قبل الولاده بفتره قصيرة فتم خصم المتابعات بالسعودية من تغطية العام السابق لذلك تم التعويض بهذا المبلغ فى العام الجديد.

 بالعاده يتم خصم المتابعات و التعويض بالمتبقي من السقف التأميني

Claims Reimbursement Procedures

           Claim need to be submitted to PUBA via HR Personnel with following:

           – Hard copy of Filled Medical Claim Form (Including Personal Bank Accounts IBANS) .

           – Original Full medical report by the treating Physician.

           – Original Invoices from the Hospital in detail (with breakdown of all the services).

           – Receipts for Payments.

           – Reports of all investigations done with results.

           – Prescription of Drugs/Medicines by the attending physician, if any.

           – Copy of member ship card.

           – Copy of ID / Iqama.

           – Attached Claim form.

           – Attached IBAN form.

 

 

 التجربة –8

 مساء الخير،

 انا سافرت في الاسبوع ال ٣٤   الطيران اير فرانس مع والدتي  مطار LAX

الاقامة كانت في اكستنديد ستاي انهايم المنطقة حية و سياحية و امان جدا و فكرة المطبخ في الغرفة كانت هايلة خصوصا مع الاقامة الطويلة و كنا بنشتري كل احتياجتنا من سوبر ماركت الطيبات و فريش تشويس عشان عندهم كل حاجة حلال و بالنسبة لكل حاجة تانية كان في ولمارت برضه اسعاره كويسة. كنا بنتحرك بالباص (التدكرة ٢$ للمرة او تذكرة ٥$ لليوم كله) معظم الوقت و ساعات ليفت (ارخص من اوبر) لو الوقت متاخر او المكان بعيد.

في نص المده اختي و جوزي جم فكنا محتاجين اوضه اكبر فدورت علي AirB&B ملقتش حاجة مناسبة فسئلت في اكستنديد ستاي قالوا في سويت بيكفي ٤ اشخاص و في حائط فاصل في النص عشان الخصوصية و زيادة ٢٤$ في الليلة عن الغرفة الدبل(الريت ١٠٤$) و ده كان سعر كويس اوي و انصح اي حد بالسويت ده لو ٣ او اكتر

المتابعة و الولادة كانت مع دكتور امين فواز و مستشفي انهايم جلوبال. الستاف في العيادة متعاونين جدا خصوصا ايزابيلا هي مديرة العيادة تقريبا. الاختيار كان بسبب قرب العيادة و المستشفي و الاقامة اليومين في المستشفي.

بالنسبة للمستشفي بيعملوا كلاس مجاني مرتين كل شهر عن الولادة و الرضاعة و حاجات مهمة بالنسبة لاي حد اول طفل.رحت حضرته كان هايل و مفيد جدا و بتيديه رئيسة قسم الممرضات هناك و بتجاوب علي جميع الاسئلة سواء عن المستشفي او الولادة في العموم و بيقدموا فطار و مشروبات كمان

بصراحة كنت متوقعة صعوبة اكتر من كده في التعامل مع الدكتور بعد الاراء الي سمعتها عنه بس هو في الحقيقة دكتور شاطر و كان بيجاوب علي كل الاسئلة و الاستفسارات و لما بيبقي في حاجة بيقول و مش مسطول او مش مركز زي ما ممكن يبان عليه.

قبل الولادة حصلت اعراض ولادة فكلمت العيادة و رحت و لان مكانش في حركة للبيبي من الصبح طلبوا مني اروح المستشفي و اتابع النبض ٣ ساعات  ( كشف اسمه NST)و كانت التكلفة ١٦٥$ و مش مشمولة في البكدج. الدكتور كان بيحاول ميخلينيش اروح عشان مدفعش بس موضوع حركة البيبي قلقه فقال لازم اروح.

بعد الفحص ب ٥ ايام جت اعراض ولادة تاني ده كان في الاسبوع ال ٣٧ و ده يعتبر ولادة بدري كلمت العيادة و رحتلهم و بعد الكشف الدكتور اكد انها ولادة و قال اروح المستشفي و هو هيبلغهم بكل حاجة و هيتابع معاهم و فعلا رحت كانوا مستيني و الفايل و كل حاجة موجودة عندهم.

الولادة طبيعي الحمد الله مع اني قعدت ٢٤ ساعة  كانت تاني يوم و الستاف كانوا متابعين مع الدكتور و هو جه في الاخر و جه شفني تاني يوم قبل ما اخرج. بالنسبة للولد عملوله اختبار السمع و تطعيم الHepatitis B و فيتامين K و دكتور والش جه شافه.

قسم الولادة كويس جدا في المستشفي  و التمريض اكتر من ممتاز.

حساب التخدير و دكتور الاطفال منفصل عن المشتشفي و الدكتور.

بعد الولادة ابني جاله الصفرا و لما عليت (٢١) الدكتور حولنا علي مستشفي CHOC اغلي مستشفي اطفال في كاليفورنيا  لاكن مكناش عارفين ده غير بعد ما دخلوا الولد و قالولنا عشان تبقوا عارفين الفاتورة بتاعة ٢٤ ساعة هتكون في حدود ٣٠ الف. حاولت اكلم الدكتور عشان يحولنا علي مستشفي ارخص قال كل المستشفيات زي بعض و دي احسن واحدة. مكانش في حل غير اننا نسيب الولد و لغاية دلوقتي بنتفاوض معاهم عاي الفاتورة و قلنالهم اننا مش معانا المبلغ ده.

 

في رايي عيب مستشفي انهايم جلوبال انها مفيهاش الفوتو ثيرابي لموضوع الصفرا زائد ادارة الحسابات عندهم عير متعاونين  و احيانا بيستهبلوا و لازم الواحد يئاوح معاهم عشان ياخد حقه مثال كانوا عايزين يدفعوني يوم زيادة مع اني قعدت ٤٨ ساعة لغاية م دكتور امين كلمهم و كانوا رافضين يدونا الزيرو بيل لغاية ما ورتهم صيغتها. بس التجربة في العموم مع المستشفي جيدا جيد.

 

مشينا علي الخطوات الي علي الموقع بخصوص شهادة الميلاد و الباسبور و الحمد الله كانت سهلة. بالنسبة SSN احنا قعدنا تقريبا شهر بعد الولادة بسبب الصفرا ف المفروض كان يتبعت بس موصلش في الميعاد الي قالوا عليه فروحنا المكتب اخدنا منهم الرقم و طلبنا يبعتوا تاني علي عنوان صديق لينا.

 

تاجير العربية كان من Avis و Alamo هما ارخص حاجة بس التامين اجباري و هو الي بيزود تمن التاجير (٤٠$ شامل التامين عربية toyota camry – ford escape ). بنزين ال ٣٠ يوم حوالي ٢٥٠$ بس روحنا LA ٣ مرات و سان دييجو.

 

الخطوط الفرنسية في العموم التقييم جيد جدا لكن غلسيين اوي في الشنط يعني وزنوا شنطنا الشخصية و عايزين يزودوها مع ورن الكاري اون. و لازم كل شنط ٢٣ كيلو مينفعش شنطة تعوض شنطة. الميزان الديجيتال مهم جدا من ولمارت ب ١٠$ .

 

شهادة الميلاد اخدت من ٥-٧ ايام و الزيرو بيل و itemized bill we medical records  ١٠ ايام تقريبا

 

شكر خاص جدا لاستاذ ***** علي فكرة الجروب بصراحة سهلت كتير جدا جدا علينا و مش عارفة من غير الجروب ده كنا عملنا ايه. ربنا يجازيك خير و يجعلوا في ميزان حساناتك و وقف جمبنا بصراحا و متاخرش لما لجئناله لما ابني دخل المستشفي كان جمبنا و طمنا.

 

شكر خاص لاستاذ ****** الي بسبب تجربته سهل علينا كتير و انصح اي حد رايح كاليفورنيا يقرا تجربته و يشوف ملاحظاته علي الجروب فادتنا كتير اوي و شكر عام لكل اعضاء الجروب علي مساعدكم لينا في اي سوال و ربنا يجازيكم خير جميعا و يتم تجاربكم علي خير و احنا تحت امركم في اي اسئلة

 

التجربة 9-

 

التجربه كانت مع دكتور هشام فى بارك فيو

انا كنت رايحه يوم الاثنين إللى فات زياره عادى للدكتور لقى ضغطى عالى جدا و خطى على البيبى حولنى على المستشفى و قالى عاوزه بارك فيو ولا ريفيرسيد وقالى كل واحده ولها مميزات بس طبيا الاثنين حلويين فأنا كنت فى الاول مقررة بارك فيو فقولت مغيرش وفعلا طلعت على هناك كان مدينى ورقه عشان ادخل على طول

اول ما وصلت المستشفى على الساعه ٧ بليل مليت شويه حاجات ودفعت ثمن ليله والinduction وقولت اكمل الباقى لما اطلع ودخلت على الغرفه وكان معايا مرافق على كنبه مش مريحه خالص وبدأت يقيسوا نبضات قلب البيبى و ضغطى والانقبضات عندى واخدت induction وعلى ١٢ تعبت جدا من الانقبضات بس كنت لسه مينفعش اول واخدت مسكن كان المفروض يقعد ٦ ساعات بس انا مقصرش معايا غير ٣ ساعات نمت فيهم وفى نص الوقت اخدت induction تانى التمريض بصراحه كويس جدا وكان معايا واخده كويسه جدا وصبوره لابعد درجة اسمها Erin على الساعه ٥ الصبح تعبت جدا ومكنش ينفع اخد مسكن تانى وقالولى ممكن تأخذى epidural بس لازم استنى الدكتور وبدأت المياه تنزل كلموا الدكتور هشام عشان يجى وكانوا ناويين يحولونى c-section عشان الانقبضات كانت جامده جدا و على الساعه ٦ دخلونى غرفه تانيه عشان اول بس كنت بدأت ادخل فى الولاده الطبيعى وملحقتش اخد الepidural و الدكتور دخلى ٦:٣٠ الحمد لله ٦:٣٥ كنت ولدت

بعدين اتحلوت على غرفه تانيه والحمد لله كنت لوحدى بس رفضوا اى مرافق يبات معايا بعد الولاده وطبعا ممنوع الطفل يطلع قبل ٢٤ ساعه وانا كمان كنت تحت الملاحظه ٢٤ عشان الضغط فضل عالى وكنت عامله حسابى اخرج بليل بس منفعش والدكتور قالى حتخرجى على ٦:٣٠ الصبح

طول اليوم الصراحة التمريض و دكتور الاطفال رايح جاى على الغرفه لحد تانى يوم الصبح

اتعمل ليا وللطفله check up كامل و دكتوره الاطفال دخلت اطمنت على الطفله ودكتور هشام اطمن عليا و عملت ورق شهاده الميلاد والssn ورجعتهم وانا خرجة كنت بكمل حسابى لقيت رقم كبير جدا باقى

 

خلو بالكم من كذا حاجة:

١. بارك فيو لو دخلتوا المستشفى ١١ بليل بيتحسب يوم كامل

٢. لو اعدتى يوم زياده زى حالاتى، مش اى رقم الحسابات تقولوا تدفعوه لا اسألوا على كل تفصيل لان آخر يوم مش بيتحسب يوم عشان انا مبتش فى المستشفى وبالتالى انا هناك يومين مش ثلاثه و خالوا بالكم ان فى الطبيعى ثالث يوم بيتحسب ب ١٧٥٠ دولار

٣. كانت حاسبه ان انا اخدت epidural وانا مخدتش

٤. راجعوا العنوان كويس اوى فى الssn عشان انا كانوا كاتبين غلط

 

التجربة 10-

 

السلام عليكم..

دي تجربتنا في الولادة في امريكا في شهر ابريل 2019 عاوزكم تقرؤوها وتركزوا فيها كويس علشان فيها تفاصيل حتفيدكم

في البداية كنت معتقد علشان اولد طفل ليا في امريكا كان لازم اني اكون يا تامر حسني او احمد حلمي بس بعد ما قريت في الموضوع وعرفت تفاصيله لقيت انه مش مستحيل وانه ممكن خصوصا ان المقابل كبير انك بتغير حياة الطفل دا وبتديله اقوى جنسية في الكرة الارضية وبتفتحله افاق ومجالات كتير مش حتكلم كتير عن مميزات الجنسية لانها معروفة لأغلب الناس

حقسم الموضوع بتاعي بالخطوات علشان يكون سهل عليكم

اختيار الولاية والطبيب :

طبعا كنت محتار بين الولايات والدكاترة حيرة كبيرة لغاية ما عرفت موقع توتال كير الصراحة انا اسمي الموقع دا الدليل الفعلي للولادة في امريكا ربنا يباركله مهندس *** على المجهود الجبار اللي عامله. بعد ما قريت الموقع بدأت الصورة تتضح بشكل كبير قدامي وهنا اختارنا ولاية كاليفورنيا لعدة اسباب كان منها الجو المعتدل و اماكن الفسح المتعددة وسعر الولادة المناسب وبدأت في مراسلة الدكتور قبل 3 شهور تقريبا من الولادة واختارنا د. هشام المقدم بعتله الايميل وعملنا التحاليل كلها في مصر كلفتنا تقريبا 1400 جنيه بعتهاله كلها اتأكد انها تمام طلع في تحليل كمان ناقص فعملناه قبل السفر

 

حجوزات الطيران :

حجزنا على الخطوط السعودية كان فيه عرض 40% كانت التذكرة ب 866$ طبعا اول ما لقيت العرض جريت حجزت بس بعد كده جيت اشوف لو حعدل التذكرة لقيت اني حدفع ما يقارب 2000$ ل 3 تذاكر علشان اعدلها علشان انا اشتريتها في عرض فلما تيجي تغير بيرجع بيحاسبك على سعرها الاساسي وهنا كانت المشكلة فغيرت الحجز ب 100$ تقريبا وخليته من الاسكندرية ترانزيت جدة وكان دا حل افضل بالنسبالي خصوصا ان الاولاد كانوا في مصر وقتها وبالحركة دي انا خليت التذكرة بسعرها الاساسي مش بالعرض وبقت قيمة التغيير 100$ لو حبيت امدد او اغير في المدة

 

السفر والدخول من الجوازات :

السفر كان من اسكندرية على الخطوط السعودية ترانزيت جدة.طلعلنا SSSS كل اللي عملوه في جدة انهم اخدوا مسحة من شنطة الايد شافوها وبس متسألناش على التقرير عند الكاونتر واتسألنا عليه على باب الطيارة قولتله خلاص شافوه في مصر قالي اسف لازم اشوفه بنفسي تاني وكنا في محطة الترانزيت في جدة فمهم يكون معاكم التقرير

انا سالت الراجل قولتله لو مش معانا التقرير واحنا في ترانزيت حتعملوا ايه قالي مش حنسمح بالسفر وحنرجعكم تاني

الرحلة كانت كويسة كنا حاجزيت Leg seat انصح بيها انكم تحجزوها ومتحجزوش اللي في الجنب لان المسافة صغيرة انا كنت حاجز اللي في الجنب بس بعد ما طلعنا الطيارة لقيت اللي في النص فاضية فقعدنا فيها عيبها بس ان الدراع بتاع الكرسي مش بيتحرك فمتقدرش ترفعه وتنام على الكراسي ومكناش لاقيين كراسي فاضية ننام فيها لكن المضيفات اتعاونوا معانا وجابولنا حاجات فرشناها في الارض ونمنا عليها طبعا رحلة 17 ساعة كانت مرهقة وخصوصا للمدام مهم السوائل الكتير ويكون معاكم دوا سيولة لو حسيتوا باي تنميل او حاجة لازم تاخدوه طبعا باستشارة الطبيب

وصلنا مطار لوس انجلوس LAX كان زحمة شوية

السكن والمواصلات :

السكن كان في مورينو فالي كنت ساكن في فيلا مع عائلة امريكية  والسكن يبعد عن عيادة د هشام تقريبا 10 دقايق وعن المستشفى نص ساعة مورينو فالي مكان كويس متوفر فيه كل حاجة من مطاعم وسوبرماركت وكل حاجة وجنبنا كان ريفيرسايد دي منطقة كويسة جدا فيها كل الخدمات انا كانت فكرتي انها منطقة نائية مفهاش خدمات بس لما روحت وشوفتها لقيتها منطقة راقبة وجمبلة جدا وفعليا مش حتحتاجوا تخرجوا منها علشان تجيبوا حاجة الا بس للفسح

كنت مأجر عربية من موقع Turo لمدة 42 يوم ب 900$ شامل التأمين وتجربتي كانت كويسة الحمد لله من الموقع دا ما واجهتش اي مشاكل المهم تنتبهوا لعدد الريفيوز وانه يكون فيه ناس كتير ماجرينها وقايلين كلام كويس وكمان يفضل تاخدوها ميل مفتوح انا في 45 يوم عملت 6000 ميل. كاليفورنيا الطرق فيها طويلة يفضل ميل مفتوح وطبعا بخصوص السواقة فيه شوية قوانين زي ال Car Pool ما ينفعش تمشي فيه الا وانتم انتنين او اكتر في العربية ومش كل الاشارات ينفع تلف فيها يمين او شمال لازم تنتبهوا للعلامات ومحدش هناك بيخطف اللفة لازم تستنوا لغاية ما الشارع يفضى خالص وتعدوا

للمعلومية البلد اغلب التعاملات فيها كريديت فيفضل ما تاخدوش كاش كتير انا كان معايا بس 4000$ كاش اللي هيا فلوس الولادة والباقي كله كريديت.

زيارات الدكتور :

احنا اختارنا د هشام بناءا على تقيمات الناس وانه دكتور مصري فالتواصل معاه كويس تقييمي للدكتور انه ممتاز ومتعاون جدا وجدع وبيحاول يساعد جدا قبل ما اسافر بعتله ايميل اخدت موعد في عيادة مورينو فالي لانها قريبة من البيت ولان الدكتور عنده كذا عيادة روحنا اول زيارة دفعنا 2000$ كاش ومش بيقبل الكريديت والمبلغ دا كان شامل كل زيارات الدكتور والسونار وكنا بنروحله زيارة كل اسبوع.

 

المستشفى والولادة :

الولادة كانت في مستشفى ريفيرسايد هيا مستشفى جامعي وكبيرة موجودة في منطقة ريفيرسايد الدكتور كان طلب نعمل Moحمد لله الوادة Monitoring  قبل الولادة كان ب 200$ مش شامل في الباكدج لما روحنا هناك عملناه ومدفعناش طلبت ادفع لما ادفع فلوس الولادة

كنا عاوزين نطلع نشوف الغرف بتاعة الولادة والتنويم رفضوا وقالوا لازم تحدد موعد قبلها فمشوفنهاش

يوم الولادة روحنا المستشفى الساعة 11 بالليل وعندهم الحساب بال 24 ساعة مش بالتاريخ ودي كانت ميزة بالنسبالنا اول ما وصلنا اخدوا المدام على غرفة الولادة وانا مقدرتش اطلع معاها علشان كان معانا طفل والحمد لله الولادة اتيسرت وطلعنا بعدها ب 24 ساعة والبيبي فضل في المستشفى علشان يطمنوا عليه اكتر البيبي اتولد الساعة 12 وربع فقعدوه يوم كامل ومدفعناش حاجة زيادة وحسبوها بالكالندر مش بالساعات علشان يقعد اكتر

بعد الولادة روحت المستشفى ودفعت ال 2000$ جزء كاش وجزء كريديت ومش بياخدوا اي زيادة على الكريديت واستلمنا الزيرو بيل بعدها ب 8 ايام عمل وروحنا عيادة دكتورة الاطفال دفعنالها الفلوس واخدنا الزيرو بيل وبعدها روحت لعيادة الدكتور هشام استلمت الزيرو بيل كل دا بعد اسبوع من الولادة

انهاء اجراءات الأوراق :

شهادة الميلاد روحت سالت في اليوم التاسع (ايام عمل ) في الكاونتي بتاع ريفيرسايد لقيتها طلعت طلعت 4 نسخ احتياطي خصوصا لما سالتهم ان شهادة الميلاد مش بتطلع من السفارة لازم تروحلهم واخدتها في خمس دقايق وبعدها روحت تاني يوم قدمت على الباسبور واستلمته في نفس اليوم طبعا بخصوص الباسبور لازم حجز طيران باسم الام في اليوم التاني علشان يرضوا يدخلوكم ويطلعوه في نفس اليوم انا روحت الدوازات الساعة 1:30 ومرضتش اروح بدري علشان ما انتظرش كتير والحمد لله اتسهلت واستلمته الساعة 4

 

العودة :

اتصلت بمكتب الخطوط السعودية وحجزت تذكرة للطفل وسالوني على الرقم السري اللي بيتبعت رسالة لما بتحز اول تذاكر ومكانش معايا علشان الموبيل اتمسح من عليه كل الرسائل ومكانوش راضيين يحجزوا وقعدت اتصل اكتر من مرة بيهم لغاية ما ربنا سهلها مع موظف متعاون وحجزلي التذكرة وكانت ب 147$ لما روحنا المطار روحنا متاخر وطلب ال Bassinet Seat الصراحة كانوا متعاونين جدا ولغوا بوردنج لراكب كان واخده وحطونا مكانه علشان معانا طفل والحمد لله رحلة العودة كانت ممتازة ومريحة

احب اشكر مهندس ***** على مساعدته الدايمة لينا مكانش بيتاخر علينا في اي حاجة جزاه الله كل خير وبصراحة الجروب دا خلانا نتعرف على ناس جدعة كتير حسسونا اننا اهلنا حابب اشكرهم كلها ومكنش حد بيتاخر في اي مساعدة او استفسار جزاهم الله كل خير

اتمنالكم كلكم التوفيق واي استفسار او سؤال عن اي حاجة اتشرف بمساعدتكم

 

 

التجربة –11

 

انا يوم ٤/١٣ جالي وجع ورحت للمستشفي الساعه ٥ مساءا شيكوا وعملوا تخطيط والساعه ٨ مساء قالوا  لسه روحي البيت زوجي دفع ٣٠٠ دولار في الحسابات للمستشفي وقالوا له اني اليوم لو قبل الولاده ب ٣٠٠ دولار وبعد انتهاء اليوم بيحسبوا بالساعه خلوا بالكم بس مش فكره ثمن الساعه

والساعه ٣ فجرا الوجع زاد رجعت المستشفي مره ثانيه شيكوا قالوا لا كده ولاده الرحم مفتوح ٣ سم وكلموا الدكتور امين قال كده حجز طلبت طلق صناعي للتسريع بس الدكتور مرداش وسابني طلبت ابره الظهر جالي دكتور من نيجريا بس الصراحه شاطر و التمريض كويسين الحمدالله وانا الساعه ٩ صباحا تعبت جدا وفقدت الوعي والبيبي النبض قل جدا شبه وقف بس الصراحه التمريض عملوا كل حاجه لانقاذنا انا والبيبي الحمدالله ولما فقت لقيت ٥ من التمريض لانقاذنا والساعه ٢ ظهرا جه الدكتور فواز وتمت الولاده الحمدالله وفي المستشفي شيكوا علي البيبي وعطوه له التطعيم الهباتيتز وفيتامين ك واخدنا شهاده التطعيم والتطعيم تبع المستشفي بدون اي مصاريف اضافيه

الدكتور امين فواز كويس بس انا اتعصبت منه في حاجتين اول شئ اني من وقت ما دخلت المستشفي لحد ما ولدت مجاش خالص لي

وتاني حاجه اني رفض الطلق الصناعي للتسريع الولاده وانا اللي فهمته انه مش بيحب الطلق الصناعي بس غير كده هو شاطر وده تجربه الولاده.

 

التجربة –12

 

حابب طبعا اول حاجة اشكر باشمهندس ***** على وقوفه جنبنا وانه يمشى معانا خطوة خطوة وانه فعلا عامل ويب سايت حاطط كل معلومة كبيرة او صغيرة ربنا يجازيك كل خير على اللى بتعمله ويبارك فى اولادك وصحتك وبيتك

ثانيا احب اشارك تجربتنا

احنا اخدنا الفيزا انا والمدام وبنتى فى شهر 11 من الكويت

بدأنا ندور على موضوع الولادة فى امريكا لغاية ما ربنا بعت فى طريقنا موقع توتال كير وعملنا مقارنة بين الدكاترة لغاية ما استقرينا اننا نروح لدكتور هشام المقدم فى كاليفورنيا وبعتناله ايميل ورد علينا بالتكاليف

ثالثا

حجزنا استديو عن طريق موقع اير بى ان بى فى منطقة اسمها بومونا ايتديو منظم جدا بيكفى لثلاثةاشخاص وطفلين وصاحب الاستديو شخص متعاون جدا لابعد الحدود الاستديو بيبعد عن عيادة دكتور هشام 20 دقيقة بالعربية وعن مستشفى ريفرسايد 30 دقيقة

رابعا

حجزنا على طيران القطرية كان بالنسبة لينا سعره كويس والترانزيت كان فى مطار الدوحة عشان قريب من الكويت

خامسا

السفر كان فى الاسبوع ال 34 فى مطار الكويت

وكنا واخديت تقرير من الدكتور  ومحدش سال عليه وانا طلعلى فى البوردينج ssss فى مطار الدوحة التفتيش كان زيادة شوية وعملولى مسحة من ايديا و وعايز ازود ان اكل القطرية مش كويس لازم تعملوا حسابكم فى حاجة تاكلوها عشان عدد الوجبات قليل وطعم اكل القطرية مش حلو وصلنا مطار لوس انجلوس

سادسا

كان عندنا متابعة مع دكتور هشام بعد الوصول بيومين الدكتور محترم على مستوى التعامل وكويس جدا على المستوى الطبى ودفعنا 2000 دولار من اول ما دخلنا العيادة عملنا سونار  وطمنا على البيبى وطلب انتا نعمل تحليل سكر وفصيلة دم عشان مكوناش عملينهم قبل كده ودكتور هشام طلب من الفنية اللى عنده تعملنا سونار تفصيلى

عملنا السونار التفصيلى لاقينا دكتور هشام بيكلمنا بيقول اننا لازم نروح مستشفى ريفرسايد نعمل تخطيط عشان سكر الحمل عالى والحبل السرى لافف حوالين رقبة البيبى والمياة كمان كتيرة جدا

فعلا عملنا تخطيط وطلع نبض البيبى كويس واطمنا عليه وكان عندنا متابعة تانى يوم عند دكتور هشام قلنا هنعمل تخطيطين تانى ولازم المدام تولد فى الأسبوع ال 37 عملنا تخطيط تانى يوم الدنيا كانت كويسة ويشاء ربنا ان مياة البيبي تنزل فى نفس اليوم الفجر وتواصلت مع دكتور هشام وقالى كده ولادة وروحنا مستشفى ريفرسايد والولادة كانت طبيعى بعد دخول المستشفى ب 17 ساعة ودكتور هشام محضرش الولادة عشان كان فى التاون مقدرش يجي والمفروض انه بعت دكتور نيجيري مكانه والدكتور النيجيرى برضه مجاش غير 5 دقايق اخر  الولادة احنا ربنا كرمنا بدكتورة اسمها ساندى هيدسون من أصول مصرية هى اللى قامت بالولادة كلها

وكانت شاطرة جدا

تم الخروج تانى يوم من المستشفى ودفعت 2000 دولار شاملة تخطيط السمع والتطعيم للطفل ودفعت 500 دولار للتخدير ودكتور الأطفال 100 دولار دفعتهم فى عيادة الدكتور

وكان عندنا متابعة بعدها بيومين لدكتور أطفال تانى ودفعت 93 دولار

خدت الأوراق كلها من المستشفى ودكتور هشام ودكتور الأطفال بعد 4 ايام من الخروج من المستشفى

 سابعا

شهادة الميلاد اخدت 9 ايام عمل وعملت الباسبور فى نفس اليوم والرجوع ان شاء الله الأسبوع الجاى

لو فى اى أسئلة انا تحت امركم

 

التجربة –13

اخواني الكرام السلام عليكم ورحمة الله وبركاته .

 بداية اود ان اعتزر عن التأخر في تقديم تجربتنا لكم نظرا لظروف السفر والارهاق . كل عام وانتم بكل خير وبركة بمناسبة شهر رمضان الكريم

انا هبدأ  تجرببتنا انا وزوجتى من السفر .

احنا سافرنا من الدمام وزوجتى كانت في الاسبوع 36 طلبنا من الطبيبة المعالجة لها تقرير طبي يفيد ان مفيش خطوره من سفرها ولكن الطبيبة خافت وكتبت لنا شوية بيانات عن حالة زوجتى مثل سنها وفي الاسبوع الكم وهكذا وخلاص .

المهم احنا توكلنا على الله وحجزت وسافرنا يوم 24 مارس الماضي تم تفتيش زوجتي في مطار الدمام . نزلنا مطار لوس انجلوس

==

اخدت تاكسي من المطار واتجهنا الى كورونا للفندق وتانى يوم روحنا للدكتور هشام العيادة وقالنا ان طالما الحاله مستقرة مش هينفع يولد قبل الاسبوع 39 . المهم فضلنا اسبوع الحجز بتاعنا في الفندق كانت المشكلة ان الفندق مفيش فيه مطبخ وبناكل من بره فكانت مصاريف زيادة بألاضافه اني مش حابب الاكل من بره وخايف على زوجتي منه فبحثت على غرفه في بيت من موقع بوكينج وربنا يسر لنا عند جماعه صينيين بيتهم نظيف جدا وناس محترمين جدا طبعا لنا غرفه بحمام خاص لكن المطبخ وباقى المنزل مشترك . حتى السكان كانو محترمين جدا وودودين .

فضلنا لحد ما الدكتور هشام حدد لنا موعد للولادة نهاية الاسبوع 39 وطلب منى انى اروح اسدد مبلغ 2000 دولار في مستشفى ريفرسايد طبعا كنا دافعين للدكتور هشام مبلغ 2000 دولار في اول زيارة للعيادة . روحت سددت للمستشفى على اساس ان زوجتى عاوزه تجرب ولادة طبيعية الاول علما انها لها تجربتين قيصري قبل كده لكن الدكتور قال مفيش مشكله نجرب .

دخلنا المستشفى يوم الاثنين الساعه 10 مساء وبدأ التمريض في شغلهم واعطاء زوجتى الطلق الصناعي لكن ببطأ شديد وعرفنا بعدها ان دى تعليمات الدكتور هشام . فضلنا كده للصباح ولحد الساعه 10 صباحا تقريبا كان الرحم مفتحش فجاء الدكتور هشام وقال لنا عاوزين تنتظروا ولا ايه رأيكم ؟ كنا واخدين قرار انا وزوجتي انه يبدأ في القيصري وطلبت منه كده وبدأت الاجرات بتاعت تجهيزها للقيصري وبالفعل دخلت الساعه 4 مساء الثلاثاء وربنا رزقنا بمولود وخرجت من العمليات للافاقة ودخلوها غرفتها هي والمولود وبدأت الرعاية الروتينية بتاعت كل يوم لحد يوم الخميس كان خروجنا الساعه 7 مساء نزلت يوم الاربع دفعت 2500 دولار تانى للحسابات علشان القيصري وخرجنا بعد ما اشتريت الكار سيت طبعا كنا طبعا يوم الاربع الصبح جت موظفة شهادات الميلاد وكتبنا النموذج ورجعت طبعته وراجعته معانا واتأكدت انها ارسلته يوم الاربع لما سألتها قالتلى خلاص ارسلته .

 انتظرنا في السكن بالظبط اسبوع وفي اليوم الثامن روحت مكتب المواليد في ريفر سايد علشان استلم الشهادة وبفضل الله لقيتها طلعت . كنت خلال اسبوع انتظار شهادة الميلاد بجهز استمارة جواز السفر بمساعدة المهندس ***** ربنا يكرمه . وصورنا البيبي في صيدلية CVS  .

استلمت الشهادة في يوم الجمعة وساعدنى اخى احمد القرشي انه يعمل حجز طيران لزوجتى وللطفل بحيث يكون سفرهم يوم الثلاثاء علشان نقدر نروح يوم الاثنين نطلع الجواز بالفعل انتقلنا الى فندق في لوس انجلوس يوم الاحد وبدأت ارتب اوراق الجواز علشان نروح الصباح وتوجهنا للجوازات التاسعه صباحا . الحرس هناك سألونا معاكم موعد قلت لهم لا . فوجهونا لمكتب تاني الموظف كان متعاون جدا اخد اوراق الولد وتزكرة الطيران وراجعهم واعطانا موعد ودخلنا قدمنا على الجواز وسددت مبلغ 190 دولار قالولنا تعالو استلموه الساعه اثنين . الحمد لله استلمنا الجواز الساعه 5 مساء يوم الاثنين في نفس اليوم وروحت الفندق حجزت رحلة على اسطنبول الرياض يوم الثلاثاء الساعة 6 مساء .

 كانوا دايما واحنا بنخلص البوردينج يسألونا البيبي معاه فيزا لدخول السعودية ؟  فقول لاء . فيسألونا طيب فين اقامتك انت ووالدته والحمد لله كانت الاقامات معايا اتكرر الموضوع كمان واحنا طالعين طيارة اسطنبول الرياض . وصلنا وتم اضافة المولود كسجل على اقامتى وانصح اى شخص معاه مولود جديد انه اول ما يوصل يبلغ المسئول ويقول له مع مولود اول مره يدخل المملكة علشان لا يوقف في طابور على الفاضي .  في النهاية أسأل الله ان ينفع الجميع بهذه المعلومات . واحب ان اشكر اخي الكريم المهندس ***** على المجهود الرائع اللى بذله معانا ومع الجميع ربنا يجعله في موازين حسناته كذلك اشكر جميع الاخوة بالجروب اللى كانوا دايما بيساعدونا بالمعلومات بشكل فورى وسريع جدا . وانا تحت امركم في اى استفسار

 

التجربة –14

 

تجربتي للولادة في كاليفورنيا ابريل ٢٠١٩

تجربتي في السفر بتاريخ ١٦ مارس

الاقامة كانت في كورونا بعد بحث مضيض لان رايحة لوحدي و هقعد فترة طويله و حالتي الصحيه حرجة و في نفس الوقت انفه جدا فماكانش عاجبني حاجة لان كمان بدور علي ريفيوهات الفنادق علي TripAdvisor فبيبقو حاطين ريفيوهات حقيقيه مش دعايا و كمان صور عالطبيعه

و airbnb كان مرفوض نظرا لاني لوحدي و عامل الامان مهم

استقر اختياري علي فندق

Springhill suites corona

تابع لسلسه ماريوت و طبعا ٤ نجوم و تقييمه علي بوكينج ٩/١٠ حجزت ٥٠ ليله لان كنت رايحة في الاسبوع ٣٢ و حجزت من علي موقع ماريوت بعد عمل اكونت و دا ليه كذا ميزة اولا بيديك خصم العضوية و بيبقي سعر الليله اقل من اي مواقع حجز و كذلك بتاخد نقط علي كل ليله تقيمها تقدر تحولها بعد كدة اميال في اي شركة طيران او تستخدمها في حجز ليالي لاحقا او خدمات اخري مجانا و العضوية درجات كل ما اقمت فترة اطول كل ماترقيت بعد اقامتي الفترة دي اصبحت عضو بلاتينوم و ادوني هديه ٤ ليالي اقامة في اي فندق تابع لماريوت و طبعا غير النقط بتاعتي اللي اقدر استخدمها بعد كدة

الغرفه كانت سويت عبارة عن

غرفه مستطيله فيها اتنين سرير كوين واسع جدا و مريح و فخم

اتنين دولاب

حمام واسع ببانيو و حوض خارجي بمراية واسع

و الملحق كان فيه مكتب و كرسي و مطبخ صغير عبارة عن حوض و ميكرويف و تلاجة صغيرة و كباين لحفظ الاكل و مكانة قهوة

و كنبة كبيرة جدا ٣ افراد او ٤ مرتاح و عرضها عرض سرير فرداني و بيتشد من تحتها رف فيه مرتبه فرداني بنفس طول الكنبة و عرضها

يعني الغرفه ممكن ينام فيها ٤ اشخاص مرتاح اوي اوي و ممكن ٦ كمان لو السراير هيتشارك فيها شخصين

طبعا النضافه يوميا و تغيير الملايات و اعادة تعبئه القهوة و مستلزمات الحمام

كانت الغرفه بالفطار و كان بوفيه متنوع جدا

(بيض نوعين و حبوب و كورن فليكس و مخبوزات متنوعه و خبز متنوع و عصاير و مشروبات ساخن (دي موجودة في اللوبي طول اليوم مجانا) و فاكههة و في الويك اند بيكون في وافل ) طبعا مش كبير اوي بس حلو

ربنا وفقني بصحيه طيبة جدا و اتعرفت علي بنات نفس ظروفي و رايحين تقريبا في مواعيد قريبه و قعدنا سوا في الغرفه وصلنا في وقت لاربع سيدات و طفله في نفس الغرفه و كنا مبسوطين جدا جدا و حسينا كإنها رحله و فسحة ممتعه و كسبنا بعض للابد ان شاء الله و طبعا مشاركة السكن و مشاركة الاكل و اوبر خفف التكلفه كتير فانصحكم بالمشاركة هتنبسطو جدا احنا نفسنا نكرر التجربة بس عشان الصحبة و المتعه

الفندق طلع في مركز المدينة في مكان راقي جدا كله ڤلل و جنبه ١٠ دقايق مشي مجمع شوبينج فيه ولمارت سوبر سنتر و بابا جاونز و كذا مطعم تاني منهم كنتاكي و خدمات زي بنك و محل خطوط موبايل و خلافه و محطة اتوبيس علي بعد ٥ دقايق منها اتوبيس لعيادة الدكتور بينزل قدامها بالظبط بياخد دولار و نص و بيستغرق نص ساعه و كذلك علي بعد عشر دقايق بأوبر بتكلفه ٧.٥ دولار في مجمع شوبينج عظيم فيه كارترز – تارجت- مارشالز- دريس فور ليس ومحلات تانيه كتير و مطاعم حلوة و كافيهات

و علي بعد برضو عشر دقايق بأوبر منطقه تانية مش متذكرة اسمها فيها بحيرة جميله اوي و حواليها تراك للمشي و سينما و مطاعم و شارع كله محلات جميله

كل الاماكن دي كان متاح الوصول ليها بالاتوبيس حد اقصي نص ساعه

فالحمد لله الموقع كان ممتاز و أمان جدا جدا

الدكتور كان هشام المقدم و ارتاحت له جدا اي نعم مستعجل دايما بس بيديك حقك في الكشف و الاستفسارات و بيرد علي الواتس اب في ساعتها و المكالمات كذلك و بينصح في حاجات تانية خلاف الولادة

المستشفي كانت ريفرسايد و بحذر منها جدا جدا لان بيعملو غلطات غبية و فادحة في الفواتير و دا يلغي اي ميزة تانية عندهم

انا كان عندي سكر حمل فاتضطريت اروح المستشفي لمتابعه نبض البيبي كل اسبوع مرة و كلفتني ٩٥ دولار في المرة

و طبعا كل مرة بفاتورة غلط و مبالغ مبالغ فيها و اضافه خدمات انا ماخدتهاش اصلا زي مرة كتبو اني دخلت الطوارئ و تم توقيع الكشف الطبي عليه و دا ماحصلش

الولادة كانت في الاسبوع ال ٣٨ نظرا لان حجم البيبي صغير و مابيزيدش و كانت بطلق صناعي

حجزت موعد مع المستشفي وروحت في معادي قالولي احنا زحمة روحي و لما يفضي مكان هنكلمك و كلموني تاني يوم الظهر

تم الدخول الساعه ١ ظهرا و علي مابدؤو يعملو حاجة كانت بقت ٤ عصرا و دا طبعا في نظري تباطؤ و برود

اخدت اول جرعات الطلق و استمرت الولادة ٣٦ ساعه

معلومة اتفاجئت بيها رغم اني دكتورة

حقنه الظهر مابتتاخدش من اول لحظة لازم يكون عنق الرحم فاتح ٤ سم او المايه تنزل معناه ان في شوية حلوين كدة في الطلق بدونها بس ممكن تطلبو مسكن قوي بيدو حقنه في المحلول تخلي الواحد يغيب عن الوعي كدة و ينام

اتمشو كتير اوي اوي اوي مشي سريع اقرب للجري في طرقات المستشفي واعملو سكواتس بالذات لحظة الطلق عشان تهونو علي نفسكم و تسرعو الولادة المشي مابيفرقش غير لما الولادة تبتدي قبل كدة بلح ولا له تلاتين لازمة

طبعا نظرا لسكر الحمل و صغر الجنين تم استدعاء دكتور من الحضانة وقت الولادة و البيبي دخل الحضانة بسبب انخفاض مستوي السكر و هبوط في الضغط و فضل علي محاليل و متابعه بالاجهزة يومين و خرج

و فاتورة الحضانة كانت حراقه اوي بصراحة يعني الستاف بس اللي متابع البيبي دكاترة و تمريض واخدين ١٠ الاف دولار في الليله و حتي تطعيم ال hepatitis كلفني ٥٥٠ دولار في الحضانة

جوليا المسؤله عن الفواتير مستفزة جدا جدا و بتستهبل في الاول و تحاول تدي تخفيض اقل علي اساس ان الاكونت انترناشونال في حين ان لو عاملته علي انه كاش هيبقي التخفيض اعلي

انا خدت تخفيض ٨٩٪؜ علي فاتورة الحضانة

وطبعا هتقعد تخوفكم من الميديكيد بس براحتكم ماتتأثروش بكلامها اللي عايز يعمله يعمله للطفل

بس ممكن يسبب قلق في الفيزا بعد كدة لسبب ان فواتير الام اللي ابنها دخل الحضانة مابيبقاش مذكور فيها خدمات الطفل و بالتالي لو افويسر مصحصح شوية هيطلب فواتير البيبي لكن الحالات العادية الطفل بيكون مضاف في فاتورة الام

نقطة كمان سمعت ان لو الطفل جه يدخل الجامعه بيجيب اثبات انه استخدم ميديكيد في اي مرحله في حياته او لا و لو استخدمته بيسبب مشكله ماعرفش اكتر من كدة و الكلام دا شوفته علي جروب عالفيس مش متأكدة من صحته فاللي يهمه يدور عليه بالتفصيل

الخلاصه ابعدو تماما عن المستشفي اللعينة دي

شهادة الميلاد طلعت بعد اسبوع

و عملت الجواز و استلمته في نفس اليوم بتذكرة متظبطة و صورت البيبي صورة و هو مفتح بعد تجربه اولي و هو مغمض (لازم تعملوها بتفرق جدا في شكل البيبي بصراحة) سعر التصوير الاولاني ١٤ و التاني ٧

استخرجت كارت البيبي مع الجواز ظريف اوي طلعوه

استخرجت الجواز بتفويض من الاب لانه ماكانش موجود

‎صحيح كلت في مطعم عشر دقايق مشي من السفارة اسمه

The boiling crab

‎راااائع  عندهم اصناف كدة بتيجي في كيس مع الصوص بتاعها قمة اللغوصه

‎السعر تقريبا كيلو جمبري ب ١٦ دولار

‎الاسعار عندهم رخيصه جدا مقارنة بمطاعم تانية و الطعم حلو اوي حتي البطاطس المحمرة بصوص الكاجون وهمية

‎لازم تحتفلو فيه بعد استخراج الباسبور لو عايزين تستقربو

بالنسبة للشوبينج

انضف و اشيك و افخم محل تجيبو منه كل لبس البيبي هو كارترز بلا منازع

اعملو اكونت عالموقع بتاعه قبل ماتروحو المحل هيوصلكم ايميل في كود خصم ٢٥٪؜ للمحل و كود للاونلاين

و في المحل هيقولكم تعملو عضوية برقم الاليفون كمان بحيث تاخدو نقط كل ١٠٠ دولار تصرفوهم هتاخدو كريدت ١٠ دولار صالحين للاستخدام بعد ٤٨ ساعه من استكمال ال ١٠٠ دولار

اسعار اللبس بعد التخفيضات دي بتوصل ل ٥ و ٧ دولار للسالوبيت مثلا دا غير قسم الكليرناس بيكون فيه اسعار وهميه

ابعدو تماما عن تارجت و اللي شبهه لانهم اي كلام خامة وحشة و اسعار عاليه و لبس ليس قيم

ممكن تجيبو منهم مستلزمات اخري زي الدايبرز مثلا جبتها من تارجت اونلاين كان سعرها وقتها كويس

روس دريس فور ليس من المحلات العظيمة جدا هتلاقو فيه لقط تحفه و بأسعار حلوة جدا

 

الاوتليت مش واو زي كا الناس بتوصف او يمكن انا تجاربي فيه غير موفقه لان روحت citadel مشوار ساعه من الفندق و رجعت بقطعه واحدة من كارترز بنفس سعر المحل اللي جنب الفندق ?

 

من المولات الظريفه كان

Galleria atyler

و ميزته الاكل

في مطعم Cheesecake Factory الاكل فيه حلو جدا و مش غالي ٢٥ دولار الوجبه وكميتها عظيمة

و طبعا التشيز كيك بتاعته لا يعلي عليها

و في سينابون طبعا طعمه هناك مختلف تماما حتي عن الدول العربيه مش هقارنه بالعيش الفينو بتاع مصر و سعره علي ما اتذكر ٥ دولار و بيبقي في الريسيت لينك في الاخر كدة تعبي الاستبيان عليه يديك كود تروح تاخد واحدة سينابون حجم كبير المرة اللي بعدها مجانا تماما بس لازم من نفس الفرع

 

برضو فيه Macy’s و دا من المحلات القيمة اوي و لما بيعمل تخفيضات لبس الاطفال بيبقي اسعاره حلوة جدا و بيكون في الدور الاخير ماتتخضوش من الاسعار اللي في الدور الاول

انا جبت منه سكيرت لطفله ٦ سنين بتتلبس عالوشين بدولار

طبعا المول فيه محلات و مطاعم اخري

و جنبه فرع كبير لروس دريس فور ليس

من الحاجات اللي بتحير الناس شوية

الببرونات انا جبت

Playtex anticolic

من ولمارت العلبه فيها ٣ ب ١٦ دولار ممتازة و ابني لحد الان رافض كل الانواع التانية

ال pump

اطلبو المانيوال من المستشفي و انتو خارجين هيدوهالكو مجانا

و اشترو الكهربا اسمها

Medela swing

واشترولها محول الكهربا عشان تشتغل في مصر

في مواقع بتعرض baby welcome gift box

زي امازون

لما تعملو baby registry

اعملو سيرش عليه و اعملوه مش هتخسرو حاجة

هو له شروط زي انك تعمل اكاونت في برايم (اول شهر مجانا و الغوه لما يخلص حتي لو خصمو الفلوس اتصلو بخدمه العملا بتوقفه و بيرجعو الاشتراك) و انك تضيف منتجات في لستة المشتريات و تشتري منها بقيمة ١٠ دولار و دا بالتأكيد هيحصل احنا بنشتري باكتر من كدة بكتير

البوكس مش واو اوي بس احلي حاجة فيه بطانية بيبقي قطن اورجانيك كبيرة و فخمة اوي

 

برضو حاجات تانية بتبعت هدايا بمجرد عمل اكونت زي سيميلاك بيبعتو عبوتين لبن هديه و تيتينة و كوبونات

 

تارجت لما بتعملو عليه الحوار دا

بعد تاريخ ولادة البيبي بيديكو كوبون خصم ٢٥٪؜

للمحل و الاونلاين تشترو بيه اي حاجة موجودة في الليستة اللي عملتوها

فابقو دخلو تاريخ بدري عشان تلحقو تستخدمو الكوبون

انا جبت بيه كمية دايبرز كبيرة فرقت في السعر فعلا و نفعتني كتير في مصر علي ما استقريت علي نوع معين

 

دايما شوفو اسعار المنتج في المحل و انولاين لان كتير بيبقي في عروض اونلاين فقط و دا بيفرق في السعر

انا حاولت اذكر تفاصيل علي اد ما اقدر اتمني تستفيدو من تجربتي

و اشكر جدا جدا البشمهندس ***** علي الموقع و الجروبات الرائعه دي اللي ساعدتنا كتير اوي و اكتسبنا منها اصدقاء كتير اوي للعمر كله ان شاء الله

التجربة 15-

 

 الحمد لله رب العالمين رزقنا الله بعمر عبد الرحمن

تجربتي باستفاضه

زوجتي راحت الاول يوم ٣٠-٣ وقعدت عشره ايام في فندق springhill suites وكان فندق كويس جدا وموقعه حلو وقريب عشر دقايق من عياذه الدكتور هشام المقدم في كورونا

بعذ كذه انتقلت لبيت في Brockton st riverside بيت حلو جدا وموقعه كويس جدا ٣ ذقايق من ريفير سايت و١٥ دقيقه من عياده د هشام في ريفيرسايد ومستشفي بارك فيو  

الولاده مستشفي بارك فيو

بنصح كل الناس اللي هيولدو مع دكتور هشام يروحو مستشفي بارك فيو ( واضحين في الفلوس والتعاملات الماديه والممرضات قمه في الاحترام مكنوش بيبخلو ع زوجتي باي مساعده في اي وقت والله.)

الولاده طبيعي ١٨٠٠ دولار

تخدير ٥٢٥ دولار

طلق صناعي ٣٠٠ دولار

طبيب اطفال ١٠٠ دولار

اختبار سمع ٥٠ دولار

ورحنا عياده دكتور كاركوما دفعت ٨٥ دولار

اخدنا الفواتير الزيرو مختومه وكله تمام بعد خمس ايام عمل

 الدكتور هشام ده انسان محترم ومهما قلنا مش هنوفيه حقه والله ربنا يجازيه عنا كل خير

دفعنا ٢٠٠٠ دولار واخدنا الفاتوره الزيرو بيل بعذ اربع ايام عمل

 شهاده الميلاد قدمنا عليها يوم ٢-٥ طلعت الحمد لله يوم ٧-٥ (اربع ايام عمل ) رحت سالت يوم ٧-٥ الساعه ٣.٣٠ العصر في مكتب birth certificate قالت طلعت روح خدها فالناس بعد كده تروح تسال في المستشفي الاول عشان متدفعش ٢٨ دولار ونخسرهم

 عملنا تذكره  ساعدنا فيها الباشمهندس ***** . ونجمه الابليكشنات ******* ?ورحنا مشوار الباسبور وصلنا الساغه ١.١٥ بعذ الظهر الحمذ لله ربنا كرمنا بموظفه كويسه واستلمناه الساعه ٤.٣٠ الحمذ لله 

مشوار الباسبور هتطبعو الابليكشن والتذكره في اي فرع فيدكس فيه فرع جنب الجوازات خالص

 انا بشكر كل واحد هنا في الجروب والله مفيش حد كان بيبخل باي معلومه وانا اتشرفت اني عرفت ناس من السعوذيه والامارات والكويت ومصر  واتمني صداقتي بيهم تطول العمر كله مش عاوز انسي حد بس بجد انتو شرف لاي حد يعرفكو والله

 

التجربة 16-

 

تجربتي بالولاده بامريكا اول شي اخذنا الفيزا  من جدة  انا طلعت بالشهر السابع  فطلعنا بدري وهذا الشي  من وجهة نظري خطا كان ممكن نتاخر شويه وبدات الرحلة من مطار جده الى نيويورك الخطوط السعودية

سكنا في فندق  في نيويورك  ثم انتقلنا بعد يومين الى  بنسلفانيا وجلسنا شهر  هناك لانه كنا مخططين الولادة مع  دكتورة سوزان وكان السعر  غير مناسب  وكانت تكشف من غير ما تعمل  سونار ترددت كثير اغامر واكمل معاها وقتها تعرفنا على قروب توتال كير ومنها اخترنا د.هشام المقدم فقررت السفر الى كالفورنيا خطوط يونايتد واخترت السكن مع عائلة مصرية لمدة شهرين حتى موعد الولادة وتخليص الاوراق الولادة كانت بمستشفى بارك فيو وهيا افضل من ريفرسايد من ناحية الفواتير واصدار شهادة الميلاد بعدها سافرت الى لوس انجلس واقمت بفندق بجانب مبنى الجوازات وانتهت الرحلة مع الخطوط التركية الى جدة .

 

التجربة 17-

السلام عليكم ورحمة الله وبركاته تجربتي كانت بكاليفورنيا شهر مايو واسفة على التأخير بالنشر:

اول شيء احب اشكر الاستاذ **** الله يجزاه الف خير على كل مساعدته ومتابعته معايا انسان راقي بكل ما للكلمة من معنى،

سافرت من دبي على طيران الإمارات

الرحلة كانت 16 ساعة ووصلت ولله الحمد على مطار لوس انجلس في المطار ما اخذت x ولما الاوفيسر سألني قلت الصراحة اني جاية ولادة وشوبينج فشكرني الاوفيسر عل صراحتي واخذني على مكتب التحقيقات واستنيت حوالي 3 ساعات لحد ما وصل دوري فسألني الاوفيسر جاية ليه ؟وهل معايا فلوس تكفي الولادة؟ وطلب انو يشوف محفظتي الخاصة وطلع كل الكريديت والديبت كاردس وسألني كم الليميت لكل كرت؟ وجاوبتو فختم لي 6 شهور وخرجت.

طلعت من المطار و اخذت اوبر للفندق في ريفرسايد اسمو simply home inn and suites river side الفندق ممتاز من ناحية النظافة والموقع 8 دقايق من مستشفى بارك فيو بالاوبر و7 دقايق مشي من مول جاليريا تايلر وفديكس..اصحاب الفندق كان تعاملهم رائع وكانو مهتمين فيا جدا وكانو ييطمنو عليا كل يوم جزاهم الله الف خير.

زرت عيادة الدكتور هشام المقدم وطمني واداني موعد في مستشفى بارك فيو.. للاسف الدكتور ما حضرش الولادة فكانت الدكتورة تريفيدي مكانو دكتورة شاطرة جدا وحتى طاقم التمريض تحس انهم دكاترة من كثر ما هما شاطرين و بروفيشيونال ..والحمد لله رزقنا الله ب آدم ..احب اشكر الاخوات اللي تشرفت بمعرفتهم وصداقتهم هناك مونيا ،زهرة،رغدة ،بسنت وفعلا كانت نعم المعرفة.

للاسف نسيت اطلب التطعيم للبيبي اللي هو ضمن الباكدج hepatitis B فراح عليا بليز اتأكدو أنكم تطلبوه قبل ما تطلعو من المستشفى.

شهادة الميلاد طلعت بعد 5 أيام عمل و استلمت الزيرو بيل بعد 5 أيام عمل من الولادة بمستشفى بارك فيو كل الفواتير كانت مختومة.

عملت فورم الجواز اونلاين واتصلت عليهم واخذت موعد للتقديم على الجواز ورحت ثاني يوم اخذت الجواز ولله الحمد.

ورجعنا لدبي بعد 10 أيام ولله الحمد الرحلة كانت ميسرة.

اتمنى التوفيق للجميع.

 

التجربة –18

تجربتنا فى الولادة فى كاليفورنيا

تم الوصول على مطار لوس انجلوس على طيران الاماراتية . وعند السؤال عن سبب الزيارة اجبنا ولادة وتسوق . عند السؤال عن المبالغ المالية تم التصريح عن المبلغ ( اكثر من ١٠٠٠٠ دولار ).

تم الختم ٦ شهور وتحويلنا الى ضابط اخر وتم ملئ اقرار بالمبلغ وبعدها خرجنا من المطار .

المواصلات : تم تأجير سيارة بالمدة كلها 45 يوم وتم استلامها من مكتب المطار الخاص بشركة Budge 

الولادة :

تمت الولادة بمستشفى ريڤر سايد مع د. هشام.

الدكتور ممتاز جدا و معظم افراد التمريض ممتازين بوجود استثنائات .

تم دفع مبلغ الولادة قيصري بالمستشفى ٤٥٠٠ دولار  و التخدير عن طريق التليفون ٨٥٠ دولار  ، طبيبة الاطفال تم دفع المبلغ فى عيادتها  ٣١٨ دولار شامل التطعيم .

تم اخذ zero bill من المستشفى بعد ١٠ ايام ، التخدير لم تصدر بعد .

استلمنا بعدها كشف حساب ب ٥٥٠ دولار لاختبار السمع و كان واضح ان المستشفى نفسها مكانش عندها فكرة عنه .

استخراج الاوراق.

تم استخراج شهادة الميلاد بعد ١٠ ايام و الباسبور بنفس اليوم

تم التوثيق والترجمة بالقنصلية كما ذكر بالموقع .

 

التجربة 19-

 

 تجربتي في الولاده في كاليفورنيا انا كنت خدت الفيزا قبل الولاده بفترة بغرض السياحة

السفر كان في اخر الشهر التامن السفر كان علي الخطوط السعوديه من جده مريحة و الكراسي واسعه و طاقم الطياره متعاون

السكن كان في منطقة ريفرسايد عن طريق airbnb لاني كنت عايزه اكون قريبه من المستشفي و العياده طبعا ده كان بعد حيره كبيره لاني كنت محتاره اسكن في انهايم و لا قريب من الدكتور و انصح اي واحده هتسافر لوحدها و جوزها مش معاها و مش معاها عربيه انها تسكن قريب من الدكتور لانه انهايم مشوارها مش سهل و طبعا اوبر مكلف جدا …منطقة ريفرسايد حلوه اوي هاديه و آمنه و فيها كل الخدمات  اللي بنحتاجها ..

الولاده كانت طبيعي في مستشفي باركفيو مع دكتور هشام المقدم المستشفي ممتازه و التمريض جميل جدا ….شهاده الميلاد طلعت بعد ٤ ايام عمل استلمت الشهاده و بعدين عملنا الباسبور و استلمناه في نفس اليوم لان كان معانا حجز طيران تاني يوم علي طول و تصوير البيبي في نفس مبني الجوازات  رحنا الساعه ١١ استلمت الباسبور الساعه ٣

…الزيرو بيل كان جاهزه في المستشفي بعد ٥ ايام عمل و استلمت الزيروبيل من دكتور هشام مع الزياره المتابعه اللي بعد الولاده العوده كانت بعد ١٠ ايام من الولاده و مده الاقامه كانت ٤٠ يوم..ا

حب اشكر الجروب اللي سهل علينا الرحله كلها  و شجعنا علي الفكره نفسها و البشمهندس **** قمة الاحترام و الذوق اللي حقيقي مش بيتاخر في انه يرد علي حد او يساعد حد في اي وقت

التجربة 20-

 

السلام عليكم اهل الجروب الكرام . تجربتنا يمكن تكون تقريبا قريبة من معظم التجارب في كالفورنيا مع بعض الاختلافات

السفر كان علي ال emirates مع حجز ال extra legroom مع المشي طول الوقت علي الطيارة شرب مياه وعصاير تلبس شبشب خفيف او شراب بس . فيه ناس بتطلع الطيارة وغالبا الطيارة بتبقي فاضية فبتلحق تروح تمدد علي 3كراسي مع بعض وتقضيها نوم طول الرحلة نظام اللي يلحق بقي . ممكن من جوة المطار تشتري اكل معاك وانت طالع الطيارة للناس اللي بياكلوا كتير زي حالاتنا كده.

السكن كان في انهايم عن طريق airbnb اسرة من تايوان بس خدوا بالكم ساعات بيزودوا رسوم ال cleaning service و ال kitchen service بتبقي 30%من اجمالي التعاقد . اقدر اقول انه السكن مكانش افضل حاجة بس مقبول. 

الدكتور كان فواز لانه في انهايم تقريبا ربع ساعة من السكن وكانت الولادة قيصرية قعدنا 3 ايام في المستشفي وبعد كده خرجنا . التخدير كان شوية صعب علي مراتي لحد دلوقتي ضهرها بيوجعها وحاسة انه بطنها مكان العملية شوية ناشفة زي ما بيقولوا محجرة . شهادة الميلاد طلعت في خلال 5 ايام عمل والباسبور نفس اليوم . كنت حابب استني شوية لحد ما مراتي تتعافي من العملية بس رجعت علي مصر علشان الوالدة حصلها تعب شديد . زي ما بيقولوا كده الحلو ما بيكملش بس الحمد لله.

ملاحظات :

1. ما تاخدش معاك اي لبس ليك ولا لمراتك ولا للطفل لانه  وكده كده هتشتري لبس من هناك .

2. اي مول تروحه روح الاول ال customer service خد منهم ال voucher card اللي بيعملوه ممكن تشتريه ببلاش وممكن ب5 دولار بس ده بيديلك تخفيض علي بعض المحلات بنسبة 20%

3.خلينا نتفق كلنا انه احنا بنعمل خطوة لولادنا الله اعلم دي هتساعدهم كويس بعد كده ولا لا بس الاهم والاصعب المتابعة وطرق الرعاية والتربية انه العيال دي تطلع حقيقي كويسة وممتنة لاهله علي اي مجهود وتعب علشانهم لانه اليومين دول الواحد بيسمع قصص ومآسي تخوف الواحد .

4. توتال كير جروب جمع الناس علي الخير انشروه علي قد ما تقدروا وعززوا فكرة الخير ده علي قد ما تقدروا يمكن تبقي بذرة لحاجة تانية اكبر واعمق وساعتها ممكن تغير في واقع مؤلم وغامض بلادنا عايشاه للاسف.

5.انا مش هشكر حد بعينه لانه الجروب كله اخوات وقلوبهم علي بعض  .

6. لازم تنظموا وقت تتجمعوا فيه دايما كل مجموعة في بلد هتفرق كتير ان شاء الله.

6. دمتم سالمين موفقين وللخير ناشرين .

 

التجربة –21

تجربة مع دكتور هشام المقدم في كاليفورنيا

تاريخ الولادة ٠٤ مايو ٢٠١٩

السفر في الاسبوع ٣٣ و ٣ ايام من الحمل

 السفر يوم ٣١ مارس ٢٠١٩ على طيران الاتحاد من ابوظبي ال لوس انجلس

ذكرت سبب الدخول الي امريكا ولادة… الاوفيسر سالني عن موعد الولادة واذا كنت ناوية ادفع كاش، مكان الاقامة، المبلغ الكاش اللي معي واذا اي حد حيسافر يلحقني الى امريكا… كنت صريحة مع الاوفيسر وختملي ٦ شهور

كان معي من الدكتورة شهادة سفر ب متل ما انا كنت وانطلبت مني ٣ مرات خلال اجراءات السفر في مطار ابوظبي

الوصول الى امريكا ..  بما اني عديت ال US Customs في ابوظبي فاخذت الشنط وطلعت من مطار لوس انجلس على طول

السكن في امريكا

اول اسبوع وصلت نزلت في فندق springhill suites by marriot في كورونا. الفندق نظيف وسعره معقول مع فطور وموقعه قريب من الدكتور هشام

في الفندق كان في بنات من الجروب نازلين فيه اتعرفت عليهم والحمدالله كانت صحبة طيبة… اتفقنا مع بعض نشترك في بيت ايجار عن طريق airbnb و نقلنا عليه مدة الاقامة في كاليفورنيا… البيت كان موقعه في كورونا ايستفيل .. تقريبا كان ربع ساعة من عيادة الدكتور هشام في كورونا و نص ساعة من مستشفى ريفرسايد

المراجعة مع دكتور هشام.. دفعتله ال٢٠٠٠ دولار في اول زيارة وكنت اتابع معاه مرة في الاسبوع. اول زيارة اخدت التقارير الطبية اللي طلبها بالايميل واخد نسخة عنها.. طلب التراساوند تفصيلي في اول موعد وكانت ضمن الباكدج. بمة انو كان عندي سكر حمل طلب الدكتور هشام monitoring  اسبوعي في مستشفى ريفرسايد كان غير شامل في الباكدج وكنت ادفع ١٠٠ دولار لكل زيارة.

الدكتور هشام كان اكتر من رائع في الزيارات لانه بيسمع للمريض و بيشرحله الوضع بشكل واضح وبجاوب على كل الاسئلة وهو مبتسم مع انو عليه ضغط كبير.. بالمختصر بيعطي المريض حقه….

انا كنت رايحة اولد تالت مرة، اول مرتين كنت عاملة عمليتين قيصرية… كنت رايحة عأساس اولد قيصري ولكن دكتور هشام فاجئني وقالي انو هو حيجرب طبيعي… طبعا كنت خايفة كتير ومع كل زيارة وثقت بالدكتور اكتر والحمدالله ولدت طبيعي بفضل الله وشطارة الدكتور واخلاصه بشغله

المستشفى الولادة ريفرسايد .. طاقم التمريض كان اكتر من مساند ومهتم بوضعي قبل وبعد الولادة  الاهتمام كان دقيق عشان حالتي و الغرف مريحة جدا

قعدت ٢٤ ساعة من وقت الولادة وبعدين كتبولي خروج

بنتي كان عندها مستوى الصفار عالي فاضطرينا نقعد ليلة زيادة وبمة انو حندفع كاش عملولى خصم ودفعنا ١٠٠٠ دولار  

تكلفة ولادة طبيعي في المستشفى ٢٠٠٠ دولار

التخدير ٥٠٠ دولار (دفعتها عالتلفون بس رجعت دبي)

الاختبار السمع ١٥٠ دولار (دفعتها عالتلفون)

 دكتور الاطفال ١٠٠ دولار

التطعيم كان شامل في المستشفى

دكتور هشام ٢٠٠٠ دولار

ليلة للبيبي في الحضانة ١٠٠٠ دولار

زيارة طبيب الاطفال في العيادة مع متابعة ١٠٠ دولار

الزيرو بالنس من المستشفى عبارة عن رسالة توضح  انكم دافعين المبلغ كامل وما عليكم اي مبالغ مستحقة 

الitemized bill ملخبطة شوي لانه بيبان انو عليكم مبالغ مستحقة ولسه لازم تدفع

بحاول اشوف حل للitemized bill

طلبت الميديكل ريكورد وقالولي بياخد من ١٤ ل ٣٠ يوم.عمل بعدني منتظرة التقارير الطبية

اخدت نسخة عن كرت التطعيم وكل فواتير الدفع

شهادة الميلاد طلعت خلال ٨ ايام عمل …

الssn طلع خلال اسبوع كان وصل

تقديم الباسبور اخدت موعد عالتلفون لانه اونلاين ما كان في مواعيد متوفرة واخدت اثبات سفر تاني يوم… قدمت على الباسبور الصبح واستلمته في نفس اليوم العصر

 وحابة اشكر ادمن الجروب استاذ ****** على كم المعلومات المتوفرة على الوب سايت والجروب لانه كان دايما في جواب لكل سؤال محير الواحد… الحمدالله بتيسير من الله ومساعدة الادمن والناس الطيبة في الجروب وتعرفنا على ناس كتير فيها الخير الرحلة اتسهلت وكانت تخفف عن احساس الغربة وبجد انا اول خطتي كانت السفر عند اقارب في ولاية تانية

وغيرت بسبب الجروب لانه كل الامور كانت واضحة

 

التجربة 22-

السلام عليكم

أخيراً هكتب تجربتنا ?

البداية

بدأنا رحلة اختيار الولايات ..

كنا في البداية ناويين على نيو جيرسي قبل مانعرف الجروب لأسباب كتيرة منها الرحلة المباشرة ..وقت طيران اقل ..لينا معارف هناك ..

لما دخلنا موقع توتال كير احترنا شوية وفضلنا ميالين لنيو جيرسي لحد ماكفة كاليفورنيا بدأت تميل بسبب حالة الحمل عندي الي كانت risky شوية وفي احتمالية عالية لدخول الطفل حضانة ..وبدأت الإختيارات تتمحور حول دكتور شاطر ومستشفى مجهزة بحضانات كويسة ..ولقينا شبه إجماع على الدكتور هشام ..وقد كان ?

اتواصلنا مع دكتور هشام المقدم وشرحناله الحاله وبعتنا التقارير ..دكتور هايل وعنده سرعه استجابة عالية وبيهتم فعلا بالرد وبالاستفسارات ودا ريحني نفسيا كتير وخلانا نثبت على قرارنا الي تضمن رحلة طيران من جدة ..١٦ ساعه وتذاكر سفر أغلى كتير خصوصا وان الوقت الي حجزنا فيه كان قبل سفرنا باسبوعين تقريبا ..

الطيران

في مطار جدة  ..أسوأ مطار في العالم?طلعلي ssss

اتخضينا خصوصا انه كان غير متوقع لاني سافرت امريكا قبل كدا ورجعت

بس مافرقش في اي حاجة غير انهم مسحو على شنطتي وايدي بورقة صغيرة كدا

 الطيران كان الخطوط السعودية ..economy

الرحلة كانت لطيفة بشكل عام مش زي توقعاتنا والوقت بيعدي فعلا

الكراسي من حظنا كانت ٣كراسي ليا فاضيين و٣ لزوجي ..ودا سمحلنا ننام عادي .لكن الكرسي مريح بشكل عام ..

الأكل اجمالا لطيف ويفضل تاخدو سناكس بسيطة عشان هما وجبتين فطار وغدا بس ..

أنا سافرت قبل كدا لأمريكا عالخطوط القطرية وكانت أفضل كتير كتجربة طيران وأكل .

 

وصلنا المطار .والحمد لله خرجنا على خير من المطار لمورينو فالي

زوجي اتفق مع عربيه اوبر كانت واقفة برة بدون مانطلبه ..ووصلنا لمورينو مكان الإقامة ب ١٢٠ دولار .

اشترينا خط من المطار..ب٧٤ دولار  وخط تاني تي موبيل من مورينو ب ٥٠ كان أفضل كتير من بتاع المطار والنت فيه مفتوح، وهوت سبوت

النصيحة لو انتو اتنين وهتشترى خطين ماتجيبوهمش في نفس الوقت لان اشتراك الخط  شهر  …فممكن تقسمو المدة .

السكن

نزلنا في بيت في مورينو فالي

قعدنا شهر فيه ..بشكل عام المكان قريب من عيادة د.هشام عشر دقايق ومن المستشفى نص ساعه..لكن أنصح أي حد مع د.هشام يسكن في منطقة ريفرسايد ..أظرف كتير

المستشفى

اخترنا باركفيو بدون مانفكر كتير أو نشوفها

رغم اننا أُعجبنا جدا بريفرسايد لما زورناها

ودا بسبب المشاكل المالية الكتير الي واجهت الناس في ريفرسايد وقت الحسابات

والسبب التاني كان إن سعر الحضانة في باركفيو أرخص ..في حال قدر الله واحتجناها

الولادة

ولدت في الاسبوع ال ٣٨ ولادة قيصرية ..

الحمد لله

دكتور هشام جميل جميل جميل جميل ?

المستشفى أكثر من رائعة ..والتمريض ممتاز بجد كانو في منتهى التعاون واللطف ..

 أخصائيات الرضاعة ..ماتنسوش تطلبو مساعدتهم لو أمهات لأول مرة ..فرقوا جداً

تكلفة الولادة القيصرية تقريبا حوالي ٥١٠٠

قعدنا في المستشفى ٣ ايام ونصف خرجنا ع خير الحمدلله ..

أثناء تواجدنا اتعملت عدة فحوصات للطفل تبعاً لحالته (اشعة للكلى ..ايكو للقلب) كانت ضمن التكاليف في الباكيدج !

ودي معلومة قالتهالنا واحدة من طقم التمريض ان اثناء تواجدنا في المستشفى (الي بيطلبه طبيب الأطفال للطفل بيتعمل فورا ضمن الباكيدج ) واتأكدنا من الحسابات قبل مايعملو وبعد ..

منّ علينا الله بفضله وكرمه ..ومااحتجش طفلنا للحضّانة ألف حمد وشكر.ربنا يطمنكم جميعاً على أطفالكم ويرزقهم الصحة والعافية دوماً وأبداً..

بعد ماخرجنا بيومين حسينا الولد أصفر شوية رحنا لدكتور الأطفال كاركوما (مش هو احد المساعدين..) قالنا انه بالفعل لونه مصفر ومحتاج تحليل عملناه في المستشفى نفسها ب ١٣٠ دولار

وطلع ١٢.٥ نصحونا بالرضاعة المستمرة وتعريض الطفل للشمس ..والحمد لله اتحسن

شهادة الميلاد

طلعت بعد ٤ ايام عمل الحمد لله ..عملنا خمس نسخ ورتبنا نفسنا للذهاب للوس انجلس عشان الجواز واستلمناه على خير الحمد لله ..

في حاجات كتير عايزة أكد عليها ..

١-حجز السكن الأولوية الأولى تحجز قريب من اادكتور والمستشفى.

٢-البنات الي خايفة تروح لوحدها الفترة الأولى ..انا كنت مرعوبة من كدا وزوجي كمان وعشان كدا جا معايا من اااول للاخر رغم ظروف الشغل ..لكن ماشاء الله لقيت كتير جدا جدااا لوحدهم والامور بتتسهل .فلو في واحدة مضطرة لكدا ماتخافش

٣-احنا كنا حريصين زيادة فحجزنا تذاكر العودة بعد ٣ اسابيع وبالتالي غيرناها لما وصلنا ..ب ١٢٠٠ ريال

واضطرينا نغيرها تاني لما ولدت بدري والورق خلص بسرعه الحمد لله ب ١٢٠٠ تانين ?

رأيي ماحدش يحاف يحجز حتى لو المدة طويلةشهر او شهرين

٤-الجروب كنز لايفنى ??

وبجد باشمهندس ***** الف شكر لمساعداتك

ولكل الناس الي هنا محدش بيبخل بمعلومة واقل حاجة بتلاقي اجابتها شافيه وافية.

٥-الناس الي كسبنا معرفتها خلال الرحلة ،فرقو كتير معانا ..

٦- ال سترولر ..لعنة ..كل مااتاخرت ف مجايبها كل مااحترت اكتر…?

٧-??هتكتشفو اثناء الصرف وبعده ان الدنيا فتحت ?فتحت قوي يعني ?

لاتحزنو لاتندمو?وافتكرو ان الهدف نبيل ?.

التجربة 23-

مساء الورد

الساعه البيولوجية بتاعتي لسه متخربطه من السفر

بس حبيت اكتبلكم تجربتي بالسريع  المختصر وعند اي تساؤل باذن الله اكون حاضره

اولا وصلت مطار لوس انجلوس يوم ١١ مايو ( كاليفورنيا .. انهايم )

كان الدخول ميسر الحمدلله 

احنا حجزنا فكل حاجه مدة ١١ يوم فقط ومددنا الحجوزات نتزكر وفنادق  وسياره وكلو

كنا حاجزين فندق رمادا في انهايم قريب للمستشفى ومكان شهادة الميلاد ومكان استخراج ال ssn وكان مش بعيد عن عيادة الدكتور فكان مكان حلو وكويس

انما لو كنا حجزنا في شارع بروك هيرست كان هيبقى أفضل لأنه شارع فيه كل حاجه للمسلمين وكل الجاليات والمطاعم الإسلامية موجودة بالشارع ده ولكن الحمدلله حصل خير

ثانيا انا لأن كانت الدكتوره بالسعوديه  بتكرر اني ولادتي قبل السفر ومش حلحق اوصل كاليفورنيا

وصلت وانا بعد الساعات امتى حولد من التعب ولكن الموضوع هدي تماما ولا كان في شي ولا طلق ولا ولادة  واقول للدكتور ظروف شغل زوجي ما تسمح اتاخر لسه قدامي ورق وجواز وخلافه طب شوف حل يقولي مش ينفع  بقانون الولايه نعمل اي شيء لغاية متعدي موعد الولاده  استني  واستنيت  وكل ثلاث ايام اروح له  نفس الكلام القانون لا يسمح لا طلق ولا غيرو .. في  مدة عشر ايام مشينا كتير وعملنا شوبينج وتحركنا وروحنا ديزني لاند اتفرجنا لأن ماكان ينفع العب طبعا ? وانا حامل .. التسوق كان رائع بجد .. وفعلا فتحت بالمصاريف جدا

بعدها يوم ١٩ مايو حصلنا حادثه بالسياره جامده جدا وكنا وقتها خارجين من مطار لوس انجلوس بنمدد التذاكر كمان ١٠ ايام ويجي باص كبير وعدم السياره وكان عدمنا معاها بس الله سبحانه لطف بينا الحمدلله ( ولان عاملين تامين شامل كل شيء  ف ربنا رحمنا من ازمه تانيه لو كان من غير تامين كامل )

الحمدلله

يوم ٢٠ رحت للدكتور امين فواز  وحكتله على النزيف الي حصلي بسبب الحادث 

ولما كشف قال خلاص تروحي المستشفى الليلله قبل الفجر وتدخلي ولاده

فعلا رحت الفجر ومعايا ظرف من عيادة الدكتور مقفول وعليه اسمي وفيه ورقي طبعا

المستشفى كان عندهم خبر من عيادة الدكتور بكل التفاصيل عني وعن الحاله وبدؤو ب طلق صناعي  من خمسه الفجر وولدت بعدها خمسه الا ربع المغرب الحمدلله يوم ٢١ مايو يوم الثلاثاء وتاني يوم جت المسئولة عن شهادة الميلاد وال ssn وكل حاجه خلصناها وتمام وزارني الدكتور ودكتور الاطفال واعملو تحاليل  واختبار السمع الي هوه اختبار الاستجابة المخ .. والأمور عدت رغم أن المي كان فظيع لا يحتمل انما الحمدلله عدت على خير

( انا استقويت نفسي لاني ولدت قبل كده طبيعي من سنين طويله وقلت مش حاخد ابرة الابيدورال وطلبت اني مش اخدها وسالوني عن السبب وقلت اني بخاف وبقلق منها انما بعد الولادة والي تعذبته بنصح الكل ياخدوها يمكن تبقى مخفف بجد وما يحسو المأساة الي عشتها بنفسي )

 بعد كده خرجت من المستشفى تاني يوم بعد كل التعليمات فيما يخص الطفلة والكارسيت وهيك امور  وسألت مسئولة شهادة الميلاد عن لو تعرف عالاقل اسال عن الشهادة الميلاد امتى بعد كم يوم اصرت ان مش قبل عشر ايام .. طيب يا ستي ما مر عليكي أحد خلصها قبل كده قال لاء عشر ايام والا حتدفعي ٢٨ $ كل ما تسألي عنها  ..

طبعا الاسبوع الي انا ولدت فيه كان نهاية الويك اند في زكرى لقتلاهم  واجازه يوم الاثنين كمان مع السبت والاحد وكده عدو خمس ايام مع الويك اند والسادس كان يوم الاثنين ومع بداية يوم الثلاثاء اتصلنا عالكاونتي مكان شهادة الميلاد وقالولنا مافي شي طلع اتصلو يوم الاثنين القادم يعني كمان اسبوع كان ممكن اتجلط فيها

كلمنا المهندس محمد زيدان طول الوقت ربنا يكرمه كلمته ف تعبي وفي شهادة الميلاد وفي الورق وكل حاجه حتى تزكرةالعودة ربنا يحقق كل امانيك يا مهندس ****** ??

المهم اتصلنا بالناس الي طلعت قبل كده واتصلت بالمساعدة الي بعبادة الدكتور وتابعنا الامور مع الكل يقولك لسه ما خلصت ف العصر قلت لزوجي تعالى نروح نعمل حكايه ونشوف بنفسنا * وهنا اكرر

رحنا فعلا وعبينا البيانات ودخلنا عالموظفة مجرد ما سالناها عن الاسم وشهادة الميلاد قالت عايزين كم نسخه

ولما شفت تاريخ توقيع الشهادة الميلاد وتوقيتها  لقيتها يوم ٢٣ مايو كانت جاهزه يعني اتبعتت يوم ٢٢ وتوقعت أجهزته تاني يوم ٢٣ مايو يعني ما اخدت وقت زي ما الناس هناك بتقول وارجح الأمر ان المده بتاعت ١٠ ايام  تخص الناس التانيه يمكن الي عايشين يمكن التأمين يمكن اي حد .. لكن اكرر تقدر تروحو بعد يومين تشوفو بنفسكم الموضوع لأن الاكيد انها جاهزه والي بيردوو بالتليفون مش فاهمين حاجه .. روحت بنفسكم وجربو واصرو تاخدوها حتبقى جاهزه باذن الله

اخدنا شهادة الميلاد وطلعنا المستشفى اخدنا بقية الورق والفواتير وطلبنا التحاليل وتقرير خروج من المستشفى وطبعا يوم الولاده لما دفعنا حساب المستشفى اخدنا زيرو بيل ومن اول زياره للدكتور لما دفعنا وراجعته بعد الولادة اخدنا زيرو بيل  ولما راجعنا بالطفلة عند طبيب الأطفال كمان اخدنا الزيرو بيل  والمبالغ اندفعت  نفس الباكج بالجروب بالظبط

وانتبهو  بعبادة الأطفال حاولنا فورمه ب ٥٠ $ او ٤٥ $ قال نعبيها وفيها نوع تامين بس احنا رفضنا وقلنا اننا كاش المسافرين  مش محتاجينه

طبعا احنا وصلنا كده تاريخ ٢٨ مايو

يوم ٢٩ الصبح طلعنا لوس انجلوس الجوازات ومعانا التيكت ان حسافر تاني يوم

اخد مننا الورق واعطانا ورقة معاد الساعه ٢ ونص

رجعنا وتركت عنوان أصحابنا عشان ال ssn ووصلهم اليوم بتاريخ ٤ يونيو يعني بعد ١٤ يوم

وتركت لصحابنا شهادة الميلاد كمان بعتهالهم بالبريد عشان يصدقوها من القنصلية هناك

والحمد لله رجعنا الدمام بخير

والأمور تمت بالف خير وعقبالكم جميعا الله ييسر ويسهل اموركم

بكل دعائي لكل إنسان دخل وساعدني  بصغيره او كبيره والله يشهد ماقصرتو لكل الي بالجروب هنا او عالخاص والمهندس **** وهبه والجميع حتى الي وصلوني ب ناس خارج الجروب

بكل الاوقات والمواعيد الي كنت بتواصل فيها والله ماتاخرتو بشي جعله الله في ميزان حسناتكم واجركم يارب

ولو اي شي فاتني اكتبه او اقدر افيد بيه انا حاضره

مع خالص الشكر والامتنان ♥??

 

التجربة –24

تجربة الولادة – مايو 2019

هشام المقدم

كاليفورنيا

 في البداية أحب أشكر مؤسس الموقع واعضاء الجروب على المعلومات الي ساعدت كتير في نجاح التجربة.

احنا سافرنا في أخر ال 38 على طيران الامارات من دبي,. بعد رحلة 16 ساعة وصلنا بحمد الله مطار لوس انجلوس و كان زحمة جدا, 

تاني مرحلة كانت ايجار العربية وبنصح الناس تأجر من شركات عالمية معروفة زي هيرتز, ثريفتي, دولار… أنا أجرت من شركة اسمها فوكس وما كانتش تجربة كويسة ودفعت مصاريف تأمين زيادة لأن الست قالتلي انها اجبارية, مع ان تاني مرة وانا بأجر من ثريفتي قلت مش عايز الراجل ماقالش حاجة.

المهم خدنا العربية واتجهنا على ريفرسايد و الطريق خد فوق الساعتين بسبب الزحمة. الكلام ده كان الساعة 6 المغرب.

السكن كان بيت منفصل في وسط البلد في ريفرسايد وبصراحة البيت كان كويس قوي وسعره أوفر من فندق اكستندد حتى بعد الخصم و كان فيه مطبخ متكامل فكنا بنعمل أكل معظم الوقت. أنا شخصيا بنصح الناس تسكن في ريفرسايد لأن المكان هادي نسبيا و تقدر تتحرك بالعربية من غير ماتقف في زحمة طول الوقت زي لوس انجلوس او انهايم, و المكان فيه كل الخدمات لكن مافيهوش فسح قوي.

طبعا اختيار هشام المقدم ده كان من شهور من ساعة ما قريت اسمه وشفت الأراء فيه اونلاين, والحمد لله الراجل محترم جدا وبيرد على كل الاستفسارات. اختيار المستشفى كان بارك فيو ودي برضه من زمان لسرعة الرد والاستجابة وكانو ودودين بعكس مستشفى ريفرسايد, ده غير مهازل الفواتير. المهم قبل موعد الولادة باسبوع اقترح علينا الدكتور لو عايزين نعمل طلق صناعي لأن فيه سكر حمل خفيف وبعد تفكير وافقنا وتمت الولادة يوم 14 مايو بدل 18. تجربة الطلق الصناعي مش هينة عشان لو حد بيفكر فيها, انا كنت قاري عنها كتير ومع ذلك كنت مشفق على مراتي من الوجع طول فترة الولادة الي استمرت 16 ساعة. ملحوظة بخصوص الابيدورال, دكتور التخدير الي اداها لمراتي اسمه بران و شكله روسي كده, بلاش منه وشوفوا غيره لأن مفعول الحقنة راح بسرعة وكان الوجع محسوس في ناحية وناحية لأ. الكلام ده أكدته واحدة تانية قابلناها برضه. المهم قبل الولادة بنص ساعة تم الاتصال بدكتور هشام وجه والحمد لله رزقنا ببنت.

الاهتمام بعد الولادة كويس جدا من الممرضات (كانوا بيدخلوا كل ربع ساعة تقريبا), احنا كنا طالبين غرفة منفصلة وخدناها. تم الخروج من المستشفى بعد 24 ساعة من الولادة واتحسبت الاقامة يوم واحد. للتأكيد: بارك فيو بتحسب اليوم بالبيات قبل الساعة 12 بالليل فلو دخلت الساعة 1 صباحا يبقى معاك 23 ساعة عشان يتحسب يوم و بعدها 24 ساعة كمان عشان يتحسب يومين. احنا طلعنا من المستشفى 8 بالليل تاني يوم.

شهادة الميلاد خدت يومين عمل, انا جبتها في التالت وعملت جواز السفر في الرابع بما ان كده كده البيبي ماينفعش يسافر قبل اسبوع. بالنسبة لصورة المولود انا صورت بنتي على خلفية بيضاء وكانت صورة كويسة جدا يعيبها فقط ان كان فيه خيال وراها, اخويا عدلهالي بفوتوشوب وطبعتها في صيدلية سي في اس والحمد لله اتقبلت, بنصح الناس تعمل كده أسهل. رحنا الجوازات الساعة 1:45 وكنت مستلم الجواز الساعة 3:20, السوشيال سيكيوريتي وصل بعد رحيلنا واستلمهولي احد الأعضاء المحترميين.

رحلة العودة كانت نفس الموضوع 16 ساعة و الحمد لله عدت على خير.

التكلفة تقريبيا:

تذاكر الطيران: $1521 (مخفضة عن طريق مضيف طيران الامارات)

السكن: 38 يوم ($2425)

ايجار السيارة: ($1500) – يمكن تحسينه

بنزين: $150

ولادة ودكتور: $4475

مصاريف: 3000$

 

التجربة –25

‏‎تجربة الولادة طبيعية فى كاليفورنيا – د. هشام المقدم – مستشفى باركفيو بتاريخ ٥/٣٠

بالتفصيل الممل 

‏‎اختيار الولاية:

بما أن اول ولادة لية كانت ولادة طبيعية الحمد لله و الأمور فى الحمل الثاني كانت طبيعية و مفيش مشاكل فكنت شايفة ان الولادة فى كاليفورنيا هى الأنسب ماديا ” كل واحد بيحسبها من وجهة نظره طبعا ” – و استقريت على د. هشام المقدم لان كل الكلام عليه ايجابى جدا و كمان عربى  فالتفاهم هيبقى سهل

‏‎السفر:

‏‎سافرت فى الاول : انا وبنتى ومامتى و قعدنا ٣ اسابيع و بعدين جه زوجى وقعد معانا لحد ما الباسبور طلع ورجعنا كلنا مع بعض الحمد لله

‏‎السفر كان فى الأسبوع ٣٦ على طيران الاماراتية من القاهرة..

‏‎قبل السفر الدكتورة كتبتلى على حقنتين الرئة و اخدتها و كنت فى الأسبوع ٣٤ تقريبا و كنت باخد مثبت. لان الدكتورة كانت خايفة أولد بدري لانى كنت تعبانة قبل السفر و كنت حاسة أنى هولد قبل ما اسافر

‏‎الرحلة تعتبر شاقة جدا  ( مدة الرحلة حوالى ٢٠ ساعة ) كنت بقوم اتمشى فى الطيارة كل ساعتين تقريبا و طلبت زجاجة مياه كبيرة اول ما ركبت الطيارة و المضيف فعلا جابلى زجاجة مياه كبيرة كفتنى الرحلة كلها و الأمور كانت ماشية طبيعى الحمد لله

‏‎وصلنا الحمد لله و دخلنا البيانات على الماكينة و مطلعش x و دخلنا على طول .. اتسالت عن سبب الزيارة .. قلت shopping, medical care

‏‎و اتختملى ٦ شهور و محدش علق على اى حاجة

‏‎السكن :

‏‎السكن كان عن طريق Airbnb

‏‎                  ⁃                اول ما وصلت انا و بنتى و مامتى سكنت فى منطقة كورونا لمدة “٢٢ يوم” – أخدنا غرفة بحمام خاص فى فيلا كويسة ( موقعها قريب جدا من فندق Spring Hill ) – سعر الليلة تقريبا ٥٥ دولار – حوالى ١٥ دقيقة مشى لمنطقة الخدمات و السوبر ماركت .. و بعيد عن عيادة د هشام فى كورونا حوالى ٨ دقايق بالعربية

‏‎                  ⁃                و لما زوجى وصل نقلنا لمنطقة Eastvale .. أخدنا غرفة كبيرة تسع ل ٤ أشخاص ” لمدة ١٢ يوم ” بحمام خاص فى فيلا و المنطقة ممتازة جدا و هادية و نضيفة – تقريبا ٤٥ دولار الليلة

 

‏‎المواصلات:

‏‎                  ⁃                فى اول ٣ اسابيع لما كنت لوحدى مع بنتى و مامتى اعتمدنا على المواصلات العامة و كانت تجربة ظريفة جدا ( ارقام الbus و المواعيد موجودة بسهولة على google map ) بس فى أوقات تانية كنا بنعتمد على اوبر أو ليفت لما نكون مستعجلين والمشوار بسيط

‏‎عيب ال bus انها بتاخد وقت اكتر بكتير من اوبر – يعنى لو المشوار ١٠ دقايق ب اوبر ، ممكن ياخد ٤٠ دقيقة بال bus لان ليه مسار محدد طبعا غير انك ممكن تركب اكتر من bus لمشوار بسيط

‏‎                  ⁃                لما زوجى وصل أجرنا عربية من budget لمدة ١١ يوم بحوالي ٢٩٠ $ بالتامين – السعر طبعا ممتاز لان كان في عرض على الموقع و ساعدنا فى الحجز sherif sabry من الجروب هنا جزاه الله خيرا بجد .. ملحوظة السعر دة كان متوفر فقط لسيارة Ford Focus و الاستلام و التسليم كان من فرع budget – riverside university avenue

Part 2:

‏‎الولادة:

‏‎                  ⁃                قبل الولادة بيومين ( كنت فى اوخر الأسبوع ٣٩) كنا عند د. هشام يوم الثلاثاء و سالنا لو عايزين induction لو مستعجلين لان الرحم كان فاتح ٢.٥ – ٣ سم فقط لمدة أسبوع و اتفقنا على ال induction و حجزلنا موعد فى باركفيو يوم الأربعاء منتصف الليل ( بداية يوم الخميس)

‏‎                  ⁃                تانى يوم على طول بعد زيارة الدكتور (٥/٢٩ ) الساعة ١١ الظهر تعبت و الطلق كان بييجى كل ٦-٧ دقايق و كلمت الدكتور و قالى اروح المستشفى .. دخلت المستشفى و الدكتور كان متابع الحالة مع الممرضات بالتليفون و جالى اكتر من مرة .. قعدت حوالى ١٣ ساعة عقبال ما ولدت ( بعد دخولى ركبولى محاليل و الدكتور جه و فتح مياه البيبى عشان يسرع من الطلق شوية و دة محصلش للأسف الا بعد كتير .. الطلق بقى اسرع بعد دخولى ب حوالى ١٠ ساعات و طلبت الابديورال و جالى دكتور صيني أو يابانى مش عارفة بس كان كويس و الأمور الحمد لله بقت اسهل بعد الابديورال .. و الحمد لله ولدت الساعة ٠٠:٠٧ يوم الخميس (٥/٣٠ ) و قعدت لحد الخميس منتصف الليل اى قبل بداية يوم الجمعة)

‏‎                  ⁃                ملحوظة الدكتور قالى متقلقيش هيتحسب يوم واحد بس ( مش عارفة ازاى كان بيقولى كدة مع أنى كدة هكون قعدت فى المستشفى حوالى ٣٧ ساعة ?) بس اتحسابت على يوم زيادة

– قعدت فى غرفة مشتركة ” طلبت أتنقل فى غرفة مفردة لكن قالولى للأسف مفيش غرفة فاضية” – الغرفة كانت مقسومة عن طريق ستارتين و مكنتش سيئة خالص زى ما كنت متوقعة و محدش فى الاوضة شايفنى و لا حاجة زى ماكنا متخيلين

– طلبت ال breast pump و قالولى لا مفيش ? و بعدين طلبنا لبن للبيبى عشان كنا حاسين انه مبيرضعش كويس ، جت الممرضة مرتين بصت علية و عليه و قالتلى لا متقلقيش هو مش محتاج لبن صناعى ” مش عارفة قالت كدة توفير و لا هو فعلا كان كدة ?”

– بعدين طلبنا الكارسيت و أخذناه يعتبر معقول جدا بصراحة و احنا خارجين فى حد من الاستاف وصلتنا للعربية عشان تتاكد أننا ركبنا الكارسيت مظبوط

– كمية البامبرز اللى أخذناها فى المستشفى تكفى ليوم واحد فقط بعد الخروج

– الاستاف فى المستشفى كله محترمين و مهذبين و المستشفى بشكل عام كويسة جدا بصراحة .. الحاجة الوحيدة اللى معجبتنيش هى دكتورة الأطفال لما كشفت على البيبى ” مش عارفة ليه حسيت بكروتة فى الكشف ?“

‏‎شهادة الميلاد و الحسابات:

‏‎                  ⁃                بعد الولادة الصباح يوم ٥/٣٠ جت الأخت christen و اديتنا الفورم (قريب جدا من الموجود على الموقع usatotalcare.com ) و مليناه و قالتلنا انها هترجعلنا تانى عشان نراجع البيانات و نمضى على الفورم بعد ما تكتبها على الكمبيوتر

‏‎                  ⁃                فعلا جت و راجعناها و كانت مظبوطة تماما و أكدت علية انها هتطلع فى خلال ١٠ ايّام عمل و رفضت تخلينى اصور الورقة بالموبايل بعد ما مضيت عليها و قالتلى ممنوع

‏‎                  ⁃                جت دكتورة الأطفال و شافت البيبى و عملوا ال hearing test و طلبت التطعيم و اخذه الحمد لله و الأمور كانت مستقرة

‏‎                  ⁃                خرجنا يوم ٥/٣١ منتصف الليل عشان البيبى يكون كمل ٢٤ ساعة كاملة 

‏‎                  ⁃                عند الخروج عدينا على مكتب الخروج و قالوا الحساب ٣١٢٥ $ ( ٢٤٥٠ $ ولادة طبيعية ليلتين + ٥٢٥ $ ابديورال + ١٥٠ $ أطفال و اختبار سمع) ..

‏‎                  ⁃                قولنالهم لا الدكتور ماكد أنى هتحاسب ليلة واحدة مش ليلتين ? يعنى هدفع ٢٤٧٥ $ بدلا من ٣١٢٥ $ .. الناس محترمين جدا و مهذبين و قالوا لزوجى اوك مفيش مشاكل ادفع دلوقتى اللى انت عايزه و الصبح هنتواصل مع الدكتور و نشوف الموضوع دة.

‏‎                  ⁃                زوجى راح الصبح تانى يوم الجمعة ( ٥/٣١) للحسابات  عشان يطلب نسختين من ال zero bill و الأوراق زى ما مكتوب على الموقع .. قابلته coreen من الحسابات موظفة محترمة جدا و مهذبة جدا و قالتله ان المفروض يدفع ليلتين مش ليلة واحدة ( احنا أصلا كنا مقتنعين بكدة ?) و قالت بالنص :Doctor has no control on hospital bill, he has only control on his own bill

‏‎                  ⁃                و دفعنا باقى الفلوس عادى جدا و طلبنا الأوراق و قالت فى خلال يومين – ٣ ايّام عمل هتكون خلصانة

‏‎                  ⁃                رحنا يوم الثلاثاء ٦/٤ ( بعد ٤ ايّام عمل من تاريخ الولادة ) و استلمنا الأوراق نسختين مختومين و راجعناها ( بعد التواصل مع م. محمد زيدان ) و كله تمام …  قلنا نعدى و احنا ماشيين على مكتب شهادة الميلاد اللى فى المستشفى و اسأل عن شهادة الميلاد و روحت فعلا و قابلتنى موظفة بشوشة ( غير christen اللى ملت شهادة الميلاد ) و قالتلنا تقدروا تروحوا تطبعوا شهادة الميلاد من riverside county

‏‎                  ⁃                تعتبر شهادة الميلاد خلصت بعد ٤ ايّام عمل أو اقل كمان ( خميس و جمعة و اثنين و ثلاثاء ) .. من الفرحة بدل ما نروح riverside county اللى هى جنبنا ب ١٠ دقايق .. رحنا Orange County اللى هى بعيدة عننا بحوالي ساعة الا ربع ( دخلنا على الموقع و اتلغبطتنا فى للعنوان من الفرحة ?) و ضاعت علينا ٢٨ دولار على الفاضى و قالولنا ايه اللى جابكم هنا

‏‎                  ⁃                تانى يوم الحمد لله روحنا riverside county و طبعنا ٥ نسخ ب ١٤٠ دولار

[10:13 PM, 6/12/2019] +20 100 893 4148: Part 3

‏‎المتابعة مع دكتورة الأطفال:

‏‎                  ⁃                حبينا نطمن على البيبى خصوصا ان كنا شاكين ان لونه اصفر شوية  و لون ال pee بتاعه متغير .. استبعدنا دكتور كاركامو  لان فى اكتر من حد اشتكى منه على الجروب .. احد الأخوة على الجروب ربنا يكرمه بعتلى كارت لدكتورة اسمها bedoy فى نفس مبنى العيادات اللى قصاد باركفي,

‏‎                  ⁃                كلمتهم فى التليفون قالولى ان الكشف ١٥٠ $ و بعد ما حد على الجروب اكد انه دفع ٨٥ فقط كلمتهم تانى و قالولى ان ١٥٠ دة بالتطعيم لكن لو مش هطعم البيبى هدفع ٨٠ فقط

‏‎                  ⁃                روحت تانى يوم العيادة بعد ما كلمتهم و لقيت الكشف  ٦٥ $ فقط ?

‏‎                  ⁃                الدكتورة فى المجمل معقولة نظرا لان مكنش عندنا مشاكل اوى الحمد لل

زيرو بيل دكتور هشام:

– بعد الولادة الدكتور هشام حددلنا معاد للزيارة

– تواصل زوجى مع الأخ محمود كمال جزاه الله خيرا من الجروب عشان ياخد صيغة الزيرو بيل مفصلة عشان التامين لما نرجع

– ظبطت الزيرو بيل المفصلة و طبعتها نسختين و اخدتها معايا العيادة عشان الدكتور يمضيها و يختمها

– روحت للدكتور و اخدت منه الزيرو بيل ” نسختين  ” + الزيرو بيل المفصلة اللى كنت طابعاها نسختين + الميديكال ريكورد مختوم

‏‎الباسبور:

– حبينا ناخد موعد قبل حتى ما شهادة الميلاد تطلع بس مكنش فى مواعيد .

‏‎                  ⁃                بعد ما اخدنا شهادة الميلاد .. ملينا فورم الباسبورDS-11  زى ما مكتوب على الموقع و ظبطنا تاريخ التذكرة مع م. محمد زيدان عشان يبقى تانى يوم على طول عشان اخد الباسبور فى نفس اليوم

‏‎                  ⁃                اتحركنا تانى يوم الصبح الساعة ٨ من Eastvale و وصلنا لأقرب مكتب fedex لطباعة الورق جنب مبنى الجوازات بعد حوالى ساعتين و نص لان الطريق كان زحمة جدا

‏‎                  ⁃                وصلنا مبنى الجوازات الساعة ١١ الصبح و وقفنا على الشباك ” الدنيا كانت زحمة بس الطابور بيتحرك بسرعة ” و طلعنا الدور السابع و البيبى اتصور صورتين ب ١٤$ و بعدين نزلنا الدور الاول عشان اقدم الأوراق كلها

‏‎                  ⁃                و زوجى واقف فى الطابور بيبص بالصدفة على Ds-11 اللى طبعناه لقاه عامل ان البيبى female من السرعة بدل ما يعلم على كلمة Male ..سالنا الموظفة قالت عادى اشطبوا عليها بالقلم و عدلوها مفيش مشكلة ( اتضح بعدين ان دة مش صح) و قدمنا الورق و كله تمام

‏‎                  ⁃                الساعة ٣:٣٠ اخدنا الباسبور و الكارت الحمد لله و كله تمام (يوم السفر و زوجى قاعد بتأمل فى الباسبور لقاه مكتوب ان البيبى female ? كنا فى المطار ساعتها .. و محدش خد باله من حاجة و عدت على خير و رجعنا ارض الوطن الحمد لله)

– كدة يعتبر استلمنا الباسبور بعد ٥ ايّام عمل فقط من تاريخ الولادة الحمد لله ??

[10:14 PM, 6/12/2019] +20 100 893 4148: Part 4 “ final”

‏‎السوشيال سيكيوريتى

‏‎                  ⁃                كتبنا عنوان المراسلة على صاحب زوجى فى ولاية تانية غير ولاية كاليفورنيا .. و لقيته بيكلمنا بعد ٦ ايّام عمل من تاريخ الولادة و بيقول انه وصله البيت خلاص ( كنا مأكدين عليه يكتب اسم البيبى على صندوق البريد عنده )

بعض الملحوظات:

– انا كنت حاسة أنى هولد قبل ما اسافر من التعب  و لما سافرت التعب راح و  قعدت ٣ اسابيع مفيش اى مشاكل عقبال ما ولدت فالناس متقلقش ان شاء الله خير

– باكيدج للولادة الطبيعية ليلتين فى مستشفى باركفيو ب ٢٤٥٠ $ ( بدل من ١٨٠٠ $ ليلة واحدة ) زى ما مكتوب فى الأوفر بتاعهم ( يعنى الليلة الثانية للولادة الطبيعية تعتبر ب ٦٥٠ $ مش ١٠٠٠ $)

– السكن تبع Airbnb ظريف و مش وحش زى ما كنت متخوفة ” كل واحد و نصيبه اكيد “.

– لو فى بيانات مش مظبوطة فى Ds 11 ياريت الناس متعدلش على المكتوب ، هات واحد تانى و اكتبه بخط الايد بصورة واضحة عشان ميحصلش اخطاء فى الباسبور 

الحمد لله الرحلة تمت على خير بفضل الله ثم فضل م . ****** ” الراجل بيرد على طول فى اى وقت ما شاء الله” و بفضل ناس كتير على الجروب بتساعد ?? و ربنا يكتب السلامة للناس كلها

 

التجربة –26

 

تجربتي يونيو ٢٠١٩

كاليفورنيا-هشام المقدم

انا سافرت الاسبوع ال٣٦ وديه اول ولاده روحت لهشام وقالي ان ممكن علي الاسبوع ال٣٩ نعمل induction لو حابه بتروحو تتابعو كل اسبوع وبيعمل سونار تفصيلي عشان يتطمن ان كل حاجه تمام وطلب من مسحه مكنتش مكتوبه في التحاليل بتاعته وعملهالي وقالي الفاتوره هتجيلك علي العنوان ومينفعش ادفع عنده هي كانت ب٢٤ دولار مش قصه بس كنت قلقانه متوصلش وتعمل مشكله بعد كده وفعلا موصلتش واخدت منه عنوان المعمل وروحت بنفسي دفعت وخلصتها.

المهم فضلت اروحلوً كل اسبوع ومفيش اي جديد ولا بوادر حتي ولا اي وجع وكنت بمشي وبعمل مجهود وكل حاجه اول يوم العيد كان عندي ميعاد معاه كلمته اجله اربع بدل ثلاثاء لقيته اصلا هيسافر اليوم ده وكان هياجل رتبت علي الاربع ده كان الاسبوع ٣٨ و٤ ايام تقريبا وعدي اليوم ويشاء ربنا اليوم ده بليل احس بالم الولاده كلمته قالي اطلعي علي المستشفي وانا هكلمهم يجهزو كل حاجه بس للاسف هو مكانش موجود( كان ليله العيد) قالي المساعده بتاعتي ترافيدي هتكون هناك وصلت دقايق وكانت وصلت طبعا كان الم فظيع كشفوا لقو الرحم مفتوح ٩ سم وطبعا مفيش فرصه اخد ابيديورال وللاسف ولدت من غير ابيديورال الولاده كانت سريعه جدا من اول وجع للولاده كله حوالي ساعتين ونص ديه حاجه كويسه ان الموضوع خلص بسرعه ولكن كان سبب ان الجرح يكون كبير 3rd degree laceration

والدكتوره احتاجت vacuum عشان تطلع البيبي والولاده تمت علي خير الحمد لله.

انا دخلت المستشفي ٤/٦ الساعه ١٢:٣٠ بليل فضلت ٤/٦ كله و٥/٦ كله لحد ١١ بليل واتحاسبت علي يوم عادي

تمريض الغرف تمام جدا بياخدو بالهم منك ومن البيبي وكله تمام الغرفه كنت لوحدي فيه سرير لمريض تاني بس فاضي وكان لزوجي بات فيه. التمريض مش بيطلع حاجه غير لما تطلبي وتلحي ممكن لو حاجه عارفه انك هتحتاجيها بعد ما تخرجي اتطلبيها من اكتر من ممرضه في اكتر من شيفت لان ساعه الخروج مش بيجبولك اللي بتطلبيه اوي

هشام جالي تاني يوم واتطمن علي الجرح واعتذر انه مقدرش يكون موجود.

فيه ممرضه في غرفه الولاده حصلت مشكله معاها هي فلبينيه وشعرها قصير غالبا اسمها مارلين وهي المسؤله عن استلام المولود وبتقيسله vital signs هي حضرت الولاده من الاول وكانت بتضحك بشكل مستفز وانا مكنتش مستحمله وطلبت انها تطلع بره وطلعت فعلا بس قالت بعد كده ان انا ضربتها وجت رئيسه الجناح سالتني علي اللي حصل وهشام كمان سالني.

بخصوص الورق والفلوس : هشام اخد فلوسه في العياده من اول كشف ٢٠٠٠$ وبيدي وصل والزيرو بل اخدته بعد الولاده من العياده عنده بتتصلي بالعياده قبلها يجهزوها وتروحي تستلميها وفيه ميديكال ريكورد برده بتستلموه من عنده لو طلبتوه( غالبا التامين بيحتاجوا بعد كده) دول من هشام في العياده.

المستشفي فيه الitemized bill والميديكال ريكورد للام والمولود( لازم الام نفسها تكون موجوده عشان تاخده ) حسب عدد الورق بس سعره من ٥-٨$ الitemized bill ممكن الاب او اي حد ياخدها. اطلبي ختم كل الاوراق سواء من العياده او المستشفي والitemized bill هتكون مختومه fully paid بالاحمر كبيره كده.

شهاده الميلاد: الولاده كانت فجر الثلاثاء ملينا الورق ظهر الثلاثاء الشهاده قالو الجمعه او الاتنين روحنا الاتنين كانت خلصت ملحوظه الدور الارضي يمين الاسانسير فيه باب عليه birth certificates ممكن تسالوا تتاكدو الشهاده خلصت ولا لأ بدل ما تروحو تدفعو ٢٨$ في مكان الاستلام وتكون لسه .

الباسبور في LA بيكون يوم متعب اوي من الطوابير والزحمه بس الدنيا منظمه والناس كلها بتحاول تساعد احنا وصلنا اليوم ده متاخر جدا وكنا واثقين مش هنلحق لان الساعه كانت عدت واحدوحتي مكناش صورنا البنت ولا طبعنا الform كانت معانا soft copy دخلنا فيه شباكين مكتوب callA و callB بتدخل عليهم الاب والام والمولود وشهاده الميلاد والform اديتنا رقم وفورم جديده قالت املوها مانيوال لان مفيش مكان نطبع وخلاص مفيش وقت وقالتلنا نطلع السابع نصور البنت صورناها ب١٤ دولار وسالنا تاني علي طباعه مكناش عايزين نكتب مانيوال عشان ميحصلش غلط مع الاستعجال الراجل قالنا بيطبع بس الورقه بدولار توكلنا علي الله وطبعنا ونزلنا الدور الاول سلمنا الورق ومضينا اننا مستلمناش الSSN و طلبنا الcard والباسبور الكبير وطلعنا بره انتظار وطبعا استلمنا متاخر اوي حوالي الساعه ٦ لاننا واصلين في الاخر.

الSSN حطينا عنوان ناس اصحابنا ووصلهم تقريبا نفس اليوم اللي استلمنا فيه شهاده الميلاد.

تقريبا المده كلها كانت شهر من١٣/٥ ل١٤/٦ وكان ممكن تبقي اقل شويه لو جيت متاخر زي ناس كتير او لو كنت لقيت حجز وسافرت بدري.

السكن: اول ما وصلت نزلت ٥ ايام في simply home inn اوتيل في ويفرسايد المكان تقييمي ليه ممتاز الليله بالضرايب في حدود ٦٥-٧٠ المكان ٩ دقايق من عياده هشامفي ريفرسايد و ٩ دقايق منمستشفي بارك فيو فيه محطه باص قدام الاوتيل علطول دقيقه بالظبط مسافه مشي لحد galleria tyler ده مول هنا جنبه target و ross والمول فيه macys و jcpenny فيه هناك food court و cheesecake factory و pfchungو

فيه قدام الاوتيل panda express

اصحاب الاوتيل هنود محترمين جدا ومتعاونين فيه ناس من توتال كير كمان بعته عليهم الSSN ووصل وتمام

نزلت هناك قلت اكون جنب المستشفي واروح لهشام ولو لسه شويه هنقل وفعلا نقلت مورينو فالي

المواصلات: الفتره الاولي معظم الوقت كنت بحرك مواصلات عن طريق google maps ك التفاصيل عليه واحيانا لما متظبطش اوبر او ليفت بعد الولاده زوجي كان موجود واجرنا سياره من enterprise اسبوع بحوالي٣٥ اليوم.

الshopping?

Desert hillls outlet in cabazon احسن من اونتاريو كمان وطبعا burlington/ross/tjmax/walmart

اخر حاجه انازكنت رايحه وناس كتيرزمخوفاني من ريفرسايد وبتقول انها محدوفه ومفيهاش حاجه ولا خدمات الله ديه خدعه انا رحت انهايم وريفرسايد وشايفه ريفرسايد  احلي بكتير وبغض النظر عن اي اراء شخصيه هي حقيقي فيا كل حاجه شوبينج وخدمات واكل وكل حاجه ونصيحه لو اول ولاده متبعديش عن منطقه دكتورك انت فضلت ١٨ يوم خايفه ابعد ولما زوجي وصل وفقدت الامل في الولاده خلاص وكل الناس حواليا بيفضلوا لل٤١ ومفيش ولاده روحنا هوليوود يونيفرسال استوديوز اتفسح وركبت رايدز عادي اوي ومفيش اي حاجه وقلنا نبات هناك ليله عشان تاني يوم نكمل فسحه في هوليوود واول ليله اطلع بره ريفرسايد ويشاء ربنا اول ما ادخل الاوتيل احس بالم الولاده وناخد اوبر ونطلع ريفرسايد طبعا مكانش يعرف بس فهم بعد شويه لما بدات اصرخ وكان بيكسر اشارات وماشي بسرعه وووصلت في ساعه تقريبا ومن رحمه ربنا ان ده حصل الساعه ١١:٣٠ بليل فالدنيا فاضيه غير كده لو الضهر مثلا لا يمكن كنت الحق لان الطريق في العادي بياخد ساعتين وزياده ولولا المسافه الطويله كنت وصلت بدري واخدت الابيديورال وكانت هتكون الولاده افضل شويه بس الحمد لله علي كل حاجه.

طبعا شكرا لكل الناس هنا اللي ساعدت بشكل مباشر او غير مباشر بتجاربهم السابقه الواحد كان بيدخل هنا في اي مشكله تقابله يعمل search يلاقي كل اللي يحلم بيه?

و شكرا لكل الصحبه الحلوه اللي كانت بتهون الايام والتعب خصوصا البنات ااحلوه الجدعه بذات في  الفتره اللي كنا فيه لوحدنا من غير ازواجنا من اول منال اللي ساعدتنا كتير بتجربتها وسعاد اول واحده حضرت معاها تجربتها لايف? ومنايا و اسماء ومامتها اللي بتعاملنا كلنا ذي بناتها وبتاخد بالها مننا وساره(ربنا يقومها بالسلامه يارب) وهيفاء ورحاب رفيقه الدرب والshopping?

صحيح محدس سال علي اي حاه في المطار في الرجوع انا اماراتيه والدنيا كانت smooth جدا

نحدثكم من مطار دبي حيث الترانزيت ?

دعواتكم نوصل بالسلامه??

 

التجربة -27

  

 السفر

حجزنا فى أول التاسع قبل ميعاد المتوقع للولاة بأربع اسابيع على لوفتهانزا لأنها كانت أقل مدة سفر الى LAX ترانزيت ميونيخ الخطوط السعوديه كانت 14ساعة و الإماراتية كانت 16ساعة إنما لوفتهانزا كانت 12ساعة وحجزنا الراجع بعدها بشهر و نص

الرحلة كانت معقولة جدا و الترانزيت كان خمس ساعات مريح و احنا فى الترانزيت دخلت على Expedia و حجزت تزكرة راجع بعد الزهاب باسبوع علشان كنت خايف أن ظابط الجوازات يسألنى على معاد الرجوع و يسأل على تذكرة الطيران وكنت ناوى انى الغيها بعد ما نعدى الجوازات علطول علشان معديش فترة السماح بتاعة Expedia اللى هيا 24 ساعة

نصحونا بلبس شراب طبى علشان تورم القدمين بس للاسف كان سيئ جدا و حصل ورم جامد عليهم و اكتفينا بشرب سوائل كتير و تمشيه كتير جوا الطيارة

رحلة كانت مرهقة جدا بس ربنا بيهون

وصلنا مطار لوس انجلوس  كان زحمة جدا جدا و عملنا automated check in و دخلنا على ظابط الجوازات

من الزحمة مسألناش على حاجة ختم 6شهور و استلمنا الشنط انا قولت كده عدينا خلاص بس لاقينا أن لازم نقف فى طابور تانى اخرة ظابط لما وصلناله شاف الباسبورات و سألنا معانا بذور أو لحوم قوالنا لا و سألنا معانا كام قولتله 7الاف دولار قال كل واحد فيكو معاه 7؟! قولتله لا احنا الاتنين

ادانا الجوازات و خرجنا اخدنا اوبر بس من المطار للسكن كان حوالى ساعتين لأنه كان rush hour

ثالثا السكن

قعدنا فى سانتا انا

السكن كان مريح جدا و صاحبة السكن كانت خدومه جدا جدا و متعاونه

مأجرتش عربيه و فى الاول قولت كده كده التمشيه فى الشهر التاسع مطلوبة فكنا بنقضيها اتوبيسات و بعد الولادة اوبر أو ليفت

د أمين فواز محترم جدا و ايزابيلا السكرتيرة خدومه جدا ملينا البيانات و كشفنا و بعد كده عملنا سونار و قعدنا فى انتظار الولادة

الولادة تمت قبل الميعاد المتوقع ب ١٢ يوم روحنا المستشفى Anaheim global medical center الساعة ٧ الصبح بعد ما اتصلت ب ايزابيلا اللى أدت خبر المستشفى أن احنا رايحين تبع د أمين

مستشفى نظيفة جدا و الممرضات شاطرين و متعاونين اخدت حقنة التخدير و تمت الولادة الساعة ١١ بالليل يوم الجمعة

قعدنا فى المستشفى يوم السبت و روحنا يوم الاحد الصبح

رابعا الورق

يوم الاثنين الصبح روحت ل ماجى فى المستشفى و مليت الاستمارة بتاعة ال birth certificate و ماجى قالتلى انها حاتبعتها يوما

تانى يوم لقيت ماجى بتكلمنى على الخط الأمريكي و قالتلى انها بعتت شيت غلط لل county و ال countyمش قابلاها ولازم اروح ليها المستشفى علشان أمضى على شيت تانى ب verification codeتانى

روحتلها يوم الثلاثاء و مضيت على الشيت الصح. يوم الجمعة اللى بعديها لقيت ماجى بتكلمنى تانى و بتقول أن الcounty مش قابلة الورق برده? لأن فى غلطة ولازم اروح ليها علشان تصلحها و أمضى تانى

روحتلها فى نفس اليوم و لقيت ماجى غلطانه فى كتابة اسم المستشفى نفسه بدل ما تكتب Anaheim كتبت Anahim ?

فقولتلها هاتى الشيت اراجعه تانى

لقيت ماجى غلطانه برده فى اسم الام فى ال spilling الحمد لله صلحته و حمدا لله انها غلطت فى اسم المستشفى بتاعتها علشان اخد بالى من غلطة اسم الام (كانت حتبقى مشكلة) الكلام ده كان يوم الجمعة

يوم الاتنين لاقيتها بتكلمنى تانى ?? و بقول أن ال countyعايزه الاستمارة تبقى بتاريخ يوم الجمعةو مش يوم الاتنين اللى قبله

هيا قالت ليهم يعجلو با الشهاده لأن الأخطاء مليش ذنب فيها

روحت ال countyيوم الخميس لقيت الشهاده الحمد لله اخيرا??

كنت عايز اروح اعمل الباسبور و انا معايا السوشيال علشان استماره الباسبور تكون كامله ف معملتش حاجة يوم الجمعة بس روحت مكتب ال social security office اللى فى سانتا انا علشان استفسر عنه و قالولى أن حيتأخر ليوم الثلاثاء لأنه تم إصداره من بالتيمور فى أقصى الشرق و كمان يوم الاثنين اجازه فى أمريكا لأنه memorial day  المهم اسنيت ال week end و دخلت على موقع بتاع الجوازات و ميليت ال applicationللباسبور و حاولت الاقى ميعاد ملقتش و باشمهندس زيدان الله يكرمه ساعدنى فى عمل تذكرة الطيران تانى يوم

روحنا الجوازات و وصلنا الساعة ١٠ تقريبا و روحنا ال Walk in طابور من غير الميعاد و قدمنا الورق و طلعنا الدور السابع صورنا المولود ب ١٤ دولار بعد كده نزلنا الدور الأول اخدنا رقم و دخلنا على الموظفة و اخدت الورق وشافت تذكرة الطيران و قالتلى حتستلم الباسبور الساعة ٢.٥ مساء الكلام ده كان الساعة ١ تقريبا

قولت استغل الوقت و اروح السفارة المصرية فى لوس انجلوس ٢٠ دقيقة تقريبا من الجوازات روحنا بس للاسف لقيتهم قافلين لان مواعيد رمضان الساعة ٢ انصراف

رجعنا و استلمنا الباسبور الساعة حوالى ٤ لأن الدنيا كانت زحمة جدا لأنه كان بعد long weekend

فى نفس اليوم السوشيال سيكيوريتى وصل الحمد لله

يومها حجزت راجع يوم الخميس و كلمت مكتب لوفتهانزا فى أمريكا علشان اضيف المولود و احجز الكراسى

قبل السفر بيوم لقيت مكالمة تليفون من رقم أمريكى بيقوللى أنه من social security department وان فى عمليه suspesious تمت على السوشيالو قفل الخط

انا اترعبت و تانى يوم (اللى هوا يوم السفر) روحت بدرى جدا مكتب السوشيال و سألتهم و قاللى دى scam phoneو المفروض متديش بيانات السوشيال لاى حد و دى شركات بتحاول تاخد بيانات السوشيال من الناس علشان تعمل عليها معاملات

الحمد لله روحنا المطار قبل الميعاد بأربع ساعات و رحلة الرجوع كانت مريحة لأنها ١٠ و نص تقريبا لفرانكفورت  و لما وصلنا مطار القاهرة ختم (اصل مصرى) و دخلنا و تانى يوم روحت العباسية اعمل شهادة الميلاد المصرية و لسه حاستلمها إن شاء الله

نصيحتى

اهم حاجة التوكل على الله و الثقة فى الله و متكدبش

بيانات ال birth certificateلازم تتراجع كويس جدا جدا ولو فى عين تانيه تراجع وراك يبقى احسن

لازم تراجع الفواتير كويس جدا لأن فى فى خطأ برده فى اسم الام فى الفواتير

اختمو الفواتير بختم المستشفى فى الاول قاللى مفيش ختم ولما روحت يوم تانى ختمولى عادى

محدش يدى بيانات السوشيال لاى حد ميعرفوش حتى لو قال إنه من social security office

و ربنا يوفق الجميع

التجربة 28-

الحمد لله الذي بنعمته تتمت الصالحات رزقت بمولدتي لانا التجربة

الولاية :كاليفورنيا

الدكتور :علي حمزة

تم السفر على الطيران الامارتي في الاسبوع ٣٤

ودخلت قعدت خمس ايام في فندق في اورانج كاليفورنيا اسمه Best western plus الفندق نظيف وكويس لكن هادي جدا وتحس انو فاضي ومفهوش حد خالص وبعدها نقلت على استوديو في سانتا انا عبارة عن غرفة نوم وغرفة اطفال صغبرة فيها سريرين وحمام ومطبخ مجهز وفي غسالة ونشافة مشتركة صاحبة الاستوديو ست محترمة جدا ومتعاونة كانت كل متشوفني تسالني اذا كنت محتاجة مساعدة او محتاجة اي حاجة وبعد الولادة وقفت جنبي لاني تعبت جامد في الولادة وحسستني انها فعلا زي امي واكتر وكنت صعبانة عليها لان تعبت جامد في الولادة ومن كتر مكانت كويسة معايا  اتاثرت بفراقها من كتر مهية عندها انسانية ووقفت جنبي وراعتني بعد الولادة  كنت بتحرك دايما با اوبر انا وابني في كذا مكان جمبها زي اورنج اوت ليت وthe main place mall وفي مطعم كنت دايما اروحه لان اكله حلو وعربي وقريب منها اسمهPanini Kabob Grill

 بالنسبة للدكتور والمستشفى الدكتور انا ندمت اني اخترته لكذا سبب هوا كشخص تحسه شخص طيب ومسالم بس معتمد اعتماد كلي على مساعدته الي هيا زوجته يعني هيا الي تحدد هعمل سونار ولالا هيا الي تحدد تاريخ الولادة وكل مساله عن اي حاجة يقولي اسالي راشيل الي هيا مساعدته وزوجته

اول يوم روحت العيادة راشيل قابلتني وخدت مني فلوس الولادة الطبيعي قبل ما ادخل للدكتور  وده بناء اني والدة مرتين طبيعي وطلبت مني ادفع ٥٠٠ دولار زيادة عشان لو ولدت قيصريوبقيت اتابع كل اسبوع مش كل مرة بعمل سونار وبعدها قالي هتولدي قيصري لان وضع الجنين مش مظبوط وحددي مع راشيل معاد الولادة اخترت يوم سبت قالت ان لو اخترت يوم من الويك هدفع فلوس زيادة ٢٥٠ دولار عشان اجازة الدكتور وروحت يوم السبت زي متفقنا ودفعت الفلوس الزيادة

 

بس انا وانا رايحة حاسة ان في حاجة غريبة ولازم اعمل سونار وبعد ملبست هدوم الولادة قلتله عايزة اعمل سونار وصممت ولقيت ان وضع البيبي اتغير وقالي روحي البيت وطلع زي مشكيت وفعلا مشيت وروحتله يوم التلات قالي اطلعي على المستشفى هنساعد بطلق صناعي وبعدها تمت الولادة وبا اعتبرها اصعب ولادت  بس الحمد لله انها عدت لاني تعبت شوية وهوا بيولدني حصل انفصال في المشيمة واضطر يعملي تنظيف في ساعتها وانا صاحية وكان مفعول التخدير راح لان دكتور التخدير جه اداني حقنة ساعة الولادة يوقف مفعول التخدير وفعلا كنت حاسة بعدها بكل حاجة

المستشفى تعتبر مستشفى عادية جدا بالنسبة للي ولدت فيها قبل كدة في كليفلاند كانت ارقى وانظف بكتير بعد الولادة شهادة الميلاد طلعت بسرعة عكس مكنت متوقعة بس للاسف طلع فيها غلط كتبو اني مواليد مصر وانا مواليد الكويت روحت طلعت الباسبور وطلع في نفس اليوم وبعدها روحت عملت تعديل للشهادة الميلاد وقالو هتاخد وقت وطلبت من الست الي كنت ماجرة عندها ترسلها لنا بعد متخلص ان شا الله مع السوشيل نمبر

ورجعنا الحمد لله بعد الولادة با اسبوع بالظبط بشكر الجروب المتعاون وبدعيلكم كلكم بالتوفيق وبخص بالشكر المهندس ***** الي متاخرش باي معلومة ومساعدة لنا جزاه الله خير وربنا يسعدكم جميعا ويفرحكم با اولادكم واي سؤال انا موجودة وبطلب اضافتي في جروب التجارب السابقة واسيب مكان هنا لحد غيري يستفيد

 

التجربة –29

مساء الخير عليكم

الحمد لله تجربتنا خلصت علي خير من يومين .. واحب اشكر بشمهندس **** علي المجهود اللي بيعمله لمساعدته في كل حاجه والجروب الجميل دا ..

– انا زوجتي سافرت لوحدها من الكويت يوم٢٠١٩/٥/٢ لأمريكا ( كاليفورنيا ) مطار لوس انجلوس

علي طيران DELTA / KLM وترانزيت كان في امستردام محدش كلمها في حاجه خالص خلال الرحله الحمد لله 

وصلت مطار لوس انجلوس بعد كدا طلعت علي خير الحمد لله من المطار .

السكن : هي اعدت مع ٣ حوامل برده وعرفناهم من الجروب طبعا ودي كانت حاجه كويسه جدا وكان مطمني لإني معرفتش اسافرلها بعد كدا .

قبليها بشهر في اتنين سبقوها علي السكن وهي سافرت اخر واحده لان ولادتها كانت لسه قدامها شهرين تقريبا وهي كانت في السابع وهما طبعا ولدوا قبليها بشويه.

السكن كان في Corona , Eastvale وطبعا تم اختيار المكان لإنه قريب من عياده الدكتور ودي اهم حاجه عشان المشوار ميكونش كبير وقريب برده من سوبر ماركت تقريبا ٥ دقايق مشي.

الدكتور : تابعنا مع دكتور هشام المقدم دكتور شاطر جدا والناس اللي تابعت معاه كلها شكرت فيه ودا اللي خلانا علطول نتواصل معاه قبل ما نسافر وبعتله ايميل ونحجز معاه ميعاد والباكيدج كانت مناسبه جدا تقريبا كانت ٢٠٠٠ دولار

بعد كدا زوجتي تابعت معاه كانت بتروح كل اسبوعين مره لحد اخر فتره من الحمل كانت بتروح مره كل اسبوع.

الولاده : يوم ٢٠١٩/٦/١٩

مكان الولاده:  parkview

الولاده: طبيعي

زوجتي اول ما بدات تحس بوجع جامد تواصلت مع الدكتور قالها روحي المستشفي كان الصبح الساعه ٧ تقريبا يوم ٢٠١٩/٦/١٨

المستشفي كويسه جدا والناس محترمه والمعامله فوق الممتازه الحمد لله وكمان المستشفي اسعارها كويسه ومنظمه عكس riverside اللي ناس كتير اشتكت منها بعد كدا.

زوجتي اعدت يوم قبل الولاده عشان كانت تعبانه جدا وفضلت لحد تاني يوم الولاده والطلق اشتغل بقي وكل الكلام دا والممرضين كانوا دايما بيطمنوا عليها من فتره لفتره لحد ما جت لحظه الحسم ( الولاده) ?

الدكتور ادالها حقنه ضهر و طلق صناعي عشان يساعدها في الولاده.

والحمد لله سليم وصل بالسلامه في تمام الساعه ٤:٥ فجرا يوم ٢٠١٩/٦/١٩

بعديها زوجتي اعدت يوم في المستشفي بعد الولاده يطمنوا عليها وعلي البيبي ودفعت قبل ما تمشي حوالي ٢٨٠٠ دولار .

بعديها بتقريبا اسبوع اخدت شهادات الميلاد بيكونوا ٥ شهادات ودفعت ١٤٠ دولار

ملحوظه برده مهمه : محدش ياخد فلوس في ايده كتير يعني فلوس الدكتور وممكن ١٠٠٠ دولار زياده ويفضل يكون في كارت بالدولار انا كنت عامل لزوجتي  xchange كارد وبيطلع من اي بنك.

يمكن اسوا حاجه حصلت في تجربتنا ان فيزتي اتعملها cancelled في السفاره لاني كنت واخدها سياحه انا وزوجتي ومقولتش اننا واخدنها للولاده وطبعا لما روحت اعمل تفويض ابعته لزوجتي عشان تعمل اجراءت الورق كإني كنت في محكمه والله وعرفوا اني كدبت عليهم بس انا مكنتش اعرف ساعتها اني اقدر وانا رايح اقول موضوع الحمل في امريكا طالما اقدر ماديا بس قدر الله ما شاء فعل ومش عارف بعد كدا هقدر اطلعها ولا خلاص كدا اتعلم عليا للأبد.

فا اعتقد اللي يروح يعمل مقابله للفيزا يكون صريح.

 

بعد كدا زوجتي راحت الجوزات طلعت الباسبور كان يوم ٢٠١٩/٧/٣ واخدته بعد ٣ ساعات تقريبا  ودفعت ١٩٠ دولار

والباسبور ليه Form بيتكتب قبليها وموجود علي موقع totalcare وموقع السفارة. 

والحمد لله خلصنا كل الاجراءات ورجعت بعديها بيومين.

 

تاني مره انا بشكر كل اللي في الجروب لإننا استفدنا منه جدا وبشكر بشمهندس ****** .

واكيد اللي عايز يستفسر علي اي حاجه يتفضل

 

التجربة –30

‎تجربتى لوس انجلوس

‎و صلت مطار لوس انجلوس من غير زوجى الظابط سالنى جاية ليه قولت سياحة و ولادة سالنى على مراسلات الدكتور و المستشفى ورتهمله و حجز السكن و تذكرة العودة سالنى هدفع التكاليف ازاى قلت كاش و قلت المبلغ اللى معايا سالنى اذا كنت هاقضى المدة لوحدى قلت ان زوجى هايحصلنى و طلعت تذكرته يشوفها، اخر سؤال قالى هاتقعدى قد ايه قلت شهرين قالى و ده l كافي للولادة قلتله اه و اتختملى ٦ أشهر 

السكن كان عن طريق airbnb

احنا للاسف حجزنا متأخر جدا قبل السفر بحوالي اسبوعين بس فا المتاح كان غالى و بعيد عن المستشفى و العيادات فا ياريت اللى مقرر الولاية و الدكتور يحجز السكن على طول عشان بتفرق

اضطريت استعمل اوبر او ليفت فى المشاوير لغاية ما زوجى وصل و اجر عربية من budget استلام من المطار و تسليم فى المطار و احنا مسافرين و دى طبعا سهلت علينا كتير

انا كنت مقررة دكتور هشام بناء على آراء الجروب و هو فعلا اكتر من متعاون انا كنت مرسلاه من قبل ما أوصل و كان محددلى معاد فى عيادة كرونا روحت و دفعت ال ٢٠٠٠$ و لما عرف انى ساكنة بعيد غيرلى مكان المتابعة لعيادة اقرب لى

انا تابعت معه ثلاث مرات و كان قايلى معاد الولادة بس فاجأة فى مرة من المتبعات لاقى المية قالت فا قالى انا مطر ادخلك المستشفى و نبتدى طلق صناعى و بلغ المستشفى انى هادخل بس بعد ١٢ بليل وده كان يوم

المستشفى باركفيو ممتازة فى النظافة و التمريض انا قعدت فى الطلق اكتر من ٢٠ ساعة و بعدين اخدت الابديورال و الأمور بعد كدة مشيت تمام و ولدت طبيعى الحمدلله، الدكتور مكنش موجود ساعة الولادة للاسف فا المساعدة بتاعته هى الولتنى و كانت ممتازة برده

ولدت الأربعاء الساعة ١١ بليل الخميس الصبح جات مسؤلة الشهادات اسمها ستار اديتنا الفورم نملأها و بعد ما كاتبتها على الكمبيوتر جابتهلنا نرجعها و كان فى غلطة و صلحتها و قالتلنا نكلمها هى يوم الاتنين نسال على الشهادة بدل ما نروح و نلاقيها لسا ماطلعتش و ندفع ٢٨$

الشهادة طلعت الثلاثاء يعنى أخذت بالظبط ٤ ايام من غير الويك اند

خرجت من المستشفى يوم الخميس بليل قبل الساعة ١٢ عشان مايتحسبش يوم تالت و اتحاسبنا على يومين بس

بعد ما استلمنا الشهادة روحنا نطلع الباسبور و معانا تذكرة بتاريخ تانى يوم و الفضل و بمساعدة باشمهندس زيدان و أخذناه فى نفس اليوم

كتبنا عنوان صديقة عشان يتبعت عليه ال ssn

تخوفا انه يتاخر و نكون خلاص سافرنا بس وصل بعدها بحوالي ١٠ ايام و أخدنا منها

يعنى تقريبا كل الإجراءات خلصت فى ١٢ يوم

اخذنا الزيرو بيل من المستشفى و بعد أسبوع من الولادة فى استشارة مع الدكتور اخذنا الزيروبيل من العيادة

الطياران كان على الاماراتية من دبى دايركت رايح جاى، كان المفروض نرجع بعد كده بس لان الولادة حصلت قبل المعاد و خلصنا الأوراق بدرى فا كلمناهم نغير المعاد و نضيف البابى، نصيحتى حتى بعد ما تضيف البابى على التذكرة و تحجزله السرير ويجيلك إيميل كمان اتصل تانى أتأكد بنفسك ان كل ده تمام لأنهم بعد ما أكده معانا فى التليفون و جالنا إيميل تاكيد جالنا بعدها إيميل إلغاء و لما كلمناهم قالوا أصل التاريخ ده مفيهوش سراير متاحة غيرنا التاريخ تانى

وحابة اشكر كل الجروب وباشمهندس **** علي كل المساعدة

 

التجربة –31

السلام عليكم

تجربتي للولاده في امريكا 2019 ( كاليفورنيا -د.هشام المقدم )

السفر /

انا سافرت في الاسبوع 29 وكان قرار خاطئ كلفني في السكن والمصاريف و طول المده اتعبتني نفسيا ً لاني كنت لوحدي..

ف انصح السفر بنهايه الشهر الثامن بعد التأكد من الناحية الصحيه ..

السكن /

سكنت في انهايم فندق كاندل وود لمده اسبوعين

وبعدها تشاركت السكن في غرفه بنفس الفندق مع اخت من القروب لمدة شهر ..

الفندق كان حلو بس مكلف جدًا ..

بعدها انتقلت لسكن قريب من عيادة الدكتور في مورينو فالي بيت عائله السكن بياناته مع المهندس محمد زيدان. 

السكن كان مريح و اوفر بكثير من الفندق

مراجعة الحمل والولادة /

* اول يوم رحت العيادة عبيت اوراق فتح الملف و دفعت 2000 دولار كاش واعطيتهم اوراق التحاليل والسونار ودخلت للدكتور شاف نبض البيبي وسوا سونار وحدد لي بعدها موعد للسونار الدقيق التفصيلي وبعدها كملت مراجعات عند الدكتور حتى يوم الولاده

في الشهر الثامن كان زيارة كل اسبوعين

وفي الشهر التاسع كل اسبوع زيارة

وطبعا الدكتور ممكن تراسلوه بالواتس لاي استفسار او سؤال ويرد على طول ..

يوم الولادة كان في الاسبوع 39 رحت مراجعه للدكتور وكشف وقال ولاده روحي على المستشفى

رحت البيت اخذت شنطة الولادة وبعدها المستشفى (بارك فيو ) وصلت وكان الدكتور موجود

عبيت بعض الاوراق وبعدها دخلت على غرفه الولادة والحمدلله عدت على خير وجبت بنوته

حابه انبهه بخصوص الابيديورال تطلبوها قبل بوقت يعني اول ماتدخلو المستشفى اذا تأكدتوا انكم ولاده ..

وبعد الولادة عند الخروج من المستشفى دفعت تكاليف الولاده

1800 للمستشفى

 525 ابيديورال

50 اختبار السمع للطفل

100 دكتور الاطفال

اجراءات الاوراق /

بعد اسبوع من الولادة بالضبط

اخذت الفواتير التفصيليه  والمديكال ريكورد من المستشفى

 و اخذت شهادة الميلاد كله في نفس اليوم

والسوشال سيكيورتي وصلني في اليوم العاشر بعد الولادة

جواز السفر

انا زوجي ماكان معي ف عمل تفويض من السفاره الامريكيه بالرياض

واخذت جواز سفري

و عبيت ابلكيشن الخاص لاستخراج جواز البيبي

صور لبنتي

مبلغ 175 دولار

صوره لحجز سفر اليوم الثاني الصبح ف اعطوني الجواز بنفس اليوم والحمدلله

اشكر القائم على هذا القروب المهندس ***** لان سهل علينا امور كثير ونفعنا الله يسهل عليه كل امور حياته

الاخوه والاخوات من قروب توتال كير تعاونوا كثير معي وساعدوني وكانوا فعلا اهل في الغربه لاتوفيهم كلمات الشكر

و الحمدلله دائماً وابداً ..

 

التجربة -32 

اولا احب اعتذر عن التأخير فى اننا نبعت التجربة لظروف خاصة الحمد لله

تجربتنا للولادة شهر ٦ 

Destination for Delivery: Los Angeles, California

Flight Ticket for Mum and Dad: 9,500 SR

Doctor Name and Fee: Dr. Hisham El Mokadem (Egyptian) … 2000$

Hospital Name and Fee: Park view Hospital in Riverside city …. 2475$ (Vaginal Delivery)

All remaining details in below review

تجربة الولادة في كاليفورنيا

حجزت لزوجتي رحلة مباشرة جدة Lax يوم ١٨ مايو لوحدها والميزة ان الطيارة كانت فاضية  فكانت واخدة ال٣ كراسي جنب بعض سعر التذكرة ٥٠٠٠ ريال خطوط سعودية 

وحجزت لنفسي يوم ٣١ مايو بس كان route اطول JEd IAD DAL LAX لكن العودة مباشرة مع زوجتي يوم ٢٠ يونيو سعر التذكرة ٤٥٠٠ ريال

( سفر زوجتي )

زوجتي سافرت في نص الاسبوع ال ٣٨ ودي طبعا مخاطرة بس الحمد لله عدت على خير

اثناء رحلة السفر كنت متابع الرحلة ببرنامج flight radar بيعرفنا بدقة هيا فين كمان اخر ٣ ساعات من الرحلة كان معاها نت من الطيارة قدرت تطمنا بيه وبمجرد وصولها كانت مفعلة باة انترنت تجوال ساعدتنا ي التواصل ،

 (الولادة)

الدكتور كان هشام المقدم والمستشفى بارك فيو وطمنا في المتابعة وقالنا ان الولادة هتكون في معادها ٤ يونيو وهيا اتاخرت يومين وروحنا بوم ٥ يونيو قالنا المياه زايدة شوية لكن لما كشف لقى ان الرحم بدأ يفتح فطلب مننا نروح المستشفى نفس اليوم بالليل بعد الساعة ١٢ وفعلا روحنا بس كان الرحم ساعتها مفتوح بنفس الدرجة فضلنا مستنيين وكل شوية كان بيزيد لحد موصل ٦ سم قالولنا ساعتها هنعلق طلق صناعي بس ده مش بيتحسب بتكلفة طلق لانها تعتبر داخلة اصلا كحالة ولادة وبالتالي مضافوش حاجة واخدت بعدها حقنه ابيديورال وبعد ٢١ ساعة من دخول المستشفى ربنا كرمنا وولدت الحمد لله الساعة ١٢:٣٠ بالليل فجر يوم ٧ يونيو والصراحة دكتور هشام كان جدع معانا جدا وخلى المستشفى حسبت اقامة يوم واحد بدل مكنا هندفع يومين 

بعدها اتنقلنا للغرفة طبعا هيا غرفة مزدوجة فيها سريرين بس المستشفى مكانش فيها ضغط فدي كانت ميزة علشان اخد السرير اللي جنبها

تاني يوم الساعة ١١:٣٠ خرجنا من المستشفى ورجعنا السكن

تكلفة الولادة مع الدكتور 

٢٠٠٠ دولار دكتور

٢٤٧٥ دولار مستشفى

 (شهادة الميلاد وجواز السفر)

الولادة كانت يوم الجمعة وملينا الورق اللي طلبوه ،يوم الاتنين الشهادة طلعت لكن احنا استلمناها يوم الاربعاء وطلعنا يوم الجمعة بعد ممليت DS11 وحضرت كل الاوراق زي المكتوبة على الموقع ويشكر استاذ محمد زيدان على المجهود اللي خلى الخطوات سهلة جدا برنامج .. بس وطلعنا بعدها على لوس انجلوس … اجرت عربية من budget ب ٨٠ دولار وده سعر غالي بس عشان weekend ووصلنا الجوارات الساعة ١١ …. الساعة ٦ استلمنا الباسبور

الخطوة السادسة (اهم خطوة وهتفيد الناس اللي في السعودية)

عرفت من تجارب الناس ان ممكن يتعمل للبيبي زيارة عائلية احسن من اقامة لانها بتبقى ٥ سنين لكن لازم يطلع ويدخل كل ٦ شهور طبقا لمبدا المعاملة بالمثل

ميزتها …. مفيش رسوم مرافقين ومفيش خروج وعودة

عيبها … الدخول والخروج كل ٦ شهور ولازم شركتك توافق تامن عليه ومتخلعش

الاجراءات كانت سهلة جدا

اولا بتدخل على موقع وزارة الخارجية وتعمل طلب زيارة وبتختمه من شركتك وتبعت المعقب يفعله من الغرفة التجارية

التفعيل تم الساعة ٨:٣٠ صباحا بالنسبالي والساعة ١٠ كانت تاشيرة الزيارة اصدرت بعدها دخلت على منصة انجاز سددت رسوم الزيارة ٤٤٨ تقريبا

ودخلت على موقع سفارة امريكا بالرياض مليت الطلب وطبعت كل الورق وطلعت بيه على قنصلية السعودية بلوس انجلوس نفس الكلام اجرت عربية بس المرة دي كانت ب ٤٤ دولار لاننا في نص الاسبوع روحت القنصلية الموظفة كانت مستغربة ليه بعمله زيارة متعمله اقامة احسن ? قولتلها لا هيدخل ويطلع كتير …. قالتلي تعالى بكرة استلم التاشيرة قولتلها انا باجي سفر قالتلي خلاص تعالا ٢:٣٠ وفعلا استلمت التاشيرة في نفس اليوم كان ممكن الجواز ومشوار السفارة يخلصوا ف نفس اليوم لو كنا وصلنا الجوازات بدرى عن ١١

السفارة المصرية ?

حاولنا نطلع عليها نوثق ونترجم شهادة الميلاد قالولنا قافله علشان بيطلعوا بطايق للناسوفوت علينا كمان نكون خلصنا

طب احنا عندنا سفر

ملناش فيه 

 (العودة)

اهم حاجة بس في الموضوع ده خدوا بالكو من وزن الشنط المفروض تكون الشنطة ٢٣ ك مش هيعديها لو اكتر من كده اخره خالص ٢٤

بس كده ودي كانت تجربت الولادة في امريكا نتمنى للجميع التوفيق

 

التجربة -33

 

تجربة الولادة في أمريكا

السفر

تقرر موعد ولادتي ب 25/7 يوليو. قررنا التوجه لكاليفورنيا مع ان كل قرايبي في نيويورك وميزوري لان صديقتي اختارت الدكتور هشام المقدم واختارت ان يولدها بشهر 5 وقد سمعت عنه كل ما هو ايجابي وجيد. واحببت ان ارى ولاية جديدة بما ان كل زياراتي كانت لنيويورك وميزوري.

عرفت عن الجروب قبل السفر بفترة بسيطة وتمت اضافتي لجروب الواتساب الذي فادني كثيرا مشكورين على كل مجهوداتهم وتعبهم وجزاهم الله خيرا.

سافرت مع امي واختي يوم 17/6 يونيو وانا بالاسبوع ال 35 ومعي تقرير من الطبيبة بذلك. وكنت اعمل حتى آخر يوم وعندي احتباس ماء وتنفخ ولكني كنت لا اشعر سوى بالارهاق. سافرنا على طيران الامارات ولم يسألنا اي احد اي سؤال عن الحمل. في الطيارة كنت انا في درجة رجال الاعمال في الطابق الاعلى وأمي واختي في الدرجة السياحة في الطابق الاسفل. ولم يسمحو لامي ان تصعد عندي سوى مرة واحدة مع اني اخبرتهم في الطائرة اني حامل، فكنت انزل عند أمي واختي كل ساعتين تقريبا او اكثر. انتهت الرحلة بسلام ولكني لاحظت ان الانتفاخ زاد برجلي طبعا.

عند النزول من الطيارة في مطار LAX   طلبت كرسي متحرك لوالدتي حتى لا تمشي بالمطار كثيرا وحتى اريحها بعد رحلة ال 16 ساعة. وتسهيل من رب العالمين ورضا الوالدة تجاوزت السيدة التي كانت تدفع الكرسي المتحرك كل الطوابير وانتهت كل الاجراءات بسرعة 

خرجنا من المطار واخذنا اوبر اكس لارج وتوجهنا لمنطقة Anaheim Hills مكان اقامتنا وهو بيت بنت عم زوجي التي عرضته علينا لانها مسافرة خلال هذه الفترة جزاها الله كل خير. البيت يبعد عن المطار ساعة تقريبا وساعة ونصف بالازمة.

وصلنا البيت ونمت على طول وقد كنا متعبين جدا. في اليوم التالي كان عندي موعد مع دكتور هشام المقدم في عيادته في Riverside على الساعة 2 ظهرا. ولكن عند الاستيقاظ لاحظت نزول بعض الماء فكلمت الدكتور فطلب مني ان اراقب نفسي واتوجه للعيادة اذا زاد الامر.

ذهبت الساعة 2 ولكن الدكتور كان عنده طواريء فرآني الساعة 4 العصر وطلب مني ان اتوجه لمستشفى Parkview لعمل بعض التحاليل ولكن في المستشفى اكدو ان عندي تمزق بسيط بكيس الماء يستدعي الولادة. حضر الدكتور وأكد الموضوع وأكد ان ضغطي مرتفع جدا مما يستدعي الولادة المبكرة ايضا. سـألت الدكتور ان كان بالامكان انتظار زوجي حتى يحضر من دبي وقال الدكتور ان الطلق الصناعي سيأخذ يومين حتى تأتي ساعة الولادة فاتصلت بزوجي وطلبت منه ان يحضر حالا.

خلال هذا الوقت بدأ الطلق الصناعي في اليوم الثاني مع بعض المهدئات مما يجعلني لا اذكر كل الاحداث بوضوح ولكن الممرضات كن رائعات والمستشفى ممتاز. نمنا انا وأمي واختي في غرفتي (اختي معي على السرير) وأمي على الكنبة في الليلة الاولى. حتى حضر زوجي يوم 20/6 ثم تم نقلنا على غرفة اكبر قليلا.

في صباح يوم 21/6 وبعد الطلق الصناعي لمدة يومين، كان موعد الولادة فتم اعطائي ابرة الابيدورال، وكنت تدربت خلال اشهر الحمل على الولادة عن طريق التنفس Hepnobirthing  مما ساعدني على التحمل وطلبت ان تطفأ الانوار وان استمع على تسجيلات التامل على اليوتيوب حتى يحضر الدكتور.

المفارقة الوحيدة كانت بوجود ممرضة قالت لي انني لن الد ولادة طبيعية واني ساحتاج لعملية مما اربكني كثيرا، فاتصلت اختى بالدكتور وطلبت منه ان يحضر حالا. وفعلا حضر الدكتور في الثامنة والربع صباحا وتمت الولادة في الثامنة والنصف صباحا اي بعد ربع ساعة من وصول الدكتور فقط يوم الجمعة 21/6 والحمد لله على كل حال. خرج البيبي ولكنهم وضعوه في ال NICU العناية المركزة بالاطفال لمدة اسبوع حتى يتعلم الاكل ونطمئن على صحته.

قدمنا على شهادة الميلاد يوم الاثنين 24/6 لاننا احترنا في الاسم قليلا وكانت موظفة شهادات الميلاد متعاونة جدا. اخذنا شهادة الميلاد يوم الجمعة 28/6 وهو نفس يوم خروج البيبي من الخداج. قدمنا على الجواز يوم الثلاثاء 2/7 في لوس انجلوس كما هو مكتوب بالموقع وحصلنا عليه بنفس اليوم بعد 3 ساعات

قررنا السفر مع زوجي يوم 5/7 وعمر البيبي اسبوعين حتى لا ابقى بكاليفورنيا بدون زوجي وهو كان مستعجل الرجوع بسبب العمل.

الجو في كاليفورنيا كان رائع. استأجرنا سيارة لان التنقل بدون سيارة صعب جدا. المستشفى كان يبعد عن البيت نصف ساعة في السيارة.

لم يكن لدي الكثير من الوقت لاتسوق لكني انصح ب Carters  و Marshalls من ناحية الاسعار والجودة.

اخذنا الزيرو بيل من الدكتور والمستشفى ولكننا قدمنا تأمين لنغطي الخداج للبيبي والفاتور وصلت اكثر من 50 الف دولار للخداج.

اسعار الدكتور والمستشفى كما هو مذكور بالموقع وموظفة الفواتير كانت ايضا رائعة في التعامل

نحن الآن في بيتنا في دبي والبيبي بصحة جيدة والحمدلله رب العالمين

اشكر الجميع وبالذات المهندس**** وندعي له انا وزوجي ذائما. اتمنى التوفيق للجميع

 

التجربة 34-

 

انا مسافره يوم ١٠/٦  كنت في الاسبوع ال ٣٤ الدكتوره بتاعتي هي السبب اني اسافر بدري كده عشان مكانتش راضيه تديني تقرير لو سافرت متأخر ..

تاني يوم بعد ماوصلت كان عندي ميعاد مع دكتور امين رحت علي العياده كانت زحمه شويه كتبت اسمي و بياناتي ف عندهم ف الابلكيشن

و قعدت منتظره بعد كده عملت تحليل urine

و بيقيسوا الضغط و الوزن بعدين دخلتني اوضه خدت history و الدكتور جه كمل اسئله و قالي لازم نشوف واس البيبي فين دخلت الدكتوره اللي معاه عملت سونار علي جهاز صغير اتطمن ان مكانها تحت قال ان شاءالله خير و تبقي ولاده طبيعي زي الاولي و سألني مستعجله ولا لا قلتله تيجي براحتها قال لو عايزه توبدي بدري علي يوم ١٦ ممكن يتعمل تحريض ف المستشفي قلتله لا تيجي  لوحدها ..بس و كان ليا زياره روتينيه كل اسبوع مره نفسي الكلام و يتطمن و يقيس البطن و نبض البيبي .. قبل الولاده بيومين كنت تعبانه و في علامات ولاده رحت العياده لقيت الدكتور مكنش موجود قالتلي لو حابه تروحي المستشفي مفيش مشكله بس هيحاسبوكي ٣٠٠ دولار لو طلع false labor

بو ولاده هيحجزوكي قلتلها هشوف فضلت مستحمله لحد تاني يوم الساعه ٧ الصبح رحت المستشفي لقيت الدكتور كان مبلغ اني هاجي من قبلها بيوم لما رحتلهم العياده اسمي كان عندهم و الفايل كله دخلت جوه قسم الولاده برضو لقيت كلهم عندهم فكره و مستعدين دخلت الاوضه و علقتلي المحاليل و بعد كده antibiotic عشان تحاليل الرحم كان ايجابي و الباكتريا موجوده لازم تتعالج اثناء الولاده كانوا عارفين مقلتلهمش حاجه.. كشفت لقت الرحم فاتح ٦ سنتي شويه و كنت تعبت جدا طلبت الابيديورال الدكتوره جت بعد شويه و ادتهالي تعبت جدا جدا اثناء تركيب الحقنه غير اول مره خالص لكن بعد كده ارتحت جدا و فرق رهييييب ف الالم الممرضه بعد ساعتين كشفت تاني لقت الرحم لسه ٦ سنتي قالتلي هنديكي حاجه تزود الطلق لانه مش منتظم خالص بعد مادتهولس تعبت تاني و حسيت بضغط البيبي جامد طلبت دكتورة التخدير قلتلها زودلي البنج ادتلي حقنه تقريبا كانت احلي حاجه ف اليوم كله مفيش دقيقتين لقيت جسمي كله ساب و مبقتش متحكمه ف اي حاجه و سمعتالممرضه بتثول خلاص فتح ٩.٥ سنتي الدكتور داخل دلوقتي

و فعلا مفيش ٥ دقايق و الدكتور دخل كنت انا دماغي تقلت جدا و شايفه كل اللي حواليا كأنهم حلم بس سمعاهم و هما بيحاولوا يخلوني push للبيبي معاهم مش متحكمه في اي حاجه ولا حاسه و الدكتو اللي كان بيوجهم يحركوني ازاي عشان اقدر اساعدهم و سبحان الله بعد ما دخل مفيش. ٥ دقايق و كانت البيبي ف ايده و خيط بمنتهي الهدوء و اتطمن عليا هو ودكتوره التخدير و مشيو وهي قبل ما تطلع كانت شالتلي الابيديورال

دكتور ماشاءالله عليه ممتاز و فاهم شغله كويس و دكتورة التخدير كمان هي مصريه حظي انها كانت موجوده كنت بتمناها الصراحه وانا رايحه واحسن حاجه البنج متفصلش عني اثناء الولاده زي ولادة بنتي اول مره. كان قمة التعذيب بالنسبالي ..بعد الولاده الممرضه بتاخدك تغيرلك هدوم الولاده بهدوم نضيفه و ممرضه تانيه لتنضيف البيبي و بعدين بتاخدك لاوضه تانيه جميله و واسعه و نضيفه  قعدت اليوم ده ف المستشفي تاني يوم الصبح دكتور الاطفال جه كشف علي البيبي و طول اليوم ممرضين داخله و طالعه كل مره لحاجه شكل ليا او للبيبي   دكتور امين جالي علي الساعه ٥  يتطمن عليا و بعدين قالي هتخرجي انهارده و كتبلي ادويه وقال تجيلي بعد اسبوع العياده و مشيت تاني يو الولاده الساعه ٨ بالليل… معلش طولت عليكوا

 

التجربة –35

 

السلام عليكم و رحمة الله و بركاته ..

احنا الحمدالله ولدنا و غادرنا امريكا- كاليفورنيا  .. رح اكتب تجربتي مع دكتور هشام مقدم و انا جاهزة لاستفسار اي شخص ..

اول شي اكيد بحب اشكر المهندس ***** عهاد الحروب الاكثر من رائع .. شخصيا مشينا عالموقع بالتفاصيل و كان كل شي زي ما مذكوز و سلس و منظم و الموقع عليه اصغر تفصيلة ممكن تحتاجوها ..

السفر :

سافرنا على الخطوط التركية و شخصيا ما بنصح حد فيها من تجربتنا .. الموظفين لئيمين و المعاملة مو لطيفة و تشديد امني عالتفتيش و اجمالا ما كانت مريحة لا بالسفر او بالعودة .. بالعودة صار في تأخير ٣ ساعات و راحت ال connection flight و بدون اعتذار و لا شي و حاسبونا عالوزن الزيادة بالهاند باغ و نسيوا شناطينا لهلا منستناهم.. 

الدكتور :

اول زيارة رحنا عند دهشام المقدم عبينا معلومات و دفعنا ٢٠٠٠ دولار شامل كلشي مراجعات وولادة .. الدكتور مشالله عليه فهمان و بعطي المريضة حقها و مريح .. 

بس دخلت الاسبوع الاربعين خفت اتأخر و طلبت طلق صناعي دخلت يوم الاربعا عال١٢ بالليل بلشولي طلق وولدت الجمعة عالعشرةالصبح تاريخ ٧/١٢ بمستشفى بارك فيو .. المستشفى والتمريض ممتاز و بهتمو للمريض .. حتى بس خرجوني اتصلو اكتر من مرة يتأكدو كيف كانت الخدمة و يتابعو معي صحيا .. دفعنا للمستشفى ٣٤٢٥ دولار شامل ليلة زيادة (٦٥٠دولار) و طلق صناعي و ابيديورال ..

 

الاوراق الرسمية:

شهادة الميلاد قدمنا عليها تاريخ ٧/١٦ يوم الثلاثا بسبب العطلة الرسمية (سبت و احد )  و طلعت يوم الاثنين  ٧/٢٢ و جواز السفر تاني يوم و السوشال سيكيوزتي يوم ٧/٣٠

 

التجربة -36

 

‎رزقنا باوليڤيا يوم ٢٢ يوليو في مستشفي بارك ڤيو مع دكتور هشام المقدم وهكتب تجربتنا بالتفصيل بس في الاول حابب اشكر توتال كير علي المجهودات الرائعه والمهندس ***** علي خدماته الجميله .

‎اولا.. الطيران كان من مطار دبي في الاسبوع ال ٣٦ و٥ ايام وكان دايركت وكان معانا تقرير الحمل ومحدش شافه بالرغم انهم عرفوا ان المدام حامل واخدت SSSS علي التذكره ومحدش يتوتر لان التفتيش كان عادي جدا وعدينا بسلام…. تقييمي للطيران كان ممتاز وكل حاجه متوفره والاكل الي حد ما كويس.

‎ثانيا… مطار لوس انجلوس سئلنا الاوفيسر جايين ليه ردينا ميديكال كير فسئلنا هتدفعوا كاش قلنا اه طبعا فاخدنا في غرفه تانيه انتظرنا فيها تلت ساعه وبعدها جات اوفيسر ست تانيه سئلتنا معاكوا كام وقلتلنا اهلا بيكم في لوس انجلوس ونبهت خلو معاكوا الفواتير بعد الولاده عشان هنسئلكم عليها وختمتلنا ٦ شهور.

‎ثالثا… الاقامه كان في بيت تبع توتال كير في منطقه مورينو ڤالي علي بعد ٧ دقايق من عياده دكتور هشام وتلت ساعه من مستشفي بارك ڤيو والاقامه كويسه والبيت متوفر فيه كل شيء.

‎رابعا.. الولاده حصلت بعد وصولنا ب ١٥ يوم وكانت قيصريه والمستشفي الطاقم بتاعها ممتاز لكن المبني قديم شويه وتجهزيه مش قد كده من ناحيه التكييفات والنظافه بس علي رأي المثل علي قد فلوسك لان استحاله هتلاقي السعر ده في اي مكان في كالفورنيا.

خامسا… الزيرو بيل طلعت بعد اربع ايام من الدفع هي والميديكال ريكوردز بس لازم تسئل عليهم.

سادسا… شهاده الميلاد طلعت بعد اسبوع والباسبور اليوم اللي بعده قدمنا عليه واستلمناه في نفس اليوم وطبعا ده بعد ماورينا حجز التذكره بتاني يوم وده بمساعده بشمهندس ****اللي ظبطلنا حوار التذكره ده.

التجربه عدت علي خير بس نصيحه وانتوا داخلين في المطار بلاش تخبوا الحمل لو اتسئلتوا جايين ليه قولوا ولاده طالما هتدفعوا كاش، لان محدش هيغلس عليك غير لو كدبت او لفيت ودورت، الموضوع واضح وصريح وقانوني ومحدش هيقدر يمنعك بس يقدروا لو كدبت وممكن يغلسوا عليكوا وبالتوفيق للجميع

 

التجربة –37

 

تجربتي في كاليفورنيا 2019

قررنا نطلع من مطار ابوظبي عشان نختم دخول امريكا من مطار ابوظبي و نريح حالنا بس كانو شوي مشددين بالمطار و سألونا أسئلة كتير اننو وين رايحين و كم معكم بس بعدين مشيت الحمدلله

الرحلة كانت دايركت من ابوظبي الى لوس انجلوس و بس وصلنا اخدت الشنط على طول و ما كان فيه تفتيش او اي اشي و كنت حاجز سيارة من Alamo و بس وصلنا المطار طلعنا ب shuttle bus تابع لشركة التأجير و رحنا استلمنا السيارة و حركت لمكان الشق

كنت حاجز شقة غرفتين عن طريق airbnb بمنطقة اسمها irvine بتبعد ٢٥ دقيقة عن عيادة دكتور امين فواز

كان عننا موعد عند دكتور امين تاني يوم وصولنا و لما رحنا الموعد فحصوا زوجتي و كان راس البيبي لسا لفوق و الدكتور امين حكالنا اننو عالأغلب حيكون قيصري مع اننو بالولادة الاولى لزوجتي كانت طبيعي بس هوا حكا اننو ما بيفضل يلف البيبي و لو بدو يلف البيبي و يخللي راسو لتحت رح يخلينا نتابع عند مستشفى تانية و ندفع تكاليف زيادة

انا رحت تاني يوم حجزت عند دكتور هشام عشان آخد رأي تاني و لما رحنا الموعد سبحان الله كان البيبي راسو لتحت و جاهز للولادة و قلت خلينا نكمل مع دكتور هشام المقدم مع اننو عيادتو بعيدة عن البيت بحوالي ٣٨ دقيقة

كننا نراجع كل اسبوع مرة و بالاسبوع ال ٣٩ قاللنا اننو اذا بدكم بنسوي طلق صناعي لأننو مافي داعي نستنى للآخر و قلنالو توكل على الله و حجزلنا موعد بالمستشفى اننو ندخل بعد الساعة ١٢ بالليل عشان ما يحسبو علينا اكتر من يوم و قررنا نروح مستشفى parkview comunity hospital و صراحة المستشفى جدا نظيفة و تمريض جدا رائع

بعد الولادة رحت دفعت المبلغ بالحسابات و حكولي بعد ٣ ايام بتراجعنا و بنكون جهزنا الزيرو بيل و كامل الاوراق و الرسايل المطلوبة

طلعت شهادة الميلاد في خلال ٥ ايام و قدمت على شركة تخلصلي موضوع جواز السفر اسمها express passport من دون ما اطلع على لوس انجلوس لأننو بعيد عن بيتي تقريبا ب ٥٠ دقيقة وهادا هوا اللينك لموقعهم https://www.expresspassport.com

تكلفة الجواز مع الباسبورت كارد اغلى من اننو اروح اقدم بنفسي على لوس انجلوس بس راحة للبال و مشوار الطريق ووصلني على باب البيت عن طريق FedEx و كلفني كل شي بحدود ال 650 دولار

دكتور هشام جدا رائع و شخص متفهم جدا و على طول بيرد على تليفونو او عالواتساب

وصل الجواز في خلال يومين عالبيت و كان سفرنا بعد وصول الجواز ب ٥ ايام والامور كانت ميسرة و الحمدلله

 

التجربة –38

تجربة الولادة فى امريكا  2019 / د. هشام المقدم – كاليفورنيا

الحمد لله الّذي بعزّته وجلاله تتمّ الصالحات . رزقنا مولودة جميلة (Cena)

مرحلة البحث عن دكتور:

فى البداية كان تركيزنا على نيويورك عشان الطيران المباشر. وكان عندنا معلومات كتير خطأ معظمها من البحث فى جوجل كلها كانت فى اتجاه استخدام الميدكير فى الولادة وتقريبا اصحابنا اللى فى امريكا كانوا بيحذرونا من الولادة فى امريكا وانها ملهاش فايدة وووووو كلام كتير ملهوش لازمة. توصلنا لدكتورة امريكية واخرى عربية

فى هذه المرحلة تعرفنا على Total care group . ابتدينا نقرا فى الجروب عن الدكاترة فى كل الولايات بصراحة الجروب عامل تجميع هايل لكل الدكاترة وتقريبا كل المعلومات اللى كنا محتاجنها لقيناها. استقرينا على دكتور هشام المقدم فى كاليفورنيا عشان عنده دكتورة مساعدة ممكن تقوم بالولادة.

السفر الى كاليفورنيا:

السفر كان فى الاسبوع 34 زوجتى كانت مسافرة لوحدها اخترنا الامارتية لان كان عندنا خبرة سابقة فيها وكانت كويسة. طبعنا الفورم  الخاص بالحمل من على موقع الشركة وختمناه من الدكتوره اللى متابعة معانا فى السعودية . وذهبنا على الكاونتر لوزن الامتعة الموظف كان سخيف جدا رفض صعود زوجتى على الطيارة وقالنا ان الفورم ده مش مظبوط وانه ميقدرش يسفرها. بعد جدال طويل مع الموظف زوجتى اتصلت بالدكتوره اللى متابعة معاها وخلته يكلمها وتاكد له المعلومات فى النهاية وافق على مضض. الرحلة من الرياض الى دبى حوالى ساعتين غير متعبة الرحلة من دبى الى كاليفورنيا حوالى 16 ساعة. زوجتى كانت حاجزة بزنس فبطبيعة الحال الكراسى مريحة والاكل والعصائر والمياه  متوفرين طوال الرحلة و الواى فاى ممتاز(ملحوظة الوضع مختلف تماما فى الاكونومى عرفنا كده فى رحلة العودة).

الاقامة :

اخترت الاقامة فى البدايةextended stay  فى انهايم بالرغم من بعدها عن عيادة دكتور هشام  لقربها من اماكن التسوق. فى الوقت ده بيكون فى زيارة واحدة اسبوعيا لدكتور هشام انما التسوق بيبقى تقريبا يوميا. الغرفة جيدة وليست فخمة  .تكلفة اوبر لعيادة الدكتور فى كورونا حوالى 70 دولار  ذهاب وعودة. حاولت افتح حساب فى بنك Wells Fargo وتم الرفض لعدم وجود عنوان ثابت. بعدها فتحت فى بنك اوف امريكا ومكنش فيه مشاكل والفيزا كارد جاءت بعد حوالى اربع ايام عمل.

قعدت فى اناهيم تقريبا اسبوعين بعدها انتقلت الى كورورنا عند اسرة صينية تعرفنا عليها من احد اعضاء الجروب المنزل ممتاز ونظيف جدا عبارة عن غرف مستقلة بالحمام فى الدور العلوى والمطبخ مشترك فى الدور الارضى المنزل يناسب اكثر البالغين بدون اطفال صغيرة (اصحاب المنزل يرفضون سكن الاطقال اقل من 6 سنوات عشان البيت على دورين فبيخافوا من سقوط الاطفال على السلم عشان المسؤولية عليهم) حجزت من موقع airbnb. المنزل قريب من عيادة د/ هشام فى كورونا ( 10 دقائق تقريبا) و قريب من مستشفى بارك فيو (15 دقيقة). المنزل قريب من  Walmart , FedEx , CV pharmacy حوالى (  5 دقائق). الاسرة متعاونة جدا بالرغم من عدم تحدثهم الانجليزية الا ان الام تستخدم جوجل ترنسليلت طول الوقت لتسهيل التواصل واولادهم يتحدثون الانجليزية.

التسوق:

الجروب موضح كل حاجة وافضل الانواع .المعلومات اللى فيه كانت  بالنسبة لنا كافية جدا. هدوم البيبيى من كارترز وبقية الحاجات من  Walmart , amazonبس انصح لو واحدة مسافرة لوحدها تشترى الحاجات اون لاين من Walmart amazon  هيبقى اوفر من انها تروح وتشترى وكمان علشان متشيلش حاجات تقيلة.

الولادة والمستشفى:

كنت حاجزة موعد مع دكتور هشام تاني يوم الوصول ومعايا كل التحاليل وتقرير باول سونار وكان عندى سكر حمل و نسبة السكر كانت مش مضبوظة بعد ما وصلت امريكا مع زيادة حجم البيبي (على حسب سونار الاسبوع34 كان اكتر من 3كجم) فالدكتور قرر انه مش هينفع نستنى لغاية الاسبوع 39 وكمان بدات اخد علاج للسكر ومن الاسبوع 36 بدا يحصل مضاعفات من السكر فكان الدكتور بيتابع معايا مرتين فى الاسبوع علشان المشيمة والمياه حول البيبي ومن اخر الاسبوع 37 بدا يحصل انقباضات بس غير منتظمة وكنت برسل للدكتور ويرد انه لازم تبقى كل 10 دقائق وكان بيحاول انى ماولدتش قبل 38. قبل الولادة باسبوع الدكتور طلب تخطيط تكلفته 300 دولار عشان كان عاوز يطمن على البيبى لان الحركة بدات تقل (لو تم عمل التخطيط فى وقت الولادة تحسب التكلفة ضمن الباكج بدون اى تكلفة اضافية). فى اليوم ده دفعت كل تكاليف الولادة المتفق عليها مسبقا.

الدكتور كان محدد يوم الاحد مساءا بعد الساعة 12. كان الدكتور قايل اتصلوا بالمستشفى قبل ماتروحوا وفعلا اتصلت لقيت اصلا ان مفيش حجز

اتصلت على الدكتور قالى خلينا لبكرا الصبح اشوفك فى العيادة وبعدها نشوف المساعدة هتكون موجودة امتى(بناء على طلبى) (تقريبا حصل غلط من سكرتارية الدكتور ونسيوا يبلغوا المستشفى) .

ذهبت للدكتور تانى يوم صباحا  مع المتابعة والتحاليل المعتادة لقوا نسبة البروتين عالية والضغط عالى (علامات خطرة على المولود) وكان لازم اطلع على المستشفى

رحت على المستشفى مباشرة ادونى induction  (طلق صناعى) عندهم بروتكول بيبتدوا باقراص فى الاول وبعد اربع ساعات بيركبوا محلول بعد فتره وقفوا الطلق الصناعى لان نبض البيبى كان بيقل مع الطلق. .

الممرضه بتاعة الشيفت التانى من شرق اسيا شاطرة بس رخمة شوية ونقلونى لغرفة الولادة بعد ما الرحم فتح 2.5 cm (بالرغم من انه لازم يكون اكتر من 4 بس مش عارفة الممرضة قالت كده ليه) وجت دكتورة التخدير والحمد لله كانت كويسة جدا اسمها Arnetta Poole ولو سالتوا التمريض عليها فى يوم الولادة هيقولولكم اذا موجودة او لا.

تمت الولادة بحمد الله الساعة 11 مساءا (بالمناسبة محدش ياخد حد مقياس لوقت الطلق الصناعى انا كنت خايفة لان فيه ناس قعدت حوالى 30 ساعة) الدكتور بيجى بس فى اخر 10 دقائق وقت  خروج البيبى.

بعد الولادة مباشرة بداوا يشفطوا للبيبى لانها بلعت  poop قبل الولادة وكمان جه دكتور من الحضانه شافها وبداوا يحللوها نسبة السكر كل ساعة وبعدين كل ساعتين المستشفى جيدة والاقامة فى غرفة مفردة .

تانى يوم طلبت موظفة شهادة الميلاد (اسمها (star جت وبعدين جت واحدة تانية كبيرة فى السن (مش فاكرة اسمها) راجعت البيانات وطلبت التطعيم للبيبى من دكتورة الاطفال لما جت (اسمها (Bedoy   وطلبت اخرج فى نفس اليوم قبل الساعة  12فوافقت بس بعد ما يعملوا اخر تحليل الساعة 11 وبعدين ممكن اروح.

بعد يومين ذهبت زيارة لدكتورة الاطفال علشان يشوف البيبى عشان الصفرا روحت زيارتين الحمد لله النسبة قلت ووزن البيبي بدا يزيد (تكلفة الزيارة الاولى 60 دولار والزيارة التانية 50 دولار منفصلين عن باكج الولادة).

شهادة الميلاد و الباسبور والسوشيال سيكيورتى:

موظفة شهادة الميلاد بعتت الورق فى نفس اليوم (الثلاثاء) ويوم الاثنين الاسبوع اللى بعده رحت المستشفى عشان اخلص المديكال ريكورد و الزيرو بيل  وسالت على شهادة الميلاد لقيتها طلعت ( تقريبا طلعت بعد 4 ايام عمل).

تانى يوم طلعت الباسبور بس لازم يكون فيه حجز طيران مؤكد لليوم اللى بعده صباحا عشان يبقى استلام الباسبور فى نفس اليوم مع التفويض من زوجي.

السوشيال طلع بعد عشر ايام عمل (بعد اسبوعين من الولادة) بس انا مستنتوش.

رحلة العودة:

حجزت shuttle bus   قبل السفر بيوم. انا حجزت كل الباص لوحدى تكلفته 90 دولارلحد المطار (ارخص واريح من اوبر130 دولار ) .

طيران الامارات : للاسف الطائرة كانت مليانة بالذات من الهنود ملقتش باسنت كلهم كانوا محجوزين بس الحمد لله الكرسى اللى جنبى كان فاضى فده ريحنى شوية. طبعا فيه فرق كبير جدا بين درجة البزنس والدرجة السياحية الاكل قليل والخدمة مش كويسة قوى والحمام اللى بيتوسخ مفيش تنظيف اسهل حاجة بيقفلوه وبس الواى فاى بيشتغل بس ساعتين ومش كويس زى بتاع البزنس.

فى الرياض تم تصوير البيبى و كتابة رقم الحدود على باسبور البيبى .

اخيرا اود ان اشكر المهندس ***** و جميع القائمين على الجروب فعلا اكتر من اخوات عندهم استعداد للتعاون فى اى وقت ومحدش فيهم بيتاخر بصراحة. ربنا يتم عمليات الولادة للجميع على خير وييسر امور الجميع وترجعوا سالمين باذن الله.

 

التجربة –39

تجربتي الولادة في كاليفورنيا 

السفر:

علي الخطوط السعوديه

و تقييمي ليها جيده جداا

حجزت اول يوم ف التاسع ٣-٧ و عوده ٧-٨

مكنتش حاجزه ليج روم و اتبهدلت ف القعده شويه بس عدت الحمد لله

السكن:

في سانتا انا عرفته عن طريق الجروب و حقيقي دا من افضل الحاجات ف الرحله عند ست محترمه و خدومه جداا و دايما كانت موجوده قبل ما نحتاجها

الدكتور:

امين فواز

كان موعدي يوم ٨ رحت دفعت الفلوس زي البكادج

و تقييمي للدكتور اقل من العادي ب كتير

فحصني اي كلام حرفيا و قالي اني مش فاتحه برغم اني كنت فاتحه 1 finger من و انا ف مصر

 بعدها ب اسبوع كان الميعاد التاني و قبل الميعاد ب يوم

جالي bloody show كلمت العياده قالولي اطلعي علي المستشفي بس بعد الساعه ١٢

رحت المستشفي قالولي اني مش ف ولاده و اتحطيت تحت المتابعه ل تاني يوم و مشوني الساعه ١٢ الظهر غصب عني عشان المستشفي زحمه بناء ع تعليمات الدكتور بعد ما مشيت ب ساعه جالي rupture of membrane و رحت العياده مكنش موجود الدكتور كشفت عليا الدكتوره اللي هناك و قالتلي تطلعي ع المستشفي ب اسرع ما يمكن لانها خافت يحصلي cord prolapse

رحت المستشفي كانو مجهزين كل حاجه بس كانو مصممين يدفعوني اليوم اللي قعدته قلتلهم انا جايه بعد ساعه من ما مشيت هعمل check in ازاي مرتين ف يوم !! دا غير انتم اللي اجبرتوني اني اطلع اصلا انا ممشيتش من نفسي !!

 المهم بعد مفاوضات دخلت و ركبولي طلق و بعدها طلبت الابيديورال و قعدت من الساعه ٤ العصر ل ١١

صحيت الساعه ١١ علي الم رهيب و خلاص حاسه ال head بتنزل حرفيا ساعه من العذاب المتواصل و جت الممرضه تفحصني فعليا الراس خلاص ف ال vagina منعوني اعمل push لحد ما الدكتور يجي و مصممين اكتم الطلق و حرفيا بتعذب و كل ما اقولهم يكلموه يقولولي ربع ساعه و جاي و جه بعد ساعه اول ما جه بص عليا و راح ولد الحاله اللي جمبي برغم ان الراس كانت بره اصلا بس من الواضح ان الحاله التانيه كانت ولدت اساسا ب اسلوبه دا و جه و بعتبر اني ولدت لوحدي

معملش episytomy و سابني أ tear و بعدها مشي و جه بعد ربعايه يخيطني

تقييمي ليه ف اللحظه دي اني استحاله هكرر معاه التجربه تاني

لما جه قالناله انت ازاي تسبني كل دا و متجيش و مردش علينا

احنا كنا ٣ دكاتره انا و حماتي و اخت زوجي و حرفيا اجمعنا انه ملوش علاقه ب انسانيه الطب لا من بعيد و لا من قريب

المستشفي:

انهايم جلوبال ميديكال سنتر

و دي كانت تاني حاجه سيئه فعلا بعد دكتورها

بعد ما خلاص وافقوا اني مدفعش اليوم اللي ولدت فيه و ادوني زيرو بيل لقتهم بيكلموني بعد الولاده ب اسبوعين عايزين الفلوس فجأه و دخلت معاهم ف سلسله من المفاوضات و استهلكوني جداااااا انتهت انهم طلبولي الامن عشان بطلب انهم يختمولي الفواتير بتاعتي !!!!

معظم اللي شغالين فيها عنصريين جدا

شهاده الميلاد:

استملتها بعد ٨ ايام عمل و اعتقد انها كانت خلصت من بدري بس انا كنت كده كده قاعده لاني والده يوم ١٥ ف قلت مفيش داعي اروح بدري ممكن تكون مخلصتش

السوشيال سيكروتي نمبر:

جالي علي عنوان السكن بعد حوالي ١٢ يوم عمل

جواز السفر:

زوجي عملي تفويض و بعته ب البريد السريع و رحت مبني الجوازات ف لوس انجلوس وقفت ف طابور اللي مش واخدين ميعاد شافوا حجز التذكره ل تاني يوم و ادوني زي كارت كده عشان اقف ف الطابور التاني و بعدها دخلت و صورت البيبي و طبعت الفورم ف الدور السابع و نزلت قدمت الورق و شاف البيبي و التذكره و دفعت ١٩٠ للباسبور و الكارت و كنت طالبه الباسبور ٥٢ صفحه

و استلمته نفس اليوم

و طبعا التيكيت ل تاني يوم مهم جداا باشمهندس زيدان الله يكرمه عملهولي

المطار سواء رايح او جاي :

متعرضتش لاي نوع من انواع الغلاسه و لا العنصريه ب العكس ناس ف منتهي الذوق و الدخول و الخروج كان من اسهل ما يمكن

و التعامل هناك مع الناس فعلا ممتاز

الشوبنج :

Citadel outlet

Ross dress for less

Carter’s

Walmart ( ل بعض الحاجات )

السترولر و الكارسيت:

نزلت buy buy babe قبل الولاده لقيت الاسعار عاليه جدا طلبت من امازون نوع عليه ريفيوهات كتيره و كان عليه عرض ٣٠%

و لقيته بعدها اغلي ب كتير ف ال store

عيبه ان الكارسيت البيبي بتفضل راسه عايمه و غالبا مبيرضاش يعد فيه اصلا

بس ك استعمال الاتنين مع بعض ممتاز و السترولر خفيفه جدا

تنبيه مهم :

السلبيات اللي حصلت لي مع الدكتور او المستشفى انا بقولها عشان تاخدوا بالكم منها و تأكدوا عليها معاهم قبل كل حاجة لأن في حد ولد بعدي و كان مصمم من الاول انه الورق يبقى مختوم و ختموه لها فعلا ، و لما قولت لهم كدبوا و قالوا ان دا محصلش و انهم بطلوا ختم ورق من شهور !!

دا غير ان في حوار الدكتور دا الست اللي كنت قاعدة عندها قالت لي انه دايما حركة انه يبعت الناس بدري يوم و يدفعوا تمنه بس على حظي بعد ما طلعوني غصب عني و قالوا اني مش بولد و اني لازم اطلع و اني لسه بدري على ما أولد ، حظهم السئ ان بعد ما طلعوني بساعة طلعت بولد فعلا و رجعت تاني و كنت هعملهم مشكلة كبيرة لأن هم بهدلوني و خلوني ابقى في الشارع و المايه نزلت و كان ممكن يحصل مشكلة لا قدر الله .

 

دا غير اني كنت متأكدة اني فاتحة 2 فينجر ( بعد ما تم فحصي قبل ما اروح المستشفي عشان اكون متأكده اني بولد فعلا ) و هم كل اللي عليهم لأ دا انتي لسه واحد بس !!

التجربه الحمد لله ك كل كويسه جداا و عدت علي خير و ربنا كان موفقني ف كل حاجه

اشكر جداا باشمهندش ز***** كان دايما متواجد ف كل وقت و ساعدني كتير و كان فعلا بيساعد علي قد ما بيقدر و اكتر ربنا يجعله في ميزان حسناته و يرزقه من حيث لا يدري ولا يحتسب

السلام عليكم و رحمة الله و بركاته

احنا الحمد لله خلصنا تجربتنا و اللي حكيتها مراتي و كانت مع د.امين في كاليفورنيا ، بس انا عايز اقول نقطتين مهمين جدا

اولا : ان احنا بنقلق نفسنا بزيادة في موضوع الدخول و الاوفيسور و الموضوع في منتهى منتهى البساطة والله و مش بيقى بنفس القلق اللي بنحط نفسنا فيه و ان كمية الناس اللي بتدخل امريكا يوميا رهيبة و مبيبقاش حد فاضي لينا اوي انه يركز و يسأل و كل الخواطر اللي بتيجي في بالنا ؛ و كمان احنا بنعمل حاجة قانونية و معانا اثباتاتنا لده فمفيش اي داعي للقلق خالص والله؛ توكلوا على الله و سيبوها عليه و لو رزقك هيجيلك هيجيلك ؛ توكل على الله و خد بالاسباب .

 

تانيا : انا بشكر المهندس ***** اللي فعلا و نعم الاخ ؛ انا ربنا مكتبليش اني اسافر بس والله انه كان حاضر في اي حاجة كانت بتحتاجها مراتي ، ربنا يجعله في ميزان حسناته و يسعد ايامه دايما يا رب .

حقيقي وفر علينا كتير و سهل علينا كتير ووضح الصورة لينا و جمعنا مع بعض هنا في الجروب اللي ان شاء الله يكون سبب لمساعدة الناس و استمرار لخير البشمهندس اللي لا يوازيه و لا يكفيه مجرد كلمة شكر او دعاء .

التجربة –40

الحمد لله

مرسى جدا جدا ل Total care بجد الجروب والموقع يجنن وياشمهندس *** موضح فيه كل حاجه مش سايب ادق التفاصيل انا فعلا كنت هتبهدل من غيره

ده غير باشمهندس *** ربنا يكرمه اى وقت كنت بتصل عليه أو اطلب منه طلب كان مش ليتأخر فعلا وشكرا جدا جدا لحضرتك ?

وشكرا لأستاذ ***** اللى ساعدنا فى لحظه بجد فى حجز التذكره للباسبور ?

انا اخد الفيزا من جده انا وزوجى وطلعنا طيران سعودى دايركت لوس انجلوس

كنت واخده معايا ادويتى كلها وكميه حقن كلكسان كنت واخده تقرير الطيران ب ٣٢ أسبوع من دكتوره النسى وواخده تقرير للحقن من دكتور باطنه جوزى ?

الحمد لله فى المطار فى جده محدش سالنى أبداً فى اى شئ وأما وصلت اتسالت سؤالين بس هتقعدو قد ايه جوزى قاله ٣٧ يوم وفين وراله حجز الفندق وختملنا ٦ شهور وعدينا

روحت ل دكتور هشام وتابعت معاه لحد معاد الولادة

ولدت قيصرى

تقييمى للمستشفى مش وحشه بس مش حلوه عاديه ورعايتهم كممرضات عاديه جدا يمكن فى ولادتى الاولانيه فى مصر كان أفضل

إداراه المستشفى الست اللى هناك لطيفه جدا جدا ودوده  قعدت ٣ أيام وخرجت

اه كان المفروض هناك ارضع الولد لبن صناعى رفضو تماما وطبعا مكنش فى لبن كفايه وهما صممو ان لا الدنيا اوك لحد الولد جاله جفاف

و صفرته عليت

وتحليل آل tsh بتاعه كان عالى جدا ده ملوش علاقه بالرضاعة ده لان انا عندى خمول بالغده وبأخذ دوا

فضلو يكلمونا كتيرقرفونا اوى كل يوم نعيد التحاليل وده تكلفه كان ب ٤٠٠ دولار وكانت يتكلمنا اكبر مستشفى غدد اطفال والدكتور يتناقش مع زوجى كتير وفى الآخر قالولنا لو معدوش التحليل هنبلغ عنكم حقوق الطفل فعدناه تحت تهديد

احنا كنا هنعيده بس مش كل يوم  يعنى كنا عايزين نفوت كام يوم عشان النتيجة تلحق تنزل يعنى وكمان لانهم بيسحبو التحليل بشكه إبره من كعب رجل البيبى ويفعصو فى رجله ينزلو دم وده كان صعب عليه جدا 

المهم بلاش تقاوحو معاهم كتير فى المواضيع دى بالذات لانهم محسوكين جدا

عدنا التحاليل والنسب ابتدت تنزل حبه ابتدو يهدو بقى علينا ويطمنو

شهاده الميلاد طلعت بعد أسبوع من التقديم عليها روحنا استلمناها وتانى يوم طلعنا الباسبور

وقعدنا أسبوع مثلا مخلصين وبعدين روحنا سالنا على ssn قالولنا اتبعت على العنوان وفعلا كان اتبعت شيكاغو وعرفت انه وصل

الحمد لله

شكرا لحضرتك يا باشمهندس وشكرا استاذ ***** استاذ ****** وشكرا ليكم جميعا

اى استفسار ادق فى اى حاجه تحت امركم اى وقت

اهم حاجه خليكم لو مسافرين مع بعض ونسو بعض بجد الغربه فى الظروف دى محتاجه ونس اوى شكرا للناس الجميلة اوى اوى اللى لتعرفنا عليهم (ريهام ❤)متنفعش التجربة من غيرك

كمان حاولو تخدمو بعض بقدر الإمكان ?

 

التجربة –41

تجربتنا في الولاده لكالفورنيا مارس 2019

التجربه كبيره جدا بس كلها تفاصيل هامه جدا علشان كده اتاخرت في كتابتها ويارب تستفيدوا منها

 بدءنا ندور عن تفاصيل الولاده واستقرنا علي كالفورنيا دكتور هشام المقدم وتم حجز التذكر علي هذا الاساس وبعدها بدءنا ندور علي السكن وده كان اصعب حاجه قبلتنا فضلنا كتير ندور علي سكن كويس بس ماكنش في اي شي كويس وسعره في نفس الوقت حلو

الحمل كان بيه بعض المشاكل ولكن زاده في الفتره الاخيره من الحمل كان حمل هاي رسك لان كنت حامل بتوام وتوقف نبض جنين منهم وبالتالي بداء ياثر علي نمو الجنين الموجود ولذلك لاخر يوم قبل السفر ماكنتش عارفه انا هسافر ولا لاء والدكاتره ماكنوش قادرين يحددوا ولذلك محجزتش سكن وقبل السفر بيوم الدكاتره وافقه علي السفر واخت تقرير بعدد اسابيع الحمل الفعليه وكانت 35 اسبوع و 5 ايام واضطريت احجز سكن موقت عند عائلة مصريه في غرفه بحمام بريفت بس ما انصحش بيه احد

يوم السفر

اتجهت الي مطار الدوحه وسافرت علي الخطوط الجوية القطرية الرحله دايركت مافيش ترنزيت  في البدايه دخلت علي الوزن الموظف كان رخم شويه …طلبت منه الكرسي الاول لان كان معايا ابني 5 سنوات رفض وحجزلي اخر كراسي بالطياره واخت البورد وانا اخت ssssوزوجي وابني لاء اتفتشنا جامد جدا جدا في الدوحه لدرجه كان عوزني افك الحجاب وانا رفضت كان معايا اكل ومياه وسندوتشات لابني محدش اتكلم طلعنا الطياره وبعد نص ساعه من الرحله بداءت الطياره تترج جامد جدا جدا بينا لدرجه فضلنا نتشاهد والطيار بصوت مخيف من فضلكم كله يلزم اماكنه ومايتحركش وفضلنا كده 3 ساعات لدرجه المضيفات سابوا عربيات الاكل في الممرات واختفوا ??احنا فعليا بنموت

المهم الحمد الله بعد الرحله الشاقه وصلنا بالسلامه ماكنتش مصدقه  نزلنا استلمنا الشنط ولاقينا الشنط كلها مكسره ومتبهدله جيه موظف الشركه الطيران وشفها وقالنا هنديكم تعويض 50 دولار علي كل شنطه وحولنا معاه وقالنا له دي برند 50 قليل جدا والشنط جديده فقال  خلاص  قدموا بلاغ وبنرد بعد اسبوع وبيكون التعويض افضل بس احنا اخدنا 50 دولار علشان نخلص

روحنا طبعا كنا تعبنين جدا جدا اخدنا شاطل باص خاص من امام المطار اخد 160 دولار

رحنا البيت وبعدها رحنا لدكتور هشام وكان حاله البيبي مقلقه جدا بس هو كان عوزني ادخل بس التاسع انتظر لحد اول يوم في الاسبوع 37 وقال لازم ولاده البيبي كان في السونار 2300 جرام والدكتور قالي صغيره لازم ولاده واذا حابه طبيعي يبقي  رفرسيد واذا قيصريه يبقي بارك فيو واخترت اولد قيصري خوفت من الاندكشن والحمد الله رزقنا بي تالية بس البيبي اتولد ناقص جدا في الوزن اتولد 1600 جرام فقط والدكتور كان قلقان جدا عليها طبعا دخلت الحضانه علطول ما شفتهاش الحمد الله ماكنش عندها اي مشاكل كان مجرد نقص نمو فقط فضلت في الحضانه 10ايام خلالها عملها كل الفحوصات الازمه

طبعا مسالتش علي شهاده الميلاد غير لما بنتي طلعت بالسلامه بس شكلها طلعت بسرعه من كلام الناس هنا علي الجروب روحت اخذتها  وتاني يوم طلعت علي الجوازات عملت الباسبور بالتذكر الفيك اخت الباسبور في نفس اليوم

اتعرض خلال الفتره ده ان الاسره المصريه الي كنت قاعده عندهم وكاتبه عليهم العنوان انهم كانوا هيسرقوا السوشيل سكيورتي بس الحمد الله اخذت  بالي وربنا ستر

والي حصل كالاتي

هما في الاول طالبوا شهاده ميلاد البنت وانا رفضت اني ادهلهم بس هما اصروا إصرار غير طبيعي انهم يخدوها وبعدها لما سالت اصحابي هناك مقيمين قالولي ان الرقم  الي علي شهاده الميلاد مهم جدا ولازم يكون سري ذي السوشيل من هنا بداءت اشك فيهم بعدها سالتهم هو السوشيال ما وصلش في البوكس  بس هما قالولي لاء ما وصلش وانا كان بقالي اسبوعين او اكتر اعتقد  وكنت سمعت من هنا انه بيطلع في خلال 15 يوم وانا كان بقالي اكتر من كده  نزلت تاني يوم ادور علي مبني السوشيال ورحت هناك وسالتهم علي السوشيال هما قالولي السوشيال طلع وممكن نديكي الرقم وبالفعل اداني الرقم بس مش الرقم الي مهم الاهم الكارت الي وصل في البريد فسالتهم هو كده وصل البريد قالولي اه وصل من 10 ايام تقريبا

رحت مكتب البريد وادتهم العنوان وقالتلهم انا لسه جاي من مكتب السوشيال وهما بيقولوا ان السوشيال وصل عندكم من 10 ايام ليه ماوصلش في البوكس لحد الان لاقتها دخلت ودورت علي السيستم وقالتلي لاء اكيد وصل البوكس من اكتر من اسبوع

انا كده اتاكدت ان السوشيال معاهم وطبعا كلمتهم ووجتهم وكان كلامي عنيف جدا جدا معاهم وفهمتهم اني مش همشي غير لما استلم السوشيال مقفول وان انتوا لازم تيجوا معايا مكتب السوشيال طلما هو ما وصلش والكلام ده وانا كانت المفروض مسافره بعدها بيومين وحجزه

طبعا قبل السفر بيوم قولتلهم انا اجلت سافري لحد ما استلم السوشيال واشوفه راح فين طبعا استشعروا ان الموضوع مش هيعدي بالساهل وان مش هسكت لاقتهم طلعوا وقالولي لسه واصل اليوم وانتي ظلمتينا والحمد لله ماكنش مفتوح

 بس هما طبعا بيكذبوا لان  السوشيال بيجي عليه تاريخين

تاريخ داخل الكارت وده تاريخ خروج الرقم من السوشيال

والتاريخ التاني بيجي علي السوشيال من بره وده تاريخ خروجه من البريد للبوكس طبعا التاريخ كان قديم وهما معدلينه بالقلم بس الحمد الله ربنا ستر

عوزه اقولكم معلومه مهمه

اولا:

 انتوا تقدروا تاجروا بوكس في اي مكتب بريد وده مش مكلف كتير وكل الاوراق المهمه تيجي عليه وطبعا ده امان جدا وافضل

ثانيا :

ان انتوا ممكن تعملوا هولد علي السوشيال بعد ما تخدوه وده من خلال ثلاث شريكات هناك في امريكا في حاله اي حركه علي السوشيال بيبلغ فورا قبل اي عمليه .

ربنا يستر واسفه جدا لاطاله بس فعلا مواقف كتير اكيد هتستفيدوا منها وانا صممت اكتبها علشان محدش يتعب زي ما احنا تعبنا لانها فعلا كانت شاقه جدا جدا

 

التجربة –42

تجربتي في كاليفورنيا

الرحلة

طيران الإمارات

مانصحش اي واحدة حامل تركبه من مصر لان طول الرحلة في الجو سببلي مشاكل

المدة تطول في الترانزيت أفضل من الجو بالنسبة للحالة الصحية للحامل

الطيران مافيهوش اي حاجة مميزة

بالعكس الرحلة اتاخرت في الجو كمان و الخدمة و الستاف مكانتش اد كدا مقارنة بخطوط طيران تانية ركبت عليها قبل كدا

المطار

اتسالت في الجهاز ادا كان معايا اكل او لا

كان معايا مكسرات و تمر

كتبتهم و لما وصلت لل officer سالني عليهم بس

طلعت من المطار دورت على الshuttle bus لقيته هيتاخر ساعتين عشان في اشغال طريق

ركبت أوبر لفندق extended stay America katella

خد ٦٨ دولار تقريبا

أوبر مابياخدش كاش لازم فيزا

الاوتيل

متوسط

مستوى النضافة مش كويس

جالي حساسية شديدة من الفرش من وبر الحيوانات تقريبا

و اكتشفت ان في كمان بق فراش بس كنت غيرت الغرفة لدور تاني مافيهوش حيوانات و الحساسية هديت

بق الفراش كان في الدور اللي فيه حيوانات

نصيحة لأي حديختار سكن في أوتيل يبعد عن اي حاجة pet friendly

لان انت لما بتشتكي الحيوان عندهم اهم منك

فتح الحساب في البنك

حاولت افتح في Wells Fargo رفضو عشانً العنوان أوتيل

فتحت في Citibank

خدو الفلوس و بعد مافتحوه عملولي block عشان عنواني في ال documents اللي قدمتها كانو اتنين مش واحد

و في نفس الوقت كان جوزي حولي فلوس الولادة على الحساب دا

قالولي هنستقبل الفلوس تستلميها و بعدين نقفله

استنيت الفلوس ١٠ أيام رفضوها و رجعوها مصر تاني

بشمهندس زيدان نصحني بفرع معين ل bank of America’

فتحت فيه حساب تاني و جوزي حولي الفلوس

بس خدت ١٠ أيام بردو investigations من مصر و مني في امريكا

الفلوس وصلت بعدها الحمد لله و الدنيا مشيت كويس و الحساب مفتوح

الدكتور

دكتوري في مصر كان قايلي أني ممكن استنا على السونار ٣ أسابيع

أجلت زيارتي لدكتور أمين فواز لحين وصول الفلوس المتأخرة

بس كنت مراسلاه وواخدة منه معاد

قبل الموعد ب ٤ أيام جاني انقباضات شديدة في الرحم و دي تاني ولادة ليا

الأولى كانت قيصري في مصر

اتصلت بالعيادة يوم الخميس محدش رد

روحت المستشفى لقيت د أمين هناك

عرفته بنفسي و شرحتله حالتي

و قولتله أني عندي معاد معاه بس الانقباضات جت قبل المعاد

كلمني وحش جدا و مكانش مركز تماما

قالي انا معرفكيش انتي ماجيتيش العيادة و بعدين قالي انتي المفروض مايجيلكيش انقباضات

قولتله طيب حضرتك ممكن استنا اعمل سونار و نشوف الوضع قالي مفيش سونار دلوقتي

قولتله اجي لحضرتك العيادة قالي لا و بعدين قالي تعالي العيادة ماشي بعد ساعة

مفيش اي تركيز في الكلام

روحت العيادة استنيته ساعتين وصل العيادة و مشي من غير مايشوفني جاله حالة ولادة تاني !

إيزابيل كتبتني دوا يهدي الانقباضات من غير مايكشف عليا

و ادتني معاد تاني يوم الجمعة عشان يكشف عليا

تاني يوم و انا في الطريق اتصلت بيا إيزابيل تقولي الدكتور مش هيشوفك انهارده طالما الانقباضات هديت

قولتلها طيب اجي اعمل سونار قالتلي مفيش سونار انهارده بردو خليكي ماشية على الدوا لحد يوم الاتنين و تعالي الاتنين عشان الدكتور يحددلك معاد للقيصري !!!

من غير مايشوفني ولا يكشف ولا يشوف تحاليلك ولا ورقي كتبلي دوا و بيحددلي قيصري

انهارت عياط و اتواصلت مع د هشام المقدم

قالي غلط الدوا اللي انتي خدتيه و مفيش مبرر يديهولك غير انه عايز يريح في الويك اند

و أنتي معندكيش مشاكل تولدي طبيعي خصوصا أني كنت في الاسبوع ال ٣٨

خدت منه معاد و تابعت معاه د شاطر جدا و مركز

نصحني بالطبيعي بس قالي هولد في ريفرسايد عشان انا والدة قبل كدا قيصري و بيبقا في نسبة خطورة بسيطة على الرحم الأفضل يكون مستشفى فيها دكاترة ٢٤ ساعة تحسبا لأي طوارىء

وافقت

قالي تكلفة الولادة الطبيعي هتزيد عن بارك فيو حوالي من ٧٠٠ ل ١٠٠٠ دولار

قالي لو عايزة induction رفضت

و استنيت دخلت في ولادة طبيعي طلعت على المستشفى ولدت هناك طبيعي الحمد لله

د هشام عنده team شغال معاه جاهز طول الوقت من الدكاترة من خارج المستشفى

الولادة الطبيعي كانت صعبة شوية و الدكتور استخدم الشفاط لكن الحمد لله الأمور عدت بخير

حساب المستشفى طلع ٤٠٠٠ دولار في الطبيعي

٢٠٠٠ للمستشفى و ٢٠٠٠ الابيديورال !!!

حاولت افاصل معاهم سالوكي حسابي مفتوح عايزين يقلبوه ٢٦ الف دولار و بيهددوني بكدا لو مادفعتش ٤٠٠٠ كاملين

وصلت معاهم في الآخر ل ٣٧٥٠

غير ال hearing test 150

و دكتورة الأطفال ١٠٠

و بعد ماخلصت الحساب قالولي دكتور التخدير برة الحساب

جالي فاتورة غلط من مركز التخدير بس انا لسه ماكلمتهومش و ماتفاهمتش معاهم على حاجة

د هشام مابيعرفش يتفاهم مع ريفرسايد في الحسابات تماما

و هما كمان مستفزين و اسلوبهم مش كويس و بيقولو انهم ممكن يغيرو أسعارهم اي وقت

 

شهادة الميلاد روحت استلمتها بعد ١٠ أيام زي ماقالولي

الباسبور طلع في نفس اليوم الحمد لله

في خطا في شهادة الميلاد في تاريخ ميلاد الأب

قدمت طلب و بعته بالبريد لمكان تصحيح الأخطاء و المفروض يتصلح في خلال شهرين

العودة

حاولت احجز shuttle bus قبلها بيوم مكانش في متاح

و انا معايا شنط كتير

طلبت تاكسي و جه وصلني للمطار

و هناك دفعت لواحد يساعدني في الشنط يوصلني لل Check in و الباقي اتسهل الحمد لله

 

التجربة –43

 

تجربة الولادة في كاليفورنيا مع د.هشام المقدم

في الاول طبعا احب اشكر م.***** كتر خيره علي الجروب و السايت اللي فيه كل التفاصيل. و اي حد محتاج مساعدة مش بيتأخر ابدا.

و صديقتي  اللي عرفتني علي الجروب ، ربنا يجازيها كل خير.

اختيار الولاية و الدكتور:

بما ان الولادة في الصيف ما كانش فارق اوي الولاية، كان الاتجاه اكتر ل نيويورك علشان المسافة أقصر و كمان مش مشاوير زي كاليفورنيا.

في الاسبوع ٢٩ بدأت مشاكل في الحمل، نزيف متكرر و بعض من amniotic fluid نزل منه شوية.

نظرا لصعوبة التواصل مع د.تشافيز، بدأنا نتجه بالتفكير في د.هشام. بالفعل بدأت اكلمه باستمرار و ابعتله التحاليل و كل حاجة اول بأول .

و هو اللي نصحني بالسفر بدري مش بعد ٣٤ اسبوع و لله الحمد كان قرار سليم جدا، طبعا خطتنا كانت السفر في ٣٧ اسبوع لان ولدت مرتين قبل كدة و كان في ٣٩ اسبوع.

السفر:

ليلة السفر حصل نزيف تاني بس كنا عقدنا العزم و توكلنا علي الله و سافرنا.

السفر كان علي طيران الامارات، من البحرين ل دبي ساعة و من دبي لكاليفورنيا ١٦ ساعة.  الطيارة كانت زحمة جدا جدا خاصة أنه كان العيد الكبير و موسم.

الاكل كويس و المضيفات كانوا لطاف و كل شوية يجيبولي snacks.

اتسألت علي تقرير الحمل كذا مرة ، في البحرين و في دبي.

الوصول:

وصلنا أمريكا ، lax airport و كان زحمة جدا بس منظم.

السكن:

بما ان كان في مشاكل في الحمل كتير ، قلنا بلاش Airbnb علشان لو لغينا السفر في اي لحظة.

استقرينا علي springhill suites

by marriott , Corona

بينه و بين parkview community hospital ١٧ دقيقة.

الطريق من المطار للاوتيل تقريبا ساعة و نص، أجرنا عربية من المطار من Alamo و كنا حجزينها من قبلها اونلاين بس بدون دفع.

للأسف علي ما وصلنا للاوتيل حصل نزيف شديد جدا و زوجي اخدني الطوارئ. كلمنا د.هشام و في خلال ساعتين جالنا.

د.هشام انسان محترم جدا جدا ، و فعلا قلبه علينا. اول ما لقي حالتي استقرت ، قال يفضل بلاش اقضي ليلة في المستشفي و اروح لان التكاليف عالية جدا.

بالفعل اول ما النزيف قل خرجت و دفعنا ٥٠٠$

تاني يوم روحت تاني ل دكتور هشام عيادة بارك فيو و دفعنا ٢٠٠٠ $ كاش و اخدنا وصل.

روحنا الاوتيل، لطيف و مكانه كويس جدا، جمبه والمارت ومحطة بنزين arco سعرها معقول جدا و في كذا مول حوالي ١٥ دقيقة منه.

المشكلة ان كانت غسالة واحدة اللي شغالة ، اشتكينا طبعا بس قالوا حيصلحوها و ده ماحصلش في الشهر اللي قضيناه فيه. لكن ال staff محترمين جدا جدا و friendly.

تالت يوم من الوصول حصل contractions متواصلة و ما نمتش طول الليل، تاني يوم الصبح كلمنا د.هشام و روحناله عيادة ريفرسايد ، قال معلش اصبر شوية علشان كنت لسة في الاسبوع ٣٤ و خايف البيبي يحتاج حضانة.

روحت البيت و علي بالليل جالي ألم رهيب غير محتمل، كلمنا د.هشام و قال نطلع علي بارك فيو.

 في المستشفي كان الوجع زايد جدا جدا ، بعد ما قالوا مش ولادة، رجعوا قالوا لازم ولادة فورا لان ضربات قلب البيبي سريعة.

للأسف د.هشام كان بعيد، بعت دكتورة من التيم بتاعه بس فضل متابع معانا.

الولادة:

فجر الثلاثاء ١٣ اغسطس رزقنا ب “علي” و لله الحمد

دكتور التخدير كان هايل اسمه د.ماكدونالد، ماحستش بحاجة الحمد لله و الولادة قيصري.

من ضمن المشاكل ان المشيمة كانت  low lying and anterior

المفروض المشيمة تكون فوق، انا عندي كانت تحت و ده سبب النزيف المتكرر و كمان كانت قافلة مكان ما يفتح القيصري، بس مع اني كنت داخلة طوارئ الا ان المستشفي طمنوني أنهم جاهزين بأكياس دم بس الحمد لله ما احتاجتش. 

البيبي كدة اتولد في الاسبوع ٣٤، كان كويس الحمد لله بس قالوا لازم حضانة تحت الملاحظة.

دخل الحضانة يوم واحد و الحمد لله خرج تاني يوم. في اليوم ده دفعنا ١٠٠٠ $

المستشفي كويسة جدا جدا و التمريض هايل، بس كانوا مصرين ان الأوضة تكون shared و رفضت بشدة فامحصلش الحمد لله ، بس دي اكتر حاجة ضايقتني، اللي يروح هناك يتفق و يأكد عليه الموضوع ده، انا قلتلهم كنت روحت ولدت في ريفر سايد احسن.

دخول المستشفي كان فجر الثلاثاء ، خرجت الخميس العصر. الزيرو بيل كانت بعد ٥ ايام تقريبا، مضبوطة و كله تمام .

قدمنا علي شهادة الميلاد الخميس ١٥ اغسطس استلمناها ٢٣ اغسطس

و ال ssn وصل بعد ٣ اسابيع من الولادة بالضبط.

الباسبور:

روحنا سان دييجو لان الناس قالت ان زحمة اقل، استلمناه في نفس اليوم لان م.**** كتر خيره ساعدنا في   ticket .

اقرب تصوير في ups نفس الشارع اللي فيه مكتب الجوازات ، شارع كولومبيا. و في مطعم اكل حلال قريب اوي من الجوازات مسافة مشي اسمه the kabob shop  ، المنطقة جميلة جدا و البحر جميل.

ممكن بقية اليوم تقضوها في مول لطيف هناك اسمه Las Americas علي الحدود مع المكسيك. ده اوتليت مول حلو اوي.

مطاعم الاكل الحلال في حدود كورونا و ريفر سايد

Fuego 360

Elias pita

Kabob house

California fish and grill ده أسماك عادي و مش بيطبخوا بخمور، حلو جدا.

Shopping:

Burlington, Marshall’s, ross dress for less, ontario mills, the outlets at orange especially bloomingdale’s

 Shopping Close to corona: the outlets at lake elsinore and the crossing at corona.

بالنسبة للسترولر :

Byebye baby اسعاره غالية بس ساعات بيعمل عروض كويسة جدا و ارخص من امازون

Chicco viaro ارخص في برلينجتون من امازون

Chicco urban عجبتني اوي بس شوفتها بعد ما اشتريت?

لبس البيبي معظمه من Carter’s online

بس نفس الحاجات كان في منها في Burlington

 

التجربة –44

 

تجربتي الولاده بكاليفورنيا

نفس الأحداث تقريبا الي حصلت مع اغلب التجارب

بدايته

٢- السفر

حجزنا علي طيران الاتحاد من الرياض ابوظبي وبعدين لوس انجلوس ، كنت بدايه الاسبوع ٣٢ ومعايا شهاده صحيه باالاسابيع ( الدكتوره كانت قايلا ان اخر موعد للسفر الاسبوع ٣٢ لذلك سافرت)

٣- الولاده

ما كنت قريت كتير قبل السفر كنت بشوف صفحه توتال كير من وقت للتاني مكنتش حتي مسجلا ولا اعرف ان في  جروب ، بس كنت بتبع الخطوات الي عليها

بعت ايميلات ل ٣ دكاتره بكاليفورنيا تبع الصفحه

ردوا عليا التلاته اخترت دكتور علي حمزه ( حسيت موقعه متوسط وقريب من انهايم ) والإيميل تبع مساعدته رايتشل كان تفصيلي اكتر من الباقي

اول موصلت اخدت موعد وروحت العياده

بس بالصدفه عملت سيرش بالصفحه( توتال كير) ما لقيت اسمه اتخضيت جدا وحسيت بالخطر روحت علي الموعد وانا قلقانه جدا خصوصا ان زوجي هيرجع ويسبني لحد الولاده ، بعدها تواصلت مع الصفحه واطمنت منهم شويه

المهم انه دكتور ممتاز ويعطي شعور بالامان  وكانت تجربه الولاده جيده جدا ، المساعدة تبعه بترد وتتجاوب بس بعض الايام بتكون مشغوله بس في العموم كله مشي كويس الحمدلله ??

نصيحتي في الولاده

-الي ولدت قبل كدا متقارنش ظروفها باول مره لان كل مره ليها ظروف

-القيصري في امريكا غالبا مش بيقفلوا الجرح زينا بيسيبوا بلزق عشان ميسبش اثر فمفروض الحركه تبقي بحرص ومتفكرش تشيل الازقه ابدا

٤- الاوراق والباسبور

ولدت الأربعاء وقدمنا غلي شهاده الميلاد الخميس مع اخد الاحتياطات والتأكد من كل البيانات

تابعنا بالتليفون شهاده الميلاد تقريبا عطينلها وقت اسبوعين تتصل يقول لسه بس روحنا في اليوم العاشر طلعت وأخذناها الأربعاء ورحت الباسبور الجمعه وكان سفرنا السبت فأخذنا الجواز نفس اليوم الحمدلله

 

التجربة –45

 

السلام عليكم, تجربنا فى كالفورنيا مع دكتور فواز،

 نزلنا فى extended stay وقعدنا فترة بعدها نقلنا candlewood suits فى نفس المنطقة بس الخدمة احسنً كتير وفرق السعر مش كبير، نرشحة لاى حد محتاج فندق بجوار د.امين فواز،

 الدكتور كان كويس ، هو بس المتابعات قبل الولادة مكانش الدكتور بيعمل كشف كامل بس وقت الولادة كان موجود و الحمد للة كلة تمام،

 بالنسبة للمستشفى نظيفة و التمريض كويس ، و حساباتها مظبوطة ، دفعنا المستشفى لوحدها و التخدير و دكتور الاطفال دفعنالهم مباشرة، انا بس عندى تحفظً واحد على المستشفى ، متعسفين جدا فى اجراءات الورق و الفواتير ، احنا الولادة كانت يوم ٤ سبتمبر يعنى من ١١ يوم و لسة zero bill مطلعتش وً بتابع معاهم بالتليفون كل يوم و روحتلهم بس مفيش فايدة و انا مسافر بكرة و هروحلهم الصبح قبل الطيارة ويارب تكون خلصت، شهادة الميلاد خلصت فى ٥ ايام و البسبور اخدتة ف نفس اليوم, لو اى حد عندة استفسارات يبعتلى

 

التجربة –46

 

تجربتنا فى كاليفورنيا

 اغسطس /سبتمبر ٢٠١٩

السفر :

طيران الإماراتية

الرحلة كانت مكتملة العدد .. الخدمة كانت متوسطة غالبا بسبب الزحام . واللى زاد من صعوبة  الرحلة الطيارة اتأخرت ٣ ساعات فى دبى.

السكن؛ للأسف كنت حاجز فى extended stay  وصلنا كان الوقت اتأخر دفعت اول اسبوع واحنا طالعين الغرفة اتصدمنا .. للإختصار افضل ما يقال عنه انه مكان غير ادمي.

اضطرينا نقعد فيه لحد ما نشوف مكان تانى وفعلا بعد ٤ ايام لفينا كل الاماكن القريبة و اخترنا Candlewood قعدنا فيه٢٣ يوم بدون اى مشكلة …

الولادة:

مستشفى : Anaheim global medical center

المستشفى فى المجمل مقبولة و التمريض كان جيد.

الدكتور :امين فواز

رحنا زيارتين قبل الولادة والأمور مشيت الحمد لله بخير حتى بعد الولادة لما رحنا العيادة اول متابعة كان فى جزء ف الجرح لسة مقفلش فالدكتور قرر يعمل كوى للجزء ده و قال يومين و هيقفل لوحده … شيلنا الغيار لقينا الكوى اللى عمله زود الفتح و عامل صديد.

رجعنا العيادة وكان باقى اقل من ٤٨ ساعة ع السفر اول ما شاف الجرح ارتبك جدا وقال احنا نعمله كوى تانى و هيقفل او ممكن نعمل خياطة جديدة و فضل متردد و مرتبك حتى مع الممرضة اللى ف العيادة و فجأه مشى و سابنا ف الاوضة … جات الممرضة دخلت قالت هو مشى عنده حالة ولادة ف المستشفى و قاللى اغيرلك على الجرح وخلاص.

رجعنا ابوظبى رحنا المستشفى علطول الدكتور طلب culture وبنعمل زيارات يومية المستشفى بسبب عمق الجرح و كثرة الصديد.

التجربة –47

 

السلام عليكم 

حابب أشارك التجربه بتاعتنا معاكم

  

بخصوص السفر، سافرنا من الكويت على لوس انجلوس على القطريه. 

الرحله من الدوحه لوس انجلوس كانت Full  و حجزت بالعافيه اخر ٣ كراسي في الطياره من ورا و لحسن حظي ان ظهرهم بيرجع للآخر خالص و دي كانت ميزه، بخصوص الاكل كان الى حد ما الكميه معقوله و لو حد طلب حاجه بيوفروها عادي خالص، المشكله الوحيدة الرحله ١٦ ساعه صعبه جداً و طويله جداً غير كده كله تمام. 

سألونا في الدوحه على الحمل و وريناهم التقرير وًمحدش قال حاجه خالص. 

وصلنا مطار لوس انجلوس و كان زحمه جداً، ملينا بياناتنا على الجهاز و طلع لينا الورق … و  لما طلعنا خدنا الشنط و مشينا على طول. 

طلعت من المطار ركبت shuttle bus لمكاتب ايجار العربيات و اجرب عربيه من enterprise و للعلم تقدر تدفع عندهم بال Debit Card بس بيحتاج يشوف تذكرة العوده. 

بخصوص السكن كنت حاجز شقة ٥ ايّام في Los Angeles downtown عشان كنت عايز اتفرج عليها في مجمع سكني اسمه The Orsini 

و بعدها نقلت في فندق Residence inn Marriott garden grove  في اناهيم كملت فيه باقي المده، بصراحه الفندق جميل جداً لعائله لان الغرف كبيره و فيها Living room منفصل و مطبخ   و الفندق فيه 3 pools و جيم صغير و الفطار بتاعهم جميل. 

بس نصيحه لو هتحجز فيه حاول تحجز منهم مباشره لان لقيته أرخص من booking لما زودت المده عندهم. 

اناهيم فيها مطاعم عربي حلال و محل فطائر و فيها قهاوي و فيها محل كبير حلال اسمه Fresh choice و فيها طبعاً Disney land و حاجات تانيه كتير. 

المشوار من الفندق لدكتور هشام او للمستشفى كان تقريباً ساعه، بس انا كنت حابب اقعد هناك لان المنطقه هناك جميله و تقريباً في الوسط من كل المناطق الي ممكن تحتاج تروحلها.  

احنا كنّا بنتابع مع دكتور هشام المقدم كل أسبوع في العياده و بنسبه كبيره مواعيده كويسه. 

بالنسبه المستشفى ولدنا في parkview هي مستشفى كويسه و التمريض عندهم ممتاز بصراحه. 

بخصوص الولاده، مراتي ولدت يوم جمعه الساعه ٧ بليل بعدها نقلوها على غرفه الافاقه للساعه ١ صباحاً و بعدين نقلنا على غرفه تانيه كانت فيها لوحدها و مسموح ان حد يبات معاها بس مش أطفال، الاطفال ممكن من الصبح عادي لحد ٩ بليل و ممكن بعد كده بشويه عادي. 

تاني يوم الولاده انا طلبت ورق شهاده الميلاد و للاسف في نظام في المستشفى ان الورق بيتم امضاءه من الأب و الام و إرساله  الأربعاء فقط و بما اننا ولدنا يوم الجمعه اضطرينا نستنى كتير لحد ما الورق اتبعت. 

شهادة الميلاد استلمناها يوم الخميس الي بعده يعني تقريباً ٨ ايّام بما فيهم ايّام العمل و الاجازات الرسميه  و ممكن الأب او الام يستلمهم عادي مش لازم الاتنين بس لازم يكون في إثبات شخصيه و الدفع ممكن كاش او بكارت البنك، ثمن النسخه ٢٨ دولار. 

في نفس اليوم الي استلمت فيه الشهاده حجزت موعد في جوازت San Diego لليوم الي بعده و طبعاً مستحيل كنت احجز معاد في لوس انجلوس و بما اني كنت ساكن في اناهيم في تقريباً الوقت الي كنت محتاجه عشان اروح جوازات لوس انجلوس هو نفس الوقت لسان دييجو. 

صورت البيبي في صيدليه Wellgreen ب ١٦ دولار و ممكن تصوره جمب جوازات San Diego في UPS store بنفس السعر. 

جوازات San Diego تقريباً تكاد تكون فاضيه، كنت حاجز موعد الساعه ٩:٣٠ الصبح و مش لازم كمان تحجز موعد بس انا حبيت اريح دماغي طالما كان متاح اخد موعد و طبعاً لازم الأب و الام و الطفل و لو الأب مش موجود لازم تفويض زي ما المهندس زيدان كاتب في الموقع. 

اخد مننا الأوراق و كان معايا تذكره سفر لتاني يوم و لازم فعلاً تأكد عليه ان مش معاك ال SSN و للعلم ممكن تدفع بالكارت عندهم او كاش بس لازم يكون معاك المبلغ بالظبط لو هتدفع كاش. 

قالي تعالوا الساعه ٣ استلموا الجواز و فعلاً رحنا و كان جاهز. 

بعد ما طلعت الجواز حجزت تذكره للبيبي على القطريه عن طريق التليفون و لحسن حظي كان في Bassinet متاح و دفعت تقريباً ١٥٠ دولار ثمن التذكره. 

اخر يوم سلمت العربيه عند اقرب فرع Enterprise و روحت المطار عن طريق super shuttle حجزته من الابلكيشن بتاعهم و بصراحه انا برشح جداً أنكم ترجعوا بيه لانه مريح جداً. 

في مطار مفيش اي حد خالص أتكلم معانا بخصوص البيبي و لا حتى ال officer و الأمور مشيت كويس الحمد لله بالعكس هما دخلونا في Special service lane عشان كان معانا طفل ?

الطياره في الرجوع كنت حاسسها اسهل شويه يمكن عشان مروح ? بس الاكل كان اقل شويه. 

انا بالنسبه لي كنت راجع على الكويت و قدمت على فيزا online للبيبي و اول ما وصلت المطار روحت مكتب الفيز استلمتها في ٣ دقايق بالظبط. 

أخيراً عايز اشكر المهندس ******** جداً هو بصراحه شجعني جداً على الخطوة دي لما قرأت الموقع و تجارب الناس و حتى و انا في امريكا كنت بسالوا على حاجات كتير و هو حقيقي كان بيرد على طول ??

بالتوفيق للجميع و لو اي حد محتاج يسأل على حاجه تحت امركم.

 

نسيت بخصوص الفواتير 

انا دفعت تاني يوم الولاده فيزا مش كاش و طلبت منها الفواتير الي مكتوبه في الموقع، قالتلي هنحتاج الاول نبعت للبنك نأكد على الدفع و بعدها ب ٣ ايّام هيكونوا جاهزين. 

فعلا بعد ٣ ايّام من الدفع كانوا جاهزين و مختومين و من نفسها عملتلي نسختين و بتستلمهم من Buiseness center جمب المستشفى على طول. 

و ال medical record استلمته في نفس الوقت على طول يمكن اخد ١٠ دقايق بس لازم الام هي الي تطلبه.

 

 

التجربة –48

 

‏مساء الخير أنا سافرت يوم 10‏/7‏/2019 على البريطانية من القاهرة ‏وأنا داخلة ‏الطيارة الراجل اللي على الباب سألني إذا كنت حامل   ورتلو ورقة الدكتور اني في الاسبوع ال ٣٢. 

تجربتي في البريطانية، اول طيارة غيروها بطيارة اوحش عشان كان في مشكلة و تاني طيارة كانت حلوة و مريحة اوي بس اتأجلت ساعتين. 

وصلت مطار لوس انجلس في نص الليل و كان فاضي شوية.

اجرنا بيت في OnTario من airbnb و اجرنا عربية من Sixt.  

تجربتي مع دكتور هشام كويسة جدا، ولدت قيصري عشان البيبي متعدلش. كانت في Parkview في الاسبوع ال٣٩و كانت عملية سهلة الحمدلله، دكتور التخدير كويس جدا و التمريض الي حدً ما كويس.  

قدمنا علي شهادة الميلاد و اخدت ٤ ايام و قدمنا علي الباسبور و اخدناه في نفس اليوم و الsocial security جتلنا بعدها بأسبوع.  

اخر حاجة حصلت، كنا في البيت في يوم و بندي للبيبي ماء غريب و شرئ مننا و مكنس عارف يتنفس فا جرينا بيه علي الطوارئ و عقبال ما روحنا كان الحمدلله  احسن و كانو عايزني ادفع ٥٦٠ دولار و عملولي تخفيض و خلوها ٢٠٠في الاخر.   بس بعد مدة دكتور هشام نصحني ان في حالة الطوارئ اروح حاجةاسمها urgent care ارخص بكتير

الموقع ساعدني كتير اوي 

 

 

 

التجربة –49

 

السلام عليكم ورحمتة وبركاته 

الحمد لله رجعنا بسلام وعقبالكم جميعا

الشكر والتقدير للبشمهندس ***** ولكل الناس اللي ساعدتنا فالجروب .

*السفر:

زوجتي سافرت يوم 3 اغسطس لوحدها من جده الي لوس انجلوس فمطار جده سالها عن تقرير الحمل 

 ,وصلت بالسلامه مطلعلهاش اكس ودخلت علي الاوفيسر 

سالها سبب الزيارة قالتله ولادة قالها ولاده هل بلغتي السفارة انك جاية تولدي قالتله لا, معاكي كم قالتله 6000 دولار كاش ومعايا كشف حساب, طبعا فضل يستفزها ويضحك وكان جمبه واحد تاني ويضحك ويقوله جايه تولد ب 6000 دولار قالها قصدك 60 الف طبعا كان معاها مراسلات مع الدكتور وماشفش حاجه ودخلها الغرفه قعدت حوالي نص ساعه ودخلت علي اوفيسر كبير فالسن ومحترم بس كان بيخوفها ويقولها انك متفكريش تيجي تاني تولدي عشان كل مرا هيسالوكي علي الفواتير حتي لو رحتي تقدمي علي الفيزا احنا كتبنا انك جيتي ولاده ولازم تدفعي كل الفواتير بدون مايكون فيها اي خصم من المستشفي, وقالها ممكن كل دا ميحصلش لو حابيتي ترجعي, وقالتله لا مش عايزة ارجع قالها خلاص دخل وشوية وطلع وخاتملها لحد يوم 19 سبتمبر نفس تاريخ العوده للتذكرة بتاعتها وبرضه قالها انت ازاي جاية لوحدك انتي خطر تكوني لوحدك افرض تعبتي في اي مكان من هيخلي باله منك, قالتله ممكن اي حد يكون جاي سياحه عادي ويتعب قالتله انا جوزي احتمال يجي.

انا سافرت يوم 11 اغسطس والحمد لله مكنش فيه اي مشاكل سالني جاي ليه وقولتله مراتي هنا وسالني هي بتعمل هنا ايه قولتله ولاده وهندفع كامل المصاريف قالي كم التكاليف قولتله 7000 $ قالي انت اللي هتدفع قولتله ايوه خاتملي 6 شهور.

السكن:

طلعت من المطار كنت حاجزلها شاتل باص وعلي طول راحت علي السكن.

كنا حاجزين سكن عن طريق AIRBNB غرفة ماستر كبيرة مع حمام خاص و DRESSING ROOM 

السكن كان عند عائله صينيه وعندهم طفلين والمكان كان في EASTVALE تبعد عن عياده دكتور هشام في كورونا حوالي 17 دقيقه وعن بارك فيو حوالي 25 دقيقه, المنطقه هادية ونظيفة جدا و مناسبة جدا للسكن.

المواصلات:

في البدايه تم استخدام اوبر وبعد ذلك تم استئجار سيارة لمده شهر عن طريق شخص اسمه علي, الشهر 500 دولار وكلمت شركه التامين وعملت تامين لمده شهر 250 دولار ورجعت السيارة بدري 3 ايام رجعلي فلوسهم.

الدكتور:

تم اختيار دكتور هشام المقدم  وبعد المتابعات معاه قالنا ان المياه عند البيبي قليله شويه والافضل له برا احسن من جوا وحدد لنا موعد في باركفيو كان في بداية الاسبوع 39 للطلق الصناعي وطبعا روحنا بعد الساعه 12 بالليل, بس  للاسف لما روحنا قالولنا ان مفيش مكان النهارده وتعالوا تاني يوم, روحنا تاني يوم وخلصنا الاوراق ودخلت بدات فالطلق والحمد لله كانت الممرضه المسئوله عنها كانت عربيه وكويسه جدا والساعه 3 العصر كان الدكتور موجود وولدها طبيعي بفضل الله يوم 31 اغسطس وخرجنا من المستشفي يوم 1 سبتمبر علي المغرب كدا وطبعا اتحسب يوم واحد ودفعت نفس السعر بالظبط اللي فالباكدج + 300 للطلق الصناعي.

شهاده الميلاد وجواز السفر:

بعد الولاده كان في اجازة عندهم ويك ايند وعيد العمال وقالولنا تعالو يوم الاربعاء 4 سبتمبر عشان نقدم علي شهاده الميلاد, روحنا قدمنا عالشهاده وطلعنا بالمرة علي مكتب التقارير الطبيه طبعت التقرير الطبي  للام وللبيبي وبعدين روحنا البيزنس سنتر طبعت الزيرو بلانس والايصالات.

يوم 12 سبتمبر الصبح كانت شهاده الميلاد جاهزه طبعت 5 نسخ ولما روحت البيت اكتشفت ان في حرف غلط في اسم جد زوجتي ومعدلنهوش وقولت في سافرية تانيه نبقي نعدله وحجزت موعد في الجوازات سان ديجو تاني يوم وقدمنا الساعه 9:30, الجوازات في سان ديجو فاضيه جدا حوالي 20 دقيقه كنا مخلصيين. وكنا مصورين البيبي في CVS وبيحتاجو صورة واحده بس. الساعه 3 روحنا استلامنا الجواز واتصلت بالخطوط السعودية عدلت الحجوزات واضافت تذكرة البيبي بحوالي 150 دولار وسافرنا تاني يوم علي جده 14 سبتمبر والحمد لله خرجنا قبل التاريخ اللي خاتمينه لمراتي يوم  19 سبتمبر.

 

 

السوشيال سيكيورتي وصل بعد ١٥ يوم علي عنوان صاحبي في نيويورك

التكلفة تقريبيا:

السكن: 47 ليله – 2030 $

مستشفي ودكتور: $4775

ايجار السيارة: 500 + 250 تامين

بنزين: 150 $

شهاده الميلاد: 5 نسخ 140 $

جواز السفر: 190 $

مصاريف وشوبينج: 3000$

 

التجربة 50-

السلام عليكم ورحمة الله ، اتم الله نعمته علينا ورزقنا بنوح وحابب اشارك تجربتنا معاكم ويارب تفيدكم 

– مبدايا انا بشكر م/ ****** على مجهوداته وعلى الموقع الى تقريبا مغطى كل تفاصيل رحلة الولادة وعلى صبره وطول باله على كل الاسئلة 

–  الملخص

الولاية       كاليفورنيا

الدكتور     امين فواز  ( جيد جدا عيبوه انه مش بيحب الكلام الكثير للدرجة انه بيحسس الى قدامه انه مش مهتم

المستشفى               انهايم جلوبل سنتر ( التمريض ممتاز والمستشفى جيدا جدا عيبها انه الفاتورة التفصيلية بتاخد ٧-١٠ ايام عمل لكن الزير بيل ليتر فى نفس يوم الولادة)

دكتور الاطفال          والش ميديكال جروب ( ممتاز ومريحين قوى وفى نفس مبنى عيادة دكتور فواز )

الولادة    طبيعية

يوم الولادة               ٣ سبتمبر ٢٠١٩

الاقامة    اول ١٥ يوم بفيلرتون ( اير بى ان بى ) ، وبعد كدة انهايم ( اير بى ان بى )

تاريخ السفر              ١٣ اغسطس ٢٠١٩

تاريخ العودة            ١٣ سبتمبر ٢٠١٩

تاريخ الفيزا               قبل الولادة بسنة

شهادة الميلاد        ١٠ سبتمبر

البسبور   ١١ سبتمبر

السويشيال نمبر     ١٧ سبتمبر

شركة الطيران         يونيتيد اير بس اوبريتيد باى لوفت هانزا ( اسوء شركة طيران اتعملت معاها بحياتى سوء ثمن التزكرة او اجراءات اى تعديل على التزكرة بجد معاناة )

 

1- التجهيز للسفر والاقامة ؛

– كانت اكبر عقبة ان انا مش هقدر اخد اجازة للمدة شهر للسفر مع زوجتى ، ولكن الحمد لله ربنا كرمنا عن طريق توتال كير وتعرفنا على صديق عزيز وزوجته موعد سفرهم بنفس مواعيدنا وكانو خير الصحبة والحمد لله 

– كانو هم حجزو على يونيد اير فمكنش قدامى حل غير انى احجز على نفس الطيران عشان زوجتى وزوجته يسافرو على نفس الرحلة ( وللاسف كان اختير سيى جدا وسواء صديقى او انا ندمنا عليه وطلعت يونيتد اير اوحش شركة طيران فى الحياة مع ان سعر التزكرة غالى مش رخيص لكن التجربة مكنتش كويسة للتعامل مع الشركة على الفكرة كل رحلتنا كانت اوبريتيد بى لوفتهنزا بس المشكلة كانت انى لازم فى اى تغيير او حجز تيكت البيبى يكون عن طريق يونيتيد )

– تم التواصل مع عيادة د/ فواز وكان الرد سريع من اشلى مساعدة الدكتور على الاميل بكل التفصيل الى محتجانها 

– تم حجز الاقامة فى اول فترة للزوجتى وصديقتها من يوم ١٣ اغسطس لغاية يوم ٣٠ اغسطس وكانت اقامة جيدة جدا الحمد لله 

– تم حجز الاقامة من ٣٠ اغسطس للغاية معاد العودة عن طريق اير بى ان بى فى انهايم بس للاسف تم الغاء الحجز فى يوم ٣٠ اغسطس بس الحمد لله حجزت مكان تانى فى انهايم بردو قريب من المستشفى

– تم حجز سيارة من يوم وصولى يوم ٣٠ اغسطس من شركة سيكست للمدة اسبوع فقط للسعرها العالى بقيمة ٥٨٠$واستلمتها من المطار ثم استبدلتها بعربية من انتربريس للغاية معاد العودة بقيمة ٣٠٠$

 

٣- الولادة :

– دخول المستشفى كان يوم الولادة ٣ سبتمبر الساعة ١ صباحا بناءا على تعليمات الدكتور للعدم زيادة ايام

– تم دخول الغرفة سريعا واجراءات التجهيزات للطلق الصناعى حتى الساعة ٣ صباحا بدا الطلق الصناعى

– طلبنا حقنة الابترول الساعة ١١ صباحا تقريبا بعد زيادة الالام على زوجتى وكان دكتور التخديو ممتاز اسمه تيرى وهو تيليندى

– الدكتور جيه الساعة ٢ ظهرا واعطاء تعليماته للتمريض ببداية اجراءات الولادة بس الوضع لسه مكنش يسمح وهو كان عنده عملية سيزيرين تانية فطلب من التمريض وقف الاجراءات للغاية لما يخلص العملية السيزيرين لخوفه من احتمالية الولادة وهو بغرفة العمليات

– الدكتور انهاء العملية الاولى ثم جيه الى الغرفة وطلب التمريض باستكمال اجراءات الولادة ( الدفع) 

– تمت الولادة الحمد لله الساعة ٤:٣٠ ظهرا

– وتم الخروج ثانى يوم الساعة ٧ مساءا 

– تم دفع التكاليف للمستفى ثانى يوم الولادة الساعة ١١ صباحا وتم الحصول على خطاب الزيرو بيل الساعة ١٢ ظهرا نفس اليوم ولكن الفاتورة التفصيلية تم الحصول عليها يوم ١٢ سبتمبر بعد ٧ ايام عمل

٤- اجراءات البسبور وشهادة الميلاد :

– موظفة المستشفى المسئولة جت الى الغرفة ثانى يوم الولادة ٤ سبتمبر الساعة ١٠:٣٠ صباحا واخذت طلب الشهادة بعد اكتملها الساعة ١٢ ظهرا وبعد كدة رجعت تراجع معايا جميع البيانات الساعة ٢ ظهرا وكانت جميعها صحيحة الحمد لله

– تم استلام الشهادة يوم ١٠ سبتمبر بعد الولادة خمس ايام عمل بعد الولادة

– التقديم واستلام البسبور كان يوم ١٢ سبتمبر التقديم كان الساعة ١٢:٣٠ والاستلام كان الساعة ٤ عصرا 

٥- الايجابيات :

– التمريض بمستشفى انهايم كان هايل

– مساعدة د/ فواز (ايلزابيز)هايلة وبترود فى اى وقت على الواتس اب والتليفونات وهى كانت بتابع مع المستشفى وتضغط عليهم عشان الفاتورة التفصيلية

– احترمت دكتور فواز انه موفقش يغامر ووقف عملية الدفع لحين الانتهاء من العملية الاولة 

– دكتورة الاطفال مريحة جدا

٦- السلبيات :

– اختيار شركة يونيتيد اير حيث تم دفع ١١٥٠$ للتعديل التزاكر وحجز تزكرة ابنى ( ٥٥٠ $ للتعديل تزكرتى مرتين + ٣٠٠ $ للتعديل تزكرة زوجتى مرة واحدة + ٣٠٠$ للتزكرة ابنى ) وذللك تم بعد عدة مكلمات تصل الى ١٠ مكلمات وكل مكلمة لا تقل عنساعتين بدون مبالغة

– الغاء حجز الاقامة فى نفس اليوم

– ثانى يوم الولادة ابنى كان فى حالة عياط هيستيرى وبما انه اول طفل روحنا الطوارى ومكنش فيه انه ادوله فورميلا وبقا تمام الحمد لله بس تانى يوم عند السوال على التكلفة قالولى ٨٠٠$ بس بعد التفاوض خلوها ١٥٠$

– بعد ٣ ايام من الولادة زوجتى سخنت شوية وتم التواصل مع مساعدة د/ فواز ونصحاتنا بالذهاب للطوارى واعطاتنا خافض للحرارة ايضا بس مجرد وصولنا للطوارى كانت الحرارة انخفضت الحمد لله بس تم دفع ١٥٠$ بردو

– اختيار شركة سيكست حيث كان الايجار لاول اسبوع غالى جدا

٧- النصائح 

– التركيز عند اختيار شركة الطيران بالذات على تكلفة الالغاء والتعديل

– اختيار سكن قريب من الدكتور والمستشفى ويكون مجهز بمطبخ ضرورى

– ابجار عربية كان مهم بالنسبالى جدا 

– ايجار سيارة شاملة التامين ويستحسن يكون من مكان جنب مقر السكن وليس التستلام من المطار

 

التجربة –51

 

الحمد لله الذي بنعمته تتم الصالحات

ربنا رزقنا بيوسف مع دكتور هشام في مستشفى بارك فيو (ولادة طبيعية)..

 

شكر خاص لاستاذ **** وجزاه الله عنا كل خير يا رب على المصداقية اللي على الموقع وعلى اهتمامه المتواصل بتجديد المعلومات اللي فيه..

* السفر:

كان على لوفتهانزا وكنت في الشهر السادس ، رحت المطار وكان زوجي سبقني ب١٠ ايام لامريكا (نورث كارولينا)،

الطيارة اتكنسلت وقالولنا هيبيتونا ليلة في فندق داخل المطار علشان ناخد طيارة بكره، الموضوع كان فيه عشوائية شوية وتاني يوم لقيتهم بيقولولي ان مفيش اماكن على طيارات لوفتهانزا والشركة حجزتلي على مصر للطيران، سبحان الله كان كل دا فيه خير ليا ولقيت ٣ كراسي فاضيين جنب بعض ونمت اغلب الرحلة.. كانت ١٢ ساعة دايركت من مصر لامريكا وبعد كدا ترانزيت ساعة وبعد كدا اروح نورث كارولينا..

ملاحظة قد تفيد البعض: الطيارة لما اتكنسلت جوزي اصر يبعت ايميل للوفتهانزا يشتكي من اللخبطة اللي حصلت وعدم التنظيم وبعد ٣ اسابيع تقريبا رجعولنا ٦٠٠ يورو كتعويض..

  

* رحلة البحث عن طبيب ومستشفى في نورث كارولينا:

في الاول طبعا قعدنا ندور كتير جدا على اسعار مقاربة على الاقل للارقام اللي بشوفها على الجروب لكن نورث كارولينا كانت غالية جدا، احنا كنا في شارلوت وارخص مستشفى كانت عامله باكدج ب٩ الاف للولادة الطبيعي و١٣ للقيصري (مستشفى فقط بدون طبيب الولادة)، ومن كتر ما جوزي كان خايف اني اسافر لوحدي كنا هنوافق، لولا انهم عقدوهالنا اكتر وقالولنا منقدرش نقولكم رقم للتخدير احنا هنقرر الحساب بعد الولادة، وكمان قالولي لو دخلتي تولدي على انها ولادة طبيعية والدكتور قرر انها لازم تبقي سي سيكشن هنعتبر دي كومبليكيشنز وهتدفعي تمن الولادة السي سيكشن برا الباكدج، اللي هو كان حوالي داخل على ال٣٠ الف دولار..

 

فا طبعا قررت وقتها اني هسافر لدكتور من على الجروب واللي شجعني في القرار دا بصراحة استاذ زيدان، وكلام الستات اللي جم يولدوا هنا لوحدهم، لان جوزي مكنش ينفع ابدا ياخد اجازة ويكون معايا..

 

* اختيار الدكتور والسكن في كاليفورنيا:

كنت مرتاحة جدا للكلام اللي بيتكتب عن دكتور هشام منغير والله ما اعرف انه مصري، بس كنت حاسه الكلام دايما عنه ايجابي واقل واحد فوت حضور ولادات..

كمان اخترت كاليفورنيا مش نيوجيرسي لان اقامتي كانت هتبقا في فندق تبع هيلتون وكانت هتبقا بالنقط مش هندفع فيها فلوس، وكنت بسمع ان الناس بتختار نيو جيرسي لان الاقامه في كاليفورنيا اغلى في السكن..

 

بعت لدكتور هشام تحاليلي من مصر وكنت وقتها بدأت الشهر السابع واستشرته اني اسافر كاليفورنيا اول يوم في الشهر التاسع ووافق وقالي ان تحاليلي كويسة..

 

وصلت كاليفورنيا وتاني يوم كنت حاجزة موعد مع دكتور هشام وعملي سونار سريع، قالي كل حاجة تمام بس البيبي وزنه ٣ كيلو و٣٠٠ جرام، انا قلقت لاني كنت لسه اول يوم في التاسع واللي اعرفه ان الاطفال بيتولدوا بالوزن دا.. مع اني مكنش عندي اي سبب عضوي لزيادة وزنه ولا سكر حمل ولا مياة زيادة ولا ضغط..

بدأت اركز مع نفسي في المشي واكل التمر وشرب القرفة مع ان دكتور هشام قالي ان كل دي حجات بتساعد وقت الولادة لكن مبتعجلش بيها،، استمريت ١٢ يوم متواصل بمشي كل يوم بس بعد كدا زهقت وحسيت اني مش حاسه باي تغيير..

زوجي جالي على اليوم ال١٤ من قعدتي في كاليفورنيا وكان عندي موعد يومها مع دكتور هشام.

رحنا للدكتور وعمل سونار وقالي ان البيبي وزنه بين ٣ كيلو ٩٠٠ جرام وبين ال٤ كيلو و١٠٠ جرام،، طبعا انا خفت جدا وبدأت احس اني اكيد هولد سيزيريان، وبدء الدكتور يمهدلي الموضوع ونتفق على اني اخد طلق صناعي في اخر الاسبوع ال٣٩ علشان حجم البيبي ميزدش اكتر وهنحاول في الولادة الطبيعي، وقالي بس لازم اكشف على الرحم علشان اكتب تقرير للمستشفى، لما كشف لقى ان الرحم مفتوح ٣ سم وقالي انتي حاليا بتولدي..

انا الحقيقة مكنتش حاسه باي حاجة..

الدكتور طلب من الممرضة تحجزلي في المستشفى واداني ورقة مكتوب فيها انه كشف عليا وان الرحم مفتوح ٣ سم وقالي ادخل مستشفى بارك فيو بعد الساعه ١٢ بليل..

طلعت انا وجوزي واحنا مش مصدقين، لانه كان جاي يطمن بس عليا ومش هيقدر يقعد معايا اكتر من ٣ ايام ولازم يرجع شغله تاني، فا سبحان الله ربنا دبرلنا امرنا على الوقت بالظبط اللي هيكون موجود فيه، بدل ما كنت هبقا لوحدي..

بصراحه الجروب والناس اللي فيه كانوا مدينلي احساس بالامان اني حتى لو لوحدي واحتجت حد هلاقي اللي يقف معايا، لكن بحمد ربنا الف مرة ان جوزي كان موجود فعلا وجوده فرق اوي..

طلعنا من عند دكتور هشام الساعه ٤ العصر ورحنا المستشفى دفعنا تكاليف الولادة الطبيعية

١٨٠٠ للمستشفى

٥٢٥ تخدير

١٠٠ دكتور الاطفال

٥٠ اختبار السمع

وخدنا بيهم فواتير

وروحنا الفندق نقفل شنطة المستشفى، انا كنت عارفة اني المفروض مخدش معايا حاجة غير هدوم خروج للبيبي وليا، ومع ذلك خدت حجات كتير فعلا كلها مستخدمتهاش، الا بس هدوم البيبي لان الهدوم اللي بيلبسوهاله في المستشفى شكلها مكنش عاجبني..

كنا قدام المستشفى الساعه ٩ بليل، قلت علشان افضل امشي ٣ ساعات قبل ما ادخل علشان الطلق يحمى..

كنت بمشي جامد نص ساعه واقعد اريح شوية، بس برضو مكنتش حاسه باي طلق، لدرجة اني خفت لو دخلت المستشفى يرجعوني ومكنش بولد..

دخلنا المستشفى الساعه ١٢ وخمس دقايق، ملينا بيانات ودخلونا غرفة بتيجي ممرضة تسال شوية اسأله وبعد كدا تكشف على الرحم وتتاكد هو مفتوح قد ايه علشان تسجل ان دي فعلا حالة ولادة وتخليك admitted.

كشفت ولقت ان الرحم تقريبا مفتوح ٤ سم بس معرفش ليه اتاخرت لحد ما اكدت علينا اننا بقينا admitted في المستشفى وبعدها نقلتنا للغرفة اللي هيتم فيها الولادة، بصراحة كانت نظيفة جدا وواسعة وكان معانا الممرضة اللبنانية انجي وواحدة بتدرب معاها اسمها جيسي، وفعليا كانوا مخلينا مش لاحقين نفكر اننا محتاجين حاجة..

دخلت بعد كدا دكتورة شكلها من شرق اسيا، علشان تديني حقنة الابديورال، قالتلي عمرك خدتي حقنة التخدير بتاعت دكتور الاسنان، قلتلها اه، قالتلي الحقنة دي وجعها شبها بالضبط، واعتقد ان الكلمتين دول مهدولي جدا الوجع وكان بالنسبالي محتمل وكنت مركزة جدا اني متحركش وهي بتحط الحقنة علشان ميحصلش اي مشاكل لا سمح الله..

خدت الحقنة الساعه ٤ الفجر تقريبا وبعدها لقيت دكتور هشام دخلي وقالي هكون عندك الساعه ٧ الصبح واتابع الولادة..

الساعه ٧ كان الرحم فتح ٥ سم بس، بس الحمد لله مكنتش حاسه باي الم.

الممرضات فهموني ان وقت الولادة هيكون في الم واحساس بالضغط في منطقة الرحم وان دا شيء طبيعي واحسنلي علشان اقدر اعمل pushing وقت الولادة..

الولادة كانت الساعه تقريبا ٢ الظهر من نفس يوم الدخول ومحستش باي الم الحمد لله من اللي الممرضات قالولي عليه وكان موضوع الpushing سهل الحمد لله مع اني مكنتش حاسه بعضلاتي، لكن كنت قبل يوم الولادة بحاول اوعي نفسي ازاي اعمل push وانا مش حاسه بجسمي..

البيبي نزل وزنه ٣ كيلو و٤٨٥ جرام يعني كان في حوالي نص كيلو زيادة في السونار..

الولادة كانت يوم جمعة الساعه ٢ الضهر وللاسف كان مكتب شهادات الميلاد قفل في المستشفى (بيقفلوا الساعه ١٢ الضهر) وقالولنا لازم تيجوا يوم الثلاثاء تقدموا ومش هينفع قبل كدا.

يوم الثلاثاء قدمت على شهادة الميلاد واخدت منهم الزيرو بالانس للمستشفى ودكتور الاطفال وخدت كمان الميديكال ريكورد ليا وللبيبي.

كنت خايفة شهادة الميلاد تتاخر لكن سالت عليها المستشفى الثلاثاء اللي بعده على طول قالولي طلعت ورحت طلعت ٤ نسخ واستلمتها من مكتب شهادات الميلاد في ريفرسايد (تعتبر طلعت في اسبوع او ٥ ايام عمل بالضبط).

خرجنا من المستشفى يوم السبت (تاني يوم) الساعه ٩ بليل وبالتالي اتحاسبنا على انه يوم واحد فقط، علشان بارك فيو بتحسب اليوم لما الساعه تيجي ١٢ بليل والمريض يكون في سريره..

قدمت على السوشيال سيكيورتي مع شهادة الميلاد وطلع بعدها بحوالي اسبوعين او ٩ ايام عمل بالضبط..

بعد ٣ ايام من الولادة رحت اكشف على البيبي في عيادة خاصة ودفعت ٧٥ للكشف.

وبعد اسبوع من الولادة رحت عيادة دكتور هشام علشان يطمن على الجرح وخدت منهم الزيرو بالانس (كان في خطأ في اسمي عاملينه فا انصح الكل يراجع دايما الورق كويس).

 

بالنسبة للباسبور كان مشواره بعيد عليا جدا علشان كان في لوس انجلوس فا قررت اني هسافر لجوزي نورث كارولينا واطلعه من هناك..

 

انا سعيدة بتجربتي دي وتوفيق ربنا فيها لينا كان كبير اوي الحمد لله، سعيدة بالجروب اللي فعلا بيدي دفعة ايجابية وبيطمن الواحد حتى لو متعرفش حد عليه بشكل شخصي، انما المصداقية اللي عليه ومستوى الاحترام في الكلام والنقاشات بصراحة يستاهل كل تقدير..

 

 

التجربة –52

 

بسم الله الرحمن الرحيم نبدأ…..

متاخر شوية بس معلش الظروف 

حجزنا ع القطرية من الكويت وسافرنا اليوم الأول ف الاسبوع ٣٦( اللي جاي مهم)….سافرنا ٨/٢٥ والولاده المفروض ٩/٢٠ الدنيا تمام وزي الفل سكنا في شقه فيها حمام سباحه وجاكوزي هوبا فجر ٩/١ مراتي أي تعبانه س٣ الفجر ولدت س٧ الصبح وربنا كرمنا بأحمد فخدوا بالكم دخولك في التاسع ممكن تولدي في أي لحظة???

 دهشام المقدم نعمة من الله للعرب هناك

 مستشفي بارك فيو امان جدا جدا في الجانب الطبي والمالي وتخليص الاوراق…

مستشفي ريفارسيد مركز ضخم جدا ومش بتاع ولادات ده بتاع جراحات كبيرة فبلاش منها افضل-وانا طبيب وعارف بقول ايه- 

منطقة ريفارسيد من اهدي المناطق واجملها-انا لفيت من سان دييجو لاوررانح للوس انجلوس لفينيسيا لهوليود-ريفارسيد هايله

المهم شهادة الميلاد اتقدم عليها الاربع جهزت الجمعة الاسبوع اللي بعده ماتنسوش وانتو بتتستلموها تطلب توقيع معتمد عشان تبقي جاهزة للتوثيق بتزيد ١٠ دولار……الSSN اتقدم عليه الاربع ٩/٣ استلمته ٩/٢٤….وانا بتفسح في هوليود عديت ع القنصليه المصرية في ٣ دقايق وثقت شهادة الميلاد

والحمدلله الامور زي الفل ودلوقتي انا في الطيارة في نص الطريق ع القطرية الجميله

شكري لمهندسنا الحبيب كلامه بالمسطرة امشى وراه وانت مغمض ربنا يباركله وشكري لاصدقائي دابراهيم حجاب الكويت واحمد السعودية وكل الناس اللي بترد عليك في ثانيه لما تبقي مزنوق يسعفوك الموقع مرجع مالهوش حل في تسهيل التصرف….بارك الله في الجميع وجاهز لاي استفسار وحبايبنا في الكويت طهارة ولادهم عندي في الصباح منحة لاترد للموقع الطفل بناخد عليه جوز حمام محشي فريك وبعد الطهاره بنلفلك جلدة الطهارة في ١٠ دينار وصباحكم جميل….د **********

 

 

التجربة 53-

 

الطيران .. احنا حجزنا على Alitalia و دة كانت من أسوء الحاجات الى حصلت فى الرحلة …

الطيارات قديمة جدا و مش مريحة اطلاقا و المسافات بين الكراسى غير آدمية اصلا … احنا حجزنا من مطار القاهرة على روما و كان فى ترانزيت ١٢ ساعة طبعا مدة طويلة جدا بالذات انى سافرت فى اخر الاسبوع ال ٣٥ بس المطار كان لطييف جدا و كان فى اماكن مريحة و عرفنا ننام بس طبعا ١٢ ساعة برضه كتير فلو اقل يبقى احسن طبعا .. 

و فى مطار روما كنت بغير gates و كنت خايفة احتاج شنجن بس الحمد لله سالت عالجروب و ناس كتير ساعدتنى و اتاكدنا اننا مش محتاجين … بعد الترانزيت المرهق ده ركبنا طيارة مرهقة اكتر و وصلنا الحمد لله لوس أنجلوس و الاجراءات كانت سريعة جدا و كتبنا ان معانا اكل فرحنا لطابور تانى قصير جدا للناس الى معاها حاجات المفروض توضحها ف الاوفيسر سالنا معاكم اكل ايه قلناله بسكوت و شيبسي و كدة المهم سالنا على الفلوس الى معانا كام كلها على بعضها هو كان عاوز توتال اى فلوس مش مصرى.. احنا كان معانا يورو عشان مطار روما فقلناله حوالى ٩٥٠٠ قال يعنى ايه حوالى و عاوز يعرف كام بالزبط و ختملنا ٦ شهور بس هنروح لاوفيسر تانى الى هما بيحققوا و يفتشوا و كدة عشان يشوف معانا كام بالزبط 

 هو سال انتم جايين ليه قلناله سياحة و هنزور اخو جوزى و medical بس مسالش على حاجة تانى 

المهم لما نزلنا للاوفيسر التانى سالنا جاين ليه برضه و سالنى انت حامل قلتله اه قالى فى الكام و قلتله و ملينا ورق كدة و بص فى الشنطة و سالنا عالفلوس فقلناله حوالى كذا و لو عاوز بالظبط ممكن نعد عادى ?

فشاف كدة الفلوس و قال لا عادى و مشينا

السكن بقا ده كان من الحاجات الناجحة فى السفرية الحمد لله كنا حاجزين فى اوتيل اسمه Howard johnson hotel&conf فى fullerton عشان فى كذة واحد و كنا حاجزينه من hotels .com بالفطار اولا الاوتيل مكانه تحفة كان بالزبط ١٠ دقايق ل ١٥ دقيقة مشى من marshalles .. costco .. dollar tree … Burlington… sketchers outlet…. target و كان ٣ دقايق مشى من sprouts سوبر ماركت جبنا منه جركن المياه و كنا بنملاه من هناك برضه و كان فى محلات تانيه برضه مش فكراها قوى و كان فى جنبنا مشى برضه Macdonald’s.. in and out chicken fila و اكلات كله كان junk food فزهنا بسرعة من الاكل بصراحة بس المنطقة حيوية جدا 

ثانيا فطار الاوتيل كان مناسب كان كل يوم scrambled eggs .. potatoes… rice and biscuits… pancakes … muffins and cupcakes  …. tea coffee milk orange and apple juice  … fruites

و ثالثا فى shuttle فى الاوتيل من وإلى Disneyland 

و الغرف اول ما رحنا دخلنا غرفة بعيدة جدا عن الاسنسير فبدلناها بواحدة اكبر و احلى فى الدور الارضى و كانت نضيفة و ال house keeping كل يوم 

اهم حاجة بقا الدكتور انا ولدت مع د امين فواز بعد ما كنت مرعوبه منه من كل التجارب الى هنا موخرا ولدت فى Anaheim global medical center 

بس الحمد لله الولادة مشيت كويسه و ولدت طبيعى … هو فعلا الدكتور مقلق عشان مش بيتكلم كتير و كنت خايفة ميجيش الولادة انا رحتله اول مرة عادى تانى مرة كنت تعبانة تالت مرة كانت الولادة و كنت يوم حد فخفت ميجيش بس جيه و كان بيولد ٢ قبلى من الجروب برضه تقريبا ?

المستشفى ممتازة كتمريض و مساعدة و غرفة و كله كان ممتاز بصراحة و دفعنا زى الجروب بالزبط و الحمد لله مكنش فى اى مشاكل فى حسابات المستشفى 

و عاوزة اقول ان احلى حاجة فى امين فواز هى ايزابيل المساعدة بتاعته ساعدتنا كتير جدا و لما جالى الطلق كانت متابعه معانا و لما تعبت قبل الطلق بكام يوم برضه كانت متابعة معانا و احنا كان عندنا ظروف فكنا مضطرين نسافر ولايه تانيه بعد الولادة ب ٣ ايام فمتبعناش الورق قوى بس هى استلمتلنا الmedical record بتاعى و قبلتنا ادتهولنا فى الweekend عشان كنا مسافرين مصر خلاص فهى فعلا شخص متعاون جدا و مريحة جدا و خدومة جدا جدا 

انا ولدت ١٥/٩ و استلمت شهادة الميلاد و الباسبور الجمعة٢٧/٩ و السفر كان الاحد ٢٩/٩

احنا كنا راجعين alitalia و الشنط فيها حاجات ناقصة غالبا اتفتحت و اتسرقت

 

التجربة 54-

الحكاية من البداية….

لما قررنا نولد بنتنا في أمريكا مكانش القرار سهل ومكنش التحضير برضه سهل, الموضوع عاوز جديه شديدة وتفكير في الموضوع في كل حاجة, في الفيزا, في السفر, في المصاريف, في المستشفى والدكتور, إيه اللي هيتعمل بعد الولادة, إيه الإجراءات المتبعة, وازاي نستخرج الباسبور الأمريكي…

السفر: كان على القطريه و تقييمي للرحلة كان فوق الممتاز, شركة الطيران محترمة والموظفين القائمين هايلين وكانوا غاية في التعاون معانا من أول الحجز للسفر للوصول والشنط كمان وصلت كلها والرحلة متأخرتش سواء من الكويت للدوحة او من الدوحة ل لوس أنجلوس, الطيران باختصار ممكن أقول انه احسن طيران في المنطقة وأرشحة جدا.

السكن: انا كنت مقيم في بيت أخويا في سان دييجو ودا كان مسهل علية كل حاجه كاجراءات واوراق ومشاوير زي ماهو مكتوب في السطور اللي جاية

التنقلات: 

أنا اخترت اني أجر من تورو –

Turo وانصح بيه لان اسعارة كويسة جدا مقارنة بكل الشركات التانية خصوصا في التأمين والأسعار والدفع طبعا بيكون من خلال كريدت كارد, السيارة اللي اجرتها كانت فورد فوكس ٢٠١٢ ب حوالي ٦٤٢ دولار في الشهر من غير تأمين لإن اخويا كان عندة تأمين على الكريدت كارد بتاعة فدة فادني جدا في السعر.

التحضير مع الدكتور: وصلنا لدكتور أمين فواز, عيادته في كاليفورنيا تحديدا في أنهايم وكان التواصل معاه من خلال الفرونت أوفيس بتاعتة بنت هايلة اسمها آشلي وكانت متعاونة جدا ودايما بترد علينا بسرعة في الإيميلات وادتنا الأسعار الرسمية للدكتور  وكانت 1690 دولار بالاضافه لاسعار المستشفي و المساعد في حالة القيصري ولما قلتلها بعد كده اننا من جروب توتال كير وجايين من طرف المهندس الأسطوري ***** تم عمل خصم حلو لينا,1388 دولار بالاضافه لأول سونار مجانا

 وكان الاتفاق إننا نوصل أمريكا في الأسبوع ال32 عشان نبدأ فحص معاه من بعد الفترة دي واتفقنا على كل حاجه وبلغونا بتكاليف العملية كلها من أول التحاليل المطلوبة لحد الولادة الطبيعي أو سي سيكشن مع اعتماد الخصم من توتال كير وتمت الموافقة وتم عمل أول سونار في عيادة الدكتور في أول زيارة وكانت زوجتي ساعتها في الأسبوع 33 ودفعنا حساب الدكتور وكان 1388 دولار بالظبط بعد الخصم وتم الاتفاق على الزيارة الثانية بعدها بأسبوع لتحديد موعد الولادة  وفعلا الزيارة الأخيرة قبل الولادة مباشرة كانت يوم 19 سبتمبر2019 والولادة كانت يوم 24 سبتمبر.

تقييمي لحالة زوجتي بالمستشفى بالدكتور أمين بكل حاجه بالظبط كالتالي:

تقييمي لمستشفى أنهايم جلوبال:

١- الممرضات – (١٠/١٠)

٢- التخدير – (١٠/١١).

٣- الدكتور المساعد. (١٠/١٠).

٤- غرفة المستشفى. (١٠/١١).

٥- أكل المستشفى. (١٠/١٠).

٦- خدمات المستشفى. (١٠/١٠).

٧- دكتور الأطفال. (١٠/١١).

٨- المناوبة على المرضى (١٠/١٠).

٩- أمين فواز. (١٠/١٢).

 

لو قدرتوا وانتوا في انهايم انكو تخلوا واحدة من الممرضات دوول يكونوا معاكوا عشان كلمة هايلين قليلة عليهم اوي اوي.

 Laika Or Ann Or Dolly

والتكاليف بالظبط كانت كالتالي:

•                أمين فواز – 1388 دولار.

•                الدكتور المساعد – 300 دولار.

•                دكتور التخدير – 600 دولار.

•                المستشفى – 4475 دولار.

•                دكتور الأطفال – 250 دولار.

جواز السفر:

 أول حاجه كان لازم نستلم شهادة الميلاد عشان نقدر نعمل كل شيء رسمي سواء جنسية أو إقامة في البلد المضيف “دولة الكويت”, المهم… انا استملت شهادة الميلاد بعد 9 أيام عمل من تقديم مسودة شهادة الميلاد، وبمجرد ما استملتها من الكاونتي دخلت على ويب سايت الباسبور الأمريكي وجهزت كل المستندات المطلوبة وكانت كالآتي:

 

•                حضور الأم والطفلة

•                الباسبور الأصلي للأب والأم.

•                صوره من الصفحة الأولى من الباسبور للأب والأم.

•                فورم DS-11 ودي بتتملي أون لاين ولازم تكون مطابقة لبيانات الباسبور وشهادة الميلاد.

•                صورة للبيبي تتعمل في أي ستوديو أو كوسكوا بغرض الباسبور.

•                ورقه ال Confirmation Number اللي بتيجي على الميل عشان بيطلبوها ف الإيجانسي.

•                تذكرة طيران بالسفر لليوم التالي من المقابلة

•                190 دولار بالظبط يتقدموا للشباك 175+15 عشان تم ترتيب الموعد مع الإيجانسي ولازم الفلوس تكون مظبوطة لا في باقي ولا بيقبلوا فلوس أكثر او اقل من المطلوب.

تقديمي كان في سان دييجو ودا انا ارشحه للكل لإنه سهل جدا والمكان كان فاضي مش زحمه والإجراء من لحظه تقديم الورق لاستلامه مأخدش أكتر من ساعتين زمن واستلمت الجواز ومشيت.

العودة:

 كلمت القطرية وتم إبلاغ مكتب الطيران القطري في أمريكا اني معايا طفله ومحتاج كرسي الباسينت وفعلا اخدتة وقالولي انهم هيوفرولي كاريكوت فري في الرحلة وتم الحجز بالتليفون ودفعنا بالكريدت كارد وكل شيء كان على مايرام الحمد لله.

 

 التجربة 55-

 

تجربتي اكتوبر ٢٠١٩ كاليفورنيا اناهيم

عرفت الجروب من ناس معارفي و قولت اشوف ممكن يفدني ب اي خصوصا ان كنت عايزه اراء عن الدكاتره هناك علشان ولادي الاولي في مصر كانت متعبه جدا 

دخلت الموقع قرإت كل اللي فيه و عاجبني انه شامل كل حاجه يعني دليل للي ماولدش هناك قبل كده 

قرارت في الاخر الدكتور امين فواز لانه اقرب واحد لمطار LA و reviews بتاعته حلوه و سعره اقل من ناس كتير 

ابتدينا نتواصل معه بعتنا ايميل في الاول مردش لحد م هنا في الجروب قالوا في فورم مخصوصه للجروب بعاتهالوا اشلي من مكتبه رديت علينا بالاسعار و التحليل المطلوبه قبل سفرنا 

ابتديت احضر التحاليل و ورق السفر و بلغنا اشلي ب معاد وصولنا علشان كنت عايزه اكشف اول م اوصل 

مع العلم احنا معنا الفيزا من كذه سنه و سافرنا امريكا قبل كده سياحه 

سافرت علي الامارتيه مكنش في اي مشاكل . كنت مسافره انا و زوجي و ابني ٤ سنين 

وصلنا مطار لوس انجلوس

جوزي كان ماجر عربيه رحنا بالاوتوبيس اللي تابع لشركه التاجير لحد المعرض و استلمنا العربيه و طلعنا علي اناهيم 

طبعا معاد الدكتور امين فاتنا علشان اتاخرنا اوي وصلنا الاوتيل ٦:٣٠ candlewood suites anaheim resort ف اجلنا المعاد لليوم التاني 

الاوتيل عباره عن استوديو فيه مطبخ و سرير و حمام ف كان هو ده المطلوب بالنسبالي علشان تكون اقامه مريحه لابني 

دورنا علي اسعاره في كذه موقع كان عالي ف زوجي راسل الاوتيل ادولوا سعر معقول 

تاني يوم رحنا للدكتور امين كشف و كان كل شي تمام و كان في تجروبه في الجروب بتشتكي منه قولتله عليها و فهمني الحاله كويس و كان رده منطقي و مقنع اتعرفنا علي ايزابيل احنا كانا لسه مترديدن من نحيته ف دفعنا ٣٠٠ دولار بس  و فعلا سألنا علي كذه دكتور تاني بس مرتحتيش و رحنا الاعاده بعد اسبوعين حسب طلبي علشان مكنتش فاضيه كل اسبوع 

كنت وصلت للاسبوع ٣٧ و عملت عنده سونار بس السونار طلعني اني في ٣٦ و بالتالي كان هياجل الولاده بعد مناقشات كتير ان ده السونار مطلع غلط انا كل السونار اللي قبل كده مطلع اني ديودات ١٥ أكتوبر هو سبنا قال مقدرش بدل السونار مطلع كده 

جات ازابيل و لقتنا مضايقين من طريقه الدكتور ف اتفقت معنا ان هطلع التقارير بتعتي السابقه يشفها علشان يقدملي معاد الولاده و بالفعل ده اللي حصل انهم قدموا للمستشفي التقرير القديم و ان ولادتي ١٤/١٠ ف هعمل قيصري ٧/١٠

كنت عايزه اولد طبيعي بس ناس كتير خوفتني اني ولدت قبل قيصري ممكن مكان الجرح يتاثر بالطلق و استشارت الدكتور في زيارتي التالته قالي ان فيها خطوره علي الجرح القديم هي حالات نادره اللي الجرح بيتاثر بس دي هتكون علي مسؤليتي  ف زوجي رفض الموضوع و خصوصا اني مجاليش طلق لحد معاد العمليه مع اني كنت بعمل مجهود و بشرب قرفه 

حددوا معاد الولاده ٧/١٠ و ده هيكون اخر اسبوع في اجازه زوجي ف كان لازم نجري في الاجارات ساعدتنا ازابيل في الموضوع ده حددتلي معاد الولاده الساعه ١٠:٣٠ صباحا علشان نلحق نبعت شهاده الميلاد في نفس اليوم

يوم العمليه روحنا كانت كل حاجه جاهزه المستشفي كلمتنا الساعه ٨ اخدت بيانتي وصلنا المستشفي الساعه ٨:٣٠ لقتهم مستنيني دخلت علي طول جهزوني خلاصوا كانت الساعه ١٠ روحنا غرفه العماليات لقيت الدكتور امين وصل وبيجهز و دخلت اخدت المخدر و ابتديت العمليه ف نادوا زوجي علشان يكون معي حسب طلبي 

دقائق و سمعنا صوت البيبي و زوجي راح اطمن عليها و قلولوا صورها و كده لحد م نضفوها و ادوهالي شويه و قالوا لزوجي اخرج مع المولوده علشان تكمل تطعيمات و اوراق و العمليه تتقفل مينفعش يكون موجود حاول بعدها انه يدخلي تاني بس مرديوش 

التمريض كان معقول ناس في واحشين و ناس  كويسين اوي 

تاني يوم مكنتش مستحمله الالم و لا عرفه اتحرك ادولي مسكانات بس مكنتش قويه كفايه و خلعولي ال بلاستر اللي فوق الجرح بس مكان السمغ بتاع الباستر كان بيلزق في الجرح طلبت من الممرضه تنظف السمغ ده قلتلي هيطلع لما تخدي شور بكره جاه الدكتور شافني علي ٨:٣٠ مساءا قولتله علي كل ده ف زاعق فيهم و كاتبلي مسكن قوي 

و بعدها التمريض اتعدلوا شويه معي و جابولي منديل ب سبيرتوا انظف انا مكان الجرح 

و احنا في المستشفي اول م ولادت جوزي خلاص شهاده الميلاد و اتبعتيت في نفس اليوم زي م اتفقنا مع ايزابيل و دفع دكتوره التخدير و الدكتور المساعد و اخد الزيرو بيل بتاعتهم اليوم التاني دفع فتورته المستشفي و اخد وصل لحد م الزيو بيل تطلع هي و التفصيلي

الولاده يوم ٧ جوزي راح يسأل علي شهاده الميلاد يوم ١٠ الموظفه قالتوا مستحيل تكون طلعت لو عملتلك طلب عليها هتدفع ٢٨ دولار لو مكانتش طلعت هيروحوا عليك قالها موافق دافع و عملت الطلب لقيتها طلعت اعتبرت ال ٢٨ دي تمن نسخه من الخمسه اللي طلبنهم 

اليوم التالي كان جوزي حاجز معاد في جوازات لوس انجلوس روحنا علي المعاد و معنا الورق المطلوب و حجز الطيران اننا بعد الويك اند علي طول ف قالتلنا هنستلموا في نفس اليوم و حصل 

في وقت انتظار الباسبور روحنا قدمنا علي شهاده الميلاد المصريه الموضوع اخد ٣ ساعات الموظفيين هناك بطئ جدا 

بعد الويك اند راجعت للدكتور امين فاكلي الدابابيس و كان الجرح نضيف و اتلم كله و الوجع خف شكرنا الدكتور و ايزابيل كانت محضره الزيو بيل و الميداكال ريبورت بتاعي و كانت كلمت المستشفي انهم يدولي الزيرو بيل في نفس اليوم وحصل 

رجعنا اليوم اللي بعده علي الامارتيه و بردو من غير اي مشاكل و كان معنا الفواتير كلها بس محدش سأل 

شكرا جدا للمهندس **** و كل الجروب لمساعدتم في كل الاوقات

 

التجربة –56

 

تجربتي في السفرمن مطار الكويت T4 الى مطار JFK

وصلت المطار متاخر طبعا بسبب الزحمه في الشوارع ، ولكن الامور لله الحمد تمام ، وصلت المطار الساعه 8 الصبح والطياره اقلاعها الساعه 9.5 ص

تم السؤال من كاونتر الخطوط الجوية الكويتيه ليش متأخره وسبب السفر قلت التأخير زحمه المرور والسفر للولاده وين قررتي الولاده : كاليفورنيا عنوان الاقامة عطيتهم الفندق simply home inn رحت التفتيش الاول عادي الامور التفتيش الثاني قبل الGATE سالني انتي حامل لان بطني واضحه قلت ايي ماخلاني ادخل مكينه الاشعاع بس قال للموظفة تفتيش يدوي لانها حامل 

، بعدها دخلت الطياره غيروا مكاني بسبب الضغط الطياره وخلاني المضيف في اخر تقريبا الطياره وعطاني ٣ كراسي عشان اخذ راحتي بعدها حضرت مضيفة وسالت وين ورقه الدكتور الموافقه على السفر ترى اهي نفسها اللي فيها اسابيع الحمل ، وقعتني على فورما وعطتني منها نسخه لونها اخضر وخذت مني اصل كتاب الموافقه من الدكتور وخلتني اصوره بالتلفون للاحتياط ، اقلعنا الساعه 9.55 تقريبا صباحا

الجو العام في الطياره ازعااااااااج?????وكلها كانت من الجالية الهنديه?? وصلت مطار JFKالساعه 14.31…. نزلنا من الطياره ولمن وصلت في جهاز تحط فيه الجواز وتبصم ٤ اصابع وبعدين تصور وتطلع لك ورقه فيها صورتك وبياناتك ، وصلت للكاونتر سالني اول مره قلت yes سياحه قلت لا ولاده سال انتي راح تدفعين الاجابه نعم مده الاقامه قلت تقريبا 45 يوم وختم لي بعدها سال بنت او ولد وجاوبته وتحمدلي بالسلامه .

طبعت اخذت الجنطة وبعدها ركبت قطار عشان اروح فيه تيرمنر 7 اخذ وقت اقل من دقيقتين نزلت وعلى طول كاونتر طيران الاسكا عطيتهم الجنطه ورحت بوابه 11عشان الطياره الاقلاع من نيويورك كان الساعة

8.30 مساءا وصلت Lax airport الساعه 1.30 الفجر 

خذيت الجنطه وطلعت وقالي م**** اختار مواصلات Super shuttle اخذ مني 80 دولار و وصلني الفندق ،ثاني يوم كان عندي موعد عند د.هشام وصاحب الفندق جدا جدا محترم طلب لي lyft عشان ارخص و وصلني للعياده واخذ مني 4 دولار طبعا الابلكيشن الدفع عن طريق k.net او visa يعني ماتحاسبه قبل ماتنزل ابدا وهذا شي مريح الصراحة . 

عند د.هشام السكرتاريه عطوني اوراق عشان اكتب فيها البيانات وقالت لي تعالي تاريخ 9/24 الساعه 2.45 العصر 

طبعا من الفندق لي عياده الدكتور 4 دقايق لو بسياره ولي المستشفى 5 دقايق لان العياده مكانها بجانب المستشفى يعني كانها عياده خارجيه اما مشي فياخذ وقت نص ساعه … بعد الموعد تم دفع مبلغ 2000 دولار للدكتور واخذت وصل وتم تحديد موعد ثاني في تاريخ 30 سبتمبر 2019 للسونار فيBROCKTON OFFICE هذا السونار تفصيلي جدا يوضح الاطراف وعدد الاصابع والاجهزه الداخليه للبيبي من كليه ومراره الخ… …وبعدها التقرير يوصل للدكتور وفي الموعد اللي يحدده الدكتور تروحين العياده في بارك فيو … تم عمل الاجراءات اللازمه للدخول لان وزن البيبي(..) كيلو والرحم فاتح 3 سم فبدل مايكون الموعد 17 اكتوبر 2109 صار 7 اكتوبر 

والدخول ل مستشفى بارك فيو الساعه 10 ص وقال قبلها بساعه اتصل عشان يجهزون الامور 

رحت المستشفى الساعه 9 ومعاي المبلغ 2475 دولار بالاضافه لمبلغ 300 دولار للطلق الصناعي …

دفعت المبلغ وكملت الاوراق للدخول …. يوم 7 اكتوبر دخلت المستشفى بدلت ملابسي ولبست لبس عطوني اياه السستر متدربه اسمها jana والمسؤله عني عسل اسمها marcia بعدها حضرت موظفه عشان تاخذ المبلغ وبعد نص ساعه رجعت ومعاها فواتير الدفع وقالت بعد 4ايام من تاريخ اليوم تاخذين زيرو بل، اخذت ربع حبة للطلق عن طريق الفحص الساعه 10.30 صباحاً وبدأ الطلق يبدأ،بعدها بساعه تقريبا د.هشام دخل علي الغرفه وتطمن وكل شي تمام وقال اشوفك بعدين …. الساعه 2.45 اخذت ال Oxytocin . بعد مافتح الرحم 10 سم في ثاني يوم 8 اكتوبر نبض البيبي نزل والضغط عندي صار 200 والحبل السري التف علية 

حاول د.هشام معاي بس ماكو فايده ف اضطر يسوي قيصرية الساعه7.45 كانت الولادة ، لله الحمد والمنة البيبي بخير وعافية وانا الحمدلله بخير وعافيه طلعت على جناح مابعد الولاده وحضرت موظفه من شهاده الميلاد وعطتني اوراق عشان الميلاديه وSSN مليتها بيانات و باجر ان شاء الله تاخذها … زوجي بالكويت سوى التفويض ما اخذ منه بالسفاره ربع ساعة ، التفويض من الكويت وصل عن طريق dhlبعد مانصحني ا/احمد الروضان بعدها تاريخ ١٧اكتوبر استلمت شهاده الميلاد وخذيت من المستشفى كامل الاوراق من زيرو بل لي ميديكال ريبورت  وثاني يوم الجمعه ١٨ اكتوبر رحت مع عايله تعرفت عليها وكانت معرفتها ذهب الصراحه ورحنا مع بعض سان دييجو لاستخراج الجواز قدمنا الطلب الساعه ١٢ الظهر واستلمنا الجواز الساعه ٤ العصر   وان شاءالله السفر تاريخ ٢٠١٩/١٠/١٩ او ٢٠

كانت تجربه حلوه ومعرفه ا/محمد زيدان وا/شريف و ا/احمد الروضان والكل شرف لي شكرا لكم من كل قلبي 

هذي كانت تجربتي

 

التجربة 57-

صباح الخير للجميع ، الحمد لله رزقنا الله بمحمد، الله ينبته نباتا صالحا ويرزق الجميع من نعمه اللهم امين  

احب ان اشكر المهندس *** على مساعدته ومتابعته للجميع في الجروب ان شالله في ميزان حسناتك 

الرحلة ابتدأت بتاريخ ٥ سبتمبر من مطار أبوظبي، طيران الاتحاد ، لذلك تم التفتيش ومقابلة الافيسرز في أبوظبي، كان لديهم أسئلة تتلخص بسبب الزيارة والمبلغ النقدي ومدة الاقامة في أمريكا، طبعا حصل بعض التاخير معنا بسبب حملنا لبعض الطعام خاصة التمر والبلح، حتى قمنا بالتخلص منه وتم ختم الدخول 

الرحلة مباشرة كانت لمطار لوس انجلوس ، رحلة طويلة ١٧ ساعة متواصلة، لكن تعتبر الرحلة جيدة لتجنب الترانزيت والتفتيش اكثر من مرة ، وخدمات الطائرة والطعام جيدة جدا 

وصلنا مطار لوس انجلوس ، استلمنا الشنط وركبنا شتل إلى شركة تأجير السيارات، استأجرت سيارة لكن كان عندي خطأ اني لم اشتري التأمين اون لاين ، فكلفني مبلغ ٤٠ دولار يوميا غير عن مبلغ الايجار نفسه ، استأجرت للفترة الثانية من  THRIFTY , وكان الايجار شامل التأمين والضرايب ٣٥ دولار باليوم ،   2019 KIA SPORTAGE ، مع أميال مفتوحة 

الولادة كانت مع الدكتور امين فواز، دكتور راقي جدا ومهذب، قليل الكلام وشديد الملاحظة ، يقوم بعمله بشكل اكثر من ممتاز ( كل الشكر والتقدير للدكتور ) المستشفى كان AHMC REGIONAL مستشفى ضخم وخدماته متميزة وانصح به ، سعره اكثر ب ٧٠٠ دولار تقريبا ، لكن برأيي يستحق الزيادة 

بالنسبة ل   stroller and car seat ,وجدنا نوعية جيدة GRACO الاثنين معا ، 2 in 1 adjustable , بسعر ١٣٩ دولار من WALMART , سمحو فيها على الطيارة بدون رسوم إضافية أو وزن 

تمت الولادة بتاريخ ١٠ أكتوبر، شهادة الميلاد بتاريخ ١٦ أكتوبر، جواز السفر صدر بتاريخ ١٧ أكتوبر من لوس انجلوس بنفس اليوم 

نصحني أحد الإخوة بتصديق شهادة الميلاد من clerk recorder department , في Santa Ana , وتكلفتها كانت 16 دولار لكل نسخة، وبعد ذلك قمت أيضا بتصديقها من State Secretary , بلوس انجلوس بتكلفة ٢٢ دولار للنسخة

تمت العودة بتاريخ ٢٠ أكتوبر على طيران الاتحاد  الطيران لمدة ١٦ ساعة دايركت 

امنيات السلامة والتوفيق  للجميع

 

التجربة –58

 

اولا احب اشكر مهندس **** انه كان  معايا وقت ماحتاجه ودكتور علي صقر لانه افادني في موضوع حساب المستشفي. 

الطيران:

احنا وصلنا لوس انجلوس ٦/٩. سافرنا علي الاماراتية ترانزيت دبي. الرحلة من دبي لامريكا كانت ١٦ ساعة، طبعا طوال جدا بس انا حجزت في الصف اللي في النص كرسي aisle و كرسي جنبه وكان ال aisle التاني محجوز بس جنيه كان فاضي. في المطار عمله block للكرسي الاخير الفاضي وكده بقي معانا ٣ كراسي واستأذنا المسافر انه يسبلنا الكرسي الرابع وده فرق كتير معانا اوي. 

الجوازات:

بالنسبة للجوازات، انا ومراتي مطلعنلاش xxxx. كنا جينا ٣ مرات امريكا قبل كده ومراتي كانت واخدة الفيزا من ٣ سنين عشان شهر العسل وانا كنت واخد اول فيزا في ٢٠١٢. اتسألنا جيين ليه، جاوبت سياحة، شوبنج، وميديكال كير. سألنا نوعها ايه، قلنا ولادة. ليه برضو، جاوبنا عشان رعاية احسن هنا؛ قالنا شكلكوا مسألتوش كويس! قالنا انا مش هدخلكوا بعدين قالنا هختملكوا ١٠ ايام بس! فضلت هادي وقلتله مفيش مشاكل بس ليه؟

المهم شوية كلام وكده بعدين راح يشوف حاجة علي الكمبيوتر في حتة تانية، طلع انه شاف مراتي قالت في السفارة ايه من ٣ سنين! ورجع ختملنا ٦ شهور بس قالنا لازم تجيبوا الitemized bill المرة الجاية. 

مشكلتوا طلعت بقي في اننا مرجعناش للسفارة عشان نعدل الغرض من السفر (اللي قايلينوا من ٣ سنين وسافرنا بعده ٣ مرات) من سياحة لميديكال.

الاقامة:

اجرت غرفة بحمام خاص من airbnb ولا اروع كانت ال٢٨ يوم ب١٠٥٠ بعد تخفيض من صاحبة المنزل لما عرفت ان في بيبي. 

العربية:

مفيش ارخص من Booking.com انا اجرت اليوم ب٢٨ دولار شامل التأمينين كانت عربية فورد فيوجن هايبرد وموفرة جدا في البنزين التأجير كان من الامو وحلاوتهم ان العربيات قدامك تختار اللي انت عايزه. 

الولادة:

احنا كنا مع دكتور هشام. الحقيقة زي ما كل الناس بتشهدلوا هو شخصية غاية في الاحترام. 

فجر ٣٠/٩ حصل water break وروحنا المستشفي كانت الدنيا ماشية كويس جدا والcervix وصل ١٠ سم علي الساعة ٨ مساءا وحاولنا نولد طبيعي ودكتور هشام حاول لكن بالرغم من ان البيبي كانت راسه لتحت الا ان زاوية بصته مكانتش مظبوطة فده كان بيأدي ان النبض بيقل جدا نتيجة عائق ما. دكتور هشام استخدم vacuum لشفط البيبي وهو اخد رأينا الاول بس مانجحش بردوا. اضطرينا في النهاية للقيصري ومشيت الدنيا الحمد لله. 

ما بعد الولادة:

١. نتيجة المجهود اللي حصل للطفل اثناء الولادة، الoxygen saturation كان قليل وكان تحت الملاحظة. الskin to skin فرق جدا لما مامته خرجت من العملية وزودت الرقم لكن هما فضله انه يخش ال NICU ملاحظة لحد ماييجي الدكتور الصبح ويشوفه. قعد حوالي ٦-٨ ساعات بعدين خرجوه. 

٢. دكتور هشام كان قالنا قبل استخدام الشفط ان هيحصل تجمع سوائل في المكان اللي هيصله شفط بس الفكرة ان حصله تجمع في راسه من ورا وقالولنا ان السوايل ده لما ‘بتفش’ يا بتطلع مع الفضلات يا بتظهر في الجلد وبتسبب الصفرا. الصفرا عنده وصلت ل١٢-١٣ ودكتورة Judith Bedoy (لا انصح بها اطلاقا) قالت انه محتاج photo therapy وخرج بعد ٢٤ ساعة بس لما رحنا لدكتور Tim Mackey (شاطر جدا) قال انه الرقم مكنش مستاهل. 

الحسابات:

حاسبت عادي مع ماريا تحت وبعدها قالتلي ان عليا ١٠٠٠ دولار عشان الرعاية. قولتلها انا مش ذنبي ان مكنش في دكتور موجود بالليل وان اول ماجه خرجوا، فده معناه انه مكنش محتاج. كلمت جينيفر في البيزنس سنتر ونزلتها ل٥٠٠ وقالتلي روحلها لو حابب. بالفعل روحتلها وبدأت كلامي باني باشكرها انها نزلت المبلغ وقلتلها نفس الكلام راحت ورجعت قالتلي احنا هنعتبر انك دفعت كامل المبلغ ومدفعتش ال١٠٠٠ والphoto therapy مجانية اصلا. 

شهادة الميلاد:

قدمت عليها التلات استلمتها التلات اللي بعده اخر اليوم وكنت كلمت المستشفي قبلها قالتلي كلمني اخر اليوم وقالتلي طلعت فعلا (قابلت حد في المستشفي الست قالتله ان مبقاش عندها اكسس علي السيستم خلاص. الله اعلم). 

الباسبور من سان دييجو في نفس اليوم. 

العودة:

 اخدنا ٣ اماكن جنب الشباك وكانت الدنيا كويسة وتذكرة البيبي كانت ب ٦٩ دولار. 

طلعت النهاردة شهادة الميلاد المصرية من العباسية بدون تصديق من السفارة. 

لو حد محتاج اي حاجة فانا تحت امره.

 

التجربة –59

 

‎السلام عليكم ورحمة الله و بركاته

‎  اول حاجه لازم اشكر المهندس ***** علي جروب   توتال كير  و علي انسانيته 

‎تجربتي بكاليفورنيا الولاده  بتاريخ ٢٧/٩/٢٠١٩

‎الفيزا : معانا من ٣ سنين

‎السفر : بتاريخ ٢٨/٨ و كان الحمل في آخر الأسبوع ال ٣٦ 

 بعد الوصول مطار كاليفورنيا كان زحمه

‎  و اشتريت ٢شريحة  T-mobile ب ٧٠$ في الشهر  نظامها مكالمات و رسائل و ١٥ جيجا نت 

المعيشه مش هفدكو فيها قوي لانها كانت بعضها عند اصدقاء في لوس انجلوس و بعضها رحت palm desert  المهم ان ‏المكانين كانو بعيد ساعتين عن دكتور هشام المقدم ولم تكن مشكلة على الإطلاق. 

‎الانتقالات : اجرنا عربيه من thrifty weekly rate 230$ 

‎من غير تأمين ‏حصلت لنا مشكلة إن بعد شهر من الإيجار قلبو الإيجار الي ايجار شهري و ده طبعا اغلي لانه بعد الشهر بتتحسب باليوم علي الشهر و نص ١٠٠٠$ زياده و قعدنا نكلمهم المهم متتحلش غير في موقع الايجار فقط  في المطار و رجعولنا الريت بتاعنا. 

العياده: ‏دكتور هشام المقدم راجل محترم والشاطر جدا جدا جدا جدا الفلوس بتاعته 2000 دولار و بياخذهم كاش أول زيارة. ‏كنت عاملة كل التحاليل ولكن تحليل الrpr عادوه في المستشفي تبع الباكيدج و الvaricella.

‏المستشفى كانت بارك فيو وكانت الممرضة المسؤولة عني في وقت الطلق الصناعي هي أنچي اللبنانية إنسانة جميله جدا هي ممكن تتفهم انها عنيفة بعض الشيء و لكن هي بس بتعمل شغلها صح و بتهتم بيكي‏ كنت قريت من تجارب سابقة أنهم متبسطوش بيها ولكن هي كانت لطيفة جدا معايا.  التخدير مع دكتوره اسيويه شكلها صغير بس كانت هايله انا بدعيلها.

‎خرجنا من المستشفى يوم السبت و كانت الحسابات اجازة دفعنا في الامرچنسي 

‎وكان في غلط ظبطناه التلات لما رجعنا عشان نعمل ورق شهادة الميلاد  ..لازم  نرجعلها التلات  مش الاتنين عشان قافلين.. و الزيرو بيل اخدناها الجمعه

‎‏شهادة الميلاد طلعت الاثنين اللي بعده وكنا واخدين معاد قبليها يوم الأربعاء  بالجوزات رحت لوس انجلوس عشان ده مكان الاقامه كله مشي سهل ولكن للأسف ماكنشي معايا تذكرة اليوم اللي بعده فطلعت بعديها بيومين يوم الجمعة،  ‏وممكن ده مش عيب لو مش مسافرين لانه لو تأخذها في نفس اليوم هتستنا ساعتين بال بيبي .

تاني احب اشكر الجروب اوي كتر الف خيرك يا بشمهندس.

 

 التجربة 60-

السلام عليكم تجربتي للولاده في امريكا كاليفورنيا ٢٠١٩ 

 

 الطيران كان ع لوفتهانزا ترانزيت ميونخ ومنها الي لوس انجلوس

السفر كان في اخر الاسبوع ٣٤ 

من بدايه مطار القاهره محدش طلب مني التقرير و اول ما طلعت الطياره مضيفه حست اني حامل وسالتني ع الحمل و قولتلها اه فاهتمت بيا بزياده و كل شويه كانت تتابعني لو محتاجه حاجه لحد ما وصلت ميونخ

كان الترانزيت ٦ ساعات 

ومن ميونخ الي لوس انجلوس نفس الحكايه المضيفات لما شافو اني حامل كان الاهتمام بزياده وكل شويه يجيبولب مشروبات ومياه و ينصحوني بالمشي كل شويه لحد ما وصلت لمطار لوس انجلوس فضلت في الطابور لحد ما وصلت للمكنه وحطيت البصمه وعملت سكان للباسبور و كملت في الطابور جه حد كان بينظم الناس سالني لو لوحدي ولا معايا حد و بعدين دخلني في لاين صغير كدا تقريبا للناس الي لوحدها مش اسره او مجموعه وكان سريع جدا

وقفت مفيش دقيقتين دخلت ع الاوفيسر سالني جايه ليه قولتله سياحه وقالي هتقعدي اد ايه قولتله ٥٥ يوم قالي مش كتير قولتله هولد هنا قالي طيب اهم حاجه تحتفظي بفواتير الولاده عشان محدش يضايقك في الدخول بعد كدا و ضحك في وشي و ختملي ال ٦ شهور و سالني لو معايا فلوس اكتر من ١٠ الاف دولار عشان في التفتيش قولتله لا معايا ٩٩٠٠ قالي تمام ومشيت 

روحت ع طابور الجمارك جه دوري سالني معايا اكل او فلوس ازيد من ١٠٠٠٠ دولار قولتله لاء قالي اوك اتفضلي و روحت استلمت الشنطه و طلعت ركبت سوبر شاتل للفندق

بالنسبه للملابس انا كنت لابسه هدوم عاديه مش مداريه الحمل بس وقتها بطنتي مكنتش كبيره اووي وكنت حاطه شنطه كروس 

ثالثا بالنسبه للسكن كنت حاجزه انا و واحده صاحبتي اتعرفت عليها من ع الجروب اكستنديد ستاي بس اكتر من حد كتب ريفيو مش كويس عنه فكنسلنا الحجز و حجزنا عن طريق موقع اير بي ان بي بس يوم السفر الست الي حجزنا معاها كنسلت الحجز و دي كانت مشكله بالنسبه لينا اضطرينا نحجز في فندق لمده اسبوع لحد ما نشوف هنعمل ايه 

كلمت الباشمهندس ***** و ساعدنا الحمدلله في موضوع السكن و حجزنا في السكن الي ع الجروب في سانتا انا 

الست صاحبه البيت بصراحه مفيش كلام يوصفها اد ايه هيا انسانه في كل المواقف بتساعدنا في كل حاجه لو حبينا نروح اي مشوار بتودينا هيا الي وقفت جنبي في الولاده من اول ما حسيت بالاعراض لحد ما رجعتني البيت وهيا معايا في المستشفي 

مفيش كلام يوصفها ولا يوفيها حقها بصراحه و كل الي سكنو قبلنا و الي موجودين معانا بيقولو نفس الكلام ربنا يباركلها بصراحه 

رابعا المواصلات بالنسبالي قبل الولاده كان اغلب تحركاتي بالاوتوبيس و كنت جايبه التيكت الشهري ب ٧٠ دولار وكان بالنسبالي كويس جدا و بعض المشاوير باوبر قبل الولادا لكن بعد الولاده كله كان باوبر 

خامسا الدكتور انا كنت مختاره دكتور امين فواز ومقتنعه بيه جدا من قبل السفر ولما روحتله اول زياره اقتنعت بيه اكتر 

كان معايا معاد تاني يوم الوصول و لما روحت اطمن عليا و ع البيبي و كان بيتكلم وبيرد ع كل الاسئله هوا بس ممكن يكون تايه شويه لكن كدكتور انا شيفاه كويس جدا وفي اول زياره دفعت فلوس الدكتور و اخدت وصل بيها 

المتابعه كانت كل اسبوع تاني اسبوع عملت السونار وكان كل شيء تمام الحمدلله 

لحد الاسبوع ال ٤٠ روحت للدكتور  وقالي ان السيرفكس يدأ يفتح لكن مكنش لسه في اي اعراض 

بعدها بكام يوم نزلت الميه كلمت ايزابيل وقالتلي اروح ع المستشفي علطول كانت الساعه ٣ الفجر صاحبه السكن وصلتني للمستشفي و فضلت معايا لحد الولاده ولدت الساعه ٧ مساءاً ولاده طبيعيه و ربني رزقني بيوسف 

الدكتور كان متواجد بشكل مستمر من اول الصبح كان كل شويه بيجي يبص عليا لحد ما وقت الولاده والحمدلله كانت الولاده سهله و عدت كل الامور علي خير

طقم التمريض كله كان كويس جدا الحمدلله 

تاني يوم الصبح دكتور الاطفال جه اطمن ع البيبي و بعديها جت ماجي عشان شهاده الميلاد و مليت الشهاده و سلمتها و ارسلتها علطول

الولاده كانت ٢ اكتوبر و شهاده الميلاد اتبعتت ٣ اكتوبر كان يوم الخميس 

خرجت يوم الخميس الساعه ١١ مساءا قبل الخروج دفعت فلوس المستشفي واستلمت وصل بالدفع وقالتلي اسال ع الزيرو بيل يوم الاثنين 

يوم الاتنين كان عندي زياره لدكتور الاطفال و عديت ع المستشفي سالت ع الزيرو بيل قالتلي لسه ابقي اطلبي بالتليفون قبل ما تيجي

كلمت ايزابيل وقولتلها وهيا كلمت المستشفي و قالتلي يوم الجمعه روحي استلمي الزيرو بيل و الايتميزد بيل 

كان معاده الطهاره يوم الجمعه ايزابيل كلمتني الصبح وقالتلي كل الفواتير عندي متعديش ع المستشفي 

روحتلها واخدت منها فواتير المستشفي و دكتور الاطفال و الزيرو بيل بتاعه دكتور امين

بصراحه ايزابيل خدومه جدا و خلصتلي كل حاجه في خلال اسبوع من الولاده 

بالنسبه للتخدير دفعت للدكتور علطول واخدت منه الزيرو بيل في نفس الوقت وهوا مان دكتور فلبيني بس ممتاز جدا الصراحه

استلمت شهاده الميلاد الخميس الي بعد الولاده بتاريخ ١٠ اكتوبر 

روحت لوس انجلوس عشان استخراج الباسبور و قدمنا الورقه من غير ما اكون واخده معاد و كان معايا تذكرة   لتاني يوم

مكنتش زحمه الحمدلله وصلت هناك الساعه ١١ الظهر و استلمت الباسبور ٤ العصر 

وفي نفس اليوم وصل السوشيال نمبر ع عنوان السكن الي كنت قاعده فيه 

اخيرا بالنسبه للشوبنج انا جبت حاجه البيبي من كارترز و شويه حاجات من روس و برلنجتون و اوت ليت اوف اورنج الحاجه كلها كويسه جدا واسعارها ارخص عن مصر.

انا سافرت لوحدي و فضلت لمده شهر و٨ ايام و جوزي وصل يوم ٣ اكتوبر ملحق الولاده بس لحقني في المستشفي 

طبعا احب اشكر المهندس **** ع كل الجروب و كل المعلومات الي فيه وانه سهل عليا الموضوع جدا والحمدلله كل حاجه كانت متوفره ع الجروب من معلومات وعنوانين واماكن ربنا يبارك فيه و يجعله في ميزان حسناته 

احب اشكر كل الناس الي في الجروب محدش بيبخل بمعلومه خالص

وانه عرفني ع ناس كويسه ويارب يديم معرفتنا علطول

و صاحبه السكن والناس الي كانو معايا في السكن كلهم من الجروب و كنا اخوات واسره واحده ومع بعض في كل حاجه وكل خطوه

 

 التجربة 61-

السلام عليكم ورحمة الله وبركاته.

اولا شكرا ل باشمهندس **** و جروب توتال كير علي المعلومات و التجارب السابقة

تجربتنا للولادة في كاليفورنيا.

 أولا الحصول على الفيزا (أسئلة عادية رايح فين و ليه قولنا سياحة،أمتي  في شهر ١١ بعدين سؤال مباشر لزوجتي آنتي حامل ردينا علطوول اه قال سياحة و لا ميديكال كير قولنا لو ينفع أهلا قال اوك طلب معلومات البنك و طلب موعد مع الطبيب و تقدير قيمة الولادة و دول مكنوش معانا شاف الحساب بتاع البنك و قال اوك كملوا الورق و ابعتوه و هنرد عليكم ،كملنا ورقنا و بعتناه و الحمد لله بعد ٥ أيام وصلت الباسبور آت و الفيزا.

السفر : سافرت زوجتي الأول   طيران التحاد قبل ميعادها بشهر هناك تفتيش العشوائي و بعدين رايحة فين و ليه ميديكال كير و سياحة معاكي كام ٩٥٠٠ و فيزا ختم و تمت الحمد لله،

الأول في كاليفورنيا قعدت في ريفير سايد وبعدين قررت تولد مع د أمين فغيرنا لأنهايم ، سافرت بعدها بأسبوعين عادي التفتيش العشوائي و بعدين موظف الجوازات اسمر رايح ليه سياحة و ميديكال كير قالي لمين قولت لزوجتي سافرت من أسبوعين و أنا احصلها معاك كام قولتله و ليه هناك قولتله الرعاية الطبية أفضل شكله معجبوش الكلام دخلني secondary inspection كملت ورقة إسمي و عنواني و رايح فين بعدها جالي واحد امريكاني سأل نفس الأسئلة جاوبت قالي جابك ليه هنا طيب قولتله معرفش وصلني للباب و قالي اتفضل.

الولادة مع د أمين و هو الصراحة طبيب ممتاز من وجهة نظري و المساعدين ممتازين و خصوصا ايزابيل و المستشفي انهايم ريجونال سنتر و كانوا فوق الوصف و شاطرين (د أمين يمكن شوية صعب في التواصل لكن خبرته و قراراته ممتازة و موجود في الوقت المناسب.

 

الولادة ٣٠ أكتوبر يوم اربعاء و الحمد لله شهادة الميلاد الثلاثاء إللي بعده

 ساعدنا أستاذ حمدي مشكور في عمل تيكت لاستلام الباسبور بس كانت تآني يوم بالليل فخلونا نروح و نيجي نستلم الجواز تآني يوم 

عدلنا التذاكر و حاولنا نحجز تذكرة البيبي قالولنا في كال سنتر  في المطار و دي كانت الغلطة لأن مفيش حجز في المطار و قعدنا علي أعصابنا لحد ما ربنا سهل و حجزنا و إحنا بنعمل بوردنج و تم الحمد لله العودة.

 هنتظر يوم و اخرج بعدها لأتاحة مكان للأخرين للأستفادة.
  تم الاتفاق مع سواق اردني معاه عربية كبيرة للانتقال من المطار لأنهايم بقيمة ٨٥ دولار إللي حابب و كذلك العودة و رقمه موجود معايا و هيبقي مع أستاذ *****

 

التجربة –62

 

تجربتنا فى الولادة فى أمريكا : الحمد لله إن ربنا وفقنا و يسر أمرنا فى حاجات كتير و أهمها طبعا جروب توتال كير و الموقع اللى موضح كل حاجة بالتفصيل “ولكنكم لا تقرأون الموقع”😁و شكر خاص للمهندس **** على وقوفه جنبنا سرعة أستجابتة و طبعا باله الطويل 😊

هحاول الخص التجربة عشان الناس متملش أو تقرا كلام مكرر ف تجارب سابقة

السفر: سافرنا يوم الواقعة الشهيرة لرجوع زوجة أحد أعضاء الجروب بعد التحقيق لمدة يوم كامل و طبعا الموقف أثر فينا و أتوترنا جدا بس الحمد لله الأوفيسر كان لطيف جدا و كلمنا بالعربي و عدينا ف ٥ دقايق 😊

السكن: أجرنا أوضة بحمام خاص من Airbnb سعرها مناسب و البيت و العفش جديد مكانها ف Ontario .. ٢٠ دقيقة لعيادة دكتور هشام و بردو ٢٠ ل Ontario Mills ..  

الولادة: مع دكتور هشام المقدم إنسان محترم جدا و شاطر .. فاجئنا بس بمعاد الولادة لأن كنا رايحيين نحدد معاد الولادة تانى يوم قالنا هدخلكو النهاردة بليل و ما شاء الله كان موافق يوم الهالويين 😁🎃

من حسن الحظ بردو كنا أول دفعة ف الجروب تتم الولادة بعد يوم ٢٩ أكتوبر و طبعا إنتو عارفين التفاصيل 😃

شهادة الميلاد : الولادة كانت يوم الخميس بليل و جالنا فورم شهادة الميلاد الجمعة و أعتقد أتقدمت لل public health office يوم الثلاثاء و قالولنا هتاخد ١٠ إيام عمل بس روحنا نسأل الجمعة “بعد زقة من المهندس **** 😃”و الحمد لله إستلمنا شهادة الميلاد بعد ٣ أيام عمل مش ١٠ زى ما بيقولوا 

جواز السفر: روحنا مكتب جوازات سان دييجو و إستلمنا الباسبور فنفس اليوم زى الخطوات الموجودة فالموقع بالظبط 

طبعا بعد الشكر لله أحب اشكر المهندس **** على المساعدة و المجهود و بشكر كل أعضاء الجروب اللى متأخروش بالرد أو النصيحة .. و أتمنى التوفيق لكل اللى لسه فالطريق و إن شاء الله نباركلكم قريب 😊

 

 

 التجربة 63-

السلام عليكم 

انا بشارك تجربتي عشان الناس تستفيد 

السفر: المدام سافرت الأول بتاريخ ١٥ أكتوبر من القاهرة الي لوس انجلوس علي الطيران التركي، الطيران كويس جدا بس الترانزيت ٧ ساعات بس المطار كبير تقدر تنام فيه او تقضي وقتك 

المدام ما طلعلهاش، xx في البوردنج بس لما الاوفيسر سألها عن السبب قالت سياحة و ميديكال كير ولادة فدخلها غرفة التحقيق وكان التحقيق رخم شوية بس الامور عدت الحمد لله واخدت ٦ شهور

الاسئلة كانت 
 انت اخدتي الفيزا وانت حامل وكذبتي
 الرد انها ما اتسألتش 
 انت مخططه للولادة في امريكا من قبل ما تاخدوا الفيزا
 وكانت بتقلب في الشات عالواتس بتاعها

الايميل اللي بدأنا بيه مراسلة مع الدكتور كان بعد ما اخدنا الفيزا وكانت بتضغط عليها انها متواصلة مع الدكتور قبل مقابلة القنصلية

عموما الاسئلة كلها كانت للضغط ومحاولة تكذيب المدام 

بس هي كانت متمسكة بردودها اللي هي فعلا صح

انا سافرت بعدها باسبوعين وكنا مضبطين المتابعة والولادة مع د فواز 

الولادة كانت يوم ٤ نوفمبر في مستشفي أنهايم جلوبال والامور الحمد لله كانت كويسة 

التمريض معظمهم   كان ممتاز 

و دكتورة التخدير melissa كانت ممتازة

والدكتور فواز التجربة معاه ممتازة انا حضرت الولادة ومروره كل يوم لمتابعة المدام

 ايزابيل السكرتيرة متعاونة الي اقصي حد وبتخلص حاجات كتير مع المستشفي او عيادة الاطفال 

بالنسبة لشهادة الميلاد استلمتها يوم الثلاثاء ١٢ نوفمبر واخدت الشهادة وكنت مليت ال DS 11 form ووصلت جوازات لوس انجلوس قبل الساعة ١١ والحمد لله استلمت الباسبور في نفس اليوم 

احب اشكر مهندس ***** اللي ما اتأخرش في حاجة وفي اي وقت 

الجروب طبعا استفدنا منه كتير والويب سايت فيه كل حاجة

التجربة –64

تجربتنا للولاده في كاليفورنيا نوفمبر 2019

 الفيزا: 

قدمنا في سفارة الكويت ..روحنا قبل معادنا بنص ساعة، وبعد الامن والتفتيش روحنا لاول اوفيسر طلعلنا ورقة بار كود وحطه على الباسبور بعدين دخلنا لاوفسير تاني شاف الباسبورات وقالنا روحوا مكتب البصمة.. بصمنا واستنينا دورنا للانترفيو

كان في واحدة قدامنا سالها بتتكلمي انجليزي او فرنسي او عربي قالت عربي قالها روحي المكتب التاني فرجعت استنت في الطابور لما المكتب التاني يفضى.. فروحنا احنا للاوفيسر دة.. وبصراحة انا اول ما شفته قلت يارب تبقى المقابلة معاه عشان شكله ذكي وهيقدر يقرا اننا مبنكذبش.. اول سؤال كان اخترتوا الفندق دة؟ قلتله عشان قريب من عيادة الدكتور والمستشفى..

فسالني انتي هتولدي هناك؟

قلتله اة ولسة هكمل قام مقاطعني وقالي ليه قررتوا انكم تقولولي الحقيقة؟ جوزي قاله الصدق احسن.. فراح قالنا it’s very refreshing to find Egyptian decided to tell the truth..

وقال اننا منفهموش غلط بس للاسف المصريين عندهم سمعة مش كويسة مع الكدب.

بعدين قالنا وروني هتدفعوا ازاي؟ اديناه الكشوف وخطابات العمل والمراسلات مع الدكتور.. قال ايوة المبلغ دة شكله مظبوط..

وبعدين سالني عايزة تولدي هناك ليه؟

قلتله كدة كدة كنا عايزين نشوف امريكا.. قاللي ما انا عايز اشوف الاقصر بس مش هشوفها واحنا هنولد.. فقلتله كمان رعاية صحية افضل وفرص اكتر لابني في المستقبل

سالني تقريبا هتقعدي هناك اد ايه؟

قلتله حوالي شهر ونص

قالنا انا هوافق على الفيزا واخد الباسبورات وقالنا مفيش مشكلة في الولادة هناك كل المشكلة في الفلوس

وادانا نصايح اننا نحتفظ بكل الفواتير لانها من المؤكد هتتطلب مننا لو حبينا نسافر تاني وشكرناه ومشينا

السفر:

تجربتي يوم ١٥ اكتوبر في مطار كاليفورنيا

انا سافرت على الاماراتية من الكويت، الاول من الكويت لدبي محدش كلمني من المضيفات.. من دبي لكاليفورنيا سالتني قالتلي سوال روتيني: انتي حامل؟ قلتلها اه وطلعتلها التقرير كنت عاملاه اني في ال٣١ وانا اصلا في ال٣٦.. عديت ودخلت الطيارة.. الطيارة كانت كويسة ومن نعمة ربنا.. الوقت عدى بسرعة كانت ١٦ ساعة

وصلت مطار lax كتبت اني معايا اكل عشان كان معايا بسكوت.. فروحت ف لاين مختلف بس الاتنين كانوا زحمة.. دخلت للاوفيسر.. كان African Americans وكبير في السن.. رحب بيا وكان شكله طيب سالني انتي جاية لوحدك.. ايوة وجوزي هييجي كمان اسبوعين.. جاية عمل.. لاء سياحة وكمان ولادة.. قاللي اووه اوك بابتسامة 😂 قاللي هتولدي امتى قلتله.. قاللي انتي جاية الطابور دة ليه.. معاكي اكتر من ١٠ الاف دولار.. قلتله لاء معايا اكل بسكوت.. راح ختملي ٦ شهور

وانا طالعة بقى وقفني واحد  تاني ودة بقى رخم خد الباسبور قاللي انتي حامل؟ ايوة.. قلتي للقنصل.. ايوة قلت.. معاكي كام؟ معايا كذا وجوزي جاي كمان اسبوعين هيبقى معاه كذا كمان حسيته اتضايق انه مزنقيش في الكلام 😂 وبص للباسبور بازدراء كدة وادهوني وشوحلي اني اعدي يعني 😂😂😂

سفر زوجي:

مطار لوس انجلوس ١ نوفمبر

زوجي وصل المطار قابله الجهاز جاوب معاه اكل ولاب توب ..وانه بيتعامل مع حيوانات ومواشي عشان هو دكتور بيطري فطلعله x ودخل طابور طويل جدا جدا.. ولما جه دوره من الزحمة تقريبا الاوفيسر كان بيعدي على اد ما يقدر مكلموش ولا كلمة قاله بس حط ايدك بصمة وختم ومشي

جه على الاوفيسر بتاع باب الخروج.. كان رايح لواحد فطلب من زميله انه يتعامل هو عشان هو مشغول فراح للاوفيسر التاني.. قال له جاي ليه.. جاي سياحة ومراتي هنا عشان هتولد.. ليه عايزين تولدوا هنا.. عشان رعاية طبية احسن.. قال له فعلا؟ مفيش رعاية كويسة في اي حتة تانية غير هنا.. فقاله برضو عشان مستقبل احسن لابني.. قال له انت كدة بتدور انك تحصل على مميزات من ورا الولادة.. قال له مش هاخد اي مميزات ليا.. احتمال يبقى في مميزات لابني لما يكبر.. قال له انا ممكن الغيلك الفيزا بتاعتك انت ومراتك وابنك كمان عشان الكلمة دي.. قال له انا ممكن التعبير خانني بس انا هدفع كل حاجة ومعايا كذا ومراتي دخلت بكذا.. قال له كويس انك هتدفع وخلي معاك الايصالات كلها عشان هنسالك عليها ومتطلبش ابدا اي مميزات من ورا الولادة هنا وعداه

الولاده:

تجربة الولادة في بارك فيو: 

كنت كتبت تجربة الفيزا والسفر قبل كدة.

زوجي جه يوم ١ نوفمبر

زوجي سياره من موقع bookingو استلمها ف المطار و كانت من شركة dollars و عملنا تأمين زياده بعد ما راسلنا booking على الايميل

السياره بتستهلك تقريبا ٢٨ ميل لكل جالون و full tank ب٤٥ دولار تقريبا

خط الموبايل من شركة lyca ومش حلوه و مبننصحش بيها لان باقتها صغيره و نت بطئ وتغطيه مش قد كدا

معظم الاماكن هنا فيها واي فاي وان كان مش ٱمن اوي و لكنه متاح

 

ولدت تاني يوم في الاسبوع ال٤٠ في مستشفى بارك فيو مع دكتور هشام

دخلت يوم ١٣ نوفمبر الساعة ١٢ و٥ كان جالي طلق كان مؤلم جدا ولما روحت اتفاجأت الرحم كان فاتح ٣ سم بس.. ادوني طلق صناعي.. وعلى الساعة ٤ الفجر طلبت حقنة الضهر من الوجع.. خدتها ونمت وكل شوية الممرضات ييجو يشوفوا النبض ويدوني محاليل لان كان عندي نسبة جفاف لان مبشربش مية كفاية ودة حقيقي.. انصحكم بشرب مية كتير على اد ما تقدروا بيفرق كتير حتى في الرضاعة.. لما الرحم فتح ١٠ الممرضة كانت بتمرنني وابتدت الراس تبان بعدين الدكتور جه وولدت طبيعي في ١٠ دقايق الساعة ٤ الا تلت العصر الحمد لله.. الممرضات كانوا ممتازين بالذات دونا حسستني اني في ايد امينة واي حاجة تشك فيها تفحصني او البيبي.. 

بالنسبه للمستشفى لازم تتأكد من كتابه اسم البيبي في medical records لانهم بيكتبو babyboy او babygirl بدون اسم

ولازم تطلب كرسي السياره منهم

طلبنا منهم ف المستشفى تطعيم hepatitis B و لكنهم ما ادوهوش للبيبي و دا طان سبب ف اننا دفعا ٣٠ دولار عند دكتوره الاطفال عشان تديهوله

خرجت تاني يوم الساعة ٦ المغرب.. 

ربنا كرمني بمعرفة ناس من الجروب فعلا ساعدوني جدا واتبسطت اوي اني اتعرفت عليهم

الشوبينج

اكتر محلات عجبتني كان برلنجتون وتي جي ماكس وجي سي بيني

وكنت عملت ريجيستري على موقع تارجت وخدت gift box فيها حاجات للبيبي حلوة 

شهادة الميلاد اخدناها بعد ٥ ايام عمل وروحنا اليوم اللي بعدها سان دييجو وكان مشوار طويل جدا ولكن المكتب هناك مش زحمه و ناس مؤدبين جدا و طلعنا الجواز في نفس اليوم الساعه ٣ العصر وكان بشمهندس محمد زيدان الله يبارك له عملنا حجز غير مؤكد باليوم اللي بعده عشان كدا اخدنا مستعجل

 وان شاء الله راجعين يوم السبت لو حصل جديد بالنسبة للرجوع هبقى ابعت

بنشكر كل اللي في الجروب فعلا ربنا يجازيكم خير على مساعدتكم وشكر خاص جدا جدا للبشمهندس *** فعلا وخير الناس متاخرش ابدا وفعلا احنا ممتنين ليه جدا بسببه بعد كرم ربنا حققنا الهدف دة

 

 التجربة 65-

 

تجربتي للولاده فى كاليفورنيا نوفمبر ٢٠١٩

الطيران:

الإماراتيه بشكل عام طيران اوك سعر تذكرة البيبى ٨٠ دولار و ده كويس جدا بالمقارنه بشركات تانيه بس و انا راجعه صمموا انى استلم السترولر مع الشنط فى مطار الوصول مش فى الترانزيت لأن الطياره كانت زحمه ووافقت على اساس ان مطار دبى اللى فيه الترانزيت بتاعى فيه سترولرز للاطفال بس فوجئت انه لسن اكبر ومينفعش خالص للبيبى اللى لسه مولود 

فصمموا يا جماعه انكم تستلموا السترولر فى الترانزيت و على باب الطياره فى مطار الوصول 

السكن:

بعد ما اتفقت مع سكن من اير بى ان بى صاحبته كنسلت يوم السفر و اضطريت احجز فى فندق اسبوع بعدين رحت على السكن اللى على الموقع فى سانتا انا و كان اختيار موفق لان صاحبة السكن ده فوق الممتازه عندها ستوديو ينفع لاسرة و عندها غرفه بحمام تنفع لشخصين و طفل و عندها غرفه صغيره تنفع لواحده لوحدها 

الست دى كانت معايا يوم الولاده كله و يوم ما رحت لوس انجلوس علشان اطلع الباسبور و كانت بتساعد فى المشاوير علشان كنت لوحدى و اهم حاجه فى السكن عندها ان السوشيال سيكيوريتى بيوصل عندها بسرعه انا وصلنى بعد الولاده بست ايام عمل و كل اللى كانوا عندها وصلهم برده قبل السفر

الدكتور:

امين فواز دكتور خبره عملت قيصرى معاه لان ولادتى الاولى قيصرى و مع انه كان موافق نجرب طبيعى فى الاول بس لما جاتلى اعراض الولاده البيبى مكنش لف لوضع الولاده الطبيعى فدخلت قيصرى و الحمد لله الجرح كان كويس جدا و كنت قادره اخرج واتحرك طبيعى بعد رابع يوم من الولاده

الاوراق:

اخدت الزيرو بيل من مستشفى انهايم جلوبال و انا طالعه و كان فاضل الفاتوره المفصله و الميديكال ريكورد ايزابيل المساعده بتاعة امين فواز ساعدتنى كتير فى الاسراع فى استخراجهم بعد ماكانت المستشفى بتقول ١٠ ايام عمل اخدتهم بعد ٥ ايام عمل

مشيت على كل الخطوات اللى فى موقع توتال كير علشان شهادة الميلاد و الباسبور

الولاده كانت يوم الأحد شهادة الميلاد لقيتها جاهزه يوم الخميس الباسبور عملته الاسبوع التالى يوم الثلاثاء لأن الاثنين كان اجازه رسميه السوشيال وصل الاربعاء و السفر كان الخميس والحمدلله

بشكر المهندس **** و موقع و جروب توتال كير و كل اصحابى اللى اتعرفت عليهم فى الرحله لان من غيرهم مكنتش يمكن اخدت خطوة السفر من الأساس.

 

التجربة –66

تجربة الولادة في كاليفورنيا

تاريخ السفر:٢٦-١٠-٢٠١٩

المستشفى:بارك فيو

تاريخ الولادة:١١-١١-٢٠١٩

شهادة الميلاد:١٩-١١-٢٠١٩

جواز السفر:٢٢-١١-٢٠١٨

تاريخ العودة:٢٥-١١-٢٠١٩

الحمد لله حمداً طيباً كثيراً مباركاً فيه، قبل البداية في تفاصيل التجربة، جزيل الشكر والتقدير والامتنان للبشمهندس **** على هذا الجروب الرائع والمفيد، الحقيقة انا مكنتش محتاج اسأل على اي حاجة نهائيا من تاريخ السفر لتاريخ العودة.

السفر: في الأسبوع ٣٦ من جدة – لوس أنجلوس دايركت ١٦ ساعة في درجة البزنس وكانت مريحة جدا 

الوصول إلى لوس انجلوس: المطار كان فاضي جدا ومفيش زحمة ودخلنا على طول على الاوفسير وسألنا داخلين ليه ومعاكم كام وساكنين فين وقاعدين كام يوم وهتروحوا فين وعدت الأمور على خير واستلمنا الشنط ولم يتم تفتيش الشنط وخرجنا من المطار.

تأجير السيارة: شركة Sixst ركبنا الباص من أمام باب المطار وصلنا الشركة وكنت حاجز العربية ودافع وصور الرخصة والباسبور والكريدت كارد ورحنا ريفرسايد

الأقامة: شقة ستديو وصاحبها مش كويس عشان كده مش هتكلم على تفاصيل السكن.

الولادة: مع د. هشام المقدم، رحناله اول زيارة ودفعنا ٢٠٠٠$ كاش وتاني زيارة حددنا ميعاد الولادة قيصري عشان قبل كده كان في ولادة قيصري.

ملاحظة: المواعيد مش متزبطة عند د. هشام وفي كل مرة كنا بنتأخر في الانتظار مع اننا بنروح في الموعد اللي بيحددوه لينا.

الولادة في بارك فيو قيصري والولد دخل الحضانة بعدها لمدة ٢٠ ساعة بس الصراحة هما محترمين جدا ومضافوهاش على الفاتورة.

خرجنا تالت يوم من الولادة واستلمت زيرو بيل Medical record وكارت التطعيمات بعد ٣ ايام واخذنا كارسيت واحنا مروحين.

استلمت شهادة الميلاد بعد ٥ ايام عمل وقدمنا على الباسبور في 

سان ديجو قبل السفر بيوم بتذكرة العودة الحقيقية.

ملاحظة : محدش يجرب يصور أولاده غير ف الأماكن اللي مكتوبه في الجروب. 

خلوا بالكم من وزن الشنط يكون بالزبط عشان انا دفعت ١٨٠$ وزن زيادة وانا راجع 

الشكر مرة أخرى للجروب المحترم والقائمين عليه واستسمحكم

 عذرا في مغادرة الجروب لأتاحة الفرصة لأعضاء جدد، ربنا يوفقكم جميعا وترجعوا بألف سلامة ويقر أعينكم بأولادكم

 

التجربة –76

السلام عليكم ورحمة الله وبركاته

بحب اشاركم تجربتنا الي انتهت الحمدلله اليوم بنجاح بغد رجعتنا بالسلامه الحمدلله.

فالبدايه بحب اشكر صاحب المجهود الكبير والاخلاق الطيبه البشمهندس ***** على وقفتو ومساعدتو للجميع بدون استثناء فجميع الاوقاات والظروف،، ربنا يجزيه عنا وعنكم كل خير.

الدكتور كنا عند دكتور هشام، الدكتور رائع بكل معنا الكلمه وانسان محترم وطيب يعيبو انك ممكن تنتظر فالعياده وهوا مشغول شويه لكن ساعة الولاده والحالات الي ولادتها قريبه بكون متبع معها لحظه بلحظه لغاية مايدخلها فالولاده، ،.

الولاده كانت فمستشفى بارك فيو بتاريخ ١ نوفمبر ،،المستشفا جميل جدا واقدر اعطيهم ١٠/١٠.

خلال الولاده بكونو النيرز ماسكين الموضوع وعتواصل مع الدكتور طول الوقت حصل معنا انو نبض الجنين نزل شوي فثواني كان دكتور هشام موجود والراحل اصر يكمل الولاده طبيعي والحمدلله كملنا طبيعي ومحدش يسمع اشاعات انو هوا بيستعجل عشان قيصري الراجل بحاول وبعمل كل الي عليه محدش يقلق خالص.

ااولاده كانت الجمعه وخدنا شهادة الميلاد الجمعه الي بعدها.

والجواز رحنا ساندييجو التلات لانو الاثنين كان اجازه وخدناه فنفس اليوم.

بالنسبه للسفر كان عالسعوديه الخطوط ظريفه جدا وتزكرة البيبي رخيصه جدا فحدود ١١٠ دولار.

بالنسبه لدخول البيبي السعوديه طبعا كان في ناس كتير بتسال عالقروب، الدخول عادي من اامطار من جده مش محتاج تعمل اي حاجه من السفاره من امريكا دام الاب والام مقيمين فالسعوديه وبيديك رقم حدود وبتدخل.

فالنهايه بحب اشكر جميع اعضاء القروب عالروح الحلوه وروح الاسره الوحده الي بيعطي الوااحد دافع بكمل وميكنش خايف من موضوع الولاده ابدا.

ربنا يسهل للجميع ويوفقكم وينولكم مرادكم عاجلا غير اجل.

بخصوص الطهارة ياجماعه دكتور هشام ودكتور الاطفال بيدوي اجمعو انو دكتور ماكي احسن واحد بيعملها وفعلا بعد الولاده ب ٥ ايام كنت ماخد موعد عندو بالتلفون لازم تحجزو قبل رحنا والراجل ٥ دقايق كان مخلص حتا البيبي متعبش بعدها ولا عيط ابدا كانو مفيش جرح الراجل كويس جدا طبعا العياده عملها شير البشمهندس زيدان بتفاصيلها تكاليفها ٢٠٠ دولار وهيا فرفر سايد

 

التجربة –86

California Nov 2019

Accommodation: Airbnb

Physician: Dr Hesham Elmokaddem

Hospital: Parkview community hospital 

Airlines: United airlines

 

السفر كان في الاسبوع ال٣٤ و دي تاني ولادة ، سافرت على خطوط (united airlines)

فيها ميزة و عيب 

الميزة ان الرحلة مدتها اقصر من الطيران القادم من الخليج و العيب ان الطيران نفسة مش برفاهية طيران قطر /السعودية /الامارات وتاني عيب ان سعر تذكرة الرضيع

عالي جدا (٤٠٠ دولار ،١٠ ٪؜ من سعر تذكرة العودة فقط في نفس يوم الحجز) 

 خط السير : مصر الى زيوريخ في ٥ ساعات تقريبا. من زيوريخ   الى لوس انجلوس في ١٢ ساعة 

الرحلة اسهل كتير (بالنسبالي ك حامل) لان عدد الساعات الاجمالي اقل . برضو سعر التذكرة في التوقيت دة كان اقل من طيران السعودية الي طلعت عليها قبل كدة و الترنزيت في زيوريخ كان ٦ ساعات. 

تذكرة العودة: 

LAX to london in 9.5 hrs 

From London to Cairo in 4.5 hrs

انصح الناس كلها تحجز التذكرة من خلال موقع خطوط الطيران مباشرة ًلو فرق السعر بسيط .و لا تحجز من خلال موقع حجز تذاكر لان في حال تغيير التاريخ او الغاء التذكرة بتخسر كتير. و طبعا انصح بحجز تذكرة (refundable and flexible)

في مصر و انا بعمل (boarding) اتسألت انا حامل في الاسبوع الكام و قلتله الحقيقة لان انا كنت تأكدت من موقع يونايتيد ان السفر مسموح لحد ٣٦ اسبوع. قلتله عايز تشوف اذن الدكتور  بتاعي للسفر ؟ قالي لأ تمام.  وصلت في اكتوبر ٢٠١٩، دي تاني ولادة ليا في امريكا ، طلعت الورقة في مطار لوس انجلوس من المكنة منغير (X)، بس كنت طلبت مساعدة واحدة واقفة بجانب المكنة ،   ف دخلت طبور سريع و الراجل مسالنيش ولا سؤال الحمد لله( ولا جاية ليه و لا اي حاجة)  

-حجز تذكرة الرضيع محتجتش رقم جواز السفر

متابعة الحمل: 

مع د هشام المقدم، دكتور محترم جدا و بيديكي كل الوقت لكل الاسئلة و مش بيزهق و بيشرحلك كل حاجة و اهم ميزة انه بيرد على التليفون و الواتس اپ و رد في اجازته الرسمية يوم الاحد. 

الولادة :

جالي الطلق قبل نهاية ال٤٠ اسبوع ب يومين. للاسف كان يوم احد و د. هشام كان مسافر ، طلعت على مستشفى (parkview) كانت الساعة ٨ و نص مساءً، الحمد لله ولدت ١٠ و نص مساءً مع الدكتورة مساعدة د. هشام. ولادة طبيعي ف اعدت ليلة واحدة في المستشفى و خرجت تاني يوم الساعة ١١ و نص مساءً. القاعدة هناك ان الطفل لازم يعدي عليه ٢٤ ساعة قبل الخروج من المستشفى.  

المستشفى: Parkview community Hospital

نظيفة و منظمين و الممرضات كلهم هايلين و مبتسمين و يطمنو الواحد و ادب و اخلاق طبعا 😄 انصح كل الامهات انهم يطلبوا من الممرضات الحاجة الي محتاجنها لان النظام عندهم ان الي بيطلب حاجة بتجيله، غير كدة مش هايجيبه سيرة ( مثلا كنت هامشي خلاص و محدش قالي حاجة على ال(breastfeeding pump) و حزام البطن ، قلت للممرضة  اني محتجاهم ف جابتهم. لو محتاجة تشربي عصير او تاخدي سناك برضو اي وقت اطلبي ، كله داخل في حساب الليلة دي😄 

الدكتورة الي بتغطي د. هشام صغيرة في السن كنت خايفة منها في الاول لكن هي شطرة و الولادة الطبيعي بتبقى بسيطة و الموضوع كان تمام الحمد لله. 

رحت ل د. هشام مرة واحدة بعد الولادة اخدت ال(zero balance) و كنت مرتبة نفس اليوم زيارة د. الاطفال  في نفس المبنى الي جنب المستشفى و رحت المستشفى و اخدت ال(zero balance and itemized bill) . بتاخد حوالي ٥ ايام عمل من تاريخ الولادة. و لما بتروح تاخدها بتتحضر في حوالي نص ساعة. 

التطعيمات للام اثناء الاقامة في المستشفى: tetanus and flu vaccine 

برضو اطلبيها متستنيش يقولولك 

حقنة الRh  الي اسمها (Rhogam) متغطية في حساب المستشفى برضو.

التحاليل كلها الي بتتعمل في المستشفى برضو داخلة في الحساب. 

السكن:

كان نصفين، نصف المدة في ريفرسايد: 

السكن كان من (airbnb) في (riverside)  غرفة  ماستر بحمام داخلي. المطبخ مشترك . سعرها كان معقول و كانت داخل (gated community ).صاحبة البيت كانت كويسة و بتابع معايا على طول لو محتاجين حاجة. 

 و النص التاني في (Anaheim) مش لاي سبب الا اني كنت هاولد في Anaheim global  و غيرت الخطة بعد ما كنت حجزت على (Airbnb ) ف مكنش امامنا غير تقليل عدد الليالي ، لكن الغاء الحجز كان هايخسرنا . عشان كدة بنصح الناس اثناء الحجز:

– اختيار حجز flexible و يمكن الغاءه 

– اختيار super host 

– قراءة ال(reviews)

– اختيار مكان فيه مطبخ عشان الحامل و الام محتاجة تاكل اكل صحي و تبعد عن ال(Junk food ) 

– اتاكد من وجود غسالة و (dryer) في السكن نفسه او بجوارة

 

السكن في اناهيم )(entire home) يعني شقة كاملة منغيرالاشتراك مع احد، كان اختيار موفق الحمد لله و مناسب للعائلات ،  و صاحب البيت ساكن في الدور السفلي. و الركنة على الشارع نفسة و المنطقة هادئة و امان.

ايجار السيارة: 

عن طريق شركة (Avis) و اضطرينا نجيب سيارة كبيرة  SUVمن الاول عشان نقل الشنط من سكن للتاني و  نقلها يوم السفر. 

 

شهادة الميلاد: 

جاتلنا موظفة تاني يوم الولادة الصبح اسمها ستار اعطتني  ورق شهادة الميلاد المفصلة املى فيها البيانات كلها و قالتلي هاجي بعد ساعة اخدها عشان تكتبها على الكومبيوتر و  ارجع اراجعها تاني (راجعوها كويس كلمة كلمة)  ، قبل ما تتبعت لمكتب شهادات الميلاد. الورق راح يوم ٥ /١١ و الشهادة خلصت ١٨/١١.  المستشفى بتتولى امر شهادة الميلاد و احنا بنروح نستلمها فقط بعد ١٠ ايام . محدش يستعجل و يروح قبل ال ١٠ ايام عشان احنا عملنا كدة و خسرنا ٢٨ دولار الي هو ثمن نسخة شهادة الميلاد ( لان الاستعلام عن الشهادة نفس ثمن نسخة منها) الموظفة نصحتنا ننتظر السوشيال سيكيرتي نمبر يوصلنا قبل ما نيجي تاني نطلب الشهادة 

في نفس الوقت دخلنا على موقع الجوازات الامريكية و مالينا الds-11 و ماكناش لاقيين مواعيد الا قبل السفر بيوم ، كلمنا الرقم بتاع الجوازات لقينا ميعاد قبل السفر بيومين . ف قدمنا ف يوم و استلمنا تاني يوم. ف بنصح الي مش لاقي ميعاد على الموقع انه يتصل برقم الجوازات دة (+1 (877) 487-2778) و يسال على المواعيدو يحجز . و مش لازم نستنى شهادة الميلاد عشان تحجز 

بتطبع الفورم   الds-11  . اماكن الطباعة زي : (Fedex /UPS) 

بتروح مكتب الجوازات و تاخد دور و الموضوع بسيط جدا 

التصوير للطفل في الدور ال٧ ب ١٤ دولار الصورتين. بياخدو صورة واحدة و اصل شهادة الميلاد و بيرجعوهم تاني وقت الاستلام.

العودة: 

على خطوط (united airlines ) 

الرحلة: من لوس انجلوس الي لندن في ٩ ساعات و نصف و من لندن لمصر ٤ ساعات و نصف، ف كانت رحلة اريح مقارنةً برحلة السعودية الي جربتها قبل كدة (كانت ١٦ ساعة من لوس انجلوس للسعودية) .

– محدش ياخد معاه كريمات للاطفال اكتر من الحجم المسموح عشان بتتصادر كلها في الترنزيت ( لندن في حالتي في العودة) 

– محدش يقفل الشنط بقفل لان امريكا بيفتشو الشنط و هي خارجة كمان. و لو في قفل هيكسروه او هيقطعوا الشنطة

– محدش ياخد معاه كريمات للاطفال اكتر من الحجم المسموح عشان بتتصادر كلها في الترنزيت ( لندن في حالتي في العودة) 

– محدش يقفل الشنط بقفل لان امريكا بيفتشو الشنط و هي خارجة كمان. و لو في قفل هيكسروه او هيقطعوا الشنطة

 

 

التجربة –96

السلام عليكم 

 حبيت اشارك معاكم تجربتنا في السفر والولاده  لتعم الفائد و لرد جزء من جميل الاعضاء و مشرف المجموعه   م/ **** ولكم جزيل الشكر 

السفر كان بتاريخ ٢٢/سبتمبر على الخطوط السعوديه حجزنا المقعد اللي بعد البزنس على طول عشان مساحه الرجول وكان عيبه ان التكايه تبع اليد ماتترفع فلو حبيت تفتح المقعدين على بعض تتمدد مثلا ماحتقدر،  كنت ٣١ اسبوع وكان مبكر بسبب نصيحه الدكتوره قررت اني اسافر بدري افضل ، الولاده مع دكتور هشام بارك ڤيو نظرا لتقيمه العالي و فعلا كان جدا حريص ومهتم بادق التفاصيل 

 

السكن حجزته من airbnb شقه  وكان سوبر هوست في ريڤر سايد ٧ دقايق للعياده بس للاسف ماعجبني مستوى النضافه وكان في حشرات فقعدت فيه شهر والشهر التاني سكنت في سمبلي هوم ان بخصم القروب وكانو مهتمين بالنضافه جدا وخدومين جدا الهندي اللي بالاستقبال وزوجته ،

مواعيد الدكتور هشام كانت ماشيه تمام كل اسبوع موعد 

زوجي لحقني لامريكا بعد جيتي بشهر كان يجاوب على قد السوال 

واتسأل في المطار اش معنا ريفرسايد وعني و سالوه ليش جيت امريكا قبله واذا كنت حامل اولا 

طبعا ذكر لهم اني حامل وانه راح يدفع التكاليف واكدو عليه ودخل 

الولاده كانت ٢١ نوفمبر كلمنا دكتور هشام وطلب مننا التوجه لعيادته لتاكد اذا كانت ولاده او لا بعدها نروح للمستشفى وفعلا كانت ولاده 

والحمدلله رزقنا الله ب ريان

اليوم التاني الصباح جت نانسي ب ورق شهاده الميلاد وساعدتنا نعبيه 

وما اطلبنا الssn نظرا لان موعد السفر قريب و نانسي افادتنا انه ممكن نطلعه بعد كدا من اي مكتب سوشيال او الطفل يطلعه لنفسه عند بلوغ ١٨ سنه ، الزيرو بيل والتقرير اخدناها من المستشفى بعد ٤ ايام من الولاده طلعت شهاده الميلاد بعد ١٠ ايام وكان من ضمنها ايام اجازات هي اللي اخرت الموضوع تقريبا 

الجواز طلعناه من سان دييغو ما اخد معانا الحمدلله ٣ الى ٤ ساعات ووقعنا اننا ما استلمنا الssn طبعا 

العوده اليوم الي بعده 

 العربيه تبع البيبي سلمناها عند باب الطياره ونفس الشيء كنا حاجزين المقد اللي خلف البزنس والباسنيت اعطوها لنا بعد الاقلاع وكانت الرحله مريحه الحمدلله 

خالص الشكر لكم وربنا ييسر للجميع

 التجربة 70-

الحمد لله انا لسه راجعه و حبيت اشارك تجربتي علشان لو اي حد عنده اسئله .. طبعا شكرا لكل اعضاء الجروب و البشمهندس ****** على مجهوده معانا كلنا ..

الفيزا كانت معايا من زمان و سافرت امريكا مرتين قبل كده مره سياحه و مره ولاده مع امين فواز في انهايم

السفر كان على التركيه محدش سال على حمل ولا تقرير علشان مكانش الحمل باين عليا كان معايا بنتي و أختي

المطار لوس انجلوس مكانش زحمه و   عدونا فاست تراك علشان بنتي

الافيسر اول ما شاف باسبور بنتي سألني اتولدت هنا قلتله ايوه قال ممكن تشرحلي ظروف الولاده قلتله انا كنت مرتبه اني اولدها هنا و انا دلوقتي حامل برضه و جايه اولد تاني سال دفعتي كام في الولاده قلتله الفواتير كلها في الظرف معايا قالي لا تقريبا مش محتاج فواتير و سالني اذا كنت مكلمه دكتور و مستشفى قلتله ايوه و معايا صوره من المراسالات قالي مش عايز اشوفها شكرا و ختم ٦ شهور و دخلنا 

السكن من airbnb في لونج بيتش و ده كان بعيد شويه نص ساعه من انهايم بس انا المره الي فاتت نزلت في انهايم و زهقت منها ف كنت عايزه اروح مكان تاني

ماجرتش عربيه لونج بيتش فيها أتوبيسات لكل مكان ز المشاوير البعيده اوبر (كان مكلف شويه) 

الولاده مع دكتور امين فواز في انهايم جلوبال و دي تاني تجربه ليا معاهم و الاتنين قمه في الشطاره من من ناحيه الخبره و التمريض و دكتور امين هتحسوه مش مركز بس وقت الولاده شاطر جدا و متمرس ف بينجز و قلبه جامد و دي حاجه كويسه جدا

الفواتير بتعت دكتور امين و دكتور الاطفال كانت جاهزه عند اول متابعه و المستشفى اتاخرت شويه بس ايزابيل مساعده دكتور امين كانت متعاونه و كانت هي بتتابع معاهم و كلمتي لنا جهزو و ده كان بعد ٧ ايام من الولاده

شهاده الميلاد خدناها من santa anna county clerk طلعت بعد ٧ ايام عمل برضه

تاني يوم طلعت الباسبور في نفس اليوم من لوس أنجلوس ( شركه السياحه عملولي تذكره باليوم الي بعده) رحت انا و جوزي و البيبي من ٨ الصبح استلمنا الباسبور الساعه ٣ العصر

حجزنا تذكره البيبي من المطار ب ٩٠ دولار و رجعنا النهارده الحمد لله

 

التجربة –71

 

بسم الله الرحمن الرحيم

تجربتنا للولاده في كاليفورينا مستشفى بارك فيو مع دكتور هشام المقدم نوفمبر ١٠ لغايه ديسمبر ١٠

اختيار الدكتور والمستشفى والولايه

في الاول اخترنا نيوجرسي مع دكتور شافيز ، وبعد المقارنه واختيار السكن والمستشفى والطيران شفت ان كاليفورينا هتطلع ارخص بالنسبه لنا ف قررنا الولايه انها كاليفورنيا وحسب تحارب الناس ارتحنا لدكتور هشام المقدم ومستشفى بارك فيو. بعتنا ايميل للدكتور ف شهر مايو واخذنا منو السعر زي الموقع وبدأنا نجهز كل شي. 

اختيار شركه الطيران 

في الاول انا كنت مقرر على القطريه لاني مجربها على امريكا كرتين من قبل وكانت مريحه ، تأخرت شوي ف الحجز ولما قررت احجز لقيت سعرها كان غالي جدا جدا جدا ف قررت اشوف بديل ، لقيت بسعر معقول على الطيران التركي فحجزنا على طول

السكن 

انا اخترت شقه من airbnb بس للاسف قبل السفر بكم يوم صاحب السكن كنسلت الحجز ورجعولي المبلغ كامل بعد ٥ ايام ، كلمت المهندس *****وبعتلي سكن من airbnb بس السكن محتاج سياره ، بعد تحربه احد الاخوان من الجروب في نفس السكن توكلت على الله وحجزت السكن عند وحده صينيه بس بقمة الاحترام والتعاون والسكن نضيف جدا جدا جدا.

الرحله

 

سافرنا يوم ١٠ نوفمبر ومعانا تقرير ذكتور في مطار الكويت محدش سأل عن الحمل او التقرير ، طلعنا الطياره الرحله على اسطنبول وصلنا اسطنبول وقعدنا ترانزيت ٣ ساعات وما حسينا فيهم لان المطار كبير ، بعدها طلعنا الطياره كان في تفتيش روتيني عادي ومن غير اي اسئله ،وصلنا لوس انجلوس ، الطيران كان عادي مش زي القطريه لاني سافرت امريكا على القطريه ، الاكل كان عادي والخدمه عاديه يعنس اقيمهم ٦/١٠.

دخلنا على الجهاز طلعلي انا X وزوجتي لا ، دخلنا على الاوفسر على طول كان روسي امريكي ، ما سألنا ولا سؤال شاف الباسبور قالي ابصم ختم ٦ شهور ودخلنا ، استلمنا الشنط وركبنا باص تاجير السيارات رحنا مكتب enterpriser واستلمنا السياره وطلعنا على السكن

بعد يومين ١٢ نوفمبر زرنا دكتور هشام دفعنا ٢٠٠٠ دولار كاش ، وفحص المدام وكل شي كان تمام ، اخذت زوجتي كل يوم مكان عشان تمشي كتير ، يوم ١٩ نوفمبر الزياره الثانيه لدكتور هشام وقالنا انو لسه مافي اعراض للولاده وممكن يساعدنا بطلق صناعي ٦ ديسمبر ، ثاني يوم ٢٠ ديسمبر الفجر الساعه ٤ صحتني زوجتي بتقولي حست بالطلق ، كلمت دكتور هشام رد علي على طول قالي روح المستشفى وانا هحصلك ، وصلنا المستشفى تقريبا الساعه ٥ ، ولدت زوحتي الساعه ٦ وربع تقريبا من غير اي ادويه او ابر ، ومن غير حتى دكتور 😂 ، بعد الولاده ب ١٠ دقايق دكتور هشام وصل ، شاف المدام وطمنا انو كل شي تمام ، بعدها ب ٣ ساعات ودونا غرفه تانيه ، جتنا دكتوره الاطفال ، وجتنا تبعت شهادة الميلاد وخلصنا كل شي ، اتأكدت انهم بعتوها بنفس اليوم كان يوم اربعا يعني لا يوم التلات ولا الاربعا ، طلبنا تطعيم الطفل وطلعنا من المستشفى تاني يوم الساعه ٦ المغرب ٢١ نوفمبر دفعت ١٩٥٠ دولار.

انا عشان باقي ٢٠ يوم لسه على الرجوع ف ما رحت اراجع شهادة الميلاد والفواتير و قلت بعد الاعياد والعطل لما تخلص اروح على راحتي ، تاريخ ٢ ديسمبر يوم الاثنين رحت طلعت شهادة الميلاد والزيرو بيل والميديكال ريكورد كلهم ف نفس اليوم ، ثاني يوم رحنا سان ديغو وصلنا الساعه ١٠ ونص ، في محل ups store صورنا البيبي وطبعنا حجز السفر وبعدين طلعنا مكتب الجوازات قدمنا الطلب طلعنا اتغدينا ولفينا ب سان ديغو ورجعنا الساعه ٣ استلمنه الجواز.

اليوم ديسمبر ١٠ الرجوع والعوده الى الديار 😂 مشتاق للاكل العربي 😂 واحنا بنسكر الشنط اتصل علي واحد صاحبي كنت حاط عنوانه عشان ال SSN قالي وصل ، قابلته واستلمته منو في اخر لحظه. 

رجعنا السياره ووصلونا المطار ، وها نحن على باب الطياره. 

شكرا للجميع ، شكرا للخلوق المهندس ***** ، شكراً لاي حد ساعد اي حد في الجروب. 

نتمى التوفيق للجميع

 

التجربة –72

 

شكرا لكل اعضاء الجروب و البشمهندس ***** على المجهود العظيم الي فادني كتير وخلي الرحلة سهلة وبسيطة جدا بكل التجارب الي موجودة هنا. 

مبدئيا احنا معانا الفيزا من زمان و سافرنا امريكا مرة قبل كده سياحه.

السفر كان على السعودية محدش سال على حمل ولا تقرير.

السكن من simply home inn. 

الولاده مع دكتور هشام في مستشفي بارك فيو.

شهاده الميلاد خدناها من riverside county طلعت بعد 4 ايام عمل. 

تاني يوم طلعت الباسبور من سان دياجو و استلمناه في نفس اليوم.

 

التجربة –73

بعد حمد الله علي سلامة جميع الأخوات و اولادهم و أولادي 

أحب أشكر كل الإخوة و الأخوات اللي ساعدوني و تعاونوا و لو بالدعاء

و أخص بالذكر م ***** و أصدقاء كتير تشرفت بمعرفتهم علي الجروب  و لو ذكرتهم هطول عليكم و ان شاء الله تستمر العلاقة الطيبة

بداية المشوار : فكرة ان احد الأولاد يكون معاهم جنسية إضافية مميزة 

فقررنا الولادة بالولايات المتحدة و فعلا توجهنا للسفارة بالكويت للحصول علي التأشيرة المدام و الأولاد و بلغتهم بصراحة و هي كانت حامل في الشهر السابع أننا مسافرين رحلة علاجية للولادة كأولوية و ثانيا معايا الطفلين هيغيروا جو و تعتبر سياحة ثانيا 

طبعا كان في أسئلة زي انت هتاخد له جنسية و ايه السبب ، الرد ببساطة مستوي رعاية الطبية أفضل و الجنسية دي موضوع تاني و الولد لما بكبر ليقرر ان كان يستفيد و يفيدكم بيها او لا 

و أسئلة تانية عن القدرة المالية و راسلت مين و السكن و عندك فكرة عن هتحتاج كام معاك في الرحلة و كلام محفوظ يعني و الحمد لله طلعوها للأولاد خلال ٤ أيام 

ثانيا : الطيران و ضابط الهجرة ( 👮🏼‍♀)

حجزت علي الاتحاد لان في ناس كتير قلقوني من موضوع الدخول من ضباط الهجرة و ممكن ترجع و حتي في السفارة بعد ما خلصت الإنترفيو قالت انتبه مش معني انك اخدتي تأشيرة أنكم هتدخلوا خليك واضح و صريح مع ضابط الهجرة في المطار ، فقررت نطير علي الاتحاد لان ضباط الهجرة في ابو ظبي فأنت تعرف بدري امورك و تقلل المخاطرة و كانت رحلة ظريفة بس طويلة شويه علي اي ست حامل بصراحة ١٦ ساعة تقريبا متواصل 

و الاتحاد بيهتموا كمان لازم تاخد نموذج التصريح للحوامل معاك طول الرحلة بيهتموا بيه جدا جدا لهم نموذج علي الويب سايت وصلنا أبو ظبي انتقلنا لصالة ٣ طيران الولايات المتحدة شوية تفتيش امني عشوائي الاول و بعدين ضابط الجوازات سالنا نفس الأسئلة و رديت بنفس الإجابة مسافرين ولادة حتي تعمدت اجيب لها كرسي لان المشي كتير في المطار حوالي ٢٠ دقيقة و فرق الرحلتين ٤٥ دقيقة ، كان مهذب جدا و قال بالسلامة و نصيحة حافظ علي صدقك مع اي شرطة و احتفظ بكل فواتيرك لانك هتحتاجهم بعدين و اي مستشفي تعرض عليك ولادة بأسعار مخفضه أتأكد من انهم هيسلموك زيرو بلانس و احتفظ بيهم

ثالثا : قبل الولادة

وصلنا لوس انجلوس يوم ٢١ نوفمبر

قابلنا د هشام يوم ٢٢

تحاليل و سونار و ما يلزم يوم ٢٥ نازل قربنا علي عيد الشكر كلمته عاوزين نزورك تاني بالتقارير تحدد مواعيدنا 

صدمني بانكم من بعد ١٢ -١٢ و كده بدري و اهم شئ سلامة البيبي و ياخد وقته بدل متدخل في مشاكل و خصوصًا هي قيصري كده او كده و كان معاه حق 

ثالثًا الولادة 

يوم ٣٠ نوفمبر فجرًا بدأت أعراض الولادة و كلمنا د هشام للأسف كان مسافر بس تابع معانا لآخر لحظة و حضر العملية دكتور أفريقي من نيجيريا ما انصحش اي حد يتعامل معاه لانه تعبنا و حتي المسكنات و قت خروجنا من المستشفي نسي يكتبها 

و الحمد لله تمت الأمور بسلام علي س ١٠ صباحًا 

رابعًا : شهادة الميلاد و الباسبور

تم تسجيل البيانات في المستشفي يوم ٢ ديسمبر و استلمت شهادة الميلاد يوم ١٠ و الجواز يوم ١١ في سان دييجو و كانت الأمور ميسرة الحمد لله 

و حاليا في اللمسات الأخيرة للعودة 

معرفتنا بالجروب كانت نقطة تحول بأمانة ، لأني تعرفت علي الجروب بعد إصدار التأشيرات و حجز الطيران و مراسلة مستشفي في تكساس لتجربة احد الأصدقاء لي هناك لكن كان تعاملهم مادي جدا و الأسعار أغلي وبصراحة بعد تصفح موقعكم المفيد جدا غيرت رأيي لأكثر من سبب 

١- هيكون عندنا طيران داخلي لمده ساعتين تقريبا .

٢- لا توجد خبرات سابقة كافية في دالاس من الأصدقاء 

٣- موقع total care و الإدارة الناجحة تجبرك علي اعادة تقييم اي تجربة غير مضمونه النتائج 

الخلاصة :

  الولادة و انت مغمضTotal care مع عينيك

دعواتكم و تحت امركم في اي استفسار 

و اشكر ثانيا بعد حمد الله كل من تعاون و شاركنا خبرته و تجربته او تواصل وكسر حاجز الغربة في بلاد الفرنجه 😄

🌹🌹🌹🌹🌹🌹🌹🌹🌹

 

 

التجربة –74

الفيزا:

قدمت على الفيزا في جده وهي ، في المقابله كانت اساله عاديه وكان الاوفسر ظريف جدا وحتى سال هل ممكن تولد هناك و هو من نفسه قالنا انت عارف لو عايز الموضوع قانوني بس يكون معاك مصاريفك كلها.

ورحنا استلمت الفيزا الحمد لله.

قرار السفر والحجوزات

الحمد لله كان ليا اصدقاء ولدوا في كاليفورنيا من كام سنه هما اللي عرفوني الجروب اللي سهل علينا كل حاجه، لما دخلنا وشفت الفروق بين نيو جيرسي وكاليفورنيا استقرينا على كاليفورنيا، مستشفى بارك فيو مع دكتور هشام المقدم.

كان حجز البيت من Airbnb في منطقه اسمهت Eastvale ٢٠ دقيقه للمستشفى.

الطيران كان الخطوط السعوديه دايركت من جده الى لوس أنجلوس كان سفر مراتي قبلي بفتره وبعدين انا حصلتها، الرحله كانت كويسه جدا بس في المطار هنا اخد باله انها حامل سال على تقرير الدكتور كان معانا .

اجرت عربيه من Budget لمده شهر استلمتها من المطار.

السفر

مراتي سفرت قبلي باسبوعين ولما وصلت كان السؤال جايه ليه واساله عاديه وختم ٦ شهور.

بعد اسبوعين انا نفس الموضوع وكان معايا لاب توب وشنطه فيها سناكس وانا في الطابور بيعدي اوفسر كدا عشوائي قالي روح الخط التاني كان معايا شنطتين، عدو على السير معملش حاجه في اللاب توب بس الشنطه اللي فيها سناكس فتحها وقالي تمام، خرجت استلمت العربيه ومشيت.

الولاده

مراتي تاني يوم الوصل كان عندها ميعاد مع د هشام وكان ميعاد الولاده يوم ٢٧/١١ وكان قايلنا انه ممكن يبدا طلق صناعي من الاسبوع ال ٣٩، كنا بنروح كل اسبوع وقال لو حسيتي بتعب او اي شئ نكلمه  كان في ميعاد معاه يوم ١٩ سال على حركه البيبي لما قلت الحركه قلت قال الافضل نروح المستشفى يوم ٢١ الساعه 00:05 اللي هو اول ال ٣٩اسبوع.

رحنا اليوم دا، المستشفى كويسه والتمريض كان لطيف وبدات الطلق الصناعي للاسف جاب نتيجه زياده معاها فا ادوها حقنه عشان يقلل الطلق، وفضلنا لحد ما جاء الميعاد وجه د هشام وجه البيبي الحمد لله.

شهاده الميلاد والباسبور

كانت الولاده يوم ٢٢/١١ الساعه 00:05 كان يوم جمعه، جيه موظفه شهاده الميلاد الساعه ٧ الصبح عشان تدينا الفورم نعبيه ورجعت ٨ طبعا كنت نايم انا 🙃 ولما جت ١٠ كنت انا بره بسال عشان ارتاح على موضوع الميدل نيم دا بيكون لمين هل اسم تاني للبيبي ولا احط اسمي، سالت كل الممرضات تقريبا 😄 رجت لاقيت الموظفه واقفه مع مراتي وهي اللي بتملى الفورم بتاعه الشهاده واستقريت اني اخلي الميدل نيم فاضي وقالتلي اروح استلمها بعد ١٠ ايام.

خلال الفتره دي كان في اجازه الثانكس جيفينج فا رحت يوم ٣/١٢ الموظفه قالتلي لسه اكيد ما خلصت قلتلها معلش نجرب وكانت خلصت فا اخذت ٤ نسخ ومشيت.

طلعت على سان دييغو ووصلت على الساعه ١٢:٣٠ تقريبا قدمت مع تكت لتاني يوم وقالولي تعالا استلم الساعه ٣، نسيت اقولهم اني لم استلم ال ssn فا اتصلوا بيا عشان اروح امضي فا دا اخر الموضوع تقريبا نص ساعه واستلمت.

السفر

يوم ٧/١٢ كلمتهم في التليفون قالولي ان ليه شنطه وعربيه للبيبي بس وان الكار سيت هتتحسب في الشحن ركبت ال ٢ ورحت وعدت الحمد لله، وصلت جده ختملها على الباسبور دخول ورقم الحدود وقالولي اراجع الجوازات لاستخراج الاقامه.

وبس كدا..

 

التجربة –75

تجربة الولادة كاليفورنيا مع دكتور هشام

اولا احب اشكر مهندس **** على التواجد و المجهود المستمر و طبعا على الموقع 

تمت الولاده بحمد الله في ولايه كاليفورنيا ورزقنا ب Emma

الطيران:

احنا كنا حاجزين مصر للطيران رحله دايركت على نيويورك و كانت الطيارة طراز جديد ممتاز و مريح جدااا. وكنا حاجزين ليلة فى فندق جمب المطار.

تانى يوم ركبنا طيران الاسكا لكاليفورنيا كانت الطياره فيها اماكن فاضية و المضيفين كانوا متعاونين و لما شافوا ان مراتى حامل خلونا نقعد براحتنا كل واحد فى ٣ كراسى فكانت مريحة جدا كانت حوالى ٥ ساعات و نص

الاقامة:

اجرت من airbnb و محصلش اى مشاكل.

العربية:

اجرت من Booking.com ب ١٠٠٠ دولار تقريبا ٣٥ يوم بالتأمين. كنت مختار Ford Fusion Or Similar المهم انها تكون Full size علشان الشنط و فعلا رحت مطار ontario ادونى ٥ عربيات اختار اي عربيه منهم و كانت تجربة كويسة 

الولادة:

احنا كنا مع دكتور هشام. الحقيقة زي ما كل الناس بتشهدله هو شخصية غاية في الاحترام و مريح و فاهم الوضع اللى احنا فيه.

فجر ٤ ديسمبر حصل water break و كلمنا دكتور هشام قالنا نستنى شوية عشان مكنش لسه في contractions و بعدين روحناله العيادة كشف و قالنا نروح على المستشفى علطول.

والcervix وصل ١٠ سم علي الساعة ٣ الفجر تانى يوم بلغوا دكتور هشام ووصل فى خلال ١٠ دقايق و الحمدلله تمت الولادة طبيعى. 

التمريض كان ممتاز اذا كان قبل الولاده او بعدها وخصوصا ممرضه اسمها Emily

ما بعد الولادة:

١- مع ان الولادة كانت بدرى لكن كان لازم نقعد يوم زيادة علشان البيبي لازم تعدي عليها ٢٤ ساعة في المستشفى يطمنوا عليها و علشان معملوش الhearing test فى اول يوم و مينفعش اصلا امشى من غيره هو و اختبار الصفرا اللي بيتعمل مره بعد الولاده ومره بعد ٢٤ ساعه

٢- تم تطعيم البيبى hepatitis B

و خدت vitamin k

و تم عمل اختبار الصفراء و مكنش فيه مشكلة.

٣- اليوم الزيادة تم عمل hearing test و بعدين الساعة ١٢ الظهر دكتورة الاطفال judith bedoy (لا انصح بيها)

عملت ان خلاص ممكن نعمل discharge للبيبى

و فعلا على الساعة ٥ المغرب كنا بنحضر نفسنا علشان نمشى لكن طلبنا نوزن البيبى و نعمل تحليل صفراء تانى علشان كنت ملاحظ على البيبى انها مبتشبعش خالص و فى شوية صفار في جسمها وعينها المهم الممرضة كان كل كلامها لا مفيش و متقلقوش لكن انا اصريت ان نعمل الكشف و النتيجة طلعت فعلا ان الصفراء عالية جدا ٨٠% طلبت photo therapy و لكن الدكتورة طلبت ان استنى يومين ده على كلام الممرضة مفيش دكتور جالى و ان كمان امشى على formula و فعلا مشينا على الformula مع الرضاعة و بعدها بيومين روحنا لدكتورة الاطفال الساعة ٤ و تم الكشف مش عن طريق دكتورة bedoy نفسها كانت دكتورة مختلفة المهم اول مشافت البيبى قالتلنا نطلع على الطوارئ نعمل تحليل للصفرا الخضة نفسها كانت غريبة و طلعنا جرى طبعا

و بالفعل عملنا التحليل و طلع عالى بردة بس مش فى مرحلة تحتاج photo therapy 

الحسابات:

١-دفعت المستشفى٢٤٧٥ + اليوم الزيادة كان ٦٥٠ دولار.

٢- روحت سألت على فاتورة الطوارئ و كانت ١٦٦٠ دولار و رحت business office و نزلوها ل ٦٤٠ دولار و لحد دلوقتى بحاول معاهم

ملحوظة: في معمل جمب المستشفى بيعمل تحليل الصفرا ب ٦٥ دولار بس بيقفل الساعه ٥ اسمه Quest بس طبعا لازم طلب للتحليل من عند دكتور

شهادة الميلاد:

قدمت عليها الخميس و روحت الخميس اللى بعده مكنتش طلعت. و خدتها يوم الاتنين. 

الباسبور من سان ديجو كنت واخد معاد و طلع في نفس اليوم بس مشوار محترم و خصوصا الزحمة وقت الرجوع.

التجربة –76

السلام عليكم

تجربة  الولاده – كاليفورنيا – دكتور هشام المقدم – 

الدخول مطار لوس انجلوس تاريخ ١٦ نوفمبر

الفيزا كانت معانا من ٢٠١٥ كنا واخدينها سياحه بس مسافرناش لتغيير البلان اكتر من مره

السفر علي طيران الامارات دايركت دبي لوس انجلوس

الدكتوره كتبتلنا تقرير ا اننا في الاسبوع ال٣٢

في المطار متسالناش عليه بس انا اتبرعت وقولت عشان يدونا كرسي مكان كويس

موظف الاماراتيه غيرلنا الكرسي لاخر صف خالص لانه في كرسي فاضي

دخلنا البيانات والحمدلله انا ومراتي مطلعلناش اكس

رحنا طابور الاوفيسرز كان طويل وفي اتنين ظباط واحده شرق اسيويه وواحد اسمر وواضح انهم كانو بيسالو بس مش بيرخموا اوي

وبعدين جه اتنين تانيين بقوا ٤ ظباط فسرعوا الدنيا شويه

ختموا واستلمنا الشنط وخرجنا

السكن اول ٤ ايام فتدق في كورونا وكان ممتاز

وبعدين نقلنا بيت في jurupa valley من Airbnb وكان ممتاز

المتابعه مع دكتور هشام المقدم اكثر من ممتاز

الولاده قيصري   يوم ١٢ ديسمبر 

الاسبوع ٣٩ في بارك فيو

الممرضات كانو اكتر من ممتازين بصراحه مفيش اي شكوي منهم

وعاوز حاجه منهم هتاخدها بس من غير خناق كله بالذوق بيعملوه وزياده

التقديم علي الشهاده يوم الجمعه ١٣ ديسمبر استلمناها الخميس ١٩ ديسمبر 

والباسبور عملناه في ساندييجو استلمناه نفس اليوم النهارده

شكرا جزيلا لبمشهندس ***** علي ذوقه وجهده اللي لما الواحد كان بيحتاجه في اي وقت بيرد علطول ويدورله كمان علي اللي ممكن يساعده

وبالتوفيق للجميع باذن الله

 

التجربة –77

السفر:

‎سافرت في الاسبوع ٣٢ والرحلة كانت ١٦ ساعه دايركت من دبي الى لوس انجلوس الخطوط الاماراتية و بس وصلنا اخدت الشنط على طول و ما كان فيه تفتيش 

( الاكل كان تمام على الطيارة والاهتمام ممتاز، 

نصيحة للحوامل: البسي شوز رياضة وما تقلعيهوش رجليكي هتورم، امشي كتير كل ساعتين واشربي مي كتير)

الدكتور:

‎كان عندي موعد عند د هشام بعد يومين من الوصول ودفعت ٢٠٠٠ دولار اول زيارة، انا كنت كلمت الدكتور قبل السفر وهو كان باله طويل وجاوبني على كل اسئلتي وده شجعني اني اولد معاه ولما رحتله اول معاد اتطمنت زيادة الحمدلله. 

كان باعتلي الفحوصات المطلوبة و كنت عملتها كلها في دبي بحكم ان اغلبها تتعمل من بداية فترة الحمل يعني مش كلها في الاخر، عملت فحص واحد زيادة للاطمئنان مسح عنق الرحم اخر اسبوعين ودفعت ٤٠ دولار بس 

بعد اول زيارة للدكتور رحت المستشفى عملت tour وشفت غرف الولادة وتكلمت مع مسؤولة التمريض ووقعت عقد المستشفى ووقت الولادة بس رحت عالطوارئ وقلتلهم ان بياناتي متسجلة وفعلا دخلت على طول من غير ما املا اي فورم لان كله كان جاهز

الزيارات والولادة:

‎كنت براجع كل اسبوع مرة، اول زيارة للدكتور غالبا تعارف وتسجيل بيانات ودفع المبلغ، تاني زيارة scan في المختبر 

وتالت زيارة غالبا هي اللي فيها كل التفاصيل والاسئلة.

‎في اسبوع ٤٠ قالي لو عاوزة طلق صناعي ينفع لان خلصت التاسع و حجزلنا موعد يوم التلات بالليل بالمستشفى ندخل بعد الساعة ١٢ بالليل علشان زوجي مسافر وكنت قربت اخلص اسبوع ٤٢. الحمدلله بدأ الطلق طبيعي يوم السبت الصبح ودخلت المستشفى وولدت طبيعي يوم الاتنين بعد ٢٠ ساعه طلق وما احتجت الصناعي ابداً.

الدكتور كان اكتر من روعة في الولادة انا جاتلي حرارة عالية جداً والممرضات بدأوا يخافوا ويحطوا علي تلج وكمادات باردة في كل مكان ويتكلموا بين بعض وهو فضل هادي جداً ولما شاف اننا توترنا انا وزوجي اتكلم معانا وقلنا ان الحرارة مش كويسة للبيبي ولازم يعمل شفط ليه وما فيش خوف وهولد طبيعي قلتله اتوكل على الله انا واثقة فيك والحمدلله خلال ثواني البيبي كان في حضني.

المستشفى:

تجربتنا كانت كويسة وسيئة ونصيحة لو في حاجة مش كويسة قولوا عليها في وقتها وابعتوا للمهندس عرّفوه واتواصلوا مع الدكتور كمان علشان تتصلح على طول، قسم الولادة كويس بس للولادة وما بعرفوش يهتموا في الست بعد ما تولد. احنا اضطرينا نقعد يوم كامل في قسم الولادة والتمريض وقتها كان سيء وخصوصا الاسيويين. لكن قسم بعد الولادة كانوا فعلاً ملايكة اهتمام رهيب.

اخدت تطعيم انفلونزا في المستشفى والبيبي اخد فيتامين k و hep b

طلبت كل حاجة من المستشفى ( مشد للبطن، بامبرز للبيبي، كارسيت، bump يدوي) طلبت حليب صناعي بس رفضوا لاني كنت برضع طبيعي واموري تمام مع اني كنت قايلة انه البيبي هياخد طبيعي وصناعي.

قبل ما اقرر أتابع مع دكتور هشام كنت شفت مستشفى سانت ماري كاليفورنيا هو بالزبط قرايبي ساكنين قدامه يعني كل يوم الصبح افتح الباب المستشفى قدامي 😂

مجموعة اسباب  خلتني اغير و أختار دكتور هشام:

١. اسعار الباكيدج والجروب مضمونة ما فيش اي مفاجئات

٢. التواصل والمراسلات مع المستشفى والدكتور واضحة وناس بروفيشنال

٣. الدكتور انا فاضل بس اكتب فيه شعر والله

د هشام فعلا احسن دكتور انا تعاملت معاه في حياتي في كل المجالات والله ومش مجاملة ومش over. 

انا اول ولادة ليه وكنت بتابع مع دكتورة هندية في دبي تقريبا انا وهي كنا بنتفاهم بلغة الاشارة. 

كلمت د هشام من وانا في دبي ورد علي وجاوبني على كل اسئلتي ولما قلتله على مكان السكان واني خايفة اولد في الطريق اكدلي ان اول ولادة بتاخد وقت وفعلا قعدت في الطلق ٢٠ ساعه. ووقتها استخرت ربنا وارتحت نفسياً واسلوبه في الكلام كان واضح وتواصله عالايميل كان بسرعه ولو بيتأخر بالكتير يومين.

د هشام ربنا يباركله، ما شاء الله عليه اول زيارة كنت لسه اول مرة اقابله وهو فعلا حد محترم وبيراعي ربنا وواضح في الكلام وبياخد وقت كافي مع كل مريضة. يعني انا فعلا كل زيارة كنت بتاكد اني اخترت صح، وحتى زوجي لحقني في اخر زيارة وشكر في الدكتور والحمدلله ربنا ما خيب ظني في الدكتور وكانت الولادة ميسرة وحصلت كم حاجة والتمريض كانوا متوترين بس هو فعلا كان هادي ومسيطر وتعامل بكل هدوء وطمني انا وزوجي طول الوقت.

انا كأول ولادة فعلا كنت مرعوبة وكل شوي اشوف كوابيس وكل ما كنت بروح للدكتور احكيله على الوضع ومرك قعد يشرحلي تفاصيل الولادة وان بما معناه اسوء الاحوال عملية قيصرية يعني وانه هو بيحاول لاخر لحظة يولد طبيعي والحمدلله ولدت طبيعي وبدون طلق صناعي كمان.

لما واجهتنا مشاكل مع التمريض في المستشفى وقلت لدكتور هشام تاني يوم اتعصب جدا وزعل اني ما كلمتوش بس انا بصراحة كنت فاكرة انه هو دكتور توليد وخلاص اكتشفت انه ليه وضع خاص في المستشفى ليه وللمرضى بتوعه والتعامل فعلا اختلف لما هو عرف.

انا ولدت طبيعي والحمدلله بعد يومين كنت خارجة رايحة موعد دكتور الأطفال واموري كانت تمام جدا

المحاسبة والفواتير:

‎بما اني قعدت تقريبا يوم كامل طلق زوجي زهق وراح الحسابات ودفع المبلغ كامل الصبح وموظفة الحسابات اتفقت معاه لو في اي مصاريف زيادة ندفعها قبل ما نخرج، تاني يوم بعد الولادة كان كل شي تمام وكان واضح ان ما فيش اي زيادة على المبلغ اللي اتدفع راح زوجي لموظفة الحسابات واخد كل الفواتير الزيرو بيل و كامل الاوراق وعدينا على medical records اخدنا نسختين للام وللبيبي بس دفعنا تقريبا ٢٠ دولار مش ببلاش

وكنا خلصنا كل الورق والفواتير قبل ما نخرج.

شهادة الميلاد والباسبور:

قدمنا على شهادة الميلاد يوم التلات ٩-١٢ واستلمناها يوم الاربعاء اللي بعده ١٨-١٢ يعني ٧ ايام عمل بس احنا اصلا ما سألناش عليها قبل كده

‎طلعت شهادة الميلاد في خلال ٥ ايام

رحنا يوم الخميس ١٩ جوازات سان دييجو وكان معنا حجز طيران وهمي بتاريخ ٢٠ وقدمناه مع الطلب ( جواز الام والاب، شهادة الميلاد، حجز الطيران) ووقعنا اننا ما استلمناش ssn. دفعنا ١٩٠ دولار للباسبور والكارد.

وصلنا الساعه ١٢:٤٠ قدمنا الطلب واستلمنا الجواز الساعه ٤ مع ان موعدنا كان الساعه ٣. في باركينج قدام الجوازات بس ب ٢٠ دولار ولمدة ٢٤ ساعه، لو هتستخدموه الافضل تروحوا بدري تكسبوا اليوم وتكون معاكو سترولر البيبي وتنزلوا تتمشوا قدام الجوازات عالبحر تحللوا ال ٢٠ دولار 😂 في متحف عسكري باخرة تقريبا تحت الجوازات وفي مطاعم واماكن حلوة تتمشوا فيها لمدة كم ساعه لحد ما يخلص الباسبور

المبلغ المدفوع:

المستشفى: ١٨٥٠ ( شاملين ٥٠ دولار فحص السمع)

دكتور الاطفال: ١٠٠ دولار

التخدير: ٥٢٥ دولار

د هشام: ٢٠٠٠ دولار

شهادة الميلاد( ٤ نسخ – ٢٨ للنسخة)

الباسبور والكارد: ١٩٠ 

فحوصات: ٤٠ دولار‎

 

التجربة –78

تجربتي في كاليفورنيا ديسمبر 2019

الحمدلله الذي بنعمتة تتم الصالحات رزقنا الله بمولود أسميناه يوسف

اول شي احب اشكر المهندس ***** من كل قلبي علي  كل تعبه   معايا وفي اَي استفسار كان دايما موجود ويرد علية وساعدني في اَي وقت كنت احتاج استفسر منه علي حاجة ربنا  يباركلك يارب  ويجعله في ميزان حساناتك. 

السفر:

‎سافرت في الاسبوع ٣٨ انا كان معايا فيزا من سنة وجوزي كان تاني مرة مجددها وكان مسافر٣مرات انا كانت اول مرة اسافر الرحلة كانت كويت نيويورك علي الكويتية الرحلة كانت مريحة والطيارة وضعها كويس  مش زحمة نزلنا المطار حطينا الجوزات علي الجهاز 

 نزلنا نيويورك ٣ايام في فندق سعرو كويس والفطور في كان جميل وكان في وسط السوق كنا بنروح ماشي وبعدين طلعنا علي لوس انجلوس بي طيران ديلتا بس  في التفتيش لما جات تقولي ادخل علي الجهاز قولتلها اني حامل قالتلي لازم اقلع البلوزة لان هي كان شكلها جاكيت حولت افهمها صممت طلبو بنت تفتشني واخدو البلوزة علي الجهاز والحمدلله عديت

الاكل كان تمام علي الطيارتين والاهتمام علي الرحلتين ممتاز )

السكن

 كنا ماجرين من Airbnb  في فونتانا بيت لي واحدة صينية كان روعة بصراحة هدواء ونظيف جدا جدا وحمام خاص وصحبت البيت كويسة جدا والله ماكنت حسة اني قعدة في بيت غريب ارتحت في نفسيا اكتر من بيتي😀.

الدكتور:

‎كان عندي موعد عند د هشام بعد يومين من الوصول ودفعت ٢٠٠٠ دولار اول زيارة، سالت الدكتور علي كل حاجة عاوزة اسال عليها ولاني شايلة الغدة الدرقية وعندي أنيميا كنت خايفة وهو كان باله طويل وجاوبني على كل اسئلتي  ريحني جدا نفسيا

كان باعتلي الفحوصات المطلوبة وعملتها قبل ما اجي باسبوع ماعدا فيرس بي والأيدز مالحقتش قالي عادي هانعملهم هنا واداني موعد الزيارة التانية وقالي لو حسيتي بي حاجة اروح علي الطوارئ واكلمو واحنا في الطريق.

‎في اول الاسبوع ٣٩ كانت الزيارة التانية وماكنش في اَي أعراض ولادة  قالي لو عاوزة طلق صناعي ينفع لان خلصت الاسبوع ٣٨ و حجزلنا موعد يوم الاربعاء بالليل بعد الساعة ١٢

الدكتور كان اكتر من ممتاز في الولادة انا قعد عندي  طلق ١٧ساعة طبعا جالي هبوط لان انا كمان عندي أنيميا وجالي نزيف اكتر حاجة كانت مطمناني وجود دكتور هشام حاول ان مايحسسنيش باَي حاجة ولاهو كان متوتر وفضل عندو صبر ان يولدني طبيعي قالي في حالة واحدة هاتولدي قيصري لو نبض البيبي نزل والحمدلله فضل معايا لغاية ما ولدت طبيعي بفضل ربنا ودكتور هشام اَي  كلمة شكر في حقه والله قليل علية .

المستشفى:

تجربتي كانت كويسة وسيئة ونصيحة لو في حاجة مش كويسة قولوا عليها في وقتها وابعتوا للمهندس زيدان   انا كلمتو وحكتلك  ووعدني ان هايبلغ الدكتور وطلب مني اسم الممرضات .قسم الولادة كان وحش جدا  جدا اتنين بس اللي كانو كويسين  بس  بعد الولادة كويسين ماعدا بتاعت الاطفال والحاجة اللي متعبة جدا ان مش بيدوكي وقت حتي تفوقي من اللي كنتي في ومش بيعرفو ازي يهتمو فيكي وماعرفتش حتي انام.

البيبي اخد فيتامين k و hep b وعملوله فحص السمع واديتني الورقة   بعد الفحص 

طلبت من الممرضة حزام البطن بس إلحزام مش اوي يعني عادي جدا حتي الدكتور هشام قالي هو يشد الضهر شوية بس مش هو دة الحزام اللي لو عوزة عشان يظبط شكل البطن .

 

المحاسبة والفواتير جوزي تاني يوم راح دفع كل شي وكانت كل المبالغ مظبوطة ولا شي ناقص ولا شي زيادة بس فاتورة ابرة الظهر  جينا ندفعها فيزا السيستم ماقبلش الفيزا قولنا لها بكرة بنيجي  ندفعها ورحنا دفعنا تاني يوم واخدنا الزيرو بيل وmedical records .

شهادة الميلاد والباسبور:

قدمنا على شهادة الميلاد يوم ١٣/١٢واستلمنها يوم ٢٠/١١

رحنا في نفس اليوم جوازات سان دييجو وكان معنا حجز طيران بتاريخ تاني يوم وقدمناه مع الطلب ( جواز الام والاب، شهادة الميلاد، حجز الطيران/صور البيبي) ووقعنا اننا ما استلمناش ssn. دفعنا ١٧٥دولار للباسبور  روحنا الساعة ١:٣٠ الساعة ٤استلمناة.

العودة 

حسّيت ان كان هايبقي صعب علينا ارجع نفس الخط لان الوزن كان بقي زيادة معاية وطيران الديلتا التذكرة بدون وزن فافضلت اطلع علي القطرية والحمدلله كان اختيار موفق ورحلة جميلة ونمت فيها اكتر مانمت في المستشفي😀

التجربة كانت جميلة جدا وماحستش بي الملل بسبب الجروب والمشاركة والتجارب اللي الواحد بيستفاد منها وكنت اسال القي اكتر من حد يرد ويفيدني وبالأخص الأستاذ حمدي كان دايما بيرد على اَي استفسار ووفاء كمان بشكركم كلكم جدا وانشالله ربنا يوفق بقيت الأمهات ويقوموا بصحة كويسة ومبسوطين يارب .🙏

 

التجربة –79

مساء الخير جميعا، حابة اشارككم بتجربتنا في الولادة بكاليفورنيا مع الدكتور هشام المقدم.
السفر أنا واخت زوجي والولادة ١٤/١٠/٢٠١٩

الطيران: 
سافرت أنا واخت زوجي بدون زوجي
 و طلعنا من مطار عمان-الاردن على طيران الملكية الاردنية دايركت من عمان لشيكاغو ١٣ ساعة.

 

مطار عمان:
  انا كنت بالأسبوع ٣٥ 

‎وصلنا المطار ..اللي على ال check in
 وسالني اذا حامل وقلتله ايوة حامل وورجيته فورم الدكتور وموافقة دكتور الملكية ووقعني على فورم تاني من المطار ومشت الامور طبيعية بدون مشاكل.

الطيران:
  انا كنت بزنس كلاس الكراسي جدا مريحة لكن الطيران انا بنظري سيء. اولا،كان الفرق بين الوجبتين ١٠ ساعات ومع الحمل هاي المدة جدا طويلة ومرهقة. تانيا، الستاف تعاملهم مش لطيف كتير مع انه عارفين اني حامل لكن طول الرحلة المضيفات ما بيجيبوا لا مي ولا اي شي. تالتا، مافي نت طول الرحلة.

مطار شيكاغو:
  وصلنا مطار شيكاغو وعملنا scan للفيزا تبعتنا على الجهاز والحمدلله ما طلعلنا X، وقفنا عالدور وكان جدا سريع

الطيران الداخلي من شيكاغو لكاليفورنيا

كان جدا سيء الكراسي مش مريحة أبدا وضيقة كتير. وصلنا مطار لوس انجلوس أخدنا الشنط (وحدة منها كانت مكسورة) وطلعنا أخدنا تكسي المطار وطلعنا على أنهايم. كان جدا سيء الكراسي مش مريحة أبدا وضيقة كتير

السيارة: 

استأجرنا سيارة عن طريق Booking واخدناها جيب ( اولها فكرنا انه ما رح نحتاجها كبيرة لكن بعد منقلنا من شفة للتانية ولما طلعنا عالمطار مع الشناتي الكتار طلع يا دوب الواحد يستاجر جيب وهو بيطلع نفس سعر السيارة العادية)

الدكتور: 
 اختيارنا كان للدكتور هشام لاكتر من سبب اولها سرعة رده عالايميلات، تانيا انا كان عندي مضاعفات بالكلية بسبب الحمل حكيت معه تلفون من الاردن ورد علي عطول وسألت كل الاسئلة اللي مخوفاني وجاوبني بكل اريحية وريحني جدا.

السكن 
 كان بانهايم وكنت اروح كل اسبوع مرة على موعدي عند الدكتور هشام. 

اول زيارة عبيت الفورمات ودفعنا ٢٠٠٠ دولار كاش وقعدنا معه اكتر من نص ساعة وهو يعرف كل التحاليل ووضع الكلية عندي وسالته كل الاسئلة اللي مخوفتني واخد مني كل المعلومات المهمة، الدكتور هشام اكتر من رائع بتعامله وانسانيته وشطارته.

المستشفي:
 كنت محتارة بين مستشفى باركفيو وريفرسايد والدكتور هشام نصحني بباركفيو بسبب انه فواتيرهم اوضح وتعاملهم اريح. 

فعلا رحت على باركفيو وشفتها من برة ( لانه طلع لازم نعمل موعد اذا بدنا ناخد tour( وكانت المسؤولة طالعة بريك غداء ومش موجودة، ارتحت للمستشفى كتير من ناحية النظافة وتعاملهم.

قبل الولادة بيوم نقلت على شقة بينها وبين مستشفى باركفيو ١٠ دقايق، وتاني يوم رحت للدكتور هشام موعد المراجعة الاسبوعية، كان ضايلي يومين وبفوت بالاسبوع ال ٣٩ لكن بسبب وضع الكلية كنت تعبانة كتير وطلعت المي ناقصة عالبيبي قلي الدكتور هشام اطلعي من عندي على طول عالمستشفى.

رحت الشقة جبت اغراضي وطلعت عالمستشفى لقيته واصل قبلي، تعامل الممرضات ومتابعتهم قبل الولادة كانت اكتر من رائعة لكن للاسف اجت حالتين طارئتين قبلي فتاخرت من الساعة ٦ لحد الساعة ١١:٣٠ لفتت الولادة. التخدير كان ابرة الظهر مع دكتور كان اكتر من رائع وشاطر (اسمه دونالد على ما اذكر) والولادة كانت قيصري(بسبب ولادتين قيصريات قبلها) لكن للاسف اول مالدكتور هشام طلع البيبي كان الحبل السري ملفوف حولين رقبته مرتين وهدا ما خلاه يتنفس ويعيط عطول وسبب عنده صمام بين القلب والرئتين ما سكر وعمل عنده ضغط عالي بالرئتين السبب اللي خلاه يفوت عال NICU عطول.

الغرفة: 
 مع انه جناح الولادة كان فل الا انه الغرفة كانت الي لحالي فيها سريرين الي وللمرافق، لكن للأسف كان الكونديشن فيها خربان وكانت الغرفة باردة جدا جدا جدا حاولوا تاني يوم يصلحوه لكن رجع مرة تانية مما خلاهم ينقلوني على غرفة تانية فيها سرير الي وصوفا بيد للمرافق، مع انها الغرفة اكبر الا انه الصوفا ما كانت مريحة كتير.

الممرضات: 
 تعامل الممرضات اكتر من رااااائع واخص بالذكر ممرضة اسمها نيكي ناوبت عندي ليلتين هي اللي جابتلي حزام البطن وساعدتني بكل شي اطلبه.

البيبي: 
 للأسف قعد بال NICU ١١ يوم، لكن الحمدلله وحدة العناية للخدج كان فيها الدكتور Daniel Saesim هو اللي كان دكتور ابني وتعاقب بعده ٣-٤ دكاترة صراحة كانوا شاطرين كتير كتير والوحدة مجهزة بافضل واحدث المعدات وطلعت المستشفيات القريبة بتبعت الحالات عليه لانه هي افضل وحدة بالمنطقة. 

في رابع يوم الدكتور Saesim شافنا عم منخاول نسجله عشان نبعت لزوجي ونحكيله التفاصيل وعرض انه هو يحكي معه من المستشفى بوجود مترجم عربي عشان يفهمه الحالة ويجاوب عأسئلته، وفعلا خلال خمس دقايق كانت الممرضة (أيمي) ماخده رقم زوجي وحاكية مع ال call center وطالبة رقم زوجي والمترجم العربي واعطت التلفون للدكتور اللي كان يحكي بالانجليزي والمترجم يترجم لزوجي بالعربي وزوجي يسأل بالعربي والمترجم يترجم للدكتور بالانجليزي. المكالمة قعدت يمكن ربع الى نص ساعة لحد مالدكتور جاوب عكل اسئلة زوجي وفهمه الحالة.

الممرضات اكتر من رائعات واخص بالذكر (غابي ولورا) اللي كانوا حريصات يساعدوني مش بس بما يخص الطفل ايضا بما يخص الرضاعة والتامين واي سؤال عندي بيقدروا يساعدوني فيه.

الرضاعة: 
 بسبب انه ابني ما كان يتنفس لحاله ما سمحلولي ارضعه الا عاليوم السابع وقتها جابولي اخصائية الرضاعة ضلت معي وبنفس الوقت كان ورا الستائر ٣ ممرضات عشان في حالة لا سمح الله نزل تنفسه او نبضه يتدخلوا على طول.

الفواتير: 
 لما خرجت من المستشفى في اليوم الثالث رحت عالمحاسبة وخلصت امور فواتيري أنا لانه الطفل ما زال بالمستشفى. تاني يوم رحت لجينيفر (سكرتيرتها كورين لئيمة كتير ما بنصح اي حد يتعامل معها) كانت اكتر من رائعة وانسانية اعطتني عطول من عندها فواتيري الزيرو بيل نسختين وانا موجودة عندها وحاولت معها عشان تخفضلي بفاتورة ابني لانه على البكج تبعتنا بيكلف ٣٠٠٠ دولار باليوم، نزلتلي لغاية ٢٠٠٠ دولار باليوم وكنت كل يومين ارجع اروحلها واقلها تخفضلي لانه صعب ادبر هيك مبلغ كبير خلال كم يوم، ضلت لحد ماخدت موافقة مدير المستشفى على ١٢٠٠ دولار باليوم ولغولي يوم فطلع حسابه ١٢٠٠٠ دولار ب ١٠ أيام (مع انه فاتورته الحقيقية كانت ١١٨ الف وهدا خلاني افكر انه اعمله medicaid لانه امريكي وبيطلعله تأمين لكن الحمدلله تيسرت وما عملتله).

الزيرو بيل اخدتها من عند جينيفر لابني بعد ب ٢٤ ساعة من خروجه من المستشفى. ( مع انه كورين كانت تقول بدها اسبوع) بس جينيفر كانت متساهلة وبتساعد كتير وهي اللي حضرتلي اياهم وزلتلي اياهم.

شهادة الميلاد: 
 كانت الولادة يوم الاثنين بالليل، يوم الثلاثاء الصبح اجت المسؤولة عن شهادة الميلاد وعبيت الفورم ورجعت العصر اخدته.

وللاسف بسبب انشغالي مع ابني ب NICU نسيت اشيك معها اي يوم بعتتها لل county فرجعت يوم الاربعاء العصر شيكت معي على المعلومات وقالتلي حتبعتها بكرة الخميس. 

الخميس اللي بعده (يعني بعد ٥ ايام عمل) رحت للمقاطعة وبعد الحاح من الموظف هناك انه بدها ١٠ اسابيع وانا اقله اوكي انا حدفع ال ٢٨ دولار وشيكلي، وبالاخر شيكلي والحمدلله كانت طالعة اخدت منها ٤ نسخ.

جواز السفر: 
 طلع ابني من المستشفى يوم الجمعة وطبعا سبت واحد عطلة والاثنين كانت مراجعته عند دكتور الاطفال فطلعت فيه يوم الثلاثاء من الصبح على سان دييغو كنا عاملين موعد الساعة ١١ وكان حجزنا يوم الأربعاء على شيكاغو والجمعة من شيكاغو للاردن. رحنا على الجوازات وكانت فاضية ومافيها دور طويل قدمنا الاوراق وطلبت اثبات التكت السفر تاني يوم والتفويض اللي بعتلي اياه زوجي فيديكس. طلبنا الكرت مع الجواز ووقعت انه ما استلمت ال SSN خلصنا الساعة ١١:٣٠ تقريبا وقالتلنا ارجعوا استلموه الساعة ٣ وفعلا رجعنا الساعة ٤ كان جاهز استلمناه ورجعنا على ريفرسايد.

الطيران الداخلي من لوس انجلوس لشيكاغو: 
 دكتور الخداج بباركفيو كتب عتقرير الخروج انه ممنوع ابني يسافر الا يراجع عند دكتور قلب اطفال عشان يعطيه الاذن بالسفر عالطيارة لانه السفر طويل عليه وممكن تنفسه يكون بخطر بسبب ضغط الطيارة، اجلنا السفر الى شيكاغو من يوم الاربعا ليوم الخميس، ورحنا عدكتور القلب يوم الأربعاء والحمدلله كان الصمام مسكر وأعطانا الإذن نسافر، طلعنا يوم الخميس إلى مطار لوس انجلوس عشان نسافر لشيكاغو لكن كان معي وزن زيادة  في كل شنتة (وذلك بسبب انشغالي مع البيبي بالمستشفى ما ققدرت انزل اجيب شنتة زيادة واعمل وزن كل شنتة بما هو مسموح) واللي عالكاونتر ما قدرت تمرقني فيهم لانه لازم قرار شخصين انه ما في مانع امرق بالوزن الزيادة وصرت متورطة اني اروح اجيب كرتونة وافضي الوزن الزيادة فيها. لكن الله يسر انه البنت اللي كانت عالكاونتر حاولت مع اكتر من حد من زملائها انه معي بيبي ويمشوني، لكن ٢ منهم رفضوا واخر شي حاولت مع البنت اللي جنبها ورضيت واخدوا مني الشناتي وحطوا عليهم بادج ال heavy والحمدلله عدت على خير….

طيران العودة من شيكاغو لعمان: 
 كانت مع الملكية الاردنية (جبت شنتة زيادة وعملت وزن كل شنتة ٢٣ كيلو بالزبط لانه الملكية رخمين وما بمرقوا الوزن الزيادة) حجزنا الصف الأول مع bassinet كانت مريحة كتير والطاقم كانوا كتير رائعين بالتعامل والبيبي كان نايم طول الطريق تقريبا.

ملاحظة: 
 الملكية الاردنية عالتلفون وعالموقع حاطين انه البيبي ما اله شنتة الا carry on ١٠ كيلو لكن في مطار شيكاغو اللي عالكاونتر قالتلنا انه بيقولوا هيك لكن بيطلع للبيبي شنتة ٢٥ كيلو و carry on ١٠ كيلو.

التأمين: 
 بوبا السعودي عوضنا مبلغ الولادة كامل الا ١٠٠ دولار لكن مبلغ البيبي عوضنا بس ٦٠٪؜ بحجة انه في الرياض حالته بتاخد فقط ٥ أيام مع انه بالتقرير كان لسة ما بيتنفس لوحدة من اليوم ٦-٩ …… المفاوضات مع التامين جارية الها ٤ اشهر وما زالت لعل وعسى يعوضونا اكتر.

نصيحة: 
 اللي حيختار مستشفى دايما اختاروا مستشفى فيها NICU لانه ما بيعرف الواحد شو حيصير مع البيبي فتكوني انتي والبيبي بنفس المستشفى وتكون الوحدة مجهزة ودكاترتها ممتازين بيخفف توتر وضغط عالأم من انه ياخدوه عمستشفى تاني وتصير هي بمستشفى وهو بمستشفى.

وبالنهاية بحب اشكر المهندس *****اللي كان النا بعد الله تعالى خير معين بهاي التجربة وما بخل علينا باي استفسار ولا اي مساعدة ممكنة….

لولا توتال كير كانت الرحلة كلها درب من الخيال لكن بسبب التفاصيل الدقيقة اللي كانت عالموقع واللي درسناها وحفظناها عن ظهر قلب قبل وخلال التجربة كانت الحمدلله من انجح ما يكون……

كل التقدير للمهندس**** والله يعطيك الف عافية ويحزاك عنا كل خير